Adhyaya 21

Couplet 1

ଶୁକ କହନ୍ତି ଜ୍ଞାନଭାବେଭରତବଂଶ ଶୁଣ ଏବେ

Couplet 2

ଭରଦ୍ୱାଜ ତା' ଦତ୍ତପୁତ୍ରଏଣୁ ବିତଥ ନାମେ ଖ୍ୟାତ

Couplet 3

ବିତଥ ପୁତ୍ର ମନ୍ୟୁଜାତତା' ସୁତ ଜୟ ବୃହତ୍ କ୍ଷତ୍ର

Couplet 4

ତୃତୀୟେ ମହାବୀର୍ଯ୍ୟେ ନାମଚତୁର୍ଥେ ନର ହେଲା ଜନ୍ମ

Couplet 5

ପଞ୍ଚମ ଗର୍ଭ ନାମେ ଖ୍ୟାତଏମନ୍ତେ ହେଲେ ପଞ୍ଚସୁତ

Couplet 6

ନରର ତନୟ ସଂସ୍କୃତିତାହାର ଦୁଇଟି ସନ୍ତତି

Couplet 7

ପ୍ରଥମ ଗୁରୁ ନାମେ ଖ୍ୟାତରନ୍ତିଦେବ ଦ୍ୱିତୀୟ ସୁତ

Couplet 8

ଯା' ଯଶ ଇହ-ପରଲୋକେବିପ୍ରେ କହନ୍ତି ଏକେ ଏକେ

Couplet 9

ସ୍ୱଧର୍ମେ ଧନ ଲଭେ ଯେତେନିତ୍ୟେ ଭୁଞ୍ଜାଏ ବୁଭୁକ୍ଷିତେ

Couplet 10

ନିରତେ ଅକିଞ୍ଚନ ପ୍ରିୟକୁଟୁମ୍ବେ ନ କରଇ ସ୍ନେହ

Couplet 11

କୁଟୁମ୍ବ କ୍ଳେଶେ ଦିନ ବଞ୍ଚେଅତିଥି ଅର୍ଥେ ଧନ ସଞ୍ଚେ

Couplet 12

ଘୃତ ପାୟସ ରସ ପାଣିନିତ୍ୟେ ପ୍ରୀତିରେ ସଞ୍ଚେ ଆଣି

Couplet 13

ଅତିଥି ଅର୍ଥେ ଧନ ସଞ୍ଚେକ୍ଷୁଧାର୍ତ୍ତ ଦେହେ ଗୃହେ ବଞ୍ଚେ

Couplet 14

ନିତ୍ୟେ ସଞ୍ଚଇ ପ୍ରାତଃକାଳେଯେବା ମିଳଇ ଯେତେବେଳେ

Couplet 15

ତେଣୁ ସେ ହୋଇ ଧନହୀନକଷ୍ଟରେ ବଞ୍ଚୁଥାଇ ଦିନ

Couplet 16

କ୍ଷୁାଧାର୍ତ୍ତ ହୋଇ ବଞ୍ଚେ ନିତ୍ୟେକୁଟୁମ୍ବଗଣଙ୍କ ସହିତେ

Couplet 17

ଅନ୍ନ ଅଭାବେ ତନୁ କ୍ଷୀଣହେଲେ କୁଟୁମ୍ବେ ଅବସନ୍ନ

Couplet 18

ଅଠଚାଳିଶ ଦିନ ଗଲାଜଳମାତ୍ର ସେ ନ ପାଇଲା

Couplet 19

କ୍ଷୁଧାରେ କମ୍ପେ କଳେବରଜୀର୍ଣ୍ଣ ହୋଇଲା ତା' ଶରୀର

Couplet 20

ଶୁଣ ରାଜନ ଶୁଦ୍ଧମନେତା'ର ମନ୍ଦିରେ ଏକଦିନେ

Couplet 21

ବିପ୍ର ମିଳିଲା ସନ୍ଧ୍ୟାକାଳେତା'ର ଅତିଥି ପୂଜାବେଳେ

Couplet 22

ଆନନ୍ଦେ ଭିକ୍ଷା ତା'କୁ ଦେଲାତା' ଅନ୍ତେ ଶୂଦ୍ରେକ ମିଳିଲା

Couplet 23

ଯେ ଅବା ଅବଶେଷ ଅନ୍ନକୁଟୁମ୍ବ କରନ୍ତେ ଭୋଜନ

Couplet 24

ତାହାକୁ ବିଷ୍ଣୁ ପ୍ରାୟେ ମଣିବେଗେ ସେ ଭିକ୍ଷାଦେଲା ଆଣି

Couplet 25

