Skandha 8
Adhyaya 3
Couplet 1
ଶୁଣ ପାଣ୍ଡବ ଚୂଡ଼ାମଣିଗଜେନ୍ଦ୍ର ବୋଲେ ମୋକ୍ଷବାଣୀ
Couplet 2
ଏମନ୍ତ ବୁଦ୍ଧି ସେ ବିଚାରିଚଞ୍ଚଳ ମନ ସ୍ଥିର କରି
Couplet 3
ପରମ-ଜପ ସେ ଜପିଲାଯେ ପୂର୍ବଜନ୍ମେ ଶିକ୍ଷା ଥିଲା
Couplet 4
ଶ୍ରୀକୃଷ୍ଣ ଆଦି ବ୍ରହ୍ମପଦେବୋଲେ ଆନନ୍ଦ ଗଦଗଦେ
Couplet 5
ନମସ୍ତେ ପ୍ରଭୁ ଭଗବାନଅଶେଷ ବ୍ରହ୍ମାଣ୍ଡ ଜୀବନ
Couplet 6
ତୋର ମହିମା ଚିଦାତ୍ମକଅନାଦି ପୁରୁଷ ବିବେକ
Couplet 7
ଜୀବର ଆଦିବୀଜ ତୁହିପରମେଶ୍ୱରେ ନମେ ମୁହିଁ
Couplet 8
ଯାହାର ଦେହେ ବିଶ୍ୱ ବସେଯା ତହୁଁ ଏ ବିଶ୍ୱ ପ୍ରକାଶେ
Couplet 9
ଏ ବିଶ୍ୱ-ସର୍ଜନା ଯହିଁରେସ୍ୱୟଂ ଯେ ବିଶ୍ୱରୂପ ଧରେ
Couplet 10
କାର୍ଯ୍ୟ-କାରଣରୁ ଯେ ପରତୁ ବ୍ରହ୍ମ ଶରଣସୋଦର
Couplet 11
ଏ ଯେ ସଂସାର ମାୟାବଳେଆତ୍ମାରୁ କଳ୍ପେ ଯେ ନିଶ୍ଚଳେ
Couplet 12
ପ୍ରକାଶ କରି ତିରୋହିତକରଇ ଊର୍ଣ୍ଣନାଭି ବତ
Couplet 13
ମଧ୍ୟେ ଦେଖଇ ସାକ୍ଷୀ ରୂପେକ୍ରୀଡ଼ା କରଇ କଳ୍ପେ କଳ୍ପେ
Couplet 14
ସେ ହରି ରଖୁ ମୋର ପ୍ରାଣତା ପାଦେ ପଶିଲି ଶରଣ
Couplet 15
କାଳେ ସକଳ ଜୀବଧରିଅନ୍ତକ ରୂପେଣ ସଂହରି
Couplet 16
ସକଳ ହେତୁ କରେ ଅନ୍ତତମ-ନିବିଡ଼ ଘୋରପଥ
Couplet 17
ସେ ତମ ପରେ ସେହୁ ବସେବିରାଜରୂପେ ପରକାଶେ
Couplet 18
ତାର ମହିମା ବିଚାରଣେଏ ଯେତେ ଦେବେ ଋଷିଗଣେ
Couplet 19
କେହି ନଜାଣେ ପ୍ରଭୁ ତୋତେଅନେକ-ଶାସ୍ତ୍ର-ଯୋଗମତେ
Couplet 20
କେ ପ୍ରାଣୀ ତତ୍ତ୍ୱ ତୋ ଜାଣିବଯହିଁ ଭ୍ରମନ୍ତି ବ୍ରହ୍ମା ଶିବ
Couplet 21
ନଟ-ଆକୃତି ପ୍ରାୟେ ଖେଳେଏ ମାୟା-ଗହନ-ଶୟଳେ
Couplet 22
ମନ-କର୍ମରୁ ଦୂର ଯେହିସେ ହରି ରଖୁ ମୋର ଦେହୀ
