Adhyaya 6

Couplet 1

ଏମନ୍ତେ ଦେବସ୍ତୁତି ଶୁଣିଶୂନ୍ୟେ ପ୍ରକାଶ ଚକ୍ରପାଣି

Couplet 2

ସହସ୍ର-ସୂର୍ଯ୍ୟତେଜ ଦେଖିଦେବେ ବୁଜିଲେ ଭୟେ ଆଖି

Couplet 3

ଦିଗ ନ ପାରନ୍ତି ବିଚାରିକେମନ୍ତେ ଦେଖିବେ ଶ୍ରୀହରି

Couplet 4

ରହିଲେ ଅନ୍ଧକାରାଚ୍ଛନ୍ନେଚାହିଁ ନ ପାରନ୍ତି ଗଗନେ

Couplet 5

ମଧ୍ୟେ ଯେ ବ୍ରହ୍ମା-ରୁଦ୍ର ଥିଲେଟେକି ଅନ୍ତରୀକ୍ଷେ ଚାହିଁଲେ

Couplet 6

ଦେଖିଲେ ବିଷ୍ଣୁର ପ୍ରକାଶଶରୀରେ ପୂରିଛି ଆକାଶ

Couplet 7

ନୀଳ-ମହୀନ୍ଦ୍ର ପ୍ରାୟେ ଦିଶେଅରୁଣ-ଲୋଚନ ପ୍ରକାଶେ

Couplet 8

ବିକଚ-ପୁଣ୍ଡରୀକ ପ୍ରାୟେକର୍ଣ୍ଣେ କୁଣ୍ଡଳ ବେନି ଶୋହେ

Couplet 9

ତପ୍ତକାଞ୍ଚନ ପ୍ରାୟେ ବର୍ଣ୍ଣପୀତବସନ ପରିଧାନ

Couplet 10

ପ୍ରସନ୍ନ ଚାରୁ ସର୍ବଅଙ୍ଗେଶ୍ରୀମୁଖ ସୁନ୍ଦର ଭ୍ରୂଭଙ୍ଗେ

Couplet 11

ଅମୂଲ୍ୟ-ମୁକୁଟ ଲଲାଟେକାଞ୍ଚନ ଭୂଷଣ ପ୍ରକଟେ

Couplet 12

ଆଜାନୁଲମ୍ବେ ଚାରିଭୂଜେକେୟୂର କଙ୍କଣ ବିରାଜେ

Couplet 13

କାଞ୍ଚିକଳାପ ବଳୟରେଶୋଭିତ ହାର-ନୂପୁରରେ

Couplet 14

କୌସ୍ତୁଭମଣି କଣ୍ଠେ ଶୋହେତେଜ ପ୍ରକାଶେ ଜନମୋହେ

Couplet 15

କମଳା ବନମାଳ ରଙ୍ଗେହୃଦେ ଶୋହଇ ଅନୁରାଗେ

Couplet 16

ଏମନ୍ତ ରୂପ ଶୂନ୍ୟେ ଚିନ୍ତିଶିବ ସହିତେ ବେଦପତି

Couplet 17

ଧ୍ୟାନେ ଗୋବିନ୍ଦ-ପାଦେ ପଡ଼ିସ୍ତୁତି କରନ୍ତି କରଯୋଡ଼ି

Couplet 18

ଅଜ-ନିର୍ମଳ ଯେ ସ୍ୱଭାବେସୃଷ୍ଟିପାଳନ-ସ୍ଥିତି ଲାଭେ

Couplet 19

ଅଗୁଣେ ବିଶ୍ରାମ ତୁମ୍ଭରମହିମା-ଅମୃତ-ସାଗର

Couplet 20

ଅଣୁ ହୁଁ ଅଣୁଭାବ ହୋଇସ୍ୱମାୟା ସୁଖେ ଯେ ଭଜଇ

Couplet 21

ମହାନୁଭବ ଏ ଜଗତେମହାପୁରୁଷ ନମସ୍ତୁତେ

Couplet 22

ତୁ ନାଥ ସଂସାର-ଧାରଣଏଣୁ ଅଶେଷ ମୁନିଗଣ

Couplet 23

ଆଗମ-ନିଗମେ ସମ୍ପାଦିବିଚାରି ସାଂଖ୍ୟଯୋଗ ବିଧି

Couplet 24

ବେଦ-ବିହିତେ ରବିତଳେମନ-ପବନ ସୁନିଶ୍ଚଳେ

Couplet 25

ତୋହର ରୂପ ଧ୍ୟାନକରିମାୟା-ଗହନୁ ଯାନ୍ତି ତରି

Couplet 26

