Skandha 9
Adhyaya 24
Couplet 1
ଶୁଣ ରାଜନ କୁରୁବୀରବିଦର୍ଭ ଜ୍ୟାମଘ କୁମର
Couplet 2
ଜ୍ୟାମଘ ରାଜକୁଳ ଜିଣିଯେ କନ୍ୟା ପୁରେ ଥିଲା ଆଣି
Couplet 3
ସେ କନ୍ୟା ବିଦର୍ଭେ ବରିଲାତା' ଗର୍ଭେ ପୁତ୍ର ଉପୁଜିଲା
Couplet 4
କୁଶ ଯେ କ୍ରଥ ଏହୁ ବେନିତୃତୀୟେ ରୋମପାଦ ଘେନି
Couplet 5
ବଭ୍ରୁ ଯେ ରୋମପାଦ ସୁତକୃତି ତାହାର ବୀର୍ଯ୍ୟେ ଜାତ
Couplet 6
ଉଶିକ ତାହାର ନନ୍ଦନତା' ତାହୁଁ ଚେଦି ଉଦ୍ପନ୍ନ
Couplet 7
ଚୈଦ୍ୟାଦି ବଂଶେ ଜାତ ହୋଇସ୍ୱଧର୍ମେ ପାଳିଲେ ସେ ମହୀ
Couplet 8
କ୍ରଥର ପୁତ୍ର କୁନ୍ତି ନାମଧୃଷ୍ଟି ଯେ ତାହାର ନନ୍ଦନ
Couplet 9
ନିବୃତି ତା'ର ପୁତ୍ର ହୋଏଦଶାର୍ହନାମେ ତା'ର ପୋଏ
Couplet 10
ବ୍ୟୋମ ଯେ ତାହାର ସନ୍ତତିତହୁଁ ଜିମୂତ ଉତପତ୍ତି
Couplet 11
ବିକୃତି ତାହାର ନନ୍ଦନତହୁଁ ଭୀମରଥ ଜନମ
Couplet 12
ତାହାର ସୁତ ନବରଥତହୁଁ ଦଶରଥ ସମ୍ଭୂତ
Couplet 13
ଶକୁନି ତାହାର ତନୟେକରମ୍ଭି ପୁତ୍ର ତା'ର ହୋଏ
Couplet 14
ତା'ର ତନୟ ଦେବରାତଯା'ର ମହିମା ଅପ୍ରମିତ
Couplet 15
ତା' ସୁତ ଦେବକ୍ଷତ୍ର ନାମସୁନ୍ଦର ପଣେ ଗୁଣଧାମ
Couplet 16
ମଧୁ ତାହାର ବଂଶେ ଜାତକୁରୁବଂଶ ଯେ ତା'ର ସୁତ
Couplet 17
ଅନୁ ତାହାର ବୀର୍ଯ୍ୟେ ଜାତତାହାର ସୁତ ପୁରୁହୋତ୍ର
Couplet 18
ଆୟୁ ଯେ ତା'ର ପୁତ୍ରମାନସାତ୍ୱତ ତା'ଠାରୁ ଜନମ
Couplet 19
ତାହାର ହେଲେ ପୁତ୍ର ସାତଶୁଣ କହିବା ପରୀକ୍ଷିତ
Couplet 20
ଭଜମାନ ଭଜି ଦିବ୍ୟକବୃଷ୍ଣି ଦେବା ବୃଧ ଅନ୍ଧକ
Couplet 21
ମହାଭୋଜ ଏ ସପ୍ତାନାମଏକୁ ଅନେକ ଗୁଣଧାମ
Couplet 22
ଭଜମାନର ପତ୍ନୀ ଦୁଇଆଦ୍ୟରେ ତିନି ସୁତ ହୋଇ
Couplet 23
ନିମ୍ଳୋଚି ଧୃଷ୍ଟି ଯେ କିଙ୍କିଣପରୀକ୍ଷ କହୁଁ ତୋତେ ଶୁଣ
Couplet 24
ଦ୍ୱିତୀୟ ପତ୍ନୀ ଗର୍ଭେ ଜାତହୋଇଲେ ତା'ର ତିନିସୁତ
Couplet 25
ଶତ୍ରାଜିତ ସହସ୍ରାଜିତଅୟୁତାଜିତ ତିନିଭ୍ରାତ
Couplet 26
ବଭ୍ରୁ ଯେ ଦେବାବୃଧ ସୁତଜନେ ଗାଆନ୍ତି ତା' ଚରିତ
Couplet 27
ଦୂରରୁ ଯେତେ ଗୁଣ ଗୁଣିଅଧିକ ଦେଖୁଁ ପରିମାଣି
Couplet 28
ମନୁଷ୍ୟ ମଧ୍ୟେ ବଭ୍ରୁ ଶ୍ରେଷ୍ଠଦେବାବୃଧ ଦେବଙ୍କ ଇଷ୍ଟ