Couplet 23
ଯାର ମହିମା ମୁନିଜନେସକଳ-ଶାସ୍ତ୍ରେ ଅନୁମାନେ
Couplet 24
ବିମୁକ୍ତ-ସଙ୍ଗ ସାଧୁଜନେତପ ସାଧନ୍ତି ଘୋରବନେ
Couplet 25
ଭୂତଙ୍କ ଆତ୍ମଭୂତ ଯେହୁସେ ହରି ମୋର ଗତି ହେଉ
Couplet 26
ଯାହାର ଜନ୍ମକର୍ମ ନାହିଁଅପର ଗୁଣଦୋଷ କାହିଁ
Couplet 27
ତଥାପି ଲୋକରକ୍ଷା ଅର୍ଥେଆପେ ସମ୍ଭବ ଏ ଜଗତେ
Couplet 28
ସ୍ୱମାୟାବଳେ ଏ ଜଗତସ୍ଥିତି ପାଳନ କରେ ଅନ୍ତ
Couplet 29
ଅରୂପରୂପ ଯେ ଅଦ୍ଭୁତଆତ୍ମା ପ୍ରଦୀପ ସାକ୍ଷୀମତ
Couplet 30
ମନ-ବଚନେ ଅଗୋଚରପରମଆତ୍ମା ସୁଖଘର
Couplet 31
ସୂକ୍ଷ୍ମ-ନିର୍ମଳ ରୂପ ଯାରପଣ୍ଡିତଜନଙ୍କ ଗୋଚର
Couplet 32
ଯାହାକୁ ସତ୍ତ୍ୱଗୁଣେ ପାଇନିଷ୍କାମଚିେତ୍ତେ ଯେବା ଧ୍ୟାୟି
Couplet 33
କୈବଲ୍ୟନାଥ ନମୋସ୍ତୁତେନିର୍ବାଣସୁଖ ଯା ଉଦିତେ
Couplet 34
ତୁ ନାଥ ଶାନ୍ତ ଘୋରରୂପୀମୂଢ଼ଧର୍ମେଣ ବିଶ୍ୱବ୍ୟାପୀ
Couplet 35
ଯେ ନିର୍ବଶେଷ ସାମ୍ୟରୂପନମସ୍ତେ ଜ୍ଞାନ-ଘନ-ରୂପ
Couplet 36
କ୍ଷେତ୍ରଜ୍ଞରୂପୀ ନମୋନମସର୍ବଜ୍ଞ ସାକ୍ଷୀ ନିଜଧାମ
Couplet 37
ସେ ଏ ଜଗତ ଆଦିମୂଳମୂଳ ପ୍ରକୃତି ସୂକ୍ଷ୍ମସ୍ଥଳ
Couplet 38
ସର୍ବ-ଇନ୍ଦ୍ରିୟଗଣ ଦ୍ରଷ୍ଟାସର୍ବ ବିଷୟ ଆଦିସ୍ରଷ୍ଟା
Couplet 39
ଅଭକ୍ତ ଜନେ ଅପ୍ରକାଶଭକତପଦେ ରବିତ୍ରାସ
Couplet 40
ଅଖିଳକାରଣ-ସ୍ୱରୂପୀଅଦ୍ଭୁତ ରୂପେ ବିଶ୍ୱବ୍ୟାପୀ
Couplet 41
ସର୍ବ-ଆଗମ ବେଦସ୍ଥାନନମସ୍ତେ ମୋକ୍ଷପରାୟଣ
Couplet 42
ସ୍ୱୟଂପ୍ରକାଶ ଗୁଣପାଶେବନ୍ଧନ ନୋହୁ ତୁ ବିଶେଷେ
Couplet 43
ତୁ ଅପବର୍ଗ-ପରାୟଣନମଇଁ ତୋହର ଚରଣ
Couplet 44
ତୁ ନାଥ କରୁଣାସାଗରତୋ ପାଦେ ଶରଣ ମୋହର
