Adhyaya 11

Couplet 1

କହନ୍ତି ବ୍ୟାସଙ୍କର ଚାଟଶୁଣ ହେ ପରୀକ୍ଷିତ ରାଟ

Couplet 2

ହରିଙ୍କି ଦେଖି ଦେବଗଣେପୁଣି ମିଳିଲେ ଘୋରରଣେ

Couplet 3

ଗୋବିନ୍ଦ-ଅନୁକମ୍ପା ବଳେସମରେ ରହିଲେ ନିଶ୍ଚଳେ

Couplet 4

ଇନ୍ଦ୍ର ପବନ ଆଦି ବଳେବେଗେ ମିଳିଲେ ଦିଗପାଳେ

Couplet 5

ନିରତେ ଅସୁରଙ୍କ ଗାତ୍ରେପ୍ରହାର କଲେ ନାନାଶସ୍ତ୍ରେ

Couplet 6

ଦେବଙ୍କ ଶସ୍ତ୍ରାଘାତେ ଫୁଟିଅସୁର ମଲେ କୋଟି କୋଟି

Couplet 7

ଅସୁରବଳ ଭଗ୍ନ ଦେଖିଇନ୍ଦ୍ର ଯେ ସମର ଉପେକ୍ଷି

Couplet 8

ବଳି ସମୀପେ ବେଗେ ମିଳିବଜ୍ର ଉଞ୍ଚାଇ ମହାବଳୀ

Couplet 9

ବୋଲଇ ଅତି କୋପମନେଅତ୍ୟନ୍ତ କର୍କଶ ବଚନେ

Couplet 10

ତୁ ଯେ ବୋଲାଉ ମହାବୀରସମ୍ଭାଳ ବଜ୍ରାଘାତ ମୋର

Couplet 11

ଏମନ୍ତ କହି ବଜ୍ର ଧରିବୁଲାଇ ଅନ୍ତରାଳ କରି

Couplet 12

ଶୂନ୍ୟେ ବୁଲାନ୍ତେ ଶସ୍ତ୍ରବରଦେଖି ଡରିଲେ ଦେବାସୁର

Couplet 13

ଅସୁରେ ଦେଖି ହାହାପଦେବଳି ଗର୍ଜଇ ଘୋରନାଦେ

Couplet 14

ବଳି-ବଦନ ଇନ୍ଦ୍ର ଚାହିଁନିନ୍ଦିତ-ବଚନ ବୋଲାଇ

Couplet 15

ରେ ମୂଢ଼ ମୋତେ ମାୟା କରିଜିଣିବା ପ୍ରାୟ ମନେ ଧରି

Couplet 16

ନଟର ପ୍ରାୟେ ଛନ୍ଦ କଲୁନିଜ ସ୍ୱଭାବ ଦେଖାଇଲୁ

Couplet 17

କୁହୁକେ ଯେହ୍ନେ ନଟଜନମାୟାରେ ମୋହେ ପ୍ରାଣୀମନ

Couplet 18

ମାୟାର ବଳେ ସ୍ୱର୍ଗ ଜିଣିଇଚ୍ଛା କରନ୍ତି ଯେବା ପ୍ରାଣୀ

Couplet 19

ତାହାଙ୍କ ଦର୍ପ ଗଞ୍ଜି ବେଗେମୁହିଁ କ୍ଷେପଇ ଅଧୋଭାଗେ

Couplet 20

ଏବେ ହୋ ମହାସୁର ତୋରଅଙ୍ଗ କୁଳିଶୁଁ ରକ୍ଷାକର

Couplet 21

ଏ ବଜ୍ରେ ତୋର ଶିର ଛେଦିରଖିବି ଅମରେ ସମ୍ପାଦି

Couplet 22

ଏବେ ମୋ ବଜ୍ରାଘାତ ସହଜ୍ଞାତିଙ୍କ ତୁଲେ ରୁଣ୍ଡ ହୁଅ

Couplet 23

