Skandha 8
Adhyaya 23
Couplet 1
ଚିନ୍ତି ଶ୍ରୀକୃଷ୍ଣ-ପଦାମ୍ବୁଜକହନ୍ତି ବ୍ୟାସଙ୍କ ତନୁଜ
Couplet 2
ଶୁଣ ହେ ଅଭିମନ୍ୟୁ ବଳାଏମନ୍ତ ଈଶ୍ୱରର ଲୀଳା
Couplet 3
ମାୟାକଳ୍ପିତ ଏ ସଂସାରେମତ୍ସ୍ୟାଦି ନାନା ଅବତାରେ
Couplet 4
ଧର୍ମକୁ ପାଳେ ଯୁଗେ ଯୁଗେସାଧୁଙ୍କୁ ରଖେ ଅନୁରାଗେ
Couplet 5
ଦୁଷ୍ଟ ନିବାରି ସନ୍ଥ ପାଳେରୂପ ପ୍ରକାଶେ ଯଥାକାଳେ
Couplet 6
ତା ରୂପ କେ କରିବ ଅନ୍ତସ୍ୱଭାବେ ମହିମା ଅନନ୍ତ
Couplet 7
ଏମନ୍ତ ଶୁକମୁଖୁଁ ଶୁଣିଆନନ୍ଦମନେ ନୃପମଣି
Couplet 8
ବୋଲେ ଚରଣେ କର ଦେଇଭୋ ମୁନି ନିସ୍ତରିଲି ମୁହିଁ
Couplet 9
ବୋଲ ଯେ ମୀନ ଅବତାରହୋଇଲେ ଜଗତ ଈଶ୍ୱର
Couplet 10
ନିନ୍ଦିତ ଜଳଚର ରୂପେଦେହ ବହିଲେ କେଉଁ କଳ୍ପେ
Couplet 11
କେବଣ କାର୍ଯ୍ୟେ କିସ ଅର୍ଥେପ୍ରସନ୍ନେ କହ ମୋ ଅଗ୍ରତେ
Couplet 12
ତାର ଚରିତ ପାପହରଅଶେଷ ପ୍ରାଣୀ ସୁଖଘର
Couplet 13
ଅନାଦି ପ୍ରଭୁ ନାରାୟଣମାୟାର ପରମ କାରଣ
Couplet 14
ସୁତ କହନ୍ତି ମୁନିମଧ୍ୟେଅତି ଆନନ୍ଦ ଗଦଗଦେ
Couplet 15
ଶୁଣ ସକଳ ମୁନିଗଣେଶୁକ ପରୀକ୍ଷେ ଯା ବଖାଣେ
Couplet 16
ଏମନ୍ତେ ରାଜାବାକ୍ୟ ଶୁଣିପରମାନନ୍ଦ ଶୁକମୁନି
Couplet 17
ଅତି ହରଷେ ଗଦଗଦେକହନ୍ତି ପରମ ଆନନ୍ଦେ
Couplet 18
ଶୁଣ ହୋ ଅଭିମନ୍ୟୁସୁତକହିବା ବିଷ୍ଣୁର ଚରିତ
Couplet 19
ଅନାଦି ପ୍ରଭୁ ନାରାୟଣଅଶେଷ ବ୍ରହ୍ମାଣ୍ତ କାରଣ
Couplet 20
ଯେ ପ୍ରଭୁ ଜଗତ ଈଶ୍ୱରବ୍ରହ୍ମାଣ୍ତ ଯାର ଖେଳଘର
Couplet 21
ସୃଜଇ ପାଳଇ ସଂହରେସଂସାରେ ନାନାରୂପ ଧରେ
Couplet 22
ଧର୍ମ ସ୍ଥାପନେ ଦେହ ଧରିଅଧର୍ମ ସମୂହ ନିବାରି
Couplet 23
ଅସାଧୁକୂଳ ସଂହାରିଣସାଧୁଙ୍କୁ ରଖେ ନାରାୟଣ
Couplet 24
ଶୁଣ ତୁ ଯେବା ଅର୍ଥେ ହରିଇଚ୍ଛାରେ ମୀନରୂପ ଧରି
Couplet 25
ବ୍ରହ୍ମା ଯେ ସୃଷ୍ଟି-ଅନ୍ତଃକାଳେବେଦପୁସ୍ତକ ଥୋଇ କୂଳେ
Couplet 26
