Skandha 8
Adhyaya 19
Couplet 1
ଶୁକ କହନ୍ତି ମୃଦୁବାଣୀଶୁଣ ପାଣ୍ତବ-ଚୂଡ଼ାମଣି
Couplet 2
ବଳି ଯେ ଅସୁରଙ୍କ ପତିସ୍ୱଭାବେ ଧର୍ମେ ଶୁଦ୍ଧମତି
Couplet 3
କୁଳ ଆଚାର୍ଯ୍ୟ ବାକ୍ୟ ଶୁଣିଧର୍ମ ଅଧର୍ମ ମନେ ଗୁଣି
Couplet 4
ତୁନି ହୋଇଲା କ୍ଷଣମାତ୍ରଶିଥିଳେ କମ୍ପମାନ ଗାତ୍ର
Couplet 5
କ୍ଷଣକେ ଗୁରୁ ମୁଖ ଚାହିଁବୋଲଇ ଶିରେ କର ଦେଇ
Couplet 6
ଭୋ ଗୁରୁ ସତ୍ୟ ତୁମ୍ଭ କଥାଗୃହସ୍ଥ ଧର୍ମର ବ୍ୟବସ୍ଥା
Couplet 7
ଯେ ଧର୍ମେ ଅର୍ଥ କାମ ଯଶବୃତ୍ତି ସହିତେ ଯିବ ନାଶ
Couplet 8
ଏବେ ମୁଁ ଧନେ ହୋଇ ଲୋଭୀବିପ୍ରଙ୍କୁ କେମନ୍ତେ ଲଂଘିବି
Couplet 9
ସର୍ବଦେବତା ବିଷ୍ଣୁ ଦେହେବ୍ରାହ୍ମଣ ଦେହେ ବିଷ୍ଣୁ ରହେ
Couplet 10
ଏକ ବିପ୍ରଙ୍କୁ ବଞ୍ଚାଇଲେବ୍ରହ୍ମାଣ୍ତ ନାଶ ଯାଇ ଭଲେ
Couplet 11
ମୁଁ ପ୍ରହଲ୍ଲାଦ ବଂଶେ ଜାତଏ କଥା ଜଗତେ ବିଖ୍ୟାତ
Couplet 12
କେମନ୍ତେ ସତ୍ୟବାକ୍ୟ କହିକପଟ କରି ମାୟା ବହି
Couplet 13
ଲଂଘିବି ପାପ-କର୍ମ-ବଳେଅଯଶ ଲଭିବି ଶୟଳେ
Couplet 14
ସତ୍ୟ ଉପରେ ଧର୍ମ ନାହିଁଏ କଥା ଭୂମି ଅଛି କହି
Couplet 15
ସର୍ବ ଅପ୍ରାଧ ସହିପାରେମିଥ୍ୟାର ଭାରେ ମୁହିଁ ଡରେ
Couplet 16
ଅଧର୍ମ କରନ୍ତି ଯେ ଜନେନରକେ ପଡ଼ନ୍ତି ସେମାନେ
Couplet 17
ନ ଡ଼ରେ ଦୁଃଖ ପାରାବାରେନରକେ କିବା ମରଣରେ
Couplet 18
ସ୍ୱସ୍ଥାନ ଭ୍ରଷ୍ଟେ ନାହିଁ ତପବିପ୍ର-ଲଂଘନେ ମହାପାପ
Couplet 19
ଏ ଭୂମି ଛାଡ଼ି ଅନ୍ତକାଳେମୁହିଁ ଗମିବି ଅନ୍ତରାଳେ
Couplet 20
ଏ ଭୂମି ବିପ୍ର କରେ ଦେଇକେମନ୍ତେ ଲଂଘିବଇଁ ମୁହିଁ
Couplet 21
ପ୍ରାଣୀଙ୍କ ହିତେ ସାଧୁଜନତ୍ୟଜନ୍ତି ଏ ଧନ-ଜୀବନ
Couplet 22
ଦଧୀଚି ଆଦି ଋଷି ଯେତେପୂର୍ବେ ଯେ ସାଧବ ସମସ୍ତେ
