Skandha 9
Adhyaya 17
Couplet 1
ଆୟୁ ଯେ ପୁରୁରବା ସୁତଶୁଣ ହୋ ତାହାର ଚରିତ
Couplet 2
ନହୁଷ ତାହାର ତନୟେଆବର କ୍ଷତ୍ରବୃଦ୍ଧ ହୋଏ
Couplet 3
ରଜୀ ରମ୍ଭ ଯେ ବୀର୍ଯ୍ୟବନ୍ତଅନେନା ଆଦି ପଞ୍ଚସୁତ
Couplet 4
କ୍ଷତ୍ରବୃଦ୍ଧର ବଂଶ ଶୁଣସୁହୋତ୍ର ତାହାର ନନ୍ଦନ
Couplet 5
ତାହାର ହେଲେ ତିନିସୁତକାଶ୍ୟ ଯେ କୁଶ ଗୁତ୍ସମଦ
Couplet 6
ଗୁତ୍ସମଦର ଯେ ସନ୍ତାନଶୁନକ ବୋଲି ତା'ର ନାମ
Couplet 7
ଶୁନକ ମହାତେଜବନ୍ତଶୌନକ ମୁନି ତହୁଁ ଜାତ
Couplet 8
ଜନ୍ମିଲେ ପିତୃତେଜ ଘେନିବେଦପାରଗ ମହାମୁନି
Couplet 9
କାଶ୍ୟର କାଶୀ ନାମେ ସୁତରାଷ୍ଟ୍ର ତା' ତହୁଁ ହେଲା ଜାତ
Couplet 10
ଦୀର୍ଘତମା ତା'ର ନନ୍ଦନତା' ପୁତ୍ର ଧନ୍ୱନ୍ତରୀ ନାମ
Couplet 11
ସେ ଆୟୁର୍ବେଦ ଭିଆଇଲାପ୍ରାଣୀଙ୍କ ବ୍ୟାଧି ନାଶ କଲା
Couplet 12
ସେ ଯଜ୍ଞଭୋଜୀ ବିଷ୍ଣୁ ଅଂଶସ୍ମରଣେ ସର୍ବରୋଗ ନାଶ
Couplet 13
ତା'ର ସନ୍ତତି କେତୁମାନଭୀମରଥ ତା'ର ନନ୍ଦନ
Couplet 14
ତାହାର ବୀର୍ଯ୍ୟେ ଦିବୋଦାସଦ୍ୟୁମାନ ତାହାର ଯେ ଶିଷ
Couplet 15
ତା' ନାମ ପ୍ରତର୍ଦ୍ଦନ ଖ୍ୟାତକେ ଅବା ବୋଲେ ଶତ୍ରୁଜିତ
Couplet 16
ଋତଧ୍ୱଜ କୁବଳୟାଶ୍ୱବୋଲନ୍ତି ପୁଣି ତା'କୁ ବତ୍ସ
Couplet 17
ଅଳର୍କ ଆଦି ତହୁଁ ଜନ୍ମଶୁଣ ହୋ ତା'ର ଗୃହକର୍ମ
Couplet 18
ଷାଠିଏ ସହସ୍ର ବରଷଅଧିକେ ଷଷ୍ଟିଶତ ଶେଷ
Couplet 19
ଅବନୀ ତଳେ ହୋଇ ରାଜାଧର୍ମେ ପାଳିଲେ ଜନପ୍ରଜା
Couplet 20
ସନ୍ତତି ଅଳର୍କର ପୁତ୍ରସୁନୀଥ ତା' ତହୁଁ ସମ୍ଭୂତ
Couplet 21
ପୁତ୍ର ତାହାର ସୁକେତନଧର୍ମକେତୁ ତା'ର ନନ୍ଦନ
Couplet 22
ସତ୍ୟକେତୁ ତାହାର ସୁତଧୃଷ୍ଟକେତୁ ତା'ର ଅପତ୍ୟ
Couplet 23
ସୁକୁମାର ତା'ର ତନୁଜଅନେକ ଦିନ କଲା ରାଜ୍ୟ
Couplet 24
ତହୁଁ ଜନ୍ମିଲା ବୀତିହୋତ୍ରଭର୍ଗ ଯେ ତା'ର ତହୁଁ ଜାତ
Couplet 25
ତାହାର ପୁତ୍ର ଭାର୍ଗଭୂମିଏବେହୋ ଶୁଣ ନୃପମଣି
Couplet 26
ଏମାନେ କାଶୀବଂଶେ ରାଜାଧର୍ମେ ପାଳିଲେ ଜନପ୍ରଜା
Couplet 27
ତାହାଙ୍କ ନାମେ କମ୍ପେ ଭୂମିଯମ ନ ପାରେ ଯହିଁ ଭ୍ରମି
Couplet 28
ରମ୍ଭର ପୁତ୍ର ଯେ ରଭସଗମ୍ଭୀର ହୁଏ ତା'ର ବଂଶ
Couplet 29
ଅକ୍ରିୟ ଗମ୍ଭୀରର ସୁତତା'କ୍ଷେତ୍ରେ ବିପ୍ର ହେଲେ ଜାତ
Couplet 30
ଅନେନା ଆୟୁର କୁମରଶୁଣ କହିବା ବଂଶ ତା'ର
Couplet 31
ଶୁଦ୍ଧ ଯେ ଅନେନାର ସୁତତା' ତହୁଁ ଶୁଚି ହେଲା ଜାତ
Couplet 32
