Adhyaya 15

Couplet 1

ଏବେ ହୋ ଶୁଣ ନରନାଥସୋମର ବଂଶାନୁଚରିତ

Couplet 2

ଉର୍ବଶୀ ଗର୍ଭେ ବିଷ୍ଣୁ ତେଜେଜନ୍ମିଲେ ପୁରୁରବା ବୀର୍ଯ୍ୟେ

Couplet 3

ସୁନ୍ଦର ପଣେ ନାହିଁ ସମଶୁଣ ସେ ଷଡ଼ପୁତ୍ର ନାମ

Couplet 4

ଆୟୁ ଶ୍ରୁତାୟୁ ପୁଣି ରୟସତ୍ୟାୟୁ ବିଜୟ ଯେ ଜୟ

Couplet 5

ଶ୍ରୁତାୟୁ ସୁତ ବସୁମାନଏକନାମ ରୟ ନନ୍ଦନ

Couplet 6

ଶ୍ରୁତଞ୍ଜୟ ସତ୍ୟାୟୁ ସୁତଜୟର ତନୟ ଅମିତ

Couplet 7

ବିଜୟ ତନୟ ଯେ ଭୀମଭୀମର ପୁତ୍ର ଯେ କାଞ୍ଚନ

Couplet 8

ତା' ସୁତ ହେତ୍ରୁ ଜହ୍ନୁ ହୋଏଗଣ୍ତୂଷେ ଗଙ୍ଗା ଜଳ ପିଏ

Couplet 9

ଜହ୍ନୁର ସୁତ ପୁରୁ ନାମବଳାକ ତାହାଙ୍କ ନନ୍ଦନ

Couplet 10

ଅଜକ ବଳାକର ସୁତକୁଶ ତା'ଠାରୁ ହେଲା ଜାତ

Couplet 11

ବଳାକସୁତ କୁଶ ହୋଇସେ ଚାରି ପୁତ୍ରକୁ ଜନ୍ମାଇ

Couplet 12

କୁଶାମ୍ବୁ ପୁତ୍ର ଯେ ପ୍ରଥମତନୟ ଦ୍ୱିତୀୟ ସନ୍ତାନ

Couplet 13

ତୃତୀୟ ବସୁ ନାମେ ଖ୍ୟାତକୁଶନାଭ ଅଟେ ଚତୁର୍ଥ

Couplet 14

କୁଶ୍ୱାମ୍ବୁ ସୁତ ଗାଧି ନାମଅତି ସୁନ୍ଦର ଗୁଣଧାମ

Couplet 15

ତାହାର କନ୍ୟା ସତ୍ୟବତୀତା' କଥା ଶୁଣ ହୋ ନୃପତି

Couplet 16

ଋଚୀକ ନାମେ ବ୍ରହ୍ମଋଷିକନ୍ୟା ମାଗିଲେ ତା'କୁ ଆସି

Couplet 17

ଦେଖିଣ ବୃଦ୍ଧ ତା' ଶରୀରସେ ଗାଧି ନ ବରିଲା ବର

Couplet 18

ବୋଲେ ଋଚୀକ ମୁଖ ଚାହିଁକନ୍ୟା ଲଭିବୁ ଯେବେ ତୁହି

Couplet 19

ହୋଇବୁ ମୋ'ର କନ୍ୟାବରତୁ ଏବେ ମୋ'ର ବୋଲ କର

Couplet 20

ସହସ୍ରଅଶ୍ୱ ମୋତେ ଦିଅଚନ୍ଦ୍ରର ପ୍ରାୟ ଯା'ର ଦେହ

Couplet 21

କର୍ଣ୍ଣ ହୋଇବ ଶ୍ୟାମବର୍ଣ୍ଣତେବେ ମୁଁ ଦେବି କନ୍ୟାଦାନ

Couplet 22

ଏମନ୍ତେ ରାଜାର ବଚନେଋଚୀକ ବରୁଣ ଭୁବନେ

Couplet 23

ମିଳି ବରୁଣକୁ ମାଗିଲେବରୁଣ ସସ୍ରେଅଶ୍ୱ ଦେଲେ

Couplet 24

