Adhyaya 23

Couplet 1

ଅନୁର ବଂଶେ ତିନିସୁତଶୁଣ ରାଜନ ପରୀକ୍ଷିତ

Couplet 2

ଚକ୍ଷୁ ପରେକ୍ଷୁ ବେନି ସୁତତୃତୀୟେ ସଭାନର ଜାତ

Couplet 3

ସଭାନରରୁ କାଳନରସୃଞ୍ଜୟ ତାହାର କୁମର

Couplet 4

ଜନମେଜୟ ତା'ର ସୁତତା'ଠାରୁ ମହାଶାଳ ଜାତ

Couplet 5

ତହୁଁ ଯେ ମହାମନା ଜାତତାହାର ହେଲେ ଦୁଇ ସୁତ

Couplet 6

ସେ ମହାମନା ବୀର୍ଯ୍ୟେ ଘେନିତିତିକ୍ଷୁ ଉଶୀନର ବେନି

Couplet 7

ଶିବି ଯେ କୃମି ଦକ୍ଷ ବରଉଶୀନର ଚାରି କୁମର

Couplet 8

ଉଶୀନରର ବୀର୍ଯ୍ୟେ ଜାତହୋଇଲେ ଜଗତେ ବିଦିତ

Couplet 9

ହୋଇଲେ ଶିବି ବୀର୍ଯ୍ୟେ ଜନ୍ମଅଦ୍ଭୁତ ତାହାଙ୍କର କର୍ମ

Couplet 10

ବୃଷାଦର୍ଭ ସୁବୀର ଦୁଇମଦ୍ର କେକୟ ଚାରିଭାଇ

Couplet 11

ତିତିକ୍ଷୁ ପୁତ୍ର ଋଷଦ୍ରଥଅଦ୍ଭୁତ ତାହାର ଚରିତ

Couplet 12

ତାହାର ପୁତ୍ର ନାମ ହୋମସୁତପା ତାହାର ନନ୍ଦନ

Couplet 13

ସୁତପା ପୁତ୍ର ବଳି ହୋଇବନେ ତପସ୍ୱୀ ରୂପ ବହି

Couplet 14

ରହିଲା ସଂସାର ଉପେକ୍ଷିସ୍ୱପନ ପ୍ରାୟେ ସର୍ବ ଦେଖି

Couplet 15

ବଳିର କ୍ଷେତ୍ରେ ଷଡ଼ାତ୍ମଜେଜନ୍ମିଲେ ଦୀର୍ଘତମା ବୀର୍ଯ୍ୟେ

Couplet 16

ଅଙ୍ଗବଙ୍ଗ କଳିଙ୍ଗ ତିନିସୁହ୍ମ ପୁଣ୍ତ୍ର ଯେ ଉଡ୍ର ଘେନି

Couplet 17

ଆପଣା ନାମେ ରାଜ୍ୟ କରିସୁଖେ ପାଳିଲେ ବସୁନ୍ଧରୀ

Couplet 18

ଏ ଷଡ଼ଦେଶେ ହୋଇ ରାଜାଧର୍ମେ ପାଳିଲେ ଜନପ୍ରଜା

Couplet 19

ଅଙ୍ଗ ତନୟ ଖନପାନଦିବିରଥ ତା'ର ନନ୍ଦନ

Couplet 20

ଧର୍ମତଥ ଯେ ତା'ର ସୁତତା' ତହୁଁ ଜନ୍ମ ଚିତ୍ରରଥ

Couplet 21

ସେ ଚିତ୍ରରଥ ବଂଶହୀନରୋମପାଦ ତା' ଖ୍ୟାତ ନାମ

Couplet 22

ଦଶରଥର ସଖା ସେହିଅପୁତ୍ର ତା'ର ବଂଶ ଚାହିଁ

Couplet 23

ଶାନ୍ତା କନ୍ୟାକୁ ଦେଲା ନେଇଅତି ଆନନ୍ଦେ ତୋଷ ହୋଇ

Couplet 24

ସେ ତା'କୁ ଋଷ୍ୟଶୃଙ୍ଗ ତୁଲେବେଦବିଧାନେ ବିଭା ଦେଲେ

Couplet 25

ପୂର୍ବେ ସେ ରୋମପାଦ ଦେଶେତା' ଦେଶେ ଇନ୍ଦ୍ର ନ ବରଷେ

Couplet 26

ମନ୍ତ୍ରୀ ବଚନେ ଜ୍ଞାନ ପାଇହରିଣୀସୁତକୁ ଅଣାଇ

