Adhyaya 9

Couplet 1

ଅସୁରେ ବସି ଏକମେଳେସୁଧା-ସମ୍ପୂର୍ଣ୍ଣ କୁମ୍ଭ କରେ

Couplet 2

ବିବିଧ-ପାନପାତ୍ର ଆଣିଏକ ଆରକେ ବାକ୍ୟ ଭଣି

Couplet 3

ସୁହୃଦପଣ ଦୂର କଲେଦୁଷ୍ଟ-ଆଚାର ଆଚରିଲେ

Couplet 4

ଏମନ୍ତେ ଶୁଣ ପରୀକ୍ଷିତମୋହିନୀ ରୂପେ ଜଗନ୍ନାଥ

Couplet 5

ମିଳିଲେ ଅସୁରଙ୍କ ପାଶେଅମୃତ-ହରଣ ବିଶ୍ୱାସେ

Couplet 6

ବିଷ୍ଣୁମୋହିନୀ ରୂପ ଦେଖିନିଶ୍ଚଳ କଲେ ସର୍ବେ ଆଖି

Couplet 7

ଚକିତେ ଅନ୍ୟଅନ୍ୟେ ଚାହିଁବୋଲନ୍ତି ବିଷ୍ଣୁରୂପେ ମୋହି

Couplet 8

ଦେଖ ଏ ରୂପ-କାନ୍ତି-ଧାମନବଯୁବତୀ ଅନୁପମ

Couplet 9

କାହୁଁ ଅଇଲା କିବା ଅର୍ଥେପାଦେ ଚାଲଇ ଦୃଷ୍ଟି ପଥେ

Couplet 10

ଏମନ୍ତ କହି କନ୍ୟା ଆଗେପଥେ ମିଳିଲେ ଯାଇ ବେଗେ

Couplet 11

ନିଶ୍ଚଳେ ନ ପାରନ୍ତି ଚାହିଁବୋଲନ୍ତି କନ୍ୟା ପାଶେ ରହି

Couplet 12

ହେ ପଦ୍ମଲୋଚନି ସୁନ୍ଦରିଯୁବାଜନଙ୍କ ମନୋହାରୀ

Couplet 13

କି ତୋର ନାମ କିବା ଅର୍ଥେକେଣେ ଅଇଲୁ କହ ଏଥେ

Couplet 14

କାହାର ପତ୍ନୀ ତୁ ବୋଲାଉଜ୍ଞାନ ହରିଲୁ ଚାହୁଁ ଚାହୁଁ

Couplet 15

ଆମ୍ଭେ ଯେତେକ ଦେବାସୁରେସିଦ୍ଧ ଗନ୍ଧର୍ବ ଯେ କିନ୍ନରେ

Couplet 16

ମୁନି ଚାରଣ ବିଦ୍ୟାଧରଯେ ଅନ୍ୟ ସିଦ୍ଧ ଯୋଗେଶ୍ୱର

Couplet 17

ଅଦୃଷ୍ଟପୂର୍ବ ରୂପ ତୁହିତୋତେ ତ କେହି ନ ଜାଣଇ

Couplet 18

ନିଶ୍ଚେ ଜାଣିଲୁ ତୋ ବାରତାତୋତେ ବା ସର୍ଜିଲା ବିଧାତା

Couplet 19

ପ୍ରାଣୀଙ୍କ ଇନ୍ଦ୍ରିୟ ହରଣେମୋହନ-ଅଜ୍ଞାନ-କାରଣେ

Couplet 20

ତୋ ରୂପ ଅତି ମନୋହରତୁ ଏବେ ଆମ୍ଭ ବୋଲ କର

Couplet 21

ଆମ୍ଭେ ଯେ ଦେବତା ଦାନବେଅମୃତପାନ ସମଭାବେ

Couplet 22

ଏ ବସ୍ତୁ ବେନିଭାଗ କରିଦିଅ ଗୋ ପରମା ସୁନ୍ଦରୀ

Couplet 23

କଶ୍ୟପପୁତ୍ର ଆମ୍ଭେ ଦୁଇକେବେ ଆମ୍ଭର ନ ପଡ଼ଇ

Couplet 24