ସେ ଅଶ୍ୱ ଆଣି ମୁନି ଦେଲାସତ୍ୟବତୀକି ବିଭା ହେଲା

Couplet 25

ଋଚୀକ ପତ୍ନୀ ପୁତ୍ର ଅର୍ଥେବିଚାରି ମାତାର ସହିତେ

Couplet 26

ପୁତ୍ର କାମନା କରି ବେନିକାମନା କଲେ ଚରୁ ଘେନି

Couplet 27

ଯଜ୍ଞ ଆରମ୍ଭେ ପୁତ୍ର ଅର୍ଥେଚରୁ ସଞ୍ଚିଲା ବେଦମନ୍ତ୍ରେ

Couplet 28

ମାତା ଦୁହିତା ଅର୍ଥେ ବେନିଚରୁ ସାଧିଲା ମହାମୁନି

Couplet 29

ସେ ଚରୁ ଦେଇ ପତ୍ନୀ ହସ୍ତେୠଚୀକ ଗଲେ ସ୍ନାନ ଅର୍ଥେ

Couplet 30

ଯେ ଚରୁ କଲା ମହାତମାଶୁଣ ସେ ଚରୁର ମହିମା

Couplet 31

ଏକ କ୍ଷତ୍ରିୟ ବିପ୍ର ଏକସେ ଚରୁ ବିପରୀତ ଦେଖ

Couplet 32

ସତ୍ୟବତୀର ମୁଖ ଚାହିଁମାତା ବୋଲଇ ଭ୍ରାନ୍ତି ବହି

Couplet 33

ତୋ' ଚରୁ ମୋର ହସ୍ତେ ଦିଅମୋଠାରେ ଯେବେ ଅଛି ସ୍ନେହ

Couplet 34

ଏମନ୍ତ ମାତା ମୁଖୁଁ ଶୁଣିତକ୍ଷଣେ ରାଜାର ଦୁଲଣୀ

Couplet 35

ଆପଣା ଚରୁ ମାତା ହସ୍ତେଦେଲା ସେ ପ୍ରିୟଭାବ ମତେ

Couplet 36

ଚରୁ ଭୁଞ୍ଜିଲେ ବେନି ନାରୀଏବେ ହୋ ଶୁଣ ଦଣ୍ତଧାରୀ

Couplet 37

ଋଚୀକ ସ୍ନାନ ସାରି ଜଳେଗୃହେ ମିଳିଲେ ରାତ୍ରକାଳେ

Couplet 38

ମିଳିଲେ ସତ୍ୟବତୀ ସଙ୍ଗେପ୍ରଚଣ୍ତ ତେଜ ତା'ର ଅଙ୍ଗେ

Couplet 39

ନିକଟେ ବସି ନ ପାରଇବୋଲଇ ପତ୍ନୀମୁଖ ଚାହିଁ

Couplet 40

ତୁ ଘୋରକର୍ମ କିପାଁ କଲୁତୋ' ଚରୁମାତା ହସ୍ତେ ଦେଲୁ

Couplet 41

ପ୍ରଚଣ୍ତ ହୋଇବ ତୋ' ସୁତତା' ତେଜେ କମ୍ପିବ ଜଗତ

Couplet 42

ଭ୍ରାତା ହୋଇବ ବ୍ରହ୍ମମୁନିସନ୍ତୋଷ-ଶମ-ଦମ ଘେନି

Couplet 43

ତା' ଶୁଣି ସତ୍ୟବତୀ ଭାଳେପଡ଼ିଲା ସ୍ୱାମୀ ପାଦତଳେ

Couplet 44

କହେ କପୋଳେ ଦେଇ ହସ୍ତପ୍ରଚଣ୍ତ ନୋହୁ ମୋର ସୁତ

Couplet 45

ରଚୀକ ପତ୍ନୀର ବଚନେଭବିଷ୍ୟ ସୁମରିଲେ ମନେ

Couplet 46

ବୋଇଲେ ସୁତ ତୋ' ସୁତରହେଉ କ୍ଷତ୍ରିୟ ମହାବୀର

Couplet 47

ଏମନ୍ତେ ଋଚୀକ ବଚନେପୁତ୍ର ଜନ୍ମିଲା ବିପ୍ରବର୍ଣ୍ଣେ

