Adhyaya 10

Couplet 1

ଏବେ ହୋ ଶୁଣ ମହୀପତିଯେ ବଂଶେ ଯାହାର ସନ୍ତତି

Couplet 2

ଯେ କୁଳେ ଯେବା ଅଧିପତିଶୁଣନ୍ତେ ପାପ ବିନାଶନ୍ତି

Couplet 3

ଖଟ୍ୱାଙ୍ଗୁ ଦୀର୍ଘବାହୀ ନାମପୁତ୍ର ହୋଇଲା ଗୁଣଧାମ

Couplet 4

ରଘୁ ତାହାର ତହୁଁ ଜାତସକଳ ଗୁଣେ ସୁବିଖ୍ୟାତ

Couplet 5

ଅଜ ତାହାର ବୀର୍ଯ୍ୟେ ଜାତତା'ର କୁମର ଦଶରଥ

Couplet 6

ସେ ଦଶରଥ ଘରେ ହରିଜନ୍ମିଲେ ନରଦେହ ଧରି

Couplet 7

ଚତୁର୍ଦ୍ଧା ରୂପେ ଦେବକାର୍ଯ୍ୟେଜନ୍ମିଲେ ଦଶରଥ ବୀର୍ଯ୍ୟେ

Couplet 8

ରାମ ଲକ୍ଷ୍ମଣ ଶତ୍ରୁଘନଭରତ ତୁଲେ ଚାରିଜଣ

Couplet 9

ସେ ରାମ ଚରିତ ତୁ ସୁଖେଶୁଣିଛୁ ଋଷିଙ୍କର ମୁଖେ

Couplet 10

ପିତା ବଚନେ ରାଜ୍ୟ ଛାଡ଼ିପଦ୍ମ ଚରଣେ ଭୂମି ମାଡ଼ି

Couplet 11

ଲକ୍ଷ୍ମଣ ସୀତାର ସମେତେଯେ ଦୁଃଖେ ବଞ୍ଚିଲେ ବନସ୍ତେ

Couplet 12

ସୁଗ୍ରୀବ ତୁଲେ ମିତ୍ର କରିବିରୂପ କଲେ ସେ ଅସୁରୀ

Couplet 13

ତା' ଶୁଣି ରାବଣ ଅଇଲାବନରୁ ସୀତା ହରି ନେଲା

Couplet 14

ପ୍ରିୟା ବିଚ୍ଛେଦେ ହୋଇ ଅନ୍ଧସମୁଦ୍ରେ କଲେ ସେତୁବନ୍ଧ

Couplet 15

ପ୍ରଥମେ ବିଶ୍ୱାମିତ୍ର ସଙ୍ଗେଯଜ୍ଞ ରଖିଲେ ଅନୁରାଗେ

Couplet 16

ମାରୀଚ ଆଦି ନିଶାଚରେରାତ୍ରେ ମିଳିଲେ ଯଜ୍ଞଘରେ

Couplet 17

ଲକ୍ଷ୍ମଣ ତୁଲେ ତା ସଂହାରିମୁନିଙ୍କ ଯଜ୍ଞ ରକ୍ଷା କରି

Couplet 18

ସେ ପୁଣି ସୀତା ସ୍ୱୟମ୍ବରେମିଳିଲେ ବିଦେହ ନଗରେ

Couplet 19

ଭାଙ୍ଗିଲେ ଈଶ୍ୱର-କୋଦଣ୍ତବାଳକେ ଯେହ୍ନେ ଇକ୍ଷୁଦଣ୍ତ

Couplet 20

ଅଶେଷ ରାଜାଗଣ ଜିଣିସୀତାଙ୍କୁ ସ୍ୱୟମ୍ବରୁ ଆଣି

Couplet 21

ଅଯୋଧ୍ୟା ନଗରେ ଆସନ୍ତେପରଶୁରାମ ବନପଥେ

Couplet 22

ବୋଲଇ ଶ୍ରୀରାମଙ୍କୁ ଚାହିଁଧନୁ ଭାଙ୍ଗିଲୁ ବଳେ ତୁହି

Couplet 23

ମୋ' ଧନୁ ବେନିକରେ ବାହନୋହିଲେ ସୀତା ମୋତେ ଦିଅ

Couplet 24

