Adhyaya 21

Couplet 1

କ‌ହ‌ନ୍ତି ଶୁକମୁନି ହସିଶୁଣ ପାଣ୍ତବବଂଶ-ଶଶୀ

Couplet 2

ରାଜନ ଶୁଣ ସ୍ଥିର ହୋଇହରିଚରଣେ ମନ ଦେଇ

Couplet 3

ବଳିକି ହରି ଯେତେବେଳେବନ୍ଧନ କଲେ ଦାନ‌ଛଳେ

Couplet 4

ବନ୍ଧନ-ଦୁଃଖେ ବଳି ମନସାତ୍ତ୍ୱିକେ ନ ଭଜିଲା ଛନ୍ନ

Couplet 5

ବିଷ୍ଣୁର ପାଦେ ମନ ଦେଇକ‌ହ‌ନ୍ତି ଶ୍ରୀମୁଖକୁ ଚାହିଁ

Couplet 6

ଭୋ ନାଥ ମୋର ବାକ୍ୟ ଯେବେମୁହିଁ ଲଂଘିବି ମୂଢ଼ ଭାବେ

Couplet 7

ଏ କଥା କେବେହେଁ ନ ଘଟେଯେତେ ଜୀବନ ମୋର ତୁଟେ

Couplet 8

ତୃତୀୟପାଦ ତୋର ହସ୍ତେଦେଇ ମୁଁ ଲଂଘିବି କେମନ୍ତେ

Couplet 9

ଚରଣ ଅଛି ଯେବେ ତୋରଭୋ ନାଥ ଦିଅ ମୁଣ୍ତେ ମୋର

Couplet 10

ନରକେ ମୋର ଭୟ ନାହିଁପାଶ-ବନ୍ଧନେ ନ ଡରଇ

Couplet 11

ତୋର ନିଗ୍ରହେ ନାହିଁ ଭୟଅସାଧୁବାଦେ ମୋର ଭୟ

Couplet 12

ତୋ ଅନୁଗ୍ରହ ଯାରେ ହୋଏସେ ପ୍ରାଣୀ ସର୍ବଦୁଃଖ ସ‌ହେ

Couplet 13

ତୁ ନାଥ ଅସୁରଙ୍କ ପକ୍ଷେପରୋକ୍ଷ-ଗୁରୁ ତୁ ପ୍ରତ୍ୟକ୍ଷେ

Couplet 14

ଆମ୍ଭର ଚକ୍ଷୁ ମଦେ ଅନ୍ଧସତ୍ୟ ଯେ ମଣୁ ଏ ସମ୍ପଦ

Couplet 15

ଏ ମତେ ଅଞ୍ଜନ ସଦୃଶଦୟାରେ କରୁ ତୁ ପ୍ରକାଶ

Couplet 16

ବଇରୀ କରି ତୋ ବିଷୟେପୂର୍ବେ ଯେ ଥିଲେ ମହାରାୟେ

Couplet 17

ଅନ୍ତେ ଲଭିଲେ ତୋ ଚରଣଯେ ଗତି ମୁନି-ସିଦ୍ଧଗଣ

Couplet 18

ତୁ ନାଥ ମୋତେ ଦୟା କଲୁବରୁଣପାଶେ ଯା ବାନ୍ଧିଲୁ

Couplet 19

ନିଗ୍ରହ କରୁ ଯେତେ ମୋତେସେ ଭୟ ନାହିଁ ମୋର ଚିତ୍ତେ

Couplet 20

ତୋ ଭକ୍ତ ମୋର ପିତାମହସାଧୁ ସୁଗୁଣ ମହାଶୟ

Couplet 21

ତୋର ଚରଣେ ଆଶ୍ରେ କରିପିତାର ଦଣ୍ତରୁ ନିସ୍ତରି

Couplet 22

ଜାଣଇ ମିଥ୍ୟା ଏ ସଂସାରକେ ମିତ୍ର ବନ୍ଧୁ କେବା ପର

Couplet 23

କେବା ଜନ‌ନୀ ଭ୍ରାତା ତାତକିବା ସମ୍ପଦ ଏ ଜଗତ

Couplet 24

ପତ୍ନୀ ତନୟ କେହି ନୋହେସର୍ବେ ଯନ୍ତ୍ରିତ ମାୟା ମୋହେ