ତୁ ନାଥ ଆଦି-ମଧ୍ୟ-ଅୟେଯେବା କରାଉ ଆତ୍ମତନ୍ତ୍ରେ

Couplet 27

ଜଗତେ ଆଦି ମଧ୍ୟ ତୁହିମୃତ୍ତିକାଘଟ ପ୍ରାୟେ ହୋଇ

Couplet 28

ତୋ ରୂପ ବିଶ୍ୱେ ପ୍ରକାଶଇସେ ରୂପ କେ ପାରିବ କହି

Couplet 29

ଆତ୍ମା-ଆଶ୍ରୟେ ମାୟାକରିତୁ ଏ ସଂସାର-ରୂପ ଧରି

Couplet 30

ସଂସାରେ ପଶୁ ଆତ୍ମାରୂପେସୁଖେ ବିହରୁ କଳ୍ପେ କଳ୍ପେ

Couplet 31

ନିର୍ମଳଚେତା ମୁନିଗଣେତୋତେ ଦେଖନ୍ତି ଶୁଦ୍ଧମନେ

Couplet 32

ଯଥା ଅନଳ କାଷ୍ଠେ ଥାଏଯେହ୍ନେ ଅମୃତ ଗୋରୁ ଦେହେ

Couplet 33

ଧରଣୀ ଦେହେ ଅନ୍ନ ଯେହ୍ନେସଂଯୋଗେ କୃଷି-କରଷଣେ

Couplet 34

ମନୁଷ୍ୟ ନାନା ଯୋଗବଳେଭଜନ୍ତି ତୋ ପାଦକମଳେ

Couplet 35

ନମିଣ ତୋ ଚରଣତଳେଭବସାଗରୁ ତରିଗଲେ

Couplet 36

ସର୍ବେ ନମନ୍ତି ତୋ ଚରଣେତୁ ଥାଉ ସଂସାର ଧାରଣେ

Couplet 37

ବାଞ୍ଚିତ ଅର୍ଥ ଫଳ ପାନ୍ତିନାନା ପ୍ରକାରେ ତୋତେ ଚିନ୍ତି

Couplet 38

ତୋ ରୂପ ଆତ୍ମାଗତେ ଦେଖିସଂସାର ତେଜି ହୋନ୍ତି ସୁଖୀ

Couplet 39

ଯେସନେ ଗଜ ଦାବାନଳେପ୍ରବେଶ କରେ ଗଙ୍ଗାଜଳେ

Couplet 40

ଆମ୍ଭେ ସକଳ ଲୋକପାଳେଶରଣ ତୋ ପାଦକମଳେ

Couplet 41

ଏ ଦେହ ଅନ୍ତର-ବାହାରେତୋ ତହୁଁ କେବା ଅଛି ପରେ

Couplet 42

ଏ ଦେବଗଣେ ମୋର ତୁଲେଦକ୍ଷାଦି ପ୍ରଜାପତି ମେଳେ

Couplet 43

ତୋ ଅନୁଗ୍ରହେ ବହୁଁ ଅଙ୍ଗଅନଳୁ ଯେସନେ ସ୍ଫୁଲିଙ୍ଗ

Couplet 44

କିବା କହିବୁଁ ତୋ ଅଗ୍ରତେଆମ୍ଭଙ୍କୁ ରଖ ଏ ଜଗତେ

Couplet 45

ଏମନ୍ତେ ବ୍ରହ୍ମା-ବାକ୍ୟ ଶୁଣିସଂସାର ହିତ ମନେ ଗୁଣି

Couplet 46

ପରମସୁଖେ ତନୁ ପୂରିଧାତାଙ୍କୁ ଅନୁଗ୍ରହ କରି

Couplet 47

ଜଳଧି-ମନ୍ଥନ-ପ୍ରସଙ୍ଗେଆତ୍ମା ପ୍ରକାଶ ଅନୁରାଗେ

Couplet 48

ପ୍ରସନ୍ନ ଚିତ୍ତେ ଭାବଗ୍ରାହୀକହନ୍ତି ବ୍ରହ୍ମା ମୁଖ ଚାହିଁ

Couplet 49

ଶୁଣ ହୋ ବ୍ରହ୍ମା-ଶିବ-ଦେବେଯେବା କରିବି ତୁମ୍ଭ ଲାଭେ

Couplet 50

ତୁମ୍ଭର ଶ୍ରେୟ ଯେଉଁମତେକହିବା ଶୁଣ ଏକଚିତ୍ତେ

Couplet 51

ଅସୁରଙ୍କର ସଙ୍ଗେ ଯାଇବସ ବିଶ୍ୱାସଭାବ ହୋଇ

Couplet 52

