Skandha 9
Adhyaya 22
Couplet 1
ବ୍ୟାସକୁମର ଅତି ତୋଷେକହନ୍ତି ପରୀକ୍ଷିତ ପାଶେ
Couplet 2
ମିତ୍ରାୟୁ ଦିବୋଦାସ ସୁତଚ୍ୟବନ ତା'ର ତହୁଁ ଜାତ
Couplet 3
ସୁଦାସ ତାହାର ନନ୍ଦନତା' ସୁତ ସହଦେବ ଘେନ
Couplet 4
ସୋମକ ସହଦେବ ସୁତତା' ବୀର୍ଯ୍ୟୁ ହେଲେ ଶତେପୁତ୍ର
Couplet 5
ତାହାଙ୍କ ମଧ୍ୟେ ଜନ୍ତୁ ଜ୍ୟେଷ୍ଠପୃଷତ ଅଟଇ କନିଷ୍ଠ
Couplet 6
ଦ୍ରୁପଦ ତାହାର ନନ୍ଦନତା'ର ତନୟ ଧୃଷ୍ଟଦ୍ୟୁମ୍ନ
Couplet 7
ଦ୍ରୌପଦୀ କନ୍ୟା ତା'ଙ୍କ ଘରେସେ ଆଦିଶକ୍ତି ଜନ୍ମାନ୍ତରେ
Couplet 8
ସେ ଧୃଷ୍ଟଦ୍ୟୁମ୍ନଙ୍କର ରେତୁଁଜନ୍ମ ଲଭିଲେ ଧୃଷ୍ଟକେତୁ
Couplet 9
ଭର୍ମ୍ୟାଶ୍ୱ ବଂଶେ ଏତେ ଜାତପାଞ୍ଚାଳ ନାମେ ହେଲେ ଖ୍ୟାତ
Couplet 10
ପାଞ୍ଚାଳ ଦେଶ ରାଜା ପଣେପ୍ରଜା ପାଳିଲେ ଶୁଭକ୍ଷଣେ
Couplet 11
ଅଜମୀଢ଼ର ସୁତ ରକ୍ଷତହୁଁ ସମ୍ବରଣ ପ୍ରତ୍ୟକ୍ଷ
Couplet 12
ସେ ପୁଣି କାଳିନ୍ଦୀର ଜଳେସୂର୍ଯ୍ୟର କନ୍ୟା ସଙ୍ଗମେଳେ
Couplet 13
କୁରୁ ହୋଇଲା ତା'ର ବଂଶେଏ କଥା ଶୁଣିଛୁ ଭବିଷ୍ୟେ
Couplet 14
କୁରୁର ପୁତ୍ର ହୋଏ ଚାରିପରୀକ୍ଷିତ ସୁଧନୁ ଆହୁରି
Couplet 15
ଜହ୍ନୁ ନିଷଧାଶ୍ୱ ସହିତେଏ ରୂପେ ହେଲେ ଚାରିସୂତେ
Couplet 16
ସୁହୋତ୍ର ସୁଧନୁ ନନ୍ଦନତାହାର ସୁତ ଯେ ଚ୍ୟବନ
Couplet 17
ଚ୍ୟବନ ସୁତ କୃତୀ ନାମବସୁ ତାହାର ବୀର୍ଯ୍ୟେ ଜନ୍ମ
Couplet 18
ବସୁ ତନୟ ବୃହଦ୍ରଥକୁଶାମ୍ବ ଦ୍ୱିତୀୟ ଯେ ପୁତ୍ର
Couplet 19
ମତ୍ସ୍ୟ ତୃତୀୟ ପୁତ୍ର ହୁଏପ୍ରତ୍ୟଗ୍ର ଚତୁର୍ଥ ବୋଲାଏ
Couplet 20
ଚେଦିପ ଆଦି ବହୁ ଭ୍ରାତଉପରିଚର ବସୁ ପୁତ୍ର
Couplet 21
କୁଶାଗ୍ର ବୃହଦ୍ରଥ ସୁତଋଷଭ ତା'ର ତହୁଁ ଜାତ
Couplet 22
ଋଷଭ ପୁତ୍ର ସତ୍ୟହିତପୁଷ୍ପବାନ ଯେ ତା'ର ସୁତ
Couplet 23
ବୃହଦ୍ରଥର ବେନିନାରୀଦୁର୍ବାସା ପାଦେ ସେବା କରି
Couplet 24
ଗର୍ଭର ଅର୍ଥେ ଚ୍ୟୁତ ଫଳବାଣ୍ଟି ଖାଇଲେ ବେନିଫାଳ
Couplet 25
ଋଷି ବଚନେ ତା'ଙ୍କ ବାଳେଜନ୍ମ ହୋଇଲେ ବେନି ଫାଳେ
Couplet 26
