Adhyaya 16

Couplet 1

ଏବେ ହୋ ଶୁଣ ନରନାଥପରଶୁରାମର ଚରିତ

Couplet 2

ପିତା ବଚନେ ବନେ ଗଲେଅନେକ ତୀର୍ଥେ ସ୍ନାନ କଲେ

Couplet 3

ପୁଣି ସେ ବରଷକ ଅନ୍ତେଗୃହେ ମିଳିଲେ ଶୁଦ୍ଧଚିତ୍ତେ

Couplet 4

ପିତା ଚରଣେ ନମସ୍କାରକରି ରହିଲେ ନିଜପୁର

Couplet 5

ଏବେ ହୋ ଶୁଣ ନୃପମଣିରେଣୁକା ଗଲେ ଜଳ ଆଣି

Couplet 6

ଗଙ୍ଗାର ନିକଟେ ମିଳିଲେସେ ଜଳେ ଗନ୍ଧର୍ବ ଦେଖିଲେ

Couplet 7

ଇନ୍ଦ୍ରକୁମର ଚିତ୍ରରଥସଙ୍ଗତେ ଘେନି ନାରୀଯୂଥ

Couplet 8

ଅପ୍‌ସରାଗଣ ଘେନି ଜଳେକ୍ରୀଡ଼ା ସେ କରେ କୁତୂହଳେ

Couplet 9

ଦଣ୍ତେ ରହିଲେ ତାହା ଦେଖିଜଳ ଆନୟନ ଉପେକ୍ଷି

Couplet 10

ହୋମର ବେଳ ନ ସୁମରିଗନ୍ଧର୍ବ କ୍ରୀଡ଼ା ଅନୁସରି

Couplet 11

ପୁଣି କ୍ଷଣକେ ଜ୍ଞାନ ପାଇତକ୍ଷଣେ ଜଳକୁମ୍ଭ ନେଇ

Couplet 12

ସ୍ୱାମୀଙ୍କି ଶଙ୍କା ମନେ କଲେତକ୍ଷଣେ ମନ୍ଦିରେ ମିଳିଲେ

Couplet 13

ଜଳ-କଳସ ଯଜ୍ଞ ଘରେଥୋଇଲେ ସ୍ୱାମୀଙ୍କ ଗୋଚରେ

Couplet 14

ଅଞ୍ଜଳି କରି ବେନିକରେରେଣୁକା ରହେ ଯଜ୍ଞଘରେ

Couplet 15

ରେଣୁକା ମୁଖ ଚାହିଁ ମୁନିପ୍ରଚଣ୍ତ-କୋପେ ଜମଦଗ୍ନି

Couplet 16

ଜାଣିଲେ ଗନ୍ଧର୍ବର ମେଳେମନ କଳ୍ପିଲା ଗଙ୍ଗାଜଳେ

Couplet 17

ପୁତ୍ରଙ୍କୁ କୋପମୁଖେ ଚାହିଁବୋଇଲେ ଶିର ଛେଦ ନେଇ

Couplet 18

ଗନ୍ଧର୍ବ ଦେଖି ଏହା ମନକଳ୍ପିଲା ତାହାର ସଙ୍ଗମ

Couplet 19

ସ୍ୱଭାବେ ଦୁଷ୍ଟାନାରୀ ଏହିଏହାର ବଦନ ନ ଚାହିଁ

Couplet 20

ସେ ପୁତ୍ରେ ମାତୃସ୍ନେହ କଲେମାତାର ଶିର ନ ଛେଦିଲେ

Couplet 21

ଅଧିକ କୋପଭର ହୋଇବୋଲେ ପରଶୁରାମେ ଚାହିଁ

Couplet 22

ମାତା ସହିତେ ତିନିଭାଇକୁଠାରେ ଶିର ଛେଦ ନେଇ

Couplet 23

ସେ ରାମ ପିତା ଗୁଣ ଜାଣେତପ ସମାଧି ପରମାଣେ

Couplet 24

ତକ୍ଷଣେ ପ୍ରହାରି କୁଠାରଛେଦିଲେ ମାତା ଭ୍ରାତା ଶିର

Couplet 25