ଏମନ୍ତ ତା'ର ବାକ୍ୟଘୋରେତା' ଧନୁ ଧରି ବାମକରେ

Couplet 25

ତକ୍ଷଣେ ଭୃଗୁପତି ବୋଲେଜଂଘେ ବସାଇ ଗୁଣ ଦେଲେ

Couplet 26

ରାମର ଦେଖି ଘୋରତମପାଦେ ନମିଲେ ପର୍ଶୁରାମ

Couplet 27

ସୀତାକୁ ଆଣି ନିଜପୁରେପ୍ରବେଶ ହୋଇଲେ ସତ୍ୟରେ

Couplet 28

ପିତା ଯେ ପତ୍ନୀବଶ ହୋଇଯାହା ବୋଇଲା କଇକେୟୀ

Couplet 29

ମୋର ତନୟ ରାଜା ହେଉତୋ' ସୁତ ରାମ ବନେ ଯାଉ

Couplet 30

ସେ ରାମ ପିତାର ବଚନେତକ୍ଷଣେ ଚଳିଲେ ବିପିନେ

Couplet 31

ବନେ ବୁଲନ୍ତି ବେନିଭାଇଜନକ ସୁତା ସଙ୍ଗେ ଲଇ

Couplet 32

ରାବଣ ଭଗ୍ନୀ ସୂର୍ପଣଖାମାୟାରେ ବଳେ ଦେଲା ଦେଖା

Couplet 33

ଲକ୍ଷ୍ମଣ ରଘୁନାଥ ବୋଲେତା ନାସା ଶ୍ରବଣ ଛେଦିଲେ

Couplet 34

ତା' ଛଳେ ରାତ୍ରିଚରଗଣଉଭାରି କଲେ ଘୋରରଣ

Couplet 35

ଖର ଦୂଷଣ ଯେ ତ୍ରିଶିରଯୁଦ୍ଧେ ମିଳିଲେ ମହାବୀର

Couplet 36

ସୂର୍ପଣଖାର ବନ୍ଧୁଗଣେଯେତେ ମିଳିଲେ ଘୋରରଣେ

Couplet 37

ତା'ଙ୍କୁ ଛେଦିଲେ ତୀକ୍ଷ୍‌ଣ ଶରେଅଶେଷଜନ ଉପକାରେ

Couplet 38

ଚଉଦ ସହସ୍ର ଯେ ବଳଛେଦିଲେ ଦଶରଥ-ବାଳ

Couplet 39

ବରଷାଋତୁ ଆଗମନେପଶିଲେ ରାମ ଘୋରବନେ

Couplet 40

ତିନ୍ତୁଳି ବୃକ୍ଷ ତଳେ ରହିପଲ୍ଲବେ କୁଟୀର ଭିଆଇ

Couplet 41

ସୀତାର ରୂପଗୁଣ କଥାଶୁଣି ରାବଣ ମନେ ବ୍ୟଥା

Couplet 42

ଚିତ୍ତ ପୀଡ଼ିତ କାମଶରେରାକ୍ଷସ ପଶେ ଅନ୍ତଃପୁରେ

Couplet 43

ମାରୀଚ ରାବଣ ଆଦେଶେମିଳିଲା ରଘୁନାଥ ପାଶେ

Couplet 44

ଅଦ୍ଭୁତ ବିଧାତାର ଯୋଗବନେ ମିଳିଲା ମାୟାମୃଗ

Couplet 45

ବନେ ସୁବର୍ଣ୍ଣମୃଗ ଦେଖିରାମଙ୍କୁ ବୋଲେ ଚନ୍ଦ୍ରମୁଖୀ

Couplet 46

ଭୋ ନାଥ ମୋର କ୍ରୀଡ଼ା ଅର୍ଥେସୁବର୍ଣ୍ଣ ମୃଗ ଦିଅ ମୋତେ

Couplet 47

ସେ ରାମ ନାରୀବଶ ହୋଇଧନୁ-ନାରାଚ କରେ ନେଇ

Couplet 48

ଧାଇଁଲେ ମୃଗବଧ ଅର୍ଥେସେ ପଶେ ଗହନ ବନସ୍ତେ

Couplet 49