ଜୀବନ ନାହିଁ ତା'ଙ୍କ ଦେହେକେ ଛାଡ଼ି ପାରି ପୁତ୍ର ସ୍ନେହେ
Couplet 27
ନିଶି ପର୍ଯ୍ୟନ୍ତେ କୋଳେ ବହିଶ୍ମଶାନେ ପକାଇଲେ ନେଇ
Couplet 28
ଏମନ୍ତେ ଶୁଣ ନରନାଥଜରାରାକ୍ଷସୀ ଉପଗତ
Couplet 29
କ୍ଷୁଧା-ପୀଡ଼ନେ ଦେଶବନେବୁଲଇ ଦୁର୍ଗମ ଶ୍ମଶାନେ
Couplet 30
ସ୍ୱଭାବେ ନରମାଂସ ଖାଇଶ୍ମଶାନେ ମିଳିଲାକ ଯାଇ
Couplet 31
ଆନନ୍ଦେ ବେନିଖଣ୍ତ ଧରିକ୍ଷେପନ୍ତେ ବଦନ ବିସ୍ତାରି
Couplet 32
ଦେଖେ ବାଳକ ବେନିଖଣ୍ତତେଜେ ବିରାଜେ ମାରତଣ୍ତ
Couplet 33
ବେନିଫାଳକୁ ଏକ କଲାସ୍ୱମନ୍ତ୍ରେ ଜୀବନ୍ୟାସ ଦେଲା
Couplet 34
ଡାକଇ ଜୀବ ଜୀବ ରାବେସେ ବେନିଖଣ୍ତ ଏକଭାବେ
Couplet 35
ତକ୍ଷଣେ କୁମର ହୋଇଲାସୁନ୍ଦରେ ଜଗତ ମୋହିଲା
Couplet 36
ପୁଣି ସେ ତା'ର ମୁଖ ଚାହିଁବୋଲଇ ଶିରେ ହସ୍ତ ଦେଇ
Couplet 37
ଅଜୟ ହୁଅ ନରଲୋକେଅନେକ ରାଜା ଜିଣି ଏକେ
Couplet 38
ଯେ ତୋତେ କରି ବେନିଫାଳକ୍ଷେପିବ ଭୂମି ଅନ୍ତରାଳ
Couplet 39
ଖଣ୍ତେ ପଡ଼ିବ ସିନ୍ଧୁଜଳେଦହିବ ବଡ଼ବା ଅନଳେ
Couplet 40
ତେବେ ପୂରିବ କାଳ ତୋ'ରଏବେ ତୁ ଅଜର ଅମର
Couplet 41
ଏମନ୍ତେ ଅସୁରୀ ସାଧନେସେ ଜରାସନ୍ଧ ଅନୁଦିନେ
Couplet 42
ଅନେକ ରାଜ୍ୟ ଭୋଗ କଲାଅନ୍ତେ ଭୀମର ହସ୍ତେ ମଲା
Couplet 43
ତା'ର କୁମର ସହଦେବତା' ବୀର୍ଯ୍ୟେ ସୋମାପି ସମ୍ଭବ
Couplet 44
ଶ୍ରୁତଶ୍ରବା ତାହାର ବଳାପରୀକ୍ଷିତ ନିଃସନ୍ତାନ ଥିଲା
Couplet 45
ଜହ୍ନୁର ତନୟ ସୁରଥତା'ର ତନୟ ବିଦୁରଥ
Couplet 46
ତା'ର କୁମର ସାର୍ବଭୌମତା' ତେଜେ କେହି ନୋହେ ସମ
Couplet 47
ତା'ର କୁମର ଜୟସେନରାଧିକ ତାହାର ନନ୍ଦନ
Couplet 48
ତାଠାରୁ ଅତାୟୁ ହୋଏଅକ୍ରୋଧନ ତା'ର ତନୟେ
Couplet 49
ତା'ର କୁମର ଦେବାତିଥିଋଷ୍ୟ ତା' ତହୁଁ ଉତ୍ପତ୍ତି
Couplet 50
ତାହାର ଆତ୍ମଜ ଦିଲୀପତା' ପୁତ୍ର ନାମଟି ପ୍ରତୀପ
Couplet 51
ପ୍ରତୀପ ବୀର୍ଯ୍ୟେ ପୁତ୍ର ତିନିହୋଇଲେ ନିଜରୂପ ଘେନି
Couplet 52
ଦେବାପି ଶାନ୍ତନୁ ବାହ୍ଲୀକସ୍ୱଭାବେ ସୁଜ୍ଞାନୀ ବିବେକ
Couplet 53