Couplet 45
ଅଶେଷ-ଜନ୍ତୁ ହୃଦଗତେତୋର ପ୍ରକାଶ ଆତ୍ମାମତେ
Couplet 46
ସକଳ ଦେଖୁ ନାଥ ତୁହିତୋ ଅନୁଭବ କେ ଜାଣଇ
Couplet 47
ତୁ ବ୍ରହ୍ମ ପରମମଙ୍ଗଳନମସ୍ତେ ପ୍ରଭୁ ଆଦିମୂଳ
Couplet 48
ତୁ ନାଥ କରୁଣାସ୍ୱରୂପୀତୃଣ-କାଷ୍ଠରେ ଅଛୁ ବ୍ୟାପୀ
Couplet 49
ମୋହର ପ୍ରାୟ ପଶୁଗଣବିପଦ ପାଶୁଁ କର ତ୍ରାଣ
Couplet 50
ଆତ୍ମା-ଆତ୍ମଜ-ଗୃହ-ବିତ୍ତେମମତା କରେ ଦୃଢ଼ଚିତ୍ତେ
Couplet 51
ଯେ ପ୍ରାଣୀ ଗୃହବନ୍ଧେ ମଜ୍ଜେସେ ତୋତେ କେବେହେଁ ନ ଭଜେ
Couplet 52
ଯେ ମୁକ୍ତସଙ୍ଗ ଏ ଜଗତେସେ ତୋତେ ଭଜେ ଅବିରତେ
Couplet 53
ଏଣୁ ବିବେକୀ ପ୍ରାଣୀଙ୍କରତୁ ନାଥ ଶୁଭ-ସୁଖଘର
Couplet 54
ହେ ଜ୍ଞାନାତ୍ମକ ଭଗବାନସର୍ବ-ଈଶ୍ୱର ନମୋନମ
Couplet 55
ଧର୍ମାର୍ଥ-କାମ-ଲୋଭୁ ମୁକ୍ତନିଷ୍କାମେ ଭଜେ ଅବିରତ
Couplet 56
ଅନ୍ତେ ଲଭନ୍ତି ଇଷ୍ଟଗତିଦୁଃଖେ ସଙ୍କଟେ ନ ପଡ଼ନ୍ତି
Couplet 57
ଅବ୍ୟୟସ୍ଥାନେ ରହେ ମନଏଣୁ ଲଭନ୍ତି ଦିବ୍ୟଜ୍ଞାନ
Couplet 58
ମୁଁ ଏବେ ଶରଣ ତୋହରଏ ଗ୍ରାହ-ମୁଖୁ କର ପାର
Couplet 59
ଏକାନ୍ତ ଚିତ୍ତେ ଯେ ଭଜନ୍ତିବିଷୟ-ସୁଖ ନ ବାଞ୍ଛନ୍ତି
Couplet 60
ତୋ ଜ୍ଞାନ-ସୁଧା-ରସ ପାଇଅଧିକ ବାଞ୍ଛା ତାଙ୍କ ନାହିଁ
Couplet 61
ଅତି ଅଦ୍ଭୁତ ତୋ ଚରିତଆନନ୍ଦ ରୂପେ ସୁଲଳିତ
Couplet 62
ତୋ କଥା-ସୁଧା-ସିନ୍ଧୁ-ଜଳେଅବଗାହନ ସୁଖଭୋଳେ
Couplet 63
କରି ତରନ୍ତି ଦିବ୍ୟଦେହୀଏଣୁ ତୋ ମହିମା କେ କହି
Couplet 64
ଅକ୍ଷୟ କ୍ଷୟ ନାହିଁ ଯାରଯେ ବ୍ରହ୍ମ ପରମ ଈଶ୍ୱର
Couplet 65
ଅବ୍ୟକ୍ତ ଅଧ୍ୟାତ୍ମ ସ୍ୱରୂପୀପରମ-ଯୋଗବଳେ ବ୍ୟାପୀ
Couplet 66
ଏଣୁ ଯେ ଅତିଦୂରେ ରହେଅତ୍ୟନ୍ତ ସୂକ୍ଷ୍ମ ସୂକ୍ଷ୍ମ ହୋଏ