Couplet 48

ଅତି ସୁନ୍ଦର ସୁକୁମାରରୂପେ ମୋହିଲା ତିନିପୁର

Couplet 49

ତାହାର ଜମଦଗ୍ନି ନାମତେଜେ ବିରାଜେ ଅଗ୍ନିସମ

Couplet 50

ପୁତ୍ର ପ୍ରସବି ସତ୍ୟବତୀଭଜିଲା ନଦୀଙ୍କର ଗତି

Couplet 51

ସେ ନଦୀରୂପେ ବହିଗଲାକୌଶିକୀ ନାମ ପୁଣ୍ୟଜଳା

Couplet 52

ରେଣୁକା ରେଣୁର ଦୁହିତାପୁଣ୍ୟ ପବିତ୍ର ଶୁଦ୍ଧଚିତ୍ତା

Couplet 53

ଅତି ସୁନ୍ଦରୀ ସୁକୁମାରୀସେ କନ୍ୟା ଜମଦଗ୍ନି ବରି

Couplet 54

ତା' ଗର୍ଭେ ଜମଦଗ୍ନି ବୀର୍ଯ୍ୟେପୁତ୍ରେ ଜନ୍ମିଲେ ବିଷ୍ଣୁତେଜେ

Couplet 55

ବସୁମଦାଦି ପୁତ୍ର ତୁଲେପରଶୁରାମ ଉପୁଜିଲେ

Couplet 56

ସେ ବାସୁଦେବ ଅଂଶେ ଏକହୈହୟ ରାଜା କୁଳାନ୍ତକ

Couplet 57

ପରଶୁ ଦକ୍ଷକରେ ଧରିକୋପେ ଭ୍ରମିଲା ବସୁନ୍ଧରୀ

Couplet 58

ଯେ ଦୁଷ୍ଟ କ୍ଷତ୍ରିୟ ରାଜନବ୍ରାହ୍ମଣେ ନ କରନ୍ତି ମାନ୍ୟ

Couplet 59

କ୍ଷତ୍ରିୟ ଗର୍ବେ ମତ୍ତ ଭ୍ରମେଆବୃତ ହୋଇ ରଜ ତମେ

Couplet 60

ଏକବିଂଶ ବାର ଭ୍ରମିଲାଧରଣୀ କ୍ଷତ୍ରିହୀନ କଲା

Couplet 61

ଭୋ ମୁନି କହ ମୋ' ଅଗ୍ରତେଦୁଷ୍ଟ କ୍ଷତ୍ରିୟ ଏ ଜଗତେ

Couplet 62

କ୍ଷତ୍ରିୟ ହଇହୟବଂଶକିବା ବିଷ୍ଣୁରେ କଲେ ଦୋଷ

Couplet 63

ଯେ ଦୋଷେ କରେ ଶସ୍ତ୍ର ଧରିନିକ୍ଷତ୍ର କଲେ ବସୁନ୍ଧରୀ

Couplet 64

କହନ୍ତି ଶୁକ ମୁନିବରଶୁଣ ହେ ଉତ୍ତରାକୁମର

Couplet 65

ଅର୍ଜୁନ ନାମେ ବୀର ଅଂଶେଜନ୍ମିଲେ ହଇହୟ ବଂଶେ

Couplet 66

ଦତ୍ତ ଯେ ନାରାୟଣ ଅଂଶତା'ପାଦେ ହୋଇଲେ ବିଶ୍ୱାସ

Couplet 67

ଅନେକ ଆରାଧନା କଲେସେ ତା'ଙ୍କୁ ତୋଷେ ବର ଦେଲେ

Couplet 68

ତପେ ସହସ୍ରଭୁଜ ଧରିତେଜ ସାମର୍ଥ୍ୟ ଯଶ ଶିରୀ

Couplet 69

ଅଣିମା ଆଦି ଅଷ୍ଟସିଦ୍ଧିଲଭିଲା ଅନେକ ସମୃଦ୍ଧି

Couplet 70

ଭ୍ରମଇ ଏ ତିନିଭୁବନେପ୍ରଚଣ୍ତ ଯେସନେ ପବନେ