ଦେବାପି ପୂର୍ବଜାତି ସ୍ମରିରାଜ୍ୟେ ନୋହିଲା ଅଧିକାରୀ
Couplet 54
ସଂଯମେ ଯୋଗ-ଅଭ୍ୟାସନେନିଶ୍ଚଳେ ରହିଲା ସେ ବନେ
Couplet 55
ପିତାର ବଚନ ନ କଲାଅରଣ୍ୟେ ନିର୍ଭୟେ ରହିଲା
Couplet 56
ସେ ପୁଣି କଳିଯୁଗ ଶେଷେରାଜା ହୋଇବ ସୋମବଂଶେ
Couplet 57
ଶାନ୍ତୁନୁ ରାଜ୍ୟେ ହୋଇ ରାଜାଧର୍ମେ ପାଳିଲା ଜନପ୍ରଜା
Couplet 58
ପୂର୍ବଜନ୍ମରେ ତା'ର ନାମମହାଭିଷ ବୋଲି ପ୍ରଧାନ
Couplet 59
ତା'ର ମହିମା ଶୁଣ ରାୟେସେ ଯାକୁ ହସ୍ତ ଘେନି ଛୁଏଁ
Couplet 60
ସେ ଯେବେ ହୋଇଥିବ ଜୀର୍ଣ୍ଣତକ୍ଷଣେ ଲଭିବ ଯୌବନ
Couplet 61
ଶାନ୍ତି ଲଭି ଯେ ସୁଖେ ରହେତେଣୁ ସେ ଶାନ୍ତନୁ ବୋଲାଏ
Couplet 62
ଏମନ୍ତେ ତା'ର ରାଜ୍ୟ କାଳେମେଘ ନଦିଶେ ଅନ୍ତରାଳେ
Couplet 63
ବୃଷ୍ଟି ନ କରେ ବଳାହକକ୍ଷୁଧା ପୀଡ଼ିତ ସର୍ବଲୋକ
Couplet 64
ଏମନ୍ତେ ଦ୍ୱାଦଶ ବରଷବୃଷ୍ଟି ବିହୀନ ତା'ର ଦେଶ
Couplet 65
ଶାନ୍ତନୁ ବ୍ରାହ୍ମଣଙ୍କୁ ଚାହିଁବୋଲଇ ଶିରେ କର ଦେଇ
Couplet 66
ଦେଖ ଦୁଃଖିତ ନରଲୋକଜଳ ନ ମୁଞ୍ଚେ ବଳାହକ
Couplet 67
କିବା କଳ୍ମଷ ମୋ'ର ଅଛିଇନ୍ଦ୍ର ନ ବରଷେ ତା' ଲକ୍ଷି
Couplet 68
ଏମନ୍ତ ଶୁଣି ତା'ର ବାଣୀବିପ୍ରେ ନିଗମେ ପରିମାଣି
Couplet 69
ବୋଇଲେ ପରବେତ୍ତା ଦୋଷେଇନ୍ଦ୍ର ନ ବରଷେ ତୋ' ଦେଶେ
Couplet 70
ଜ୍ୟେଷ୍ଠେ ନ ଦେଇ ରାଜ୍ୟ ଶିରୀକନିଷ୍ଠ ଯେବେ ରାଜ୍ୟ କରି
Couplet 71
ଜ୍ୟେଷ୍ଠକୁ ବିବାହ ନ କରିକନିଷ୍ଠ ଯେବେ କନ୍ୟା ବରି
Couplet 72
ଜ୍ୟେଷ୍ଠ ଭ୍ରାତାର ରାଜ୍ୟଭାଗତୁମ୍ଭେ କରୁଛ ନିଜେ ଭୋଗ
Couplet 73
ସେ ପରିବେତ୍ତା ଅତି ଦୋଷେତୋ' ଦେଶେ ଇନ୍ଦ୍ର ନ ବରଷେ
Couplet 74
ଏମନ୍ତ ବିପ୍ରମୁଖୁଁ ଶୁଣିଭୟେ ବୋଲଇ ନୃପମଣି
Couplet 75
ରାଜ୍ୟ ମୁଁ ଜ୍ୟେଷ୍ଠଭ୍ରାତେ ଦେଇତପ ସାଧିବି ବନେ ରହି
Couplet 76
ସୁଖେ ଜୀଅନ୍ତୁ ଜନପ୍ରଜାଦେବାପି ରାଜ୍ୟେ ହେଉ ରାଜା
Couplet 77
ସଙ୍ଗେ ଘେନାଇ ବିପ୍ରଗଣେଦେବାପି ରାଜ୍ୟ ସମର୍ପଣେ
Couplet 78
ଶାନ୍ତୁନୁ ଜ୍ୟେଷ୍ଠଭ୍ରାତା ପାଦେପଡ଼ି ବୋଲଇ ଶୋକନାଦେ
