Adhyaya 11

Couplet 1

କହନ୍ତି ଶୁକ ମହାଯତିଶୁଣ ପରୀକ୍ଷ ଚକ୍ରବର୍ତ୍ତୀ

Couplet 2

ଶ୍ରୀରାମ ରାଜ୍ୟେ ହୋଇ ରାଜାଆନନ୍ଦେ ପାଳି ଜନପ୍ରଜା

Couplet 3

ଉତ୍ତମ କଳ୍ପେ ଯଜ୍ଞ କଲେବଶିଷ୍ଠ ଆଦି ମୁନି ତୁଲେ

Couplet 4

ବିପ୍ରଙ୍କୁ ଚାରିବେଦୁଁ ବରିଦକ୍ଷିଣା ଦେଲେ ଚିତ୍ତ ଭରି

Couplet 5

ଭୂମିକି କରି ଚାରିଭାଗେଦକ୍ଷିଣା ଦେଲେ ଅନୁରାଗେ

Couplet 6

ହୋତାଙ୍କୁ ପୂର୍ବଦିଗ ଦେଲେଅଧ୍ୱର୍ଯ୍ୟୁ ପଶ୍ଚିମେ କଳ୍ପିଲେ

Couplet 7

ଉତ୍ତର ଦିଗ ସାମଗାନେବ୍ରହ୍ମାଙ୍କୁ ଦକ୍ଷିଣ ବିଧାନେ

Couplet 8

ବ୍ରାହ୍ମଣେ ଦେଲେ ଚାରିଦିଶଆଚାର୍ଯ୍ୟେ ଦେଲେ ଅବଶେଷ

Couplet 9

ସୀତା ସଙ୍ଗତେ ରଘୁପତିଆଚରି ଗୃହସ୍ଥଙ୍କ ଗତି

Couplet 10

ଅନେକ ବସ୍ତ୍ର-ରତ୍ନ-ଧନେସନ୍ତୋଷ କରି ସର୍ବଜନେ

Couplet 11

ଆଚରି ଗୃହମେଧି-ଧର୍ମବେଦ ବିହିତ ଯେତେ କର୍ମ

Couplet 12

ବ୍ରାହ୍ମଣେ ଦେଖି ସାଧୁକଥାମନେ ନ କଳ୍ପି ଅନ୍ୟ ଚିନ୍ତା

Couplet 13

ରାମର ନିକଟେ ମିଳିଲେଅନେକ ସ୍ତୁତି ବାକ୍ୟ କଲେ

Couplet 14

କହିଲେ ପ୍ରିୟଭାବେ ବହିଭୋ ନାଥ ଏତେ କାର୍ଯ୍ୟ ନାହିଁ

Couplet 15

ଆମ୍ଭେ କହିଲୁ ବେଦଧର୍ମେତୋତେ ନ ଜାଣି ମତିଭ୍ରମେ

Couplet 16

ତୋହର ରାଜ୍ୟ ତୁହି ନିଅଆମ୍ଭର ହୃଦେ ସଦା ଥାଅ

Couplet 17

ଏମନ୍ତେ କିଛି ଦିନ ଗଲାଶୁଣ ହୋ ଗୋବିନ୍ଦର ଲୀଳା

Couplet 18

ଦିନେକ ରାମ ରାତ୍ରକାଳେବୁଲନ୍ତି ନିଜ ଭୃତ୍ୟ ତୁଲେ

Couplet 19

ଯଶ ଅଯଶ କେ କି ଚିନ୍ତେଏମନ୍ତେ ବିଚାରି ଗୁପତେ

Couplet 20

ଶୁଣିଲେ ଏକ ଗୃହାଶ୍ରମେପତ୍ନୀକି ବୋଲେ ଗରୁତମେ

Couplet 21

ତୁ ଦୁଷ୍ଟା ନାରୀ ଘରୁ ଯାଅମୁଁ ନ ଛୁଇଁବି ତୋ'ର ଦେହ

Couplet 22

