Adhyaya 16

Couplet 1

ଶ୍ରୀକୃଷ୍ଣେ ଚିନ୍ତି ମନେମନକ‌ହ‌ନ୍ତି ବ୍ୟାସଙ୍କ ନ‌ନ୍ଦନ

Couplet 2

ଶୁଣ ପରୀକ୍ଷ ନୃପମଣିକଶ୍ୟପ ମୁଖୁଁ ଏହାଶୁଣି

Couplet 3

ଅଦିତି କଳ୍ପି ଅନ୍ତର୍ଗତେବିଧିପୂର୍ବକ ପୟୋବ୍ରତେ

Couplet 4

ଦ୍ୱାଦଶ ଦିନ ବିଧିମତେସଂଯମେ ରହିଲା ଯୁଗତେ

Couplet 5

ଏକାଗ୍ରଚିତ୍ତେ ହରିପାଦେସେବା କଳ୍ପିଲା ଅପ୍ରମାଦେ

Couplet 6

ସୁଦୃଢ଼ ମନ ବୁଦ୍ଧିବଳେଇନ୍ଦ୍ରିଙ୍କି ନିରୋଧି ନିଶ୍ଚଳେ

Couplet 7

ଏକାନ୍ତଚିତ୍ତେ ହରିପାଦେଧ୍ୟାନ ସମ୍ପାଦି ଅପ୍ରମାଦେ

Couplet 8

ଦ୍ୱାଦଶଦିନ ପୟୋବ୍ରତବିଷ୍ଣୁ ସେବିଲା ଅବିରତେ

Couplet 9

ଅଦିତି ପୟୋବ୍ରତ ତୋଷେବିଷ୍ଣୁ ମିଳିଲେ ତାର ପାଶେ

Couplet 10

ଶରୀର କାନ୍ତି ନୀଳଘନପୀତବସନ ପରିଧାନ

Couplet 11

ଆଜାନୁଲମ୍ବେ ଚାରିଭୁଜେଗଦାବ୍ଜ-ଶଙ୍ଖ-ଚକ୍ର ସାଜେ

Couplet 12

ସମୀପେ ବିଷ୍ଣୁ ରୂପ ଦେଖିଉନ୍ମୀଳ କଲା ବେନି ଆଖି

Couplet 13

ଉଠିଲା ଅଶ୍ରୁ ଗଦଗଦେଶିର ନିବେଶି ପଦ୍ମ‌ପାଦେ

Couplet 14

ଭୂମିରେ ଦଣ୍ତବତେ ଶୋଇକରାଞ୍ଜଳି ଶିରେ ଦେଇ

Couplet 15

ଆନନ୍ଦ ସାଗରେ ବୁଡ଼ିଲାନିଜ ଶରୀର ପାସୋରିଲା

Couplet 16

ଶରୀର କମ୍ପିଲା ବିକଳେକଣ୍ଠ କୁଣ୍ଠିତ ଅଶ୍ରୁଜଳେ

Couplet 17

ବଦନୁ ବଚନ ନ ସ୍ଫୁରେପ୍ରାଣ ହୋଇଲା କଣ୍ଠଦ୍ୱାରେ

Couplet 18

ଚକୋର ଚନ୍ଦ୍ର ଦେଖି ଯେହ୍ନେଅମୃତ ପିଅଇ ଲୋଚନେ

Couplet 19

ମନ ନିବେଶି କୃଷ୍ଣପାଦେଆନନ୍ଦେ ଶୋକ ଗଦଗଦେ

Couplet 20

ବୋଲଇ ବିଷ୍ଣୁମୁଖ ଚାହିଁସାନନ୍ଦେ ଶିରେ କର ଦେଇ

Couplet 21

ହେ ଯଜ୍ଞେଶ୍ୱର ଜଗନ୍ନାଥତୋର ଚରଣେ ସର୍ବତୀର୍ଥ

Couplet 22

ସର୍ବମଙ୍ଗଳ ତୋର ନାମରୂପ-ଅରୂପ ଅନୁପମ

Couplet 23

ଶରଣାଗତ ଦୁଃଖ ହରତୁ ନାଥ କରୁଣାସାଗର

Couplet 24

କରୁଣାକର ବିଶ୍ୱବ୍ୟାପୀବିଶ୍ୱଭାବନ ବିଶ୍ୱରୂପୀ

Couplet 25

ସ୍ଥିତି ଉତ୍ପତ୍ତି ସଂହାରଣତୁ ନାଥ ପରମକାରଣ

