Adhyaya 13

Couplet 1

ନିମି ଯେ ଈକ୍ଷ୍ୱାକୁର ସୁତତା'ବଂଶେ ଯେତେ ରାଜା ଜାତ

Couplet 2

ଯେ କର୍ମ କଲେ ଅନୁଭବେଶୁଣ କହିବା ତୋତେ ଏବେ

Couplet 3

ସେ ନିମି ବଶିଷ୍ଠ ସଙ୍ଗତେବସି ଭାଳିଲା ଯଜ୍ଞ ଅର୍ଥେ

Couplet 4

ବଶିଷ୍ଠ ମୋ'ର ଯଜ୍ଞ କରଋତ୍ୱିଜେ ଚାରିବେଦୁଁ ବର

Couplet 5

ବଶିଷ୍ଠ ତା'ର ମୁଖ ଚାହିଁକହିଲେ ପ୍ରିୟଭାବ ବହି

Couplet 6

ଇନ୍ଦ୍ର ବରଣ କଲା ମୋତେତୋ' ଯଜ୍ଞ କରିବି କେମନ୍ତେ

Couplet 7

ମୁଁ ଆଗେ ଇନ୍ଦ୍ରଯଜ୍ଞ ସାରିଋତ୍ୱିଜେ ଚାରିବେଦୁଁ ବରି

Couplet 8

ପଛେ କରିବି ଯଜ୍ଞ ତୋ'ରସେ ନିମି ନ ଦେଲା ଉତ୍ତର

Couplet 9

ବଶିଷ୍ଠ ଇନ୍ଦ୍ରଯଜ୍ଞେ ଗଲେଅନ୍ୟ ବ୍ରାହ୍ମଣେ ନିମି ବୋଲେ

Couplet 10

ଯଜ୍ଞ ଆରମ୍ଭିଲେ ହରଷେସଙ୍କଳ୍ପି ସହସ୍ର ବରଷେ

Couplet 11

ଏମନ୍ତେ ଇନ୍ଦ୍ରଯଜ୍ଞ ସାରିନିମିର ବାକ୍ୟ ସେ ସୁମରି

Couplet 12

ସେ ଯଜ୍ଞ କରିବାର ଆଶେବେଗେ ମିଳିଲେ ନିମି ପାଶେ

Couplet 13

ଯଜ୍ଞ ଆରମ୍ଭ ଦେଖି ତା'ରକୋପିଲେ ବ୍ରହ୍ମାଙ୍କ କୁମର

Couplet 14

ବୋଇଲେ କୋପଭର ହୋଇମୋତେ ଅବଜ୍ଞା କଲୁ ତୁହି

Couplet 15

ତୋର ଜୀବନେ ନାହିଁ କାର୍ଯ୍ୟମରଣ ହେଉ ତୋତେ ଆଜ

Couplet 16

ତା' ଶୁଣି ନିମି କୋପ ବହିବୋଇଲେ ଜୀବ ଛାଡ଼ ତୁହି

Couplet 17

ତକ୍ଷଣେ ନିମି ଶାପ ଫଳେବଶିଷ୍ଠ ବସିଲେ ନିଶ୍ଚଳେ

Couplet 18

ଜୀବନ ଗଲା ଦେହୁ ଛାଡ଼ିତକ୍ଷଣେ ଶୂନ୍ୟମାର୍ଗେ ଉଡ଼ି

Couplet 19

ଉର୍ବଶୀ ଗର୍ଭେ ହେଲେ ଜନ୍ମମିତ୍ରାବରୁଣଙ୍କ ନନ୍ଦନ

Couplet 20

ନିମି ଯେ ଯଜ୍ଞଶାଳେ ଥିଲେତକ୍ଷଣେ ଜୀବନ ଛାଡ଼ିଲେ

Couplet 21

ଜୀବନ ଯଜ୍ଞଶାଳେ ପଶିରହିଲା ଯଜ୍ଞସ୍ତମ୍ଭେ ଗ୍ରାସି

Couplet 22

ନିମି ଶରୀରେ ବିପ୍ରଜନେବିଚାର କଲେ ଅନୁମାନେ

