Adhyaya 4

Couplet 1

ନାଭାଗ ନଭଗର ବଳାପୂର୍ବେ ସେ ବ୍ରହ୍ମଚର୍ଯ୍ୟ କଲା

Couplet 2

ଭାଇଏ ତା'ର ଭାଗ କାଟିସର୍ବ ସମ୍ପଦ ନେଲେ ବାଣ୍ଟି

Couplet 3

ଭାଇଙ୍କୁ ବୋଲେ ଭାଗ କାହିଁପିତା ତୋ' ଭାଗେ ବୋଲେ ଭାଇ

Couplet 4

ପିତାଙ୍କୁ ବୋଲନ୍ତେ ତା' ଯାଇସେ ବୋଲେ ଉଚିତ ନୁହଇ

Couplet 5

ବୋଇଲା ପୁଣି ଯାଅ ତୁହିଅଙ୍ଗିରସଙ୍କ ଯଜ୍ଞ ଯହିଁ

Couplet 6

ତାହାଙ୍କୁ ଦେବୁ ଉପଦେଶଲଭିବୁ ଦ୍ରବିଣ ଅଶେଷ

Couplet 7

ପିତାର ବୋଲେ ଯଜ୍ଞେ ଗଲାଅନେକ ଧନ ସେ ଲଭିଲା

Couplet 8

ତା' ଘେନି ସେ ଯେ ବାଟେ ଆସେମିଳିଲା କାଳିଆ ପୁରୁଷେ

Couplet 9

ବୋଲଇ ମୋ'ର ଧନ ନେଇପଳାଇ ଯାଉ କାହିଁପାଇଁ

Couplet 10

ସେ ବୋଲେ ନ ଜାଣଇ କିଛିପିତା ବଚନେ ନେଉଅଛି

Couplet 11

ପୁରୁଷ ବୋଲେ ତୁ ପଚାରପିତାଙ୍କୁ ଏ ଧନ କାହାର

Couplet 12

ତହୁଁ ନାଭାଗ ବେଗେ ଗଲାସକଳ ପିତାଙ୍କୁ କହିଲା

Couplet 13

ପିତା ବୋଇଲେ ସତ୍ୟ ଏହାପୂର୍ବେ ଋଷି ଏ କଲେ ଯାହା

Couplet 14

ଯଜ୍ଞର ଶେଷ-ଧନ ଆଦିରୁଦ୍ରଙ୍କ ଭାଗ ବୋଲି ବିଧି

Couplet 15

ନାଭାଗ ତହୁଁ ବେଗେ ଗଲାରୁଦ୍ରେ ସକଳ ସମର୍ପିଲା

Couplet 16

ପିତା ପୁତ୍ରର ସତ୍ୟ ଜାଣିରୁଦ୍ର ବୋଲନ୍ତି ସାଧୁବାଣୀ

Couplet 17

ବୋଇଲେ ସର୍ବ ଘେନିଯାଅଆବର ବ୍ରହ୍ମଜ୍ଞାନ ପାଅ

Couplet 18

ଏମନ୍ତେ ସେ ନାଭାଗ ରାଜାସୁଖେ ପାଳିଲା ଜନପ୍ରଜା

Couplet 19

ଅନେକ କାଳ ରାଜ୍ୟ କଲାଅନ୍ତେ ସେ ଗୋବିନ୍ଦେ ପଶିଲା

Couplet 20

ନାଭାଗ-ପୁତ୍ର ଅମ୍ବରୀଷସେ ରାଜା ବିଷ୍ଣୁର ବିଶ୍ୱାସ

Couplet 21

ବ୍ରାହ୍ମଣ ଶାପ ନ ଲାଗିଲାତା' ଶୁଣି ଅଭିମନ୍ୟୁବଳା

Couplet 22

ଶୁକ ଚରଣ ବେନି ଧରିବୋଲେ ପରୀକ୍ଷ ଦଣ୍ତଧାରୀ

Couplet 23

ନାଭାଗ ପୁତ୍ର ଅମ୍ବରୀଷସେ ଯେବେ ବିଷ୍ଣୁର ବିଶ୍ୱାସ

Couplet 24

ବ୍ରାହ୍ମଣ ଶାପ ନ ଲାଗିଲାମୋତେ ତ ସନ୍ଦେହ ଲାଗିଲା

Couplet 25

ଯେ ବ୍ରହ୍ମଦଣ୍ତ ବଜ୍ରଘୋରକେମନ୍ତେ ତହୁଁ ହେଲା ପାର

Couplet 26

କି ଅବା ତା'ର ତପ ଫଳୁଁତରିଲା ବ୍ରହ୍ମଶାପାନଳୁଁ

Couplet 27

ଏ କଥା କହ ମୁନି ମୋତେସଂଶୟ ଲାଗିଲା ମୋ' ଚିତ୍ତେ