ଦେଖିଣ ମୁନି ତୋଷ ହୋଇପରଶୁରାମ ମୁଖ ଚାହିଁ

Couplet 26

ବୋଇଲେ ବର ଦେବି ତୋତେଯେ ବା‚ଞ୍ଛା କଳ୍ପ ତୋ'ର ଚିତ୍ତେ

Couplet 27

ତକ୍ଷଣେ ପିତାପାଦେ ପଡ଼ିରାମ ବୋଲନ୍ତି କରଯୋଡ଼ି

Couplet 28

ଭୋ ତାତ ବର ଦେବ ଯେବେଏ ସର୍ବେ ଜୀବନ ପାଇବେ

Couplet 29

ଶିର ଲାଗିବ ଯେଝା କନ୍ଧମନେ ନ ଥିବ ତା'ଙ୍କ ବଧ

Couplet 30

ଅସ୍ତୁ ବୋଇଲେ ତପୋଧନସେ ସର୍ବେ ପାଇଲେ ଜୀବନ

Couplet 31

ନିଦ୍ରିତଜନ ନିଦ୍ରା ଅନ୍ତେଶରୀର ସମ୍ଭାଳେ ଯେମନ୍ତେ

Couplet 32

ପିତାର ତପୋବଳ ଜାଣିମାତା ଭ୍ରାତାଙ୍କ ଶିର ହାଣି

Couplet 33

ଏମନ୍ତେ କରି ଘୋର କର୍ମରାମ ରଖିଲେ ନିଜ ଧର୍ମ

Couplet 34

ରାମର ଅଙ୍ଗସଙ୍ଗ ତୁଲେମରଣୁଁ ସମସ୍ତେ ବଞ୍ଚିଲେ

Couplet 35

ଭାଇଙ୍କି ଘେନି ଏକଦିନେରାମ ଯେ ଗଲେ ତପୋବନେ

Couplet 36

ତପ ଆରାଧି ବିଷ୍ଣୁଧ୍ୟାନେନିଶ୍ଚଳେ ବସିଲେ ଆସନେ

Couplet 37

ତାହାଙ୍କ ଧ୍ୟାନ ଦେଖି ବନେପଶୁପତଙ୍ଗ କୀଟମାନେ

Couplet 38

ଭୟେ ଶବଦ ନ କରନ୍ତିଏବେ ହୋ ଶୁଣ ନରପତି

Couplet 39

ସହସ୍ରାର୍ଜୁନର କୁମରେପିତାର ମରଣର କାଳେ

Couplet 40

ଭାଜି ଯେ ଥିଲେ ଯେଝାମତେସେ ପୁଣି ମିଳିଲେ ଏକାନ୍ତେ

Couplet 41

ମନେ ସୁମରି ଜମଦଗ୍ନିସଙ୍ଗେ ଅନେକ ବଳ ଘେନି

Couplet 42

ଛିଦ୍ର ଉଣ୍ତିବା ସେ ବେଭାରେରାତ୍ରେ ମିଳିଲେ ଅନ୍ଧକାରେ

Couplet 43

ହୃଦେ ସୁମରି ଘୋରତମରୁନ୍ଧିଲେ ମୁନିଙ୍କ ଆଶ୍ରମ

Couplet 44

ମୁନି ଯେ ଥିଲେ ଯଜ୍ଞଶାଳେବିଷ୍ଣୁଚରଣ ପୂଜା କାଳେ

Couplet 45

ବଇରୀ ସାଧିବାର ରୋଷେବନ୍ଧନ କଲେ ଦୃଢ଼ପାଶେ

Couplet 46

ରେଣୁକା ରଖ ରଖ ବୋଲେପଡ଼ି ତାହାଙ୍କ ପାଦତଳେ

Couplet 47

ରେଣୁକା ବଚନ ନ ଶୁଣିତୀକ୍ଷ୍‌ଣ ଖଡ଼ଗେ ମୁଣ୍ତହାଣି

Couplet 48

ତକ୍ଷଣେ ଗଲେ ନିଜ ପୁରୀଧନ ସମ୍ପଦ ଜୂର କରି

Couplet 49

ରେଣୁକା ଦୁଃଖ ଶୋକଭରେରୋଦନ କଲେ ଉଚ୍ଚସ୍ୱରେ