ଜଳେ ପଶିଲେ ସନ୍ଧ୍ୟା କରିସେ ବେଦ ହୟଗ୍ରୀବ ହରି
Couplet 27
ଅଗାଧ-ଜଳେ ପଶିଗଲାବିଧାତା ବିଷ୍ଣୁଙ୍କୁ ଚିନ୍ତିଲା
Couplet 28
ଦାନବ ଦୁଷ୍ଟମତି ଜାଣିତକ୍ଷଣେ ପ୍ରଭୁ ଚକ୍ରପାଣି
Couplet 29
ଶଫରୀ ରୂପକୁ ଧଇଲେସେ ମହାଜଳରେ ପଶିଲେ
Couplet 30
ଯେମନ୍ତେ ମାଇଲେ ଅସୁରବେଦ ଉଦ୍ଧରି ଚକ୍ରଧର
Couplet 31
ପ୍ରବେଶ ବ୍ରହ୍ମାର ରଜନୀକଳ୍ପର ନାମ ଦୈନନ୍ଦିନୀ
Couplet 32
ଏମନ୍ତେ ପ୍ରଳୟ ନିକଟେରାଜାଏ ଥିଲା ସିନ୍ଧୁତଟେ
Couplet 33
ତାହାର ନାମ ସତ୍ୟବ୍ରତଅଶେଷ ଗୁଣରେ ଭୂଷିତ
Couplet 34
ସ୍ୱଭାବେ ବିଷ୍ଣୁ-ପରାୟଣତପ ସାଧନେ ଦୃଢ଼ମନ
Couplet 35
ତପ ସାଧଇ ସିନ୍ଧୁତୀରେଜଳ ଭକ୍ଷଣେ ଦିନ ହରେ
Couplet 36
ସେ ତପ ସାଧି କଳ୍ପଅନ୍ତେମନୁ ହୋଇବ ଭବିଷ୍ୟତେ
Couplet 37
ଆଦିତ୍ୟ ବୀର୍ଯ୍ୟେ ଜନ୍ମ ହୋଇସେ ଶ୍ରାଦ୍ଧଦେବ ନାମ ବହି
Couplet 38
ମନୁ ହୋଇବ ଏ ଜଗତେହରି ସ୍ଥାପିବେ ତୋଷଚିତ୍ତେ
Couplet 39
ଏବେ ହୋ ଶୁଣ ନରପତିସେ ସତ୍ୟବ୍ରତ ରାଜା କୀର୍ତ୍ତି
Couplet 40
ସେ ସତ୍ୟବ୍ରତ ଏକକାଳେମିଳିଲା କୃତମାଳା କୂଳେ
Couplet 41
ସେ ନଦୀଜଳେ ସ୍ନାନକରିଗୋବିନ୍ଦ ନାମ ଚିତ୍ତେ ସ୍ମରି
Couplet 42
ସ୍ନାହାନ ସାରି ସନ୍ଧ୍ୟା ଅର୍ଥେଜଳଅଞ୍ଜଳି କଲା ହସ୍ତେ
Couplet 43
ତକ୍ଷଣେ ପ୍ରଭୁ ନରହରିମାୟାରେ ମୀନରୂପ ଧରି
Couplet 44
ପଶିଲେ ଜଳାଞ୍ଜଳି ମଧ୍ୟଶଫରୀରୂପେ ଆଦିକନ୍ଦ
Couplet 45
ସେ ସତ୍ୟବ୍ରତ ତା ଦେଖିଲାଜଳଅଞ୍ଜଳି ପକାଇଲା
Couplet 46
ରାଜାର ହସ୍ତୁ ପଡ଼ି ଜଳେସେ ମୀନ ଡ଼ାକିଲା ବିକଳେ
Couplet 47
ମହାକାରୁଣ୍ୟ ହେ ରାଜନମୁଁ ଦୁଃଖୀ ତୁ ଦୀନପାଳନ
Couplet 48
ଜଳେ ଯେ ପକାଇଲୁ ମୋତେମୋ ଜ୍ଞାତି ରିପୁ ଏ ସମସ୍ତେ
Couplet 49
ମୋତେ ଗିଳିବେ ବୋଲି ଡ଼ରେପଶିଲି ତୋର ଅଞ୍ଜୁଳିରେ
Couplet 50
ମୋତେ ଗିଳିବେ ଏହିକ୍ଷଣିମୋ ପ୍ରାଣ ରଖ ନୃପମଣି
Couplet 51
ପ୍ରାଣୀ ଜୀବନ ରକ୍ଷା କଲେଆପଣେ ରକ୍ଷା ପାଇ ଭଲେ