Couplet 28

ଏମନ୍ତ ରାଜା-ପ୍ରଶ୍ନ ଶୁଣିଶୁକ କହନ୍ତି ମଞ୍ଜୁବାଣୀ

Couplet 29

ଶୁଣ ରାଜନ ଏକଚିତ୍ତେଯେ ପ୍ରଶ୍ନ ବଂଶାନୁଚରିତେ

Couplet 30

ନାଭାଗସୁତ ଅମ୍ବରୀଷଯେମନ୍ତେ ବିଷ୍ଣୁର ବିଶ୍ୱାସ

Couplet 31

ବ୍ରାହ୍ମଣ ଶାପ ନଲାଗିଲାଅନ୍ତେ ସେ ଗୋବିନ୍ଦେ ପଶିଲା

Couplet 32

ସେ ସପ୍ତଦ୍ୱୀପେ ଏକ ରାଜାସୁଖେ ପାଳଇ ଜନପ୍ରଜା

Couplet 33

ସାତ୍ତ୍ୱିକ-ସମ୍ପଦ ତାହାରବିବେକ କେ କରୁ ଗୋଚର

Couplet 34

ସପତ ଦ୍ୱୀପେ ରାଜାପଣେପ୍ରଜା ପାଳଇ ଅନୁକ୍ଷଣେ

Couplet 35

ଶରୀର ସୁଖକୁ ନ ଲେଖେସମ୍ପଦ ସ୍ୱପ୍ନ-ପ୍ରାୟ ଦେଖେ

Couplet 36

ଯେ ପ୍ରାଣୀ ସମ୍ପଦ ଇଚ୍ଛନ୍ତିଅନ୍ତେ ସେ ନରକେ ପଡ଼ନ୍ତି

Couplet 37

ଏମନ୍ତ ନିଶ୍ଚେ ଜାଣି ମନେହରି ଭଜଇ ତତ୍ତ୍ୱଜ୍ଞାନେ

Couplet 38

ବିଷ୍ଣୁଭକତ ଯେତେ ଜନତାହାଙ୍କ ପାଦେ ତା'ର ମନ

Couplet 39

ସାଧୁଙ୍କ ପାଦେ ନିତ୍ୟେ ସେବେସଂସାର ଆତ୍ମାରୂପେ ଭାବେ

Couplet 40

ହରିଚରଣ ଯୁଗେ ମନବିଷ୍ଣୁ ଉଚ୍ଚାରଇ ବଦନ

Couplet 41

ବିଷ୍ଣୁର ମନ୍ଦିର ମାର୍ଜନେକର ଯୁଗଳ ଅନୁଦିନେ

Couplet 42

ଶ୍ରବଣ ଯୁଗ ତା' ସୁକଥାନିତ୍ୟେ ଶୁଣଇଁ କୃଷ୍ଣକଥା

Couplet 43

ନିରତେ ତାହାର ନୟନକଳ୍ପଇ ବିଷ୍ଣୁ-ଦରଶନ

Couplet 44

ଶରୀର-ଚର୍ମ ଅନୁଦିନେକଳ୍ପେ ବୈଷ୍ଣବ-ଆଲିଙ୍ଗନେ

Couplet 45

ହରିଚରଣ ପଦ୍ମଗନ୍ଧେନିରତେ ନାସା ତା' ଆମୋଦେ

Couplet 46

ଶ୍ରୀକୃଷ୍ଣଚରଣ ତୁଳସୀତା'ର ରସନା ତେଣେ ରସି

Couplet 47

ଚରଣ ଯୁଗ କଳ୍ପେ ନିତ୍ୟେକୃଷ୍ଣ ମନ୍ଦିରେ ଉପଗତେ

Couplet 48

ବିଷ୍ଣୁ ଚରଣେ ନମସ୍କାରଶିର କଳ୍ପଇ ନିରନ୍ତର

Couplet 49

ଚିତ୍ତ କଳ୍ପର ଦାସପଣେବୈଷ୍ଣବ ଚରଣ ସେବନେ

Couplet 50

ହରି-ଭକତ-ଜନେ ରତିନିରତେ କଳ୍ପେ ତା'ର ମତି

Couplet 51

ଦେହ ବିଷୟ ତା'ର ଯେତେକଳ୍ପଇ ହରିଭାବ ନିତ୍ୟେ

Couplet 52

ବିପ୍ର ଦେବତା ପାଦେ ସେବେପ୍ରଜାଙ୍କୁ ଦେଖେ ବିଷ୍ଣୁଭାବେ

Couplet 53

ସକଳ ସମ୍ପଦ ପ୍ରସିଦ୍ଧିଭିଆଇ କରେ ଅଶ୍ୱମେଧି

Couplet 54

ବିପ୍ରଚରଣ ଦାନେ ପୂଜେଯେ ଅଧିଯଜ୍ଞ ବିଧି ଭଜେ

Couplet 55

ଅସିତ ବଶିଷ୍ଠ ଗୌତମସଙ୍ଗତେ ଘେନି ମୁନିଗଣ

