ଜଗନ୍ନାଥ

ଶ୍ରୀଜଗନ୍ନାଥ ହେଉଛନ୍ତି ବ୍ରହ୍ମାଣ୍ଡର ମାଲିକ ଓ ଓଡ଼ିଆ ଜାତିର ଆରାଧ୍ୟ ଦେବତା। ସେ ଭଗବାନ ବିଷ୍ଣୁ କିମ୍ବା ଶ୍ରୀକୃଷ୍ଣଙ୍କର ଦାରୁମୟ ଅବତାର ଭାବରେ ପୁରୀ ଶ୍ରୀମନ୍ଦିରର ରତ୍ନବେଦୀରେ ପୂଜା ପାଆନ୍ତି। ତାଙ୍କର ଏହି ରୂପ ଅତ୍ୟନ୍ତ ନିଆରା, ଯେଉଁଥିରେ ସେ ହାତ-ଗୋଡ଼ ବିହୀନ ଗୋଲାକାର ନେତ୍ର ବିଶିଷ୍ଟ ଦାରୁ ମୂର୍ତ୍ତି ଭାବେ ଦର୍ଶନ ଦିଅନ୍ତି। ଶ୍ରୀଜଗନ୍ନାଥ ସଂସ୍କୃତିରେ ଜାତି, ଧର୍ମ ଓ ବର୍ଣ୍ଣର କୌଣସି ଭେଦଭାବ ନାହିଁ। ସେ ସମସ୍ତଙ୍କର ନାଥ ଓ ପତିତପାବନ। ରଥଯାତ୍ରା ସମୟରେ ସେ ଶ୍ରୀମନ୍ଦିରରୁ ବାହାରି ଜଗତର ସବୁ ଭକ୍ତଙ୍କୁ ଦର୍ଶନ ଦେବା ପାଇଁ ବଡ଼ଦାଣ୍ଡକୁ ଆସିଥାନ୍ତି।