Adhyaya 7

Couplet 1

ବ୍ୟାସନନ୍ଦନ ଅନୁରାଗେକହନ୍ତି ପରୀକ୍ଷିତ ଆଗେ

Couplet 2

ଦେବ-ଦାନବେ ଏକମେଳେପ୍ରବେଶ ହୋଇଲେ ପାତାଳେ

Couplet 3

ବାସୁକି ନିକଟେ ମିଳିଲେସମୁଦ୍ର-ମନ୍ଥନେ ବରିଲେ

Couplet 4

ଗୋବିନ୍ଦ ଆଜ୍ଞା ଶିରେଧରିଉଭୟ-ରୂପ ଅଙ୍ଗୀ କରି

Couplet 5

ଧରଣୀ ଧରି ଏକରୂପେମିଳିଲା କ୍ଷୀରୋଦ ସମୀପେ

Couplet 6

ଦେହେ ବେଷ୍ଟିତ ମହାଗିରିରହିଲା ବିଶ୍ୱରୂପ ଧରି

Couplet 7

ଦେବେ ସକଳ ତୋଷମନେଆରମ୍ଭ ସମୁଦ୍ର-ମନ୍ଥନେ

Couplet 8

ବାସୁକିଫଣା ଆଗ ଧରିଦେବଙ୍କ ତୁଲେ ନରହରି

Couplet 9

ବୋଲନ୍ତି ଅସୁରଙ୍କୁ ଚାହିଁତୁମ୍ଭେ ହୋ ପୁଚ୍ଛ ଧର ଯାଇ

Couplet 10

ହରି-ବଚନ ଶୁଣି କର୍ଣ୍ଣେଅସୁରେ ଭାଳି ଏକମନେ

Couplet 11

ବୋଇଲେ ବିଷ୍ଣୁ ମୁଖ ଚାହିଁଏ କଥା ଉଚିତ ନୁହଇ

Couplet 12

ସ୍ୱଭାବେ ସର୍ପର ଲାଙ୍ଗୁଳକେବେହେଁ ନୁହଇ ମଙ୍ଗଳ

Couplet 13

ଆମ୍ଭେ ଦେବଙ୍କ ଅଗ୍ରେ ଜାତପବିତ୍ର କଶ୍ୟପଙ୍କ ସୁତ

Couplet 14

ଧର୍ମ-ଅର୍ଧମ ଆମ୍ଭେ ଜାଣୁଆଗମ-ନିଗମ ପ୍ରମାଣୁ

Couplet 15

ପ୍ରଖ୍ୟାତ-ଜନ-କୁଳ-ଶୀଳକେମନ୍ତେ ଧରିବୁ ଲାଙ୍ଗୁଳ

Couplet 16

ଆମ୍ଭର ଏଣେ କାର୍ଯ୍ୟ ନାହିଁଏମନ୍ତେ ଭଗ୍ନଚିତ୍ତେ ରହି

Couplet 17

ସର୍ବ ଅସୁରେ ଏକମେଳେରହିଲେ କ୍ଷୀରସିନ୍ଧୁ କୂଳେ

Couplet 18

ବସିଲେ ଆରମ୍ଭ ଉପେକ୍ଷିପୁରୁଷୋତ୍ତମ ତାହା ଦେଖି

Couplet 19

ପୁଚ୍ଛ ଧଇଲେ ଶିରୀରଙ୍ଗେସର୍ବ ଦେବତା ଘେନି ସଙ୍ଗେ

Couplet 20

ମନ୍ଦର ଧରି ବାହୁବଳେସ୍ଥାପିଲେ କ୍ଷୀରସିନ୍ଧୁ ଜଳେ

Couplet 21

ସ୍ୱଭାବେ ଗଭୀର ଜଳଧିଯୋଜନ ଶତଲକ୍ଷ ଭେଦି

Couplet 22

ଗିରି ପଡ଼ିଲା ରସାତଳେଖୋଜି ନ ପାଇଲେ ସକଳେ

Couplet 23

ତୀରେ ଉଠିଲେ ଦୁଃଖମନେବଦନ ଚାହିଁ ଅନ୍ୟ ଅନ୍ୟେ

Couplet 24

ନଶିଲା ନିଜ ପୃଷୁକାରହୃଦେ କେ ବହୁ ଅହଙ୍କାର

Couplet 25

ଦଇବ-ମାୟା ଯୋଗବଳଆରମ୍ଭ ହୋଇଲା ନିଷ୍ଫଳ

Couplet 26