ତୁ ଏ ଅମୃତ ଆମ୍ଭ ପାତ୍ରେଦ୍ୱିଭାଗ କରି ଯଥାଅର୍ଥେ

Couplet 25

ପରଷି ଦିଅ ଶୁଦ୍ଧଚିତ୍ତେସମାନ ଭାବେ ଆମ୍ଭ ପାତ୍ରେ

Couplet 26

କେବେହେଁ ନକରିବୁ ଭେଦଯେମନ୍ତେ ଉଭୟ ଆନନ୍ଦ

Couplet 27

ଅସୁରଙ୍କର ବୋଲ ଶୁଣିମାୟା-ମୋହିନୀ-ଚକ୍ରପାଣି

Couplet 28

ମୋହନ-ମନ୍ଦହାସ ମୁଖେଅପାଙ୍ଗ କଟାକ୍ଷ ସୁରେଖେ

Couplet 29

ଅମୃତ ସମାନ ବଚନକହନ୍ତି ଜଗତ-ମୋହନ

Couplet 30

ତୁମ୍ଭେ ଯେ କଶ୍ୟପ-ନନ୍ଦନଶୁଣ ହୋ ମୋହର ବଚନ

Couplet 31

ସ୍ୱଭାବେ ସ୍ୱାମୀ ମୋର ନାହିଁକୁଳଟା-ବାଦ ମୋର ତହିଁ

Couplet 32

ଅସତୀ-ନାରୀଙ୍କ ସ୍ୱଭାବଶ୍ୱାନର ପ୍ରାୟେକ ଜାଣିବ

Couplet 33

ନିତ୍ୟେ ଲୋଡ଼ଇ ନୂଆଭାବକେ ଅବା ବିଶ୍ୱାସ କରିବ

Couplet 34

କହିଲି ତୁମ୍ଭ ଆଗେ ସତଏମନ୍ତ ପଣ୍ଡିତଙ୍କ ମତ

Couplet 35

କନ୍ୟାର ଚତୁର-ବଚନଶୁଣି ଅସୁରେ ତୋଷମନ

Couplet 36

ଭାବ-ସୁଗଭୀର-ବଚନମନୁଷ୍ୟେ ଯେହ୍ନେ ସୁଧାପାନ

Couplet 37

ଅମୃତଭାଣ୍ଡ ଆଣି ବେଗେସମର୍ପି ଦେଲେ କନ୍ୟା ଆଗେ

Couplet 38

ହସି ବୋଇଲେ ତୋଷଚିତ୍ତେଶୁଣ ରାଜନ ପରୀକ୍ଷିତେ

Couplet 39

ଅସୁରଙ୍କର ବୋଲ ଶୁଣିଆନନ୍ଦେ ପ୍ରଭୁ ଚକ୍ରପାଣି

Couplet 40

ଅମୃତଭାଣ୍ଡ କାଖେ ଧରିଅଳପ ହାସମୁଖ କରି

Couplet 41

ବୋଲନ୍ତି ପ୍ରଭୁ ଭାବଗ୍ରାହୀସଭୟେ ଅସୁରଙ୍କୁ ଚାହିଁ

Couplet 42

ସାଧୁ ଅସାଧୁ ନଜାଣଇତୁମ୍ଭେ ସମାନ ବେନିଭାଇ

Couplet 43

ବିଭାଗେ ଦେବି ସୁଧାରସସଂସ୍କାର ହୋଇ ତୁମ୍ଭେ ବସ

Couplet 44

ଏମନ୍ତେ ମୋହିନୀ ବଚନେଦେବ-ଦାନବେ ତୋଷମନେ

Couplet 45

ପ୍ରଥମେ ଉପବାସ କରିପ୍ରାତଃ ସ୍ନାହାନ ସନ୍ଧ୍ୟା ସାରି

Couplet 46

ସନ୍ତୋଷ ଚିତ୍ତେ ହୋମ କଲେଗୋ-ବିପ୍ର-ଚରଣେ ପୂଜିଲେ

Couplet 47

ଭୂତଙ୍କୁ ଦେଲେ ଭୂତବଳିସ୍ତୁତି ଯେ କଲେ ବିପ୍ରେ ମିଳି

Couplet 48