Couplet 25

ଏ ଯେତେ ସଂସାର ଦେଖଇଜନ୍ମ ମରଣେ ହେତୁ ତୁହି

Couplet 26

ସେ ପୁଣି ଏମନ୍ତ ବିଚାରିତୋ ପାଦ ଚିତ୍ତ ଦୃଢ଼ କରି

Couplet 27

ଅନ୍ତେ ପଶିଲା ତୋର ପାଦେମାୟାକୁ ଜିଣି ଅପ୍ରମାଦେ

Couplet 28

ରହିଲା ପାରିଷଦ ହୋଇଜନ୍ମ-ମରଣ ଆର କାହିଁ

Couplet 29

ତୋର ମହିମା ଭାବଗ୍ରାହୀମୁଁ ମୂଢ଼ ଜାଣିବି ତା କାହିଁ

Couplet 30

କ‌ହ‌ନ୍ତି ଶୁକ ବ୍ରହ୍ମ‌ଯତିଶୁଣ ହେ ଉତ୍ତରା-ସନ୍ତ‌ତି

Couplet 31

ଏମନ୍ତେ କ‌ହୁଁ କ‌ହୁଁ ବଳିପ୍ରତ୍ୟକ୍ଷେ ଯେସନେ ବିଜୁଳି

Couplet 32

ଗ‌ଗନେ ଶୁଭେ ଶଙ୍ଖନାଦତକ୍ଷଣେ ମିଳେ ପ୍ରହଲ୍ଲାଦ

Couplet 33

ବଳି ନମିଲା ତାଙ୍କୁ ଦେଖିବାମନ-ସଙ୍ଗତ ଉପେକ୍ଷି

Couplet 34

ବିଷ୍ଣୁର ପ୍ରାୟେ ତାର ତେଜତୁଲ୍ୟ ନୋହିବେ ଗ୍ରହରାଜ

Couplet 35

ପୀଥବସନ ପରିଧାନସୁନ୍ଦର ନଳିନ ନୟନ

Couplet 36

ଆଜାନୁ ବେନିନାହୁ ଶୋହେରୂପେ ଅନଙ୍ଗ ସମ ନୋହେ

Couplet 37

ବଳି ଆନନ୍ଦ ଗଦଗଦେକଣ୍ଠେ କୁଣ୍ଠିତ-ବାକ୍ୟ ରୁନ୍ଧେ

Couplet 38

ଚରଣେ ଦଣ୍ତବତ ହୋଇମନ-କଳ୍ପିତେ ଅର୍ଘ୍ୟ ଦେଇ

Couplet 39

ରହିଲା ପିତାମହ ପାଶେବାମନ-ଅନୁଗ୍ରହ ଆଶେ

Couplet 40

ସେ ପ୍ରହଲ୍ଲାଦ ଅତି ବେଗେନମିଲା ବିଷ୍ଣୁପାଦ‌ଯୁଗେ

Couplet 41

ନୟନେ ଅଶ୍ରୁଜଳ ଭରିକର-ଅଞ୍ଜଳି ଶିରେ ଧରି

Couplet 42

ଆନନ୍ଦେ ଶୋକ ଗଦଗଦସ୍ତୁତି କରଇ ପ୍ରହଲ୍ଲାଦ

Couplet 43

ତୁ ନାଥ ଅନୁଗ୍ରହ ମନେଏହାକୁ ସ୍ଥାପି ଇନ୍ଦ୍ରାସନେ

Couplet 44

ପୁଣି ଭ୍ରମାଉ ସୁଖସ୍ଥାନୁଯେଣୁ ହୋଇଲା ତୋର ମନ୍ୟୁ

Couplet 45

ନିଶ୍ଚୟ କଲୁ ଅନୁଗ୍ରହଯେଣୁ ନାଶିଲୁ ମାୟାମୋହ

Couplet 46

ନମସ୍ତେ ଜଗତ ଈଶ୍ୱରନମସ୍ତେ ଶଙ୍ଖ-ଚକ୍ରଧର

Couplet 47

ତୁ ନାରାୟଣ ବିଶ୍ୱଗୁରୁମହାମହିମ ମହାମେରୁ

Couplet 48

ତୁ ନାରାୟଣ ବିଶ୍ୱରୂପୀବିଶ୍ୱସମ୍ଭୂତ ବିଶ୍ୱବ୍ୟାପି

