Skandha 8
Adhyaya 17
Couplet 1
ଶ୍ରୀକୃଷ୍ଣ ଚିନ୍ତି ରାଜା ଚାହିଁଶୁକ କହନ୍ତି ଭାବବହି
Couplet 2
ଶୁଣ ଅଭିମନ୍ୟୁନନ୍ଦନଯେମନ୍ତେ ଜନ୍ମିଲେ ବାମନ
Couplet 3
ଅଦିତି ପୟୋବ୍ରତ ଫଳେବିଷ୍ଣୁ ଜନ୍ମିଲେ ତାର କୋଳେ
Couplet 4
ତାଙ୍କ ଚରିତ ଶୁଣ ଏବେଯେ ରୂପେ ବଳିକି ଛଳିବେ
Couplet 5
ବ୍ରହ୍ମାର ସ୍ତୁତି ଶୁଣି ତୋଷେସେ ହରି ପରମ-ହରଷେ
Couplet 6
ଅମୃତବେଳେ ସୁଶରୀରେହେଲେ ବାମନ ଅବତାରେ
Couplet 7
ଗଗନେ ଯେହ୍ନେ ଦିଙ୍କରବାମନ ଉଦରୁ ବାହାର
Couplet 8
ଅଦିତି ତହୁଁ ଭୂମିଗତେବାମନ ଦେଖିଲେ ଅଗ୍ରତେ
Couplet 9
ନୀଳନୀରଦ ତନୁ ବର୍ଣ୍ଣପ୍ରକାଶ କମଳଲୋଚନ
Couplet 10
ପୀତବସନ କଟୀଭାଗେତଡ଼ିତ ଯେହ୍ନେ ନୀଳ ମେଘେ
Couplet 11
ରତ୍ନକୁଣ୍ତଳ କର୍ଣ୍ଣଯୁଗେଶ୍ରୀବସ୍ତ୍ରଚିହ୍ନ ହୃଦଭାଗେ
Couplet 12
ଊରେ ଲମ୍ବଇ ବନମାଳସୁନ୍ଦର ଅଳକା କପୋଳ
Couplet 13
ମଣିମୁକୁଟ ଶିରେ ସାଜେରତ୍ନମେଖଳା କଟି ମାଝେ
Couplet 14
ନୂପୁର କଙ୍କଣ ବିରାଜେତେଜେ ଅନଙ୍ଗ-ରୂପ ଗଞ୍ଜେ
Couplet 15
କଣ୍ଠେ ଶ୍ରୀକରସ୍ତୂଭ ମଣିଅମୂଲ୍ୟ ରତ୍ନ ସୁଖଞ୍ଜଣି
Couplet 16
ପ୍ରସନ୍ନ ଦଶଦିଗ ଦିଶେସଲିଳେ କମଳ ପ୍ରକାଶେ
Couplet 17
ଜଳଧି ଉଛୁଳେ ଉଲ୍ଲୋଳେକାନନେ ନାନାପୁଷ୍ପ ଲୋଳେ
Couplet 18
ଋତୁ ବହଇ ଗୁଣମତେପ୍ରସରେ ଶରଦ ବସନ୍ତେ
Couplet 19
ସୁଗନ୍ଧ ପବନେ ଆମୋଦଗଗନେ ମଙ୍ଗଳ-ଶବଦ
Couplet 20
ବ୍ରାହ୍ମଣଗଣେ ବେଦନାଦେଅନଳ ପୂଜନ୍ତି ସମିଧେ
Couplet 21
ଗୋ ବିପ୍ର ଦେବ ଭୂ ପର୍ବତଆକାଶ ହେଲେ ପ୍ରଫୁଲ୍ଲିତ
Couplet 22
ଭାଦ୍ରବ ମାସ ଶୁକ୍ଳପକ୍ଷେଦ୍ୱାଦଶୀ ଶ୍ରବଣା ଯେ ଋକ୍ଷେ
Couplet 23
ମୁହୂର୍ତ୍ତ ନାମ ଅଭିଜିତଗ୍ରହ ନକ୍ଷତ୍ର ସୁପ୍ରଶସ୍ତ
Couplet 24
ସର୍ବ ନକ୍ଷତ୍ର ତାରାଗଣେପ୍ରଶସ୍ତ ମଙ୍ଗଳ ଦକ୍ଷିଣେ
Couplet 25
ବିଜୟାଯୋଗର ମଧ୍ୟାହ୍ନେଶଙ୍ଖଦୁନ୍ଦୁଭି ବାଦ୍ୟସ୍ୱନେ
Couplet 26
ମୃଦଙ୍ଗ ପଟ୍ଟହ ସମାନେଶୁଭନ୍ତି ଭେରୀନାଦ ସ୍ୱନେ
Couplet 27
ବାଜନ୍ତି ଗୋମୁଖ ଆନକପଣବ ତୂରୀ ଯେ ଅନେକ