Couplet 27

ରାଜା ଆଦେଶେ ବେଶ୍ୟାଗଣଗଲେ ସେ ମୁନି ତପୋବନ

Couplet 28

ତାହାଙ୍କ ନୃତ୍ୟବାଦ୍ୟ ଗୀତେବିଭ୍ରମ ଜନ୍ମେ ଋଷି ଚିତ୍ତେ

Couplet 29

ଗଣିକା ନୃତ୍ୟଗୀତ ବଳେଚିତ୍ତ ମଜ୍ଜିଲା କାମଭୋଳେ

Couplet 30

ଇନ୍ଦ୍ର ନିମନ୍ତେ ଯଜ୍ଞ ପୁଣସେ ଋଷି କଲେ ନାନା କର୍ମ

Couplet 31

ଏମନ୍ତେ ଇନ୍ଦ୍ର ବରଷିଲାରାଜାର ସନ୍ତତି ହୋଇଲା

Couplet 32

ସନ୍ତାନ ହୀନ ଦଶରଥତା'ର ସକାଶୁଁ ପୁତ୍ର ପ୍ରାପ୍ତ

Couplet 33

ରୋମପାଦର ଯେଉଁ ସୁତସେ ଚତୁରଙ୍ଗ ନାମେ ଖ୍ୟାତ

Couplet 34

ତା' ପୁତ୍ର ପୃଥୁଳାକ୍ଷ ହେଲାତାହାର ବୃହଦ୍ରଥ ବଳା

Couplet 35

ଆବର ବୃହଦ୍‌ଭାନୁ ନାମତୃତୀୟେ ପୁଣି ବୃହତ୍‌କର୍ମ

Couplet 36

ବୃହଦ୍ରଥରୁ ବୃହନ୍ମନତା' ପୁତ୍ର ଜୟଦ୍ରଥ ନାମ

Couplet 37

ବିଜୟ ତାହାର କୁମରତହୁଁ ଜନ୍ମିଲା ଧୃତିବୀର

Couplet 38

ତା'ର କୁମର ଧୃତବ୍ରତସତ୍‌କର୍ମା ହେଲା ତା'ର ସୁତ

Couplet 39

ଅଧିରଥ ତା'ର ନନ୍ଦନବନେ ଭ୍ରମୁଁ ସେ ଏକଦିନ

Couplet 40

ଗଙ୍ଗାର ତୀରେ କ୍ରିଡ଼ାକାଳେଦେଖେ ମଞ୍ଜୁଷା ଭାସେ ଜଳେ

Couplet 41

ମଞ୍ଜୁଷା ମଧ୍ୟେ ଶିଶୁ ଦେଖିରାଜା ହୋଇଲା ଅତି ସୁଖୀ

Couplet 42

ସେ ଶିଶୁ କୁନ୍ତୀ ଗର୍ଭଜାତକୁନ୍ତୀ ତାହାକୁ କଲା ତ୍ୟକ୍ତ

Couplet 43

ସେ ରାଜା ନିଃସନ୍ତାନ ଥିଲାଶିଶୁପୁତ୍ରକୁ ସେ ପାଳିଲା

Couplet 44

କନ୍ୟା କାଳରେ ଜନ୍ମିଥିଲାକାନୀନ ସଜ୍ଞା ତେଣୁ ହେଲା

Couplet 45

ସେ ଅଧିରଥର ନନ୍ଦନତାହାର ନାମ ହେଲା କର୍ଣ୍ଣ

Couplet 46

ତାହାର ବୃଷସେନ ସୁତଏବେ ତୁ ଶୁଣ ନରନାଥ

Couplet 47

ଏବେ ତୁ ଦ୍ରୁହ୍ୟୁବଂଶ ଶୁଣବଭ୍ରୁ ଯେ ତାହାର ନନ୍ଦନ

Couplet 48

ତା'ର ତନୟ ସେତୁ ନାମଆରବ୍ଧ ତାହାର ନନ୍ଦନ

Couplet 49

ତାହାର ପୁତ୍ର ଯେ ଗାନ୍ଧାରଧର୍ମ ଯେ କୁମର ତାହାର

Couplet 50

ଧର୍ମର ପୁତ୍ର ନାମ ଧୃତଦୁର୍ମନା ତାହାର ଯେ ପୁତ୍ର

Couplet 51

ତାହାର ପୁତ୍ର ଯେ ପ୍ରଚେତହେଲେ ତାହାର ଶତେ ପୁତ୍ର