ନାନା ପ୍ରକାରେ ସନ୍ଧି କରପ୍ରଲୋଭେ ତାଙ୍କ ଚିତ୍ତ ହର

Couplet 53

ଯାବତ ସିଦ୍ଧ ନୋହେ କାର୍ଯ୍ୟତାବତ ମିତ୍ର ଭାବେ ଭଜ

Couplet 54

ଆପଣା କାର୍ଯ୍ୟ ସିଦ୍ଧଅର୍ଥେଶତ୍ରୁକୁ ଭଜନ୍ତି ଜଗତେ

Couplet 55

କାର୍ଯ୍ୟ ସରିଲେ ନିଜ ଭାବେସର୍ବେ ରହିବ ଆତ୍ମାଲାଭେ

Couplet 56

ଅହି -ମୂଷିକ କରି ସନ୍ଧିଯେମନ୍ତେ ଆତ୍ମକାର୍ଯ୍ୟ ସାଧି

Couplet 57

ଅମୃତ ଅର୍ଥେ ଯତ୍ନ କରଯା ପାନେ ହୋଇବ ଅମର

Couplet 58

ଶୁଣ କହିବା ଉପଦେଶବେଗେ ଗହନ ବନେ ପଶ

Couplet 59

ଅମ୍ଳ-ଔଷଧି-ଗୁଳ୍ମ ଯେତେବନସ୍ତୁ ଆଣ ଅପ୍ରମିତେ

Couplet 60

ପାଷାଣେ ଛେଚି ବାହୁବଳେନିକ୍ଷେପ କ୍ଷୀରସିନ୍ଧୁ-ଜଳେ

Couplet 61

ସେ ଅମ୍ଳ-ଗୁଣେ ବସୁ ଦଧିଯେଣେ ଲଭିବ ସର୍ବସିଦ୍ଧି

Couplet 62

ଏ ଯେ ମନ୍ଦର ମହୀଧରମନ୍ଥନଦଣ୍ଡ ଏହା କର

Couplet 63

ବାସୁକି ନାଗ ରଜ୍ଜୁ କରିମନ୍ଥିବ ଦେବାସୁରେ ଧରି

Couplet 64

ମୋହର ବୋଲେ ମହାଜଳେମନ୍ଥନ କର ଯା ନିଶ୍ଚଳେ

Couplet 65

ତୁମ୍ଭେ ସେ ଅମୃତ ପିଇବନିରାଶ ହୋଇବେ ଦାନବ

Couplet 66

ଇନ୍ଦ୍ର ଲଭିବ ସର୍ବସିଦ୍ଧିସର୍ବ ସମ୍ପାଦିବ ଜଳଧି

Couplet 67

ଶାନ୍ତି-ବଚନେ କାର୍ଯ୍ୟ ପାଇଆଗମ ଶାସ୍ତ୍ରେ ଏହା କହି

Couplet 68

ପ୍ରଥମେ ବାସୁକି ବଦନେଗରଳ ଛାଡ଼ିବ ମନ୍ଥନେ

Couplet 69

ତହିଁକି ନ କରିବ ଭୟମୁଁ ପୁଣି କରିବି ଉପାୟ

Couplet 70

ମନ୍ଥନେ ଲଭି ବସ୍ତୁ ଯେତେଲୋଭ ନ କରିବ ଯୁକତେ

Couplet 71

ପ୍ରାଣୀ ଯେ ଲୋଭେ ନାନାମତେବସ୍ତୁ ଆବୋରନ୍ତି ଜଗତେ

Couplet 72

ଏମନ୍ତ ଦେବଗଣେ କହିତକ୍ଷଣେ ଗରୁଡ଼ ଆରୋହି

Couplet 73

ନିଜ ଭୁବନେ ହରି ଗଲେଭକତ-ପାରିଷଦ ତୁଲେ

Couplet 74

ରୁଦ୍ର-ବ୍ରହ୍ମାଦି ଦେବଗଣେନମିଲେ ବିଷ୍ଣୁର ଚରଣେ

Couplet 75

ସକଳେ ହୋଇ ଏକଚିତ୍ତବଳି-ଭୁବନେ ଉପଗତ

Couplet 76

ଦ୍ୱାରେ ଅସୁରେ ଯେତେ ଥିଲେଦେବଗଣଙ୍କୁ ନିରୋଧିଲେ

Couplet 77

ଦେବନିଷେଧ କଥା ଶୁଣିଅସୁର-କୁଳ-ଚୁଡ଼ାମଣି

Couplet 78

