Adhyaya 22

Couplet 1

ହରଷେ କ‌ହେ ବ୍ୟାସସୁତଶୁଣ ରାଜନ ପରୀକ୍ଷିତ

Couplet 2

ଏମନ୍ତ ବିଷ୍ଣୁ ମୁଖୁଁ ଶୁଣିବଳି କୃତାର୍ଥ ପ୍ରାୟ ମଣି

Couplet 3

ସାଧୁ ସୁମତି ସେ ସ୍ୱଭାବେପ୍ରସନ୍ନ ମନେ ପ୍ରିୟ ଭାବେ

Couplet 4

କର-ଅଞ୍ଜଳି ଶିରେ ଧରିରୋମ-ପୁଲକେ ଅଶ୍ରୁଭରି

Couplet 5

ପ୍ରଣାମ କରି ବିଷ୍ଣୁପାଦେବୋଲେ ଆନନ୍ଦ ଗଦଗଦେ

Couplet 6

ମୋହର ଭାଗ୍ୟ ଏ ଜଗତେଦାନ ମୁଁ ଦେଲି ତୋର ହସ୍ତେ

Couplet 7

ବ୍ରହ୍ମା-ସୃଷ୍ଟିରେ ହୋଇ ଜନ୍ମକେବା ଲଭିବ ଏଡ଼େ କର୍ମ

Couplet 8

ଭୋ ନାଥ ଅନୁଗ୍ରହ ତୋରଦିଗପାଳଙ୍କୁ ଅଗୋଚର

Couplet 9

କମଳା-ଆଶ୍ର‌ୟ ଯେ ପାଦଦୁର୍ଲ୍ଲଭ ଲଭିଲି ପ୍ରସାଦ

Couplet 10

କ‌ହ‌ନ୍ତି ଶୁକ ମୁନିବରଶୁଣ ପାଣ୍ତବ ବଂଶଧର

Couplet 11

ଏମନ୍ତ ବିଷ୍ଣୁପାଦେ କ‌ହିପୁତ୍ର-କଳତ୍ର ସଙ୍ଗେ ଲଇ

Couplet 12

ବଳି ଯେ ବସିଲା ନିଶ୍ଚଳେଗୋବିନ୍ଦ ଶ୍ରୀଚରଣ ତଳେ

Couplet 13

ହୁଙ୍କାର ନାଦ ବେଗେ କରିନାଭିରୁ ପାଦ ଜାତ କରି

Couplet 14

ତାହାର ଶିରେ ପାଦ ଦେଇଚାପିଲେ ବ୍ରହ୍ମାଣ୍ତଗୋସାଇଁ

Couplet 15

ବଳି ଦେଖନ୍ତେ ବେନିଡୋଳେଗୋବିନ୍ଦ ଚାପିଲେ ପାତାଳେ

Couplet 16

ଭକ୍ତବତ୍ସଳ ଭାବଗ୍ରାହୀସୁତଳପୁରେ ଠାବ ଦେଇ

Couplet 17

ତକ୍ଷଣେ ସୁତଳେ ପ୍ରବେଶଶୁଭିଲା ଜୟ ଜୟ ଘୋଷ

Couplet 18

ଇନ୍ଦ୍ରକୁ ଆଣି ତୋଷମନେସ୍ଥାପିଲେ ଅମର ଭୁବନେ

Couplet 19

ଅଦିତି କଲା ପୟୋବ୍ରତସଫଳ କଲେ ଜଗନ୍ନାଥ

Couplet 20

ଦେଖିଣ ନିଜ ନୀତି ଗତିକୃତାର୍ଥ ପ୍ରହଲ୍ଲାଦ ମତି

Couplet 21

ଖଣ୍ତିଲେ ଜଗତ ବିଷାଦବଳି ଲଭିଲା ପଦ୍ମ‌ପାଦ

Couplet 22

ଏମନ୍ତେ ନମି ବିଷ୍ଣୁପାଦେଆନନ୍ଦେ ଅଶ୍ରୁ ଗଦଗଦେ

Couplet 23

ହିରବ୍ୟକଶିପୁ କୁମରବୋଲଇ ଦେଖ ଭାଗ୍ୟ ମୋର

Couplet 24

ଏ ଜଗନ୍ନାଥଙ୍କ ପ୍ରସାଦଲଭି ନ ପାରେ ବ୍ରହ୍ମା ରୁଦ୍ର