ତାହାକୁ ମାରିବାର କାଳେଶବଦ କଲା ସେ ବିକଳେ

Couplet 50

ରଖ ହେ ଲକ୍ଷ୍ମଣ ଶୁଭିଲାଜାନକୀ ଲକ୍ଷ୍ମଣେ କହିଲା

Couplet 51

ଲକ୍ଷ୍ମଣେ ଯାଅ ବେଗ ହୋଇସ୍ୱାମୀଙ୍କି ବିପତ୍ତି ପଡଇ

Couplet 52

ତକ୍ଷଣେ ଧନୁ ଧରି ହସ୍ତେଗଲେ ଶ୍ରୀରାମଚନ୍ଦ୍ର ପଥେ

Couplet 53

ରାବଣ ମିଳି ବୃକ୍ଷତଳେସୀତାଙ୍କୁ ନେଲା ଅନ୍ତରାଳେ

Couplet 54

ସୀତା ବିଚ୍ଛେଦେ ଦୁଃଖମନେତହୁଁ ଚଳିଲ ଅନ୍ୟବନେ

Couplet 55

ସ୍ତିରୀ ସଙ୍ଗତ ଦୋଷବାଦେଅବଶ୍ୟ ପଡ଼ଇ ପ୍ରମାଦେ

Couplet 56

ତକ୍ଷଣେ ଏମନ୍ତ କହିଲେଜଟାୟୁଶକୁ ଦଗ୍ଧ କଲେ

Couplet 57

କବନ୍ଧ ନାମେ ମହାସୁରବେଗେ ନାଶିଲେ ପ୍ରାଣ ତା'ର

Couplet 58

ତହୁଁ ଚଳିଲେ ଦୁଃଖମନେମିଳିଲେ ଋଷ୍ୟମୂକ ବନେ

Couplet 59

ସୁଗ୍ରୀବ ତୁଲେ ମିତ୍ର କରିସେ ବନେ ବାଳିକି ସଂହାରି

Couplet 60

ଅଙ୍ଗଦ ହନୁମାନ ତୁଲେସମୁଦ୍ର ନିକଟେ ମିଳିଲେ

Couplet 61

ପ୍ରିୟା ବିଚ୍ଛେଦେ ଦୁଃଖମନଜାଣିଲେ ବରୁଣ ରାଜନ

Couplet 62

ସ୍ୱଭାବେ ଦୁର୍ଗମ ଗଭୀରଭ୍ରମନ୍ତି ମଗର କୁମ୍ଭୀର

Couplet 63

ତକ୍ଷଣେ ନିଜ ରୂପ ଧରିରାମର ପାଦେ ନମସ୍କାରି

Couplet 64

ଅନେକ ସ୍ତୁତିବାକ୍ୟ କଲାସେତୁବନ୍ଧନେ ମାର୍ଗ ଦେଲା

Couplet 65

ବୋଲଇ ଭାବଭକ୍ତି ବହିରାବଣ ବଧ କରି ତୁହି

Couplet 66

ସକଳ ଅସୁର ସଂହାରିବେଗେ ତୁ ଲଭ ନିଜ ନାରୀ

Couplet 67

ତୋ ଯଶ ରହୁ ଦଶଦିଶେମୁନିଏ ଗାଇବେ ହରଷେ

Couplet 68

ସୁଗ୍ରୀବ ନୀଳ ହନୁମନ୍ତଅଙ୍ଗଦ ତୁଲେ କପିଯୂଥ

Couplet 69

ଚଳନ୍ତୁ ରକ୍ଷବଳ ସଙ୍ଗେଲଙ୍କା ଗମନ କର ବେଗେ

Couplet 70

ନିକୁମ୍ଭ କୁମ୍ଭ ଇନ୍ଦ୍ରଜିତଧୂମ୍ରାକ୍ଷ ଆଦି ଯେତେ ଯୂଥ

Couplet 71

ଏ ଆଦି ଯେତେ ଘୋରସୈନ୍ୟକୁମ୍ଭକର୍ଣ୍ଣାଦି ବୀରମାନ

Couplet 72

ଶୂଳ ଖଡ଼ଗ ଗଦା ରିଷ୍ଟିଭୂଷଣ୍ତି ତୀକ୍ଷ୍‌ଣ ଶରବୃଷ୍ଟି

Couplet 73

