Adhyaya 14

Couplet 1

ଶୁକ ଚରଣ କରେ ଧରିବୋଲେ ପରୀକ୍ଷ ଦଣ୍ଡଧାରୀ

Couplet 2

ଭୋ ମୁନି ତୁମ୍ଭ ମୁଖୁଁ ଶୁଣିଦୁର୍ଗମ ଅସମ୍ଭବ ବାଣୀ

Couplet 3

ସଂଶୟ କଲି ମୁହିଁ ଚିତ୍ତେସେ କଥା କହ ମୁନି ମୋତେ

Couplet 4

ବଳିର ଯଜ୍ଞ ଭଗ୍ନ ଅର୍ଥେବାମନ ଜନ୍ମିଲେ କେମନ୍ତେ

Couplet 5

କାହାର ତପକର୍ମ ବଳେଜନ୍ମ ଲଭିଲେ କାହା କୋଳେ

Couplet 6

ଧରଣୀ ତିନିପାଦ ଦାନେବଳିକି ଛଳିଲେ ବାମନେ

Couplet 7

ସେ ପୂର୍ଣ୍ଣ-ସ୍ୱଭାବେ ଈଶ୍ୱରଅଶେଷ ଦ୍ରବ୍ୟେ ଅଧିକାର

Couplet 8

କୃପଣ ପ୍ରାୟେ ତାକୁ ଧରିକିମ୍ପା ବାନ୍ଧିଲେ ନରହରି

Couplet 9

ଏମନ୍ତେ ରାଜା-ବାକ୍ୟ ଶୁଣିଶୁକ କହନ୍ତି ମଞ୍ଜୁବାଣୀ

Couplet 10

ଶୁଣ ହେ ଅଭିମନ୍ୟୁସୁତଅଦ୍‌ଭୁତ କୃଷ୍ଣର ଚରିତ

Couplet 11

ଯେମନ୍ତେ ବିପ୍ର ରୂପେ ଛଳେବଳିକି ଚାପିଲେ ପାତାଳେ

Couplet 12

ପୂର୍ବେ ଯେ ଦେବାସୁର ରଣେଯୁଦ୍ଧେ ଜିଣିଲେ ଦେବଗଣେ

Couplet 13

ବଳି ସହିତେ ମରିଗଲେଶେଷେ ଦାନବ ଯେତେ ଥିଲେ

Couplet 14

ବଳିର ମୃତ୍ୟୁପିଣ୍ଡ ନେଇପଶ୍ଚିମ-ଗିରିପୃଷ୍ଠେ ଥୋଇ

Couplet 15

ଶୁକ୍ରଙ୍କୁ ଆଣି ଗଉରବେବିଶ୍ୱାସ କହିଲେ ଦାନବେ

Couplet 16

ଅସୁରଙ୍କର ଭାବ ଘେନିଶୁକ୍ର ଯେ ମୃତସଞ୍ଜୀବନୀ

Couplet 17

ମନ୍ତ୍ରେ ଜିଆଇଲେ ତକ୍ଷଣେଯେ ଅବା ମରିଥିଲେ ରଣେ

Couplet 18

ସକଳେ ଉଠିଲେ ତକ୍ଷଣେନମିଲେ ଶୁକ୍ରଙ୍କ ଚରଣେ

Couplet 19

ବୋଇଲେ ଶୁକ୍ରମୁଖ ଚାହିଁଅନାଥ ହୋଇଲୁ ଗୋସାଇଁ

Couplet 20

ଦେବେ ଯେ ଅମୃତ-ଭକ୍ଷଣେଅମର ହୋଇ ଘୋରରଣେ

Couplet 21

ଆମ୍ଭଙ୍କୁ ମାରିଗଲେ ସର୍ବେତୁମ୍ଭେ ଜୀବନ ଦେଲ ଏବେ

Couplet 22

ତୁମ୍ଭେ ଯେ ଆମ୍ଭର ସହାୟଏବେ ହୋ କି କରିବୁ କହ

Couplet 23

ଏମନ୍ତେ ଅସୁରଙ୍କ ବାକ୍ୟେଶୁକ୍ର ଚିନ୍ତିଲେ ବସି ଏକେ