Couplet 79
ହେ ଭ୍ରାତ ରାଜ୍ୟେ ହୁଅ ରାଜାସୁଖେ ଜୀଅନ୍ତୁ ଜନପ୍ରଜା
Couplet 80
ଦେବାପି ତା'ର ବୋଲ ଶୁଣିକହିଲା ଧର୍ମ ପରିମାଣି
Couplet 81
ଦେଶୁଁ ବାହାର ହୋଇ ମୁହିଁରାଜ୍ୟେ ମୋ' ପ୍ରୟୋଜନ ନାହିଁ
Couplet 82
ଏ ଅନ୍ତେ ରାଜା ମନ୍ତ୍ରୀଗଣକଲେ କପଟ ଆଚରଣ
Couplet 83
ବିଶ୍ୱାସୀ ବ୍ରାହ୍ମଣ ରାଇଲେତାହାଙ୍କୁ କୁମନ୍ତ୍ରଣା ଦେଲେ
Couplet 84
ବୋଇଲେ ଶୁଣ ବିପ୍ରଗଣଦେବାପି କାର୍ଯ୍ୟ କର ବିଘ୍ନ
Couplet 85
ଶୁଣି ସେ ବିପ୍ରେ ବେଗେ ଗଲେଦେବାପି ନିକଟେ ମିଳିଲେ
Couplet 86
ପାଷଣ୍ତ ମତ ପୃଷ୍ଠ ପୋଷକରି ସେ ଦେଲେ ଉପଦେଶ
Couplet 87
ତେଣୁ ତା' ବୁଦ୍ଧି ହେଲା ନଷ୍ଟବେଦମାର୍ଗର ହେଲା ଭ୍ରଷ୍ଟ
Couplet 88
ବେଦକୁ ଯେଣୁ ନିନ୍ଦା କଲାତେଣୁ ସେ ପତିତ ହୋଇଲା
Couplet 89
ରାଜ୍ୟେ ନୋହିଲା ଅଧିକାରୀପୁଣି ଶାନ୍ତନୁ ରାଜ୍ୟ କରି
Couplet 90
ତାହାର ଦୋଷ ନ ରହିଲାଦେବାପି ବେଦନିନ୍ଦା କଲା
Couplet 91
ତକ୍ଷଣେ ନିଗମ ବଚନେଜୀମୂତେ ମିଳିଲେ ଗଗନେ
Couplet 92
ଗମ୍ଭୀର ଘୋରନାଦ କରିତକ୍ଷ୍ଣେ ବରଷିଲେ ବାରି
Couplet 93
ଦେବାପି ମନେ ଜ୍ଞାନଭରିକଳାପ ଗ୍ରାମ ଆଶ୍ରେ କରି
Couplet 94
ବିଶ୍ୱ ସଂସାରେ କାଳବଳେସୋମବଂଶ ବିନାଶ ବେଳେ
Couplet 95
କଳିର ଥିବ ଅବଶେଷସେ ପୁଣି ସ୍ଥାପି ସୋମବଂଶ
Couplet 96
ରାଜା ହୋଇବ ଦିନାକେତେପ୍ରଜା ପାଳିବ ଧର୍ମଚିତ୍ତେ
Couplet 97
ମର୍ତ୍ତ୍ୟେ ସ୍ଥାପିବ ସୋମବଂଶଯେ ଅବା ଥିବ ଅବଶେଷ
Couplet 98
ବହ୍ଲୀକ ବୀର୍ଯ୍ୟେ ସୋମଦତ୍ତଭୂରି ଭୂରିଶ୍ରବା ତା' ସୁତ
Couplet 99
ଶଲକୁ ଘେନି ପୁତ୍ର ତିନିସୋମଦତ୍ତର ବୀର୍ଯ୍ୟେ ଜନ୍ମି
Couplet 100
ଶାନ୍ତୁନୁ ବୀର୍ଯ୍ୟେ ପୁତ୍ର ଜାତଭୀଷ୍ମ ନାମରେ ଗଙ୍ଗାସୁତ
Couplet 101
ସେ ସର୍ବ ବୀର-ଶିରୋମଣିପରଶୁରାମେ ଯୁଦ୍ଧେ ଜିଣି
Couplet 102
ଶାନ୍ତନୁ ଦାସକନ୍ୟା ଗର୍ଭେଚିତ୍ରାଙ୍ଗଦ ଯେ ଜାତ ପୂର୍ବେ
Couplet 103
ଯେ ଚିତ୍ରାଙ୍ଗଦ ନାମେ ସୁତସେହି ଗନ୍ଧର୍ବେ ହେଲା ହତ
Couplet 104