ସେ ପୁଣି ଗୃହେ ଭୁଞ୍ଜି ଯା'ନ୍ତେଶବର ଶ୍ୱାନର ସଙ୍ଗତେ

Couplet 26

ଦ୍ୱାରେ ମିଳିଲା ରାତ୍ରେ ଆସିବୋଲଇ ତା'ର ଦ୍ୱାରେ ବସି

Couplet 27

ଭୋ ରାଜା ଭିକ୍ଷା ଦିଅ ମୋତେଭୁଞ୍ଜିବି ଶ୍ୱାନର ସଙ୍ଗତେ

Couplet 28

ଯେବା କୁଟୁମ୍ବ ଅର୍ଥେ ଥିଲାତକ୍ଷ୍‌ଣେ ତା'ର ହସ୍ତେ ଦେଲା

Couplet 29

ଶ୍ୱାନ ସମେତ ଅନ୍ନ ଖାଇସେ ପୁଣି ଯା'ନ୍ତେ ତୋଷ ହୋଇ

Couplet 30

ଥିଲାକ ଜଳ ମାତ୍ର ଶେଷଜଳେ ହୋଇବ ଜଣେ ତୋଷ

Couplet 31

ତାହାକୁ ଛଳିବା ନିମନ୍ତେବିଷ୍ଣୁ ମିଳିଲେ ଜଳ ଅର୍ଥେ

Couplet 32

ବୋଇଲେ ଜାତି ମୋ' ଚଣ୍ତାଳକର ପ୍ରଦାନ ମୋତେ ଜଳ

Couplet 33

କ୍ଷୁଧାରେ ଅତିଥି କାତରକମ୍ପଇ ତା'ର କଳେବର

Couplet 34

ତା'ଠାରେ ଅତି ଦୟାବହିଅମୃତମୟ ବାକ୍ୟ କହି

Couplet 35

ଜଗଦୀଶ୍ୱରଠାରେ ମୁହିଁଏମନ୍ତ ପ୍ରାର୍ଥନା କରଇ

Couplet 36

ଅଣିମା ଆଦି ନିଧି ଯେତେମୁକ୍ତି ମୁଁ ନ ଇଚ୍ଛଇ ଚିତ୍ତେ

Couplet 37

ପ୍ରାଣୀର ଦୁଃଖରେ ଦୁଃଖିତସର୍ବଦା ହେଉ ମୋ'ର ଚିତ୍ତ

Couplet 38

ହେ ପ୍ରଭୁ ମୋତେ ଦୟାକରମୁଁ କରେ ଲୋକ ଉପକାର

Couplet 39

ଏମନ୍ତେ ସ୍ତୁତିବାକ୍ୟ କହିସେ ରନ୍ତିଦେବ ନରସାଇଁ

Couplet 40

କ୍ଷୁଧା ତୃଷ୍ଣାରେ ହୋଇ ଶ୍ରାନ୍ତଦେହ ଘୂର୍ଣ୍ଣନେ ଅତିକ୍ଳାନ୍ତ

Couplet 41

ତଥାପି ଦୁଃଖ ନ ବିଚାରିଶୋକ ବିଷାଦ ପରିହରି

Couplet 42

ପୁକ୍କଶ ଜୀବନ ଧାରଣେଉପାୟ ଚିନ୍ତିଲାକ ମନେ

Couplet 43

ଯେ ଥିଲା ତା'ର ଜଳଅନ୍ନପୁକ୍କଶେ କଲା ସମର୍ପଣ

Couplet 44

ନିଜେ ସେ ମୃତ ପ୍ରାୟେ ହେଲାତଥାପି ଅତିଥି ପୂଜିଲା

Couplet 45

ଏମନ୍ତେ ତା'ର ଭାବ ଚାହିଁସନ୍ତୋଷ ଚିତ୍ତେ ଭାବଗ୍ରାହୀ

Couplet 46

ବୋଇଲେ ଅତି ଦୟାଚିତ୍ତେତୋ' ଯଶ ରହୁ ଏ ଜଗତେ

Couplet 47

ଅନ୍ତେ ପାଇବୁ ମୋତେ ତୁହିଏମନ୍ତେ ବିଷ୍ଣୁ ବର ଦେଇ

Couplet 48

ଶୂନ୍ୟେ ଯେ ଗଲେ ଚକ୍ରଧରଏବେ ହୋ ଶୁଣ ନୃପବର

Couplet 49

ଦେଖି ତାହାର ଧୈର୍ଯ୍ୟପଣବାସବ ଆଦି ଦେବଗଣ

Couplet 50