Couplet 56

ବିପ୍ର-ସେବନ ଅନୁମତେସରସ୍ୱତୀର ଅଭିସ୍ରୋତେ

Couplet 57

ତାହାର ଯଜ୍ଞସଭା ମଧ୍ୟେତ୍ରିଦଶେ ଅତ୍ୟନ୍ତ ଆନନ୍ଦେ

Couplet 58

ମୁନି-ବ୍ରାହ୍ମଣ ମଧ୍ୟେ ବସିନିତ୍ୟେ ଯଜ୍ଞକୁ ପରଶଂସି

Couplet 59

ଦେବ-ମନୁଷ୍ୟ ସଭାଗତେସର୍ବେ ଦିଶନ୍ତି ଏକମତେ

Couplet 60

ଦେବେ ସେ ସଭାମଧ୍ୟେ ଥା'ନ୍ତିସ୍ୱର୍ଗ-ଗମନ ନ ବାଞ୍ଛ‚ନ୍ତି

Couplet 61

କୃଷ୍ଣକୀର୍ତ୍ତନ ସଭା ମଧ୍ୟେସକଳେ ଶୁଣନ୍ତି ଆନନ୍ଦେ

Couplet 62

ସ୍ୱର୍ଗର ପ୍ରାୟ ମହୀ ଦିଶେଅଷ୍ଟମନିଧି ଯହିଁ ବସେ

Couplet 63

ଏମନ୍ତ ଭକ୍ତିଯୋଗ ବଳେସେ ରାଜା ସରସ୍ୱତୀ କୂଳେ

Couplet 64

ସ୍ୱଧର୍ମେ ବିଷ୍ଣୁଙ୍କୁ ତୋଷିଲାସର୍ବକାମନା ଉପେକ୍ଷିଲା

Couplet 65

ଗୃହ ସମ୍ପଦ ଦାରା ସୁତଜ୍ଞାତି ବାନ୍ଧବ ଇଷ୍ଟ ମିତ୍ର

Couplet 66

ରାଜସମ୍ପଦ ଆଦି ଯେତେଯେ ଅଶ୍ୱ କୁଞ୍ଜର ସହିତେ

Couplet 67

ଅପରେ ଦିବ୍ୟବସ୍ତୁ ଯେତେଇଚ୍ଛା ନ କରେ ତା'ର ଚିତ୍ତେ

Couplet 68

ନିରତେ ଗୋବିନ୍ଦ ଚରଣେମନନିବେଶେ ଅନୁକ୍ଷଣେ

Couplet 69

ତାହାର ଶୁଦ୍ଧଚିତ୍ତ ଜାଣିଚକ୍ରକୁ ରାଇ ଚକ୍ରପାଣି

Couplet 70

ବୋଇଲେ ଅମ୍ବରୀଷ ମେଳେତୁ ଚକ୍ର ଥିବୁ ସର୍ବକାଳେ

Couplet 71

ଏହାକୁ ରଖ ନିରନ୍ତରେଯେମନ୍ତେ ସର୍ବଦୁଃଖୁଁ ତରେ

Couplet 72

ଏମନ୍ତେ ବିଷ୍ଣୁ ଆଜ୍ଞା ପାଇସେ ଚକ୍ର ରକ୍ଷାକଲା ଯାଇ

Couplet 73

ସେ ରାଜା ପତ୍ନୀର ସମେତେଉପାସେ ଏକାଦଶୀ ବ୍ରତେ

Couplet 74

କାର୍ତ୍ତିକ ଶୁକ୍ଳପକ୍ଷେ ହରିପୂଜିଲା ଉପବାସ କରି

Couplet 75

ପ୍ରଭାତ କାଳେ ମଧୁବନେକାଳନ୍ଦୀକୂଳେ ଏକଧ୍ୟାନେ

Couplet 76

ଆନନ୍ଦେ ପତ୍ନୀର ସମେତେବିଷ୍ଣୁ ପୂଜିଲା ଦୃଢ଼ଚିତ୍ତେ

Couplet 77

ଦ୍ରବ୍ୟ ସମ୍ପାଦି ଅତିରେକେପୂଜିଲା ମହାଅଭିଷେକେ

Couplet 78

ଉତ୍ତମ ବସ୍ତ୍ର ଅଳଙ୍କାରସୁଗନ୍ଧମାଲ୍ୟ ଉପହାର

Couplet 79

ସଙ୍ଗତେ ଘେନି ନିଜନାରୀଏକାନ୍ତ ଭାବେ ପୂଜା କରି

Couplet 80

ଉତ୍ତମ ବ୍ରାହ୍ମଣ ବସାଇସୁନ୍ଦର ଧେନୁମାନ ଦେଇ

Couplet 81

ଧେନୁକୁ କରି ଅଳଙ୍କାରସୁବର୍ଣ୍ଣ ଶୃଙ୍ଗ ରୌପ୍ୟ ଖୁର

Couplet 82