Couplet 52
ଏବେ ମୁଁ ତୋହର ଶରଣପଶିଲି ରଖ ମୋର ପ୍ରାଣ
Couplet 53
ଏମନ୍ତ ଶଫରୀ ବଚନେସେ ରାଜା ଶୁଣି ଅବଧାନେ
Couplet 54
ଜଳଅଞ୍ଜଳି କରେ ଧରିମୀନକୁ ଜଳରୁ ଉଦ୍ଧରି
Couplet 55
ଜନ୍ତୁ ଜୀବନେ ଦୟା କରିଥୋଇଲା କମଣ୍ତଳେ ଭରି
Couplet 56
ଜଳେ ତର୍ପଣ ବେଗେ ସାରିଗୃହେ ମିଳିଲେ ଦଣ୍ତଧାରୀ
Couplet 57
ସେ ମୀନ କମଣ୍ତଳ-ଜଳେରହି ନ ପାରି ରାତ୍ରକାଳେ
Couplet 58
ବିକଳେ କରଇ ରୋଦନମୋ ପ୍ରାଣ ରଖ ହେ ରାଜନ
Couplet 59
ଚଳି ନ ପାରେ କମଣ୍ତଳେବେଗେ ତୁ ଥୁଅ ଅନ୍ୟଜଳେ
Couplet 60
ଏମନ୍ତ ଶଫରୀ ବଚନଶୁଣି ସଂଭ୍ରମେ ସେ ରାଜନ
Couplet 61
ସେ ମୀନ କମଣ୍ତଳୁ ଫେଇକଳସ ଜଳ ମଧ୍ୟେ ଥୋଇ
Couplet 62
ଏମନ୍ତେ ରଜନୀ ପାହିଲାପୁଣି ସେ ମୀନ ଡ଼ାକଦେଲା
Couplet 63
ବୋଲଇ ଶୁଣ ଦଣ୍ତଧରକଳସୁ ମୋ ପ୍ରାଣ ଉଦ୍ଧର
Couplet 64
ମୋ ଦେହ କଳସେ ନ ଚଳେବେଦେ ତୁ ଥୁଅ ଅନ୍ୟ ଜଳେ
Couplet 65
ଯେ ଜଳେ ଆନନ୍ଦେ ବିହରିଅଳପ ଜଳେ ପ୍ରାଣହାରି
Couplet 66
ତକ୍ଷଣେ କଳସୁଁ ଉଦ୍ଧରିକୂପେ ଥୋଇଲା ଦଣ୍ତଧାରୀ
Couplet 67
ମୁହୂର୍ତ୍ତେ କୂପ ମଧ୍ୟେ ରହିବିସ୍ତାର କଲା ତାର ଦେହୀ
Couplet 68
କୂପେ ସେ ଡ଼ାକଇ ବିକଳେହେ ନୃପ ଥୁଅ ଅନ୍ୟଜଳେ
Couplet 69
କୂପେ ମୁଁ ନ ପାରଇ ରହିମୋର ଜୀବନ ରଖ ତୁହି
Couplet 70
ଶଫରୀ ବାଦ୍ୟେ ନୃପମଣିକୂପୁଁ ଉଦ୍ଧରି ବେଗେ ଆଣି
Couplet 71
ତକ୍ଷଣେ ଖାତଜଳେ ଥୋଇଖାତେ ପୂରିଲା ତାର ଦେହୀ
Couplet 72
ଡ଼ାକଇ ଜୀବନ ବିକଳେଭୋ ନୃପ ରଖ ଅନ୍ୟଜଳେ
Couplet 73
ଏମନ୍ତେ ଖାତୁଁ ନେଇ ଧୀରେବେଗେ ଥୋଇଲା ସରୋବରେ
Couplet 74
ଦିବସେ ସରୋବରେ ରହିଜଳେ ନ ଚଳେ ତାର ଦେହୀ
Couplet 75
ପୁଣି ଡ଼ାକଇ ଭୟଙ୍କରେଭୋ ନୃପ ଥୁଅ ଅନ୍ୟ ନୀରେ
Couplet 76
ତକ୍ଷଣେ ତଡ଼ାଗୁଁ ଉଦ୍ଧରିହ୍ରଦେ ରଖିଲା ଦଣ୍ତଧାରୀ
Couplet 77
ସେ ମୀନ ଦଣ୍ତେ ହ୍ରଦେ ରହେତହିଁ ବଢ଼ିଲା ମହାକାୟେ