ଏମନ୍ତେ ଇନ୍ଦ୍ରର ବଚନେବଳି ବୋଲଇ କୋପମନେ

Couplet 24

କାଳର ବଳେ ଏ ସଂସାରଯୁଦ୍ଧେ ମିଳନ୍ତି ଯେତେ ବୀର

Couplet 25

ଜୟ ଅଜୟ କୀର୍ତ୍ତି ଯଶଯେବା ରହଇ ଅବଶେଷ

Couplet 26

ଯୁଦ୍ଧେ ମାରିଣ ଜୟ ଘୋଷିମରଣେ ସ୍ୱର୍ଗେ ଯେଣୁ ବସି

Couplet 27

ଏଣୁ ଶୟଳେ ଯେତେ ଜନକାଳଗରାସେ ନିବନ୍ଧନ

Couplet 28

ପଣ୍ଡିତଜନ ଏହା ଜାଣିଧର୍ମ-ଅଧର୍ମ ପରିମାଣି

Couplet 29

ଶୋକ-ହରଷ ପଥେ ମନକେବେହେଁ ନକରନ୍ତି ଛନ୍ନ

Couplet 30

ଆମ୍ଭେ ସକଳ ଏହା ଜାଣିଆଗମ-ନିଗମ ପ୍ରମାଣି

Couplet 31

ଏଣୁ ଏ ତୋହର ବଚନେମର୍ମ-ତାଡ଼ନ ଅନୁମାନେ

Couplet 32

ଆମ୍ଭେ ତା କେବେହେଁ ନ ଗଣୁତୁମ୍ଭର ବୀରପଣ ଜାଣୁ

Couplet 33

ଶୁକ କହନ୍ତି ତୋଷମନଶୁଣ ହେ ପରୀକ୍ଷ ରାଜନ

Couplet 34

ଏମନ୍ତ ଇନ୍ଦ୍ରଆଗେ କହିବଳି ଧନୁରେ ଗୁଣ ଦେଇ

Couplet 35

ଆକର୍ଣ୍ଣ ପୂରି ଦଶବାଣବେଗେ ବିନ୍ଧିଲା ଦୈତ୍ୟରାଣ

Couplet 36

ଇନ୍ଦ୍ର ଉପରେ ବେଗେ ବାଜିତଳେ ପଡ଼ିଲେ ସର୍ବେ ଭାଜି

Couplet 37

ଗଜ ଶରୀରେ ପୁଷ୍ପମାଳବାଜି ପଡ଼ଇ ଯେହ୍ନେ ତଳ

Couplet 38

ଇନ୍ଦ୍ର ଅମୋଘ ବ୍ରଜ ଧରିହୁଙ୍କାରେ ବଳିକି ପ୍ରହାରି

Couplet 39

ହୃଦୟେ ବାଜି ଶସ୍ତ୍ରଗୋଟିତକ୍ଷଣେ ବକ୍ଷସ୍ଥଳ ଫୁଟି

Couplet 40

ବଳି ପଡ଼ିଲା ମହୀତଳେଶୂନ୍ୟେ ଦେଖନ୍ତି ଦିଗପାଳେ

Couplet 41

ବଳିକି ଭୂମିଗତ ଚାହିଁଜୟ ମିଳିଲା ବେଗେ ଯାଇ

Couplet 42

ଦେଖିଣ ସଖାର ମରଣଆବୋରି କଲା ଘୋରରଣ

Couplet 43

ସିଂହ-ବାହନେ ମହାବଳୀହୁଙ୍କାରନାଦେ ଗଦା ତୋଳି

Couplet 44

ଇନ୍ଦ୍ର ଉପରେ ପ୍ରହାରିଲାସେ ଗଦା ହସ୍ତୀରେ ବାଜିଲା

Couplet 45

ଗଦା-ପ୍ରହାରେ ଜ୍ଞାନ ହାରିଗଜ ପଡ଼ିଲା ଇନ୍ଦ୍ର ଧରି

Couplet 46