Couplet 24

ବିଚାର କରି ଶୁଦ୍ଧଚିତ୍ତେକହନ୍ତି ବଳିର ଅଗ୍ରତେ

Couplet 25

ତୁ ମହାଯଜ୍ଞ ବେଗେ କରଯେମନ୍ତେ ଜିଣିବୁ ଅମର

Couplet 26

ଏମନ୍ତେ ଗୁରୁବାକ୍ୟ ଶୁଣିବଳି ଯଜ୍ଞର ବିଧି ଆଣି

Couplet 27

ଋତ୍ୱିଜ ଆଣି ଜଣେ ଜଣେବରିଲା ଯଜ୍ଞର କାରଣେ

Couplet 28

ତ୍ରିପୁର ଜୟ ନାମ କ୍ରତୁକଲା ଅମର ଜୟ ହେତୁ

Couplet 29

ବ୍ରାହ୍ମଣେ ମିଳି ବେଦବାକ୍ୟେମାର୍ଜନ କଲେ ଏକେ ଏକେ

Couplet 30

ତ୍ରିଲୋକ ମଧ୍ୟେ ରାଜା ଏକଏ ଭାବେ କଲେ ଅଭିଷେକ

Couplet 31

ସୁବର୍ଣ୍ଣ ରଥ ମନ୍ତ୍ରତେଜେବାହାର ହେଲା ଅଗ୍ନି ମାଝେ

Couplet 32

ହରିତବର୍ଣ୍ଣ ଅଶ୍ୱଜ୍ୟୋତିଯେସନେ ରବିରଥ-ଗତି

Couplet 33

ଗଗନ ମାର୍ଗେ ରଥ ସାଜେସୁବର୍ଣ୍ଣ-ସିଂହ ଥାଇ ଧ୍ୱଜେ

Couplet 34

ହେମ ନିର୍ମିତ ଧନୁ ତୂଣେଅଭେଦ କବଚ ଭୂଷଣେ

Couplet 35

ଅମ୍ଳାନ-ପଦ୍ମମାଳା ପୁଣିଗଳେ ପ୍ରହ୍ଲାଦ ଦେଲା ଆଣି

Couplet 36

ଭୃଗୁ ଯେ ଶଙ୍ଖ ଦେଲେ କରେଯେ ନାଦେ ତ୍ରିଭୁବନ ପୂରେ

Couplet 37

ବିପ୍ରେ ଆଶିଷ ମନ୍ତ୍ରବଳେସ୍ୱସ୍ତିବାଚନ ସୁମଙ୍ଗଳେ

Couplet 38

ବିପ୍ରଙ୍କୁ ପ୍ରଦକ୍ଷିଣ କରିରୋମାଞ୍ଚ-ଗାତ୍ରେ ମୋଦଭରି

Couplet 39

ପ୍ରହ୍ଲାଦ ପାଦେ ପ୍ରଣମିତବଳି ଆରୋହି ଦିବ୍ୟରଥ

Couplet 40

ମାଳା କବଚ କଳେବରେଧନୁ ଖଡ଼ଗ ଶୋହେ କରେ

Couplet 41

ରତ୍ନ-କେୟୂର ବାହୁମୂଳେବିରାଜେ ମୁକୁଟ କୁଣ୍ଡଳେ

Couplet 42

ସେ ବଳି ରଥ ମଧ୍ୟେ ବସିଅନଳ ତେଜ ପ୍ରାୟ ଦିଶି

Couplet 43

ଅଷ୍ଟ ଐଶ୍ୱର୍ଯ୍ୟ ବଳ ତେଜେଅସୁରବଳ ମଧ୍ୟେ ରାଜେ

Couplet 44

ଏମନ୍ତ ଦୈତ୍ୟବଳ ଘେନିଚଳନ୍ତେ କମ୍ପଇ ମେଦିନୀ

Couplet 45

ସକଳେ ହୋଇ ଏକମନଦିଶେ କି ପିଇବେ ଗଗନ

Couplet 46

ଅସୁରସେନା ରଥେ ବସିଧାଇଁଲେ ଗଗନ ଗରାସି