Couplet 78
ପୁଣି ଡାକିଲା ଘୋରନାଦେରାଜନ ରହି ନୋହେ ହ୍ରଦେ
Couplet 79
ତା ଶୁଣି ହ୍ରଦୁଁ ତୋଳି ବଳେକ୍ଷେପିଲା ସମୁଦ୍ରର ଜଳେ
Couplet 80
ସେ ମୀନ ପଡ଼ି ସିନ୍ଧୁଜଳେଡାକିଲା ଜୀବନ ବିକଳେ
Couplet 81
ଭୋ ନୃପ ରଖ ମୋର ପ୍ରାଣତୋର ମୁଁ ପଶିଛି ଶରଣ
Couplet 82
ଶରଣ ଜନ ଉପେକ୍ଷିଲେକେ ତାକୁ ପ୍ରଶଂସଇ ଭଲେ
Couplet 83
ଏ ଜଳେ ଜୀବଛନ୍ତି ଯେତେବଳେ ଭକ୍ଷିବେ ଏବେ ମୋତେ
Couplet 84
ଏମନ୍ତ ମୀନ ମୁଖୁଁ ଶୁଣିମନେ ବିଚାରେ ନୃପମଣି
Couplet 85
ଏ କି ଅଦ୍ଭୁତ କର୍ମ ମୁହିଁଜଗତେ ଦେଖିଲିତ ନାହିଁ
Couplet 86
କେଉଁ ଦେବତା ମାୟାବଳେମୋତେ ଛଳଇ ମୀନଛଳେ
Couplet 87
କି ବୁଦ୍ଧି କରିବଇଁ ମୁହିଁଭାଳଇ ମୀନ ମୁଖ ଚାହିଁ
Couplet 88
ବିଷ୍ଣୁର ମାୟାରେ ମୋହିତଦଣ୍ତେ ରହିଲା ସ୍ତମ୍ଭୀଭୂତ
Couplet 89
ପୁଣି କ୍ଷଣକେ ନୃପବରକପୋଳେ ଦେଇ ବେନିକର
Couplet 90
ବୋଲଇ ମୀନମୁଖ ଚାହିଁମୋହର ଧର୍ମ ରଖ ତୁହି
Couplet 91
କେଉଁ ଦେବତା ଆସି ଛଳେମୋତେ ମୋହିଲୁ ମାୟାବଳେ
Couplet 92
ଏ ତୋର ବିଶ୍ୱରୂପ ଦେହମାୟା ନ କରି ସତ୍ୟ କହ
Couplet 93
ଏମନ୍ତ ଜଳଚର-ଦେହୀଜଗତେ ଦେଖିଲା ତ ନାହିଁ
Couplet 94
ଭୋ ମୀନ ତୋହର ଶରୀରେଶତେ-ଯୋଜନ-ହ୍ରଦ ପୂରେ
Couplet 95
ନିଶ୍ଚେ ଜାଣିଲି ତୋତେ ଆଜତୁ ନାରାୟଣ ଦେବରାଜ
Couplet 96
ଅନାଦି ପ୍ରଭୁ ନିରଞ୍ଜନଅବ୍ୟକ୍ତ-ରୂପ ଭଗବାନ
Couplet 97
ପ୍ରାଣୀଙ୍କ ନିସ୍ତାରଣ ଅର୍ଥେମୀନ ଶରୀର ଏ ଜଗତେ
Couplet 98
ସ୍ଥିତି-ପାଳନ ସଂହାରଣତୁ ନାଥ ପରମକାରଣ
Couplet 99
ନମସ୍ତେ ଜଳଚର-ଦେହୀଭୋ ନାଥ କର ମୋତେ ତ୍ରାହି
Couplet 100
ତୋର ମାୟାରେ ଭ୍ରମ ହୋନ୍ତିହର ବିରଞ୍ଚି ସୁରପତି
Couplet 101
ତୁ ନାଥ ଜନ ଉପକାରେନାନା ଶରୀର ଏ ସଂସାରେ
Couplet 102
ତୋ ଅବତାର ଭକ୍ତହିତେଧର୍ମ-ସ୍ଥାପନ ଶୁଭ ଅର୍ଥେ
Couplet 103
କି କାର୍ଯ୍ୟେ ମୀନ ଅବତାରକହ ହେ କମଳାର ବର
