Adhyaya 12

Couplet 1

ଶୁଣ ପରୀକ୍ଷ ମହୀପତିଶ୍ରୀରଘୁନାଥଙ୍କ ସନ୍ତତି

Couplet 2

ଅତିଥି କୁଶର ନନ୍ଦନନିଷଧ ତା'ର ତହୁଁ ଜନ୍ମ

Couplet 3

ନଭ ତାହାର ହୁଏ ସୁତତା' ପୁତ୍ର ପୁଣ୍ତରୀକ ଖ୍ୟାତ

Couplet 4

ତା' ପୁତ୍ର କ୍ଷେମଧନ୍ୱା ନାମରୂପେ ସୁନ୍ଦର ଅନୁପମ

Couplet 5

ତା'ର କୁମର ଦେବାନୀକଅନୀହ ତା'ର ପୁତ୍ର ଏକ

Couplet 6

ତା'ର ତନୟ ପାରିପାତ୍ରବଳସ୍ଥଳ ନାମ ତା' ସୁତ

Couplet 7

ତା'ର ସନ୍ତତି ବଜ୍ରନାଭଅର୍କର ଅଂଶେ ସେ ସମ୍ଭବ

Couplet 8

ସଗଣ ତାହାର ତନୟେବିଧୃତି ତାର ବୀର୍ଯ୍ୟେ ହୋଏ

Couplet 9

ହିରଣ୍ୟନାଭ ତା' ସନ୍ତତିଯୋଗ ବିଦ୍ୟାରେ ତା'ର ଖ୍ୟାତି

Couplet 10

ତା' ଗୁରୁ ଅଟନ୍ତି ଜୈମିନିତା' ଶିଷ୍ୟ ଯାଜ୍ଞବଲ୍‌କ୍ୟ ମୁନି

Couplet 11

ଅଭ୍ୟାସ ଯା'ର ଚାରିବେଦେତେଜେ ହୃଦୟଗ୍ରନ୍ଥି ଭେଦେ

Couplet 12

ହିରଣ୍ୟନାଭର କୁମରପୁଷ୍ପ ଅଭ୍ୟାସ ଯଜ୍ଞେ ଯା'ର

Couplet 13

ତା'ର କୁମର ଧ୍ରୁବସନ୍ଧିଯା' ବଂଶେ ଧାନ୍ତି ଅଷ୍ଟନିଧି

Couplet 14

ତା'ର କୁମର ସୁଦର୍ଶନତାହାର ପୁତ୍ର ଅଗ୍ନିବର୍ଣ୍ଣ

Couplet 15

ଶୀଘ୍ର ଜନମ ତାହାଠାରୁତାହାର ସୁତ ଅଟେ ମରୁ

Couplet 16

ମରୁ ଯେ ଶୀଘ୍ରର ତନୟେଯେ ନିତ୍ୟେ ଯୋଗକର୍ମ ଧ୍ୟାୟେ

Couplet 17

କଳାପ ଗ୍ରାମେ ବସି ଧ୍ୟାନେଯନ୍ତ୍ରିତ ନିତ୍ୟେ ତତ୍ତ୍ୱଜ୍ଞାନେ

Couplet 18

ଯୋଗ ସାଧଇ ଯେବା ଅର୍ଥେଶୁଣ କହିବା ତୋ' ଅଗ୍ରତେ

Couplet 19

କଳିର ଅନ୍ତେ ସୂର୍ଯ୍ୟବଂଶସେ ପୁଣି କରିବ ପ୍ରକାଶ

Couplet 20

ପ୍ରସୁଶ୍ରୁତ ତା'ର ତନୟେତା' ସୁତ ସନ୍ଧିନାମ ବହେ

Couplet 21

ଅମର୍ଷଣ ଯେ ତା'ର ସୁତମହସ୍ୱାନ ଯେ ତହୁଁ ଜାତ

Couplet 22

ତା'ର କୁମର ବିଶ୍ୱବାହୁତା'ର ମହିମା କେବା କହୁ

Couplet 23

ପ୍ରସେନଜିତ ତା'ର ପୁତ୍ରତକ୍ଷକ ନାମେ ତା'ର ସୁତ

