Adhyaya 5

Couplet 1

ଶୁକ କହନ୍ତି ଗଙ୍ଗାକୂଳେସକଳ ମହାରଷି ମେଳେ

Couplet 2

ହରି ଚରିତ ସୁଧାସାରଗଜ କୁମ୍ଭୀରର ନିସ୍ତାର

Couplet 3

ପ୍ରସନ୍ନେ କହି ରାଜା ଆଗେପୁଣ କହନ୍ତି ଅନୁରାଗେ

Couplet 4

ଶୁଣ ହେ ଅଭିମନ୍ୟୁସୁତଅଦ୍‌ଭୁତ ଗୋବିନ୍ଦ ଚରିତ

Couplet 5

ତୋତେ କହିଲୁ ହରିଗୁଣମନୁ-ଚରିତ ଏବେ ଶୁଣ

Couplet 6

ପଞ୍ଚମେ ତାମସ-ସୋଦରରୈବତ ନାମେ ମନୁବର

Couplet 7

ଅର୍ଜ୍ଜୁନ ବଳିବିନ୍ଧ୍ୟ ନାମତାର ତନୟ ଅନୁପମ

Couplet 8

ଇନ୍ଦ୍ର ବସଇ ବିଭୁ ନାମଘେନି ଦେବତା ଋଷିଗଣ

Couplet 9

ଦେବତା ଭୂତରୟ ଆଦିଏ ଭାବେ ଅମର ପ୍ରସିଦ୍ଧି

Couplet 10

ହିରଣ୍ୟରୋମା ବେଦଶିରଊର୍ଦ୍ଧ୍ୱବାହୁ ଯେ ମୁନିବର

Couplet 11

ବିକୁଣ୍ଠା ନାମେ ଶୁଭ୍ର ନାରୀରୂପେ କମଳା ନୋହେ ସରି

Couplet 12

ବୈକୁଣ୍ଠପୁର ଲୋକ ସଙ୍ଗେବିଷ୍ଣୁ ତାହାର ନିଜ ଅଙ୍ଗେ

Couplet 13

ଜନ୍ମ ହୋଇଲେ ନିଜଧାମଏଣୁ ବୈକୁଣ୍ଠ ତାର ନାମ

Couplet 14

ବୈକୁଣ୍ଠପୁର ମନେ କଳ୍ପିଯହିଁ ବିଜୟେ ବିଶ୍ୱରୂପୀ

Couplet 15

ସେ ସର୍ବଲୋକ ନମସ୍ତୁତଶୁଣ ନୃପତି ପରୀକ୍ଷିତ

Couplet 16

ଲକ୍ଷ୍ମୀର ପ୍ରାର୍ଥନେ ମୁରାରିକମଳା ତୁଲେ ପ୍ରୀତିକରି

Couplet 17

ନିବାସ କଲେ ପ୍ରିୟଭାବେବିଷ୍ଣୁଭକତଙ୍କର ଲାଭେ

Couplet 18

ବୈକୁଣ୍ଠ ଗୁଣ ଭାବ ଯେତେଭାବେ କହିଛି ତୋ ଅଗ୍ରତେ

Couplet 19

ଏ ବିଷ୍ଣୁଗୁଣ ପରିମାଣୁକେ ଗଣିପାରେ ଭୂମିରେଣୁ

Couplet 20

ଶୁଣ ରାଜନ ମନତୋଷେଏବେ କହିବା ମନୁବଂଶେ

Couplet 21

ଷଷ୍ଠରେ ଚକ୍ଷୁଷଙ୍କ ସୁତଚାକ୍ଷୁଷ ନାମେ ସେ ବିଦିତ

Couplet 22

ପୁରୁ ପୁରୁଷ ସୁଦ୍ୟୁମ୍ନ ଯେପ୍ରମୁଖ ଚାକ୍ଷୁଷ ତନୁଜେ

Couplet 23

ଇନ୍ଦ୍ରର ନାମ ମନ୍ତ୍ରଦ୍ରୁମଆପ୍ୟାଦି ଦେବଗଣ ନାମ

Couplet 24

ହବିଷ୍ମ ବୀରକାଦି ମୁନିଉଦୟେ ନିଜଗୁଣ ଘେନି