ସନ୍ଧି-ବିଗ୍ରହ ସେ ଜାଣଇବୋଲଇ ନିଜଗଣ ରାଇ

Couplet 79

ଦେବଙ୍କୁ ଛାଡ଼ ତୁମ୍ଭେ ଦ୍ୱାରକି ଅବା କରିବେ ବିଚାର

Couplet 80

ଏମନ୍ତେ ବଳି ଆଜ୍ଞା ପାଇଦ୍ୱାର ଛାଡ଼ିଲେ ଭାବ ବହି

Couplet 81

ବଳି-ନିକଟେ ଦେବେ ଯାଇଜୟଶବଦ ଉଚ୍ଚେ ଗାଇ

Couplet 82

ବଳିକି ଦେଖିଲେ ଆସନେବେଷ୍ଟିତ ଅସୁର-ଗହଣେ

Couplet 83

ସର୍ବ-ସମ୍ପଦ ଯାର ପୁରେକିବା ଉପମା ଦେବା ତାରେ

Couplet 84

ନିଜ ସମ୍ପଦ ଜଗୁ ରଞ୍ଜେଦିଗପାଳଙ୍କ ତେଜ ଗଞ୍ଜେ

Couplet 85

ଇନ୍ଦ୍ର ଯେ ବଳି ମୁଖ ଚାହିଁବିଶ୍ୱାସେ ବଚନ ବୋଲଇ

Couplet 86

ଶୁଣ ରାଜନ ଏକଚିତ୍ତେଏ ତିନିଲୋକ ସୁଖ ଅର୍ଥେ

Couplet 87

ଦୁର୍ବାସା-ଶାପ ମହାଘୋରନାଶିଲା ସମ୍ପଦ ମୋହର

Couplet 88

ସୋମ-ସବିତା-ତେଜ ଗଲାନିବିଡ଼ ତମ ପ୍ରକାଶିଲା

Couplet 89

କମ୍ପଇ ଏ ତିନିଭୁବନସର୍ବେ ହୋଇଲେ ଦୁଃଖେ ଛନ୍ନ

Couplet 90

ଏଣୁ ବିଷ୍ଣୁଭୁବନେ ଯାଇକହିଲୁଁ ବ୍ରହ୍ମା ରୁଦ୍ର ଲଇଁ

Couplet 91

ସେ ପୁରୁଷୋତ୍ତମ-ବଚନରାଜନ ତୋଷମନେ ଶୁଣ

Couplet 92

ବୋଇଲେ ଏ କ୍ଷୀରଜଳଧିଅମ୍ଳ-ସଂଯୋଗେ କର ଦଧି

Couplet 93

ମନ୍ଦର ଗିରିକି ଆଣିବସମୁଦ୍ର ମଧ୍ୟରେ ସ୍ଥାପିବ

Couplet 94

ବାସୁକି ନାଗ ରଜ୍ଜୁ କରିଦେବ-ଦାନବେ ତାହା ଧରି

Couplet 95

ଯତନେ କରିବ ମନ୍ଥନସୁଧା କରିବ ସୁଖେ ପାନ

Couplet 96

ଯେତେ ଉପୁଜିବ ମନ୍ଥନେସକଳେ ମିଳି ତୋଷମନେ

Couplet 97

ସମାନ ଭାଗେ ଭୋଗକରସନ୍ତୋଷ ମନେ ଦେବାସୁର

Couplet 98

ସଂସାର ହେଉ ଏଣେ ରକ୍ଷାଏମନ୍ତ ବିଷ୍ଣୁ ଦେଲେ ଦୀକ୍ଷା

Couplet 99

ଏଣୁ ତୁମ୍ଭର ସଙ୍ଗେ ଆମ୍ଭେମିଳିଲୁ ମନ୍ଥନ-ଆରମ୍ଭେ

Couplet 100

ତୁମ୍ଭ ଆମ୍ଭର ଏକଗତିଯାହା ବୋଇଲେ ଶିରୀପତି

Couplet 101

ଏମନ୍ତ ଇନ୍ଦ୍ରମୁଖୁଁ ଶୁଣିଅସୁର ମନେମନେ ଗୁଣି

Couplet 102

ବୋଇଲେ ଶୁଭକର୍ମ ଏହିବିଷ୍ଣୁମାୟାରେ ମନ ମୋହି

Couplet 103

ବଳି ସଙ୍ଗତେ ଉଠି ସର୍ବେସମ୍ମତି କଲେ ପ୍ରିୟଭାବେ

Couplet 104

ଶମ୍ବରାରିଷ୍ଟ ନେମି ତୁଲେଯେତେ ଦାନବବୀର ଥିଲେ