ଦେବ-ଦାନବ ବିଷ୍ଣୁପାଶେରହି ଚାହିଁଲେ ଦଶଦିଶେ

Couplet 27

ତାହାଙ୍କ ଦର୍ପଭଙ୍ଗ ଚାହିଁମହାମହିମ ଭାବଗ୍ରାହୀ

Couplet 28

ପାତାଳୁଁ କୂର୍ମରୂପ ଧରିପୃଷ୍ଠେ ବସାଇ ମହାଗିରି

Couplet 29

ଉଠିଲେ ତୋଳି ଗିରିବରତୀରେ ଦେଖନ୍ତି ଦେବାସୁର

Couplet 30

ଯେସନେ ସରୋବର ମଧ୍ୟେପଦ୍ମ ପ୍ରକାଶ ହୋଏ ଊର୍ଦ୍ଧ୍ୱେ

Couplet 31

ଗିରି ଯୋଜନ ଏକାଦଶଜଳେ ରହିଲା ଅବଶେଷ

Couplet 32

ଗୋବିନ୍ଦ ଯୋଗମାୟା କରିତକ୍ଷଣେ ମାୟାରୂପ ଧରି

Couplet 33

ବହିଲେ ଗିରି ପୃଷ୍ଠଦେଶେମସ୍ତକ ଲାଗିଲା ଆକାଶେ

Couplet 34

ଦେଖି ସାନନ୍ଦ ଦେବାସୁରେବାସୁକି ଧରି ତେଜଭରେ

Couplet 35

ପର୍ବତେ ତିନିଗୁଣ କରିବେଢ଼ିଲେ ମନ୍ଥନ ଆବୋରି

Couplet 36

ଦେବ-ଅସୁରେ ବେନିଭାଗେବାସୁକି ଧରି ଅତି ବେଗେ

Couplet 37

ହୁଂକାରେ କରନ୍ତି ମନ୍ଥନଶୁଣ ହୋ ପରୀକ୍ଷ ରାଜନ

Couplet 38

ପୃଷ୍ଠରେ ଗିରି ଘରଷଣେଅନଳ ଉଠିଲା ବହନେ

Couplet 39

କଣ୍ଡୁ ଯେ କୂର୍ମପୃଷ୍ଠେ ଥିଲାତକ୍ଷଣେ ଉଶ୍ୱାସ ହୋଇଲା

Couplet 40

କଣ୍ଡୁ-ଘର୍ଷଣ-ସୁଖ ବୁଝିସେ କୂର୍ମ ବେନିଚକ୍ଷୁ ବୁଜି

Couplet 41

ସୁଖେ ନିଦ୍ରିତ ନାରାୟଣକେ ସହେ ଅଚଳ ଧାରଣ

Couplet 42

ପୁଣି ଗୋବିନ୍ଦ ଅନ୍ତରୀକ୍ଷେମିଳିଲେ ଦେବଙ୍କ ପ୍ରତ୍ୟକ୍ଷେ

Couplet 43

ଦେବ-ଅସୁର ଅଳ୍ପବଳଜାଣିଲେ ପ୍ରଭୁ ଆଦିମୂଳ

Couplet 44

ତକ୍ଷଣେ ପ୍ରଭୁ ଭାବଗ୍ରାହୀଦେବ-ଦାନବ ମଧ୍ୟେ ଯାଇ

Couplet 45

ପଶିଲେ ତାହାଙ୍କର ଚିତ୍ତେବଳ ହୋଇଲା ଅପ୍ରମିତେ

Couplet 46

ବାସୁକି ଦେହେ ନରହରିପଶିଲେ ବଳ-ରୂପ ଧରି

Couplet 47

ସହସ୍ର ଭୁଜେ ଶୂନ୍ୟପଥେଗିରି ଆବୋରି ହୃଦଗତେ

Couplet 48

ରହିଲେ ପ୍ରଭୁ ନାରାୟଣଶୂନ୍ୟେ ଦେଖନ୍ତି ଋଷିଗଣ

Couplet 49

ଗଗନେ ବିମାନ ଆରୋହିସ୍ତୁତି କରନ୍ତି ବିଷ୍ଣୁଧ୍ୟାୟୀ

Couplet 50

ପୁଷ୍ପ ବରଷି ବେଦନାଦେମୁନିଏ ପରମ-ଆନନ୍ଦେ

Couplet 51

