Adhyaya 10

Couplet 1

କହନ୍ତି ବ୍ୟାସଙ୍କର ସୁତଶୁଣ ସୁମନେ ପରୀକ୍ଷିତ

Couplet 2

କଠୋରେ ସାଧି ଯାତୁଧାନେବିମୁଖ ହେଲେ ସୁଧାପାନେ

Couplet 3

କୃଷ୍ଣଭକତି ଯେଣୁ ନାହିଁଅମୃତ ପାଇବେ ସେ କାହିଁ

Couplet 4

ଦେବଙ୍କୁ ଅମୃତ ପିଆଇଗରୁଡ଼େ ବସି ଭାବଗ୍ରାହୀ

Couplet 5

ନିଜ ଭୁବନେ ଗଲେ ହରିଶୁଣ ପରୀକ୍ଷ ଦଣ୍ଡଧାରୀ

Couplet 6

ଏମନ୍ତେ ବିଷ୍ଣୁର ମୋହନେନିରାଶ ହୋଇ ସୁଧାପାନେ

Couplet 7

ସର୍ବ ଦାନବ ଏକମତେଜଣାଇ ବଳିର ଅଗ୍ରତେ

Couplet 8

ବଳି ସଙ୍ଗତେ ବିଚାରିଲେଯୁଦ୍ଧର ଉଦ୍ୟମ ସେ କଲେ

Couplet 9

ଶତ୍ରୁଙ୍କ କାର୍ଯ୍ୟ ସିଦ୍ଧି ଦେଖିଭାଳି ସକଳେ ମନଦୁଃଖୀ

Couplet 10

ଦୈତ୍ୟ-ଦାନବ ଯୂଥେ ଯୂଥେବିଚାର କଲେ ଏକମତେ

Couplet 11

ଦେବଙ୍କୁ ବାହୁବଳେ ମାରିସର୍ବସମ୍ପଦ ଯେବେ ହରି

Couplet 12

ତେବେ ସେ ଜୀବନ ଆମ୍ଭରସଂଗ୍ରାମେ ହୋଇବ ସୁଫଳ

Couplet 13

ଏମନ୍ତେ ମନରେ ବିଚାରିଧାଇଁଲେ କରେ ଶସ୍ତ୍ର ଧରି

Couplet 14

ଅମୃତପାନେ ଦେବଗଣଇଚ୍ଛନ୍ତି ଦୈତ୍ୟସଙ୍ଗେ ରଣ

Couplet 15

ସ୍ୱଭାବେ ହରି-ପରାୟଣସୁଧା ସେ କରିଛନ୍ତି ପାନ

Couplet 16

ଏମନ୍ତ ଦେବାସୁର ରଣସୁଘୋର ସୁଭୀମ ଦାରୁଣ

Couplet 17

ଶର ବରଷି ନିରନ୍ତରେସମର କଲେ ଦେବାସୁରେ

Couplet 18

ଶବଦ କରି ବାହୁନାଦେଯୁଝନ୍ତି ବିବିଧ-ଆୟୁଧେ

Couplet 19

ବଜାନ୍ତି ରଣଶଙ୍ଖ ଭେରୀପଟହ ମଙ୍ଗଳ ମହୁରୀ

Couplet 20

ସକଳ ମଙ୍ଗଳ ସୁବାଦ୍ୟେଗଜ ତୁରଙ୍ଗ ଘୋରନାଦେ

Couplet 21

ଶୁଭିଲା ଶବଦ ତୁମୁଳେପ୍ରଳୟସିନ୍ଧୁ କି ଉଛୁଳେ

Couplet 22

ଯୁଦ୍ଧ କରନ୍ତି ଏକେଏକେଦନୁଜଗଣେ ବୃନ୍ଦାରକେ

Couplet 23

ଅଶ୍ୱକୁ ଅଶ୍ୱ ସଜକଲେହସ୍ତୀକି ହସ୍ତୀ ଘେନି ତୁଲେ

Couplet 24

ନାନା ବାହନେ ବିଜେକରିରଣେ ଧାଇଁଲେ ଶସ୍ତ୍ର ଧରି