Couplet 25

ସେ ମନୁ କାଳେ ଚକ୍ରଧରଦେବ ସମ୍ଭୂତିର ଉଦର

Couplet 26

ଅଜିତ ନାମେ ଭଗବାନବୈରାଜ ଋଷିର ନନ୍ଦନ

Couplet 27

ଯେ ରୂପେ ସମୁଦ୍ର ମନ୍ଥିଲେସୁରଗଣଙ୍କୁ ସୁଧା ଦେଲେ

Couplet 28

ଜଳେ ବୁଡ଼ନ୍ତେ ଗିରିବରକୂର୍ମ ରୂପେ ଧରି ମନ୍ଦର

Couplet 29

ଅମୃତ ଦେଲେ ଦେବଗଣେଅସୁର ମୋହି ସ୍ତିରୀପଣେ

Couplet 30

ଶୁକ-ଚରଣ-ତଳେ ବସିବୋଲେ ପରୀକ୍ଷ କୁରୁବଂଶୀ

Couplet 31

ଭୋ ମୁନି ଅସମ୍ଭବ କଥାସମୁଦ୍ର-ମନ୍ଥନ ବ୍ୟବସ୍ଥା

Couplet 32

କିମର୍ଥେ ପ୍ରଭୁ ଜନାର୍ଦ୍ଦନକଳ୍ପିଲେ କ୍ଷୀରବ୍‌ଧି-ମନ୍ଥନ

Couplet 33

କେମନ୍ତେ କୂର୍ମରୂପ ଧରିପୃଷ୍ଠେ ବହିଲେ ମହାଗିରି

Couplet 34

କେମନ୍ତେ ସର୍ବ ଦେବଗଣସନ୍ତୋଷେ କଲେ ସୁଧାପାନ

Couplet 35

ଅନ୍ୟ ବା କି କି ଉପୁଜିଲାକେତେ ବା ସମ୍ଭୂତ ହୋଇଲା

Couplet 36

ବିଷ୍ଣୁ-ଚରିତ ଅଗୋଚରଭ୍ରମନ୍ତି ବ୍ରହ୍ମା ଶିବ ସୁର

Couplet 37

ହରି-ମହିମା ତୁମ୍ଭ ମୁଖେଶ୍ରବଣେ ପାନକରି ସୁଖେ

Couplet 38

ତୃପତ ନୋହିଲା ମୋ ପ୍ରାଣଭୋ ମୁନି କର ପରିତ୍ରାଣ

Couplet 39

ଶୁକ କହନ୍ତି ବ୍ରହ୍ମମତେସକଳ ଋଷିଙ୍କ ଅଗ୍ରତେ

Couplet 40

ଏମନ୍ତେ ପରୀକ୍ଷିତ ବାଣୀଶୁକ ଆନନ୍ଦ ମନେ ଗୁଣି

Couplet 41

ହରି-ମହିମା ସୁଖେ ମଜ୍ଜିଦଣ୍ଡେ ରହିଲେ ଚକ୍ଷୁ ବୁଜି

Couplet 42

ଅନ୍ତସ୍କରଣେ ହରି ଧ୍ୟାୟୀକହନ୍ତି ରାଜାମୁଖ ଚାହିଁ

Couplet 43

ପୂର୍ବେ ଯେ ଦେବାସୁର-ରଣେଯୁଦ୍ଧେ ହାରିଲେ ଦେବଗଣେ

Couplet 44

ପଡ଼ିଲେ ଗତପ୍ରାଣ ପ୍ରାୟେଜ୍ଞାନ ନ ଲଭନ୍ତି କେବେହେଁ

Couplet 45

ଦୁର୍ବାସା ମୁନିଙ୍କର କ୍ରୋଧଧ୍ୱଂସିଲା ଇନ୍ଦ୍ରର ସମ୍ପଦ

Couplet 46

ଯଜ୍ଞାଦିକ୍ରିୟା ନାଶ ଗଲାଏ ତିନିଭୁବନ କମ୍ପିଲା

Couplet 47

ଇନ୍ଦ୍ର ନ ପାରେ ସ୍ୱର୍ଗେ ରହିବନେ ପଶିଲା ବେଗେ ଯାଇ

Couplet 48