ଅଗ୍ରଚରଣ ବେନି ପାଡ଼ିଗର୍ଜଇ ମେଘ ଘଡ଼ଘଡ଼ି

Couplet 47

ପଡ଼ିଲା ଅଚେତନ ହୋଇଦେଖି ମାତଳି ବେଗେ ଧାଇଁ

Couplet 48

ରଥେ ସହସ୍ର ଅଶ୍ୱ ଯୋଖିଇନ୍ଦ୍ର ନିକଟେ ଦେଲା ରଖି

Couplet 49

ବିମାନ ଦେଖି ସୁରପତିତକ୍ଷଣେ ତେଜି ନିଜ ହସ୍ତୀ

Couplet 50

ବିମାନେ ବସି ବଜ୍ରହସ୍ତେସମରେ ରହିଲା ଆୟତ୍ତେ

Couplet 51

ଜୟ ମାତଳି-କର୍ମ ଚାହିଁଧନ୍ୟ-ବଚନେ ପ୍ରଶଂସଇ

Couplet 52

ଜଳନ୍ତା ଶୂଳ ଧରି ବେଗେପିଟିଲା ମାତଳିର ଅଙ୍ଗେ

Couplet 53

ସେ ଶୂଳ-ପ୍ରହାର ମାତଳିସହେ ସ୍ୱଭାବେ ମହାବଳୀ

Couplet 54

ଇନ୍ଦ୍ର ଧାଇଁଲା ଦେଖି ବେଗେବଜ୍ର ପ୍ରହାରି ଜୟ ଅଙ୍ଗେ

Couplet 55

ବେଗେ ନାଶିଲା ତାର ପ୍ରାଣଶୁଣ ପାଣ୍ଡବ ନୃପରାଣ

Couplet 56

ଜୟ ମରଣ ବଜ୍ରାଘାତେଦେଖି ତାହାର ଜ୍ଞାତି ଯେତେ

Couplet 57

ନାରଦ ମୁଖୁଁ ବାକ୍ୟ ଶୁଣିଜୟ ଅଜୟ ନ ପ୍ରମାଣି

Couplet 58

ନମୁଚି ବଳ ପାକ ସଙ୍ଗେଧାଇଁଲା ଶସ୍ତ୍ର ଘେନି ରାଗେ

Couplet 59

ଇନ୍ଦ୍ର ନିକଟେ ବେଗେ ମିଳିପରୁଷ ବାକ୍ୟେ ଦେଇ ଗାଳି

Couplet 60

ଶସ୍ତ୍ର ବରଷନ୍ତି ଗହଳେଯେସନେ ଆକାଶମଣ୍ଡଳେ

Couplet 61

ପବନ ବଳେ ମେଘମାଳପର୍ବତେ ବରଷନ୍ତି ଜଳ

Couplet 62

ଗର୍ଜନ କରି ବାଣପନ୍ତିରଥ ଉପରେ ବରଷନ୍ତି

Couplet 63

ବଳ ସହସ୍ରେ ଶର ସନ୍ଧିଅଶ୍ୱଙ୍କ ଉପରକୁ ବିନ୍ଧି

Couplet 64

ଦଶ ନାରାଚେ ଦେବରାଜଛେଦିଲେ ସହସ୍ର ନାରାଜ

Couplet 65

ଶରସମୂହ ଭଗ୍ନ ଗଲାତା ଦେଖି ପାକ କୋପ କଲା

Couplet 66

ଧନୁ ଆକର୍ଷି କର୍ଣ୍ଣମୂଳେବେନି ନାରାଚ କୋପାନଳେ

Couplet 67

ମାତଳି ଉପରେ ପ୍ରହାରେଅଦ୍ଭୁତ ଘୋରନାଦ କରେ

Couplet 68

ନମୁଚି କରି ମହାରୋଷବାଣ ବିନ୍ଧିଲା ପଞ୍ଚଦଶ