Couplet 25

ଓଟର ପୃଷ୍ଠେ କେ ବସନ୍ତିକେ ଉଚ୍ଚ ଅଶ୍ୱେ ଆରୋହନ୍ତି

Couplet 26

ଗର୍ଦ୍ଦଭେ ବସି ଅବା ଖରେକେ ମୃଗ ବାନର ସ୍କନ୍ଧରେ

Couplet 27

କେ ବ୍ୟାଘ୍ର କେ ସିଂହ ଆରୋହେକେ ଗୃଧ୍ର କଙ୍କ ବକେ ଧାଏଁ

Couplet 28

ଶ୍ୱେନ ଭାସ ବା ତିମିିଙ୍ଗିଳେଶରଭେ ମହିଷେ କେ ଚଳେ

Couplet 29

କେ ଶିବା କେହୁ କୃକଲାଶେଶଶକେ କେ ଅବା ମାନୁଷ୍ୟେ

Couplet 30

ଅମୂଲ୍ୟ-ରତ୍ନ ଦଣ୍ଡଛତ୍ରନୀଳ ଲୋହିତ ଶ୍ୱେତ ପୀତ

Couplet 31

ବ୍ୟଜନ-ବରହୀ ଚାମରେରଙ୍ଗଭୂଷଣ ପାଗ ଶିରେ

Couplet 32

ବିବିଧ ସଂଗ୍ରାମ-ଭୂଷଣେଶୋଭନ୍ତି ଦେବାସୁର-ଗଣେ

Couplet 33

ବିବିଧ-ତୀକ୍ଷ୍ଣ-ଶସ୍ତ୍ର ଭୁଜେବିରାଜେ ରବି ରଶ୍ମି ତେଜେ

Couplet 34

ଏମନ୍ତେ ଦେବାସୁରେ ବଳେସ୍ୱଭାବେ ବଳିଷ୍ଠ ସକଳେ

Couplet 35

ଅତି କୁପିତ ଦେବାସୁରକି ଅବା ଦେବା ପଟାନ୍ତର

Couplet 36

ଶୋଭନ୍ତି ମହାବୀରେ ରଣେଯେସନେ ଜଳଧି ମନ୍ଥନେ

Couplet 37

ଅସୁର ବଳେ ଝଟକନ୍ତିଯେ ବଳେ ବଳି ସେନାପତି

Couplet 38

ଶୁଣ ରାଜନ କହୁଁ ତୋତେବଳି ମହିମା ଅପ୍ରମିତେ

Couplet 39

ମୟ-ନିର୍ମିତ ଘୋରଯାନସ୍ୱଭାବେ ବୈହାୟସ ନାମ

Couplet 40

ସମର ଅର୍ଥେ ସଜ ଯେତେସର୍ବ ପୂରିତ ମୟ ରଥେ

Couplet 41

ମନବଚନେ ଅଗୋଚରଦୃଶ୍ୟ ଅଦୃଶ୍ୟ ଭୟଙ୍କର

Couplet 42

ଏମନ୍ତ ରଥେ ବଳି ବସେବୀରେ ବେଷ୍ଟିତ ଚଉପାଶେ

Couplet 43

ବାମ-ଦକ୍ଷିଣେ ମହାବୀରେଛତ୍ର ଚାମର ଧରି କରେ

Couplet 44

ମଧ୍ୟେ ବିରାଜେ ବଳିପ୍ରଭାକିବା ଉପମା ତାକୁ ଦେବା

Couplet 45

ନକ୍ଷତ୍ରଗଣେ ପୂର୍ଣ୍ଣ ଶଶୀଅସୁର ମଧ୍ୟେ ତେହ୍ନେ ଦିଶି

Couplet 46

ବଳି ସମୀପେ ପନ୍ତି ପନ୍ତିମିଳିଲେ ସର୍ବ ଯୂଥପତି

Couplet 47

ଦେବ ଅସୁରେ ଘୋରରଣେବଳେ ଆବୋରି ଜଣେ ଜଣେ

Couplet 48