ସମ୍ମୁଖେ ତାହାର ମିଳିଲେଆପଣା ମାୟା ଦୂର କଲେ

Couplet 51

ସନ୍ତୋଷେ ତା'ର ମୁଖ ଚାହିଁକହନ୍ତି ଶୁଣ ନରସାଇଁ

Couplet 52

ବ୍ରାହ୍ମଣ ଆଦି ବେଶ ଯେତେମାୟାରେ ଦେଖାଇଲୁ ତୋତେ

Couplet 53

ତୋହର ଧୈର୍ଯ୍ୟପଣ ଦେଖିଆମ୍ଭେ ଅତ୍ୟନ୍ତ ହେଲୁ ସୁଖୀ

Couplet 54

ଦେବଙ୍କ ବାକ୍ୟ ଶୁଣି ରାଜାପ୍ରଣାମ କରି କଲା ପୂଜା

Couplet 55

କିଛି ହିଁ ତା'ଙ୍କୁ ନମାଗିଲାହରିଙ୍କ ପାଦେ ଚିତ୍ତ ଦେଲା

Couplet 56

ଏବେ ହୋ ଶୁଣ ନୃପବରସେ ରନ୍ତିଦେବ ନରେଶ୍ୱର

Couplet 57

ସେ ବାସୁଦେବଙ୍କ ଚରଣେଚିତ୍ତ ନିବେଶି ଅନୁକ୍ଷଣେ

Couplet 58

ସର୍ବ ବିଷୟ କଲା ତ୍ୟାଗଚିତ୍ତରେ ଜନ୍ମାଇ ବୈରାଗ୍ୟ

Couplet 59

ମାୟା ତାହାକୁ ନ ଲାଗିଲାଯେଣୁ ଈଶ୍ୱରେ ଚିତ୍ତ ଦେଲା

Couplet 60

ତାହାର ନିଜ ଆତ୍ମଜନସକଳେ ବିଷ୍ଣୁପାଦେ ମଗ୍ନ

Couplet 61

ପରମଯୋଗ ସେ ଲଭିଲେପରଂବ୍ରହ୍ମରେ ଲୀନ ହେଲେ

Couplet 62

ଗର୍ଗଙ୍କଠାରୁ ଶିନି ଜାତଗାର୍ଗ୍ୟ ତାହାଙ୍କ ହେଲେ ପୁତ୍ର

Couplet 63

କ୍ଷତ୍ରିୟ ହୋଇ ଦ୍ୱିଜ ହେଲେତପସ୍ୟା-ଆରାଧନା ଫଳେ

Couplet 64

ମନ୍ୟୁ-ନୃପର ଆର ପୁତ୍ରଯା' ନାମ ମହାବୀର୍ଯ୍ୟ ଖ୍ୟାତ

Couplet 65

ତାହାର ହୋଇଲା କୁମରଦୁରିତକ୍ଷୟ ନାମ ତା'ର

Couplet 66

ତା'ଠାରୁ କବି ତ୍ରୟାରୁଣିପୁଷ୍କରାରୁଣି ପୁତ୍ର ତିନି

Couplet 67

ସେ ତିନିଜଣ ତପବଳେବ୍ରାହ୍ମଣ ଭାବକୁ ବହିଲେ

Couplet 68

ମନ୍ୟୁର ଯେହୁ ପଞ୍ଚପୁତ୍ରଜ୍ୟେଷ୍ଠ ତହିଁରେ ବୃହତ୍‌କ୍ଷତ୍ର

Couplet 69

ହସ୍ତୀ ଯେ ତାହାର କୁମରବସାଇ ହସ୍ତିନା ନଗର

Couplet 70

ହସ୍ତୀର ହେଲେ ତିନିସୁତଦ୍ୱିମୀଢ଼ ଅଜମୀଢ଼ ଖ୍ୟାତ

Couplet 71

ଅପର ପୁରୁମୀଢ଼ ଘେନିଏମନ୍ତେ ହେଲେ ପୁତ୍ର ତିନି

Couplet 72

ପ୍ରିୟ ମେଧାଦି ଦ୍ୱିଜଗଣଅଜମୀଢ଼ ବଂଶେ ଉତ୍ପନ୍ନ

Couplet 73

ବୃହଦିଷୁ ଅଜମୀଢ଼ରତା' ସୁତ ବୃହଦ୍ଧନୁ ବୀର

Couplet 74

ତା'ର କୁମର ବୃହତ୍‌କାୟଜୟଦ୍ରଥ ତା'ର ତନୟ

Couplet 75

ବିଶଦ ତା'ର ବୀର୍ଯ୍ୟେ ଜାତତା'ର ତନୟ ସେନଜିତ