Couplet 105

ବିଷ୍ଣୁ-ମୋହନ-ମାୟା ମତେହରଷ ଅସୁରଙ୍କ ଚିତ୍ତେ

Couplet 106

ଏମନ୍ତେ ଦେବାସୁରଗଣେବେଗେ ମିଳିଲେ ଘୋରବନେ

Couplet 107

ତୀକ୍ଷ୍ଣ-କୁଠାରେ ବେଗେ ହାଣିଅମ୍ଳ-ଔଷଧି-ଗୁଳ୍ମ ଆଣି

Couplet 108

ପର୍ବତେ ଛେଚି ପ୍ରତି ଶିଳେକ୍ଷୀର ସମୁଦ୍ରେ ପକାଇଲେ

Couplet 109

ବାସୁଦେବର କଥାବାଗେଦଧି ହୋଇଲା ଅମ୍ଳ ଯୋଗେ

Couplet 110

ଦେବଦାନବେ ଏକମନେମିଳିଲେ ମେରୁ ସନ୍ନିଧାନେ

Couplet 111

ନାନା ତୀକ୍ଷଣ ଶସ୍ତ୍ର ଧରିଉପାଡ଼ି ଘୋରନାଦ କରି

Couplet 112

ଇନ୍ଦ୍ରର ତୁଲେ ଦେବେ ଯେତେଅସୁରେ ବଳିର ସମେତେ

Couplet 113

ସମସ୍ତେ ମୁଣ୍ଡେ ଗିରି କଲେବଳେ କେତେହେଁ ଦୂର ନେଲେ

Couplet 114

କାହୁଁ ବହିବେ ଗିରିବରଯେ ଗିରିବରଙ୍କ ଶେଖର

Couplet 115

ପଥେ ଆଣନ୍ତେ ଗିରିବରେପଡ଼ିଲା ତାହାଙ୍କ ଉପରେ

Couplet 116

ଚୂର୍ଣ୍ଣ ହୋଇଲେ ମହାଭାରେସକଳେ ପଡ଼ିଲେ ଭୂମିରେ

Couplet 117

ଶିର ଚରଣ ବାହୁ ଚୂରିପଥେ ପଡ଼ିଲା ମହାଗିରି

Couplet 118

ଦେବଙ୍କ ଦୁଃଖେ ଭଗବାନତକ୍ଷଣେ ଗରୁଡ଼ ଆସନ

Couplet 119

ପଥେ ମିଳିଲେ ତାଙ୍କ ପାଶେଦେବଙ୍କ ଭକତି ବିଶ୍ୱାସେ

Couplet 120

କରେ ମନ୍ଦରଗିରି କଲେଦେବ-ଅସୁରଙ୍କୁ ଚାହିଁଲେ

Couplet 121

ଅମୃତ-ନୟନେ ଅନାଇଁଜୀବନ ଦେଲେ ଭାବଗ୍ରାହୀ

Couplet 122

ଲାଗନ୍ତେ ଗୋବିନ୍ଦର କରତକ୍ଷଣେ ପାଇଲେ ଶରୀର

Couplet 123

ଗୋବିନ୍ଦ ଏକହସ୍ତେ ଗିରିନିଶ୍ଚଳେ ନିଜ କୋଳେ ଧରି

Couplet 124

ଗରୁଡ଼ ଉଡ଼େ ଶୂନ୍ୟପଥେଦେବ-ଦାନବବଳେ ସାଥେ

Couplet 125

କ୍ଷୀର ଜଳଧିତଟେ ମିଳିଦେବଅସୁର ବନମାଳ

Couplet 126

ଗରୁଡ଼-କନ୍ଧୁ ଗିରିବରକୂଳେ ନିବେଶି ଚକ୍ରଧର

Couplet 127

ଗରୁଡ଼ ଗଲା ନିଜପୁରଶୁଣ ପରୀକ୍ଷ ନୃପବର

Couplet 128

ଦେବ-ଅସୁରଙ୍କର ଭାବଯହୁଁ ଅମୃତ ଉଦଭବ

Couplet 129

ସୁଜନେ ଏଣେ ଚିତ୍ତ କରମାୟା-ସଙ୍କଟରୁ ନିସ୍ତର

Couplet 130

ବୋଲଇ ଦାସ ଜଗନ୍ନାଥଅଷ୍ଟମ ସ୍ମନ୍ଧେ ଭାଗବତ