ବିବିଧ ବସ୍ତ୍ର ମଣ୍ତି ଅଙ୍ଗେଗନ୍ଧାଦି ଧୂପଦୀପ ସଙ୍ଗେ

Couplet 83

ପୃଷ୍ଠ-ପାରୁଷେ ତାମ୍ର କାଂସ୍ୟେଧେନୁକୁ ମଣ୍ତିଲା ହରଷେ

Couplet 84

ସୁଶୀଳା ବତ୍ସା ପୟୋସ୍ୱିନୀମଣ୍ତିଲା ଅଳଙ୍କାର ଘେନି

Couplet 85

ବିପ୍ର ବସାଇ ବାକ୍ୟ କଲାବତ୍ସା ସହିତେ ଧେନୁ ଦେଲା

Couplet 86

ସୁସ୍ୱାଦୁ ଅନ୍ନ ଷଡ଼ରସେବିପ୍ରଙ୍କୁ ଭୁଞ୍ଜାଇ ସନ୍ତୋଷେ

Couplet 87

ବିପ୍ରଙ୍କ ପାଦଯୁଗେ ଲାଗିପାରଣା ଅର୍ଥେ ଆଜ୍ଞା ମାଗି

Couplet 88

ଉଦ୍ୟମ କଲା ନରପତିଏମନ୍ତେ ମିଳିଲା ଅତିଥି

Couplet 89

ଦୁର୍ବାସା ଶଂକରଙ୍କ ଅଂଶେଯାହାଙ୍କୁ ଦେଖି ଦେବେ ତ୍ରାସେ

Couplet 90

ତାହାଙ୍କୁ ଦେଖି ନୃପମଣିଆସନ ପାଦାସନ ଆଣି

Couplet 91

ପୂଜିଲା ଅତିଥି ସ୍ୱଭାବେଆନନ୍ଦେ ଅତି ଗଉରବେ

Couplet 92

ପୁଣି ଚରଣ ତଳେ ପଡ଼ିରାଜା ବୋଲଇ କରଯୋଡ଼ି

Couplet 93

ଭୋ ମୁନି ପାରଣା ମୋହରମୋ ଗୃହେ କର ତୁ ଆହାର

Couplet 94

ତକ୍ଷଣେ ଅମ୍ବରୀଷ ବୋଲେଦୁର୍ବାସା ଅଙ୍ଗୀକାର କଲେ

Couplet 95

ଆନନ୍ଦ ମନେ ଧ୍ୟାନ କରିକାଳିନ୍ଦୀ ଜଳେ ମୋଦ ଭରି

Couplet 96

ବିଳମ୍ବେ ସ୍ନାନ-ସନ୍ଧ୍ୟା କଲେନିଶ୍ଚିନ୍ତେ ବସି ନଦୀକୂଳେ

Couplet 97

ଏବେ ହେ ଶୁଣ ନୃପମଣିରାଜା ବିଷାଦ-ମନେ ଗୁଣି

Couplet 98

ପାରଣା ହୋଇଲା ଉଛୁରଅତିଥି ନଇଲା ମୋହର

Couplet 99

କେମନ୍ତେ କରିବି ଭୋଜନଅବଜ୍ଞା କରି ମହାଜନ

Couplet 100

ଅର୍ଦ୍ଧ ମୁହୂର୍ତ୍ତେ ଅଛି ବେଳଯଥାର୍ଥ ପାରଣାର କାଳ

Couplet 101

ଉଛୁର ପାରଣାର ବେଳାମୋତେ ତ ସଙ୍କଟ ପଡ଼ିଲା

Couplet 102

ଯେ କର୍ମ କଲେ ସାଧୁବାଣୀରାଜା ବିଚାରେ ମନେ ଗୁଣି

Couplet 103

ଲୋକେ ବୋଲିବେ ମୋତେ ଶୁଣିଅଧର୍ମ କଲା ନୃପମଣି

Couplet 104

ପାରଣା କଲେ ବେଦମତେଅଧର୍ମ ନ ଲାଗିବ ମୋତେ

Couplet 105

ଜଳ ଗଣ୍ତୂଷେ କରି ପାନଅତିଥି କରାଇ ଭୋଜନ

Couplet 106

ପଛେ ମୁଁ କରିବି ଆହାରଏତେ ବିଚାରି ନୃପବର

Couplet 107

ଜଳ ପାରଣା ଅପାରଣଏ ଆଦି ନିଗମ ବଚନ

Couplet 108

ବିଚାରି ବ୍ରାହ୍ମଣଙ୍କ ତୁଲେଜଳ ଗଣ୍ତୂଷେ ପାନ କଲେ

Couplet 109

ତକ୍ଷଣେ ଜଳପାନ କରିଭୟେ ସୁମରେ ହରିହରି