Couplet 104
ଏମନ୍ତ ରାଜ ବାକ୍ୟ ଶୁଣିକହନ୍ତି ପ୍ରଭୁ ଚକ୍ରପାଣି
Couplet 105
ଶୁଣ ରାଜନ ସତ୍ୟବ୍ରତତୁ ଯେଣୁ ମୋହର ଭକତ
Couplet 106
ଯେ କାର୍ଯ୍ୟେ ମୀନରୂପ ମୋରକହୁଛି ଶୁଣ ନୃପବର
Couplet 107
ତେଣୁ ଅଇଲି ତୋତେ କହିଅଦ୍ଭୁତ ମୀନରୂପ ହୋଇ
Couplet 108
ମାୟାବୀ ପ୍ରଚଣ୍ତ ଦାନବନାମ ଯାହାର ହୟଗ୍ରୀବ
Couplet 109
ବ୍ରହ୍ମାର ବେଦ ହରି ବଳେବେଗେ ପଶିଲା ମହାଜଳେ
Couplet 110
ପ୍ରଳୟ ଜଳେ ମୁଁ ବିହରିସେ ବେଦ ଉଦ୍ଧାରଣ କରି
Couplet 111
ରଖିବି ସଂସାରର ବୀଜହରିବି ହୟଗ୍ରୀବ ତେଜ
Couplet 112
ତୁ ଏବେ ରହ ମୋ ବଚନେଆଜହୁଁ ଗଣି ସାତଦିନେ
Couplet 113
ପ୍ରଳୟ ଜଳେ ତିନିପୁରନାଶିବ ଶୁଣ ନୃପବର
Couplet 114
ଅଠରଖଣ୍ତ ମେଘ ମିଳିସ୍ଫୁରିବ ପ୍ରଚଣ୍ତେ ବିଜୁଳି
Couplet 115
ବହିଣ ଅଣଚାଶ ବାତଆକାଶେ ବିଜୁଳି ପୂରିତ
Couplet 116
ଗଭୀରନାଦେ ମେଘମାଳପ୍ରଚଣ୍ତେ ବରଷିବେ ଜଳ
Couplet 117
କ୍ଷଣକେ ସିନ୍ଧୁ ଉଛୁଳିବଉଲ୍ଲୋଳ ଗଗନେ ମିଳିବ
Couplet 118
ସପତଋଷିଙ୍କ ମଣ୍ତଳେଜଳଧି ଲାଗିବ ଉଲ୍ଲୋଳେ
Couplet 119
ବ୍ରହ୍ମାର ରଜନୀ ହୋଇବଏ ତିନିପୁର ନାଶଯିବ
Couplet 120
ତୁ ଏବେ ମୋର ବୋଲ କରଔଷଧି ବୀଜ ସଙ୍ଗେ ଧର
Couplet 121
ତୋର କୁଟୁମ୍ବଛନ୍ତି ଯେତେସକଳ ଘେନିଣ ସଙ୍ଗତେ
Couplet 122
ଆଜୁହଁ ସପତ ଦିବସେନାବ ମିଳିବ ଆସି ପାଶେ
Couplet 123
ଯେ ନାବ ସମୁଦ୍ରର କୂଳେତୋତେ ମିଳିବ ସନ୍ଧ୍ୟାକାଳେ
Couplet 124
ତୁ ତହିଁ ବସି ସର୍ବ ଘେନିତରିବୁ ବ୍ରହ୍ମାର ରଜନୀ
Couplet 125
ଆଗତକଳ୍ପ ପରିଯନ୍ତେତୁ ଥିବୁ ଋଷିଙ୍କ ସଙ୍ଗତେ
Couplet 126
ସେ ନାବ ମୋର ଶୃଙ୍ଗେ ବାନ୍ଧିମୁହିଁ ବିହରିବି ଜଳଧି
Couplet 127
ବ୍ରହ୍ମା ରଜନୀକାଳ ଯେତେସେ ନାବେ ଥିବୁ ତୁ ନିଶ୍ଚିନ୍ତେ
Couplet 128
ସପତଋଷି ସଙ୍ଗେ ଘେନିବଞ୍ଚିବୁ ବ୍ରହ୍ମାର ରଜନୀ
Couplet 129