Couplet 29
ସେ ଦୁଇ ପୁରୁଷଙ୍କ କୁଳେଯେତେ ତରିଲେ ଭବଜଳେ
Couplet 30
ଷଡ଼ସହସ୍ର ପଞ୍ଚସଷ୍ଟିପୁଣି ଅଧିକ ଆଠଗୋଟି
Couplet 31
ଘୋର ସଂସାରୁ ତରିଗଲେନିଶ୍ଚଳେ ମିଳିଲେ କୈବଲ୍ୟେ
Couplet 32
ସାତ୍ୱତ ବଂଶେ ଉତପନ୍ନମହାଭୋଜ ତା' ଅଟେ ନାମ
Couplet 33
ଅତି ଧାର୍ମିକ ମହାଭୋଜଅନେକ କାଳ କଲା ରାଜ୍ୟ
Couplet 34
ଯେତେ ଉପୁଜିଲେ ତା' ବଂଶେଧରିଲେ ଭୋଜ ନାମକୁ ସେ
Couplet 35
ବୃଷ୍ଣିର ସୁମିତ୍ର ନନ୍ଦନଅପରେ ଯୁଧାଜିତ ନାମ
Couplet 36
ତା'ର ସନ୍ତତି ହୋଏ ଶିନିଅନମିତ୍ରକୁ ଘେନି ବେନି
Couplet 37
ଅନମିତ୍ରର ପୁତ୍ର ନିମ୍ନତା' ଅଂଶେ ଦୁଇପୁତ୍ର ଜନ୍ମ
Couplet 38
ପ୍ରସେନ ଶତ୍ରାଜିତ ନାମହୋଇଲେ ତା'ର ଗୁଣଧାମ
Couplet 39
ହେ ନୃପ ଶୁଣ ମନଦେଇଏବେ ଶିନିର ବଂଶ କହି
Couplet 40
ଶିନି ଯେ ଅନମିତ୍ର ସୁତସତ୍ୟକ ତା'ର ବୀର୍ଯ୍ୟେ ଜାତ
Couplet 41
ତାହାର ପୁତ୍ର ଯୁଯୁଧାନଜୟ ତାହାର ପୁତ୍ର ନାମ
Couplet 42
କୁଣି ତାହାର ତହୁଁ ଜାତତାହାର ଯୁଗନ୍ଧର ସୁତ
Couplet 43
ଅପରେ ବୃଷ୍ଣିପୁତ୍ର ଦୁଇଜନ୍ମିଲେ ବିଷ୍ଣୁତେଜ ବହି
Couplet 44
ଶ୍ୱଫଲ୍କ ଚିତ୍ରରଥ ବେନିଗାନ୍ଧିନୀ ଶ୍ୱଫଳ୍କ ଭାବିନୀ
Couplet 45
ଦ୍ୱାଦଶପୁତ୍ର ତା'ର ଘରେଜନ୍ମିଲେ ଅତି ପୁଣ୍ୟତରେ
Couplet 46
ଅକ୍ରୁର ତହିଁ ଜ୍ୟେଷ୍ଠ ଜାଣଶୁଣ ହୋ ତାହାଙ୍କର ନାମ
Couplet 47
ଆସଙ୍ଗ ସାରମେୟ ଦୁଇମୃଦୁର ମୃଦୁଦ୍ୱି ଯେ ହୋଇ
Couplet 48
ଗିରି ଧର୍ମବୃଦ୍ଧ ସୁକର୍ମକ୍ଷତ୍ରୋପେକ୍ଷ ଅରିମର୍ଦ୍ଦନ
Couplet 49
ଗନ୍ଧମାଦ ଯେ ଶତ୍ରୁଘନଦ୍ୱାଦଶେ ପ୍ରତିବାହୁନାମ
Couplet 50
ଆବର ଏକ କନ୍ୟା ଥିଲାସୁଚୀରା ନାମ ତା'ର ହେଲା
Couplet 51
ଅକ୍ରୁର ପୁତ୍ର ହୋଏ ବେନିଦେବ୍ୱା ଉପଦେବ ଘେନି
Couplet 52
ଚିତ୍ରରଥର ଯେ ଆତ୍ମଜତିନି ଭୁବନେ ତା'ର ତେଜ
Couplet 53
ପୃଥୁ ଯେ ବିଦୁରଥ ଆଦିଏଣେ ବୃଷ୍ଣିବଂଶ ସମ୍ପାଦି
Couplet 54
କୁକୁର ଭଜମାନ ବେନିଶୁଚି କମ୍ବଳବହିଁ ଘେନି
Couplet 55
ଏ ଚାରି ଅନ୍ଧକର ସୁତଏବେ ହୋ ଶୁଣ ପରୀକ୍ଷିତ
Couplet 56
କୁକୁରସୁତ ବହ୍ନି ନାମାତାହାର ତନୟ ବିଲୋମା