ଅସତୀ ପରଗୃହାଶ୍ରମୀମୁଁ ନୋହେ ରାମ ପ୍ରାୟେ କାମୀ

Couplet 23

ସେ ଯେହ୍ନେ ସୀତା ଘେନି ଘରେଆନନ୍ଦେ ଗୃହାଶ୍ରମ କରେ

Couplet 24

ଏମନ୍ତ ଶୁଣି ତା'ର ମୁଖେଗୃହେ ମିଳିଲେ ମନଦୁଃଖେ

Couplet 25

ଶୁଣିଣ ଲୋକ ଅପବାଦଚିନ୍ତା ବସିଲା ରାମ ହୃଦ

Couplet 26

ଲୋକାପବାଦ ନ ସହିଲେସୀତାରେ ରାମ କୋପ କଲେ

Couplet 27

ପ୍ରିୟାର ଗର୍ଭବାସ ଦେଖିତା'ର ବିଚ୍ଛେଦେ ହୋଇ ଦୁଃଖୀ

Couplet 28

ଏ ଲୋକ ଅପବାଦ ଭୟକରିବି କେବଣ ଉପାୟ

Couplet 29

ଲକ୍ଷ୍ମଣେ ରାଇ ରଘୁନାଥତା' ସଙ୍ଗେ ଭାଳିଲେ ଏକାନ୍ତ

Couplet 30

ବୋଇଲେ ସୀତାଙ୍କୁ ବିପିନେନିବେଶି ଆସ ତୁ ବହନେ

Couplet 31

ତକ୍ଷଣେ ରାଜା ଆଜ୍ଞା ପାଇସୀତାଙ୍କୁ ବନେ ନିବେଶଇ

Couplet 32

ସେ ମିଳେ ବାଲମୀକ ସ୍ଥାନେବେନିକୁମର ଜାତ ବନେ

Couplet 33

ବାଲ୍ମୀକି ଭ୍ରାନ୍ତି ଛାଡ଼ି ମନନିଜ କୁଟୀରେ ଦେଲେ ସ୍ଥାନ

Couplet 34

ବାଲ୍ମୀକି ଜାତକର୍ମ କଲେପୁତ୍ର ଦୁହିଙ୍କ ନାମ ଦେଲେ

Couplet 35

ପ୍ରଥମ କୁଶ ନାମେ ଖ୍ୟାତଅନ୍ୟ ଲବ ନାମେ ବିଦିତ

Couplet 36

ଏମନ୍ତେ କିଛିଦିନ ଅନ୍ତେରାମ ଚଳିଲେ ସୀତା ପଥେ

Couplet 37

ରାମ ଆଗମ ଶୁଣି କର୍ଣ୍ଣେତକ୍ଷଣେ ବରୁଣ-ଭୁବନେ

Couplet 38

ଜାନକୀ ହୋଇଲେ ପ୍ରବେଶମନେ ଅନେକ କରି ରୋଷ

Couplet 39

ସୀତାର ନ ପାଇଁ ସନ୍ଦେଶରାମ ଚଳିଲେ ନିଜ ଦେଶ

Couplet 40

ଲବ କୁଶକୁ ସଙ୍ଗେ ନେଲେକୁଶକୁ ଅଧିକାର ଦେଲେ

Couplet 41

ଅଙ୍ଗଦ ଚିତ୍ରକେତୁ ଦୁଇଲକ୍ଷ୍ମଣ ବୀର୍ଯ୍ୟେ ଜାତ ହୋଇ

Couplet 42

ତକ୍ଷ ପୁଷ୍କଳ ବେନି ଭାଇଭରତ ପତ୍ନୀ ଗର୍ଭେ ହୋଇ

Couplet 43

ସୁବାହୁ ଶ୍ରୁତସେନ ବୀରହୋଇଲେ ଶତ୍ରୁଘ୍ନ କୁମର

Couplet 44

ଭରତ ଦିଗବିଜେ କରିକୋଟି ଗନ୍ଧର୍ବବଳ ମାରି