Couplet 28
ଗୀତ ବିନୋଦ ନୃତ୍ୟଗୋଳଦିଗ ଉଛୁଳନ୍ତି ତୁମୁଳ
Couplet 29
ନାଚନ୍ତି ଅପସରାବୃନ୍ଦଗନ୍ଧର୍ବେ ତାଳ ଯନ୍ତ୍ରବାଦ୍ୟ
Couplet 30
ଦେବତା-ପିତୃ-ମୁନିଗଣେଅଗ୍ନି ସହିତେ ଜଣେ ଜଣେ
Couplet 31
ସ୍ତବନ୍ତି ସିଦ୍ଧ-ବିଦ୍ୟାଧରେତୁଲେ କିଂପୁରୁଷ-କିନ୍ନତେ
Couplet 32
ଚାରଣ ଯକ୍ଷ ରକ୍ଷ ଆଦିପିଶାଚ ଗୁହ୍ୟକ ପ୍ରସିଦ୍ଧି
Couplet 33
ସ୍ତୁତି-ବଚନେ ଗୀତସ୍ୱରେପୁଷ୍ପ ବର୍ଷନ୍ତି ନିରନ୍ତରେ
Couplet 34
ଅଦିତି ପରେ ପୁଷ୍ପବୃଷ୍ଟିଯେଣେ ଖଣ୍ତିବ ଜନ୍ମରିଷ୍ଟି
Couplet 35
ଅଦିତି ନିଜ ପୁତ୍ର ଦେଖିନିର୍ମଳ କଲା ବେନିଆଖି
Couplet 36
ଶ୍ରୀହରି ନିଜ ଯୋଗତେଜେଜନ୍ମିଲେ କଶ୍ୟପର ବୀର୍ଯ୍ୟେ
Couplet 37
କଶ୍ୟପ ଜୟ ଜୟ ବାଣୀମଙ୍ଗଳ ବେକବାକ୍ୟ ଭଣି
Couplet 38
ତକ୍ଷଣେ ପ୍ରଭୁ ଭଗବାନରୂପ ପ୍ରକାଶିଲେ ବାମନ
Couplet 39
ଦେଖିଲେ ସର୍ବଦିଗପାଳେଦେବୀ ଦେବତା ଅନ୍ତରାଳେ
Couplet 40
ବଟୁ ବାମନ ରୂପ ଦେଖିମୁନିଏ ଆଶ୍ରମ ଉପେକ୍ଷି
Couplet 41
କଶ୍ୟପ-ଆଶ୍ରମେ ମିଳିଲେଜୟମଙ୍ଗଳ ସ୍ତୁତି କଲେ
Couplet 42
ବିଧାତା ଆଦି ମୁନି ତୁଲେପୁତ୍ରର ଜାତକର୍ମ କଲେ
Couplet 43
ବାମନ-ଉପନୟ ଦେଖିସବିତା ଗଗନ ଉପେକ୍ଷି
Couplet 44
ସାବିତ୍ରୀମନ୍ତ୍ର କର୍ଣ୍ଣେ କହେଯେଣେ ସବିତା ତେଜ ବହେ
Couplet 45
ଗୁରୁ ପଇତା ଦେଲେ କନ୍ଧେକଶ୍ୟପ ମେଖଳା ଆନନ୍ଦେ
Couplet 46
ଅବନୀ କୃଷ୍ଣାଜିତ ଦେଲାଶଶାଙ୍କ ଦଣ୍ତ ସମର୍ପିଲା
Couplet 47
ଅଦିତି ଦେଲା କଉପୀନଆକାଶ କଲା ଛତ୍ର ଦାନ
Couplet 48
ମୁନିଏ କରେ ଦେଲେ ଦର୍ଭକମଣ୍ତଳୁ ଯେ ବେଦଗର୍ଭ
Couplet 49
ଶାରଦା ଦେଲେ ଅକ୍ଷମାଳାଯେମନ୍ତେ ବୁଦ୍ଧି ଅନର୍ଗଳା
Couplet 50
କୁବେର ରାଜା ଶୁଦ୍ଧଚିତ୍ତେଭିକ୍ଷାପାତ୍ରେକ ଦେଲା ହସ୍ତେ
Couplet 51
ଅମ୍ବିକା ଭିକ୍ଷା ଦେଲେ ଆଣିସଙ୍ଗତେ ବିପ୍ରଗଣ ଘେନେ
Couplet 52
ମୁନିଏ ବ୍ରହ୍ମତେଜ ଦେଲେସ୍ତୁତିବଚନେ ତୋଷ କଲେ
Couplet 53
କଶ୍ୟପ ହୋମ କରାଇଲେବିଧାତା ପୁରୁଷର ବୋଲେ