Couplet 57
କପୋତରୋମା ତା'ର ସୁତତା'ପୁତ୍ର ଅନୁ ନାମେ ଖ୍ୟାତ
Couplet 58
ତୁମ୍ବୁରୁ ଅଟେ ସଖା ତା'ରଅନ୍ଧକ ଅନୁର କୁମର
Couplet 59
ଦୁନ୍ଧୁଭି ଅନ୍ଧକର ସୁତଅରିଦ୍ୟୋତ ଯେ ତା' ଅପତ୍ୟ
Couplet 60
ଅରିଦ୍ୟୋତ ଅଂଶେ ଉତ୍ପନ୍ନପୁନର୍ବସୁ ନାମେ ସନ୍ତାନ
Couplet 61
ତାହାର ପୁତ୍ର କନ୍ୟା ହୋଏଆହୁକ ଆହୁକୀ ବୋଲାଏ
Couplet 62
ଦେବକ ଉଗ୍ରସେନ ଦୁଇଆହୁକ ତହୁଁ ଜାତ ହୋଇ
Couplet 63
ଦେବକ ପୁତ୍ର ଚାରି ହୋଏନାମ ତାହାଙ୍କ ଶୁଣ ରାୟେ
Couplet 64
ଉପଦେବ ଯେ ଦେବବାନସୁଦେବ ଯେ ଦେବବର୍ଦ୍ଧନ
Couplet 65
ପୁଣ ହୋଇଲେ କନ୍ୟା ସାତଯା' ନାମ ଜଗତେ ବିଖ୍ୟାତ
Couplet 66
ପ୍ରଥମେ ଧୃତଦେବା ହେଲାପରେ ଶାନ୍ତିଦେବା ଜନ୍ମିଲା
Couplet 67
ଉପଦେବା ଶ୍ରୀଦେବା ବେନିଦେବରକ୍ଷିତା କନ୍ୟା ଘେନି
Couplet 68
ସହଦେବା ଦେବକୀ ତୁଲେଏମନ୍ତ ସାତକନ୍ୟା ହେଲେ
Couplet 69
ଦେବକ ସାତକନ୍ୟା ନେଇବସୁଦେବଙ୍କୁ ବିଭା ଦେଇ
Couplet 70
ଏବେ ହୋ ଶୁଣ ନରନାଥଉଗ୍ରସେନର ଯେତେ ସୁତ
Couplet 71
କଂସ ସୁନାମା ନ୍ୟଗ୍ରୋଧକକଙ୍କ ଶଙ୍କୁ ବେନି ବାଳକ
Couplet 72
ସୁହୂ ଯେ ସୃଷ୍ଟି ରାଷ୍ଟ୍ରପାଳତୁଷ୍ଟି ଏ ଉଗ୍ରସେନ ବାଳ
Couplet 73
ଆବର ହେଲେ କନ୍ୟାପାଞ୍ଚସୁନ୍ଦର ସୁରୂପ ସୁସଞ୍ଚ
Couplet 74
କଂସା ଯେ କଙ୍କବତୀ କଙ୍କାସୂରଭୂ ଯେ ରାଷ୍ଟ୍ରପାଳିକା
Couplet 75
ଏ କନ୍ୟା ବରି ବେଦମତେବସୁଦେବର ଭାଇ ଯେତେ
Couplet 76
ବିବାହ କଲେ ଶୁଭବେଳେଉଚିତେ ଗୃହକର୍ମ କଲେ
Couplet 77
ବିଦୁରଥର ଶୂର ସୁତଭଜମାନ ତା' ବୀର୍ଯ୍ୟେ ଜାତ
Couplet 78
ଶିନି ତା'ର ହୁଏ ଆତ୍ମଜଶିନିର ପୁତ୍ର ସ୍ୱୟଂ ଭୋଜ
Couplet 79
ହୃଦୀକ ତାହାର ନନ୍ଦନତାହାର ତିନି ପୁତ୍ର ଜାଣ
Couplet 80
ଦେବବାହୁ ଯେ ଶତଧନୁଆବର କୃତବର୍ମା ସୂନୁ
Couplet 81
ଦେବମୀଢ଼ ଯେ ଶୂର ସୁତତା' ପତ୍ନୀ ମାରିଷା ବିଖ୍ୟାତ
Couplet 82
ସେ ଦେବମୀଢ଼ ତା'ର ଗର୍ଭେଦଶ ସନ୍ତତି କଲା ଭାବେ
Couplet 83
ବସୁଦେବ ଦେବଭାଗକଦେବଶ୍ରବସ ଯେ ଆନକ
Couplet 84
ସୃଞ୍ଜୟ ଶ୍ୟାମକ ଯେ କଙ୍କଶମୀକ ବତ୍ସକ ଯେ ବୃକ
Couplet 85