Couplet 69

ସୁବର୍ଣ୍ଣପକ୍ଷ ଲୌହମୁଖେଇନ୍ଦ୍ର ତା ଦୂରେ ଥାଇ ଦେଖେ

Couplet 70

ବିିନ୍ଧି ଗର୍ଜଇ ଘୋରରଣେଜଳଦ ଅମ୍ବରେ ଯେସନେ

Couplet 71

ଏମନ୍ତେ ଅସୁରଙ୍କ ଶସ୍ତ୍ରେଆଚ୍ଛାଦେ ଦେବରାଜ ରଥେ

Couplet 72

ବରଷାକାଳ ରବି ଯେହ୍ନେଜୀମୂତ ଆଚ୍ଛାଦେ ଗଗନେ

Couplet 73

ଅସୁର-ରଣରଙ୍ଗ ଦେଖିଦେବେ ହୋଇଲେ ମହାଦୁଃଖୀ

Couplet 74

ଅନାଥ ହେଲେ ରିପୁ ଡରେବଣିକେ ଯେହ୍ନେ ସିନ୍ଧୁନୀରେ

Couplet 75

ଅସୁରବଳ ମଧ୍ୟଗତେଦେବେ ପଡ଼ିଲେ ଅନାୟତ୍ତେ

Couplet 76

ପିଞ୍ଜରେ ଯେହ୍ନେ ପକ୍ଷୀଗଣେଇନ୍ଦ୍ର ଯେ ଥିଲେ ଘୋରରଣେ

Couplet 77

ଆବୋରି ଥିଲେ ଯେ ଦାନବଏମନ୍ତ ସମୟେ ବାସବ

Couplet 78

ବାହାର ହେଲେ ଦିବ୍ୟରଥେରବି ଯେସନେ ନିଶି ଅନ୍ତେ

Couplet 79

ଅସୁର-ବାଣେ ଦେବେ ଦୁଃଖୀସମ୍ଭ୍ରମେ ଇନ୍ଦ୍ର ତାହା ଦେଖି

Couplet 80

ବେଗେ ଧାଇଁଲେ ରଣ ମଧ୍ୟେବଜ୍ର ଉଞ୍ଚାଇ ଘୋରନାଦେ

Couplet 81

ସେ ଅଷ୍ଟଧାର ବଜ୍ରାଘାତେଜୀମୂତେ ଯେହ୍ନେ ଘୋରବାତେ

Couplet 82

ବଳ ପାକର ଶିରହାଣିଘୋର ଶବଦେ ବଜ୍ରପାଣି

Couplet 83

ଦେଖି ତାଙ୍କର ବନ୍ଧୁକୁଳବିକଳେ ପାଡ଼ନ୍ତି ଚହଳ

Couplet 84

ନମୁଚି ତାଙ୍କ ବଧ ଦେଖିଦଣ୍ଡେ ହୋଇଲା ଅଶ୍ରୁମୁଖି

Couplet 85

ଶୋକସାଗରେ ସେ ବୁଡ଼ିଲାପୁଣି କ୍ଷଣକେ କୋପକଲା

Couplet 86

ଲୌହ-ନିର୍ମିତ ଶୂଳ କରେଘେନି ଧାଇଁଲା ଧାତିକାରେ

Couplet 87

ସେ ଶୂଳ ସୁବର୍ଣ୍ଣେ ବିରାଜେଚଳ-ପ୍ରଚଳେ ଘଣ୍ଟି ବାଜେ

Couplet 88

ସେ ଶୂଳ ଘେନି ଅତି ବେଗେମିଳିଲା ସୁରନାଥ ଆଗେ

Couplet 89

ଇନ୍ଦ୍ର ଉପରେ ପ୍ରହାରିଲାନିର୍ଭୟେ ସିଂହନାଦ କଲା

Couplet 90

ଶୂଳ ଆସନ୍ତେ ଶୂନ୍ୟ ପଥେବାସବ ଧନୁ ଧରି ହସ୍ତେ

Couplet 91