Couplet 110

ଦୁର୍ବାସା ଆଗମନ ଚାହିଁରାଜା ରହିଲେ ତୋଷ ହୋଇ

Couplet 111

ଦୁର୍ବାସା ଯମୁନାର କୂଳେସ୍ୱକର୍ମ ସାରି ସାୟଂକାଳେ

Couplet 112

ମିଳିଲେ ଅମ୍ବରୀଷ ପାଶେପାରଣା କରିବାର ଆଶେ

Couplet 113

ନୃପତି କରି ବହୁମାନ୍ୟବୋଲଇ କରିବା ଭୋଜନ

Couplet 114

ଏମନ୍ତ ଅମ୍ବରୀଷ ବାଣୀଦୁର୍ବାସା ମନେ ମନେ ଗୁଣି

Couplet 115

ସ୍ୱାଭାବେ ସର୍ବଜ୍ଞାତା ପୁଣଜାଣିଲେ କଲା ଏ ପାରଣ

Couplet 116

ରାଜାର ବଦନକୁ ଚାହିଁବୋଲନ୍ତି କୋପଭର ହୋଇ

Couplet 117

ତୁ ଅନାଦର କରି ମୋତେଜଳ ଯେ ଭକ୍ଷିଲୁ ଯୁଗତେ

Couplet 118

ଅତିଥି କଲୁ ଅବହେଳାଭୁଞ୍ଜିଲୁ ପାରଣାର ବେଳା

Couplet 119

ତୁ ଯେ ଅବଜ୍ଞା କଲୁ ମୋତେଉଚ୍ଛିଷ୍ଟ ଭୁଞ୍ଜିବି କେମନ୍ତେ

Couplet 120

ତୁ ମୋତେ କଲୁ ଅବହେଳଭୁଞ୍ଜ ଏ ଅଧର୍ମର ଫଳ

Couplet 121

ଏମନ୍ତ ବୋଲି କୋପଭରେଜଟା ଉପାଡ଼ି ନିଜ କରେ

Couplet 122

ଭ୍ରୁକୁଟୀ କୁଟୀଳ ଲୋଚନରାଜାଙ୍କୁ ବୋଲନ୍ତି ବଚନ

Couplet 123

ଦେଖ ଏ ନୃପତିର ଗତିସମ୍ପଦେ ହୋଇ ମୂଢ଼ମତି

Couplet 124

ଧର୍ମେ ବଞ୍ଚିତ ବିଷ୍ଣୁ ଭକ୍ତେବୋଲେ ମୁଁ ଈଶ୍ୱର ସାକ୍ଷାତେ

Couplet 125

ଅତିଥି-ମତେ ପୂଜା କଲାପାରଣା ଅର୍ଥେ ନିମନ୍ତ୍ରିଲା

Couplet 126

ଭିକ୍ଷା ନ ଦେଇ ଆଗ ମୋତେପାରଣା କଲା ଏ ଯୁଗତେ

Couplet 127

ମୋତେ ଯେ କଲା ଅବହେଳସ୍ୱଦେହେ ଭୁଞ୍ଜୁ ତା'ର ଫଳ

Couplet 128

ଜଟାକୁ ଚାହିଁ ଆଜ୍ଞା ଦେଲେଅନଳ ହୁଅ ତୁ ବୋଇଲେ

Couplet 129

ତକ୍ଷଣେ ହୁଁକାର କରାଳଉଠିଲା କୃତିହା ଅନଳ

Couplet 130

ତେଜେ ଆଚ୍ଛାଦେ ଦଶଦିଶପବନ ବହେ ଅଣଚାଷ

Couplet 131

ଧୂମ ପୂରିତ ଶୂନ୍ୟ ମଧ୍ୟେବେଗେ ଧାଇଁଲା ଘୋରନାଦେ

Couplet 132

ପ୍ରଳୟାଳନ ପ୍ରାୟେ ହୋଇମିଳିଲା ରାଜା ଆଗେ ଯାଇ

Couplet 133

ଜଳନ୍ତା ଖଡ଼୍‌ଗ କରେ ଧରିମିଳିଲା ଘୋରନାଦ କରି

Couplet 134

ଭୂମି କମ୍ପଇ ପାଦଘାତେପର୍ବତ ଉଡ଼େ ଶ୍ୱାସ ବାତେ

Couplet 135

ଦେଖି ତାହାର ତେଜ କଳାରାଜା ଚରଣେ ନ ଘୁଞ୍ଚିଲା

Couplet 136

ତା'ର ବଦନ ରାଜା ଚାହିଁମନେ ଚିନ୍ତିଲେ ଭାବଗ୍ରାହୀ

Couplet 137