ବସୁଦେବର ଜନ୍ମ କାଳେବାଦ୍ୟ ଶୁଭିଲା ଅନ୍ତରାଳେ
Couplet 86
ସ୍ୱଭାବେ ଆନକ-ଦୁନ୍ଦୁଭିଦିଶ ଆକାଶ ପୂରି ଶୁଭି
Couplet 87
ସେ ଯେଣୁ ବିଷ୍ଣୁର ନିଧାନଆନକଦୁନ୍ଦୁଭି ତା' ନାମ
Couplet 88
ପୁଣି ହୋଇଲେ କନ୍ୟା ପାଞ୍ଚସୁନ୍ଦର ସୁରୂପ ସୁସଞ୍ଚ
Couplet 89
ଯେ ପୃଥା ଆର ଶ୍ରୁତ ଦେବାଶ୍ରୁତକୀର୍ତ୍ତି ଯେ ଶ୍ରୁତଶ୍ରବା
Couplet 90
ରାଜାଧିଦେବୀଙ୍କି ଯେ ଘେନିଏ ପାଞ୍ଚ ବସୁଦେବ ଭଗ୍ନୀ
Couplet 91
ପୃଥା କନ୍ୟାକୁ ତା'ର ତାତକୁନ୍ତି ରାଜନେ କଲା ଦତ୍ତ
Couplet 92
ଯେଣୁ ତା' ନଥିଲା ସନ୍ତତିଏଣୁ ସେ କନ୍ୟା ନାମ କୁନ୍ତୀ
Couplet 93
ଦୁର୍ବାସା ମୁନି ଏକଦିନେମିଳିଲେ ରାଜା ସନ୍ନିଧାନେ
Couplet 94
ପୃଥା ତାହାଙ୍କୁ ସେବା କଲାଦେବହୁତି ବିଦ୍ୟା ଲଭିଲା
Couplet 95
ବିଦ୍ୟାର ପରୀକ୍ଷା ନିମନ୍ତେସୂର୍ଯ୍ୟଙ୍କୁ ରାଇଲା ଏକାନ୍ତେ
Couplet 96
ସେ ସୂର୍ଯ୍ୟଦେବ ତତ୍କ୍ଷଣମିଳିଲେ ପୃଥା ସନ୍ନିଧାନ
Couplet 97
ଦେଖି ସେ ବିସ୍ମୟ ହୋଇଲାବିନୟ ବଚନ କହିଲା
Couplet 98
ହେ ଦେବ ପରୀକ୍ଷା ନିମନ୍ତେତୁମ୍ଭଙ୍କୁ ଚିନ୍ତଲି ମୁଁ ଚିତ୍ତେ
Couplet 99
ବିଦ୍ୟା ପ୍ରୟୋଗେ ହୋଇ ବଶତୁମ୍ଭେ ମିଳିଲ ମୋ'ର ପାଶ
Couplet 100
ହେ ପ୍ରଭୁ ଦୋଷ କ୍ଷମାକରଦାସୀ ମୁଁ ତୁମ୍ଭ ଚରଣର
Couplet 101
ମୋ' ମନୋରଥ ହେଲା ପୂର୍ଣ୍ଣସ୍ୱସ୍ଥାନେ କରନ୍ତୁ ଗମନ
Couplet 102
ତା'ବାକ୍ୟେ ସୂର୍ଯ୍ୟ ତୋଷ ହୋଇକହନ୍ତି କନ୍ୟା ମୁଖ ଚାହିଁ
Couplet 103
ହେ ପୃଥା ଶୁଣ ମୋ' ବଚନବ୍ୟର୍ଥ ନ ହୁଏ ମୋ' ଦର୍ଶନ
Couplet 104
ତୋ'ଠାରେ କରି ଗର୍ଭାଧାନଆମ୍ଭେ ଚଳିବୁ ନିଜ ସ୍ଥାନ
Couplet 105
ଅବଶ୍ୟ ତୋ' ପୁତ୍ର ହୋଇବତୋତେ ସେ ଦୋଷ ନ ଲାଗିବ
Couplet 106
ଏମନ୍ତେ କଲେ ଗର୍ଭାଧାନପୁତ୍ର ହୋଇଲା ତତ୍କ୍ଷଣ
Couplet 107
ପୁତ୍ରଶିଶୁକୁ ନିନ୍ଦା ଡରେଭସାଇ ଦେଲେ ନଦୀ ଜଳେ
Couplet 108
ତା' ପରେ ହୋଇଲାକି ଯାହାଶୁଣ କହିବ ନୃପନାହା
Couplet 109
ପାଣ୍ତୁ ଯେ ତୋ ପ୍ରପିତାମହପୃଥାକୁ କଲା ସେ ବିବାହ
Couplet 110
କାରୂଷ ବୃଦ୍ଧଶର୍ମା ନାମଶ୍ରୁତ ଦେବାକୁ ବରେ ପୁଣ
Couplet 111