Couplet 45

ଯୁଦ୍ଧେ ପାଇଲା ଯେତେ ଧନଦେଲା ସେ ରାମ ସନ୍ନିଧାନ

Couplet 46

ଶତ୍ରୁଘ୍ନ ଦିଗବିଜେ କରିଲବଣ ମଧୁପୁତ୍ର ମାରି

Couplet 47

ମଥୁରାପୁର ମଧୁବନେପୁରୀ ସ୍ଥାପିଲେ ପ୍ରଜାଜନେ

Couplet 48

ଧନ ଶ୍ରୀରାମ ଆଗେ ଦେଲାପୁତ୍ରକୁ ତହିଁ ରାଜା କଲା

Couplet 49

ଲକ୍ଷ୍ମଣ ଚନ୍ଦ୍ରଜ୍ୟୋତି ପୁରୀପୁତ୍ରକୁ ତହିଁ ରାଜା କରି

Couplet 50

ରାମ ଯେ ଜାନକୀ ବିଚ୍ଛେଦେମନ ନ କଳ୍ପେ ରାଜପଦେ

Couplet 51

ସୀତାର ଗୁଣ ଚିନ୍ତି ମନେନିଦ୍ରା ନ ମାଡ଼ଇ ନୟନେ

Couplet 52

କଣ୍ଠ-କୁଣ୍ଠିତ ଶୋକେ ପୂରିଚିତ୍ତକୁ ନ ପାରନ୍ତି ଧରି

Couplet 53

ସ୍ତିରୀ ପୁରୁଷ ସଙ୍ଗ ଏହିକେ ସହେ ନରଦେହ ବହି

Couplet 54

ସେ ଦିନୁ ବ୍ରହ୍ମଚର୍ଯ୍ୟ କରିରାମ ହୋଇଲେ ବ୍ରହ୍ମଚାରୀ

Couplet 55

ବର୍ଷସହସ୍ର ତ୍ରୟୋଦଶନିରତେ ବ୍ରହ୍ମଚାରୀ ବେଶ

Couplet 56

ଅଖଣ୍ତ ଅଗ୍ନିହୋତ୍ର କଲେବଶିଷ୍ଠ ଆଦି ମୁନି ତୁଲେ

Couplet 57

ଦକ୍ଷିଣା ଦେଲେ ତୋଷ ଚିତ୍ତେସନ୍ଧ୍ୟା-ମଧ୍ୟାହ୍ନେ ଅବିରତେ

Couplet 58

ସଂସାରେ ସ୍ଥାପି ନିଜ ଯଶସ୍ୱଧାମେ ହୋଇଲେ ପ୍ରବେଶ

Couplet 59

ଲବକୁଶଙ୍କୁ ରାଜ୍ୟ ଦେଇସକଳ ଜନପ୍ରଜା ରାଇ

Couplet 60

ଚତୁର୍ଦ୍ଧାରୂପେ ରଘୁନାଥଚଳିଲେ ଉତ୍ତରର ପଥ

Couplet 61

ସ୍ଥାବର ଜଙ୍ଗମାଦି କୀଟଘେନି ଚଳିଲେ ବଇକୁଣ୍ଠ

Couplet 62

ବୋଲନ୍ତି ଶୁକ ବ୍ରହ୍ମଋଷିଶୁଣ ହୋ ରାଜା କୁରୁବଂଶୀ

Couplet 63

ରାମ ଚରିତ ତୋ' ଅଗ୍ରତେସଂକ୍ଷେପେ କହିଲି ମୁଁ ଯେତେ

Couplet 64

ଏହା ଯେ ଶ୍ରବଣେ ଶୁଣନ୍ତିଦୁର୍ଗମ ସଙ୍କଟୁ ତରନ୍ତି

Couplet 65

ରାମ ଚରିତ ପୁଣ୍ୟକଥାଯେଣେ ଖଣ୍ତଇ ଭବବ୍ୟଥା

Couplet 66

ବୋଲଇ ଦାସ ଜଗନ୍ନାଥନବମସ୍କନ୍ଧେ ଭାଗବତ