Couplet 25

କମଳା ବକ୍ଷସ୍ଥଳେ ବସେକଟାକ୍ଷେ ଜନ‌ଦୁଃଖ ନାଶେ

Couplet 26

ସର୍ବଦା ସମୀପେ ବସଇପ୍ରସାଦ ଲଭି ନ ପାରଇ

Couplet 27

ଯାହା ନ ଲଭେ ବାମଦେବଆନ ବା କେ ତାହା ପାଇବ

Couplet 28

ଯେ ପାଦପଦ୍ମ-ରେଣୁ ଆଶେଯୋଗୀଏ ଯୋଗ ସାଧି ପ୍ରାସେ

Couplet 29

ଅଷ୍ଟାଙ୍ଗ‌ଯୋଗେ ପାଇ ତ୍ରାସଚରଣେ କରୁଥାନ୍ତି ଆଶ

Couplet 30

ସେ କାହିଁ ଲଭିବେ ସେ ଭାବଯାହା ନ ପାନ୍ତି ବ୍ରହ୍ମାଶିବ

Couplet 31

ଏମନ୍ତ ପ୍ରହଲ୍ଲାଦ କ‌ହିବାମ‌ନପାଦେ ଶିର ଦେଇ

Couplet 32

ଦେଖି ସନ୍ତୋଷ ଭଗବାନକ‌ହ‌ନ୍ତି କୋମଳ ବଚନ

Couplet 33

ପ୍ରହ୍ଲାଦ ଶୁଣ ମୋ ଉତ୍ତରଯାଅ ତୁ ସୁତଳ ମନ୍ଦିର

Couplet 34

ଆନନ୍ଦେ ନିଜ ପୌତ୍ର ତୁଲେସୁଖେ ବି‌ହର ଜ୍ଞାତି ମେଳେ

Couplet 35

ମୁଁ ଥିବି ଗଦାପାଣି ହୋଇନିତ୍ୟେ ଦେଖିବୁ ମୋତେ ତୁହି

Couplet 36

ମୋ ଆହାଲ୍ଲାଦ ମୋ ଦର୍ଶନନାଶିବ କର୍ମତ ବନ୍ଧନ

Couplet 37

ବିଷ୍ଣୁର ବଚନ ଶୁଣିଲାଅନେକ ମତେ ସ୍ତୁତି କଲା

Couplet 38

ପ୍ରହ୍ଲାଦ ସଙ୍ଗେ ଦୈତ୍ୟବଳସକଳେ ମିଳିଲେ ସୁତଳ

Couplet 39

ଏବେ ହୋ ଶୁଣ ପରୀକ୍ଷିତଅଦ୍‌ଭୁତ ଗୋବିନ୍ଦ ଚରିତ

Couplet 40

ଏଥୁ ଅନ୍ତରେ ସେ ବାମନଶୁକ୍ରଙ୍କୁ ଆଜ୍ଞା ଦେଲେ ପୁଣ

Couplet 41

ଯାଗର ଶେଷ ତୁମ୍ଭେ କରବଳିକି ନ କର ବିଚାର

Couplet 42

ଯେ ଯଜ୍ଞେ ସନ୍ତୋଷ ଭୃଗୁରନ୍ୟୁନାତିରିକ୍ତ କାହିଁ ତାର

Couplet 43

ଶ୍ରୀକୃଷ୍ଣ ବାକ୍ୟେ ଭୃଗୁ ତୋଷଯଜ୍ଞାବଶେଷ କରି ଶେଷ

Couplet 44

ଯଜ୍ଞାନ୍ତେ ସେ ଯଜ୍ଞପୁରୁଷତକ୍ଷଣେ ହୋଇଲେ ସନ୍ତୋଷ

Couplet 45

ଯଜ୍ଞପୁରୁଷ ରୂପେ ହରିଅନଳ କୁଣ୍ତୁ ଅବତରି

Couplet 46

ଭୃଗୁବଦନ ଚାହିଁ ତୋଷେବୋଲନ୍ତି ସ୍ୱଧର୍ମ ବିଶ୍ୱାସେ

Couplet 47

ଯଜ୍ଞେ ସ୍ୱଭାବେ ବ୍ରହ୍ମା ଆଦିବିପ୍ରେ ଅଛନ୍ତି ବେଦବାଦୀ