ପ୍ରହାର ଅସୁର ସମୂହେସମୂଳେ ହୋନ୍ତି ଯେଣେ କ୍ଷୟେ

Couplet 74

ସୁଗ୍ରୀବ ଲକ୍ଷ୍ମଣ ସହିତେଗନ୍ଧମାଦନ ହନୁମନ୍ତେ

Couplet 75

ଏ ଆଦି ଋକ୍ଷବଳ ତୁଲେରାବଣ ସଂହାର ତୁ ବଳେ

Couplet 76

ଏମନ୍ତ ବରୁଣର ବାଣୀଶୁଣି ଚଳିଲେ ରଘୁମଣି

Couplet 77

ସଙ୍ଗତେ ଘେନି କପିବଳଲଙ୍କାରେ ସଂଯୋଜି ଅନଳ

Couplet 78

ରାକ୍ଷସ ତୁଲେ ଯୁଦ୍ଧ କରିଅନେକ ବଳ ତା ସଂହାରି

Couplet 79

ସୀତାହରଣ ଦୋଷଫଳେସଂଗ୍ରାମେ ନ ଶିଲେ ସକଳେ

Couplet 80

ଦେଖିଣ ବୀରଙ୍କ ମରଣରଥ ଆରୋହିଲା ରାବଣ

Couplet 81

ମାତଳି ଘେନି ଦିବ୍ୟଯାନେମିଳିଲା ରାମ ସନ୍ନିଧାନେ

Couplet 82

ରାମ ରାବଣ ମୁଖ ଚାହିଁକହନ୍ତି କୋପଭର ହୋଇ

Couplet 83

ମୋ' ନାରୀ ଆଣିଲୁ ଚୋରାଇତପ ପ୍ରଭାବେ ଗର୍ବ ବହି

Couplet 84

ଆଜ ସରିଲା ତପ ଫଳହେଳେ ଗଞ୍ଜିବି ତୋର ବଳ

Couplet 85

ଏମନ୍ତ କହି ରଘୁନାଥକୋପେ କୋଦଣ୍ତ ଧରି ହସ୍ତ

Couplet 86

ବଜ୍ର ସମାନ ରାମଶରଭେଦିଲା ରାବଣ ହୃଦର

Couplet 87

ରଥୁଁ ପଡ଼ିଲା ଭୂମିତଳେଦଶବଦନୁ ଶୋଣି ଗଳେ

Couplet 88

ଭୂମି କମ୍ପିଲା ଥରହରଶବଦ ଶୁଭେ ହାହାକାର

Couplet 89

ରାବଣ ହତ ଶୁଣି କର୍ଣ୍ଣେସଂଭ୍ରମେ ଅନ୍ତଃପୁର ଜନେ

Couplet 90

ତକ୍ଷଣେ ମନ୍ଦୋଦରୀ ତୁଲେରାକ୍ଷସୀଗଣ ଉଭାରିଲେ

Couplet 91

ରୋଦନ କରନ୍ତି ବିକଳେଶବଦେ ଭୁବନ ଉଚ୍ଛୁଳେ

Couplet 92

ମିଳିଲେ ରଣଭୂମି ମଧ୍ୟେସ୍ୱାମୀ ସମୀପେ ଶୋକନାଦେ

Couplet 93

ହୃଦରେ ବେନିକର ତାଡ଼ିହା ନାଥ ବୋଲି ପାଦେ ପଡ଼ି

Couplet 94

ରାକ୍ଷସ ନାରୀଙ୍କ ରୋଦନପୁରିଲା ଧରଣୀ ଗଗନ

Couplet 95

କାନ୍ଦନ୍ତି ସ୍ୱାମୀ କୋଳେ ଧରିନାରୀଙ୍କ ତୁଲେ ମନ୍ଦୋଦରୀ

Couplet 96

ବଜ୍ର ସମାନ ରାମ ଶରଭେଦିଲା ତୋ'ର ହୃଦୟର

Couplet 97

ଭୋ ନାଥ ତୋହର ମରଣେପଶିବୁ କାହାର ଶରଣେ

Couplet 98