Couplet 71

ଦିନେକ ସ୍ତିରୀଗଣ ସଙ୍ଗେଦିଗବିଜୟ କଲା ରଙ୍ଗେ

Couplet 72

କାମିନୀ ସଙ୍ଗେ ରସ ଭୋଳେପଶିଲା ରେବାନଦୀ ଜଳେ

Couplet 73

ବଇଜୟନ୍ତୀ ମାଳା ଗଳେନାରୀଙ୍କ ସଙ୍ଗେ ଜଳେ ଖେଳେ

Couplet 74

ଜଳ ନିଷେଧି କ୍ରୀଡ଼ା କାଳେନଦୀ ବାନ୍ଧିଲା ଭୁଜ ବଳେ

Couplet 75

ଭୁଜ ଉପରେ ଭୁଜ ଦେଲାନଦୀ ଜଳକୁ ବନ୍ଦୀ କଲା

Couplet 76

ନଦୀ ବହିଲା ପ୍ରତିସ୍ରୋତେବାମ ଦକ୍ଷିଣେ ଗ୍ରାମ ଯେତେ

Couplet 77

ପର୍ବତ ଆଦି ଘୋରବନସ୍ଥଳ-ଗଭୀର-ଦେବସ୍ଥାନ

Couplet 78

ପ୍ରଳୟ ପ୍ରାୟ ଜଳ ପୁରେକାମିନୀଗଣେ କ୍ରୀଡ଼ା କରେ

Couplet 79

ଏହି ସମୟେ ଦଶାନନଦିଗବିଜୟେ କରି ମନ

Couplet 80

ମହିଷ୍ମତୀପୁର ସମୀପେଶିବିର ନେଇ ତହିଁ ସ୍ଥାପେ

Couplet 81

ଜଳରେ ପ୍ଲାବିତ ଶିବିରଦେଖି କୁପିତ ଦଶଶିର

Couplet 82

ଅର୍ଜୁନ ପାଶେ ସେ ମିଳିଲାନିନ୍ଦିତ ବାକ୍ୟେ ଗାଳି ଦେଲା

Couplet 83

ତା' ଶୁଣି ସହସ୍ର ଅର୍ଜୁନହେଳେ ବାନ୍ଧିଲା ଦଶାନନ

Couplet 84

ମର୍କଟ ପ୍ରାୟ ବାନ୍ଧି କରିବନ୍ଧନାଗାରେ ନେଇ ଭରି

Couplet 85

ଅନେକ ଦିନ ସେ ରଖିଲାଅବଜ୍ଞା କରି ଛାଡ଼ିଦେଲା

Couplet 86

ପୁଣି ଅର୍ଜୁନ ଏକ ଦିନେମୃଗୟା ଅର୍ଥେ ଗଲା ବନେ

Couplet 87

ତାହାର ଅଶ୍ୱବଳ ଯେତେରବିର କିରଣେ ତୃଷିତେ

Couplet 88

ବୁଲନ୍ତେ ଗିରି-ଘୋରବନେମିଳିଲେ ଜମଦଗ୍ନି ସ୍ଥାନେ

Couplet 89

ରାଜାଙ୍କୁ ଦେଖି ମୁନିଜନେବସାଇ ସୁବର୍ଣ୍ଣ ଆସନେ

Couplet 90

ପୂଜିଲେ ନାନା ଉପହାରେକଳ୍ପିତ-ଯଜ୍ଞ-ଧେନୁ କ୍ଷୀରେ

Couplet 91

ସର୍ବ ସୁବର୍ଣ୍ଣମୟ ଚାହିଁଯେ କାମେ କାମଧେନୁ ଦୁହିଁ

Couplet 92

ଅଦ୍ଭୁତ ଦେଖି ନୃପମଣିସଙ୍କୋଚେ ମନେ ମନେ ଗୁଣି

Couplet 93

ଭୃତ୍ୟକୁ ରାଇ ଆଜ୍ଞା ଦେଲାଏ ଧେନୁ ଘେନରେ ବୋଇଲା

Couplet 94

