Adhyaya 5

Couplet 1

ଏମନ୍ତେ ବିଷ୍ଣୁର ବଚନେଦୂର୍ବାସା ଗଲେ ତୋଷମନେ

Couplet 2

ତକ୍ଷଣେ ଅମ୍ବରୀଷ ପାଦେପଡ଼ିଲେ ଜୀବନ ପ୍ରମାଦେ

Couplet 3

ଚରଣ ତଳେ ତାଙ୍କୁ ଦେଖିସଂଭ୍ରମେ ଆସନ ଉପେକ୍ଷି

Couplet 4

ବିପ୍ର ଜୀବନ ରକ୍ଷା ଅର୍ଥେକର-ଅଞ୍ଜଳି ଦେଇ ମାଥେ

Couplet 5

ସୁଦରଶନ ମୁଖ ଚାହିଁଡାକନ୍ତି କର ତ୍ରାହି ତ୍ରାହି

Couplet 6

ଭୋ ଚକ୍ର ତୋ' ମହିମା ଯେତେକେ କହିପାରେ ଏ ଜଗତେ

Couplet 7

ତୁ ଅଗ୍ନି ତୁ ଆଦିତ୍ୟ ସୋମସର୍ବଜ୍ୟୋତିଙ୍କ ଗୁଣଧାମ

Couplet 8

ତୁ ଆପ କ୍ଷିତି ବାୟୁରୂପୀବ୍ୟୋମ ପ୍ରକାଶେ ସର୍ବବ୍ୟାପୀ

Couplet 9

ତୁ ତନମାତ୍ର ଇନ୍ଦ୍ରିଗଣବିରାଜପୁରୁଷ କାରଣ

Couplet 10

ଭୋ ଚକ୍ର ତୋତେ ନମସ୍କାରସ୍ୱଭାବେ ତୁ ସହସ୍ର ଅର

Couplet 11

ବିଷ୍ଣୁର ନିଜ ପ୍ରିୟ ତୁହିତୋ' ଭାବ ନ ଜାଣନ୍ତି କେହି

Couplet 12

ସକଳ ଶସ୍ତ୍ରତେଜ ହରୁତୋ'ର ମହିମା ମହାମେରୁ

Couplet 13

ତୁ ଲୋକପାଳ ସର୍ବଆତ୍ମାତୁ ତେଜ-ପୁରୁଷ ମହାତ୍ମା

Couplet 14

ତୁ ସର୍ବ-ଧର୍ମ-କର୍ମ-ହେତୁଅଧର୍ମକୁଳ ଧୂମକେତୁ

Couplet 15

ତ୍ରୈଲୋକପାଳ ଶୁଦ୍ଧଚେତାମନହୁଁ ବେଗ ବଳବନ୍ତା

Couplet 16

ତୋହର ନିଜ ତେଜ ତ୍ରାସେସଂସାର ଘୋରତମ ନାଶେ

Couplet 17

ଶ୍ରୁତି ତୋ' ମହିମା ନ ଜାଣେକେବଳ ପ୍ରକାଶ ପ୍ରମାଣେ

Couplet 18

ସଦଅସଦ ରୂପ ତୋ'ରବ୍ରହ୍ମାଶିବଙ୍କୁ ଆଗୋଚର

Couplet 19

ଦାନବ ବଳେ ନରହରିତୋତେ ପେଷନ୍ତି ବେଗକରି

Couplet 20

ତୁ ଦୈତ୍ୟବଳ ମଧ୍ୟେ ପଶିସକଳ ନିଜ ତେଜେ ଧ୍ୱଂସି

Couplet 21

ଅସୁର ରଣେ ତୋ'ର ତେଜଦେଖି କମ୍ପଇ ଗ୍ରହରାଜ

Couplet 22

ଏଣୁ ଜଗତ ତ୍ରାଣ ଅର୍ଥେଖଳ ବିନାଶେ ଧରି ହସ୍ତେ

Couplet 23

ତୋ' ବଳେ ବଳୀ ଗଦାଧରତୁ ଏବେ ମୋତେ ତ୍ରାହିକର

Couplet 24

ଏ ବିପ୍ର କୁଳଦେବ ମୋରଏହା ଜୀବନ ରକ୍ଷା କର

Couplet 25

ମୁଁ ଯେବେ ଦାନ ଯଜ୍ଞ କରିସ୍ୱଧର୍ମ ମାର୍ଗକୁ ଆଚରି

Couplet 26

ବ୍ରାହ୍ମଣ-ଚରଣକମଳେଯେବେ ସେବନ ମୋ'ର କୁଳେ

Couplet 27

ଯେବେ ଗୋବିନ୍ଦ ପ୍ରୀତ ମୋତେମୁଁ ସମେ ଦେଖେ ସର୍ବଭୂତେ

Couplet 28

ଏ ଧର୍ମେ ଯେବେ ମୋର ଦୀକ୍ଷାଏ ବିପ୍ର ପ୍ରାଣ ହେଉ ରକ୍ଷା