ତକ୍ଷଣେ ବିଷ୍ଣୁଚକ୍ର ଆସିକୋଟିଏ ସୂର୍ଯ୍ୟ ପ୍ରାୟେ ଦିଶି

Couplet 138

କୃତିହା ଅନଳ ଉପରେପଡ଼ିଲା ମହାନାଦ ଭରେ

Couplet 139

ତକ୍ଷଣେ ଅନଳ ଲିଭିଲାଦିଗ-ଆକାଶ ପ୍ରକାଶିଲା

Couplet 140

ସୁଦରଶନ ତେଜ ଦେଖିଦୁର୍ବାସା ଭୟେ ବୁଜେ ଆଖି

Couplet 141

ବଦନେ ଦେଇ ବେନିକରଭୟେ କମ୍ପଇ ଥରହର

Couplet 142

ସଂଭ୍ରମେ ଚାହିଁ ନ ପାରିଲାଜୀବନ ଭୟେ ପଳାଇଲା

Couplet 143

ତା'ର ଭାଜିବା ଦେଖି ପଛେଚକ୍ର ଧାଇଁଲା ଅନ୍ତରୀକ୍ଷେ

Couplet 144

ମଣ୍ତୁକ ଦେଖି ସର୍ପ ଯେହ୍ନେଧାମଇଁ ଗର୍ଜିତ ବଦନେ

Couplet 145

ଦୁର୍ବାସା ଦଶଦିଶ ଚାହିଁଭୟେ ନ ପାରଇ ପଳାଇ

Couplet 146

ପଶିଲା ମେରୁ-ଗୁହା ମଧ୍ୟେସୁଦରଶନ ପଛେ ଖେଦେ

Couplet 147

ଦିଶ-ଆକାଶ-ଭୂମି ଗତେବିବର-ସମୁଦ୍ର-ସହିତେ

Couplet 148

ଦିଗପାଳଙ୍କ ପୁରେ ଲୁଚେଚକ୍ରକୁ ଦେଖେ ପଛେପଛେ

Couplet 149

ଯହୁଁ ଯହିଁକି ଧାମେ ବେଗେସୁଦରଶନ ପଛେ ଲାଗେ

Couplet 150

ସୁଦରଶନ ତେଜ ଦେଖିକେହି ନ ପାରେ ତା'କୁ ରଖି

Couplet 151

କେଣେ ହେଁ ଠାବ ନ ପାଇଲାସତ୍ୟଲୋକକୁ ପଳାଇଲା

Couplet 152

ଶୂନ୍ୟେ ପଳାନ୍ତେ ମନଦୁଃଖେଭୟେ ପଶିଲା ବ୍ରହ୍ମଲୋକେ

Couplet 153

ବ୍ରହ୍ମାର ସମୀପେ ମିଳିଲାଶରଣ ସମ୍ଭାଳ ବୋଇଲା

Couplet 154

ବିଧାତା ରଖ ମୋ'ର ପ୍ରାଣତୁମ୍ଭରେ ପଶିଲି ଶରଣ

Couplet 155

ଏମନ୍ତେ ମୁନିବାକ୍ୟ ଶୁଣିଉଚ୍ଚେ କହନ୍ତି କୁଶପାଣି

Couplet 156

କଳାସ୍ୱରୂପୀ ଯେ ଈଶ୍ୱରଭ୍ରୂଭଙ୍ଗ ମାତ୍ରେ ଯା' ସଂସାର

Couplet 157

ମୁଁ ବ୍ରହ୍ମା ଈଶ୍ୱର ସହିତେଭୃଗୁ ଦକ୍ଷାଦି ମୁନି ଯେତେ

Couplet 158

ପ୍ରଜା ଈଶ୍ୱର ଭୂତେଶ୍ୱରଦେବ ସହିତେ ସୁରେଶ୍ୱର

Couplet 159

ସେ ହରି ଆଜ୍ଞା ଶିରେ ଧରିଯେଝା ବିଷୟେ ଅଧିକାରୀ

Couplet 160

ଅଛୁଁ ସଂସାର ଲୋକହିତେତା' ରିପୁ ରଖିବୁଁ କେମନ୍ତେ

Couplet 161

ଏମନ୍ତ ବିଧାତା ବଚନଶୁଣି ଦୁର୍ବାସା ଛନଛନ

Couplet 162

ତହୁଁ ଚଳିଲା ମନଦୁଃଖେବେଗେ ପଶିଲା ଶିବଲୋକେ

Couplet 163

ଶଙ୍କର ଚରଣେ ପଡ଼ିଲାଶରଣ ସମ୍ଭାଳ ବୋଇଲା

Couplet 164

ଦୁର୍ବାସା ବାକ୍ୟ ଶୁଣି ହରସଂଭ୍ରମେ ବୋଲନ୍ତି ଉତ୍ତର