ବିବାହ କରି ବେଦମତେତା'ଗର୍ଭେ ଉପୁଜିଲା ସୁତେ
Couplet 112
ତା' ଦେଖି ଡରେ ରିପୁଚକ୍ରତା' ନାମ ହେଲା ଦନ୍ତବକ୍ର
Couplet 113
କୈକେୟ ବଂଶେ ଦୃଷ୍ଟକେତୁସେ ପୁଣି ନିଜ ବଂଶ ହେତୁ
Couplet 114
ଶ୍ରୁତକୀର୍ତ୍ତିକି ବିଭାକଲାତା' ପାଞ୍ଚପୁତ୍ର ଉପୁଜିଲା
Couplet 115
ସେ ସୁତ ସନ୍ତର୍ଦ୍ଦନ ଆଦିସ୍ୱଭାବେ ସର୍ବଗୁଣେ ସିଦ୍ଧି
Couplet 116
ଆବନ୍ତ୍ୟ ଶୂରସେନ ବଳାରାଜାଧିଦେବୀ ବିଭାକଲା
Couplet 117
ନାମ ତାହାର ଜୟସେନତା' ଅଂଶେ ଦୁଇପୁତ୍ର ଜନ୍ମ
Couplet 118
ବିନ୍ଦ ଯେ ଅନୁବିନ୍ଦ ବେନିରାଜାଧିଦେବୀ ତହୁଁ ଜନ୍ମି
Couplet 119
ଚେଦି ରାଜନ ଦମଘୋଷଶ୍ରୁତଶ୍ରବାକୁ ବରି ତୋଷ
Couplet 120
ତା'ର କୁମର ଶିଶୁପାଳସେ ବୀର ତେଜେ ଅନର୍ଗଳ
Couplet 121
ତାହାର ଜନ୍ମ ତୋତେ ଭାବେମୁଁ ତାହା କହିଅଛି ପୂର୍ବେ
Couplet 122
ଦେବଭାଗର କଂସା ପତ୍ନୀତା' ଗର୍ଭେ ଜାତ ସୁତ ବେନି
Couplet 123
ଚିତ୍ରକେତୁ ଯେ ବୃହଦ୍ବଳତେଜେ ଏ ବେନି ଅନର୍ଗଳ
Couplet 124
ଦେବଶ୍ରବାର ବୀର୍ଯ୍ୟେ ଜାତକଂସାବତୀର ଦୁଇ ସୁତ
Couplet 125
ସୁବୀର ଇଷୁମାନ ବେନିଏମନ୍ତେ ଦୁଇ ପୁତ୍ର ଜନ୍ମି
Couplet 126
କଙ୍କ ଔରସେ କଙ୍କା ଗର୍ଭେବକ ପ୍ରଥମେ ଜନ୍ମ ଲଭେ
Couplet 127
ତା' ପରେ ସତ୍ୟଜିତ୍ ଜନ୍ମିପୁରୁଜିତକୁ ଘେନି ତିନି
Couplet 128
ସୃଞ୍ଜୟ ପୁତ୍ର ବେନି ହୋଏବୃଷ ଦୁର୍ମର୍ଷଣ ତନୟେ
Couplet 129
ହରିକେଶ ଯେ ହିରଣ୍ୟାକ୍ଷଶ୍ୟାମକ ପୁତ୍ର ଯେ ପ୍ରତ୍ୟକ୍ଷ
Couplet 130
ବତ୍ସକ ମିଶ୍ରକେଶୀ ଗର୍ଭେବୃକାଦି ସନ୍ତାନ ସମ୍ଭବେ
Couplet 131
ତକ୍ଷ ପୁଷ୍କରଶାଳ ଆଦିବୃକର ସନ୍ତାନ ପ୍ରସିଦ୍ଧି
Couplet 132
ଶମୀକ ପତ୍ନୀ ସୁଦାମିନୀସୁମିତ୍ର ତା' ଗର୍ଭେ ଜନମି
Couplet 133
ଅର୍ଜ୍ଜୁନପାଳାଦି ତନୁଜେଜନ୍ମିଲେ ଶମୀକର ବୀର୍ଯ୍ୟେ
Couplet 134
କର୍ଣ୍ଣିକା ଆନକର ମେଳେଋତଧାମକୁ ପ୍ରସବିଲେ
Couplet 135
ପୁଣି ଜୟନାମେ ନନ୍ଦନଆନକ ଅଂଶେ ଉତ୍ପନ୍ନ
Couplet 136
ବସୁଦେବର ଯେତେ ନାରୀଶୁଣ ସୁମନେ ଦଣ୍ତଧାରୀ
Couplet 137
ପୌରବୀ ରୋହିଣୀ ରୋଚନାମଦିରା ଭଦ୍ରା ଇଳା କନ୍ୟା
Couplet 138