Couplet 50

ଶିର-ହୃଦୟେ କରତାଡ଼ିକାନ୍ଦଇ ଭୂମିଗତେ ପଡ଼ି

Couplet 51

ଉଚ୍ଚେ ଡାକଇ ରାମ ରାମଭୋ ପୁତ୍ର ଆସ ତୁ ଆଶ୍ରମ

Couplet 52

ସଙ୍ଗତେ ଘେନି ତିନିଭାଇଭୋ ପୁତ୍ର ବେଗେ ଆସ ଧାଇଁ

Couplet 53

ମାତା ରୋଦନ ବାୟୁବଳେଶୁଭିଲା ରାମ କର୍ଣ୍ଣମୂଳେ

Couplet 54

ହେ ରାମ ରାମ ବାଣୀ ଶୁଣିସମାଧି ତେଜି ବୀର ମଣି

Couplet 55

ଭ୍ରାତାଙ୍କ ଘେନି ବେଗେ ଧାଇଁମିଳିଲେ ନିଜାଶ୍ରମେ ଯାଇ

Couplet 56

ଯଜ୍ଞଭୁବନେ ଚାରିଭ୍ରାତଦେଖିଲେ ଜମଦଗ୍ନି ହତ

Couplet 57

ପିତାଙ୍କ ଶିରଚ୍ଛେଦ ଦେଖିଭାଇଙ୍କ ତୁଲେ ରାମ ଦୁଃଖୀ

Couplet 58

ବିମୋହ-ଶୋକ-ଗୁରୁତରେରୋଦନ କଲେ ଉଚ୍ଚସ୍ୱରେ

Couplet 59

ଭୋ ତାତ ସାଧୁ ତୁ ଧାର୍ମିକସୁଜ୍ଞାନୀ ପଣ୍ତିତ ବିବେକ

Couplet 60

ଆମ୍ଭଙ୍କୁ ଅରକ୍ଷିତ କରିନିଶ୍ଚିନ୍ତେ ଗଲ ସ୍ୱର୍ଗ ପୁରୀ

Couplet 61

ପିତାର ଶିର ନ ଦେଖିଲେଭାଇଙ୍କି ଚାହିଁ ଆଜ୍ଞା ଦେଲେ

Couplet 62

ତୁମ୍ଭେ ହୋ ପ୍ରେତକାର୍ଯ୍ୟ କରଏମନ୍ତ କହି ବୀରବର

Couplet 63

ପରଶୁ ଧରି ଦକ୍ଷକରେଦୁଃସହ-କୋପ ଗୁରୁତରେ

Couplet 64

ସଙ୍କଳ୍ପ କଲେ ଜଳ ଘେନିନିକ୍ଷତ୍ର କରିବି ମେଦିନୀ

Couplet 65

କ୍ଷତ୍ରିୟ ଅନ୍ତ କରିବାରେପଥେ ଧାଇଁଲେ କୋପଭରେ

Couplet 66

ମିଳିଲେ ମାହିଷ୍ମତୀ ପୁରେଦେଖନ୍ତି ଶୂନ୍ୟପଥେ ସୁରେ

Couplet 67

ଅର୍ଜୁନ ସ୍ୱବଂଶ ଛେଦିଲେସଂଗ୍ରାମେ ମୁଣ୍ତ ରୁଣ୍ତ କଲେ

Couplet 68

ପର୍ବତ ପ୍ରାୟେ ମୁଣ୍ତରାଶିଗ୍ରାମେ ସ୍ଥାପିଲେ ଭୃଗୁବଂଶୀ

Couplet 69

କ୍ଷତ୍ରିୟ-ମରଣ-ରୁଧିରେନଦୀ ବଢ଼ିଲା ଭୟଙ୍କରେ

Couplet 70

ପିତୃ ତର୍ପଣ କରି ବିଧିନଦୀରେ ସେହୁ ବନ୍ଧ ବାନ୍ଧି

Couplet 71

ସ୍ଥାପି ନିକ୍ଷତ୍ର କରି ରୋଷେପୁଣି ଧାଇଁଲେ ଅନ୍ୟଦେଶେ

Couplet 72

ତ୍ରିସପ୍ତବାର ମହୀଭ୍ରମିକୋପେ ନୋହିଲେ ପଥଶ୍ରମୀ

Couplet 73