Couplet 23

ତୈଳ ସୁଗନ୍ଧଦ୍ରବ୍ୟ ଦେଇନିମି ଶରୀର ତହିଁ ଥୋଇ

Couplet 24

ବୋଇଲେ ପୂର୍ଣ୍ଣାହୁତି ଗଲେଶରୀର ଦହିବା ଅନଳେ

Couplet 25

ଏମନ୍ତ ବୋଲି ଯଜ୍ଞ କଲେସମ୍ପୂେର୍ଣ୍ଣ ପୂର୍ଣ୍ଣାହୁତି ଦେଲେ

Couplet 26

ଇନ୍ଦ୍ରାଦି ଦେବେ ଯେତେ ଥିଲେସନ୍ତୋଷେ ସୋମପାନ କଲେ

Couplet 27

ବିପ୍ରେ ଯେ ଦକ୍ଷିଣା ପାଇଲେଅନଳେ ଦହିବା ବୋଇଲେ

Couplet 28

ଦେବତା ଋଷି ତୋଷମନେବର ଯାଚିଲେ ଯଜମାନେ

Couplet 29

ନିମିର ଦେହେ ପଶୁ ପ୍ରାଣଆମ୍ଭେ କରିବା ପରିତ୍ରାଣ

Couplet 30

ନିମି ଜୀବନ ସ୍ତମ୍ଭେ ଥିଲାଦେବଙ୍କୁ ପ୍ରତିବାକ୍ୟ କଲା

Couplet 31

ମୋ'ର ଶରୀରେ କାର୍ଯ୍ୟ ନାହିଁଅସାର ଅନିତ୍ୟ ଏ ଦେହୀ

Couplet 32

ସକଳ ଦୁଃଖ ଏ ଶରୀରେମରଣ ଭୟ ନିରନ୍ତରେ

Couplet 33

ଜନ୍ମ-ମରଣ ରାତ୍ରଦିନେଅଶେଷ ବ୍ୟାଧି ଅନୁକ୍ଷଣେ

Couplet 34

ମୂତ୍ର ପୂରୀଷ କୃମିସ୍ଥାନମାୟାରେ ହୋଏ ହତଜ୍ଞାନ

Couplet 35

କାମାଦିଶତ୍ରୁ ମଧ୍ୟେ ରହେନିରତେ ଅହଙ୍କାର ବହେ

Couplet 36

ମାୟା-ସମୁଦ୍ରେ ନିତ୍ୟେ ବୁଡ଼େଅନ୍ତେ ନରକ ପଥେ ପଡ଼େ

Couplet 37

ପୂରୀଷ ଭସ୍ମକୀଟ ଅନ୍ତେଦୁର୍ଗନ୍ଧ କରଇ ନିରତେ

Couplet 38

ରୋଗଙ୍କ ମନ୍ଦିର ମାତରସ୍ୱଭାବେ ଦୁଃଖ ଏ ଶରୀର

Couplet 39

ଏମନ୍ତେ ନିମିର ବଚନେସର୍ବଦେବତା ତୋଷମନେ

Couplet 40

ବୋଇଲେ ପ୍ରମାଣ ଏ ବାଣୀପୁଣି କ୍ଷଣକେ ମନେ ଗୁଣି

Couplet 41

ବୋଇଲେ ଶୁଣ ନରନାଥଆମ୍ଭର ବର ନୋହେ ବ୍ୟର୍ଥ

Couplet 42

ସକଳ ଜନ୍ତୁଙ୍କ ଲୋଚନେବସ ତୁ ନିମିଷ ବିଧାନେ

Couplet 43

ନିମିଷମତେ ସଂଖ୍ୟାକରକାଳର ଗଣନା ବେଭାର

Couplet 44

ଏମନ୍ତ ଦେବଙ୍କ ବଚନେବସିଲା ଜନ୍ତୁଙ୍କ ନୟନେ

Couplet 45

ଅଧ୍ୟାତ୍ମଗତି ନିତ୍ୟେ ତା'ରଏବେ ହୋ ଶୁଣ କୁରୁବୀର