ଭୟେ ନ ରହି ସ୍ୱର୍ଗଲୋକେବନେ ବୁଲନ୍ତି ଏକେ ଏକେ

Couplet 49

ତ୍ରୈଲୋକ୍ୟ ଦିଶେ ଅନ୍ଧକାରଭୂମି କମ୍ପଇ ଥରହର

Couplet 50

ଲକ୍ଷ୍ମୀ ବିହୁନେ ତିନିଲୋକେଦୁଃଖେ ମଜ୍ଜିଲେ ଅତିରେକେ

Couplet 51

ଏମନ୍ତେ ଦେବଲୋକେ ଚାହିଁବାସବ ସଙ୍ଗେ ସଙ୍ଗ ହୋଇ

Couplet 52

ଦିଗପାଳଙ୍କୁ ସଙ୍ଗ କରିଅନେକ ପ୍ରକାରେ ବିଚାରି

Couplet 53

ନିସ୍ତାର ନ ପାରିଲେ ଚିନ୍ତିମନେ ପାଇଲେ ମହାଭୀତି

Couplet 54

ଏମନ୍ତେ କେତେ ଦିନ ରହିପୁଣି ସକଳେ ରୁଣ୍ଡ ହୋଇ

Couplet 55

ବିଚାର କଲେ ଏକମତେକହିବା ବ୍ରହ୍ମାଙ୍କ ଅଗ୍ରତେ

Couplet 56

ଇନ୍ଦ୍ର ନଥିଲେ ସୃଷ୍ଟି କାହିଁଆମ୍ଭେ ନ ପାରୁ ସ୍ୱର୍ଗେ ରହି

Couplet 57

ଲକ୍ଷ୍ମୀ-ବିହୀନେ ସୃଷ୍ଟି ନଶେସଂସାରେ ଘୋରତମ ଗ୍ରାସେ

Couplet 58

ଏମନ୍ତେ ବିଚାରି ସକଳେଶକ୍ରର ସଙ୍ଗେ ଦେବବଳେ

Couplet 59

ସୁମେରୁ-ଊର୍ଦ୍ଧ୍ୱେ ବ୍ରହ୍ମସଭାଯହିଁ ସକଳ ଋଷିଦେବା

Couplet 60

ସେ ସଭାମଧ୍ୟେ ଦେବଗଣେନମିଲେ ଧାତାର ଚରଣେ

Couplet 61

ଇନ୍ଦ୍ରଙ୍କୁ କରି ଆଗୁସାରବୋଇଲେ ଶୁଣ ବେଦବର

Couplet 62

ଦୁର୍ବାସା-କୋପେ ଇନ୍ଦ୍ର ଦୁଃଖୀଆମ୍ଭେ ସକଳ ତାହା ଦେଖି

Couplet 63

ତ୍ରୈଲୋକ୍ୟଲକ୍ଷ୍ମୀ କେଣେ ଗଲାଦୁଃଖ-ତିମିର ପ୍ରକାଶିଲା

Couplet 64

ରବି-ଶଶାଙ୍କ-ହୁତାଶନେତେଜ ନ ଦିଶେ ଲକ୍ଷ୍ମୀହୀନେ

Couplet 65

ତ୍ରୈଲୋକ୍ୟଲକ୍ଷ୍ମୀ ଇନ୍ଦ୍ର ମୂଳେସ୍ୱର୍ଗରେ ନ ରହେ ନିଶ୍ଚଳେ

Couplet 66

ଇନ୍ଦ୍ରର ତେଜ ଅସ୍ତ ଗଲାତେଣୁ ସମ୍ପଦ ନାଶ ହେଲା

Couplet 67

ଆମ୍ଭେ ତ ହୋଇଲୁ ଅନାଥଋଷି ସକଳ ବେଦନାଥ

Couplet 68

ଏମନ୍ତେ ଦେବଙ୍କ ବଚନଶୁଣି ପଦ୍ମଯୋନି ମଉନ

Couplet 69

ଦଣ୍ଡେ ରହିଲେ ଛନ୍ନ ହୋଇଦେବଙ୍କୁ ଚାହିଁ ବିଚାରଇ

Couplet 70

ଏ ଇନ୍ଦ୍ରଆଦି ଦିଗପାଳେଗଗନ-ଧରଣୀ-ପାତାଳେ

Couplet 71