ବାଣେ ଛେଦିଲେ ଶତେ ଖଣ୍ଡେପାଷାଣ ଯେହ୍ନେ ଛତୁପିଣ୍ଡେ

Couplet 92

ପୁଣି କୁଳିଶେ ପୁରନ୍ଦରପେଷିଲା ନମୁଚି କନ୍ଧର

Couplet 93

ବ୍ରଜ-ପ୍ରହାର ନ କାଟିଲାକନ୍ଧରୁ ଚର୍ମ ନ ଛିଡ଼ିଲା

Couplet 94

ତା ଦେଖି ଇନ୍ଦ୍ର ବିଚାରଇଅଦ୍ଭୁତ ଦେଖିଲା ତ ନାହିଁ

Couplet 95

ବଜ୍ରରୁ ବଞ୍ଚିଲା କେମନ୍ତେଏ ବଡ଼ ସଂଶୟ ମୋ ଚିତ୍ତେ

Couplet 96

ଏ ଶସ୍ତ୍ର ଅସୁରଙ୍କୁ ରଣେପ୍ରହାର କଲି ଅକାରଣେ

Couplet 97

ଏମନ୍ତେ ରଣ-ମଧ୍ୟଗତେଶବଦ ଶୁଭେ ଅଦ୍ଭୁତେ

Couplet 98

ଶୁଣ ହେ ଶକ୍ର ଏକଚିତ୍ତେନ ଭେଦେ ଶୁଷ୍କ ଆର୍ଦ୍ର ଶସ୍ତ୍ରେ

Couplet 99

ପୂର୍ବେ ଏ କଲା ତପ ଘୋରଏହାକୁ ଦେଇଅଛୁଁ ବର

Couplet 100

ଅଜେୟ ହୋଇଲା ସ୍ୱଭାବେଅଜୟ ଯୁଦ୍ଧ-ମହାର୍ଣ୍ଣବେ

Couplet 101

ଶୁଷ୍କ-ଆର୍ଦ୍ରକ ଅସ୍ତ୍ରଶସ୍ତ୍ରେଏଣୁ ନ ଭେଦେ ଏହା ଗାତ୍ରେ

Couplet 102

ଏବେ ତୁ ଶୁଣ ମଘବାନଏହା ମରଣେ କର ଧ୍ୟାନ

Couplet 103

ଯେ ତୋତେ ଦିଶେ ଧ୍ୟାନମାର୍ଗେତେଣେ ଜୀବନ ହରେ ବେଗେ

Couplet 104

ଏମନ୍ତେ ଶୂନ୍ୟବାଣୀ ଶୁଣିବାସବ ଧ୍ୟାନେ ମନେ ଗୁଣି

Couplet 105

ଧ୍ୟାନେ ଦେଖଇ ଜଳ-ଫେନତା ଦେଖି ବିଚାରଇ ମନ

Couplet 106

ଏ ଆର୍ଦ୍ର-ଶୁଷ୍କ ଯେ ବୋଲାଇଏଣେ ନାଶିବି ତାର ଦେହୀ

Couplet 107

ଏମନ୍ତ ମନେ ବିଚାରନ୍ତେଫେନ ମିଳିଲା ଆସି ହସ୍ତେ

Couplet 108

ନମୁଚି ଅଙ୍ଗେ ପ୍ରହାରିଲାତକ୍ଷଣେ ଶିର ତା ଛିଡ଼ିଲା

Couplet 109

ସମରେ ନମୁଚି ମରଣେମିଳିଲେ ଋଷି ଦେବଗଣେ

Couplet 110

ଇନ୍ଦ୍ର ଉପରେ ପୁଷ୍ପବୃଷ୍ଟିକରନ୍ତି ଚିତ୍ତେ ହୋଇ ତୁଷ୍ଟି

Couplet 111

ଗନ୍ଧର୍ବେ ଅପସରାବୃନ୍ଦେନୃତ୍ୟ କରନ୍ତି ଗୀତନାଦେ

Couplet 112

ଜୟଦୁନ୍ଦୁଭି ରଣେ ବାଜେଦେବ-ଦାନବ ରଣମାଝେ