ବିଚିତ୍ରବୀର୍ଯ୍ୟ ଅବରଜଏବେ ହୋ ଶୁଣ କୁରୁରାଜ
Couplet 105
ସେ କନ୍ୟା ଗର୍ଭେ ଗଙ୍ଗାଜଳେଧରି ଯେ ପରାଶର ବଳେ
Couplet 106
ବ୍ୟାସମୁନିଙ୍କି ଜନ୍ମ କରିସଂଭ୍ରମେ ତା'କୁ କୋଳେ ଧରି
Couplet 107
ବଦରୀ ବନେ ପକାଇଲେଗୋବିନ୍ଦ ତାହାଙ୍କୁ ରଖିଲେ
Couplet 108
ସେ ବିଷ୍ଣୁ ଅଂଶେ ମହାମୁନିପ୍ରତ୍ୟକ୍ଷେ ବିଷ୍ଣୁତେଜ ଘେନି
Couplet 109
ହରିର ଅଂଶେ ଉତପନ୍ନନାମ ତା' କୃଷ୍ଣ ଦ୍ୱୈପାୟନ
Couplet 110
ପଇଳ ଆଦି ଶିଷ୍ୟଗଣେବିଦ୍ୟା ଅଭ୍ୟାସି ଜଣେ ଜଣେ
Couplet 111
ହୋଇଲେ ସର୍ବଶାସ୍ତ୍ର ବେତ୍ତାସକଳ ଗୁଣେ ଗୁଣବନ୍ତା
Couplet 112
ସେ ମୋତେ ରେତୁଁ ଜାତକଲେଏ ଭାଗବତ ଶିକ୍ଷା ଦେଲେ
Couplet 113
ଏମନ୍ତେ କାଶୀରାଜ ଘରେଭୀଷ୍ମ ଯେ କନ୍ୟା ସ୍ୱୟମ୍ବରେ
Couplet 114
ଦୁର୍ଗମ ଲାଖ ବିନ୍ଧି ବଳେଅନେକ ନୃପତିଙ୍କ ମେଳେ
Couplet 115
ରାଜାଙ୍କୁ ଲାଖବିନ୍ଧି ଜିଣିଲଭିଲେ ନୃପତି ଦୁଲଣୀ
Couplet 116
ଅମ୍ବିକା ଆଉ ଅମ୍ବାଳିକାକନ୍ୟାଏ ବର ବରି ଏକା
Couplet 117
ତାହାଙ୍କୁ ନିଜପୁରେ ଥୋଇବିଚିତ୍ରବୀର୍ଯ୍ୟେ ବିଭା ଦେଇ
Couplet 118
ଅମ୍ବା ଯେ ଅନ୍ୟେ ନ ବରିଲାଭୀଷ୍ମଙ୍କୁ ମହାକ୍ରୋଧ କଲା
Couplet 119
ତପ ସାଧିଲା ନାନାମତେପୂର୍ବେ ମୁଁ କହିଅଛି ତୋତେ
Couplet 120
ଦୁଇ ଭାର୍ଯ୍ୟାରେ ହୋଇ ରତବିଚିତ୍ର ବୀର୍ଯ୍ୟେ କାମେ ମତ୍ତ
Couplet 121
ଯକ୍ଷ୍ମାରୋଗରେ ହୋଇ ଗ୍ରସ୍ତଅଳ୍ପ କାଳରେ ହେଲା ହତ
Couplet 122
ସନ୍ତାନହୀନ କୁଳ ଦେଖିସମସ୍ତେ ହୋଇଲେକ ଦୁଃଖୀ
Couplet 123
ମାତାଙ୍କ ଆଦେଶକୁ ମାନିତା'ର ସୋଦର ବ୍ୟାସମୁନି
Couplet 124
ବିଚିତ୍ରବୀର୍ଯ୍ୟର କ୍ଷେତ୍ରରେପୁଣି ସେ ଗର୍ଭାଧାନ କରେ
Couplet 125
ବ୍ୟାସଙ୍କ ବୀର୍ଯ୍ୟେ ତା'ଙ୍କ ଗର୍ଭେପୁତ୍ରେ ଉପୁଜିଲେ ସ୍ୱଭାବେ
Couplet 126
ଜ୍ୟେଷ୍ଠକୁମର ଧୃତରାଷ୍ଟ୍ରପାଣ୍ତୁ ଯେ ତାହାର କନିଷ୍ଠ
Couplet 127
ଦାସୀର ଉଦରେ ତାହାରପୁଣି ଯେ ଜନ୍ମିଲା ବିଦୁର
Couplet 128
ଧୃତରାଷ୍ଟ୍ରର ଶତେପୁତ୍ରଗାନ୍ଧାରୀ ଗର୍ଭେ ହେଲେ ଜାତ