ଦେବକୀ ଆଦି ବହୁ ନାରୀସେ ବସୁଦେବ ବିଭାକରି
Couplet 139
ରୋହିଣୀ ଗର୍ଭେ ବସୁଦେବଜନ୍ମାଏ ପୁତ୍ର ବଳଦେବ
Couplet 140
ଧ୍ରୁବ ସାରଣ ଆର ଗଦବିପୁଳ କୃତ ଯେ ଦୁର୍ମଦ
Couplet 141
ପୌରବୀ ଗର୍ଭରେ ସୁଭଦ୍ରଭଦ୍ରବାହୁ ଦୁର୍ମଦ ଭଦ୍ର
Couplet 142
ଭୂତଆଦି ବାର ନନ୍ଦନବସୁଦେବର ଅଂଶେ ଜନ୍ମ
Couplet 143
ମଦିରା ଗର୍ଭେ ଉପନନ୍ଦକୃତକ ଶୂର ପୁଣି ନନ୍ଦ
Couplet 144
ଭଦ୍ରାର ଉଦରେ ସମ୍ଭୂତକେଶୀ ନାମରେ ଏକ ସୁତ
Couplet 145
ବସୁଦେବର ଔରସରେପୁଣି ସେ ରୋଚନା ଗର୍ଭରେ
Couplet 146
ହସ୍ତହେମାଙ୍ଗଦ ସହିତେଜନ୍ମ ଲଭିଲେ ବହୁ ସୁତେ
Couplet 147
ଉରୁ ବଲଲାଦି ପୁତ୍ର ଶ୍ରେଷ୍ଠସେ ଯଦୁବଂଶରେ ଗରିଷ୍ଠ
Couplet 148
ସେମାନେ ଇଳା ଗର୍ଭେ ଜାତବସୁଦେବଙ୍କର ଅପତ୍ୟ
Couplet 149
ବିପୃଷ୍ଠ ନାମେ ଏକ ବଳାଧୃତଦେବାର ତହୁଁ ହେଲା
Couplet 150
ଶ୍ରମ ପ୍ରତିଶ୍ରୁତକୁ ଘେନିଶାନ୍ତି ଦେବାର ଗର୍ଭେ ଜନ୍ମି
Couplet 151
କଳ୍ପ ବର୍ଷାଦି ଦଶସୁତଉପଦେବା ଗର୍ଭୁ ସମ୍ଭୂତ
Couplet 152
ବସୁ ହଂସ ଦୁଇ ସହିତସୁବଂଶଆଦି ଷଡ଼ସୂତ
Couplet 153
ଦେବରକ୍ଷିତାର ନନ୍ଦନଗଦାଦି ନବଗୋଟି ଜାଣ
Couplet 154
ସହଦେବାର ଗର୍ଭେ ଅଷ୍ଟପୁରୁବିଶ୍ରୁତ ଯହିଁ ଜ୍ୟେଷ୍ଠ
Couplet 155
ଅଷ୍ଟବସୁଙ୍କୁ ପାଇ ସୁତଧର୍ମ ଯେସନେ ହୃଷ୍ଟଚିତ୍ତ
Couplet 156
ସେ ରୂପେ ବସୁଦେବ ହୃଷ୍ଟହୋଇଲେ ପାଇ ପୁତ୍ର ଅଷ୍ଟ
Couplet 157
ଦେବକୀ ଗର୍ଭରେ ସମ୍ଭୂତବସୁଦେବଙ୍କ ଅଷ୍ଟସୁତ
Couplet 158
ପ୍ରଥମେ ହୋଇ କୀର୍ତ୍ତିମାନପରେ ସୁଷେଣ ଭଦ୍ରସେନ
Couplet 159
ଋଜୁ ସମର୍ଦ୍ଦନ ସହିତେଭଦ୍ରକୁ ଘେନି ଷଷ୍ଠସୁତେ
Couplet 160
ସପ୍ତମ ସୁତ ସଙ୍କର୍ଷଣଅଷ୍ଟମେ ହରି ହେଲେ ଜନ୍ମ
Couplet 161
ଦେବକୀ ଗର୍ଭେ ଅଷ୍ଟସୁତବସୁଦେବଙ୍କ ତହୁଁ ଜାତ
Couplet 162
ପୁଣି ଯେ କନ୍ୟାଏ ଜନ୍ମିଲାସୁଭଦ୍ରା ନାମ ତା'ର ହେଲା
Couplet 163
ସେ ତୋର ଅଟେ ପିତାମହୀଏବେ ତୁ ଶୁଣ ନରସାଇଁ
Couplet 164
ଯେ କାଳେ ଧର୍ମ କ୍ଷୟ ହୁଏଅଧର୍ମ ହୁଅଇ ଉଦୟେ
Couplet 165
ସେ କାଳେ ପ୍ରଭୁ ଭଗବାନଆତ୍ମାକୁ କରନ୍ତି ସୃଜନ
Couplet 166