Couplet 67
ଅନନ୍ତ ଆଦି ପରିପୂର୍ଣ୍ଣସେ ହରି ରଖୁ ମୋ ଜୀବନ
Couplet 68
ମନବଚନ ତା ଚରଣେନିବେଦନ ମୋ ଅନୁକ୍ଷଣେ
Couplet 69
ଏ ଘୋର-ଗ୍ରାହ-ବନ୍ଧ-ପାଶୁଉଦ୍ଧରି ସେ ମୋତେ ଆଶ୍ୱାସୁ
Couplet 70
ଯାର ଅଳପ କଳା ଘେନିବ୍ରହ୍ମାଦି ଦେବେ ସୁରମୁନି
Couplet 71
ସଂସାର ଚରାଚର ଯେତେପ୍ରକାଣ୍ଡ ନାମ ରୂପ ମତେ
Couplet 72
ଅଗ୍ନି ସବିତା ଜ୍ୟୋତି ଯେହ୍ନେପ୍ରକାଶି ପ୍ରବେଶନ୍ତି ତେହ୍ନେ
Couplet 73
ଗୁଣ ପ୍ରବାହ ଏ ସଂସାରଇନ୍ଦ୍ରିୟ ବୁଦ୍ଧି ଅହଙ୍କାର
Couplet 74
ଶରୀର ଆଦି ଏହିମତେପ୍ରବେଶ ହୋନ୍ତି ତାର ଗାତ୍ରେ
Couplet 75
ଯେ ନୋହେ ଦେବାସୁର ମର୍ତ୍ତ୍ୟନ ସ୍ତିରୀ ନ ପୁରୁଷ ଗାତ୍ର
Couplet 76
ଜନ୍ମ ଶରୀର ପଶୁ ଆଦିରୂପେ ଅରୂପେ ନ ସମ୍ପାଦି
Couplet 77
କେବେହେଁ ନୋହେ କର୍ମଗୁଣସତ୍ୟ ଅସତ୍ୟ ନୋହେ ଜାଣ
Couplet 78
ନିଃଶେଷ ଶେଷ ପରିପୂର୍ଣ୍ଣଏଣୁ ଏ ଅନାଦି କାରଣ
Couplet 79
ନମସ୍ତେ ନମସ୍ତେ ଅନନ୍ତଅସହ୍ୟ ବେଗ ବଳବନ୍ତ
Couplet 80
ଯାହାର ଅଟେ ଶକ୍ତି-ତ୍ରୟଅଖିଳ ବୁଦ୍ଧି ଗୁଣମୟ
Couplet 81
ପ୍ରପନ୍ନଜନ ଯେ ପାଳଇଦୁରନ୍ତ ଶକ୍ତି ଯାର ଦେହୀ
Couplet 82
କୁତ୍ସିତ ଇନ୍ଦ୍ରିଗଣେ ଯାରମାର୍ଗ ନ କରାନ୍ତି ଗୋଚର
Couplet 83
ମୁଁ ଗ୍ରାହଗ୍ରସ୍ତେ ଗ୍ରସ୍ତ ହୋଇଆତ୍ମା ଶରୀର ନ ଜାଣଇ
Couplet 84
ଯେ ହରି ସଂସାର-କାରଣତା ପାଦେ ପଶିଲି ଶରଣ
Couplet 85
ରଖୁ ନ ରଖୁ ସେ ଜାଣଇତା ବିନୁ ଆନଗତି ନାହିଁ
Couplet 86
ବୋଲନ୍ତି ବ୍ୟାସଙ୍କ ନନ୍ଦନରାଜନ ସାବଧାନେ ଶୁଣ
Couplet 87
ଏମନ୍ତେ ଗଜରାଜ ସ୍ତୁତିଗୋବିନ୍ଦ ପାଦେ ଦେଇ ମତି
Couplet 88