ଦେଖନ୍ତି ଅଧ-ଊର୍ଦ୍ଧ୍ୱେ ଚାହିଁହରିହୁଁ ଆନ ନ ଦିଶଇ

Couplet 52

ପ୍ରହୃଷ୍ଟମନେ ସୁରାସୁରେଗିରି ଘୂରାନ୍ତି ଅତି ଖରେ

Couplet 53

ମହାପର୍ବତ ଘରଷଣେଜଳେ ସେ ଥିଲେ ଜନ୍ତୁଗଣେ

Couplet 54

ଜଳଧି ମଧ୍ୟେ କ୍ଷୋଭ ପାଇତୀରେ ରହିଲେ ସ୍ଥିର ହୋଇ

Couplet 55

ବାସୁକି ସହସ୍ର ବଦନେନିଃଶ୍ୱାସ ଛାଡ଼େ ଘନଘନେ

Couplet 56

ତାର ନିଃଶ୍ୱାସ ଦାବାନଳପୂରିଲା ଦିଗ-ଅନ୍ତରାଳ

Couplet 57

ନିଃଶ୍ୱାସ-ଅଗ୍ନି-ଧୂମ ଲାଗିଦେବ-ଦାନବେ ଦୁଃଖଭାଗୀ

Couplet 58

ଚାଳି ନ ପାରିଲେ ମନ୍ଦରତାହାଙ୍କୁ ଦେଖି ଚକ୍ରଧର

Couplet 59

ନିଃଶ୍ୱାସ-ବାତେ ହତପ୍ରାଣତାହା ଜାଣିଲେ ନାରାୟଣ

Couplet 60

ତକ୍ଷଣେ ଶୂନ୍ୟେ ମେଘମାଳଶୀତଳ ବରଷନ୍ତି ଜଳ

Couplet 61

କ୍ଷୀରସମୁଦ୍ରେ ଶୀତବାତଯେଣୁ ପେଷିଲେ ଜଗନ୍ନାଥ

Couplet 62

ବାସୁକି ଆଦି ଜଳଜୀବେତାପୁଁ ତରିଲେ ଶୀତଭାବେ

Couplet 63

ଦେବଦାନବ ଦେହଗତେମାଳା କଙ୍କଣ ଥିଲା ଯେତେ

Couplet 64

ସକଳ ଧୂମେ ହତପ୍ରଭଅନାଇ ପ୍ରଭୁ ପଦ୍ମନାଭ

Couplet 65

ଜଳ ସିଞ୍ଚନେ ସୁସ୍ଥ କଲେବଳି ସମେତେ ଯେତେ ଥିଲେ

Couplet 66

ଏମନ୍ତେ ବାସୁକି ଶରୀରେଅତି ମନ୍ଥନ ଖେଦଭରେ

Couplet 67

ଗରଳ ଛାଡ଼େ ଅତିଦୁଃଖେବରଷା ପ୍ରାୟ ସସ୍ରମୁଖେ

Couplet 68

ଜଳେ ପଡ଼ନ୍ତେ ବିଷଜାଳେଯେ ଜଳଜନ୍ତୁ ଥିଲେ ଜଳେ

Couplet 69

ବିକଳେ ବୁଲି ଛଟପଟେପୁଣି ଗଭୀରେ ପୁଣି ତଟେ

Couplet 70

ସେ ବିଷ ବେଗବନ୍ତ-ଜଳେଦିଗ ପୂରିଲା ଅନ୍ତରାଳେ

Couplet 71

ଚକିତେ ଅଧ-ଊର୍ଦ୍ଧ୍ୱ-ମଧ୍ୟେଜନ୍ତୁଏ ପଳାନ୍ତି ବିଷାଦେ

Couplet 72

ଡାକନ୍ତି ଊର୍ଦ୍ଧ୍ୱମୁଖ କରିରଖ ହେ ପ୍ରଭୁ ଶୂଳଧାରୀ

Couplet 73

ସହି ନ ପାରବୁ କଷଣତୋ ପାଦେ ପଶିଲୁ ଶରଣ

Couplet 74

ହର ସମୀପେ ମୁନିଗଣମିଳି କରନ୍ତି ପ୍ରଦକ୍ଷିଣ

Couplet 75

ଯେ ଦୁଃଖବନ-ଧୂମକେତୁଅଶେଷ-ଅପବର୍ଗ-ହେତୁ

Couplet 76