ତିନିଭୁବନେ ବୀରପଣଅନାଥ କଲୁ ନାରୀଗଣ

Couplet 99

ତୋ'ର ମରଣେ ଲଙ୍କାପୁରୀଢାଳେ ହୋଇଲା ହତଶିରୀ

Couplet 100

ତୁ ନାଥ କାମେ ଭୋଳ ହୋଇଛଳେ ହରିଲୁ ବଇଦେହୀ

Couplet 101

ସେ ଦୋଷ ତୋତେ ନାଶ କଲାମରଣଦଶା ଭିଆଇଲା

Couplet 102

ଅନାଥ କଲୁ ସର୍ବନାରୀଆମ୍ଭ ସଙ୍ଗତେ ଲଙ୍କାପୁରୀ

Couplet 103

ଦେହକୁ କଲୁ ଗୁଧ୍ରଗ୍ରାସନରକେ ହୋଇବୁ ପ୍ରବେଶ

Couplet 104

ଏମନ୍ତ କହି ନାରୀଗଣେପ୍ରାଣ ଛାଡ଼ିଲେ ହୁତାଶନେ

Couplet 105

ରହିଲା ମନ୍ଦୋଦରୀ ଶେଷଏବେ ହୋ ଶୁଣ କୁରୁଶିଷ

Couplet 106

ରାବଣ ଭାଇ ବିଭୀଷଣଥିଲା ଯେ ଶ୍ରୀରାମେ ଶରଣ

Couplet 107

ତାହାକୁ ଦେଲେ ମନ୍ଦୋଦରୀଲଙ୍କାରେ ଅଭିଷେକ କରି

Couplet 108

ବୋଇଲେ ପ୍ରଭୁ ରଘୁବୀରଏବେ ତୁ ପ୍ରେତକାର୍ଯ୍ୟ କର

Couplet 109

ଏମନ୍ତ ଆଜ୍ଞା ତା'କୁ ଦେଲେଅଶୋକ ବିପିନେ ମିଳିଲେ

Couplet 110

ସୀତା ଦେଖିଲେ ବେନି ଡୋଳେଅଧୋବଦନେ ବୃକ୍ଷ ମୂଳେ

Couplet 111

ରାମ-ବିଚ୍ଛେଦ ଦୁଃଖଭରଶୁଖିଛି ସୁରଙ୍ଗ ଅଧର

Couplet 112

ନୟନେ ଅଶ୍ରୁଜଳ ପୂରିହା ସୀତା ବୋଲି କରେ ଧରି

Couplet 113

ଜାନକୀ ପ୍ରଭୁ ମୁଖ ଚାହିଁବେଗେ ଉଠିଲେ ଜ୍ଞାନ ପାଇ

Couplet 114

ଆଦିତ୍ୟ ଦେଖି ପଦ୍ମ ଯେହ୍ନେଅନାଇଁ ଉନ୍ମୀଳ ଲୋଚନେ

Couplet 115

ଅଗ୍ନିରେ ପ୍ରବେଶ ହୋଇଲେସ୍ୱାମୀର ସନ୍ତୋଷ ବିହିଲେ

Couplet 116

ଶ୍ରୀରାମହସ୍ତେ ହସ୍ତ ଦେଇକାଞ୍ଚନ ବିମାନ ଆରୋହି

Couplet 117

ଲକ୍ଷ୍ମଣ ହନୁମନ୍ତ ତୁଲେରାମ ବିମାନେ ବିଜେ କଲେ

Couplet 118

ବିଭୀଷଣକୁ ଦାଶରଥିଲଙ୍କାରେ କରି ଅଧିପତି

Couplet 119

ବୋଇଲେ ହୁଅ ତୁ ଅମରଏ ଲଙ୍କା କଳ୍ପେ ଭୋଗ କର

Couplet 120

ବିଭୀଷଣକୁ ରାଜା କରିରାମ ବିଜୟେ ନିଜପୁରୀ

Couplet 121

ପିତା ଆଦେଶେ ବନବାସପୂରିଲା ଚଉଦ ବରଷ

Couplet 122