Couplet 76

ସେନଜିତରୁ ରୁଚିରାଶ୍ୱବ›ତ୍ସ ଯେ ଦୃଢ଼ହନୁ କାଶ୍ୟ

Couplet 77

ରୁଚିରାଶ୍ୱର ପୁତ୍ର ପାରପୃଥୁସେନ ତା'ର କୁମର

Couplet 78

ପାରର ନୀପ ନାମେ ପୁତ୍ରତାହାର ହେଲେ ଶତେ ସୁତ

Couplet 79

ଶୁକ କନ୍ୟା କୃତି ଗର୍ଭରେସେ ଏକପୁତ୍ର ଲାଭ କରେ

Couplet 80

ଯାହାର ନାମ ବ୍ରହ୍ମଦତ୍ତଯେ ନିତ୍ୟେ ଯୋଗଜ୍ଞାନେ ରତ

Couplet 81

ତାହାର ପତ୍ନୀ ସରସ୍ୱତୀବିଷ୍ୱକ୍ସେନ୍ ତା'ର ସନ୍ତତି

Couplet 82

ସେ ବିଷ୍ୱକ୍ସେନ୍ ଯୋଗ କଲାଜୈଗୀଷବ୍ୟଙ୍କୁ ଆରାଧିଲା

Couplet 83

ଯୋଗଶାସ୍ତ୍ରର ତନ୍ତ୍ରମାନଅନେକ କଲା ପ୍ରଣୟନ

Couplet 84

ତାହାର ସୁତ ଉଦ୍‌କସ୍ୱନଭଲ୍ଲାଟ ତା'ଠାରୁ ଜନମ

Couplet 85

ବୃହଦିଷୁର ବଂଶ ଏତେକହିଲୁ ତୋହର ଅଗ୍ରତେ

Couplet 86

ଏବେ ତୁ ଶୁଣ ନରନାଥଦ୍ୱିମୀଢ଼ ବଂଶର ଚରିତ

Couplet 87

ଦ୍ୱିମୀଢ଼ ପୁତ୍ର ଯବୀନରକୃତ୍ତିମାନ ତା'ର କୁମର

Couplet 88

ସତ୍ୟଧୃତି ତା'ର ନନ୍ଦନଦୃଢ଼ନେମି ତା ତହୁଁ ଜନ୍ମ

Couplet 89

ସୁପାର୍ଶ୍ୱ ତାହାର କୁମରସୁମତି ନାମେ ସୁତ ତା'ର

Couplet 90

ତା'ର ସୁତ ସନ୍ନତିମାନକୃତି ଯେ ତାହାର ନନ୍ଦନ

Couplet 91

ହିରଣ୍ୟନାଭ ତହୁଁ ଦୀକ୍ଷାପାଇ ଯେ ଯୋଗ କଲା ଶିକ୍ଷା

Couplet 92

ପ୍ରାଚ୍ୟ ସାମସଂହିତା ମାନକୃତି ତା' କଲା ଭିନ୍ନଭିନ୍ନ

Couplet 93

ସଂହିତା ଷଡ଼ଭାଗ କଲାଶିଷ୍ୟପ୍ରଶିଷ୍ୟେ ଶିକ୍ଷା ଦେଲା

Couplet 94

ଉଗ୍ରାୟୁଧ କୃତି ନନ୍ଦନକ୍ଷେମ୍ୟ ତା' ତହୁଁ ହେଲା ଜନ୍ମ

Couplet 95

ସୁବୀର କ୍ଷେମ୍ୟର ତନୟତାହାର ପୁତ୍ର ରିପୁଞ୍ଜୟ

Couplet 96

ବହୁରଥ ଯେ ତା'ର ସୁତଦ୍ୱିମୀଢ଼ ବଂଶେ ଏତେ ଖ୍ୟାତ

Couplet 97

ପୁରୁମୀଢ଼ ଯେ ନିଃସନ୍ତାନଅଜମୀଢ଼ର ବଂଶ ଶୁଣ

Couplet 98

ନଳିନୀ ପତ୍ନୀ ଗର୍ଭେ ତା'ରନୀଳ ନାମେ ହେଲା କୁମର

Couplet 99

ନୀଳର ପୁତ୍ର ନାମ ଶାନ୍ତିତା'ଠାରୁ ଜନମ ସୁଶାନ୍ତି

Couplet 100

ସୁଶାନ୍ତି ତନୟ ପୁରୁଜଅର୍କ ଯେ ତାହାର ତନୁଜ