Couplet 23
ପୃଥିବୀ ଆତ୍ମବଶ କଲେସଙ୍ଗତେ କିବା ଘେନିଗଲେ
Couplet 24
ମୋହର ବଂଶର ଅସୁରେଏ ଭୂମି ମଧ୍ୟେ ଯେତେ ଥିଲେ
Couplet 25
ସେ ସର୍ବ କାଳେ ଅସ୍ତ ଗଲେଯଶ ରହିଲା ମହୀତଳେ
Couplet 26
ସମରେ ଯେ ବୀରେ ପଶନ୍ତିଆତ୍ନ-ବିଚାର ନ କରନ୍ତି
Couplet 27
ଯେ ତୀର୍ଥେ ତ୍ୟଜନ୍ତି ଶରୀରସ୍ୱଧର୍ମେ କରନ୍ତି ବିଚାର
Couplet 28
ଯେ ସତପାତ୍ରେ ଦ୍ୟନ୍ତି ଦାନସେ ସର୍ବେ ସାତ୍ତ୍ୱିକ-ଜୀବନ
Couplet 29
ଏ ସତ୍ୟ-ଧର୍ମ ଦୂର କରିତୁମ୍ଭ ବଚନ ମନେ ଧରି
Couplet 30
ଏ ମୋର ଶରୀର ନଥିବଏଥକୁ ସାକ୍ଷୀ ସଦାଶିବ
Couplet 31
ବ୍ରହ୍ମାର ବଂଶେ ଜାତ ହୋଇଏମନ୍ତ କହ କାହିଁପାଇଁ
Couplet 32
ନିଶ୍ଚେ ଧରଣୀ ଦେବି ଦାନଏଥକୁ ସାକ୍ଷୀ ଭଗବାନ
Couplet 33
ବେଦ-ବିଧାନ ଯେ ଜାଣନ୍ତିଆତ୍ମାକୁ ସର୍ବଭୂତେ ଚିନ୍ତି
Couplet 34
ଅନେକ ଯଜ୍ଞମତେ ଚିନ୍ତିଯାର ଚରଣ ନ ଲଭନ୍ତି
Couplet 35
ସେ ହରି ମୋତେ ଦୟା କରୁଅଥବା ଶରୀର ସଂହାରୁ
Couplet 36
ତହିଁକି ଚିନ୍ତା ମୋର ନାହିଁବିପ୍ରେ ଧରଣୀ ଦେବି ମୁହିଁ
Couplet 37
ଅଧର୍ମ-ମାର୍ଗେ ଯେବେ ମୋତେବିପ୍ର ମାରିବ କୋପଚିତ୍ତେ
Couplet 38
ଏ ବ୍ରହ୍ମତନୁ ଇଷ୍ଟ ମୋରମୁଁ ତ ଏହାର ନିର୍ବଇର
Couplet 39
ଛଦ୍ମେ ବ୍ରାହ୍ମଣ ରୂପ ଧରିବିଷ୍ଣୁ ମୋ ସଙ୍ଗେ ବାଦ କରି
Couplet 40
ଯେବେ ମାରିବେ ଯୁଦ୍ଧେ ମୋତେମୋ ତହୁଁ ଧନ୍ୟ କେ ଜଗତେ
Couplet 41
ବ୍ୟାସତନୟ କହେ ଧୀରଶୁଣ ପରୀକ୍ଷ ମହୀଧର
Couplet 42
ଏମନ୍ତ ଶୁଣି ବଳି ମୁଖେସେ ଭୃଗୁସୁତ ମନଦୁଃଖେ
Couplet 43
ବଳିର ସତ୍ୟକଳ୍ପ ଦେଖିକ୍ରୋଧେ ଅରୁଣ କଲା ଆଖି
Couplet 44
କଟାକ୍ଷ ନୟନେ ଅନାଇଁମୁଖେ କି ଅନଳ ଜଳଇ
Couplet 45