Couplet 26

ଆୟୁ ସମ୍ପଦ ବୁଦ୍ଧି ଜ୍ଞାନତୋର ସନ୍ତୋଷେ ପାନ୍ତି ଜନ

Couplet 27

କୈବଲ୍ୟ-ପ୍ରାପ୍ତ ତୋ ସନ୍ତୋଷେଅନ୍ତେ ପରମ‌ପଦେ ମିଶେ

Couplet 28

ଭୋ ନାଥ ତୋର ଶ୍ରୀଚରଣଯେ ପ୍ରାଣୀ ପଶନ୍ତି ଶରଣ

Couplet 29

ସେ ସର୍ବ ଦୁର୍ଗତି ତରନ୍ତିଜନ୍ମ-ମରଣୁଁ ନିସ୍ତରନ୍ତି

Couplet 30

ଭୋ ନାଥ ପ୍ରଭୁ ଆଦିମୂଳଶୁଣିମା ମୋହର ବିକଳ

Couplet 31

ଦୁଃଖେ କୁଣ୍ଠିତ ମୋର ପ୍ରାଣପଶିଲି ତୋ ପାଦେ ଶରଣ

Couplet 32

ପୁତ୍ରେ ନ ରହି ସ୍ୱର୍ଗପୁରେଲୁଚିଲେ ବନ-ଗିରି-ଘୋରେ

Couplet 33

ସର୍ବ ଦାନବ ସଙ୍ଗେ ମିଳିବସିଲା ଇନ୍ଦ୍ରାସନେ ବଳି

Couplet 34

ଶୁକ୍ରର ଯଜ୍ଞତେଜ ବଳେଭୟେ ଭାଜିଲେ ଦିଗପାଳେ

Couplet 35

ଇନ୍ଦ୍ର ହୋଇଲା ଅରକ୍ଷିତତ୍ରାହି କରିବ ଜଗନ୍ନାଥ

Couplet 36

ମୋର ପୁତ୍ରଙ୍କୁ ରକ୍ଷାକରଭୋ ନାଥ ଶରଣ ତୋହର

Couplet 37

ସପତ୍ନୀ ଦୁଃଖ କି ନ ଜାଣୁତୁ ନାଥ ଅନ୍ତର୍ଯ୍ୟାମୀ ଯେଣୁ

Couplet 38

ଶୁଣିନ ଅଦିତି-ବଚନପ୍ରସନ୍ନେ କମଳ‌ଲୋଚନ

Couplet 39

ଅଦିତି ବଦନ‌କୁ ଚାହିଁବୋଲନ୍ତି ପ୍ରଭୁ ଭାବଗ୍ରାହୀ

Couplet 40

ଶୁଣ ଅଦିତି ଦେବମାତଜାଣଇଁ ତୋର ମନୋରଥ

Couplet 41

ବଳି ଯେ ବଳେ ସ୍ୱର୍ଗ ନେଲାବିକଳେ ଇନ୍ଦ୍ର ପଳାଇଳା

Couplet 42

ତାର ସଙ୍ଗତେ ଦେବଗଣେପଶିଲେ ଗିରି-ଘୋରବନେ

Couplet 43

ଏବେ ସେ ଆସି ସ୍ୱର୍ଗପୁରେଶତ୍ରୁକୁ ଜିଣି ରଣ‌ଘୋରେ

Couplet 44

ସ୍ୱର୍ଗେ ସେ ବସିବ ନିଶ୍ଚିନ୍ତେତୁ ଏହା କଳ୍ପଅଛୁ ଚିତ୍ତେ

Couplet 45

ସମରେ ଅସୁର-ମରଣେକାନ୍ଦିବେ ତାଙ୍କ ବଧୁଗଣେ

Couplet 46

ସ୍ୱାମୀ-ମରଣେ ଅତି ଦୁଃଖୀତୁ ତାହା ଦେଖି ହେବୁ ସୁଖୀ

Couplet 47

ସ୍ୱର୍ଗେ ବସିବ ଇନ୍ଦ୍ର ତୋରସଙ୍ଗତେ ଘେନି ସର୍ବ ସୁର

Couplet 48

ସକଳ ସମ୍ପଦ ମିଳିବତ୍ରିଲୋକ ନିଶ୍ଚିନ୍ତେ ପାଳିବ

Couplet 49

ଏମନ୍ତ ଚିତ୍ତେ କଳ୍ପୁ ତୁହିଶୁଣ କ‌ହଇ ଯାହା ମୁହିଁ