Couplet 165

ଶୁଣ ଦୁର୍ବାସା ତୋତେ କହୁଁଆମ୍ଭେ ଯାହାର ଆଜ୍ଞା ବହୁଁ

Couplet 166

ବ୍ରହ୍ମାଣ୍ତ ପାଳନ ପ୍ରକାଶେଯେବା ବିଷୟ ଜୀବକୋଷେ

Couplet 167

କାଳର ବଳେ ଦୃଶ୍ୟାଦୃଶ୍ୟଭ୍ରମନ୍ତି ସେ ଯୋନି ଅଶେଷ

Couplet 168

ତାହାଙ୍କ ମଧ୍ୟେ ଆମ୍ଭେ ଭ୍ରମିଗତ ଆଗତେ ପଥଶ୍ରମୀ

Couplet 169

ମୋ' ସଙ୍ଗେ ବ୍ରହ୍ମାଦିକୁମରନାରଦ ବ୍ରହ୍ମ ମୁନିବର

Couplet 170

କପିଳ ଦେବଳ ଆସୁରିଧର୍ମ ମରୀଚି ଆଦି କରି

Couplet 171

ଯେ ଅନ୍ୟ ସିଦ୍ଧ ମୁନିଜନବେଦାନ୍ତ ପାର ଦରଶନ

Couplet 172

ଜାଣି ନ ପାରେ ତା'ର ମାୟାନିରତେ ଭ୍ରମାଏ ବିଷୟା

Couplet 173

ସେ ବିଷ୍ଣୁଚକ୍ର ନିବାରଣେସମର୍ଥ ଅଛି କେ ଶରଣେ

Couplet 174

ତୁ ଏବେ ଚଳ ବିଷ୍ଣୁପୁରହରି ଚରଣେ ଆଶ୍ରେକର

Couplet 175

ସେ ତୋତେ ରଖିବେ ଶରଣଅନ୍ୟଥା ନାହିଁ ପରିତ୍ରାଣ

Couplet 176

ଦୁର୍ବାସା ମହେଶ ବଚନେପଶିଲା ବିଷ୍ଣୁର ଭୁବନେ

Couplet 177

ଲକ୍ଷ୍ମୀ ସହିତେ ଯହିଁ ହରିଅଛନ୍ତି ଗୃହାଶ୍ରମ କରି

Couplet 178

ବିଷ୍ଣୁର ଚକ୍ର-ତେଜ ଭରେଘର୍ମ-ଭୂଷିତ କଳେବରେ

Couplet 179

ଦୁର୍ବାସା ଶୋକ ଗଦଗଦେପଡ଼ିଲା ବିଷ୍ଣୁ-ପଦ୍ମ‌ପାଦେ

Couplet 180

କାତରେ କମ୍ପଇ ଶରୀରଡାକଇ ପ୍ରଭୁ ରକ୍ଷାକର

Couplet 181

ଭୋ ନାଥ ଅନନ୍ତ ଅଚ୍ୟୁତତୁ ସନ୍ଥଜନଙ୍କର ନାଥ

Couplet 182

ମୁଁ ତୋରେ ଅପରାଧ କରିଶରଣ ଗଲି ରଖ ହରି

Couplet 183

ମୁଁ ତୋ' ମହିମା ନ ଜାଣିଲିତେଣୁ ମୁଁ ସଙ୍କଟେ ପଡ଼ିଲି

Couplet 184

ତୋ'ର ସେବକେ ଅପରାଧକଲି ମୁଁ ରଖ ହେ ଗୋବିନ୍ଦ

Couplet 185

ତୋ'ର ଭକତ ତୋ'ର ଲୋକମୋତେ ଏ ଚକ୍ରତେଜୁଁ ରଖ

Couplet 186

ଦୁର୍ବାସା ମୁଖ ଚାହିଁ ହରିକହନ୍ତି ଅତି ମୋଦ ଭରି

Couplet 187

ମୁଁ ଭକ୍ତଜନର ଅଧୀନମୋ' ତହୁଁ ଭକ୍ତ ନୋହେ ଭିନ୍ନ

Couplet 188

ଭକତ ଅଧୀନ ମୁଁ ହୋଇସେବକ ପ୍ରାୟ ପଛେ ଥାଇ

Couplet 189

ସାଧୁଙ୍କ ହୃଦେ ମୁଁ ବସଇତା'ଙ୍କ ଭକତି ଭାବ ବହି

Couplet 190

ତାଙ୍କ ଭକତି ପ୍ରୀତି ମୋତେଆନନ୍ଦ ଦେଉଥାଇ ଚିତ୍ତେ

Couplet 191

ଭକ୍ତଟି ମୋହର ଶରୀରତିଳେ ହେଁ ନାହିଁ ଅଭ୍ୟନ୍ତର