Couplet 113

ଏହି ପ୍ରକାର ଦିଗପାଳେବରୁଣ ପବନ ଅନଳେ

Couplet 114

ଅସୁରବଳ ସର୍ବ ମାରିପଶୁଙ୍କୁ ଯେସନେ କେଶରୀ

Couplet 115

ଅସୁରବଳ ଭଗ୍ନ ଶୁଣିନାରଦେ ପେଷି କୁଶପାଣି

Couplet 116

ଦେବଗଣଙ୍କୁ ବୋଧକଲେଯୁଦ୍ଧ ନ କର ଆଜ୍ଞାଦେଲେ

Couplet 117

ନାରଦ ସର୍ବ ଦେବଗଣେପ୍ରବୋଧ କଲେ ଜଣେ ଜଣେ

Couplet 118

ବୋଲନ୍ତି ଦେବଗଣ ଚାହିଁସମର କରୁଛ କିମ୍ପାଇଁ

Couplet 119

ସିନ୍ଧୁ ମନ୍ଥନେ ପାଇ ପ୍ରାସଅସୁରେ ହୋଇଲେ ନିରାଶ

Couplet 120

ତୁମ୍ଭେ ଅମୃତ ପାନ କରିଲଭିଲ ସ୍ୱର୍ଗ-ଶୁଭ-ଶିରୀ

Couplet 121

କହନ୍ତି ଶୁକ ବ୍ରହ୍ମଯତିଶୁଣ ପରୀକ୍ଷ ମହୀପତି

Couplet 122

ନାରଦ ବାକ୍ୟ ଶୁଣି ଭଲେତ୍ରିଦଶେ ସମର ନ କଲେ

Couplet 123

ଆନନ୍ଦେ ନୃତ୍ୟ ଗୀତ କରିଦେବେ ଚଳିଲେ ସ୍ୱର୍ଗପୁରୀ

Couplet 124

ଯୁଦ୍ଧେ ଅସୁର ଯେତେ ଥିଲେନାରଦ ବାକ୍ୟେ ବାହୁଡ଼ିଲେ

Couplet 125

ବ୍ରହ୍ମାନନ୍ଦନ ବାକ୍ୟ ମାନିବଳିର ମୃତ୍ୟୁପିଣ୍ଡ ଘେନି

Couplet 126

ସକଳେ ମିଳି ଏକମେଳେପଶ୍ଚିମ-ଅସ୍ତଗିରି ଗଲେ

Couplet 127

ଯେ ଅବା ଶିର ଉର ଛିଡ଼ିରଣଭୂମିରେ ଥିଲେ ପଡ଼ି

Couplet 128

ଶୁକ୍ରର ମୃତ୍ୟୁ ସଞ୍ଜୀବନେସକଳେ ଲଭିଲେ ଜୀବନେ

Couplet 129

ବଳିକି ଶୁକ୍ର ଘେନି କୋଳେଆସନେ ବସାଇ ନିଶ୍ଚଳେ

Couplet 130

ଶୁକ୍ର-ସ୍ପରଶେ ବଳି ସ୍ମୃତିଲଭିଲା ଇନ୍ଦ୍ରି-ବଳ-ବୃତ୍ତି

Couplet 131

ଶୁକ୍ରଙ୍କ ମନ୍ତ୍ରେ ତୋଷ ହୋଇବଳି ଉଠିଲା ଜ୍ଞାନ ପାଇ

Couplet 132

ଯୁଦ୍ଧେ ହାରିବା କୋପାରମ୍ଭେସଂହରି ରହେ ନିଜ ଦମ୍ଭେ

Couplet 133

ସୁଜନେ ଏଣେ କର ଭାବଏ ଭାବେ ସଂସାରୁ ତରିବ

Couplet 134

ବୋଲଇ ଦାସ ଜଗନ୍ନାଥଅମୃତ ବିଷ୍ଣୁର ଚରିତ