ନିର୍ଘାତେ କମ୍ପିତ-ନିଃଶ୍ୱାସେବଳିକି ଶାପ ଦେଲା ରୋଷେ
Couplet 46
ତୁ ସତ୍ୟସନ୍ଧ ନୃପମଣିମୋହର ମହିମା ନଜାଣି
Couplet 47
ଗର୍ବ ବହିଲୁ ଯେବେ ଦୁଷ୍ଟସର୍ବ ସମ୍ପଦୁ ହୁଅ ଭ୍ରଷ୍ଟ
Couplet 48
ଏମନ୍ତେ ଗୁରୁଶାପ ପାଇଧରଣୀ-ଦାନେ ମନଦେଇ
Couplet 49
ବାମନ ବେନିପାଦ ଧରିବିଧିପୂର୍ବକ ପୂଜା କରି
Couplet 50
ବଳିର ପତ୍ନୀ ବିନ୍ଧ୍ୟାବଳୀକଣ୍ଠେ ଭୂଷଣ ରତ୍ନମାଳୀ
Couplet 51
ଉଦକେ ପୂର୍ଣ୍ଣ ଘଟ ବେଗେଘେନି ମିଳିଲା ସ୍ୱାମୀ ଆଗେ
Couplet 52
ବଳି ବାମନପାଦ ଯୁଗେଜଳ ଢାଳିଲା ନେଇ ବେଗେ
Couplet 53
ପାଦଉଦକ ଘେନି ଶିରେଆନନ୍ଦ ପୁଲକ ଶରୀରେ
Couplet 54
ଯେ ଜଳ ଭୁବନପାବିନୀକାନ୍ତକାମିନୀ ଶିରେ ଘେନି
Couplet 55
କୃତାର୍ଥ ହୋଇ କରଯୋଡ଼ିକିଙ୍କର ପ୍ରାୟେ ପାଦ ପଡ଼ି
Couplet 56
ଆନନ୍ଦ-ସାଗରେ ବୁଡ଼ିଲେଶୂନ୍ୟେ ଯେ ଦେବେ ଦେଖୁଥିଲେ
Couplet 57
ଗନ୍ଧର୍ବଗଣ ବିଦ୍ୟାଧରସୁସିଦ୍ଧ ଚାରଣ କିନ୍ନର
Couplet 58
କରନ୍ତି ଜୟ ଜୟ ବାଣୀକୁସୁମ କଳ୍ପବୃକ୍ଷୁ ଆଣି
Couplet 59
ସିଞ୍ଚିଣ ସନ୍ଦାକିନୀ-ବାରିପୁଷ୍ପ ବରଷି ସ୍ତୁତି କରି
Couplet 60
ସହସ୍ର ଦୁନ୍ଦୁଭି ଶବଦବଜାନ୍ତି ଚତୁର୍ବିଧ ବାଦ୍ୟ
Couplet 61
ନୃତ୍ୟ କରନ୍ତି ଅପସରୀମଙ୍ଗଳ ନାଦେ ମୋଦଭରି
Couplet 62
ଆଗରେ ଉଭା ତାର ବାଣୀବଳି ଘେନିଲା କୁଶ ପାଣି
Couplet 63
ବେଦ-ବଚନେ ବାକ୍ୟ କରିକାନ୍ତ-କାମିନୀ ମୋଦଭରି
Couplet 64
ବାମନ କଲେ ବେଦନାଦଧରଣୀ ଦେଲା ତିନିପାଦ
Couplet 65
ଆତ୍ନସନ୍ତୋଷେ ଯେତେ ଧନଦକ୍ଷିଣା ଦେଲା ଯଜମାନ
Couplet 66
ତାର ଦୁର୍ଲ୍ଲଭ କଥା ଶୁଣିଦେବେ କରନ୍ତି ଜୟବାଣୀ
Couplet 67
ବାମନ କରେ ଜଳ ଘେନିପାଦକେ ଢାଙ୍କିଲେ ଅବନୀ
Couplet 68