Couplet 48

ତାହାଙ୍କୁ ଗଉରବ କରିକ‌ହ‌ନ୍ତି ଯଜ୍ଞରୂପଧାରୀ

Couplet 49

ତୁ ବ୍ରହ୍ମ ସନାତନ ଶିଷ୍ୟଜାଣୁ ତୁ ଏ ଭୂତ ଭବିଷ୍ୟ

Couplet 50

ଆଗମ ନିଗମ ବିଦିତମୁଁ ତ ଦେଖିଲି ବିପରୀତ

Couplet 51

ଯଜ୍ଞ ସଙ୍କଳ୍ପ କଲୁ ହାଦେବଳି ବସିବ ଇନ୍ଦ୍ରପଦେ

Couplet 52

ଏବେ ତୁ କର୍ମଛିଦ୍ର ଦେଖିରହିଲୁ ଯଜ୍ଞକୁ ଉପେକ୍ଷି

Couplet 53

ଯଜ୍ଞ ଲଂଘନ-କର୍ମ କଲେକେମନ୍ତେ ବର୍ତ୍ତିବୁ ତୁ ଭଲେ

Couplet 54

ଏ ଯଜ୍ଞ ତୋହର ଗୋଚରତୁ ଏବେ ପୂର୍ଣ୍ଣାହୁତି କର

Couplet 55

ଫଳ ପାଇବ ଯଜମାନତା କୁଳେ ଥିବ ତୋର ମାନ୍ୟ

Couplet 56

ଯଜ୍ଞପୁରୁଷ ମୁଖୁଁ ଶୁଣିଭୃଗୁ ଅନେକ ସ୍ତୁତି ଭଣି

Couplet 57

ଚାହିଁ ସେ ବାମନ ଚରଣଯଜ୍ଞସ୍ୱରୂପୀ ନାରାୟଣ

Couplet 58

ବୋଲଇ ଯୋଡ଼ି ବେନିକରପୁଲକ ଆନନ୍ଦ ଶରୀର

Couplet 59

ଭୋ ନାଥ ଏ ଯଜ୍ଞ-ଶରୀରଅଶେଷ ଜନ ଉପକାର

Couplet 60

କର୍ମର ଈଶ୍ୱର ତୁ ଯହିଁତା କର୍ମ ଛିଦ୍ରହୋଇ କାହିଁ

Couplet 61

ଯେ ମନ୍ତ୍ର ଆଦି ଦେଶକାଳଯେ ଛିଦ୍ର ହୁଅଇ ସକଳ

Couplet 62

ତୋ ନାମ-କୀର୍ତ୍ତନେ ସଫଳଅଛିଦ୍ର ହୁଅଇ ସକଳ

Couplet 63

ତୁ ପ୍ରଭୁ ସଂସାର-କାରଣନମୋ ନମସ୍ତେ ନାରାୟଣ

Couplet 64

ଏମନ୍ତ ଆଜ୍ଞା ଘେନି ମାଥେଶ୍ରୁବ ଧଇଲା ଦକ୍ଷହସ୍ତେ

Couplet 65

ଋତ୍ୱିଜ ଋଷିଗଣ ସଙ୍ଗେଆହୁତି ଦେଲା ବେଦମାର୍ଗେ

Couplet 66

ଆନନ୍ଦେ ହୋଇ ଦ୍ରବୀଭୂତଭୃଗୁ ହୋଇଲେ କୃତକୃତ୍ୟ

Couplet 67

ଶ୍ରୀକୃଷ୍ଣ ପାଦ କରି ଧ୍ୟାନକ‌ହ‌ନ୍ତି ବ୍ୟାସଙ୍କ ନନ୍ଦନ

Couplet 68

ଏବେ ତୁ ଶୁଣ ହେ ରାଜନବାମନ ରୂପେ ଭଗବାନ

Couplet 69

ବଳିର ହସ୍ତୁ ଘେନି ଦାନକପଟେ ଏ ତିନିଭୁବନ

Couplet 70

ଇନ୍ଦ୍ରକୁ ଇନ୍ଦ୍ରପଦେ ସ୍ଥାପିତିନି ଭୁବନେ ତନୁ ବ୍ୟାପୀ

Couplet 71