Couplet 129
କନ୍ୟାଏ ଜନ୍ମେ ଅନୁପମଦୁଃଶୀଳା ସେ କନ୍ୟାର ନାମ
Couplet 130
ଭ୍ରାତୃଗଣଙ୍କ ମଧ୍ୟେ ଶ୍ରେଷ୍ଠସେ ଦୁର୍ଯ୍ୟୋଧନ ଅଟେ ଜ୍ୟେଷ୍ଠ
Couplet 131
ଅଗ୍ନିକାଋଷି ଶାପ ଫଳେପଞ୍ଚବାଳକ ପାଣ୍ତୁକୋଳେ
Couplet 132
ଜନ୍ମିଲେ ଅତି ଗୁଣବନ୍ତତାହାଙ୍କ ସଖା ଯେ ଅନନ୍ତ
Couplet 133
ତା ପତ୍ନୀ କୁନ୍ତୀ ଗର୍ଭେ ଜାତଯୁଧିଷ୍ଠିରାଦି ତିନି ସୁତ
Couplet 134
ଧର୍ମ ପବନ ଇନ୍ଦ୍ର ବୀର୍ଯ୍ୟେତିନି ବାଳକ ମହାତେଜେ
Couplet 135
ମାଦ୍ରୀର ଗର୍ଭେ ପୁତ୍ର ଦୁଇନକୁଳ ସହଦେବ ହୋଇ
Couplet 136
ଅଶ୍ୱିନୀକୁମାରଙ୍କ ବୀର୍ଯ୍ୟେଜନ୍ମ ହୋଇଲେ ମହାତେଜେ
Couplet 137
ଏ ଯେ ହୋଇଲେ ପଞ୍ଚଭ୍ରାତଏହାଙ୍କ ହେଲା ପାଞ୍ଚସୁତ
Couplet 138
ଦ୍ରୌପଦୀ ଗର୍ଭେ ହେଲେ ଜନ୍ମଶୁଣ ହୋ ତାହାଙ୍କର ନାମ
Couplet 139
ଯୁଧିଷ୍ଠି ପୁତ୍ର ପ୍ରତିବିନ୍ଧ୍ୟତା'କୁ ନଲାଗେ ବ୍ୟାଧି ଦ୍ୱନ୍ଦ୍ୱ
Couplet 140
ଭୀମର ପୁତ୍ର ଶ୍ରୁତସେନଶ୍ରୁତକୀର୍ତ୍ତି ତାତ ଅର୍ଜୁନ
Couplet 141
ନକୁଳ ସୁତ ଶତାନୀକସୁଜ୍ଞାନୀ ପଣ୍ତିତ ବିବେକ
Couplet 142
ସହଦେବର ଯେ ନନ୍ଦନତାହାର ଶ୍ରୁତକର୍ମା ନାମ
Couplet 143
ପୌରବୀଗର୍ଭେ ଧର୍ମସୁତଦେବକ ସୁତ କଲେ ଜାତ
Couplet 144
ହିଡ଼ିମ୍ବୀ ଗର୍ଭେ ଭୀମବୀର୍ଯ୍ୟେଜନ୍ମିଲା ଘଟୋତ୍କଚ ତେଜେ
Couplet 145
ପୁଣି ଭୀମର ବୀର୍ଯ୍ୟେ ଜାତକାଳୀର ଗର୍ଭେ ସର୍ବଗତ
Couplet 146
ସହଦେବର ପୁତ୍ର ଜାତବିଜୟା ଗର୍ଭରେ ସୁହୋତ୍ର
Couplet 147
କରେଣୁମତୀ ଗର୍ଭେ ପୁତ୍ରନକୁଳ ବୀର୍ଯ୍ୟେ ନରମିତ୍ର
Couplet 148
ଉଲୁପୀ ଗର୍ଭେ ଇରାବନ୍ତଅର୍ଜ୍ଜୁନ ବୀର୍ଯ୍ୟେ ହେଲା ଜାତ
Couplet 149
ମଣି ପୁରେଶ କନ୍ୟାଠାରେପୁଣି ଅର୍ଜ୍ଜୁନର ଅଂଶରେ
Couplet 150
ବଭ୍ରୁବାହନ ଜନମିଲାପୁତ୍ରିକା ତନୟ ସେ ହେଲା
Couplet 151
ପୁତ୍ରିକା ଧର୍ମେ ଯେଣୁ ବରେତେଣୁ ସେ ରାଜା ମଣିପୁରେ
Couplet 152
ସୁଭଦ୍ରା ଗର୍ଭେ ତୋ'ର ତାତହୋଇଲେ ଅଭିମନ୍ୟୁ ଜାତ
Couplet 153
ସେ ମହାବୀର ବାହୁବଳେଜିଣନ୍ତା ନାହିଁ ଭୂମି ତଳେ