ସେ ମହାଜଳେ ଯେବେ ନାବପ୍ରଳୟ ପବନେ କମ୍ପିବ
Couplet 130
ତହିଁକି ନ କରିବୁ ଭୟକହଇ ଶୁଣ ମହାରାୟ
Couplet 131
ମୋହର ଶୃଙ୍ଗେ ସେ ନିଶ୍ଚଳେବନ୍ଧନେ ଥିବ ଯୋଗବଳେ
Couplet 132
ପରମବ୍ରହ୍ମ ମୋ ମହିମାଜାଣି ନ ପାରେ ହରବ୍ରହ୍ମା
Couplet 133
ମୋ ଅନୁଗ୍ରହେ ମୋତେ ଜାଣିସଙ୍କଟୁ ତର ନୃପମଣି
Couplet 134
ଏମନ୍ତ କହି ଚକ୍ରଧରତକ୍ଷଣେ ହୋଇଲେ ଅନ୍ତର
Couplet 135
ଗୋବିନ୍ଦ ଆଜ୍ଞା ଘେନି ଶିରେରାଜା ମିଳିଲେ ସିନ୍ଧୁତୀରେ
Couplet 136
ଘେନାଇ ସର୍ବ ଅଉଷଧିରାଜାର ଯେତେକ ସମୃଦ୍ଧି
Couplet 137
ସମୁଦ୍ରତୀରେ କୁଶ ପାଡ଼ିକପୋଳେ ବେନିକର ଯୋଡ଼ି
Couplet 138
ମୀନରୂପକୁ ଧ୍ୟାନ କରିକୃଷ୍ଣଚରଣ ମନେ ଧରି
Couplet 139
ସମୁଦ୍ରତୀରେ ସେ ରହିଲାଏମନ୍ତେ ସାତଦିନ ଗଲା
Couplet 140
ରାତ୍ରହୁଁ ମେଘ ସଙ୍ଗେ ମିଳିପ୍ରଚଣ୍ତେ ପ୍ରକାଶେ ବିଜୁଳି
Couplet 141
ବହେ ପବନ ଅଣଚାଶଶବଦେ କମ୍ପେ ଦଶଦିଶ
Couplet 142
ଘୋର ଶବଦେ ଜଳରାଶିହସ୍ତୀ-ଶୁଣ୍ଢ ପ୍ରାୟେ ବରଷି
Couplet 143
ସମୁଦ୍ର ଉଛୁଳିଲା ବେଗେଘୋର-ପ୍ରଚଣ୍ତ-ବାତ ଯୋଗେ
Couplet 144
ଗୋବିନ୍ଦ ଆଜ୍ଞା ପରମାଣେନାବ ମିଳିଲା ତତକ୍ଷଣ
Couplet 145
ଋଷିଏ ଶୂନ୍ୟମାଗୁଁ ଆସିରାଜା ସହିତେ ନାବେ ବସି
Couplet 146
ଦେଖିଲେ ସର୍ବ ଅଉଷଧିରାଜାର ଯେତେକ ସମୃଦ୍ଧି
Couplet 147
ସେ ନାବେ ରାଜା ସଙ୍ଗେ ବସିମୁନିଏ ରାଜାକୁ ପ୍ରଶଂସି
Couplet 148
ବୋଲନ୍ତି ତୁମ୍ଭେ ଭାଗ୍ୟବନ୍ତସଙ୍କଟୁ ରଖିଲୁ ଆମ୍ଭନ୍ତ
Couplet 149
ଏବେ ଆମ୍ଭର ବୋଲକରଏ ନାବେ ବିଷ୍ଣୁଙ୍କୁ ସୁମର
Couplet 150
ତୋହର ଭାବେ ସେ ମାଧବଆମ୍ଭଙ୍କୁ ସଙ୍କଟୁ ତାରିବ
Couplet 151
ଏମନ୍ତେ ଋଷିଙ୍କ ବଚନେରାଜା ବସିଲା ବିଷ୍ଣୁଧ୍ୟାନେ
Couplet 152
ତକ୍ଷଣେ ପ୍ରଭୁ ନରହରିମିଳିଲେ ମୀନରୂପ ଧରି
Couplet 153
ଏକଇ ଶୃଙ୍ଗ ଶିରେ ସାଜେରୂପେ ସୂବର୍ଣ୍ଣତେଜ ଗଞ୍ଜେ
Couplet 154