କରନ୍ତି ଅଦ୍ଭୁତ ସଂଗ୍ରାମଶୁଣ ହୋ ଅସୁରଙ୍କ ନାମ

Couplet 49

ନମୁଚି ଶମ୍ବର ଯେ ବାଣବିପ୍ରଚିତ୍ତି ଲୋହବଦନ

Couplet 50

ଦ୍ୱିମୂର୍ଦ୍ଧା କାଳନାଭ ହେତିଇଲ୍ୱଳ ଆଦି ସପ୍ରହେତି

Couplet 51

ଶକୁନି ଭୂତ ସନ୍ତାପନବଜ୍ରଦଶନ ବିରୋଚନ

Couplet 52

ହୟଗ୍ରୀବ ଯେ ଶଙ୍କୁଶିରାକପିଳ ନାମେ ମହାବୀରା

Couplet 53

ଜୀମୂତ ଦୁନ୍ଦୁଭି ଅଦ୍ଭୁତତାରକା ପୁଣି ଚକ୍ରଜିତ

Couplet 54

ଉତ୍କଳ ଶୁମ୍ଭ ଯେ ନିଶୁମ୍ଭଅରିଷ୍ଟନେମି ପୁଣି ଜମ୍ଭ

Couplet 55

ତ୍ରିପୁରାଧିପ ଯେଉଁ ମୟପୌଲମ ଅରିଷ୍ଟ କାଳେୟ

Couplet 56

ନିବାତକବଚ ସହିତେଅପରେ ଦୈତ୍ୟବୀର ଯେତେ

Couplet 57

ନ ପାଇ ଅମୃତର ଭାଗମନେ ବହିଲେ ମହାରାଗ

Couplet 58

ଦେବଙ୍କୁ ଯୁଦ୍ଧ କରି ବଳେଅସୁରେ ବେଢ଼ିଲେ ଗହଳେ

Couplet 59

କରନ୍ତି ସର୍ବେ ଶଙ୍ଖନାଦଦୁନ୍ଦୁଭି ତୁଲେ ବହୁବାଦ୍ୟ

Couplet 60

ଏମନ୍ତେ ବଳି-ବଳ ଚାହିଁସକଳ ଦେବେ କ୍ରୋଧ ବହି

Couplet 61

ସାଜିଲେ ସୁରପତି ସଙ୍ଗେଅଶେଷ ଘୋର ରଣରଙ୍ଗେ

Couplet 62

ଅଇରାବତ ସ୍କନ୍ଧେ ବସିପୂର୍ଣ୍ଣିମା ରାତ୍ରେ ଯେହ୍ନେ ଶଶୀ

Couplet 63

ସେ ଯୂଥପତିଙ୍କି ଆବୋରିଆନନ୍ଦେ ବାଦ୍ୟନାଦ କରି

Couplet 64

ନିଜ ବାହନେ ଶସ୍ତ୍ର ତୁଲେଅଶେଷ ଦେବେ ବିଜେ କଲେ

Couplet 65

ରଣସଙ୍କୁଳ ମହାଗୋଳେସମୁଦ୍ରତୀରେ ବେନି ବଳେ

Couplet 66

ଶବଦ ଶୁଭଇ ତୁମୁଳେମିଳିଲେ ସର୍ବ ଦିଗପାଳେ

Couplet 67

ଶସ୍ତ୍ର ଉଞ୍ଚାଇ କୋପମନେନାମ ଡାକନ୍ତି ଅନ୍ୟ ଅନ୍ୟେ

Couplet 68

ନିକଟେ ମିଳି ଘୋରନାଦେଯୁଦ୍ଧ କରନ୍ତି ମାଲବନ୍ଧେ

Couplet 69

ଇନ୍ଦ୍ରର ତୁଲେ ବଳି ଯୁଝେଦାରୁଣ ଦେବାସୁର ମାଝେ

Couplet 70

ସ୍କନ୍ଧ ତାରକ ଅବହେଳେଯୁଦ୍ଧ କରନ୍ତି ବାହୁବଳେ

Couplet 71