Couplet 154
ଯେ କୁରୁବଂଶ ନିପାତନେଦ୍ରୋଣନନ୍ଦନ ମହାବାଣେ
Couplet 155
ଯେ ଶର ବ୍ରହ୍ମଶିରା ନାମେତୋ' ମାତା ଗର୍ଭେ ଅତି ତମେ
Couplet 156
ପେଷିଲା ଅପାଣ୍ତବ ଅର୍ଥେଉତ୍ତରା ଆସୁଥିଲା ପଥେ
Couplet 157
ବାଣ ଆସନ୍ତେ ଶୂନ୍ୟପଥେତୋ' ମାତା ଡାକିଲା ଆରତେ
Couplet 158
ତକ୍ଷଣେ ବିଷ୍ଣୁ ଗର୍ଭଗତେପଶିଲେ ଚକ୍ର ଘେନି ହସ୍ତେ
Couplet 159
ବ୍ରହ୍ମଶିରାକୁ ନାଶ କରିତୋତେ ରଖିଲେ ନରହରି
Couplet 160
ଏବେ ହୋ କହୁଁ ତୋ' ଅଗ୍ରତେଯେ କର୍ମ ହେବ ଭବିଷ୍ୟତେ
Couplet 161
ଏ ଯେ ତୋହର ଚାରିସୁତେଜନମେଜୟର ସମେତେ
Couplet 162
ଯେ ଶ୍ରୁତସେନ ଭୀମସେନକନିଷ୍ଠ ନାମ ଉଗ୍ରସେନ
Couplet 163
ଏ ଚାରିପୁତ୍ରେ ମିଳି ଏକେତେଜେ ପ୍ରତାପ ଅତିରେକେ
Couplet 164
ବ୍ରାହ୍ମଣ ତେଜ ଶାପଗ୍ରସ୍ତେତକ୍ଷକେ ଦଂଶିବେ ଯେତୋତେ
Couplet 165
ସେ କୋପେ ସର୍ପଯଜ୍ଞ କରିତିନିଭୁବନୁ ସର୍ପ ମାରି
Couplet 166
ପୁଣି କରିବ ଅଶ୍ୱମେଧିଆଗମ ନିଗମ ସମ୍ପାଦି
Couplet 167
ସପତଦ୍ୱୀପେ ହୋଇ ରାଜାସୁଖେ ପାଳିବ ଜନପ୍ରଜା
Couplet 168
ତା'ର ତନୟ ଶତାନୀକହୋଇବ ସୁଜ୍ଞାନୀ ବିବେକ
Couplet 169
ଯାଜ୍ଞବଲ୍କ୍ୟର ତହୁଁ ବେଦପଢ଼ିବ ସେ ଉପନିଷଦ
Couplet 170
ଶୌନକ ତହୁଁ ଜ୍ଞାନକ୍ରିୟାଶାସ୍ତ୍ର ସାଧିବ ପୁଣ୍ୟଦେହା
Couplet 171
କୃପାଚାର୍ଯ୍ୟର ସନ୍ନିଧାନଲଭିବ ଯେତେ ଅସ୍ତ୍ରଜ୍ଞାନ
Couplet 172
ସହସ୍ରାନୀକ ତା' ନନ୍ଦନଅଶ୍ୱମେଧଜ ତହୁଁ ଜନ୍ମ
Couplet 173
ତହୁଁ ଅସୀମକୃଷ୍ଣ ଜାତନେମିଚକ୍ର ତାହାର ସୁତ
Couplet 174
ହସ୍ତିନାପୁର ନଦୀସ୍ରୋତେକାଳେ ଯେ ବିନଷ୍ଟ ହୁଅନ୍ତେ
Couplet 175
ସେ ପୁଣି କୌଶାମ୍ବୀ ନଗରେବାସ କରିବ ଭବିଷ୍ୟରେ
Couplet 176
ହରିହରଙ୍କ ତୋଷ ଅର୍ଥେକରିବ ସାଧୁକର୍ମ ଯେତେ
Couplet 177
ଉପୁଜେ ନେମିଚକ୍ର ସୁତତା'ର ସନ୍ତତି ଚିତ୍ରରଥ
Couplet 178
ତା'ର କୁମର କବିରଥତାହାର ବୃଷ୍ଟିମାନ ସୁତ
Couplet 179
ସୁଷେଣ ତା'ର ତହୁଁ ଜାତତାହାର କୁମର ସୁନୀଥ