Couplet 54
ଏମନ୍ତେ ବିପ୍ରରୂପ ଧରିପୂର୍ଣ୍ଣ ଆହୁତି ହୋମ କରି
Couplet 55
ତେଣେ ଶୁକ୍ର ଯେ ଯଜ୍ଞବିଧିବଳିର ଶତେ ଅଶ୍ୱମେଧି
Couplet 56
କରାଏ ନିଜ ମନ୍ତ୍ରବଳେଅମରେ ସ୍ଥାପିବ ନିଶ୍ଚଳେ
Couplet 57
ସେ କଥା ଜାଣି ଭଗବାନଯେ ରୂପ ଅଦ୍ଭୁତ ବାମନ
Couplet 58
ବଳି-ଭୁବନକୁ ଗମନ୍ତେଭୂମି କମ୍ପଇ ପାଦଘାତେ
Couplet 59
ନର୍ମଦା ନଦୀର ଉତ୍ତରେଭୃଗୁକଚ୍ଛେ ଯେ ବିପ୍ରବରେ
Couplet 60
ବଳିକି ଯଜନମାନେ ବରିମିଳି ଭୃଗୁଙ୍କୁ ଆଗ କରି
Couplet 61
ଯଜ୍ଞ କରନ୍ତି ମନ୍ତ୍ରବଳେଯେମନ୍ତେ ଅମର ମଣ୍ତଳେ
Couplet 62
ବଳି ବସିବ ଦୃଢ଼ଚିତ୍ତେନିର୍ଭୟେ କଳ୍ପ ପରିଯନ୍ତେ
Couplet 63
ଏମନ୍ତେ ବଳି-ଯଜ୍ଞବାଟେବାମନ ମିଳିଲେ କପଟେ
Couplet 64
ରବି-କିରଣେ ତାରାପନ୍ତିଯେସନେ ହୋନ୍ତି ହତଜ୍ୟୋତି
Couplet 65
ଭାର୍ଗବ ଆଦି ପୁରୋହିତେସଦସ୍ୟ ଯଜମାନ ଯେତେ
Couplet 66
ବାମନ-ତେଜେ ଅନ୍ତଗଲେତମ ଯେସନେ ପ୍ରାତଃକାଳେ
Couplet 67
ରବି ଶଶାଙ୍କ କିବା ବହ୍ନିମିଳିଲେ ନିଜ ତେଜ ଘେନି
Couplet 68
କିବା ସନତ ବ୍ରହ୍ମାସୁତଯଜ୍ଞ ପ୍ରେକ୍ଷଣେ ଉପଗତ
Couplet 69
ଏମନ୍ତେ ଜାଣି ନ ପାରିଲେବାମନ ତେଜେ ଅସ୍ତ ଗଲେ
Couplet 70
ମୁହୂର୍ତ୍ତେ ରହି ଖେଦମନେଚାହାନ୍ତି ମୋହିତ ନୟନେ
Couplet 71
କରି ନ ପାରି ଅନୁମାନସର୍ବେ ହୋଇଲେ ହତଜ୍ଞାନ
Couplet 72
ଉଦକ କମଣ୍ତଳୁ ଘେନିକରନ୍ତି ସାମବେଦ ଧ୍ୱନି
Couplet 73
ବିଷ୍ଣୁ ମିଳିଲେ ଯଜ୍ଞବାଟେବଳି ନୃପତିର ନିକଟେ
Couplet 74
କଟିରେ ମର୍କତ ମେଖଳାଯଜ୍ଞୋପବୀତ ଅକ୍ଷମାଳା
Couplet 75
କନ୍ଧରେ କୃଷ୍ଣାଜିତ ଶୋହେଉତ୍ତରୀ ପ୍ରାୟ ନିଜଦେହେ
Couplet 76
ଅଦ୍ଭୁତ ବାମନ ଶରୀରଶିରେ ବିରାଜେ ଜଟାଭାର
Couplet 77
ମାୟାବାମନ ରୂପ ଦେଖିତକ୍ଷଣେ ଆସନ ଉପେକ୍ଷି
Couplet 78
ଭୃଗୁ ସହିତେ ଶିଷ୍ୟ ଯେତେଆସନୁ ଉଠିଲେ ତ୍ୱରିତେ
Couplet 79
ଅଞ୍ଜଳିହସ୍ତ କରି ବେଗେମିଳିଲେ ବାମନର ଆଗେ
Couplet 80
ବଳି ବାମନ ରୂପ ଚାହିଁଆସନ ଦେଲା ବେଗେ ନେଇ