ମିଳି ସକଳ ପ୍ରଜାପତିସନ୍ନିଧେ ବସାଇ ପାର୍ବତୀ

Couplet 77

ବିକଳେ ମିଳି ଶିବ ପାଶେସ୍ତୁତି କରନ୍ତି ବିଷତ୍ରାସେ

Couplet 78

ହେ ମହାଦେବ ସଦାଶିବକେ ଜାଣିପାରେ ତୋର ଭାବ

Couplet 79

ତୁ ଭୂତଭାବନ-ଈଶ୍ୱରଆମ୍ଭର ପ୍ରାଣ ରକ୍ଷା କର

Couplet 80

ଏ ବିଷ ସଂସାର ଦହିବଏଥୁଁ ଉଦ୍ଧର ସଦାଶିବ

Couplet 81

ସର୍ବ ଜଗତ-ବନ୍ଧ-ମୋକ୍ଷତୁ ନାଥ ଈଶ୍ୱର ପ୍ରତ୍ୟକ୍ଷ

Couplet 82

କୁଶଳ ଇଚ୍ଛା ଯାର ମନେସେ ତୋତେ ଚିନ୍ତେ ନିତ୍ୟେ ଧ୍ୟାନେ

Couplet 83

ଜଗତଗୁରୁ ନାଥ ତୁହିଯେ ତୋତେ ଶରଣ ପଶଇ

Couplet 84

ସ୍ୱଶକ୍ତି ତୋର ଗୁଣମୟୀଯେ ଭାବେ ସର୍ଗ-ସ୍ଥିତି ହୋଇ

Couplet 85

ପ୍ରଳୟ କରୁ ନାଥ ତୁହିତୁ ବ୍ରହ୍ମା-ବିଷ୍ଣୁ-ରୁଦ୍ରଦେହୀ

Couplet 86

ତୁ ବ୍ରହ୍ମ ପରମ ଗୁପତସଦ-ଅସଦ ଭାବମତ

Couplet 87

ପ୍ରକାଶୁ ନାନା ଶକ୍ତିରୂପେତୁ ଆତ୍ମାରୂପ ମୋହକଳ୍ପେ

Couplet 88

ଜଗତ ଆଦି ଶବ୍ଦଯୋନିପ୍ରାଣ-ଇନ୍ଦ୍ରିୟ-ଗୁଣ ଘେନି

Couplet 89

ତୁ କାଳଯଜ୍ଞ ସତ୍ୟରତତୁ ବ୍ରହ୍ମ ଅଛିଦ୍ର ତ୍ରିବୃତ୍ତ

Couplet 90

ଅନଳ ତୁମ୍ଭର ବଦନଆଦିତ୍ୟ-ଶଶାଙ୍କ ଲୋଚନ

Couplet 91

ସର୍ବଦେବଙ୍କ ଆତ୍ମା ତୁମ୍ଭେଅଶେଷ ଯଜ୍ଞର ଆରମ୍ଭେ

Couplet 92

ଏ ଭୂମି ତୋର ପାଦବେନିତୋ ବଳ ବହଇ ମେଦିନୀ

Couplet 93

କାଳ ତୋହର ନିଜ ଗତିତୋର ବୃଷଣ ପ୍ରଜାପତି

Couplet 94

ଏ ଅଷ୍ଟଦିଗ ତୋ ଶ୍ରବଣତୋହର ରସନା ବରୁଣ

Couplet 95

ନଭ ତୋହର ନାଭିଦେଶନିଃଶ୍ୱାସ ବାତ-ଅଣଚାଶ

Couplet 96

ପର୍ବତେ ତୋ ଅସ୍ଥି ସମୂହବୃକ୍ଷ-ଔଷଧି ତନୁରୁହ

Couplet 97

ଏ ସପ୍ତଛନ୍ଦ ସପ୍ତଧାତୁତୋ ହୃଦ ଧର୍ମସ୍ଥିତି-ହେତୁ

Couplet 98

ଭୋ ନାଥ ତୋ ପଞ୍ଚବଦନପଞ୍ଚୋପନିଷଦ ବଚନ

Couplet 99

ଅଷ୍ଟଉତ୍ତର ତିନିଶତମନ୍ତ୍ର ବର୍ଗ ଯହୁଁ ଉଦିତ

Couplet 100

ତୋ ପରମାତ୍ମା ତତ୍ତ୍ୱଧାମଏଣୁ ତୋହର ଶିବ ନାମ

Couplet 101

ଜ୍ୟୋତିସ୍ୱରୂପେ ତୋର ବାସତୁ ବ୍ରହ୍ମ ପରମ ପ୍ରକାଶ