Couplet 47

ଚଳନ୍ତେ କମ୍ପେ ଦଶଦିଶକେ ସହୁ ଅସୁରଙ୍କ ତ୍ରାସ

Couplet 48

ମିଳିଲେ ଇନ୍ଦ୍ରର ଭୁବନେସକଳେ ବିଧିର ବିଧାନେ

Couplet 49

ନନ୍ଦନବନେ ପନ୍ତିପନ୍ତିକଳ୍ପ-ପାଦପେ ବିରାଜନ୍ତି

Couplet 50

ବିହଙ୍ଗ-ମିଥୁନେ ନାଚନ୍ତିମତ୍ତକୋକିଳେ ରାବ ଦ୍ୟନ୍ତି

Couplet 51

ହଂସ ସାରସ ଚକ୍ରବାକକାରଣ୍ଡବ ଆଦି ଡାହୁକ

Couplet 52

ପଲ୍ଲବ-ଫଳ-ପୁଷ୍ପଭରେପାଦପେ ଲୋଟନ୍ତି ଭୂମିରେ

Couplet 53

ନଳିନୀବନ ମନୋହରସୁରକାମିନୀ କ୍ରୀଡ଼ାଘର

Couplet 54

ସୁସଞ୍ଚ ପରିଖା ଯେସନଆକାଶ ଗଙ୍ଗାରେ ଭୂଷଣ

Couplet 55

ପାଚେରୀ ଦିଶେ ଅଗ୍ନିବର୍ଣ୍ଣଅଟ୍ଟାଳୀ ଭେଦିଛି ଗଗନ

Couplet 56

ଦ୍ୱାରେ କବାଟ ହେମମୟେଦେଖନ୍ତା ପ୍ରାଣୀ ମନ ମୋହେ

Couplet 57

ସ୍ପଟିକମୟ ପୁରଦ୍ୱାରଯେହ୍ନେ ବିରାଜେ ନିଶାକର

Couplet 58

କେ କହୁ ରୂପରାଶି ସୀମାଯାହା ଗଢ଼ିଲା ବିଶ୍ୱକର୍ମା

Couplet 59

ସଭା ଚତ୍ୱର ପଥ ଶୋହେତପସ୍ୱୀଜନ ମନ ମୋହେ

Couplet 60

ଅପୂର୍ବ-ବିମାନ ସମୂହେମଣି ନିର୍ମିତ ଝରା ଶୋହେ

Couplet 61

ପ୍ରବାଳ-ବେଦିକା ବିରାଜେମଣି ଶୋଭିତ ମହାତେଜେ

Couplet 62

ଦିବ୍ୟ କାମିନୀଗଣ ଯହିଁନବବୟସୀ ରୂପ ବହି

Couplet 63

ଶ୍ୟାମ-ବିରଜ-ବସ୍ତ୍ର-ଯୁତଯହିଁ ଚଳନ୍ତି ଯୂଥ ଯୂଥ

Couplet 64

ଶୋଭା ଦିଶନ୍ତି ନାନାବର୍ଣ୍ଣେପ୍ରଦୀପ-ଶିଖା-ଅଗ୍ନି ଯେହ୍ନେ

Couplet 65

କବରୀବନ୍ଧେ ଭୃଙ୍ଗମାଳାଅମର-ପ୍ରସୂନ ମେଖଳା

Couplet 66

ନାନାସୁଗନ୍ଧ ଲେପ ଦେହେପ୍ରମୋଦ ମୋଦବାୟୁ ବହେ

Couplet 67

ସୁବର୍ଣ୍ଣକାନ୍ଥେ ଜଳାରନ୍ଧ୍ରେମୋହେ ଅଗୁରୁ ଧୂପ ଗନ୍ଧେ

Couplet 68

ମାର୍ଗେ ସୁଗନ୍ଧ ଧୂପ ଧୂଆଁମଧ୍ୟେ ଚଳନ୍ତି ସୁରପ୍ରିୟା

Couplet 69

ପାଣ୍ଡୁର ଦିଶେ ପନ୍ତିପନ୍ତିଧୂମମଣ୍ଡଳ ସଞ୍ଚରନ୍ତି