Couplet 46

ଅରାଜ୍ୟଭୟେ ମହାଜନେସକଳେ ବିଚାରିଲେ ମନେ

Couplet 47

ଆମ୍ଭେ ଯେ ବେଦ-ମନ୍ତ୍ରସ୍ୱରେକୁଶେ ମନ୍ଥିବା ଏ ଶରୀରେ

Couplet 48

ଯେମନ୍ତେ ପୁତ୍ର ଜନ୍ମ ହେବନିର୍ଭୟେ ପ୍ରଜାଙ୍କୁ ପାଳିବ

Couplet 49

ଏମନ୍ତ ବିଚାରି ମନରେତକ୍ଷଣେ ଜନ୍ମିଲା କୁମରେ

Couplet 50

କୁଶେ ମନ୍ଥିଲେ ବେଦସ୍ୱରେତକ୍ଷଣେ ଜନ୍ମିଲା କୁମରେ

Couplet 51

ଜନ୍ମନ୍ତେ ଜନକ ହୋଇଲାବୈଦେହ ନାମ ବୋଲାଇଲା

Couplet 52

ମନ୍ଥନେ ମିଥିଳ ତା' ନାମବହେ ଅଶେଷ ଗୁଣଗ୍ରାମ

Couplet 53

ଏମନ୍ତେ ନିମିରାଜବଳାମିଥିଳାପୁର ବସାଇଲା

Couplet 54

ତା' ସୁତ ଉଦାବସୁ ନାମନନ୍ଦିବର୍ଦ୍ଧନ ତା' ନନ୍ଦନ

Couplet 55

ସୁକେତୁ ନାମେ ତା'ର ସୁତତା'ର ସନ୍ତତି ଦେବରାତ

Couplet 56

ଦେବରାତରୁ ବୃହଦ୍ରଥତା' ତହୁଁ ମହାବୀର୍ଯ୍ୟ ଜାତ

Couplet 57

ସୁଧୃତି ତାହାର କୁମରତା' ପୁତ୍ର ଧୃଷ୍ଟକେତୁ ବୀର

Couplet 58

ହର୍ଯ୍ୟଶ୍ୱ ତାହାର କୁମରମରୁ ତାହାଙ୍କ ବଂଶଧର

Couplet 59

ମରୁରୁ ପ୍ରତୀପକ ଜନ୍ମତା' ସୁତ କୃତରଥ ନାମ

Couplet 60

ତା'ର କୁମର ଦେବମୀଢ଼ଯା' ଚିତ୍ତ ଯୋଗାଭ୍ୟାସେ ଦୃଢ଼

Couplet 61

ବିଶ୍ରୁତ ତାହାର ସନ୍ତତିତା'ର କୁମର ମହାଧୃତି

Couplet 62

ତା' ସୁତ କୃତିରାତ ନାମଜୀବେ ଅଶେଷ ଗୁଣଗ୍ରାମ

Couplet 63

ତା'ର ସନ୍ତତି ମହାରୋମରୂପେ ଶଶାଙ୍କ ନୋହେ ସମ

Couplet 64

ସୁବର୍ଣ୍ଣରୋମା ତା' ତନୟେତା' ତହୁଁ ହ୍ରସ୍ୱରୋମା ହୋଏ

Couplet 65

ତା'ର କୁମର ସୀରଧ୍ୱଜତା'ର ମହିମା ମହାତେଜ

Couplet 66

ବିପ୍ରେ ଯେ ତା'ର ଯଜ୍ଞକାଳେଭୂମିକି ଚଷିଲେ ଲଙ୍ଗଳେ

Couplet 67

ଲଙ୍ଗଳ ଅଗ୍ରେ ସୀତା ଜାତଏଣୁ ସେ ସୀରଧ୍ୱଜ ଖ୍ୟାତ

Couplet 68

ତା'ର କୁମର କୁଶଧ୍ୱଜଧର୍ମଧ୍ୱଜ ତା'ର ତନୁଜ