Couplet 52

ଉତ୍ତରେ ସେ ନାନା ଦେଶରେରହିଲେ ମ୍ଳେଚ୍ଛ ଅଧିକାରେ

Couplet 53

ତୁର୍ବସୁ ତହୁଁ ବହ୍ନି ଜାତଭର୍ଗ ତାହାର ହେଲା ସୁତ

Couplet 54

ତା'ର ପୁତ୍ର ଯେ ଭାନୁମାନତ୍ରିଭାନୁ ତାହାର ନନ୍ଦନ

Couplet 55

କରନ୍ଧମ ଯେ ତା'ର ସୁତତାହାର ତନୟ ମରୁତ

Couplet 56

ପୁରୁବଂଶରେ ହୋଇ ଜାତଯା' ନାମ ଅଟଇ ଦୁଷ୍ୟନ୍ତ

Couplet 57

ମରୁତ ତା'କୁ କଲା ପୁତ୍ରସେପୁଣି ରାଜ୍ୟ ଲୋଭେ ଗ୍ରସ୍ତ

Couplet 58

ପୁଣି ସେ ବଂଶେ ପ୍ରବେଶିଲାଉଭୟ ରାଜ୍ୟ ଭୋଗ କଲା

Couplet 59

ଏମନ୍ତେ ଅନୁବଂଶ ଯେତେକହିଲି ବଂଶାନୁଚରିତେ

Couplet 60

ଯହିଁ ଅଶେଷ ନୃପଗଣଏବେ ହୋ ଯଦୁବଂଶ ଶୁଣ

Couplet 61

ଯେ ବଂଶେ ପ୍ରଭୁ ଭାବଗ୍ରାହୀଜନ୍ମିଲେ କୃଷ୍ଣ ଦେହ ବହି

Couplet 62

ଏ ବଂଶ ମହିମା ଶୁଣନ୍ତେପାପ ନରହେ ହୃଦଗତେ

Couplet 63

ଯଦୁରାଜାର ଚାରି ସୁତେଶୁଣ ତାହାଙ୍କ ନାମ ଯେତେ

Couplet 64

ସହସ୍ରଜିତ ରିପୁ ବେନିଆବର କ୍ରୋଷ୍ଟା ନଳ ଘେନି

Couplet 65

ସହସ୍ରଜିତ ତହୁଁ ଜାତଶତଜିତ ନାମରେ ସୁତ

Couplet 66

ସହସ୍ରଜିତ ସୁତ ତିନିରୂପ ଲାବଣ୍ୟ ଗୁଣ ଘେନି

Couplet 67

ଯେ ମହାହୟ ବେଣୁହୟହୈହୟ ନାମେ ମହାଶୟ

Couplet 68

ଧର୍ମ ଯେ ହୈହୟର ସୁତନେତ୍ର ତାହାର ବୀର୍ଯ୍ୟେ ଜାତ

Couplet 69

କୁନ୍ତି ତାହାର ପୁତ୍ର ହୋଏସୋହଞ୍ଜି କୁନ୍ତିର ତନୟେ

Couplet 70

ତାହାର ପୁତ୍ର ମହୀଷ୍ମାନତା'ର କୁମର ଭଦ୍ରସେନ

Couplet 71

ଭଦ୍ରସେନର ତହୁଁ ଜନ୍ମିଦୁର୍ମଦ ଧନକ ଏ ବେନି

Couplet 72

କୃତାଗ୍ନି କୃତବୀର୍ଯ୍ୟେ ବେନିକୃତୌଜା କୃତବର୍ମା ଘେନି

Couplet 73

ଧନକ ପୁତ୍ର ଏ ଜଗତେବିଷ୍ଣୁର ତେଜ ଅପ୍ରମିତେ

Couplet 74

କୃତବୀର୍ଯ୍ୟ ସୁତ ଅର୍ଜ୍ଜୁନସପତଦ୍ୱୀପେ ସେ ରାଜନ

Couplet 75

ଦତ୍ତାତ୍ରେୟଙ୍କୁ ସେବା କରିଯୋଗେ ହୋଇଲା ଅଧିକାରୀ

Couplet 76

ସେ କାର୍ତ୍ତବୀର୍ଯ୍ୟର ମହିମାକେ କହିପାରେ ଗୁଣସୀମା

Couplet 77