Couplet 70

ମଣ୍ଡିମଣ୍ଡିତ ହେମକାନ୍ଥେଛାୟା ଦିଶନ୍ତି ମାର୍ଗେ ଯାନ୍ତେ

Couplet 71

ଜଗତୀ ଅଟ୍ଟାଳୀ ସୁସଞ୍ଚେପତାକା ଶୋହେ ଅତି ଉଚ୍ଚେ

Couplet 72

ମୟୂର ପାରାବତ ନାଦେସଙ୍ଗୀତ ମଙ୍ଗଳ ଶବଦେ

Couplet 73

ମୃଦଙ୍ଗ ଶଙ୍ଖ ଭେରୀ ନାଦତାଳ ମୁରଲୀ ବୀଣାବାଦ୍ୟ

Couplet 74

ତାଣ୍ଡବେ ନାନା ବାଦ୍ୟ ଶୋହେଗୀତ-ପ୍ରବନ୍ଧେ ମନମୋହେ

Couplet 75

ଯେ ପୁର ଭୋଗେ ତପଦାହିପାପିଷ୍ଠେ ନ ପାରନ୍ତି ଯାଇ

Couplet 76

ଭୂତ-ସନ୍ତାପୀ ଖଳ ଜନେସୁଜନେ ପୀଡ଼ନ୍ତି ଅଜ୍ଞାନେ

Couplet 77

ଶଠ ହୃଦୟ କାମୀ ଲୋଭୀଯେ ଚିତ୍ତେ ପରହିଂସା ଭାବି

Couplet 78

ସେ କାହିଁ ଯିବେ ସେ ଭୁବନେଯାହା ଚିନ୍ତନ୍ତି ଯୋଗୀଜନେ

Couplet 79

ଏମନ୍ତ ପୁରେ ରାତ୍ରକାଳେବଳି ମିଳିଲା ବାହୁବଳେ

Couplet 80

ବେଗେ ରୁନ୍ଧିଲା ଅଷ୍ଟଦିଗକେ ସହୁ ଅସୁରଙ୍କ ବେଗ

Couplet 81

ଭୂମି-ଗଗନ-ଅନ୍ତରାଳେବାକ୍ୟ ନ ଶୁଭଇ ଚହଳେ

Couplet 82

ଶୁକ୍ରର ଶଙ୍ଖ କରେ ଘେନିବଳି କରଇ ଘୋର ଧ୍ୱନି

Couplet 83

ଶବଦେ ଭୁବନ କମ୍ପିଲାସେ ରବେ ଇନ୍ଦ୍ର ଭୟ କଲା

Couplet 84

ବଳି-ଉଦ୍ୟମ ଇନ୍ଦ୍ର ଶୁଣିସଭୟ ଚିତ୍ତେ ମନେ ଗୁଣି

Couplet 85

ବିଚାର କଲା ଗୁରୁମେଳେକେମନ୍ତେ ରହିବି ନିଶ୍ଚଳେ

Couplet 86

ଅସୁରେ ଅମୃତ ନ ପାଇସମରେ ମଲେ ରୋଷ ବହି

Couplet 87

ଶୁକ୍ରର ମୃତ୍ୟୁସଞ୍ଜୀବନେପ୍ରାଣ ପାଇଲେ ଯାତୁଧାନେ

Couplet 88

କିବା ଉଦ୍ୟମ ପରିମାଣିଅଇଲେ ଆମ୍ଭେ ତ ନ ଜାଣି

Couplet 89

ଭୋ ଗୁରୁ ନମୁଁ ତୋର ପାୟେସ୍ୱର୍ଗେ କେମନ୍ତେ ଥିବୁ ଭୟେ

Couplet 90

କହ କି କରିବୁ ଉପାୟେଯାବତ ରଜନୀ ନ ପାହେ

Couplet 91

ଦେଖ ଏହାର ତେଜରାଶିଅଗ୍ନିର ଶିଖାପ୍ରାୟ ଦିଶି

Couplet 92

ମୁଖେ କି ଆକାଶ ପିଇବତ୍ରିଦଶେ ଜିହ୍ୱାରେ ଲେହିବ