ଅହତ ବସ୍ତ୍ରଯୁଗ ପିନ୍ଧିଶୋଭନଗନ୍ଧେ ନାନାବିଧି

Couplet 49

କୁଶ ଆସନେ ସର୍ବେ ବସିବଦନ କଲେ ପୂର୍ବଦିଶି

Couplet 50

ଧୂପ ଆମୋଦ ଯଜ୍ଞଶାଳେଆନନ୍ଦେ ବସିଲେ ସକଳେ

Couplet 51

ସୁଗନ୍ଧମାଳା ଦୀପପନ୍ତିଆବୋରି ପାନପାତ୍ର ଛନ୍ତି

Couplet 52

ସେ ଯଜ୍ଞଶାଳେ ନରହରିଅତି ମୋହିନୀ ରୂପ ଧରି

Couplet 53

ଅସୁରଙ୍କର ମନମୋହିଅମୃତକୁମ୍ଭ ତଳେ ଥୋଇ

Couplet 54

ଅତିମୋହନ ରୂପ ଦେଖିଦେବତା ଅସୁରଙ୍କ ଆଖି

Couplet 55

ରହିଲା ହରି-ବକ୍ଷସ୍ଥଳେସୁସଞ୍ଚ-କୁଚଯୁଗ ମୂଳେ

Couplet 56

ହରି ବିଚାର କଲେ ମନେଅସୁରଙ୍କର ସୁଧାପାନେ

Couplet 57

ଦେବେ ହୋଇବେ ଅରକ୍ଷିତଏ କଥା ନୁହଇ ଉଚିତ

Couplet 58

ସର୍ପକୁ କ୍ଷୀର ଯେ ପିଆନ୍ତିସର୍ପର ଘାତେ ସେ ମରନ୍ତି

Couplet 59

ଜାତି ସ୍ୱଭାବେ ନୃଶଂସକଅସୁରେ ନୁହନ୍ତି ବିବେକ

Couplet 60

ଏମନ୍ତ ଚିନ୍ତିଣ ଶ୍ରୀପତିବୋଇଲେ ହୁଅ ବେନିପନ୍ତି

Couplet 61

ବାମ-ଦକ୍ଷିଣେ ମୋର ବସକହି ହୁଅନ୍ତି ହସ ହସ

Couplet 62

ସ୍ୱରୂପେ ଅସୁରଙ୍କ ମନବଳେ ହରିଲେ ଭଗବାନ

Couplet 63

ରୂପ ଦେଖନ୍ତି ହୋଇ ଛନ୍ନବଦନୁ ନ ସ୍ଫୁରେ ବଚନ

Couplet 64

ଦକ୍ଷିଣେ ଦେବଗଣେ ଥିଲେତାହାଙ୍କ ପାତ୍ରେ ସୁଧା ଦେଲେ

Couplet 65

ଅସୁରେ ସୁକୃତ ପାଳନେନିଶ୍ଚଳେ ବସିଲେ ମଉନେ

Couplet 66

କାମିନୀ-ସମ୍ମତ ପାଳନେଧର୍ମେ ରହିଲେ ଦୃଢ଼ମନେ

Couplet 67

ମାୟା ମୋହିଲେ ଚକ୍ରଧରବଦନେ ନଇଲା ଉତ୍ତର

Couplet 68

ଦେବଙ୍କୁ ପରଶିବା ବେଳେରାହୁ ଯେ ଥିଲା ତାଙ୍କ ମେଳେ

Couplet 69

ଗୁପତେ ବସି ଦେବବୃନ୍ଦେଅମୃତ ଭକ୍ଷିଲା ଆନନ୍ଦେ

Couplet 70

ରବି-ଶଶାଙ୍କ ତାହା ଦେଖିଉଠିଲେ ଆସନ ଉପେକ୍ଷି

Couplet 71

ଚାହିଁଣ ଗୋବିନ୍ଦ-ବଦନେନୟନେ ଠାରିଲେ ମଉନେ

Couplet 72

ସୁଦରଶନେ ତାର ଶିରବେଗେ ଛେଦିଲେ ଚକ୍ରଧର