Couplet 102

ଅଧର୍ମ ତୋ ଶରୀର ଛାୟାତୋର ଆଶ୍ରିତ ମୋହମାୟା

Couplet 103

ତୋ ତିନିନେତ୍ର ତିନିଗୁଣଯେ ଗୁଣେ ସଂସାର ଧାରଣ

Couplet 104

ଯେ ଛନ୍ଦୋମୟ ଶାସ୍ତ୍ରଈକ୍ଷାଯେ ଭାବେ ଋଷିଙ୍କର ଶିକ୍ଷା

Couplet 105

ଅଖିଳ-ଲୋକପାଳ ତୁହିତୋ ଅନ୍ତ କେହି ନଜାଣଇ

Couplet 106

ବିରଞ୍ଚି ବଇକୁଣ୍ଠ ଧାମସୁରେନ୍ଦ୍ରଗଣେ ନୋହେ ଗମ୍ୟ

Couplet 107

ପରମଜ୍ୟୋତି ତୋ ଆନନ୍ଦକେବେହେଁ ଗୁଣେ ନୋହେ ଭେଦ

Couplet 108

କାମ ତ୍ରିପୁର ଘୋରକାଳଦକ୍ଷର ଯଜ୍ଞ ଧ୍ୱଂସ କଲ

Couplet 109

ଯେବା ଅଛନ୍ତି ଭୂତଦ୍ରୋହଯେ ଅବା କ୍ରୋଧ ଲୋଭ ମୋହ

Couplet 110

ଏହାଙ୍କୁ କରୁ ତୁ ଦହନତୁ ନାଥ ଆଦି ନିରଞ୍ଜନ

Couplet 111

ସୃଷ୍ଟିକୁ ଅନ୍ତଃକାଳେ ଧରିତୃତୀୟନେତ୍ର ତୁ ଆବୋରି

Couplet 112

ପ୍ରାଣୀଙ୍କି କରୁ ଆତଯାତଏଣୁ ତୋ ନାହିଁ ଆଦିଅନ୍ତ

Couplet 113

ଯେ ଆତ୍ମଜ୍ଞାନୀ ଏ ଜଗତେତୋ ପଦ ଚିନ୍ତେ ଅବିରତେ

Couplet 114

ଯେବା ତପସ୍ୟା କରି ଭଜେତୋ ରୂପ ଧ୍ୟାନଭାବେ ପୂଜେ

Couplet 115

ତୋତେ ଆଶ୍ରୟ ଯେ କରନ୍ତିଏ ଘୋର ସଂସାରୁ ତରନ୍ତି

Couplet 116

ଆମ୍ଭେ ଯେ ଘୋର-ବିଷ-ଭୟେଶରଣ ଗଲୁ ତୋର ପାଏ

Couplet 117

ଏ ଘୋର ଭୟୁ କର ତ୍ରାଣଭୋ ନାଥ ରଖ ଆମ୍ଭ ପ୍ରାଣ

Couplet 118

ତାହାଙ୍କ ଦୁଃଖ ଦେଖି ହରକୃପାରେ ହୋଇଣ କାତର

Couplet 119

ସୁହୃଦ ସର୍ବଭୂତେ ସେହିକହନ୍ତି ପ୍ରିୟାମୁଖ ଚାହିଁ

Couplet 120

ଏ ବିଷ ତେଜେ ଦଶଦିଶକେବେହେଁ ନ ଦିଶେ ପ୍ରକାଶ

Couplet 121

ଏଣୁ ବ୍ରହ୍ମାଣ୍ଡ ନାଶ ଗଲାଅକାଳେ ପ୍ରଳୟ ହୋଇଲା

Couplet 122

ଭୟେ କମ୍ପଇ ତିନିପୁରଆକାଶେ କମ୍ପେ ସୁରେଶ୍ୱର

Couplet 123

ଦେଖ ଭବାନୀ ପ୍ରଜାଙ୍କରଦୁଃଖ ହୋଇଲା ଭୟଙ୍କର

Couplet 124

ସମୁଦ୍ର ମନ୍ଥନୁ ଏ ଜାତଏଥି ରଖିବା ମୋ ଉଚିତ

Couplet 125

ଯେ କରେ ଦୀନ ଉପକାରସେ ଧର୍ମଜ୍ଞାନୀଙ୍କର ସାର

Couplet 126