ଜଗତ ହିତେ ମୟାଧରଲୀଳାବିହାରେ ହରେ ଭାର
Couplet 167
ଏ ହରି ମାୟାର ନିୟନ୍ତାସଙ୍ଗ ରହିତ ସର୍ବକର୍ତ୍ତା
Couplet 168
ସପ୍ତମ ପ୍ରାଣୀ ହୃଦ୍ଗତେସାକ୍ଷୀ ରୂପରେ ଥାଏ ନିତ୍ୟେ
Couplet 169
ମାୟାରେ ଖେଳଇ ଜଗତେଜନ୍ମକର୍ମାଦି ପ୍ରାଣୀ ହିତେ
Couplet 170
ତା' ମାୟା ଚେଷ୍ଟା ଜୀବପକ୍ଷେଅନୁଗ୍ରହ ରୂପ ପ୍ରତ୍ୟକ୍ଷେ
Couplet 171
ସୃଷ୍ଟି ସ୍ଥିତି ଲୟ କାରଣଜୀବର ମୋକ୍ଷର ନିଦାନ
Couplet 172
ଅସଂଖ୍ୟ ଅକ୍ଷୌହିଣୀ ପତିଅସୁରେ ଜନ୍ମିଲେ ଏ କ୍ଷିତି
Couplet 173
ରାଜଚିହ୍ନ କରି ଧାରଣପୃଥିବୀ କଲେ ଆକ୍ରମଣ
Couplet 174
ପୃଥିବୀ ଭାରାକ୍ରାନ୍ତ ହୋଇଧାରଣେ ସମର୍ଥ ନୁହଇ
Couplet 175
ଭାରା ହରଣ ଅର୍ଥେ ହରିଜଗତେ ନାନା ରୂପଧରି
Couplet 176
ହେ ନୃପ ଶୁଣ ଏକଚିତ୍ତେସେ ହରି ମହିମା ଯେମନ୍ତେ
Couplet 177
ନିଜ ଇଚ୍ଛାରେ ଅବତରିଅସୁରଗଣଙ୍କୁ ସଂହାରି
Couplet 178
ଦେବେ ନ ପାନ୍ତି ଯା'ର ଅନ୍ତତା'ର ମାୟାରେ ହୋଇ ଭ୍ରାନ୍ତ
Couplet 179
ସେ ସଙ୍କର୍ଷଣର ସହିତେଲୀଳାରେ ବିହରେ ଜଗତେ
Couplet 180
ଯଦ୍ୟପି ସର୍ବଶକ୍ତିମାନଅଟଇ ଶ୍ରୀମଧୁସୂଦନ
Couplet 181
ସଙ୍କଳ୍ପ ମାତ୍ରେ ଭୂମିଭାରହରଣେ ସମର୍ଥ ତାହାର
Couplet 182
ତଥାପି ଭକ୍ତଙ୍କର ହିତେତା' ଅବତାର ଏଜଗତେ
Couplet 183
କଳିଯୁଗରେ ଭକ୍ତ ଯେତେତାହାଙ୍କ ଅନୁଗ୍ରହ ଅର୍ଥେ
Couplet 184
ପବିତ୍ର ଯଶ କର୍ମମାନବିସ୍ତାର କଲେ ଭାଗବାନ
Couplet 185
ଯଶ ସ୍ମରଣେ ତମ ଧ୍ୱଂସସକଳ ଶୋକ ହୁଏ ନାଶ
Couplet 186
ଶ୍ରେଷ୍ଠ ପବିତ୍ର ତୀର୍ଥ ବ୍ରତସାଧୁଜନଙ୍କ କର୍ଣ୍ଣାମୃତ
Couplet 187
ଶ୍ରୋତ୍ର-ଅଞ୍ଜଳି ପଥେ ପାନକରେ ଯେ ଏକବାରେ ଜନ
Couplet 188
କର୍ମବାସନା କ୍ଷୟ ଦକ୍ଷସେ ନର ହୁଅଇ ପ୍ରତ୍ୟକ୍ଷ
Couplet 189
ସେ ହେତୁ ଭୋଜ ବୃଷ୍ଣି ଯେତେଅନ୍ଧକ ମଧୁର ସହିତେ
Couplet 190
କୁରୁ ସୃଞ୍ଜୟ ଆଦି ବଂଶଆଦରେ ଗାବନ୍ତି ଯା' ଯଶ
Couplet 191
ତା'ର ଚରିତ ହୃଦେ ଚିନ୍ତିସ୍ୱଚ୍ଛନ୍ଦେ ସୁଖେ ବିହରନ୍ତି
Couplet 192
ସେ ପ୍ରଭୁ ଦେବ ଭଗବାନତାହାଙ୍କୁ ହୁଏ ସୁପ୍ରସନ୍ନ
Couplet 193
ସ୍ନିଗ୍ଧ-ମଧୁର ମନ୍ଦହାସେଉଦାର ବଚନ ବିଳାସେ