Couplet 50

ଅସୁରେ ଯାଇ ସ୍ୱର୍ଗପୁରବଳେ ହୋଇଲେ ବଳୀୟାର

Couplet 51

ବଳି ସଙ୍ଗତେ ଘୋରରଣେକାହିଁ ଜିଣିବେ ଦେବଗଣେ

Couplet 52

ଏକଥା ଭଲେ ମୁଁ ଜାଣଇଁତୋର ପୁତ୍ରଙ୍କୁ ଭୟ ନାହିଁ

Couplet 53

ଯେମନ୍ତେ ତୋହର କୁମରେସୁଖେ ବସିବେ ସ୍ୱର୍ଗପୁରେ

Couplet 54

ତୁ ଯେ ମୋହର ପାଦଗତେସେବିଲୁ ପୟୋବ୍ରତ ମତେ

Couplet 55

ଏ କଥା ଅନ୍ୟଥା ନୋହିବଏହା ଜାଣନ୍ତି ବ୍ରହ୍ମାଶିବ

Couplet 56

ବ୍ରତେ ତୁ ତୋଷିଅଛୁ ମୋତେଇନ୍ଦ୍ର-ସମ୍ପଦ ରକ୍ଷା ଅର୍ଥେ

Couplet 57

ମୋହର ସେବା-ବ୍ରତ ଫଳକେବେହେଁ ନୁହଁଇ ବିଫଳ

Couplet 58

ମୁଁ ନିଜ-ଅଂଶେ ତୋର ଗର୍ଭେଜନ୍ମିବି ପୟୋବ୍ରତ-ଭାବେ

Couplet 59

ଏ ବ୍ରତ ମହିମା ଏମନ୍ତଅବଶ୍ୟ ମୋତେ ଲଭେ ସୁତ

Couplet 60

ତୋର ପୁତ୍ରଙ୍କୁ ମୁଁ ରଖିବିଶତ୍ରୁଙ୍କ ଭୟ ନିବାରିବି

Couplet 61

ନିଶ୍ଚେ ରଖିବି ଦେବକୁଳତୁ ସ୍ୱାମୀ ସଙ୍ଗେ କର ମେଳ

Couplet 62

ଏ ବ୍ରତଫଳ ଯେବେ ପାଇବିଶ୍ୱାସେ ପରକୁ ନ କ‌ହି

Couplet 63

ସର୍ବସମ୍ପଦ ଲଭ ତୁହିଦେବମାତାଙ୍କୁ ଏତେ କ‌ହି

Couplet 64

ତକ୍ଷଣେ ହୋଇଲେ ଅନ୍ତରଶୁଣ ପରୀକ୍ଷ ନୃପବର

Couplet 65

ଏମନ୍ତ ବିଷ୍ଣୁର ବଚନଶୁଣି ଅଦିତି ତୋଷମନ

Couplet 66

ଆନନ୍ଦେ ପ୍ରଭୁ ହୃଷୀକେଶକଶ୍ୟପ-ଶରୀରେ ପ୍ରବେଶ

Couplet 67

ବିଷ୍ଣୁର ତେଜେ ବ୍ରହ୍ମ‌ଋଷିଉଦୟ-ରବି ପ୍ରାୟ ଦିଶି

Couplet 68

ଅମରଗୁରୁ-ଲଗ୍ନ ବେଳେଉଚ୍ଚେ ଅଛନ୍ତି ଗ୍ରହବଳେ

Couplet 69

ମୁହୂର୍ତ୍ତ ନାମ ଅଭିଜିତପତିକ-କାମିନୀ ଏକ ଯୁକ୍ତ

Couplet 70

ରତି ଆନନ୍ଦେ ରଜ-ବୀର୍ଯ୍ୟେଗର୍ଭ-ସଞ୍ଚାର ଅତି ତେଜେ

Couplet 71

ଦାରୁ-ସଂଯୋଗେ ଅଗ୍ନି ଯେହ୍ନେତେଜ ପ୍ରକାଶେ ଅନୁଦିନେ

Couplet 72

ଅଦିତି ବିଷ୍ଣୁ ଗର୍ଭେ ଧରିଶଶାଙ୍କ ପ୍ରାୟେ ମନୋହାରୀ

Couplet 73

ଦିଶଇ ଅତି ରୂପକାନ୍ତିବିଜୁଳି ଯେହ୍ନେ ଝଟକନ୍ତି

