Adhyaya 1

Couplet 1

ହରଷେ ଅଭିମନ୍ୟୁସୁତଶୁଣି ଗୋବିନ୍ଦର ଚରିତ

Couplet 2

ଶୁକ ଚରଣେ ଦେଇ କରବୋଲେ ପରୀକ୍ଷ ଦଣ୍ଡଧର

Couplet 3

ବିଷ୍ଣୁ-ଚରିତ ତୁମ୍ଭ ମୁଖେଶୁଣିଲି ଅଦୃଷ୍ଟ-ସୁପାକେ

Couplet 4

ଭୋ ମୁନି ଦୟାକର ମୋତେସଂସାରୁ ତରିବି ଯେମନ୍ତେ

Couplet 5

ମୋଠାରେ ସ୍ନେହ ବହ ଯେବେପ୍ରସନ୍ନ ଚିତ୍ତେ କହ ଏବେ

Couplet 6

ପୂର୍ବେ ଯେ ସ୍ୱାୟମ୍ଭୂବ ମନୁପ୍ରତ୍ୟକ୍ଷେ ପଦ୍ମଯୋନି ତନୁ

Couplet 7

ତାହାଙ୍କ ବଂଶେ ଯେ ଚରିତଯେ ପୂର୍ବେ ଭୂତ-ଭବିଷ୍ୟତ

Couplet 8

ବିସ୍ତାରେ ତୁମ୍ଭ ମୁଖୁଁ ଶୁଣିତରିବି ଭବ-ତରଙ୍ଗିଣୀ

Couplet 9

ଯେ ବଂଶେ ବିଶ୍ୱସୃକଗଣମନୁଦୁହିତା ଗର୍ଭେ ପୁଣ

Couplet 10

ପୁତ୍ର-ପୌତ୍ରାଦି ଏ ଜଗତେଯେବା ଚରିତ କଲେ ଯେତେ

Couplet 11

ଯେ ମନୁବଂଶେ ଯେବା କୃତ୍ୟଅଦ୍ଭୁତ ବିଷ୍ଣୁର ଚରିତ

Couplet 12

ଅଦ୍ୟାପି କବି-ଋଷିମାନେଅଶେଷ-ଶାସ୍ତ୍ର-ଅନୁମାନେ

Couplet 13

ଗ୍ରନ୍ଥିଲେ କୃଷ୍ଣଗୁଣ ଗାଥାଅଶେଷ କର୍ମ ହରିକଥା

Couplet 14

ଯେ କଥା କର୍ଣ୍ଣରନ୍ଧ୍ରେ ପଶେଅଶେଷ କଳୁଷ ବିନାଶେ

Couplet 15

ଯେ ମନୁ ଅନ୍ତରେ ଯେ କଥାବିଷ୍ଣୁ ଚରିତ ସାଧୁଗାଥା

Couplet 16

ଯେ ବର୍ତ୍ତମାନ ପୂର୍ବଭୂତେଯେବା କରିବେ ଭବିଷ୍ୟତେ

Couplet 17

ସକଳ କହ ମୁନିବରଏ ଭବସାଗରୁ ଉଦ୍ଧର

Couplet 18

ଏମନ୍ତ ପରୀକ୍ଷିତ ଆଗେଶୁକ କହନ୍ତି ଅନୁରାଗେ

Couplet 19

ପ୍ରଥମକଳ୍ପେ ମୁଁ ସମ୍ପାଦିକହିଲି ସ୍ୱାୟମ୍ଭୂବ ଆଦି

Couplet 20

ଏ ଷଟ ମନୁବଂଶ ଯେତେଦେବାଦି ମନୁଷ୍ୟ ପର୍ଯ୍ୟନ୍ତେ

Couplet 21

ଆଦ୍ୟନ୍ତ ମଧ୍ୟେ କଲେ ଯେତେପୂର୍ବେ ମୁଁ କହିଅଛି ତୋତେ

Couplet 22

ଆକୂତି ଦେବହୂତି ବେନିମନୁଦୁହିତା ବେନିଭଗ୍ନୀ

Couplet 23

ଧର୍ମଜ୍ଞାନର ଉପଦେଶେପରମବ୍ରହ୍ମ ନିଜ ଅଂଶେ

Couplet 24

ଯଜ୍ଞବରାହ କଳ୍ପେ ପୂର୍ବେଜନ୍ମିଲେ ଦେବହୂତି ଗର୍ଭେ

Couplet 25