ଯେତେ ଅଛନ୍ତି ରାଜାଗଣେତେଜ ନ ଦେଖି ଲକ୍ଷ୍ମୀହୀନେ

Couplet 72

ଅଶୁଭ ପ୍ରାୟେ ତ ଦିଶଇଏମନ୍ତେ ଦୁଃଖ ମନେ ବହି

Couplet 73

ପୁରୁଷୋତ୍ତମ ପାଦମୂଳେଚିନ୍ତିଲେ ସମାଧି ନିଶ୍ଚଳେ

Couplet 74

ହରିପ୍ରସନ୍ନ ଲେଶ ପାଇବୋଲନ୍ତି ଦେବଙ୍କୁ ଅନାଇଁ

Couplet 75

ଆନନ୍ଦମନେ ବେଦବରଦେବଙ୍କୁ ବୋଲନ୍ତି ଉତ୍ତର

Couplet 76

ଶୁଣ ସକଳ ଦେବଗଣକହିବା ଏଥିର କାରଣ

Couplet 77

ବ୍ରହ୍ମା ଶଙ୍କର ଦେବଗଣମନୁଷ୍ୟ ପଶୁ ଗୁଳ୍ମବନ

Couplet 78

ଯାହାର ଅଂଶ କଳା ବହିଆମ୍ଭେ ସକଳେ ବହୁ ଦେହୀ

Couplet 79

ସେ ହରି ଅବ୍ୟୟ ଈଶ୍ୱରଆମ୍ଭେ ଯେ ଶରଣ ତାହାର

Couplet 80

ଯାହାର ରିପୁ-ମିତ୍ର ନାହିଁରକ୍ଷ-ଅରକ୍ଷ ତାର କାହିଁ

Couplet 81

ତଥାପି ସୃଷ୍ଟି ସେ ସଞ୍ଚଇସ୍ୱଭାବେ ତିନିଗୁଣ ବହି

Couplet 82

ସୃଷ୍ଟି କରଇ ରଜଗୁଣେସତ୍ତ୍ୱେ ପାଳଇ ବିଷ୍ଣୁପଣେ

Couplet 83

ତାମସଗୁଣେ ସଂହରାଇଅନ୍ତରେ ସର୍ବଗୁଣ ବହି

Couplet 84

ଏଣୁ ଜଗତଗୁରୁ ପାଦେଶରଣ ପଶ ଅପ୍ରମାଦେ

Couplet 85

ତାର ମହିମା ସୁରପ୍ରିୟସୁର-ରକ୍ଷଣେ ବହେ ଦେହ

Couplet 86

ଆମ୍ଭ କୁଶଳ ସେ କରିବଅନାଦି ପ୍ରଭୁ ପଦ୍ମନାଭ

Couplet 87

ଏମନ୍ତ ବୋଲି ପଦ୍ମଯୋନିସଙ୍ଗେ ସକଳ ଦେବ ଘେନି

Couplet 88

ଆନନ୍ଦେ ଜୟ ଜୟ ନାଦେସର୍ବେ ମିଳିଲେ ବିଷ୍ଣୁପାଦେ

Couplet 89

ଯେ ବଇକୁଣ୍ଠ ଯୋଗଗମ୍ୟପରମଆତ୍ମା-ପରଧାମ

Couplet 90

ପ୍ରକୃତି ନ ଜାଣଇ ଯାହାଯହିଁ ନ ପଶେ ବିଷ୍ଣୁମାୟା

Couplet 91

ଅଦୃଷ୍ଟ-ଅଶ୍ରୁତ-ଭୁବନେଦେବେ ମିଳିଲେ ମହାଶୂନ୍ୟେ

Couplet 92

ଯହିଁ କି ଜୀବ ଆତ୍ମା ଗଲେପୁଣି ନ ସଞ୍ଚରେ ଶୟଳେ

Couplet 93

ଧାତା କପୋଳେ କର ଦେଇବୋଲେ ବୈକୁଣ୍ଠନାଥ ଧ୍ୟାୟୀ

Couplet 94

ସତ୍ୟ ଅନନ୍ତ ଅବିକାରଯେ ନିରଞ୍ଜନ ନିରାକାର

Couplet 95

ନିଜ ବିଭୂତି ଅଗୋଚରଜନ୍ତୁଙ୍କ ହୃଦେ ଯାର ଘର