ହୈହୟ ବଂଶେ ରାଜା ଯେତେତପସ୍ୟା ଯଜ୍ଞ ଦାନ ମତେ

Couplet 78

ନାନା ପ୍ରକାରେ ଯେତେ ସାଧିଅଣିମା ଆଦି ଅଷ୍ଟନିଧି

Couplet 79

ପଞ୍ଚାଶୀ ସହସ୍ର ବରଷସମ୍ପଦ ଭୁଞ୍ଜିଲା ଅଶେଷ

Couplet 80

ତାହାର ସମ ଏ ସଂସାରେକେହି ନୋହିଲେ ଅଧିକାରେ

Couplet 81

ତାହାର ସହସ୍ରେ ନନ୍ଦନଯୁଦ୍ଧେ ସେ ହୋଇଲେ ନିଧନ

Couplet 82

ତା' ମଧ୍ୟେ ପାଞ୍ଚ ଯେ କୁମରକ୍ଷତ୍ରିୟ ବଳେ ବଳୀୟାର

Couplet 83

ଜୟଧ୍ୱଜ ଯେ ଶୂରସେନବୃଷଭ ମଧୁ ବିଦ୍ୟମାନ

Couplet 84

ଉର୍ଜ୍ଜିତ ଅଟଇ ପଞ୍ଚମେଅଇରୀ କମ୍ପନ୍ତି ଯା' ନାମେ

Couplet 85

ଜୟଧ୍ୱଜର ତହୁଁ ଜାତନାମ ତା' ତାଳଜଂଘ ଖ୍ୟାତ

Couplet 86

ଶତେ ନନ୍ଦନ ତା'ର ହୋଏଯା' ନାମେ ରିପୁ କରେ ଭୟେ

Couplet 87

ଔର୍ବ ଋଷିଙ୍କ ବ୍ରହ୍ମତେଜେକ୍ଷତ୍ରିୟ ପଣେ ତା'ଙ୍କ ରାଜ୍ୟେ

Couplet 88

ସଗର ତା'ଙ୍କୁ କଲେ ହତଏ ଯେ କ୍ଷତ୍ରିୟ ବୀର ସୁତ

Couplet 89

ତାହାଙ୍କ ମଧ୍ୟେ ଜ୍ୟେଷ୍ଠସୁତତାହାର ନାମ ବୀତିହୋତ୍ର

Couplet 90

ମଧୁର ଶତେ ପୁତ୍ର ହୋଇବୃଷ୍ଣି ତା' ମଧ୍ୟେ ଜ୍ୟେଷ୍ଠ ଥାଇ

Couplet 91

ମାଧବ ବୃଷ୍ଣି ଯେ ଯାଦବଏଣୁ ଏ ଘୋଷନ୍ତି ସାଧବ

Couplet 92

ଯଦୁପୁତ୍ର କ୍ରୋଷ୍ଠାର ବୀର୍ଯ୍ୟେବୃଜିନବାନ ଯେ ଉପୁଜେ

Couplet 93

ତା' ପୁତ୍ର ଶ୍ୱାହିତ ହୋଇଲାରୁଶେକୁ ଅଟେ ତାର ବଳା

Couplet 94

ତା'ର କୁମର ଚିତ୍ରରଥତାହାର ଶଶବିନ୍ଦୁ ସୁତ

Couplet 95

ସେ ମହାଯୋଗୀ ମହାଭୁଜଭୁବନଜିତ ତା'ର ତେଜ

Couplet 96

ଦଶସହସ୍ର ତା'ର ନାରୀଅଶେଷ ଯଶେ ଅଧିକାରୀ

Couplet 97

ନାରୀ ଗୋଟିକେ ଲକ୍ଷେ ସୁତଶଶବିନ୍ଦୁର ହେଲେ ଜାତ

Couplet 98

ଏମନ୍ତେ ଦଶସସ୍ର ଲକ୍ଷକୁମରେ ହୋଇଲେ ପ୍ରତ୍ୟକ୍ଷ

Couplet 99

ତାହାଙ୍କ ମଧ୍ୟେ ଷଡ଼ସୁତେପୃଥୁଶ୍ରବାଦି ଏ ଜଗତେ

Couplet 100

ଧର୍ମ ଯେ ପୃଥୁଶ୍ରବା ବଳାତହୁଁ ଉଶନା ଜନମିଲା

Couplet 101

ଅଶ୍ୱମେଧରେ ସେ ଦୀକ୍ଷିତହୋଇ କଲାକ ଯଜ୍ଞ ଶତ

Couplet 102

ରୁଚକ ନାମେ ତା'ର ସୁତତା'ର କୁମର ପାଞ୍ଚ ଜାତ