ରାମ ବିଜୟେ ଇନ୍ଦ୍ର ଚାହିଁସ୍ୱର୍ଗୁ କୁସୁମ ବରଷଇ

Couplet 123

ଗଗନେ ଦେବେ ପନ୍ତିପନ୍ତିରାମ-ବିଜୟ ଉଚ୍ଚାରନ୍ତି

Couplet 124

ରାମ-ବିଚ୍ଛେଦେ ଦୁଃଖମନେଭରତ ଥିଲା ତପୋବନେ

Couplet 125

ତା'ର ଚରିତ ଶୁଣି କର୍ଣ୍ଣେଯେବା କହିଲେ ମୁନିଜନେ

Couplet 126

କଠୋର ତପ ବନେ କରିସେ ବ୍ରହ୍ମଚାରୀ ରୂପ ଧରି

Couplet 127

ଯାବକ ଭକ୍ଷେ ଗୋରୁମୂତ୍ରେବଳ୍କଳ ପିନ୍ଧି କଟିସୂତ୍ରେ

Couplet 128

ପିଙ୍ଗଳ ଜଟା ଶିରେ ବହେରାତ୍ରେ ଭୂମିରେ ବୀର ଶୋଏ

Couplet 129

ରାମପାଦୁକା ଅଗ୍ରେ ଥୋଇନିଶ୍ଚଳ ଚିତ୍ତେ ନିତ୍ୟେ ଧ୍ୟାୟି

Couplet 130

ସେ ରାମ ମୁନିଗଣ ତୁଲେଭରତ ଆଶ୍ରମେ ମିଳିଲେ

Couplet 131

ତାହାର ହସ୍ତ ରାମ ଧରିସଦୟଚିତ୍ତେ କୋଳ କରି

Couplet 132

ରାମ ଲକ୍ଷ୍ମଣ ହନୁମନ୍ତସଙ୍ଗତେ ଚଳିଲେ ଭରତ

Couplet 133

ରାମପାଦୁକା ଶିରେ ଶୋହେତପସ୍ୱୀରୂପେ ଜନ ମୋହେ

Couplet 134

ମିଳିଲେ ଅଯୋଧ୍ୟା ନିକଟେସରଯୂନଦୀ ପୂର୍ବତଟେ

Couplet 135

ରାମର ଆଗମନ-ପଥେମିଳିଲେ ପାତ୍ର-ପୁରୋହିତେ

Couplet 136

ବେଦ-ଶବଦେ ବିପ୍ରଜନେଶଙ୍ଖ ଦୁନ୍ଦୁଭି ବାଦ୍ୟ ସ୍ୱନେ

Couplet 137

ଦିବ୍ୟବିମାନ ଶ୍ରେଣୀ ସାଥେବୀରେଧାମନ୍ତି ବେଗେ ପଥେ

Couplet 138

ଧ୍ୱଜ ପତାକା ଶୋଭେ ସ୍ୱର୍ଣ୍ଣେଉତ୍ତମ ବାଜି ଗଜ ଯାନେ

Couplet 139

ଗଣିକାଯୂଥ ଅଗ୍ରେ ଶୋହେମାର୍ଗେ ଚଳନ୍ତେ ଜନମୋହେ

Couplet 140

ବିବିଧ ଉପାୟନ ହସ୍ତେଜୟ ଶବଦ କରି ପଥେ

Couplet 141

ଯୁବତୀ ଘେନି ଦୀପାବଳୀପଥେ ଦିଅନ୍ତ ହୁଳହୁଳି

Couplet 142

ବିପ୍ରଙ୍କୁ ଦେଖି ରଘୁନାଥଶିରେ ନିବେଶି ବେନି ହସ୍ତ

Couplet 143

ତାହାଙ୍କୁ ନମସ୍କାର କଲେସୀତା ଲକ୍ଷ୍ମଣ ଘେନି ତୁଲେ

Couplet 144

ଅଯୋଧ୍ୟାପୁର ଜନ ଯେତେରାମ ଆଗମ ଦେଖି ପଥେ

Couplet 145

ରାମ ଲକ୍ଷ୍ମଣ ସୀତା ଚାହିଁରଙ୍ଗେ ନାଚନ୍ତି ଗୀତ ଗାଇ