Couplet 194
ଅସମ ବିକ୍ରମ ଲୀଳାରେସର୍ବାଙ୍ଗ ସୁନ୍ଦର ଶରୀରେ
Couplet 195
ତାହାଙ୍କୁ କରି ଆନନ୍ଦିତସେମାନେ ମାୟାରେ ମୋହିତ
Couplet 196
କର୍ଣ୍ଣରେ ମକର କୁଣ୍ତଳସୁନ୍ଦର କପୋଳ ଯୁଗଳ
Couplet 197
ବିଳାସ ହାସେ ମୁଖ ଶୋଭାକି ଅବା ପଟାନ୍ତର ଦେବା
Couplet 198
ନିତ୍ୟେ ତାହାର ମୁଖ ଦେଖିସେ ନର ନାରୀ ହେଲେ ସୁଖୀ
Couplet 199
ନେତ୍ର ଉତ୍ସବ ତା'ର ଶୋଭାଲୋକଲୋଚନ ମନଲୋଭା
Couplet 200
ତଥାପି ସେମାନଙ୍କ ନେତ୍ରକଦାପି ନୋହେ ପରିତୃପ୍ତ
Couplet 201
ଭୁବନମୋହନ ସୁନ୍ଦରରୂପ ତାହାଙ୍କ ମନୋହର
Couplet 202
ନିମିଷମାତ୍ର ନ ଦେଖିଲେଦୁଃଖିତ ହୁଅନ୍ତି ବିକଳେ
Couplet 203
ସେ ବସୁଦେବ ଘରେ ହରିଜନ୍ମିଲେ ନରଦେହ ଧରି
Couplet 204
ହରିଲେ ଧରଣୀର ଭାରଯେ ରୂପ ଦେଖି ଦେବାସୁର
Couplet 205
ପଶୁମନୁଷ୍ୟ ଆଦି ଯେତେଶରୀର ଧରି ଏ ଜଗତେ
Couplet 206
କୀଟପତଙ୍ଗ ଆଦି କରିଯେ ରୂପ ଦେଖି ଗଲେ ତରି
Couplet 207
ତା'ର ମହିମା କେବା କହିପାରିବ ନରଦେହ ବହି
Couplet 208
ହେ ନୃପ ଶୁଣ ତୋଷଚିତ୍ତେଅଦ୍ଭୁତ କର୍ମ ତା'ର ଯେତେ
Couplet 209
ସେ ବନ୍ଦୀଘରେ ନିଜ ରୂପେଜନ୍ମି ଗୁପତେ ଗଲେ ଗୋପେ
Couplet 210
ତାହାଙ୍କୁ ପାଇ ବ୍ରଜବାସୀସୁଖେ ବଞ୍ଚନ୍ତି ଦିବାନିଶି
Couplet 211
ରିପୁ ସଂହାରି ବଢ଼ି ବ୍ରଜେମାରି ମଥୁରା କଂସରାଜ୍ୟେ
Couplet 212
ଦ୍ୱାରକାପୁରେ ବାସ କରିବିବାହ କରି ବହୁ ନାରୀ
Couplet 213
ଜନ୍ମାଇ ଅସଂଖ୍ୟ ନନ୍ଦନଅନେକ କରି ଯଜ୍ଞମାନ
Couplet 214
ଲୋକଙ୍କୁ ଦେଇ ଯଜ୍ଞଶିକ୍ଷାନିଗମମାର୍ଗ କଲେ ରକ୍ଷା
Couplet 215
କୁରୁପାଣ୍ତବ ମଧ୍ୟେ କଳିଭିଆଇ ବହୁ ସୈନ୍ୟ ମାରି
Couplet 216
ଧରଣୀ ଭାର ଅପହରିଅର୍ଜ୍ଜୁନେ ଦେଇ ଜୟଶିରୀ
Couplet 217
ଉଦ୍ଧବେ ଦେଇ ଆତ୍ମଜ୍ଞାନଚଳିଲେ ଆପଣା ଭୁବନ
Couplet 218
ସୁଜନଜନ ଏହା ଶୁଣିଭକତି ହୃଦେ ପରିମାଣି
Couplet 219
ଏ ଭବଜଳୁ ତରିଯିବଯାହା ନ ଲଭେ ବ୍ରହ୍ମାଶିବ
Couplet 220
ସେ ହରିଚରିତ ସୁମରମୁଁ ତୁମ୍ଭ ଚରଣେ କିଙ୍କର
Couplet 221
ବୋଲଇ ବିପ୍ର ଜଗନ୍ନାଥନବମେ ବଂଶାନୁଚରିତ