Couplet 180
ନୃଚକ୍ଷୁ ତାହାର କୁମରତା' ପୁତ୍ର ହେବ ସୁଖୀନଳ
Couplet 181
ତାହାର ପୁତ୍ର ପରିପ୍ଳବତା' ତହୁଁ ସୁନୟ ସମ୍ଭବ
Couplet 182
ମେଧାବୀ ତାହାର ତନୟତା' ପୁତ୍ର ହେବ ନୃପଞ୍ଜୟ
Couplet 183
ତାହାର ପୁତ୍ର ନାମ ଦୂର୍ବତା' ପୁତ୍ର ତିମି ନାମ ହେବ
Couplet 184
ତିମିର ପୁତ୍ର ବୃହଦ୍ରଥସୁଦାସ ହେବ ତା'ର ସୁତ
Couplet 185
ଶତାନୀକ ଯେ ତା'ର ସୁତଦୁର୍ଦ୍ଦମନ ଯେ ତହୁଁ ଜାତ
Couplet 186
ତା'ର କୁମର ବହୀନରଦଣ୍ତପାଣି ତା'ର କୁମର
Couplet 187
ତାହାର ପୁତ୍ର ନିମି ନାମତା' ତହୁଁ କ୍ଷେମକ ଜନମ
Couplet 188
ଏମନ୍ତ ବ୍ରହ୍ମକ୍ଷତ୍ର ଯୋନିଜନ୍ମ ହୋଇବେ ଦେହ ଘେନି
Couplet 189
କ୍ଷେମକ ଠାଇଁ ସୋମବଂଶହୋଇବ କଳିଯୁଗେ ଶେଷ
Couplet 190
ଏବେ ହୋ ଶୁଣ କୁରୁରାଣମଗଧ ଦେଶ ପରିମାଣ
Couplet 191
ମାର୍ଜାରି ସହଦେବ ସୁତତା' ତହୁଁ ଶ୍ରୁତଶ୍ରବା ଜାତ
Couplet 192
ଆୟୁତାୟୁ ତା'ର ନନ୍ଦନତା' ସୁତ ନିରମିତ୍ର ନାମ
Couplet 193
ତା'ର ସନ୍ତତି ସୁନକ୍ଷତ୍ରବୃହତ୍ତ୍ସେନ ଯେ ତା'ର ପୁତ୍ର
Couplet 194
କର୍ମଜିତ ତା'ର ତନୟତାହାର ପୁତ୍ର ସୃତଞ୍ଜୟ
Couplet 195
ତା' ପୁତ୍ର ବିପ୍ର ତା'ର ସୁତଶୁଚିରୁ ହେବ କ୍ଷେମ ଜାତ
Couplet 196
କ୍ଷେମ ଶୁଚିର ପୁତ୍ର ଜାଣସୁବ୍ରତ କ୍ଷେମର ନନ୍ଦନ
Couplet 197
ସୁବ୍ରତ ସୁତ ଧର୍ମସୂତ୍ରଶମ ହୋଇବ ତା'ର ସୁତ
Couplet 198
ଶମର ପୁତ୍ର ଦ୍ୟୁମତ୍ସେନସୁମତି ତାହାର ନନ୍ଦନ
Couplet 199
ସୁବଳ ତା'ର ପୁତ୍ର ନାମସୁନୀଶ ତାହାର ନନ୍ଦନ
Couplet 200
ତାହାର ପୁତ୍ର ସତ୍ୟଜିତତା' ପୁତ୍ର ହେବ ବିଶ୍ୱଜିତ
Couplet 201
ତା'ଠାରୁ ରିପୁଞ୍ଜୟ ଜନ୍ମବୃହଦ୍ରଥର ବଂଶ ଜାଣ
Couplet 202
ଏହି ଯେ ବୃହଦ୍ରଥ ବଂଶଭବିଷ୍ୟେ ସହସ୍ର ବରଷ
Couplet 203
ରାଜା ହୋଇବେ ଏ ଜଗତେସଂକ୍ଷେପି କହିଲି ମୁଁ ତୋତେ
Couplet 204
ସେ ହରିକଥା ଶୁଣି କର୍ଣ୍ଣେସଂସାରୁ ତର ଜ୍ଞାନୀ ଜନେ
Couplet 205
କହିଲା ବିପ୍ର ଜଗନ୍ନାଥନବମେ ବଂଶାନୁଚରିତ