Couplet 103

ରୁକ୍ମ ରୁକ୍ମେଷୁ ପୁରୁଜିତପୃଥୁ ଜ୍ୟାମଘ ପାଞ୍ଚସୁତ

Couplet 104

ଜ୍ୟାମଘ ପତ୍ନୀ ଶୈବ୍ୟା ହୋଇକେବେହେଁ ପୁତ୍ର ନ ଲଭଇ

Couplet 105

ଜ୍ୟାମଘ ତା'କୁ କରି ଭୟନ କଲା ଦାର ପରିଗ୍ରହ

Couplet 106

ସେ ରାଜା ଦିଗବିଜେ କରିଅନେକ ରିପୁବଳ ମାରି

Couplet 107

ନାନା ପ୍ରକାରେ ରିପୁ ଜିଣିଅନେକ ଧନରତ୍ନ ଆଣି

Couplet 108

କନ୍ୟାଏ ପାଇ ରୂପରାଶିତାହାଙ୍କ ସଙ୍ଗେ ରଥେ ବସି

Couplet 109

ମିଳିଲା ଆପଣା ଭୁବନେଅନେକ ବାଦ୍ୟ ନାଦ ସ୍ୱନେ

Couplet 110

ଶୈବ୍ୟା ନାମେଣ ତା'ର ରାଣୀଉତ୍ସ›ବ ବାଦ୍ୟନାଦ ଶୁଣି

Couplet 111

ମନ୍ଦିରୁ ହୋଇଲା ବାହାରଭୁଷିତ ନାନା ଅଳଙ୍କାର

Couplet 112

ରଥକୁ ଚାହେଁ ବେନି ଡ଼ୋଳେକନ୍ୟାଏ ଅଛି ତା'ର କୋଳେ

Couplet 113

ଅତି ସୁନ୍ଦର ତା'ର ତନୁଦେଖି ପାଇଲା ହୃଦେ ମନ୍ୟୁ

Couplet 114

ବୋଇଲା ରାଜାମୁଖ ଚାହିଁଏ କନ୍ୟା ପାଇଲୁ ତୁ କାହିଁ

Couplet 115

ଶୈବ୍ୟା ବଚନ ଶୁଣି ରାୟେହୃଦେ ପାଇଲା ମହାଭୟେ

Couplet 116

ବୋଇଲେ ମଧୁର ଉତ୍ତରଏ କନ୍ୟା ବଧୂ ଯେ ତୋହର

Couplet 117

ଶୈବ୍ୟା ବୋଲଇ କୋପ ବହିଏ ଜନ୍ମେ ତୋ'ର ପୁତ୍ର ନାହିଁ

Couplet 118

ଆଣିଲୁ ସପତଣୀ ଅର୍ଥେଏବେ ତୁ ଭଣ୍ତୁ ମୋ' ଅଗ୍ରତେ

Couplet 119

ଶୁଣି ସେ ଶୈବ୍ୟାର ବଚନମଧୁରେ ବୋଇଲେ ରାଜନ

Couplet 120

ଏବେ ଯେ ପୁତ୍ର ଉପୁଜିବଏ କନ୍ୟା ସେ ବିଭା ହୋଇବ

Couplet 121

ଅନେକ ହୋଇବ ମୋ' ବଂଶତୁ ଶୁଣି ଶୈବ୍ୟା ହେଲା ତୋଷ

Couplet 122

ଭୁବନେ କଲା ସେ ପ୍ରବେଶଆନନ୍ଦେ ହୋଇ ହସହସ

Couplet 123

ସନ୍ତୋଷ ହେଲେ ପିତୃଦେବେପୁତ୍ର ହୋଇଲା ଶୈବ୍ୟାଗର୍ଭେ

Couplet 124

ସୁନ୍ଦରେ ଜଗତ ମୋହିଲାବିଦର୍ଭ ତା'କୁ ନାମ ଦେଲା

Couplet 125

ସେ କନ୍ୟା ପୁତ୍ରେ ବିଭାକଲାଶୁଣ ହୋ ଗୋବିନ୍ଦର ଲୀଳା

Couplet 126

ସୁଜନ ଜନେ ଏଣେ ଭାବଏ ଘୋର ସଂସାରୁ ତରିବ

Couplet 127

ବୋଲଇ ଦାସ ଜଗନ୍ନାଥନବମେ ବଂଶାନୁଚରିତ