ମେରୁର ପ୍ରାୟେ ଅତିଦମ୍ଭନିୟୁତଯୋଜନ ତା ଲମ୍ବ
Couplet 155
ସେ ଶୃଙ୍ଗେ ନାବ ବାନ୍ଧି ବଳେସେ ରାଜା ବସିଲା ନିଶ୍ଚଳେ
Couplet 156
ସେ ନାବେ ମୁନିଙ୍କ ସଙ୍ଗତେକୃଷ୍ଣଙ୍କୁ ଧ୍ୟାନ କଲା ଚିତ୍ତେ
Couplet 157
ମହାପ୍ରଳୟେ ନାବେ ବସିଗୋବିନ୍ଦ-ବଚନେ ବିଶ୍ୱାସି
Couplet 158
ଆକୁଳେ ଶିରେ କର ଦେଇବୋଲଇ ରଖ ଭାବଗ୍ରାହୀ
Couplet 159
ଏ ଘୋର-ସଙ୍କଟ ତରଣେଶରଣ ଗଲୁ ତୋ ଚରଣେ
Couplet 160
କପୋଳେ ଦେଇ ବେନିକରଗୋବିନ୍ଦ ଚିନ୍ତେ ନୃପବର
Couplet 161
ସପତଋଷିଙ୍କ ବଚନେନିଶ୍ଚଳେ ବସି ଯୋଗଧ୍ୟାନେ
Couplet 162
ମନ-ବଚନ ହୃଦେ ଛନ୍ଦିଚଞ୍ଚଳ ଇନ୍ଦ୍ରିୟ ନିରୋଧି
Couplet 163
ଅନ୍ତରେ ମନ ସ୍ଥିର କଲାସୁମରି ଗୋବିନ୍ଦର ଲୀଳା
Couplet 164
ଆନନ୍ଦ ମନେ ସତ୍ୟବ୍ରତସ୍ତୁବଇ ଯୋଡ଼ି ବେନିହସ୍ତ
Couplet 165
ଭୋ ନାଥ ସଙ୍କଟ ତାରଣତୋ ପାଦେ ପଶିଲି ଶରଣ
Couplet 166
ଅଶେଷ ବ୍ରହ୍ମାଣ୍ତ-ଠାକୁରଏ ଘୋର-ସଙ୍କଟୁ ଉଦ୍ଧର
Couplet 167
ଅନାଦି ଅବିଦ୍ୟାର ବଳେପ୍ରାଣୀ ଭ୍ରମନ୍ତି ଏ ଶୟଳେ
Couplet 168
ଅଶେଷ-ବ୍ରହ୍ମାଣ୍ତ-କାରଣତୋ ପାଦେ ରଖ ନାରାୟଣ
Couplet 169
ଯାବତ ତୋ ପାଦ ନ ଚିନ୍ତେତାବତ ସୁଖୀ କେ ଜଗତେ
Couplet 170
ତୁ ନାଥ ତାପତ୍ରୟୁଁ ତାରୁଅଶେଷ ଗୁରୁଙ୍କର ଗୁରୁ
Couplet 171
ଅଜ୍ଞାନୀଜନ ଏ ଜଗତେବନ୍ଧନ କର୍ମର ଆୟତ୍ତେ
Couplet 172
ସୁଖର ଲୋଭେ ଦୁଃଖେ ପଡ଼େଯାବତ ଭକ୍ତିମାର୍ଗ ହୁଡ଼େ
Couplet 173
ତାବତ ସୁଖ ନାହିଁ ତାରଲଭଇ ଦୁଃଖ ମହାଘୋର
Couplet 174
ଯାବତ ନ ଜାଣଇ ତୋତେତାବତ ଭ୍ରମଇଁ ଜଗତେ
Couplet 175
ତୋହର ମାୟା ଏ ସଂସାରଦୁର୍ଗମ ଘୋର ଅନ୍ଧକାର
Couplet 176
ତୋର ଭଜନ ରବିତ୍ରାସଆତ୍ମାର ତମ କରେ ନାଶ
Couplet 177
ତୁମ୍ଭ ପ୍ରସାଦାୟତ ଲେଶଯେ ଗୁରୁଦେବେ ଅପ୍ରକାଶ
Couplet 178
ସମସ୍ତ ଇନ୍ଦ୍ରିଙ୍କ ପ୍ରକାଶସୁଗତି ତୁମ୍ଭେ କର ଦୃଶ୍ୟ
Couplet 179
ବରଣ କରି ଗୁରୁ କଲୁସକଳ କଳୁଷ ଛେଦିଲୁ