ବରୁଣ ହେତି ବେନିବୀରେପ୍ରହେତି ମିତ୍ରେ ଯୁଦ୍ଧ କରେ

Couplet 72

ଯମର ତୁଲେ କାଳନାଭବିଶ୍ୱକର୍ମା ମୟ ଦାନବ

Couplet 73

ଶମ୍ବର ତ୍ୱଷ୍ଟା ତୁଲେ ରଣସବିତା ତୁଲେ ବିରୋଚନ

Couplet 74

ନମୁଚି ଯେ ଅପରାଜିତେଅଶ୍ୱିନୀ ବୃଷପର୍ବା ସାଥେ

Couplet 75

ସୂର୍ଯ୍ୟର ତୁଲେ ବାଣାସୁରରାହୁର ତୁଲେ ନିଶାକର

Couplet 76

ପୁଲୋମା ସଙ୍ଗତେ ସମୀରଅନଳେ କାଳକେତୁ ବୀର

Couplet 77

ଶୁମ୍ଭ ନିଶୁମ୍ଭେ ଭଦ୍ରକାଳୀଜମ୍ଭରେ ବୃଷାକପି ମିଳି

Couplet 78

ମହିଷେ ବିଭାବସୁ ଯୁଝେଗହଳେ ଦେବାସୁର ମାଝେ

Couplet 79

ଇଲ୍ୱଳ ବାତାପି ସହିତେରଣେ ପଶିଲେ ବ୍ରହ୍ମାପୁତ୍ରେ

Couplet 80

ସନକ ତୁଲେ ଅରିନ୍ଦମନିର୍ଭୟେ କରନ୍ତି ସଂଗ୍ରାମ

Couplet 81

ଦୁର୍ମର୍ଷ ତୁଲେ ରତିପତିଉତ୍କଳେ ମାତୃକା ଯୁଝନ୍ତି

Couplet 82

ଗୁରୁ ଭାର୍ଗବେ ଯୁଦ୍ଧ ଘୋରନାରକା ତୁଲେ ଶନୈଶ୍ଚର

Couplet 83

ନିବାତକବଚ ମରୁତେକାଳେୟ ବସୁଙ୍କ ସଙ୍ଗତେ

Couplet 84

ପୌଲୋମା ବିଶ୍ୱଦେବା ସଙ୍ଗେଯୁଦ୍ଧ କରନ୍ତି ରଣରଙ୍ଗେ

Couplet 85

ଦେବେ ଅସୁରଗଣ ସଙ୍ଗେନିର୍ଘାତେ ଯୁଦ୍ଧ ରଣରଙ୍ଗେ

Couplet 86

ରୁଦ୍ରଙ୍କ କ୍ରୋଧବଶ ଗଣଆବୋରି କଲେ ଘୋରରଣ

Couplet 87

ଏମନ୍ତେ ମହାରଣ ମଧ୍ୟେଦେବ ଦାନବ ବାହୁଯୁଦ୍ଧେ

Couplet 88

ସମସ୍ତେ ମାଲଯୁଦ୍ଧ ସାରିଧାଇଁଲେ କରେ ଶସ୍ତ୍ର ଧରି

Couplet 89

ଖଡ଼୍‌ଗ ତୋମର ଶର ବୃଷ୍ଟିଭୁଶୁଣ୍ଡି ଚକ୍ର ଗଦା ରିଷ୍ଟି

Couplet 90

ପଟ୍ଟିଶ ଶକ୍ତି ଉଲ୍ଲୁକରେପ୍ରାସ ପରଶୁ କେ କୁଠାରେ

Couplet 91

ନିସ୍ତି୍ରଂଶ ଭଲ୍ଲ ଯେ ମୁଦ୍‌ଗରପରିଘ ପୁଣି ଭିନ୍ଦିପାଳ

Couplet 92

ଏମନ୍ତେ ନାନାଶସ୍ତ୍ର ଭେଦିଅସୁରଙ୍କର ଶିର ଛେଦି

Couplet 93

ଗଜ ତୁରଙ୍ଗ ରଥ ରଥୀଯୁଦ୍ଧେ ପଡ଼ିଲେ ପନ୍ତିପନ୍ତି

Couplet 94