ମୁନିଙ୍କି ଅନାଦର କରିତକ୍ଷଣେ ଗଲା ଦଣ୍ତଧାରୀ

Couplet 95

ସେ ଧେନୁ ବ›ତ୍ସା ସଙ୍ଗେ ବାନ୍ଧେପଥେ ଚଳନ୍ତେ ଧେନୁ କାନ୍ଦେ

Couplet 96

ରାଜା ଚଳିଲା ନିଜ ଗ୍ରାମବନେ ଯେ ଥିଲେ ପର୍ଶୁରାମ

Couplet 97

ଯଜ୍ଞ ଆହୁତି ଭଙ୍ଗ ଶୁଣିଗୃହେ ମିଳିଲେ ଭୃଗୁମଣି

Couplet 98

ବ›ତ୍ସା ସହିତେ ଧେନୁ ନେଲାପିତାଙ୍କୁ ଅନାଦର କଲା

Couplet 99

ଏ କଥା ଶୁଣି କୋପଭରେତୀକ୍ଷ୍‌ଣ ପରଶୁ ଧରି କରେ

Couplet 100

କବଚେ ଆବୋରି ଶରୀରକାନ୍ଧେ କାର୍ମୁକ ତୀକ୍ଷ୍‌ଣ ଶର

Couplet 101

ପଛେ ଧାଇଁଲେ କୋପମନେକୁଞ୍ଜର ଦେଖି ସିଂହ ଯେହ୍ନେ

Couplet 102

ପଛେ ଗୋଡ଼ାନ୍ତେ ପର୍ଶୁରାମରାଜା ଦେଖିଲେ ଘୋରତମ

Couplet 103

ପରଶୁ ଦକ୍ଷକରେ ଧରିହରିଣଚର୍ମ ଦେହେ ଭରି

Couplet 104

ସୂର୍ଯ୍ୟର ପ୍ରାୟେ ତେଜ ଦେହେକପିଳ ଜଟା ଶିରେ ଶୋହେ

Couplet 105

ଦେଖି ପରଶୁରାମ ତେଜପଥେ ରହିଲା ମହାରାଜ

Couplet 106

ସୈନ୍ୟଙ୍କୁ ଚାହିଁ ଆଜ୍ଞା ଦେଲାଅନେକ ଶସ୍ତ୍ର ପ୍ରହାରିଲା

Couplet 107

ଅଶ୍ୱ କୁଞ୍ଜର ସେନା ଯେତେଶସ୍ତ୍ର ପେଷିଲେ ଅପ୍ରମିତେ

Couplet 108

ଗଦା ଖଡ଼ଗ ଶକ୍ତି ଯଷ୍ଟିକୋପେ କରନ୍ତି ଶର ବୃଷ୍ଟି

Couplet 109

ଯୁଝନ୍ତି ଅତି କୋପମନେସମୁଦ୍ରେ ମନ୍ଦର ଯେସନେ

Couplet 110

ପରଶୁ କୋପରେ ପ୍ରହାରିଅର୍ଦ୍ଧନିମିଷେ ସର୍ବ ମାରି

Couplet 111

ଭୁଜ କନ୍ଧର ଉର ଛିଡ଼ିସର୍ବେ ପଡ଼ିଲେ ଭୂମି ମାଡ଼ି

Couplet 112

ରୁଧିର ନଦୀ ଉଚ୍ଚେ ବହେମାଂସ ଶୋଣିତ ମେଦମୟେ

Couplet 113

ମଲେ କ୍ଷଉଣୀ ସପ୍ତଦଶରହିଲା ସସ୍ରବାହୁ ଶେଷ

Couplet 114

ସୈନ୍ୟ ମରଣେ ବହି ମନ୍ୟୁଧଇଲା ପଞ୍ଚଶତ ଧନୁ

Couplet 115

ନାରାଚ ଯୋଚି ପଞ୍ଚଶତେରହିଲା ରାମର ଅଗ୍ରତେ

Couplet 116

ବୃକ୍ଷରୁ ପତ୍ର ଯେହ୍ନେ ଝଡ଼େରାମ ଉପରେ ଶସ୍ତ୍ର ପଡ଼େ

Couplet 117