Couplet 49

ଆତ୍ମାପ୍ରକାଶ ସର୍ବଭୂତେଭୋ ନାଥ ନମସ୍ତେ ନମସ୍ତେ

Couplet 50

ପ୍ରହଲ୍ଲାଦର ଭକ୍ତି ଦେଖିହିରଣ୍ୟଗର୍ଭ ମନେ ସୁଖୀ

Couplet 51

ବେଗେ ନମିଲେ ବିଷ୍ଣୁପାଦେଚତୁରସୁଖେ ବେଦନାଦେ

Couplet 52

ବଳିର ପତ୍ନୀ ଆସେ ବେଗେବିଷ୍ଣୁଚରଣେ ଅନୁରାଗେ

Couplet 53

ସ୍ୱାମୀ କଷଣେ ଅତି ଦୁଃଖୀସ୍ତୁତି କ‌ରଇ ଅଶ୍ରୁମୁଖୀ

Couplet 54

ଭୋ ନାଥ ନିଜ କ୍ରୀଡ଼ାଅର୍ଥେତୋର ପ୍ରକାଶ ଏ ଜଗତେ

Couplet 55

ତୋହର ମହିମା ନ ଜାଣିଗର୍ବ ବ‌ହ‌ନ୍ତି ଯେତେ ପ୍ରାଣୀ

Couplet 56

ଜ୍ଞାନ ହରାନ୍ତି ସୁଖଭୋଳେସେ କାହିଁଥିବେ ଏ ଶୟଳେ

Couplet 57

ତୋ ପାଦ ସର୍ବ ସୁଖଘରଆମ୍ଭଙ୍କୁ ଅନୁଗ୍ରହ କର

Couplet 58

ବ୍ରହ୍ମା ବାମନ ମୁଖ ଚାହିଁସ୍ତୁବନ୍ତି ଶିରେ କର ଦେଇ

Couplet 59

ଭୂତଭାବନ ଭୂତଈଶହେ ଦେବଦେବ ଜଗଦୀଶ

Couplet 60

ଏହାକୁ ନିଗ୍ରହ ତୁ କଲୁସକଳ ସମ୍ପଦ ହରିଲୁ

Couplet 61

ସର୍ବସମ୍ପଦ ଦେଇ ତୋତେଭ୍ରାନ୍ତି ନ କଲା କିଛି ଚିତ୍ତେ

Couplet 62

ନିର୍ମଳ ଚିତ୍ତେ ତୋର ପାଦେଅର୍ଘ୍ୟ ନିବେଶି ଅପ୍ରମାଦେ

Couplet 63

ତ୍ରିଲୋକଦାନ ତୋତେ ଦେଲାଚିତ୍ତେ ବିଷାଦ ନ ଚିନ୍ତିଲା

Couplet 64

ତୁ ନାଥ ବସୁ ସର୍ବଭୂତେଏହାକୁ ବାନ୍ଧିଲୁ କେମନ୍ତେ

Couplet 65

ତୁ ନାଥ ସର୍ବଚିତ୍ତ ଜାଣୁକେ ତୋର ମହିମା ବଖାଣୁ

Couplet 66

ବ୍ରହ୍ମା ବଚନ ଶୁଣି ହରିବଳିକି ଚିତ୍ତେ ଦୟା କରି

Couplet 67

ବୋଲନ୍ତି ପ୍ରଭୁ ଭଗବାନବିଧାତା ଶୁଣ ମୋ ବଚନ

Couplet 68

ମୁଁ ଯାକୁ ଅନୁଗ୍ରହ ବ‌ହିତା ସର୍ବ ସମ୍ପଦ ହ‌ରଇ

Couplet 69

ଯେ ଅର୍ଥ-ମଦେ ମତ୍ତ ହୋଇପର ଅପର ନ ଜାଣଇ

Couplet 70

ମୁଁ ଯେ ବସଇ ସର୍ବଭୂତେମୋତେ ନ ଗଣେ ଗର୍ବଚିତ୍ତେ

Couplet 71

ଏ ଜୀବଆତ୍ମା ନିଜ କର୍ମେମାୟାରେ ସର୍ବଭୂତେ ଭ୍ରମେ

Couplet 72