Couplet 29

ଏମନ୍ତ ଶୁଣି ତା' ବଚନବିଷ୍ଣୁର ଚକ୍ର ସୁଦର୍ଶନ

Couplet 30

ତକ୍ଷଣେ ନିଶାକର ପ୍ରାୟେଶୀତଳ ଲାଗେ ବିପ୍ର ଦେହେ

Couplet 31

ଦୁର୍ବାସା ଜୀବନ ପାଇଲାସନ୍ତୋଷେ ଚକ୍ରକୁ ଚାହିଁଲା

Couplet 32

ଚକ୍ରକୁ ନମସ୍କାର କରିବୋଲେ ଦୁର୍ବାସା ବ୍ରହ୍ମଚାରୀ

Couplet 33

ଦେଖ ଅନନ୍ତଦାସଙ୍କରମହାମହିମା ଅଗୋଚର

Couplet 34

ଅପ୍ରାଧ କଲେ ହେଁ ସହନ୍ତିବିଷ୍ଣୁଙ୍କୁ ସର୍ବଦେହେ ଚିନ୍ତି

Couplet 35

ସାଧୁ କି ଅବା ନ ଉପେକ୍ଷେହରି ସକଳ ଦେହେ ଦେଖେ

Couplet 36

ଯା' ନାମ ସୁମରଣ ମାତ୍ରେଦୁରିତ ନରହଇ ଗାତ୍ରେ

Couplet 37

ସେ ତୀର୍ଥପଦ ଦାସ ଯେତେଦୁଃଖ ନାଶନ୍ତି ଏ ଜଗତେ

Couplet 38

ଯେଣୁ ରଖିଲୁ ମୋ' ଜୀବନତୋ'ର ମହିମା ଧନ୍ୟ ଧନ୍ୟ

Couplet 39

ଏମନ୍ତ ବିପ୍ର ମୁଖୁଁ ଶୁଣିକପୋଳେ ଦେଇ ବେନିପାଣି

Couplet 40

ବୋଲେ ଦୁର୍ବାସା ମୁଖ ଚାହିଁଭୋ ବିପ୍ର କର ମୋତେ ତ୍ରାହି

Couplet 41

ତୁ ଯେ ଅତିଥି ମୋ'ର କୁଳେମିଳିଲୁ ପାରଣାର ବେଳେ

Couplet 42

ପାରଣା ଭୟେ ମୁଁ ଗୁପତେଅପ୍ରାଧ କଲି ଦୁଷ୍ଟଚିତ୍ତେ

Couplet 43

ସେ ଅପରାଧ ମୋ ନ ଧରପାରଣା ମୋ'ର ଗୃହେ କର

Couplet 44

ଏମନ୍ତ ରାଜାର ବଚନେପାରଣା କଲେ ତୋଷମନେ

Couplet 45

କଲ୍ୟାଣ କରି ଅମ୍ବରୀଷେଅନେକ ମନର ହରଷେ

Couplet 46

ତକ୍ଷଣେ ଶୂନ୍ୟମାର୍ଗେ ଗଲେବ୍ରହ୍ମାର ଭୁବନେ ମିଳିଲେ

Couplet 47

କହିଲେ ଅମ୍ବରୀଷ ବାଣୀବ୍ରହ୍ମା ସନ୍ତୋଷ ତାହା ଶୁଣି

Couplet 48

ରାଜାକୁ କଲେ ଧନ୍ୟଧନ୍ୟଏବେ ହୋ ଶୁଣସି ରାଜନ

Couplet 49

ସେ ଅମ୍ବରୀଷ ଦଣ୍ତଧାରୀପୁତ୍ରକୁ ରାଜ୍ୟେ ରାଜା କରି

Couplet 50

ହରିଚରଣେ ମନ ଦେଇପଶିଲା ଘୋର ବନେ ଯାଇ

Couplet 51

ପ୍ରାଣ ଛାଡ଼ିଲା ତପବଳେପଶିଲା ବିଷ୍ଣୁର ମଣ୍ତଳେ

Couplet 52

ସେ ଅମ୍ବରୀଷର ଆଖ୍ୟାନଯେ କରେ ଶ୍ରବଣ କୀର୍ତ୍ତନ

Couplet 53

ହରିଚରଣ ମନେ ଚିନ୍ତିଅନ୍ତେ ସେ ଗୋବିନ୍ଦେ ପଶନ୍ତି

Couplet 54

ସୁଜନେ ଅମ୍ବରୀଷ ବାଣୀସଂସାରୁ ତର ଏହା ଶୁଣି

Couplet 55

ଅମୃତ ରସମୟବାଣୀଭକତ ମହିମା ବଖାଣି

Couplet 56

ବୋଲଇ ବିପ୍ର ଜଗନ୍ନାଥନବମସ୍କନ୍ଧେ ଭାଗବତ