Couplet 101

ଭର୍ମ୍ୟାଶ୍ୱ ତାହାର ନନ୍ଦନପୁତ୍ର ତାହାର ପାଞ୍ଚଜଣ

Couplet 102

ମୁଦଗ୍‌ଲ ଯବନୀର ବେନିବୃହଦିଷୁ କାମ୍ପିଲ୍ୟ ଘେନି

Couplet 103

ଆବର ସଞ୍ଜୟ ସହିତେଏ ରୂପେ ହେଲେ ପଞ୍ଚ ସୂତେ

Couplet 104

ପଞ୍ଚବିଷୟେ ସେ ସମର୍ଥତେଣୁ ପାଞ୍ଚାଳ ନାମେ ଖ୍ୟାତ

Couplet 105

ମୁଦଗ୍‌ଲ ତହୁଁ ହେଲା ଖ୍ୟାତମୌଦ୍‌ଗଲ୍ୟ ବ୍ରହ୍ମଣଙ୍କ ଗୋତ୍ର

Couplet 106

ମୁଦଗ୍‌ଲ ତହୁଁ ଉତ୍ତପନ୍ନହୋଇଲେ ଯମଜ ସନ୍ତାନ

Couplet 107

ମୁଦଗ୍‌ଲ ପୁତ୍ର କନ୍ୟା ଦେଖିଅତ୍ୟନ୍ତ ହୋଇଲାକ ସୁଖୀ

Couplet 108

ମୁଦଗ୍‌ଲ ପୁତ୍ର ଦିବୋଦାସକନ୍ୟାଏ ଅହଲ୍ୟା ପ୍ରକାଶ

Couplet 109

ଗୌତମ ହେଲେ ତା'ର ପତିଶତାନନ୍ଦ ତା'ର ସନ୍ତତି

Couplet 110

ସତ୍ୟଧୃତି ତାହାର ସୁତସେ ଧନୁର୍ବେଦେ ସୁପଣ୍ତିତ

Couplet 111

ତା'ର କୁମର ଶରଦ୍ୱାନଅତି ସୁନ୍ଦର ବିଦ୍ୟମାନ

Couplet 112

ଉର୍ବଣୀ ଦେଖି ବନଦେଶେତାହାର ରେତ କାମବଶେ

Couplet 113

ଧରି ନ ପାରି ରେତ ଦମ୍ଭେତକ୍ଷଣେ ପଡ଼େ ଶର ଖମ୍ବେ

Couplet 114

ପୁତ୍ର ଦୁହିତା ହୋଇ ଜାତବନେ ହୋଇଲେ ଅରକ୍ଷିତ

Couplet 115

ଏମନ୍ତେ ପାହିଲା ରଜନୀଶାନ୍ତନୁ କରେ ଧନୁ ଘେନି

Couplet 116

ମୃଗୟା ଅର୍ଥେ ବନେ ଗଲାସେ କନ୍ୟାପୁତ୍ରଙ୍କୁ ଦେଖିଲା

Couplet 117

ମନ ସନ୍ଦେହେ ବିଚାରଇଅଦ୍ଭୁତ କନ୍ୟାପୁତ୍ର ଏହି

Couplet 118

କିଏ କାହାର କନ୍ୟା ସୁତେବନେ ଅଛନ୍ତି ଅରକ୍ଷିତେ

Couplet 119

ଏମନ୍ତେ ଚିତ୍ତେ କୃପା କରିକନ୍ୟାକୁମର କୋଳେ ଧରି

Couplet 120

ମନ୍ଦିରେ ମିଳି ସେ ରାଜନକନ୍ୟା କୁମରେ ଦେଲା ନାମ

Couplet 121

କୃପାବଶରୁ କୃପ ନାମଅତି ସୁନ୍ଦର ଅନୁପମ

Couplet 122

କନ୍ୟାର ନାମ କୃପୀ ଦେଲାଦ୍ରୋଣେ ତାହାକୁ ବିଭା କଲା

Couplet 123

ଶୁଣ ସୁଜନେ ଏକଚିତ୍ତେସଂସାରୁ ତରିବ ଯେମନ୍ତେ

Couplet 124

କୃଷ୍ଣଚରିତ ଅନୁସରଦୁର୍ଲ୍ଲଭ ମନୁଷ୍ୟ ଶରୀର

Couplet 125

ବୋଲଇ ବିପ୍ର ଜଗନ୍ନାଥନବମେ ବଂଶାନୁଚରିତ