Couplet 180
ମୂର୍ଖକୁ ମୂର୍ଖ କଲେ ଗୁରୁତରିକି ପାରେ ତମଘୋରୁ
Couplet 181
ଏ ଭୟେ ତୋ ପାଦେ ସେବିଲୁଜ୍ଞାନଦୀପକୁ ପ୍ରକାଶିଲୁ
Couplet 182
ତୁମ୍ଭେ ସକଳ ପ୍ରିୟବନ୍ଧୁଗୁରୁର ଜ୍ଞାନେ କୃପାସିନ୍ଧୁ
Couplet 183
ଏ ମହାପ୍ରଭୁ ହୃଦେ ସ୍ଥିତିଜୀବ ନ ଜାଣେ ତୁମ୍ଭ ଗତି
Couplet 184
ହେ ପ୍ରଭୁ ବରଦ ଈଶ୍ୱରତୁମ୍ଭରେ ଶରଣ ମୋହର
Couplet 185
ହୃଦୟ-ମଳ-ଗ୍ରନ୍ଥି ନାଶତୁମ୍ଭର ଶରୀର ପ୍ରକାଶ
Couplet 186
କହନ୍ତି ଶୁକ ମୁନିବରହୃହୟେ ଚିନ୍ତି ଗଦାଧର
Couplet 187
ଏମନ୍ତ ଭାବେ ଦଣ୍ତଧାରୀଚିତ୍ତେ ଅନେକ ସ୍ତୁତି କରି
Couplet 188
ରହିଲା ସମାଧି ନିଶ୍ଚଳେନାବେ ଗୋବିନ୍ଦ ପାଦମୂଳେ
Couplet 189
ଏମନ୍ତେ ଶୁଣ ନୃପମଣିତକ୍ଷଣେ ପ୍ରଭୁ ଚକ୍ରପାଣି
Couplet 190
ପ୍ରଳୟ ଜଳେ ମୀନରୂପହୟଗ୍ରୀବର ହରି ଦର୍ପ
Couplet 191
ଜଳେ ଅସୁର ପ୍ରାଣହରିବ୍ରହ୍ମାର ବେଦକୁ ଉଦ୍ଧରି
Couplet 192
ମିଳିଲେ ନୃପତିର ଆଗେସଦୟଚିତ୍ତେ ଅନୁରାଗେ
Couplet 193
ବୋଲନ୍ତି ରାଜାମୁଖ ଚାହିଁସଂସାରେ ଭାଗ୍ୟବନ୍ତ ତୁହି
Couplet 194
ଏମନ୍ତ କହି ଭଗବାନଆନନ୍ଦେ ଦେଲେ ତତ୍ତ୍ୱଜ୍ଞାନ
Couplet 195
ବୋଇଲେ ଦିବାକର ବଂଶେଜନ୍ମ ଲଭିବୁ ଆୟୁ ଶେଷେ
Couplet 196
ବଇବସ୍ୱତ ମନୁ ହୋଇପ୍ରଜା ପାଳିବୁ ଧର୍ମ ବହି
Couplet 197
ଏ ଜ୍ଞାନେ ତୋହର ଜୀବନମନୁଙ୍କ ମଧ୍ୟ ହେଉ ଧନ୍ୟ
Couplet 198
ଏ ମୋର ମୀନ ଅବତାରଧ୍ୟାନେ ରହିବ ତୋ ଅନ୍ତର
Couplet 199
ତୋହର ତୁଲେ ମୋ ସମ୍ବାଦଶୁଣନ୍ତେ ତୁଟଇ ପ୍ରମାଦ
Couplet 200
ଏମନ୍ତ କହି ଭଗବାନତକ୍ଷଣେ ହେଲେ ଅନ୍ତର୍ଦ୍ଧାନ
Couplet 201
ଅଷ୍ଟମ ସ୍ମନ୍ଧେ ଏ ଚରିତଅମୃତ ରସମୟ ଗୀତ
Couplet 202
ସୁଜନେ ଶୁଣ ଏକଚିତ୍ତେସଂସାରୁ ତରିବ ଯେମନ୍ତେ
Couplet 203
ଖଣ୍ତିବ ଅଶେଷ ଦୁର୍ଗତିସୁଜନେ ଏଣେ କର ମତି
Couplet 204
ବୋଲଇ ବିପ୍ର ଜଗନ୍ନାଥଭାଷା-ପ୍ରବନ୍ଧେ ଭାଗବତ