ଶସ୍ତ୍ରେ ଖଣ୍ଡିତ କଳେବରନିରତେ ଗଳଇ ରୁଧିର

Couplet 95

ବାହୁ ହୃଦୟ ଶିର ଛିଡ଼ିପଡ଼ିଲେ ଦଶନ କାମୋଡ଼ି

Couplet 96

ନାନା-ଆଭରଣ-ଆୟୁଧେଭୁଜ ସହିତେ ନାନା ଛନ୍ଦେ

Couplet 97

ଗଜ ତୁରଙ୍ଗ ମୃତ୍ୟୁପିଣ୍ଡେଆଚ୍ଛାଦି ରହେ ଭୂମିଖଣ୍ଡେ

Couplet 98

କବନ୍ଧ ଉଠି ରଣମଧ୍ୟେନୃତ୍ୟ କରନ୍ତି ବାଦ୍ୟନାଦେ

Couplet 99

ତୀକ୍ଷ୍‌ଣ-ଖଡ଼ଗ କରେ ଧରିଧାମନ୍ତେ କମ୍ପେ ବସୁନ୍ଧରୀ

Couplet 100

ବଳି ଯେ ଇନ୍ଦ୍ର ସଙ୍ଗେ ଥିଲାଅନେକ ବାହୁଯୁଦ୍ଧ କଲା

Couplet 101

ଜିଣି ନ ପାରି ବାହୁଯୁଦ୍ଧେବସିଲା ମାୟାଯାନ ମଧ୍ୟେ

Couplet 102

ଧନୁକେ ଦଶଶର ଧରିଇନ୍ଦ୍ରେ ବିନ୍ଧିଲା କ୍ରୋଧଭରି

Couplet 103

ତିନି ନାରାଚ ଐରାବତେବିନ୍ଧିଲା ଆତ୍ମାର-ଆୟତ୍ତେ

Couplet 104

ଚାରି ଅଶ୍ୱଙ୍କୁ ଚାରିବାଣବେଗେ ବିନ୍ଧିଲା ଦୈତ୍ୟରାଣ

Couplet 105

ମାତଳି ସାରଥି ଇନ୍ଦ୍ରରଥିଲା ଯେ ରଥର ଉପର

Couplet 106

ଯହୁଁ ବିିନ୍ଧିଲା ବୀର ଡାକିଇନ୍ଦ୍ର ଧାଇଁଲେ ତାହା ଦେଖି

Couplet 107

ବଳିର ଯେତେକ ନାରାଚବେଗେ ଛେଦିଲେ ଦେବରାଜ

Couplet 108

ବଳିକି ଚାହିଁ ମନ୍ଦହାସେବେଗେ ମିଳିଲେ ତାର ପାଶେ

Couplet 109

ଇନ୍ଦ୍ର ଅଦ୍ଭୁତ-କର୍ମ ଚାହିଁବଳି ଅତ୍ୟନ୍ତ କ୍ରୋଧ ବହି

Couplet 110

ପୁଣି ଶକ୍ତିଏ ଧରି କରେପେଷିଲା ବାସବ ଉପରେ

Couplet 111

ଉଲ୍‌କା ଯେସନେ ଶୂନ୍ୟମାର୍ଗେପଡ଼ି ବିରାଜେ ଦଶଦିଗେ

Couplet 112

ଯେ ଶକ୍ତି ବଳି ପେଷିଥିଲାଇନ୍ଦ୍ର ତା ଈଷିତେ ଛେଦିଲା

Couplet 113

ଏମନ୍ତେ ଶୂଳ କୁନ୍ତ ଋଷ୍ଟିବଳି ହସ୍ତରୁ ଇନ୍ଦ୍ର କାଟି

Couplet 114

ହରଷେ କରେ ଶଙ୍ଖନାଦକ୍ଷୀଣ-ଶସ୍ତ୍ରେ ବଳି ସ୍ତବଧ

Couplet 115

ନ ପାରି ମାୟା ପ୍ରକାଶିଲାତକ୍ଷଣେ ଅନ୍ତର୍ଦ୍ଧାନେ ଗଲା

Couplet 116

ମାୟାରେ ଶିଳାବୃଷ୍ଟି ଘନେମେଘ ଆଚ୍ଛାଦିଲା ଗଗନେ