Couplet 96

ମନରୁ ବେଗବନ୍ତ ଯେହିମନ-ବଚନେ ଭେଦ କାହିଁ

Couplet 97

ବରେଣ୍ୟ-ଦେବବର ପାଦେଆମ୍ଭେ ମିଳିଲୁ ଅପ୍ରମାଦେ

Couplet 98

ସ୍ୱଭାବେ ମନ ପ୍ରାଣ ବୁଦ୍ଧିଏ ଯହିଁ ନ ପାରନ୍ତି ଭେଦି

Couplet 99

ଇନ୍ଦ୍ରିୟଗଣେ ଯେ ଅଦୃଶ୍ୟଉନିଦ୍ର-ଭାବେ ଅବିନାଶ

Couplet 100

ଛାୟା-ଆତପେ ଯେନ ମିଶେଅକ୍ଷୟ-ଶୂନ୍ୟେ ପରକାଶେ

Couplet 101

ତ୍ରିଗୁଣ-ରୂପ ଯେ ବୋଲାଇଆମ୍ଭେ ଶରଣ ଗଲୁ ତହିଁ

Couplet 102

ଏ ଜୀବ ଚକ୍ରରୂପ ଧରେମାୟାରେ ମଣ୍ଡଳେ ସଞ୍ଚରେ

Couplet 103

ତ୍ରିଗୁଣେ ତ୍ରିନାଭି ତାହାରଯେ ଚକ୍ରେ ପଞ୍ଚଦଶ ଅର

Couplet 104

ଦଶଇନ୍ଦ୍ରିୟ ପଞ୍ଚପ୍ରାଣଅଷ୍ଟପ୍ରକୃତି ନେମି ଜାଣ

Couplet 105

ସେ ଚକ୍ର ଅକ୍ଷ ଆତ୍ମାରୂପୀଯେ ଆଦି-ଅନ୍ତ-ମଧ୍ୟେ ବ୍ୟାପୀ

Couplet 106

ସେ ସତ୍ୟସ୍ୱରୂପ ଚରଣେଆମ୍ଭେ ଯେ ପଶିଲୁ ଶରଣେ

Couplet 107

ଯାହାର ଜ୍ୟୋତି ପରକାଶନିର୍ମଳ କରେ ଦଶଦିଶ

Couplet 108

ଯୋଗୀଏ ଯୋଗମାର୍ଗେ ଥାଇକାଳ ହରନ୍ତି ଯାରେ ଧ୍ୟାୟୀ

Couplet 109

କେହି ଯାହାର ମାୟାଭ୍ରମତରଣେ ନ ହୁଅନ୍ତି କ୍ଷମ

Couplet 110

ଯା ମାୟା ଜଗତେ ସଞ୍ଚରେଅନନ୍ତ ନାନାରୂପ ଧରେ

Couplet 111

ନିର୍ଜିତମାୟା ମାୟାଗୁଣପରମ ପୁରୁଷ ପୁରାଣ

Couplet 112

ଜନ୍ତୁଙ୍କ ଦେହେ ସମରୂପୀତେଜେ ସଞ୍ଚରେ ସର୍ବବ୍ୟାପୀ

Couplet 113

ତାର ଚରଣେ ନମସ୍କାରଯେ ପ୍ରଭୁ ପରମଈଶ୍ୱର

Couplet 114

ଏ ଦେବଗଣ ବ୍ରହ୍ମା ଆଦିସେ କ୍ରୀଡ଼ା-ଅର୍ଥରେ ସମ୍ପାଦି

Couplet 115

ସତ୍ତ୍ୱ-ସଂଯୋଗ ସୃଷ୍ଟି କରିତହିଁ ଯେ ସୂକ୍ଷ୍ମରୂପ ଧରି

Couplet 116

ଦିଶଇ ଅନ୍ତର-ବାହିଯ୍ୟେପ୍ରଦୀପ ଯେହ୍ନେ ଗୃହମାଝେ

Couplet 117

ଯାହାର ସୂକ୍ଷ୍ମଗତି ଆମ୍ଭେଜାଣି ନ ପାରୁ ଜ୍ଞାନଦମ୍ଭେ

Couplet 118

ସଂସାର ମଧ୍ୟେ ଛନ୍ତି ଯେତେସେ ଅବା ଜାଣିବେ କେମନ୍ତେ