Couplet 81
ଚରଣେ ନମସ୍କାର କରିକୁଶଳ ବାରତା ପଚାରି
Couplet 82
ପବିତ୍ରଜଳେ ଧୋଇ ପାଦଆନନ୍ଦେ କଣ୍ଠ ଗଦଗଦ
Couplet 83
ପାଦ ଉଦକ ଘେନି ଶିରେରୋମହରଷ କଳେବରେ
Couplet 84
ଯାର ଚରଣସ୍ପର୍ଶ-ଜଳଖଣ୍ତଇ ସର୍ବ ଅମଙ୍ଗଳ
Couplet 85
ଗିରୀଶ ପରମ ଭକ୍ତିରେଯେ ପାଦୋଦକ ଧରେ ଶିରେ
Couplet 86
ବଳି ଯେ ବେନିକର ଯୋଡ଼ିକହେ ବାମନ ପାଦେ ପଡ଼ି
Couplet 87
ଭୋ ବିପ୍ର ନମୁଁ ତୋ ଚରଣେଅଶେଷ କୁଶଳ କାରଣେ
Couplet 88
ବ୍ରହ୍ମଋଷିଙ୍କ ତେଜପ୍ରାୟେମୁହିଁ ଦେଖି ତୋର ଦେହେ
Couplet 89
ତୁ ବ୍ରହ୍ମସ୍ୱରୂପ ସାକ୍ଷାତେତୋ ରୂପ ନାହିଁ ଏ ଜଗତେ
Couplet 90
କି ଅର୍ଥେ ତୋହର ଆଗମକହ ତୋହର କିସ ନାମ
Couplet 91
ମୋ ପିତୃଗଣେ ଆଜ ତୋଷପବିତ୍ର ମୋର ଗୃହବାସ
Couplet 92
ଆଜ ମୋ ସୁଫଳ ଜୀବନଯେଣୁ ତୋହର ଆଗମନ
Couplet 93
ପବିତ୍ର ହୋଇଲା ମୋ କୁଳଲଭିଲି ଶତକ୍ରତୁ ଫଳ
Couplet 94
ଆଜ ଅନଳେ ଘୃତରାଶିଶୁଦ୍ଧେ ଜଳିବ ମୋତେ ତୋଷି
Couplet 95
ଏ ଭୂମି ପବିତ୍ର ମୋହରନିର୍ମଳ ଯେହ୍ନେ ସ୍ୱର୍ଗପୁର
Couplet 96
ଭୋ ବିପ୍ର ଦାନ ମାଗ ମୋତେଯେ ଅବା ଇଚ୍ଛା କର ଚିତ୍ତେ
Couplet 97
ଗୋରୁ କାଞ୍ଚନ ଦିବ୍ୟପୁରକିବା ପ୍ରାସାଦ ମନୋହର
Couplet 98
ଗ୍ରାମ ପାଟଣା କନ୍ୟାଧନଅମୂଲ୍ୟ ବସ୍ତୁ ରତ୍ନମାନ
Couplet 99
ଅନ୍ନବସନ ଆଦି ଯେତେଭୋ ବିପ୍ର ମାଗ ତୋଷଚିତ୍ତେ
Couplet 100
ଗଜ ତୁରଙ୍ଗ ସୁଖାସନରଥ ପଲ୍ୟଙ୍କ ଯହିଁ ମନ
Couplet 101
କି ଅବା ଅଛି ତୋର ଚିତ୍ତେଭୋ ବିପ୍ର ମାଗ ଇଚ୍ଛା ଯେତେ
Couplet 102
ଦେବି ମୁଁ ସତ୍ୟ ମୋ ବଚନଦାରା ତନୟ ବା ଜୀବନ
Couplet 103
ଏମନ୍ତେ ବଳି ଶୁଦ୍ଧଚିତ୍ତେକହିଲା ବାମନ ଅଗ୍ରତେ
Couplet 104
ଏମନ୍ତ ବଳି ବାକ୍ୟ ଶୁଣିବାମନ ଧରି କୁଶ ପାଣି
Couplet 105
ମଙ୍ଗଳ ସ୍ୱରେ ବେଦଧ୍ୱନିକରନ୍ତି ବଳି ମନଘେନି
Couplet 106
ତିନିଭୁବନ କମ୍ପେ ନାଦେସୁଗନେ ଚିନ୍ତ କୃଷ୍ଣପାଦେ
Couplet 107
କହଇ ବିପ୍ର ଜଗନ୍ନାଥଭାଷା ପ୍ରବନ୍ଧେ ଭାଗବତ