ବାମନ ବଳି-ମୁଖ ଚାହିଁବୋଲନ୍ତି ଆଉ ମହୀ କାହିଁ
Couplet 69
ବଳି ବୋଇଲା ଦେବି ସ୍ୱର୍ଗବାମନ ପାଦ ଦେଲେ ବେଗ
Couplet 70
ଦ୍ୱିତୀୟ ପାଦେ ସ୍ୱର୍ଗ ଝାମ୍ପେଘୋର-ଶବଦେ ଦିଗ କମ୍ପେ
Couplet 71
ଅଦ୍ଭୁତ ବାମନ ଶରୀରପୂରିଲା ସ୍ୱର୍ଗ-ଅଭ୍ୟନ୍ତର
Couplet 72
ବଳି ଯେ ଆଚାର୍ଯ୍ୟ ସହିତେଅଛନ୍ତି ବାମନ ଅଗ୍ରତେ
Couplet 73
ଦେଖଇ ବାମନ ଶରୀରଦେବଦାନବେ ଅଗୋଚର
Couplet 74
ନିର୍ଗୁଣ ଆତ୍ମା ସେ ସ୍ୱଭାବେକିବା ଉପମା ଦେବା ଏବେ
Couplet 75
ବେନିଚରଣ ଭୂ-ଆକାଶେପର୍ବତଗଣ ଜଂଘଦେଶେ
Couplet 76
ବିହଙ୍ଗଗଣ ଜାନୁମୂଳେଉଡ଼ନ୍ତି ଜନ୍ତୁ ଅନ୍ତରାଳେ
Couplet 77
ସନ୍ଧ୍ୟା ଦିଶଇ ବସ୍ତ୍ରପ୍ରାୟେନିଜ ସ୍ୱଭାବେ ବିଶ୍ୱକାୟେ
Couplet 78
ଗୁହ୍ୟଦେଶରେ ପ୍ରଜାପତିଜଘନେ ଅସୁରେ ବସନ୍ତି
Couplet 79
ନାଭି ପ୍ରଦେଶେ ନଭ ଦିଶେସପତ ସିନ୍ଧୁ କୁକ୍ଷିଦେଶେ
Couplet 80
ଊରେ ବିରାଜେ ତାରାଗଣଯେହ୍ନେ ଅଳଙ୍କାର-ଭୂଷଣ
Couplet 81
ଧର୍ମ ବିରାଜେ ହୃଦମଧ୍ୟେନିଜ ଶରୀର ଅଧଊର୍ଦ୍ଧ୍ୱେ
Couplet 82
ସ୍ତନମଣ୍ତଳେ ଊତ-ସତ୍ୟମନେ ନିବାସ ନିଶାନାଥ
Couplet 83
କମଳା ହୃଦୟେ ବିରାଜେବେନି କମଳ କରେ ସାଜେ
Couplet 84
କଣ୍ଠେ ବିରାଜେ ସାମବେଦଆବର ଯେ ଅବା ଶବଦ
Couplet 85
ବାସବ ଆଦି ଦିଗପାଳେଭୁଜେ ବସନ୍ତି ଅନ୍ତରାଳେ
Couplet 86
ଗଗନ ଦିଶେ ଶିର ଦେଶେମେଘେ ଦିଶନ୍ତି କେଶପାଶେ
Couplet 87
ନାସିକା ମଧ୍ୟେ ହୋଇ ଶ୍ୱାସବହେ ପବନ ଅଣଚାଶ
Couplet 88
ବେନି ଲୋଚନେ ରବି ଦିଶେବଦନେ ଅନଳ ପ୍ରକାଶେ
Couplet 89
ସପତ ଛନ୍ଦ ବାଣୀ ଦେଶେଜିହ୍ୱାରେ ବରୁଣ ପ୍ରକାଶେ
Couplet 90
ବିଧି ନିଷେଧ ଭୂରୁ ଦେଶେରାତ୍ର ଦିବସ ପକ୍ଷ୍ମେ ଦିଶେ
Couplet 91