ନାନା-ଯୋନିରେ ଜନ୍ମ ହୋଏଜ୍ଞାନ ନ ଲଭେ ମାୟାମୋହେ

Couplet 73

ଜନ୍ମ କରମ ବୟ ରୂପବିଦ୍ୟା ଐଶ୍ୱର୍ଯ୍ୟ ଧନାଧିପ

Couplet 74

ଏ ଭାବେ ଯାର ଗର୍ବ ନାହିଁମୋହର ଅନୁଗ୍ରହ ତ‌ହିଁ

Couplet 75

ଯେ ଜନ ମାନ‌ଗର୍ବ ବ‌ହେଧନ ସମ୍ପଦ ରୂପ ଦେହେ

Couplet 76

ସେ ମୋତେ ଜାଣିବ କେମନ୍ତେମାୟା-ମୋହିତ ଅବିରତେ

Couplet 77

ଏ ଯେ ଦାନବ ଦୈତ୍ୟରାଜାନିଜ ସ୍ୱଭାବେ ମହାତେଜା

Couplet 78

ଅସୁରବୁଦ୍ଧି ନ ଘେନିଲାଗୁରୁବଚନ ନ ମାନିଲା

Couplet 79

ବନ୍ଧୁ-ବାନ୍ଧବ-ଜ୍ଞାତି ଯେତେଏହାଙ୍କୁ ଛାଡ଼ିଲେ ସମସ୍ତେ

Couplet 80

କେବେ ହେଁ ସତ୍ୟ ନ ଛାଡ଼ିଲାମୋର ବଚନେ ମନ ଦେଲା

Couplet 81

ଏ ଭୂମିଦାନ ଦେଲା ମୋତେଏ ଲୋକେ ଥିବ ଏ କେମନ୍ତେ

Couplet 82

ଏହାକୁ ଦେବି ଦିବ୍ୟସ୍ଥାନସ୍ୱର୍ଗ‌ହୁଁ ଦୁର୍ଲ୍ଲଭ ଭୁବନ

Couplet 83

ନିର୍ମିତ ବିଶ୍ୱକର୍ମା ପୁରଦେବ-ଦାନ‌ବେ ଅଗୋଚର

Couplet 84

ଯେ ପୁରେ ଆଧି-ବ୍ୟାଧି ନାହିଁକାଳର ତେଜ ନ ଲାଗଇ

Couplet 85

ସେ ପୁରେ ଥିବ ଏ ନିଶ୍ଚିନ୍ତେସାବର୍ଣ୍ଣିମନୁ ପରିଯନ୍ତେ

Couplet 86

ସେ ମନୁକାଳେ ସ୍ୱର୍ଗପୁରେବସିବ ଅମର ଶରୀରେ

Couplet 87

ଇନ୍ଦ୍ର ହୋଇବ ସ୍ୱର୍ଗଦେଶେମୁଁ ଏବେ ଥିବି ଏହା ପାଶେ

Couplet 88

ନିଶ୍ଚିନ୍ତେ ଥାଉ ଏ ସୁତଳେଦାରା ତନୟ ଜ୍ଞାତି ମେଳେ

Couplet 89

ଧନ ହିଁ ଥିବ ଅପ୍ରମିତଶତ୍ରୁ ନୋହିବ ଉପଗତ

Couplet 90

ସୁଦରଶନ ତା ଅଗ୍ରତେଆବୋରିଥିବ ଅବିରତେ

Couplet 91

ଦୈତ୍ୟଦାନବ ତାର ସଙ୍ଗେନିରତେ ଥିବେ ମନରଙ୍ଗେ

Couplet 92

ମୁହିଁ ଯେ କରେ ଗଦା ଧରିଥିବଇଁ ତା ପୁର ଆବୋରି

Couplet 93

ନିରତେ ଦେଖୁଥିବ ମୋତେଥିବି ମୁଁ ଏହାର ଅଗ୍ରତେ

Couplet 94

ଏମନ୍ତ କ‌ହି ଭଗବାନଫେଡ଼ିଲେ ବଳିର ବନ୍ଧନ

Couplet 95

ସେ ହରିଚରଣ ପଙ୍କଜେବ୍ରାହ୍ମଣ ଜଗନ୍ନାଥ ଭଜେ