Couplet 192

ଭକ୍ତ ନିମନ୍ତେ ଦେହ ବହିସଂସାରେ ନାନା ରୂପ ହୋଇ

Couplet 193

ଅତ୍ୟନ୍ତ ପ୍ରିୟ ମୋ'ର ଭକ୍ତମୁଁ ଭକ୍ତଜନଙ୍କର ହିତ

Couplet 194

ଏ କଥା ମୁନିଙ୍କ ସଙ୍ଗମେଜାଣନ୍ତି ଆଗମ ନିଗମେ

Couplet 195

ତା' ତହୁଁ ପ୍ରିୟ କେହି ନାହିଁଶୁଣ ଦୁର୍ବାସା ମନ ଦେଇ

Couplet 196

ଏକଥା ପରମ୍ପରା ବିଧିବେଦ-ପୁରାଣ ମାର୍ଗେ ସିଦ୍ଧି

Couplet 197

ଶରଣ ଯେ ମୋ'ର ଚରଣେସମ୍ପଦ ତୁଚ୍ଛ ପ୍ରାୟେ ମଣେ

Couplet 198

ଦାରା ମନ୍ଦିର ସୁତ ଧନକେବେ ହେଁ ନ କଳ୍ପେ ତା' ମନ

Couplet 199

ଯେ ପ୍ରାଣ ଛାଡ଼େ ମୋ'ର ହିତେମୁଁ ତା'କୁ ଛାଡ଼ିବି କେମନ୍ତେ

Couplet 200

ମୋ'ର ବିଷୟେ ଚିତ୍ତ ସ୍ଥାପେମୋତେ ଦେଖନ୍ତି ଆତ୍ମା ରୂପେ

Couplet 201

ମୁଁ ତାକୁ ଦିଶେ ସର୍ବଭୂତେହୃଦୟେ ଥାଏଁ ଅବିରତେ

Couplet 202

ଭକ୍ତିରେ ମୋତେ ବଶ କରିନିଜ ପୁରୁଷେ ଯେହ୍ନେ ନାରୀ

Couplet 203

ମୋର ଚରଣ ନିତ୍ୟେ ଚିନ୍ତିଚତୁର୍ଦ୍ଧା ମୁକ୍ତି ନ ବାଞ୍ଛନ୍ତି

Couplet 204

ଜନ୍ମ ମରଣ ତାପ ନାହିଁସ୍ଥିତି ସଂହାର ଆଉ କାହିଁ

Couplet 205

ମୋ'ର ହୃଦୟ ଭକ୍ତଜନମୁହିଁଟି ତାହାଙ୍କ ଜୀବନ

Couplet 206

ମୋ' ତହୁଁ ନ ଜାଣନ୍ତି ଆନମୁଁ ତା'ଙ୍କ ପ୍ରିୟ ଇଷ୍ଟ ଧନ

Couplet 207

ଏବେ ମୋ ଭକ୍ତ ଅପରାଧେସୁଦରଶନ ତୋତେ ବାଧେ

Couplet 208

ଯେ ମୋ'ର ଭକ୍ତକୁ ପୀଡ଼ନ୍ତିମୋ' ଚକ୍ର ତେଜେ ସେ ପଡ଼ନ୍ତି

Couplet 209

ବିପ୍ରେ ଯେ ତପ ବିଦ୍ୟା ବଳେଶ୍ରେୟ କରନ୍ତି ଏ ଶୟଳେ

Couplet 210

ସେ ଯେବେ ଭକ୍ତକୁ ପୀଡ଼ନ୍ତିଉଭୟ ଲୋକ ନ ଲଭନ୍ତି

Couplet 211

ଏବେ ତୁ ଯାଆ ବେଗ ହୋଇନାଭାଗ ପୁତ୍ର ଅଛି ଯହିଁ

Couplet 212

ତା'ରେ ଶରଣ ପଶ ଏବେମୋ' ଚକ୍ରୁ ନିସ୍ତରିବୁ ଯେବେ

Couplet 213

ବୋଲଇ ବିପ୍ର ଜଗନ୍ନାଥନବମ ସ୍କନ୍ଧେ ଭାଗବତ

Couplet 214

ଗୋବିନ୍ଦ ଆଜ୍ଞା ପରମାଣେଦୁର୍ବାସା ଗଲା ତତ୍‌କ୍ଷଣେ

Couplet 215

ହରିଭକତଙ୍କ ମହିମାକେ କହିପାରେ ଗୁଣସୀମା

Couplet 216

ଭକ୍ତଚରଣ ସେବା ଫଳେପ୍ରସନ୍ନ ହୋନ୍ତି ହରି ଭଲେ

Couplet 217

ସୁଜନେ ଚିନ୍ତ ହରିପାଦେତରିବ ବିଷୟ ପ୍ରମାଦେ