Couplet 146

ରାମ ପାଦୁକା ଘେନି ଶିରେଭରତ ଚଳଇ ସଧୀରେ

Couplet 147

ଭରତ ଚଳେ ରାମ ପାଶେବିବୁଧେ ଦେଖନ୍ତି ଆକାଶେ

Couplet 148

ଉତ୍ତମ ବ୍ୟଜନ-ରାମରେସୁଗ୍ରୀବ ବିଭୀଷଣ ଧରେ

Couplet 149

ଅଞ୍ଜନାସୁତ ବୀରମଣିଚଳନ୍ତି ଶ୍ୱେତଛତ୍ର ଘେନି

Couplet 150

ଶତ୍ରୁଘ୍ନ କରେ ଧନୁଶରପଥେ ଦେଖନ୍ତି ସୁରନର

Couplet 151

ଜାନକୀ କରେ କମଣ୍ତଳପୂରିତ ନାନା ତୀର୍ଥଜଳ

Couplet 152

ଅଙ୍ଗଦ ହସ୍ତେ ଖଡ୍ଗ ଶୋହିସୁବର୍ଣ୍ଣ ଶତଚନ୍ଦ୍ର ଯହିଁ

Couplet 153

ସ୍ତୁବନ୍ତି ବନ୍ଦୀ ନାରୀଯୂଥମଧ୍ୟେ ବିଜୟ ରଘୁନାଥ

Couplet 154

ନକ୍ଷତ୍ର ମଧ୍ୟେ ଯେହ୍ନେ ଶଶୀତ୍ରିଦଶେ କୁସୁମ ବରଷି

Couplet 155

ସଙ୍ଗତେ ଘେନି ତିନିଭାଇମିଳିଲେ ଅନ୍ତଃପୁରେ ଯାଇ

Couplet 156

ସେ ପୁର ମହିମା ବର୍ଣ୍ଣିତମଣ୍ତଣିହସ୍ତୀ ଦ୍ୱାରେସ୍ଥିତ

Couplet 157

ନାନା ସୁଗନ୍ଧେ ପରିମଳନାନା ସୁବାସିତ ଶୀତଳ

Couplet 158

ପ୍ରାସାଦ ଗୋପୁରାଦି ଶୋଭାଚିତ୍ରଦେବତା ଗୃହ କିବା

Couplet 159

ପତାକା ସୁବର୍ଣ୍ଣ କଳସଶୋଭିତ ଦିଶେ ଦଶଦିଶ

Couplet 160

ପୁନ୍ନାଗ ନାରିକେଳ ଆଦିବସ୍ତ୍ର-ଜାଳକେ ଦର୍ପଣାଦି

Couplet 161

ତୋରଣା ବିଚିତ୍ର ଦିଶନ୍ତିପ୍ରଜାଙ୍କୁ ହରଷ ଦିଅନ୍ତି

Couplet 162

ଘେନିଣ ନାନା ଦ୍ରବ୍ୟମାନଆନନ୍ଦେ କରନ୍ତି ଦର୍ଶନ

Couplet 163

ଆଶିଷ କରିଣ ବୋଲନ୍ତିପୂର୍ବେ ବରାହ ରୂପେ ପୃଥ୍ୱୀ

Couplet 164

ଉଦ୍ଧରି ରଖିଲ ଗୋସାଇଁଏବେ ଶ୍ରୀରାମ ରୂପେ ତୁହି

Couplet 165

ସ୍ତିରୀ ପୁରୁଷେ ଗୃହ ଛାଡ଼ିଆରୋହି ଅ…ଟ୍ଟାଳୀ ପାଚେରୀ

Couplet 166

ଦେଖିବା ପାଇଁଣ ଉ›ତ୍ସୁକବୀର ଦର୍ଶନେ ଯେଉଁ ସୁଖ

Couplet 167

ସର୍ବେ ସନ୍ତୋଷ ମନ ହୋଇକୁସୁମ ବରଷନ୍ତି ନେଇ

Couplet 168

ନମିଲେ ଗୁରୁପତ୍ନୀ ପାଦେକୌଶଲ୍ୟା ଚରଣେ ଆନନ୍ଦେ