ଇନ୍ଦ୍ରାଦି ଦେବେ ଗମ୍ୟ ନୋହେଯେ ପୂର୍ବଭାଗ୍ୟର ଉଦୟେ
Couplet 89
ଗଜ ବିକଳ ଶୁଣି ହରିସତ୍ୱରେ ଚିତ୍ତେ ମୋଦଭରି
Couplet 90
ଯେ ହରି ସର୍ବ-ଦେବମୟେଅଶେଷ ବିଶ୍ୱ ଯାର ଦେହେ
Couplet 91
ସର୍ବଦେବତା ମିଳି ସଙ୍ଗେସ୍ତୁତି କରନ୍ତି ନାନାରଙ୍ଗେ
Couplet 92
ଗରୁଡ଼ ପୃଷ୍ଠେ ବିଜେ କରିକରେ ପ୍ରଚଣ୍ଡ-ଚକ୍ର ଧରି
Couplet 93
ବେଗେ ମିଳିଲେ ଗଜ ପାଶେବିବୁଧେ ଦେଖନ୍ତି ଆକାଶେ
Couplet 94
ଗଜେନ୍ଦ୍ର ସରୋବର ଜଳେଗ୍ରାହଗ୍ରସିତ ପାଦମୂଳେ
Couplet 95
ଦେଖଇ ଗରୁଡ଼-ପୁଷ୍ଠରଆକାଶେ ବିଜେ ଚକ୍ରଧର
Couplet 96
ପଦ୍ମ ଗୋଟିଏ ଘେନି ହସ୍ତେଊର୍ଦ୍ଧ୍ୱେ ଚାହିଁଲା ଶୂନ୍ୟପଥେ
Couplet 97
ବେଗେ ନମିଲା ଶୁଣ୍ଢ ତୋଳିଦେଖନ୍ତେ ପ୍ରଭୁ ବନମାଳୀ
Couplet 98
ଚକ୍ର ବିରାଜେ ଦକ୍ଷକରେସୂର୍ଯ୍ୟ କି ଉଦିତ ଅମ୍ବରେ
Couplet 99
ଡାକଇ ଆରତଭଞ୍ଜନଭୋ ନାଥ ରଖ ମୋ ଜୀବନ
Couplet 100
ହେ ନାରାୟଣ ବିଶ୍ୱଗୁରୁଆରତଜନ ଦୁଃଖ ହରୁ
Couplet 101
ନମସ୍ତେ ପ୍ରଭୁ ଭଗବାନତୁ ନାଥ ଜଗତ-ଜୀବନ
Couplet 102
ଗ୍ରାହ-ପୀଡ଼ିତ ଗଜ ଦେଖିତକ୍ଷଣେ ଗରୁଡ଼ ଉପେକ୍ଷି
Couplet 103
ଜଳେ ପଶିଲେ ଚକ୍ରପାଣିଚକ୍ରେ କୁମ୍ଭୀର ମୁଣ୍ଡ ହାଣି
Couplet 104
କୁମ୍ଭୀର ମୁଖୁଁ ବନମାଳୀହସ୍ତୀ ଚରଣ ହସ୍ତେ ତୋଳି
Couplet 105
ଦେଖନ୍ତି ଶୂନ୍ୟେ ଦିଗପାଳେଗଜକୁ ଘେନି ବିଜେ କୂଳେ
Couplet 106
ଅଶେଷ ହରିର ମହିମାକେ କହିପାରେ ଗୁଣସୀମା
Couplet 107
ଗଜକୁ ରଖିଲେ ଯେମନ୍ତେଅଷ୍ଟମ ସ୍କନ୍ଧେ ଭାଗବତେ
Couplet 108
ଭାଷା-ପ୍ରବନ୍ଧେ ହରି ବାଣୀଶୁଣି ସଂସାରୁ ତର ପ୍ରାଣୀ
Couplet 109
ବୋଲଇ ବିପ୍ର ଜଗନ୍ନାଥସୁଜନେ ଶୁଣ ଏ ଚରିତ