ଦେଖି ତାହାର ବୀରଗତିବେଗେ ଧାଇଁଲେ ଭୃଗୁପତି

Couplet 118

କୁଠାରେ ସହସ୍ରେକ ଭୁଜହେଳେ ଛେଦିଲେ ଭୃଗୁରାଜ

Couplet 119

ତୀକ୍ଷ୍‌ଣ କୁଠାରେ ମୁଣ୍ତ ହାଣିଭାରା ଉଶ୍ୱାସିଲେ ଧରଣୀ

Couplet 120

ପିତା ମରଣ ପୁତ୍ରେ ଦେଖିଭାଜିଲେ ସମର ଉପେକ୍ଷି

Couplet 121

ରାମ ସଂହରି ମହାମନ୍ୟୁସଙ୍ଗତେ ଘେନି ଯଜ୍ଞଧେନୁ

Couplet 122

ଆନନ୍ଦମନେ ଯଜ୍ଞବାଟେମିଳିଲେ ପିତାର ନିକଟେ

Couplet 123

ପିତା ସମୀପେ ଧେନୁ ଦେଇଚରଣେ ଗଡ଼ଘାଲି ଶୋଇ

Couplet 124

ସଙ୍ଗତେ ଘେନି ତିନି ଭ୍ରାତେଯୁଦ୍ଧକରଣ କଥା ଯେତେ

Couplet 125

କହିଲେ ପିତାର ଅଗ୍ରତେତା' ଶୁଣି ପିତା ତୋଷଚିତ୍ତେ

Couplet 126

ବୋଇଲେ ରାମର ଅଗ୍ରତେଭୋ ପୁତ୍ର ଶୁଣ ଏକଚିତ୍ତେ

Couplet 127

ହେ ରାମ ରାମ ମହାବାହୁଶୁଣ ସୁମନେ ତୋତେ କହୁଁ

Couplet 128

ଶୁଭ ଅଶୁଭ ତୁ ନଜାଣିପାତକ କଲୁ ରାଜା ହାଣି

Couplet 129

ସର୍ବଦେବତା ରାଜା ଦେହେବସନ୍ତି ସୂର୍ଯ୍ୟଜ୍ୟୋତି ପ୍ରାୟେ

Couplet 130

ଆମ୍ଭେ ଯେ ଜାତିରେ ବ୍ରାହ୍ମଣସ୍ୱଭାବେ କ୍ଷମା ଆଚରଣ

Couplet 131

ବ୍ରହ୍ମା ଯେ ସର୍ବଦେବଗୁରୁକ୍ଷମା ପୂରିତ ଯେହ୍ନେ ମେରୁ

Couplet 132

ତେଣୁ ବସିଲା ସତ୍ୟଲୋକେଅଶେଷ ଲକ୍ଷ୍ମୀ ଭୁଞ୍ଜେ ଏକେ

Couplet 133

କ୍ଷମା ଯାହାର ହୃଦେ ରହେବିଷ୍ଣୁ ବସନ୍ତି ତା'ର ଦେହେ

Couplet 134

ଏଣୁ ଯେ ନୃପ ବଧ କରେଦୁରିତୁଁ କେବେହେଁ ନ ତରେ

Couplet 135

ଏବେ ତୁ ତୀର୍ଥ ସେବା କରତୋ'ଠାରୁ ପାପ ହେବ ଦୂର

Couplet 136

ଚିତ୍ତେ ଚିନ୍ତିବୁ ନାରାୟଣଅନ୍ୟଥା ନାହିଁ ପରିତ୍ରାଣ

Couplet 137

ପରଶୁରାମର କାହାଣୀଯେ ନର ଶ୍ରୁତିପଥେ ଶୁଣି

Couplet 138

ନରକ ପଥେ ନାହିଁ ଭ୍ରାନ୍ତିହେଳେ ସେ ସଂସାରୁ ତରନ୍ତି

Couplet 139

ବୋଲଇ ବିପ୍ର ଜଗନ୍ନାଥନବମେ ବଂଶାନୁଚରିତ