Couplet 73

ତକ୍ଷଣେ ହୋଇ ବେନିଖଣ୍ଡଅମୃତପାତ୍ରେ ପଡ଼େ ମୁଣ୍ଡ

Couplet 74

ଅମର ହୋଇଲା ତକ୍ଷଣଦେଖି ସନ୍ତୋଷ ନାରାୟଣ

Couplet 75

ବୋଇଲେ ବର ମାଗ ତୁହିରାହୁ ବୋଇଲା ବିଷ୍ଣୁ ଚାହିଁ

Couplet 76

ଭୋ ନାଥ ମୋର ଅବଶେଷଅବଶ୍ୟ କରିବଇଁ ଗ୍ରାସ

Couplet 77

ଶୁଣି ସନ୍ତୋଷ ମହାବାହୁବୋଇଲେ ଏହି ବର ହେଉ

Couplet 78

ଏମନ୍ତ କହି ଭଗବାନଗ୍ରହମଣ୍ଡଳେ ଦେଲେ ସ୍ଥାନ

Couplet 79

ତେଣୁ ସେ ରାହୁ ପର୍ବକାଳେଗ୍ରାସଇ ରବିଚନ୍ଦ୍ର ବଳେ

Couplet 80

ବଇରୀ ବୁଦ୍ଧି ନ ଛାଡ଼ଇଅୟନେ ଅୟନେ ଗୋଡ଼ାଇ

Couplet 81

ଦେବଙ୍କୁ ଦେଇ ସୁଧାପାନତକ୍ଷଣେ ପ୍ରଭୁ ଭଗବାନ

Couplet 82

ଦେଖନ୍ତି ଦେବତା ଅସୁରମାୟା ଛାଡ଼ିଲେ ମାୟାଧର

Couplet 83

ମୋହିନୀରୂପ ଗଲା କେଣେଯେ ରୂପ ଅମୃତ କାରଣେ

Couplet 84

କଠୋର-ସାଧ୍ୟେ ଭଗବାନଦେବଙ୍କୁ ଦେଲେ ସୁଧାପାନ

Couplet 85

ଏ ରୂପେ ସୁରାସୁରଗଣେସମାନ-ଦେଶ-କାଳ-ଧର୍ମେ

Couplet 86

ମନ୍ଥିଲେ ସିନ୍ଧୁ ତୁଲ୍ୟବଳେଲଭିଲେ ବିପରୀତ-ଫଳେ

Couplet 87

କୃଷ୍ଣର ପାଦ ଯେଣୁ ଧ୍ୟାୟୀଦେବେ ଅମୃତ-ଫଳ ପାଇ

Couplet 88

ଅସୁରେ ନ ସେବି ଚରଣକର୍ମର ଫଳେ ହେଲେ ହୀନ

Couplet 89

ପୁତ୍ର-କଳତ୍ର ଦେହ ଅର୍ଥେଯେ ଯାହା କରଇ ଯୁକତେ

Couplet 90

ତାହା ନ କଲେ କୃଷ୍ଣାର୍ପଣକେବଳ ଶ୍ରମମାତ୍ର ଜାଣ

Couplet 91

ମୂଳେ ସିଞ୍ଚିଲେ ସିନା ଜଳବିକଶେ ବୃକ୍ଷ-ପତ୍ର-ଡାଳ

Couplet 92

ଶ୍ରୀକୃଷ୍ଣ ମାୟା-ବିଦ୍ୟମାନେଯେ ରୂପେ ସମୁଦ୍ର-ମନ୍ଥନେ

Couplet 93

ଦେବଙ୍କୁ ସୁଧାପାନ ଦେଇନିଜ ଭୁବନେ ଭାବଗ୍ରାହୀ

Couplet 94

ଦେଖନ୍ତି ସ୍ୱର୍ଗଲୋକେ ମିଳିଗରୁଡ଼େ ବସି ବନମାଳୀ

Couplet 95

ଯେ ରୂପ ଗରୁଡ଼ ଆସନେସୁଜନେ ଚିନ୍ତ ସ୍ଥିର ମନେ

Couplet 96

ବୋଲଇ ଦାସ ଜଗନ୍ନାଥଅଷ୍ଟମ ସ୍କନ୍ଧେ ଭାଗବତ