କ୍ଷତ୍ରିୟଗଣ ଧରି ଆଣିକୁଠାର ଧାରେ ଶିର ହାଣି

Couplet 74

ରୁଧିରେ ନବକୁଣ୍ତ କଲେପିତାଙ୍କୁ ତର୍ପଣେ ତୋଷିଲେ

Couplet 75

ସେ କୁରୁକ୍ଷେତ୍ରେ ଯଜ୍ଞ କରିବିପ୍ରଙ୍କୁ ଚାରିବେଦୁଁ ବରି

Couplet 76

ଦକ୍ଷିଣା ଦେଲେ ବିପ୍ରହସ୍ତେଶୁଣ ରାଜନ କହୁଁ ତୋତେ

Couplet 77

ଶ୍ରୀକରେ ଘେନି ଜଳ କୁଶହୋତାଙ୍କୁ ଦେଲେ ପୂର୍ବଦେଶ

Couplet 78

ଦକ୍ଷିଣ ବ୍ରହ୍ମା ହସ୍ତେ ଦେଲେପଶ୍ଚିମ ଅଧ୍ୱର୍ଯ୍ୟୁ ବରିଲେ

Couplet 79

ଉତ୍ତର ଉଦ୍‌ଗାତା ହସ୍ତେପ୍ରଦାନ କଲେ ସେ ପ୍ରଶସ୍ତେ

Couplet 80

ବେଦ ଉଚ୍ଚାରି ଚାରିକୋଣେଦକ୍ଷିଣା ଦେଲେ ସେ ବ୍ରାହ୍ମଣେ

Couplet 81

ମଧ୍ୟକୁ କୁରୁକ୍ଷେତ୍ର ତୁଲେକଶ୍ୟପ ହସ୍ତେ ରାମ ଦେଲେ

Couplet 82

ଏ ଆର୍ଯ୍ୟାବର୍ତ୍ତ ପୁଣ୍ୟଭୂମିଉପଦେଷ୍ଟାଙ୍କୁ ଦେଲେ ସ୍ୱାମୀ

Couplet 83

ସଭାପତିଙ୍କି କରି ତୋଷଆଦରେ ଦେଲେ ଅବଶେଷ

Couplet 84

ତା'ପରେ ସରସ୍ୱତୀ କୂଳେଯଜ୍ଞବଭୃଥ ସ୍ନାନ କଲେ

Couplet 85

ସେ ବ୍ରହ୍ମନଦୀ ଜଳେ ପଶିରବିର ତେଜ ପ୍ରାୟେ ଦିଶି

Couplet 86

ସେ ଯଜ୍ଞପୂର୍ଣ୍ଣେ ଜମଦଗ୍ନିଜ୍ଞାନ-ଲକ୍ଷଣ-ଦେହ ଘେନି

Couplet 87

ସପ୍ତଋଷିଙ୍କ ମଧ୍ୟେ ଧାମସ୍ଥାପିଲେ ତାଙ୍କୁ ପର୍ଶୁରାମ

Couplet 88

ସେ ରାମ କମଳଲୋଚନସ୍ୱଭାବେ ଭୃଗୁର ନନ୍ଦନ

Couplet 89

ଭବିଷ୍ୟ ମନ୍ୱନ୍ତର କାଳେବ୍ରହ୍ମ-ବିସ୍ତାରେ ଯୋଗବଳେ

Couplet 90

ସିଦ୍ଧ ଗନ୍ଧର୍ବେ ସ୍ତୁତି କଲେମହେନ୍ଦ୍ର ପର୍ବତେ ରହିଲେ

Couplet 91

ଏମନ୍ତେ ଭୃଗୁବଂଶେ ହରିନରଶରୀରେ ଅବତରି

Couplet 92

ଦୁଷ୍ଟ କ୍ଷତ୍ରିୟ ନାଶ କରିହେଳେ ଧରଣୀ ଭାରା ହରି

Couplet 93

ଗାଧିର ପୁତ୍ର ହୋଇ ଜନ୍ମସଂସାରେ କଲେ ଯେତେ କର୍ମ

Couplet 94

କ୍ଷତ୍ରିୟ କର୍ମ ଏ ଶୟଳେତେଜିଲେ ତପସ୍ୟାର ବଳେ

Couplet 95

ବ୍ରହ୍ମବର୍ଚ୍ଚସେ ଶ୍ରଦ୍ଧା କଲେବିଶ୍ୱାମିତ୍ର ସେ ବୋଲାଇଲେ

Couplet 96