କପିଳ ରୂପେ କଲେ ଯେତେପୂର୍ବେ ମୁଁ କହିଅଛି ତୋତେ

Couplet 26

ଆକୂତି ଗର୍ଭେ ଯଜ୍ଞ ରୂପେଯେ ଅବା କଲେ ପୂର୍ବକଳ୍ପେ

Couplet 27

ସେ କଥା ଶୁଣ ନୃପବରହରି-ଚରିତ ସୁଧାସାର

Couplet 28

ସେ ସ୍ୱାୟମ୍ଭୂବ ମନୁରାଜାସୃଷ୍ଟି-ସର୍ଜନେ ମହାତେଜା

Couplet 29

ସେ ପତ୍ନୀ ଶତରୂପା ସଙ୍ଗେବିରକ୍ତ ଚିତ୍ତ କାମଭୋଗେ

Couplet 30

ବନେ ପଶିଲେ ତପ ଅର୍ଥେସେ ପତିବ୍ରତାର ସମେତେ

Couplet 31

ସୁନନ୍ଦା-ତୀର୍ଥେ ଏକପାଦେଉଭା ସେ ହୋଇ ଦୃଢ଼ବନ୍ଧେ

Couplet 32

ଗଗନଗତେ ମୁଖକରିଚଞ୍ଚଳ-ଚିତ୍ତକୁ ନିବାରି

Couplet 33

ସୁଘୋର ତପେ ରହି ବନେସେ ରାଜା ବିଚାରଇ ବନେ

Couplet 34

ଯେ ହରି ଏ ବିଶ୍ୱସଂସାରେଚେତନା ରୂପେ ହୃଦେ ପୂରେ

Couplet 35

ଚେତନ-ଅଚେତନ-ରୂପୀଜାଗ୍ରତ ସ୍ୱପ୍ନ ମଧ୍ୟେ ବ୍ୟାପୀ

Couplet 36

ଧାତା ନ ଜାଣେ ଯାର ଅନ୍ତତେଣୁ ସେ ବୋଲାଇ ଅନନ୍ତ

Couplet 37

ଏ ବିଶ୍ୱଆତ୍ମା ଯେହୁ ହୋଏବିରାଜେ ସ୍ୱୟଂ ସର୍ବଦେହେ

Couplet 38

ସୃଜଇ ପାଳଇ ସଂହାରେବାଳକ-ଲୀଳାରେ ବିହରେ

Couplet 39

ଦେଖନ୍ତା ପ୍ରାଣୀଙ୍କି ନ ଦିଶେଦୃଶ୍ୟ ଅଦୃଶ୍ୟ ରୂପେ ମିଶେ

Couplet 40

ସକଳ ରୂପେ ଯାର ବାସବିରାଜେ ଯେହ୍ନେ ଘଟାକାଶ

Couplet 41

ସେ ସର୍ବପ୍ରାଣୀଙ୍କ ମନ୍ଦିରଜୀମୂତ ମଧ୍ୟେ ଯେହ୍ନେ ନୀର

Couplet 42

ସୁପର୍ଣ୍ଣ ପୃଷ୍ଠେ ଯାର ସ୍ଥିତିତା’ ପାଦେ ରହୁ ମୋର ମତି

Couplet 43

ଆଦ୍ୟନ୍ତ ମଧ୍ୟ ଯାର ନାହିଁସ୍ୱ ପର ଭେଦ ଅବା କାହିିଁ

Couplet 44

ନ ମିଶେ ଅନ୍ତର ବାହାରେଏ ମାୟା-ମୋହନ ସଂସାରେ

Couplet 45

ଏ ବିଶ୍ୱମୟ ଯେ ପ୍ରମାଣସତ୍ୟ-ସ୍ୱରୂପ ପୂର୍ଣ୍ଣବ୍ରହ୍ମ

Couplet 46

ଯେ ବିଶ୍ୱକାୟ ପୁରୁହୂତବିଶ୍ୱ-ସୃଜନେ ଉପଗତ

Couplet 47

ବିମୋହ ମୋହ ପାଶେ ଛନ୍ଦିଯାର କ୍ରୀଡ଼ାରେ ବିଶ୍ୱ ବନ୍ଦୀ

Couplet 48

ସତ୍ୟ ପରମଜ୍ୟୋତି ଅଜପୁରାଣ ପୁରୁଷ ବିରାଜ

Couplet 49

ଜୀବର ଜନ୍ମ ଆଦି ଯେତେଧରେ ଆତ୍ମଶକ୍ତି ଆୟେତ୍ତେ