Couplet 69

ତା' ତହୁଁ ବେନିପୁତ୍ର ଜାତଶୁଣ ହୋ ତାହାଙ୍କ ଚରିତ

Couplet 70

ସେ କୃତଧ୍ୱଜ ମିତଧ୍ୱଜଶୁଣ ତାହାଙ୍କର ତନୁଜ

Couplet 71

କୃତଧ୍ୱଜର କେଶିଧ୍ୱଜଖାଣ୍ତିକ୍ୟ ଆନର ତନୁଜ

Couplet 72

ଖାଣ୍ତିକ୍ୟ କେଶିଧ୍ୱଜ ବେନିସାଧିଲେ ଯୋଗବିଦ୍ୟା ଘେନି

Couplet 73

କେଶିଧ୍ୱଜରଠାରୁ ଭୟେପଳାଇ ଗଲା ଆନଠାଏ

Couplet 74

କେଶି ଧ୍ୱଜରୁ ଭାନୁମାନତା'ର ତନୁଜ ଶତଦ୍ୟୁମ୍ନ

Couplet 75

ଶୁଚି ନାମରେ ତା' ତନୁଜତା'ର ତନୁଜ ସନଦ୍ୱାଜ

Couplet 76

ଉର୍ଜ୍ଜକେତୁ ଯେ ତହୁଁ ଜାତତାହାର ପୁତ୍ର ପୁରୁଜିତ

Couplet 77

ଅରିଷ୍ଟ ନେମି ସୁତ ତା'ରଶ୍ରୁତାୟୁ ତାହାର କୁମର

Couplet 78

ତା'ର ତନୟ ସୁପାର୍ଶ୍ୱକତା' ସୁତ ଚିତ୍ରରଥ ଲେଖ

Couplet 79

କ୍ଷେମାଧି ନାମେ ତା'ର ସୁତତା'ର ତନୟ ସମରଥ

Couplet 80

ତାହାର ପୁତ୍ର ସତ୍ୟରଥଉପଗୁରୁ ଯେ ତା'ର ସୁତ

Couplet 81

ତାହାର ପୁତ୍ର ଉପଗୁପ୍ତବସ୍ୱନନ୍ତ ଯେ ତା'ର ସୁତ

Couplet 82

ଯୁଯୁଧ ତା'ର ପୁତ୍ର ନାମତା' ତହୁଁ ହେଲା ସୁଭାଷଣ

Couplet 83

ତା' ସୁତ ଶ୍ରୁତ ତହୁଁ ଜୟତାହାର ତନୟ ବିଜୟ

Couplet 84

ତା' ତହୁଁ ଋତ ହେଲା ଜାତଶୁନକ ତାହାର ଯେ ସୁତ

Couplet 85

ବୀତହବ୍ୟ ଯେ ତା' ସନ୍ତତିତାହାର ତହୁଁ ଜାତ ଧୃତି

Couplet 86

ତାହାର ପୁତ୍ର ବହୁଳାଶ୍ୱତା' ସୁତ କୃତି ମହାଯଶ

Couplet 87

ଜନକବଂଶେ ରାଜା ଯେତେକହିଲୁ ଭୂତ ଭବିଷ୍ୟତେ

Couplet 88

ସେ ସର୍ବେ ଯୋଗବିଦ୍ୟା ସାଧିତରିଲେ ସଂସାର ଜଳଧି

Couplet 89

ରବିର ବଂଶେ ରାଜା ଯେତେସେ କଥା ବଂଶାନୁଚରିତେ

Couplet 90

ତୋତେ କହିଲି ପ୍ରିୟଭାବେସୋମର ବଂଶ ଶୁଣ ଏବେ

Couplet 91

ବୋଲଇ ଦାସ ଜଗନ୍ନାଥନବମସ୍କନ୍ଧେ ଭାଗବତ