ବିଶ୍ୱାମିତ୍ରର ଶତେପୁତ୍ରସେହୁ ଜନ୍ମିଲେ ସପ୍ତଗୋତ୍ର

Couplet 97

ସେ ଗୋତ୍ରେ ମଧୁଛନ୍ଦ ଆଦିସର୍ବେ ଜନ୍ମିଲେ ବେଦବାଦୀ

Couplet 98

ଶୁନଃଶେଫକୁ ପୁତ୍ର କରିଭାର୍ଗବବଂଶେ ତା'କୁ ବରି

Couplet 99

ନିଜ ସୁତଙ୍କୁ ରାଇ ଧୀରେକହିଲେ ନିଗମ ବେଭାରେ

Couplet 100

ଏହାକୁ ଜ୍ୟେଷ୍ଠ ବୋଲି ମଣଏ ତୁମ୍ଭ ଗୋତ୍ରର ବର୍ଦ୍ଧନ

Couplet 101

ଏ ହରିଶ୍ଚନ୍ଦ୍ର ଯଜ୍ଞ କାଳେପିତା ବିକ୍ରୟ କଲା ବଳେ

Couplet 102

ରୋହିତ ପଶୁ ଅର୍ଥେ ନେଲାଏହାର ମାଂସେ ଯଜ୍ଞ କଲା

Couplet 103

ଏହାକୁ ଦେବେ ତୋଷ ହୋଇତକ୍ଷଣେ ମରଣୁଁ ଜିଆଇ

Couplet 104

ଥୋଇଲେ ମୋ' ପୁତ୍ରଙ୍କ ମେଳେଦେବରାତ ତା' ନାମ ଦେଲେ

Couplet 105

ବିଶ୍ୱାମିତ୍ରଙ୍କ ଶତସୁତେଜ୍ୟେଷ୍ଠ ଯେ ଥିଲେ ପଞ୍ଚାଶତେ

Couplet 106

ବୋଇଲେ ଏ ନୋହେ ଉଚିତଏ ଜ୍ୟେଷ୍ଠ ହୋଇବ କେମନ୍ତ

Couplet 107

ପିତା ତାହାଙ୍କୁ ଦେଲେ ଶାପମ୍ଳେଚ୍ଛ ହୁଅରେ ତୁମ୍ଭେ ପାପ

Couplet 108

ଆର ପଞ୍ଚାଶପୁତ୍ର ସାନତାହାକୁ କଲେ ଜ୍ୟେଷ୍ଠେମାନ୍ୟ

Couplet 109

ସନ୍ତୋଷେ ବୋଲେ ବିଶ୍ୱାମିତ୍ରସକଳେ ହୁଅ ପୁତ୍ରବନ୍ତ

Couplet 110

ଏ ଶୁନଃଶେଫ ଅଟେ ବୀରଏହାକୁ ସର୍ବେ ଅନୁସର

Couplet 111

ଶୁଣ ହୋ ରାଜା ପରୀକ୍ଷିତଆବର ବିଶ୍ୱାମିତ୍ର ପୁତ୍ର

Couplet 112

ଅଷ୍ଟକ ଜୟ ହେ ହାରୀତକ୍ରତୁମତାଦି ଥିଲେ ସୁତ

Couplet 113

ଏ ରୂପେ କଉଶିକ ଗୋତ୍ରଦୁଇଭାଗରେ ହେଲା ଖ୍ୟାତ

Couplet 114

କୌଶିକ ଗୋତ୍ରର ପ୍ରବରଏଣୁ ଯେ ସପତ ପ୍ରକାର

Couplet 115

ସେ ପୁଣି ମନ୍ୱନ୍ତର କାଳେଗୋତ୍ର ସ୍ଥାପିଲେ ରବିତଳେ

Couplet 116

ସୁଜନେ ଶୁଣ ତୋଷ ଚିତ୍ତେଭାଷା ପ୍ରବନ୍ଧେ ଭାଗବତେ

Couplet 117

ଭୃଗୁର ବଂଶେ ହୋଇ ଜନ୍ମସେ ହରି କଲେ ଯେତେ କର୍ମ

Couplet 118

ଶୁଣନ୍ତେ ସର୍ବ ପାପ ହରେଅଶେଷ କର୍ମବନ୍ଧୁଁ ତରେ

Couplet 119

ବୋଲଇ ଦାସ ଜଗନ୍ନାଥନବମେ ବଂଶାନୁଚରିତ