ସାତ୍ତ୍ୱିକ ଧର୍ମ ସେ କରନ୍ତିଅଜ୍ଞାନୀଜନେ ନ ଜାଣନ୍ତି

Couplet 127

ଦୁଃଖୁଁ ଯେ ପରିତ୍ରାଣ କରେସଙ୍କଟୁ ପ୍ରାଣୀଙ୍କି ଉଦ୍ଧରେ

Couplet 128

ତା ଜନ୍ମ ଧନ୍ୟ ଏ ସଂସାରେଯେ ରହେ ପର ଉପକାରେ

Couplet 129

ସାଧୁଜନଙ୍କର ଏ ଗତିକେବେହେଁ ଧର୍ମ ନ ଛାଡ଼ନ୍ତି

Couplet 130

କ୍ଷଣଭଙ୍ଗୁର ଏ ଶରୀରସୁଧର୍ମ ପର ଉପକାର

Couplet 131

ଏମନ୍ତ ଶିବଙ୍କ ବଚନଅମ୍ବିକା ଶୁଣି ତୋଷମନ

Couplet 132

ରୁଦ୍ର ଚରଣ ଶିରେ ଧରିମଧୁରେ କହନ୍ତି ଗଉରୀ

Couplet 133

ଭୋ ନାଥ ଜଗତ ଈଶ୍ୱରଦେବଙ୍କ ବୋଲ ତୁମ୍ଭେ କର

Couplet 134

ଏ ଘୋର ବିଷ କର ଗ୍ରାସସଂସାରେ ଥିବ ତୁମ୍ଭ ଯଶ

Couplet 135

ଧର୍ମ କରନ୍ତି ଯେତେ ପ୍ରାଣୀତାହାଙ୍କୁ ତୋଷ ଚକ୍ରପାଣି

Couplet 136

ଏମନ୍ତେ ଗଉରୀ ବଚନେରୁଦ୍ର ଉଠିଲେ ତୋଷମନେ

Couplet 137

କ୍ଷୀରାବ୍‌ଧି-ତଟେ ବିଜେକରିକରଅଞ୍ଜଳି ବିଷେ ଭରି

Couplet 138

ଉତ୍କଟ ଘୋର ମହାବିଷଏକାବେଳକେ କଲେ ଗ୍ରାସ

Couplet 139

ରଖିଲେ ଅଶେଷ ଭୁବନଶୁଣ ହେ ପରୀକ୍ଷ ରାଜନ

Couplet 140

କଣ୍ଠ ଦିଶିଲା ନୀଳପ୍ରଭାସାଧୁଜନଙ୍କର ଏ ଶୋଭା

Couplet 141

ସାଧୁଜନଙ୍କ ମତ ଏହିଯେ ପରଦୁଃଖେ ଦୁଃଖୀ ହୋଇ

Couplet 142

କରନ୍ତି ପର ଉପକାରଧନ୍ୟ ଜୀବନ ତାହାଙ୍କର

Couplet 143

ଏମନ୍ତେ ରୁଦ୍ରକର୍ମ ଦେଖିସଂସାରଜନେ ହେଲେ ସୁଖୀ

Couplet 144

ବ୍ରହ୍ମା-ଗୋବିନ୍ଦ ଦେବ ମେଳେସର୍ବେ ଶଙ୍କରେ ପ୍ରଶଂସିଲେ

Couplet 145

ରୁଦ୍ର ପିବନ୍ତେ ଘୋର ବିଷକୂଳେ ଯେ ଥିଲା ଅବଶେଷ

Couplet 146

ବୃଶ୍ଚିକ-ଦନ୍ଦ ଶୂକଗଣଭକ୍ଷିଲେ ବିଷ-ଶେଷକଣ

Couplet 147

ଏ କ୍ଷୀର ସାଗର-ମନ୍ଥନଶୁଣି ପବିତ୍ର ହୁଅ ଜନ

Couplet 148

ସୁସାଧୁ ଜନଙ୍କର ହିତେଅଷ୍ଟମ ସ୍କନ୍ଧେ ଭାଗବତେ

Couplet 149

ଭାଷା ପ୍ରବନ୍ଧେ ଗୀତନାଦେଶୁଣ ସୁଜନେ ଅପ୍ରମାଦେ

Couplet 150

ବୋଲଇ ଦାସ ଜଗନ୍ନାଥବିଷ ଭକ୍ଷିଲେ ଉମାକାନ୍ତ