Couplet 93

ଇନ୍ଦ୍ରର ବାକ୍ୟେ ବୃହସ୍ପତିଇନ୍ଦ୍ରକୁଶଳ ମନେ ଚିନ୍ତି

Couplet 94

ବୋଲନ୍ତି ଶୁଣ ସୁରପତିତୁ ବେଗେ ଛାଡ଼ ବାରସ୍ପତି

Couplet 95

ଶୁକ୍ର ଯେ ଅସୁରଙ୍କୁ ତାରିଚିତ୍ତେ ପ୍ରତିଜ୍ଞା ଅଛି କରି

Couplet 96

ସଙ୍କଳ୍ପ କରି ପୁରୋହିତେଯଜ୍ଞ-କଳ୍ପିଲା ଇନ୍ଦ୍ର-ଜିତେ

Couplet 97

ତାହାର ମନ୍ତ୍ରବଳ-ତେଜେତୁ କାହିଁ ଥିବୁ ଦେବରାଜ୍ୟେ

Couplet 98

ଜୀବନେ ଯେବେ ଅଛି କାର୍ଯ୍ୟବେଗେ ଅମରାବତୀ ତେଜ

Couplet 99

ମୁଁ ଏହା ଜାଣେ ଯୋଗଧ୍ୟାନେବଳି ଯେ ଶୁକ୍ରର ବଚନେ

Couplet 100

ଘୋରସମରେ ତୋତେ ଜିଣିତିନିଭୁବନେ ବୀରମଣି

Couplet 101

ରାଜା ହୋଇବ ଯଜ୍ଞବଳେତୁ ଏବେ ରହ ଯା ନିରୋଳେ

Couplet 102

ହରିଙ୍କି ପଶ ଯା ଶରଣତୋତେ ରଖିବେ ନାରାୟଣ

Couplet 103

କାଳର ବଶେ ବଞ୍ଚ ଏବେଚିନ୍ତି ଶ୍ରୀହରିପାଦ ଭାବେ

Couplet 104

ଯାବତ ବଳି ତେଜ ନାଶେତାବତ ରହ ବନବାସେ

Couplet 105

ଦୁର୍ଗମେ କାମରୂପେ ଚରଯହିଁ ପର୍ବତ ବନଘୋର

Couplet 106

ଏମନ୍ତ ଗୁରୁବାକ୍ୟ ଶୁଣିଅମୃତ ପ୍ରାୟ ଚିତ୍ତେ ମଣି

Couplet 107

ମିଳି ସକଳ ଦେବଗଣେଭୟେ ପଶିଲେ ଘୋରବନେ

Couplet 108

ଏମନ୍ତେ ରଜନୀ ପ୍ରଭାତେବଳି ଅସୁରଙ୍କ ସମେତେ

Couplet 109

ବସିଲା ଇନ୍ଦ୍ରର ଆସନେଭୃଗୁବଚନେ ତୋଷମନେ

Couplet 110

ଇନ୍ଦ୍ରଆସନେ ବସି ତୋଷେତ୍ରିଲୋକ କଲା ଆତ୍ମବଶେ

Couplet 111

ଶତାଶ୍ୱମେଧ ଯାଗ ଫଳେସଂସାରେ ଯଶ ଲଭେ ହେଳେ

Couplet 112

ସୁଜନେ ଏଣେ କର ମତିତରିବ ବିଷୟ ଦୁର୍ଗତି

Couplet 113

ମନ ନିବେଶ ହରିପାଦେମାୟା ତରିବ ଅପ୍ରମାଦେ

Couplet 114

ମନବଚନେ ଭାବ ଏବେତରିବ ବିଷ୍ଣୁମାୟା ଯେବେ

Couplet 115

ବୋଲଇ ଦାସ ଜଗନ୍ନାଥଭାଷା ପ୍ରବନ୍ଧେ ଭାଗବତ