Couplet 119

ଏ ମହୀ ଯାର ବେନିପାଦସ୍ୱକୃତ-ପ୍ରାଣୀ ଚତୁର୍ବିଧ

Couplet 120

ଯେ କର୍ମ-ଗହଳେ ସଞ୍ଚରିଶରୀର ବହେ ନରହରି

Couplet 121

ମହାପୁରୁଷ ଆତ୍ମତନ୍ତ୍ରମହାବିଭୂତି ବ୍ରହ୍ମତତ୍ତ୍ୱ

Couplet 122

ପ୍ରସନ୍ନ ହେଉ ସେ ଆମ୍ଭଙ୍କୁଶରଣ ପଶିଲୁ ତାହାଙ୍କୁ

Couplet 123

ଜଳ ଯାହାର ବୀର୍ଯ୍ୟ ହୋଇସ୍ୱଭାବେ ତାର ତେଜ ବହି

Couplet 124

ଅଖିଳଲୋକ-ଲୋକପାଳେତିନିଭୁବନ ଯାର ବଳେ

Couplet 125

ଭୂତ ସଞ୍ଚଇ ଜୀବ ରୂପେସେ ହ୍ରାସ-ବୃଦ୍ଧି ଅନୁରୂପେ

Couplet 126

ମହାବିଭୂତି ବ୍ରହ୍ମ ଯେହୁଆମ୍ଭ ବିଷୟେ ଦୟାବହୁ

Couplet 127

ସୋମ ଯାହାର ମନ ହୋଏଦେବଙ୍କ ଅନ୍ନ-ଆୟୁ ବହେ

Couplet 128

ସ୍ଥାବରଙ୍କର ଯେ ଈଶ୍ୱରପ୍ରଜାଙ୍କ ରକ୍ଷା ବୃଦ୍ଧିକର

Couplet 129

ମହାବିଭୂତି ବ୍ରହ୍ମରୂପସେ ହରି ହରୁ ଆମ୍ଭ ତାପ

Couplet 130

ଯାହାର ମୁଖୁଁ ଅଗ୍ନିଜାତତେଜେ ପ୍ରତାପଇ ଜଗତ

Couplet 131

କ୍ରିୟାକାଣ୍ଡ ନିମିତ୍ତେ ଜନ୍ମସେ ସର୍ବସାଧ୍ୟେ ସିଦ୍ଧକର୍ମ

Couplet 132

ଅନ୍ତଃ-ସମୁଦ୍ରେ ଅଗ୍ନି ବହିଆହାର ରୂପେ ଯେ ଭୁଞ୍ଜଇ

Couplet 133

ଯାହାର ଚକ୍ଷୁ ମାରତଣ୍ଡତେଜେ ପ୍ରକାଶଇ ବ୍ରହ୍ମାଣ୍ଡ

Couplet 134

ସେ ଦେବପାଳ ତ୍ରୟୀମୟବ୍ରହ୍ମର ସ୍ଥାନ ଶୁଦ୍ଧଦେହ

Couplet 135

ମୁକ୍ତିର ଦ୍ୱାର ସେ ବୋଲାଇଅମୃତ ମୃତ୍ୟୁରୂପ ହୋଇ

Couplet 136

ଚରାଚରଙ୍କ ଦେହ-ପ୍ରାଣଯେ କରେ ପ୍ରାଣୀ ପରିତ୍ରାଣ

Couplet 137

ପ୍ରକାଶେ ସହ-ଓଜ-ବଳେଯାର ବିହାର ଏ ଶୟଳେ

Couplet 138

ଯାର ଶ୍ରବଣ ଦଶଦିଶହୃଦୟ ପ୍ରକାଶେ ଆକାଶ

Couplet 139

ଯାହାର ନାଭି ଅନ୍ତରୀକ୍ଷମସ୍ତକ ସ୍ୱର୍ଗ ଯା ପ୍ରତ୍ୟକ୍ଷ

Couplet 140

ପ୍ରାଣ ଇନ୍ଦ୍ରିୟ ଆତ୍ମାହେତୁଯାର ପ୍ରସନ୍ନେ ଜ୍ଞାନତତ୍ତୁ

Couplet 141

ତ୍ରିଦଶଦେବଙ୍କର ନାଥଇନ୍ଦ୍ର ଯାହାର ବଳୁଁ ଜାତ