Couplet 117

ଦେବଙ୍କ ଉପରେ ବରଷେବିଜୁଳି ଯେହ୍ନେ ମେଘୁଁ ଖସେ

Couplet 118

ପୁଣି କ୍ଷଣକେ ବହୁବୃଷ୍ଟିଶୁଷ୍କ-ଇନ୍ଧନ କୋଟି କୋଟି

Couplet 119

ଦାବାଗ୍ନି ଦେବଙ୍କ ଉପରେପଡ଼ନ୍ତି ମଣ୍ଡଳ ସମୀରେ

Couplet 120

ଶିଳା ବରଷେ ନିରନ୍ତରେଗହଳେ ଦେବଙ୍କ ଉପରେ

Couplet 121

ପଡ଼ନ୍ତି ମହୋରଗଗଣବୃଶ୍ଚିକ ବୃଷ୍ଟି ଅନୁକ୍ଷଣ

Couplet 122

ବରାହ ସିଂହ ବ୍ୟାଘ୍ର ହସ୍ତୀସମ୍ମୁଖେ ଗର୍ଜନ କରନ୍ତି

Couplet 123

ଶତ ସହସ୍ର ଯାତୁଧାନୀଅନେକ ଶାକିନୀ ଡାକିନୀ

Couplet 124

ବିବସ୍ତ୍ରହୋଇ ଶୂଳ କରେପିଟନ୍ତି ଦେବଙ୍କ ଉପରେ

Couplet 125

ରାକ୍ଷସେ ଛେଦ-ଭେଦ ନାଦେସମରେ ମିଳିଲେ ଆନନ୍ଦେ

Couplet 126

ପ୍ରଳୟକାଳେ ମେଘମାଳେଯେସନେ ଗଗନ ମଣ୍ଡଳେ

Couplet 127

ଗଭୀର ଘୋରନାଦ କରିସଘନେ ବରଷନ୍ତି ବାରି

Couplet 128

ପୁଣି କ୍ଷଣକେ ଅଗ୍ନି ବୃଷ୍ଟିନାରାଚ ପେଷେ କୋଟିକୋଟି

Couplet 129

ପ୍ରଳୟ ପ୍ରାୟେ ଅତିବେଗେଅଗ୍ନି ବେଢ଼ିଲା ଚାରିଦିଗେ

Couplet 130

ସମୁଦ୍ରେ ପ୍ରଳୟ ଲହରୀଉଠିଲା ଘୋରନାଦ କରି

Couplet 131

ପ୍ରଚଣ୍ଡ ବାତେ ଉର୍ମିଗଣଉଠନ୍ତେ ଦିଶଇ ଭୀଷଣ

Couplet 132

ଏମନ୍ତେ ଅସୁରଙ୍କ ମାୟାଦୃଶ୍ୟ-ଅଦୃଶ୍ୟ ନାନାକାୟା

Couplet 133

ନାନାପ୍ରକାର ମାୟାବଳେଯୁଝିଲେ ଦେବଙ୍କର ତୁଲେ

Couplet 134

ଅସୁର ମାୟାବଳ ଦେଖିତ୍ରିଦଶେ ସମର ଉପେକ୍ଷି

Couplet 135

ବିକଳେ ଭ୍ରମନ୍ତି ଗଗନେଅସୁର ମାୟାବଳେ ଛନ୍ନେ

Couplet 136

ରହି ନ ପାରି ସ୍ୱର୍ଗପଥେବିଷ୍ଣୁଙ୍କୁ ଧ୍ୟାନ କଲେ ଚିତ୍ତେ

Couplet 137

ଦେବଙ୍କ ଭୟ ଦେଖି ହରିଗରୁଡ଼-ପୃଷ୍ଠେ ବିଜେ କରି

Couplet 138

ପୀତବସନ ପରିଧାନସୁରଙ୍ଗ-କମଳଲୋଚନ

Couplet 139

ଯୁଦ୍ଧେ ଅଇଲେ ଅଷ୍ଟଭୁଜେକର୍ଣ୍ଣେ କୁଣ୍ଡଳ ରତ୍ନସାଜେ