Couplet 169

ରାମଙ୍କୁ ଦେଖି ମାତୃଗଣଆନନ୍ଦେ କରନ୍ତି କଲ୍ୟାଣ

Couplet 170

ପ୍ରାଣକୁ ପାଇ ତନୁ ଯେହ୍ନେଉଠଇ ହରଷ ବଦନେ

Couplet 171

ଆନନ୍ଦେ ଅଶ୍ରୁଜଳ ନେତ୍ରେସିଞ୍ଚନ୍ତି ଶ୍ରୀରାମର ଗାତ୍ରେ

Couplet 172

ଶ୍ରୀରାମ ଶିରେ ଜଟା ଦେଖିସର୍ବେହୋଇଲେ ମନେ ଦୁଃଖୀ

Couplet 173

ତକ୍ଷଣେ ମିଳିଲେ ବ୍ରାହ୍ମଣେବଶିଷ୍ଠ ଆଦି ମୁନିଗଣେ

Couplet 174

ମୁଣ୍ତନ କଲେ ଜଟାଭାରଘେନାଇଁ ନାନା ଉପହାର

Couplet 175

ସୁବର୍ଣ୍ଣକୁମ୍ଭ ତୀର୍ଥଜଳେରାମଙ୍କୁ ଅଭିଷେକ କଲେ

Couplet 176

ଉତ୍ତମ ବସ୍ତ୍ର ଅଳଙ୍କାରରତ୍ନମୁକୁଟ ବାନ୍ଧି ଶିର

Couplet 177

ଜାନକୀ ତୁଲେ ଅଭିଷେକମିଳି ସକଳ ପ୍ରଜାଲୋକ

Couplet 178

ରାମଙ୍କୁ ପାଇ ପ୍ରଜାଜନେସକଳେ ହରିଷତ ମନେ

Couplet 179

ଅପୁତ୍ର ପୁତ୍ର ପାଇ ଯେହ୍ନେଆନନ୍ଦେ ହରଷ ବଦନେ

Couplet 180

ତ୍ରେତୟା ବର୍ତ୍ତମାନ କାଳେଯେସନେ ସତ୍ୟଯୁଗ ମିଳେ

Couplet 181

ରାମ ହୋଇଲେ ରାଜ୍ୟେ ରାଜାସତ୍ୟଯୁଗର ପ୍ରାୟେ ପ୍ରଜା

Couplet 182

କରନ୍ତି ସ୍ୱଧର୍ମ ଆଚାରଏବେ ହୋ ଶୁଣ କୁରୁବୀର

Couplet 183

ବନ ପର୍ବତ ନଦ ନଦୀଦ୍ୱୀପ ବରଷ ସିନ୍ଧୁ ଭେଦି

Couplet 184

ପ୍ରଜାଙ୍କୁ କାମଧେନୁ ପ୍ରାୟଭୂମି ହୋଇଲା ରସଦାୟ

Couplet 185

ନାଶିଲେ ଆଧିବ୍ୟାଧି ବ୍ୟଥାବୃଦ୍ଧ ହୋଇଲେ ସାମରଥା

Couplet 186

ସେ ରାମ ଏକପତ୍ନୀ ବ୍ରତଆଚରେ ରାଜଋଷି ମତ

Couplet 187

ଆଚରି ଗୃହମେଧି ଧର୍ମଶୁଭେ ସକଳ କ୍ରିୟା କର୍ମ

Couplet 188

ଜାନକୀ ରାମର ଚରଣେସ୍ୱଧର୍ମେ ଖଟେ ଅନୁକ୍ଷଣେ

Couplet 189

ପବିତ୍ର କଲେ ନିଜ ଅଂଶେଜନମି ହରି ଯେଉଁ ବଂଶେ

Couplet 190

ସୁଜନେ ଚିନ୍ତ ଅବିରତଆଦିତ୍ୟ ବଂଶାନୁଚରିତ

Couplet 191

ତରିବ ଏ ଭବ-ଜଳଧିଶ୍ରବଣେ ଶୁଣି ନିରବଧି

Couplet 192

କହଇ ଦାସ ଜଗନ୍ନାଥନବମସ୍କନ୍ଧେ ଭାଗବତ