ବିଷ୍ଣୁର ଦେଖି ଦିବ୍ୟଗତିସକଳ ଦେବେ ବେଦପ‌ତି

Couplet 72

ଭୃଗୁ-ଅଙ୍ଗିରା ଘେନି ତୁଲେପିତୃ-ରାଜର୍ଷି-ଦ‌କ୍ଷ ମେଳେ

Couplet 73

କୁମାର ମେଳେ ଭୂତପ‌ତିମିଳିଲେ କଶ୍ୟପ-ଅଦିତି

Couplet 74

ଦିଗପାଳଙ୍କ ମଧ୍ୟେ ଆଣିକଳ୍ପକୁସୁମ ଗଙ୍ଗା ପାଣି

Couplet 75

ବାମନେ କରି ଅଭିଷେକସର୍ବସମ୍ପଦେ ମନ ସୁଖ

Couplet 76

ଅଶେଷ ନୃତ୍ୟ-ଗୀତ ବାଦ୍ୟେଇନ୍ଦ୍ରକୁ ସ୍ଥାପି ଇନ୍ଦ୍ରପଦେ

Couplet 77

ସର୍ବସମ୍ପଦ ସଙ୍ଗେ ଘେନିମଙ୍ଗଳ-ବେଦନାଦେ ମୁନି

Couplet 78

ବ୍ରହ୍ମାଶଙ୍କର ତୋଷମନେବାମନେ ବସାଇ ବିମାନେ

Couplet 79

ଆନନ୍ଦେ ପ୍ରଜାପ‌ତି ବୋଲେସକଳେ ସ୍ୱର୍ଗପୁର ଗଲେ

Couplet 80

ଇନ୍ଦ୍ର ବାମନ ଭୁଜବଳେସକଳ ଦିଗପାଳ ମେଳେ

Couplet 81

ନିଶ୍ଚିନ୍ତେ ସ୍ୱର୍ଗେ ସେ ବସିଲାଯେଣୁ ଅଦିତି ବ୍ରତ କଲା

Couplet 82

ଏବେ ହୋ ପରୀକ୍ଷିତ ଶୁଣବ୍ରହ୍ମାଶଙ୍କର ଦେବଗଣ

Couplet 83

ବାମନପଦେ ସ୍ତୁତି କଲେଆନନ୍ଦେ ନିଜପୁରେ ଗଲେ

Couplet 84

ବଳି-ବାମନର ପ୍ରସ୍ତାବେପ୍ରତୋଷେ କ‌ହିଲୁ ତୋ ଭାବେ

Couplet 85

ତୁ ଯେଣୁ ପଚାରିଲୁ ମୋତେବାମନରୂପ ତୋ ଅଗ୍ରତେ

Couplet 86

କ‌ହିଲୁ ଆଦି-ଅନ୍ତ କରିଯେ କ‌ଥା-ଶ୍ରବଣେ ନିସ୍ତରି

Couplet 87

ବିଷ୍ଣୁ-ମହିମା କେ କ‌ହିବଯାହା ନ ଜାଣେ ବ୍ରହ୍ମାଶିବ

Couplet 88

ଭୂମିରେ ରେଣୁ ଅଛି ଯେତେଆକାଶେ ନକ୍ଷତ୍ରେ ସ‌ହିତେ

Couplet 89

ମେଘ-ବରଷା ଯେତେ ଧାରଯେ ବିନ୍ଦୁ ପ୍ରକାଶ ନିହାର

Couplet 90

ଏହା ଗଣି ତ ଅତିରେକେଜଗତେ ଅଛନ୍ତି ନା ଲୋକେ

Couplet 91

ହରି-ମହିମା ସଂଖ୍ୟାକାରୀସଂସାରେ ନାହିଁ ଦେହଧରି

Couplet 92

ଅଦ୍‌ଭୁତ ଚରିତ ବାମନଯେ କରେ ଶ୍ରବଣ କୀର୍ତ୍ତନ

Couplet 93

ସକଳ ବିଘ୍ନ ନାଶ ଯାଇଅନ୍ତେ ପରମଗତି ପୈ

Couplet 94

ସେ ହରି ଚରଣପଙ୍କଜେବ୍ରାହ୍ମଣ ଜଗନ୍ନାଥ ଭଜେ