Couplet 142

ଯାହାର ପ୍ରାଣେ ଜନ୍ତୁପ୍ରାଣଏଣୁ ଏ ସର୍ବ ପରିତ୍ରାଣ

Couplet 143

ଯାହା ପ୍ରସାଦୁଁ ଦେବେ ହୋନ୍ତିକ୍ରୋଧରୁ ହୋଏ ପଶୁପତି

Couplet 144

ବୁଦ୍ଧିରୁ ବ୍ରହ୍ମା ଜାତ ହୋଏଲୋକେ ପ୍ରକାଶ ଯାର ଦେହେ

Couplet 145

ଇନ୍ଦ୍ରିୟ-ଛିଦ୍ରୁଁ ଜାତ ଛନ୍ଦେମେଢ଼ୁଁ ପ୍ରଜାପତି ଆନନ୍ଦେ

Couplet 146

କମଳା ତାର ବକ୍ଷସ୍ଥଳଛାୟା ସମ୍ଭବେ ପିତୃକୁଳ

Couplet 147

ଧର୍ମ-ଉଦିତ ସ୍ତନଯୁଗେଅର୍ଧମ ଯାର ପୃଷ୍ଠଭାଗେ

Couplet 148

ସ୍ୱର୍ଗ ଯା ଶିରୂଁ ଉତପନ୍ନବିହାରୁ ଅପସରାଗଣ

Couplet 149

ଯେ ମହାବିଭୂତି ଶରଣଆମ୍ଭଙ୍କୁ କରୁ ପରିତ୍ରାଣ

Couplet 150

ବିପ୍ର ଯାହାର ମୁଖୁଁ ଜାତବ୍ରହ୍ମା-ନିର୍ମାଣ-ଗୁହ୍ୟତତ୍ତ୍ୱ

Couplet 151

କ୍ଷତ୍ରିୟ ଭୁଜୁଁ ଜନ୍ମ ବଳଉରୁ ସମ୍ଭୂତ ବୈଶ୍ୟକୁଳ

Couplet 152

ଶୂଦ୍ର ଚରଣୁଁ ଉତପତ୍ତିଯେ ବ୍ରହ୍ମ ପରମ ବିଭୂତି

Couplet 153

ଉପର ଓଷ୍ଠୁ ପ୍ରୀତି ଜାତଅଧରୁ ଲୋଭ ଯେ ସମ୍ଭୂତ

Couplet 154

କାନ୍ତି ଯାହାର ନାସିକାରୁସମ୍ଭବ ହୁଅଇ ସ୍ପର୍ଶରୁ

Couplet 155

ପାଶବ୍ୟକାମର ସମ୍ଭବଯମ ଯାହାର ଜାତ ଭୁବ

Couplet 156

କାଳ ସମ୍ଭବ ପକ୍ଷ୍ମଦେଶେକରାଳ ଦିଶେ ବେନିପାଶେ

Couplet 157

ଦ୍ରବ୍ୟ ବୟସ କର୍ମ ଗୁଣଯା ମାୟା ପ୍ରକାଶେ ଲକ୍ଷଣ

Couplet 158

ଯେ ଉପଶାନ୍ତି ଶକ୍ତି ବହେଆମ୍ଭେ ଯେ ନମୁ ତାର ପାଏ

Couplet 159

ସତ୍ୟରେ ଯେ ପ୍ରତିପୂଜିତମାୟା ଚରିତ ଗୁଣେସ୍ଥିତ

Couplet 160

ସେ ହରି ଦେଖାଉ ଶରୀରଯେ ନୋହେ କରଣେ ଗୋଚର

Couplet 161

ଯା ସୁଖ ଦେଖିବାର ଅର୍ଥେଶରଣ ଗଲୁ ପାଦଗତେ

Couplet 162

ସୁଜନେ କର ଏଣେ ଭାବଯେ ନାବେ ସଂସାରୁ ତରିବ

Couplet 163

କଳି-କଳ୍ମଷ ନାଶ ପାଇଁଏ ବିନୁ ଆନଗତି ନାହିଁ

Couplet 164

ବୋଲଇ ଦାସ ଜଗନ୍ନାଥଭାଷା-ପ୍ରବନ୍ଧେ ଭାଗବତ