ଲଲାଟେ କ୍ରୋଧ ପ୍ରକାଶଇଅଧର ଓଷ୍ଠେ ଲୋଭ ବହି
Couplet 92
ସ୍ପରଶେ କନ୍ଦର୍ପ ରହଇରେତେ ସଲିଳ ବିରାଜଇ
Couplet 93
ଅଧର୍ମ ପୃଷ୍ଠ ଦେଶେ ରହେକ୍ରମଣ ମାର୍ଗେ ଯଜ୍ଞ ଶୋହେ
Couplet 94
ଛାୟାରେ ମୃତ୍ୟୁ ବିରାଜଇହସିତ ମାୟାରେ ବସଇ
Couplet 95
ବୃକ୍ଷ-ଔଷଧି ରୋମଗଣଆଶ୍ରିତ ନାନା ପୁଷ୍ପବନ
Couplet 96
ନଦୀ-ସମୂହ ନାଡ଼ୀଦେଶେଅଚଳକୁଳ ନଖେ ବସେ
Couplet 97
ବ୍ରହ୍ମା ବିରାଜେ ବୁଦ୍ଧି ମଧ୍ୟେପ୍ରାଣେ ଦେବତା-ଊଷି ସାଧ୍ୟେ
Couplet 98
ସ୍ଥାବର ଜଙ୍ଗମ ସହିତେକୀଟ ପତଙ୍କ ଦିଶେ ଗାତ୍ରେ
Couplet 99
ସର୍ବାଙ୍ଗେ ଦିଶେ ତିନିପୁରଦେବମାନବେ ଅଗୋଚର
Couplet 100
ନିଜ ଆୟୂଧ ଅଷ୍ଟଭୁଜେଶଙ୍ଖ କମଳ ଚକ୍ର ସାଜେ
Couplet 101
ଗଦା ସାରଙ୍ଗ ଅସିବରତୂଣ ଅକ୍ଷୟ ବାଣ ଶର
Couplet 102
ସୁନନ୍ଦ ଆଦି ପାରିଷଦେସମୀପେ ଖଟନ୍ତି ଆନନ୍ଦେ
Couplet 103
ଦିଗ ଉଭାରି ଦିଗପାଳେମୁନି ବିବୁଧ ଅନ୍ତରାଳେ
Couplet 104
କିରୀଟ ଅଙ୍ଗଦ ଉଜ୍ଜ୍ୱଳଶ୍ରବଣେ ମକରକୁଣ୍ତଳ
Couplet 105
ଶ୍ରୀବତ୍ସଚିହ୍ନ ବନମାଳାକଟୀରେ ସୁବର୍ଣ୍ଣ ମେଖଳା
Couplet 106
ବନମାଳାର ଗନ୍ଧ ଆଶେଭ୍ରମରେ ଉଡ଼ୁଛନ୍ତି ପାଶେ
Couplet 107
ପାଦକେ ଧରଣୀ ପୁରିଲାଦ୍ୱିତୀୟେ ସ୍ୱର୍ଗ ଗ୍ରସ୍ତ ହେଲା
Couplet 108
ଦିଗ ପୂରିଲା ଅଷ୍ଟଭୁଜେମେଘେ ଦିଶନ୍ତି ଚୂଳ ମାଝେ
Couplet 109
ଏମନ୍ତେ ବାମନର ଦେହୀତୃତୀୟ ପାଦ ଠାବ ନାହିଁ
Couplet 110
ମହତ-ଜନ-ତପ-ଲୋକେଲୁଚିଲେ ବାମନ ମସ୍ତକେ
Couplet 111
ବୋଲଇ ଦାସ ଜଗନ୍ନାଥଅଦ୍ଭୁତ ବାମନ ଚରିତ
Couplet 112
ସୁଜନେ ଚିନ୍ତ ଏକ ଚିତ୍ତେଭାଷା ପ୍ରବନ୍ଧେ ଭାଗବତେ
Couplet 113
ବଳି-ବାମନର ପ୍ରସ୍ତାବଶୁଣି ତ୍ରିତାପୁ ନିସ୍ତରିବ