Couplet 140

ଶ୍ରୀବତ୍ସ-କଉସ୍ତୁଭମଣିଅମୂଲ୍ୟ ରତ୍ନେ ସୁଖଞ୍ଜଣି

Couplet 141

ଦିବ୍ୟମୌକ୍ତିକ ହାର ସଙ୍ଗେବିବିଧ ରତ୍ନମାଳା ଅଙ୍ଗେ

Couplet 142

ଶସ୍ତ୍ରେ ଶୋଭିତ ଦିଶେ କରଶଙ୍ଖାବ୍ଚ-ଗଦା ଚକ୍ରଧର

Couplet 143

ଏମନ୍ତ ରୂପେ ଦଇତ୍ୟାରିଦେବଙ୍କ ମଧ୍ୟେ ବିଜେକରି

Couplet 144

ଦେବଙ୍କୁ ମାୟା ଘୋଟିଥିଲାବିଷ୍ଣୁ-ଦର୍ଶନେ ନାଶ ଗଲା

Couplet 145

ତ୍ରିଦଶେ ଦେଖନ୍ତି ଆକାଶେତମ ଯେସନେ ରବିତ୍ରାସେ

Couplet 146

ଜାଗ୍ରତେ ସ୍ୱପ୍ନ ଯେହ୍ନେ ମିଛଏ ଭାବେ ଦେଖିଲେ ପ୍ରତ୍ୟକ୍ଷ

Couplet 147

ଅସୁର ମାୟା ନାଶ ଗଲାଦେବଙ୍କ ଆନନ୍ଦ ବଢ଼ିଲା

Couplet 148

ହରି-ସ୍ମରଣେ ବନ୍ଧ-ମୋକ୍ଷଏ ଭାବେ ବୁଝିଲେ ପ୍ରତ୍ୟକ୍ଷ

Couplet 149

ଦେବଙ୍କ ମଧ୍ୟେ କାଳନେମିଲୁଚି ଯେ ଥିଲା ମାୟାଘେନି

Couplet 150

ଶୂଳ ବୁଲାଇ ଅନ୍ତରୀକ୍ଷେମିଳିଲା ଗୋବିନ୍ଦ ସମକ୍ଷେ

Couplet 151

ପିଟନ୍ତେ ଗରୁଡ଼ ଉପରେହରି ଧଇଲେ ବାମକରେ

Couplet 152

ସେ ଶୂଳ କାଳନେମି ମୁଣ୍ଡେହରି ପ୍ରହାରିଲେ ପ୍ରଚଣ୍ଡେ

Couplet 153

ବାଜି ସହିତେ ମହାସୁରତକ୍ଷଣେ ହେଲା ଶତେ ଚୂର

Couplet 154

ମାଳୀ ସୁମାଳୀ ବେନିବୀରେଦେଖି ମିଳିଲେ ଅତିଖରେ

Couplet 155

ତ୍ରିଶୂଳ ଗୋବିନ୍ଦ ଉପରେପ୍ରହାର କଲେ ମହାଘୋରେ

Couplet 156

ତାହାଙ୍କ ତେଜ ଦେଖି ହରିସୁଦରଶନ କରେ ଧରି

Couplet 157

ସେ ବେନିବୀର ମୁଣ୍ଡ ହାଣିଶଙ୍ଖ ଶବଦେ ଚକ୍ରପାଣି

Couplet 158

ମିଳିଲେ ଦେବାସୁର ମଧ୍ୟେତ୍ରିଦଶେ ଦେଖନ୍ତି ଆନନ୍ଦେ

Couplet 159

ସେ ହରି ଚରଣକମଳେସୁଜନେ ଚିନ୍ତ ଧ୍ୟାନବଳେ

Couplet 160

ଅଷ୍ଟମ ସ୍କନ୍ଧେ ଭାଗବତଅଦ୍ଭୁତ ଗୋବିନ୍ଦ ଚରିତ

Couplet 161

ଭାଷା-ପ୍ରବନ୍ଧେ ହରିଗୀତକହଇ ବିପ୍ର ଜଗନ୍ନାଥ