Couplet 50

ନିରୀହ ଚେଷ୍ଟା-ବିବର୍ଜିତସ୍ୱରୂପେ ଯେବେ ହୋଏସ୍ଥିତ

Couplet 51

ଏ ଭାବ ଜାଣି ଋଷିଜନେକର୍ମ ଇଚ୍ଛନ୍ତି ଦୃଢ଼ମନେ

Couplet 52

ଯେ ଭାବେ କର୍ମ ହିଁ ନ ଫଳେସେ ଭାବେ ଭଜନ୍ତି ନିଶ୍ଚଳେ

Couplet 53

ଈଶ୍ୱର ଭାବେ କର୍ମ କଲେନିର୍ଗୁଣ ଲଭନ୍ତି ସେ ଭଲେ

Couplet 54

ଇଷ୍ଟ କରନ୍ତି ପ୍ରାଣୀଙ୍କରସେ ଭାବେ ଭଜେ ଦୁରାଚାର

Couplet 55

ଆତ୍ମାର ପୂର୍ଣ୍ଣଲାଭ ଅର୍ଥେଯେ ତାଙ୍କୁ ଭଜନ୍ତି ଜଗତେ

Couplet 56

କେବେହେଁ ଭ୍ରଷ୍ଟ ସେ ନୁହନ୍ତିଅନ୍ତେ ଲଭନ୍ତି ବ୍ରହ୍ମଗତି

Couplet 57

ସକଳ ଆତ୍ମାର ଈଶ୍ୱରସ୍ୱଭାବେ ନାହିଁ ଅହଙ୍କାର

Couplet 58

ପର୍ଣ୍ଣ ଅନାଦି ନିରଞ୍ଜନକାହାର ନୋହେ ସେ ଅଧୀନ

Couplet 59

ସ୍ୱଭାବେ ନିଜମାର୍ଗେ ରହେକେ ଚିନ୍ତିପାରେ ତାକୁ ଦେହେ

Couplet 60

ଏଣୁ ସେ ସଂସାରର ସାରତା’ ପାଦେ ମୋର ନମସ୍କାର

Couplet 61

ଶୁଣ ହୋ ଅଭିମନ୍ୟୁ ସୁତସେ ସ୍ୱାୟମ୍ଭୂବ ଦୃଢ଼ଚିତ୍ତ

Couplet 62

ଚିନ୍ତା କରନ୍ତେ ତପବଳେସୁଦୃଢ଼ ସମାଧି ନିଶ୍ଚଳେ

Couplet 63

ଅସୁର-ଯାତୁଧାନ ଗଣେବେଗେ ମିଳିଲେ ଘୋରବନେ

Couplet 64

ଭକ୍ଷିବା ପାଇଁ କ୍ଷୁଧା ଆଶେବେଗେ ମିଳିଲେ ତାର ପାଶେ

Couplet 65

ତାହାଙ୍କୁ ଦେଖି ନରହରିଯଜ୍ଞପୁରୁଷ ରୂପ ଧରି

Couplet 66

ନିବାରି ଯାତୁଧାନ ଗଣସ୍ୱର୍ଗ ପାଳିଲେ ନାରାୟଣ

Couplet 67

ସେ ମନୁ ଅନ୍ତେ ସ୍ୱାରୋତିଷଦ୍ୱିତୀୟ ମନୁ ସେ ବିଶେଷ

Couplet 68

ଅଗ୍ନିର ପୁତ୍ର ସେ ସ୍ୱଭାବେରାଜତ୍ୱ କଲା ବିଶ୍ୱଭାବେ

Couplet 69

ଦ୍ୟୁମାନ ସୁଷେଣ ରୋଚିଷଏ ଆଦି ତାର ପୁତ୍ର ଦଶ

Couplet 70

ସେ ମନୁ କାଳେ ସୁରନାଥରୋଚନ ନାମେ ବଳବନ୍ତ

Couplet 71

ଯାହାର କାଳେ ଦେବଗଣତୁଷିତ ନାମେ ଉଚ୍ଚାରଣ

Couplet 72

ଋଷିଏ ଊର୍ଜ୍ଜସ୍ତମ୍ଭ ଆଦିଏ ସପ୍ତଋଷି ବ୍ରହ୍ମବାଦୀ

Couplet 73

ଯେ ବେଦଶିରା ନାମେ ମୁନିତୁଷିତା ନାମେ ତା ଭାମିନୀ