Couplet 24

ବୃହଦବଳ ତା'ର ସୁତତୋ' ପିତା ଅର୍ଥେ ରଣେ ହତ

Couplet 25

ଇକ୍ଷ୍ୱାକୁ ବଂଶେ ଯେତେ ରାଜାଧର୍ମେ ପାଳିଲେ ଜନପ୍ରଜା

Couplet 26

ଶୁଣ ପରୀକ୍ଷ କହୁଁ ଏବେଭବିଷ୍ୟେ ଯେତେ ଉପୁଜିବେ

Couplet 27

ବୃହଦବଳ ପୁତ୍ର ଶୁଣନାମ ହୋଇବ ବୃହଦ୍ରଣ

Couplet 28

ତାହାର ପୁତ୍ର ଉରୁପ୍ରିୟବତ୍ସ›ବୃଦ୍ଧ ତା'ର ତନୟ

Couplet 29

ତା'ର କୁମର ପ୍ରତିବ୍ୟୋମଭାନୁ ନାମେ ତା'ର ନନ୍ଦନ

Couplet 30

ଦିବାକ ତାହାର ସନ୍ତତିସେ ହେବ ଯୁଦ୍ଧେ ସେନାପତି

Couplet 31

ତା'ର ତନୟ ସହଦେବତହୁଁ ବୃହଦଶ୍ୱ ସମ୍ଭବ

Couplet 32

ତା'ର କୁମର ଭାନୁମାନପ୍ରତିକାଶ୍ୱ ତା'ର ନନ୍ଦନ

Couplet 33

ସୁପ୍ରତୀକ ତହୁଁ ସମ୍ଭବତା' ପୁତ୍ର ହେବ ମରୁଦେବ

Couplet 34

ତା'ର ନନ୍ଦନ ସୁନକ୍ଷତ୍ରପୁଷ୍କର ହେବ ତା'ର ପୁତ୍ର

Couplet 35

ଅନ୍ତରୀକ୍ଷ ତା'ର ସନ୍ତତିତହୁଁ ସୁତପା ଉତପତ୍ତି

Couplet 36

ଅମିତ୍ରଜିତ ତା' ନନ୍ଦନତା' ତହୁଁ ବୃହଦ୍ରାଜ ଜନ୍ମ

Couplet 37

ତା'ର ସନ୍ତାନ ରଣଞ୍ଜୟତା' ପୁତ୍ର ନାମଟି ସଞ୍ଜୟ

Couplet 38

ତା' ସୁତ ଶାକ୍ୟ ନାମେ ଖ୍ୟାତଶୁଦ୍ଧୋଦ ତାହାର ଅପତ୍ୟ

Couplet 39

ଲାଙ୍ଗଳ ତାହାର କୁମରପ୍ରସେନଜିତ ସୁତ ତା'ର

Couplet 40

ତାହାର ନନ୍ଦନ କ୍ଷୁଦ୍ରକତା' ତହୁଁ ହୋଇବ ରଣକ

Couplet 41

ତା' ପୁତ୍ର ସୁରଥ ହୋଇବସୁମିତ୍ର ପୁତ୍ରେ ଶେଷ ହେବ

Couplet 42

ଈକ୍ଷ୍ୱାକୁ ବଂଶେ ରାଜା ଯେତେତୋତେ କହିଲି ଭବିଷ୍ୟତେ

Couplet 43

ସୁମିତ୍ର ଯାଏ କଳିଯୁଗେଏତେ ନୃପତି ହେବେ ଭୋଗେ

Couplet 44

ଆଦିତ୍ୟବଂଶାନୁଚରିତଯେ ଅବା ଭୂତ-ଭବିଷ୍ୟତ

Couplet 45

ତାହାଙ୍କ ଜନ୍ମ ଏ ସଂସାରେଶୁଣନ୍ତେ ସର୍ବପାପ ହରେ

Couplet 46

ବୋଲଇ ବିପ୍ର ଜଗନ୍ନାଥନବମସ୍କନ୍ଧେ ଭାଗବତ