Couplet 74

ଦିନ‌କୁ ଦିନ ଶୁଭ୍ରଜ୍ୟୋତିଯହିଁ ବିଜୟେ ବିଷ୍ଣୁମୂର୍ତ୍ତି

Couplet 75

ଅଦିତି-ଗର୍ଭର ସଞ୍ଚାରଜାଣିଲେ ପ୍ରଭୁ ବେଦବର

Couplet 76

ରଜନୀ-ଅର୍ଦ୍ଧକାଳେ ଆସିଅଦିତି ନିଦ୍ରାସ୍ଥାନେ ବସି

Couplet 77

ଗର୍ଭକୁ ଚାହିଁ ପ୍ରଜାପତିଆନନ୍ଦେ କଲେ ଦିବ୍ୟସ୍ତୁତି

Couplet 78

ଜୟ ଅନନ୍ତ ଉରୁକ୍ରମନମସ୍ତେ ପ୍ରଭୁ ତ୍ରିବିକ୍ରମ

Couplet 79

ନମୋ ବ୍ରହ୍ମଣ୍ୟ ଭାଗବତନମସ୍ତେ ତ୍ରିଗୁଣ ଅଜିତ

Couplet 80

ନମସ୍ତେ ବିଶ୍ୱଗର୍ଭ-ରୂପୀନମସ୍ତେ ତ୍ରୟବେଦବ୍ୟାପୀ

Couplet 81

ତ୍ରିନାଭ ତ୍ରିପୃଷ୍ଠ ତୋ ନାମଶିପିବିଷ୍ଟ ଯେ ତୋର ଧାମ

Couplet 82

ଏ ସୃଷ୍ଟି ଆଦ୍ୟ-ମଧ୍ୟ-ଅନ୍ତେତୁ ନାଥ ବିହରୁ ନିଶ୍ଚିନ୍ତେ

Couplet 83

ତୁ ସେ ଅନନ୍ତ-ଶକ୍ତିଧରମନ-ବଚନେ ଅଗୋଚର

Couplet 84

ତୁ କାଳରୂପେ ଏ ଜଗତସୃଷ୍ଟି ପାଳନ କର ଅନ୍ତ

Couplet 85

ତୃଣ ଯେସନେ ଜଳସ୍ରୋତେପଶେ ଜଳଧି ଗର୍ଭଗତେ

Couplet 86

ଏ ସୃଷ୍ଟି ସଂହରୁ ତେମନ୍ତେଅନନ୍ତଶୟନେ ନିଶ୍ଚିନ୍ତେ

Couplet 87

ସ୍ଥାବର ଆଦି ଜନ୍ତୁ ଚାରିତୁ ବସୁ ଆତ୍ମାରୂପ ଧରି

Couplet 88

ତୋର ମାୟାର ବଳେ ଜନେତୋ ରୂପ ଜାଣିବେ କେସନେ

Couplet 89

ଜନ୍ତୁଙ୍କ ବାହ୍ୟ-ଅଭ୍ୟନ୍ତରେତୋ ତ‌ହୁଁ କେବା ଅଛି ପରେ

Couplet 90

ଜଳେ ପଡ଼ନ୍ତି ଯେତେ ପ୍ରାଣୀଯେବେ ନ ଲଭନ୍ତି ତରଣୀ

Couplet 91

ସେ କାହିଁ ଜଳଧି ତରିବେଯେ ନ ପଶନ୍ତି ତୋର ଭାବେ

Couplet 92

ଏମନ୍ତେ କରି ଦିବ୍ୟସ୍ତୁତିନିଜ ଭୁବନେ ପ୍ରଜାପତି

Couplet 93

ଆନନ୍ଦମନେ ବିଜେ କଲାଶୁଣ ରାଜନ ବିଷ୍ଣୁଲୀଳା

Couplet 94

ବାମନ ରୂପ ଧରି ଭାବେବିଷ୍ଣୁ ଯେ ବଳି କି ଛଳିବେ

Couplet 95

ଏ ବାଳୀ ଏକମନେ ଶୁଣିନିସ୍ତର ଭବ ତରଙ୍ଗିଣୀ

Couplet 96

ସଂସାର ଅନ୍ଧକୂପେ ଥାଇଏ ବିନୁ ଉପାୟ ତ ନାହିଁ

Couplet 97

କ‌ହିଲା ଦାସ ଜଗନ୍ନାଥଭାଷା ପ୍ରବନ୍ଧେ ଭାଗବତ