କହିବା ତାହାର ସନ୍ତତିତ୍ରିକକୁଦ ଧର୍ମ ସାରଥି
Couplet 33
ତା'ଠାରୁ ଶାନ୍ତରୟ ଜାତସେ କୃତକୃତ୍ୟ ଆତ୍ମବନ୍ତ
Couplet 34
ଏ ଗୋତ୍ରେ ବ୍ରହ୍ମଜ୍ଞାନୀ ସୁତେଜନ୍ମ ଲଭିଲେ ଏ ଜଗତେ
Couplet 35
ଏବେ ରଜୀର ପୁତ୍ର ଯେତେଭାବେ କହିବା ତୋ' ଅଗ୍ରତେ
Couplet 36
ତା'ର କୁମର ପଞ୍ଚଶତତେଜ ପ୍ରତାପ ଅପ୍ରମିତ
Couplet 37
ଅସୁରେ ଆସି ଅନ୍ତରାଳେଇନ୍ଦ୍ରକୁ ଉଭାରିଲେ ବଳେ
Couplet 38
ଇନ୍ଦ୍ର ଦେବଙ୍କ ତୁଲେ ଆସିରଜୀକୁ କହିଲେ ବିଶ୍ୱାସି
Couplet 39
ଭୋ ରାଜା ତୋ'ର ପୁତ୍ରଗଣେଜିଣିବେ ଅସୁରଙ୍କୁ ରଣେ
Couplet 40
ମୋତେ କହିଲେ ବୃହସ୍ପତିଅନ୍ୟଥା ନାହିଁ ଜୟେ ଗତି
Couplet 41
ଏମନ୍ତ କହି ଦେବଯୂଥଘେନାଇ ପଞ୍ଚଶତ ସୁତ
Couplet 42
ସ୍ୱର୍ଗ ଆବୋରି ଯୁଦ୍ଧ କରିଅନେକ ଅସୁର ସଂହାରି
Couplet 43
ଇନ୍ଦ୍ରଙ୍କୁ ସ୍ୱର୍ଗରାଜ୍ୟ ଦେଲେତା' ଦେଖି ଇନ୍ଦ୍ର ତୁଷ୍ଟ ହେଲେ
Couplet 44
ପୁଣି ସେ ରାଜ୍ୟ ରଜୀ ହସ୍ତେନ୍ୟାସ କରିଲେ ସେ ବିଶ୍ୱସ୍ତେ
Couplet 45
ଇନ୍ଦ୍ରର ତୁଲେ ତା'ର ସୁତେସ୍ୱର୍ଗେ ରହିଲେ ଦିନା କେତେ
Couplet 46
ଏମନ୍ତେ କେତେଦିନ ଅନ୍ତେରଜୀ ଯେ ଗଲେ ସ୍ୱର୍ଗପଥେ
Couplet 47
ପିତାର ମରଣ ଅନ୍ତରଇନ୍ଦ୍ର ମାଗିଲେ ସ୍ୱର୍ଗପୁର
Couplet 48
ତଦନ୍ତେ ତାହାର ତନୁଜଇନ୍ଦ୍ରଙ୍କୁ ନ ଦେଲେ ସେ ରାଜ୍ୟ
Couplet 49
ସ୍ୱର୍ଗ ସେ କଲେ ଅଧିକାରଇନ୍ଦ୍ରଙ୍କୁ କରି ଅନାଦର
Couplet 50
ରଜୀର ପୁତ୍ରେ ତା ନ ଦେଲେଯାଗାର ଭାଗମାନ ନେଲେ
Couplet 51
ରଜୀ ତନୟଙ୍କର ମତିନାଶ କରିଲେ ବୃହସ୍ପତି
Couplet 52
ସ୍ଥାପିଲେ ଇନ୍ଦ୍ର ଅଧିକାରେସୁଧର୍ମା ସଭାରେ ବେଭାରେ
Couplet 53
ଇନ୍ଦ୍ର ପାଇଲେ ସ୍ୱର୍ଗେ ସ୍ଥାନଏବେ ତୁ ଶୁଣ ନୃପରାଣ
Couplet 54
କୁଶ ଯେ କ୍ଷତ୍ରବୃଦ୍ଧ ନାତିତାହାର ସୁତ ନାମ ପ୍ରତି
Couplet 55
ତାହାର ସନ୍ତାନ ସଞ୍ଜୟତା'ର ତନୟ ହୋଏ ଜୟ
Couplet 56
ହର୍ଯ୍ୟବଳ ତାହାର ସୁତତହୁଁ ସହଦେବ ସମ୍ଭୂତ
Couplet 57
ସହଦେବର ପୁତ୍ର ହୀନତାହାର ସୁତ ଜୟସେନ
Couplet 58
ସଂକୃତି ତାହାର ତନୟତାହାର ପୁତ୍ର ଅଟେ ଜୟ
Couplet 59
ସେ କ୍ଷାତ୍ରଧର୍ମେ ନିତ୍ୟେ ରତମହାରଥୀ ନାମରେ ଖ୍ୟାତ
Couplet 60
ଏ ସର୍ବ କ୍ଷତ୍ରବୃଦ୍ଧ ବଂଶକହିଲୁ ଶୁଣିଲ ନରେଶ
Couplet 61
ଏବେ ନହୁଷ ବଂଶମାନକହିବୁ ଭବିଷ୍ୟ ପୁରାଣ
Couplet 62
ବଂଶାନୁଚରିତ ଏ ବାଣୀଶୁଣି ସଂସାରୁ ତରପ୍ରାଣୀ
Couplet 63
ବୋଲଇ ବିପ୍ର ଜଗନ୍ନାଥନବମସ୍କନ୍ଧେ ଭାଗବତ