Couplet 74

ସେ ପତ୍ନୀ ଗର୍ଭେ ବିଭୁ ରୂପେବିଷ୍ଣୁ ଜନ୍ମିଲେ ଆଦିକଳ୍ପେ

Couplet 75

ପୂର୍ବେ ଯେ ବାଳଖିଲ୍ୟା ରୂପେଅଠାଶୀସସ୍ର ଆଦିକଳ୍ପେ

Couplet 76

ଯୋଗ-ଅଭ୍ୟାସେ ଊର୍ଦ୍ଧ୍ୱରେତାବିଷ୍ଣୁ-ଭଜନେ ବଳବନ୍ତା

Couplet 77

ବିଭୁର ଶିକ୍ଷା ଶିରେ ଧରିସେ ମୁନିଗଣେ ବ୍ରହ୍ମଚାରୀ

Couplet 78

କୁମାର-ବ୍ରତ ଆଚରିଲେତେଣୁ ବାଳକ ସେ ହୋଇଲେ

Couplet 79

ତୃତୀୟ-ମନୁ ଯେ ଉତ୍ତମସେ ପ୍ରିୟବ୍ରତର ନନ୍ଦନ

Couplet 80

ତାର ସୁଞ୍ଜୟ ଯଜ୍ଞହୋତ୍ରଏ ଆଦି ପୁତ୍ରେ ବଳବନ୍ତ

Couplet 81

ସେ କଳ୍ପେ ସପ୍ତଋଷି ଜନବଶିଷ୍ଠଋଷିଙ୍କ ନନ୍ଦନ

Couplet 82

ପ୍ରମଦ ଆଦି ସପ୍ତସୁତେସତ୍ୟ ଆଦି ଯେ ଦେବଯୁଥେ

Couplet 83

ସତ୍ୟଜିତ ଯେ ଦେବରାଜାହରି-ଭକତେ ମହାତେଜା

Couplet 84

ସୁନୃତା ଧର୍ମପତ୍ନୀ ଗର୍ଭେପୁରୁଷୋତ୍ତମ ରୂପେ ପୂର୍ବେ

Couplet 85

ବହିଣ ସତ୍ୟସେନ ନାମସତ୍ୟବ୍ରତଙ୍କ ସଙ୍ଗେ ପୁଣ

Couplet 86

ଜନ୍ମିଲେ ସତ୍ୟବ୍ରତ ତୁଲେଶୁଣ ତୁ ଯେବା କର୍ମ କଲେ

Couplet 87

ଯକ୍ଷ ରାକ୍ଷସ ଭୂତଗଣପ୍ରାଣୀଙ୍କି କରନ୍ତି ଭକ୍ଷଣ

Couplet 88

ତାହାଙ୍କୁ ମାରି ସତ୍ୟ ସଙ୍ଗେଧର୍ମ ରଖିଲେ ସତ୍ୟଯୁଗେ

Couplet 89

ଚତୁର୍ଥେ ପ୍ରିୟବ୍ରତ-ସୁତତାମସ ଉତ୍ତମର ଭ୍ରାତ

Couplet 90

ଯେ ପୃଥୁ କେତୁ ଖ୍ୟାତି ନରଏ ଆଦି ଦଶ ତା କୁମର

Couplet 91

ତାର ଅନ୍ତରେ ସ୍ୱର୍ଗପୁରେତ୍ରିଶିଖ ନାମେ ସୁରେଶ୍ୱରେ

Couplet 92

ସତ୍ୟକ ହରି ବୀର ଆଦିଦେବତା ନାମେ ଏ ପ୍ରସିଦ୍ଧି

Couplet 93

ମୁନିଏ ଜ୍ୟୋତିର୍ଦ୍ଧାମ ଆଦିତାମସ ଅନ୍ତରେ ପ୍ରସିଦ୍ଧି

Couplet 94

ବୈଧୃତି ନାମେ ଦେବଗଣଶୁଣ ହୋ ତାହାଙ୍କ ପ୍ରମାଣ

Couplet 95

କାଳେ ଯେ ବେଦ ନାଶ ଗଲେସେ ମନ୍ୱନ୍ତରେ ସେ ରଖିଲେ

Couplet 96

ସେ ମନ୍ୱନ୍ତରରେ ଅଚ୍ୟୁତହରିଣୀ ଉଦରେ ସମ୍ଭୂତ

Couplet 97

ତେଣୁ ବହିଲେ ହରି ନାମରୂପେ ମୋହିତ କୋଟିକାମ

Couplet 98

ଯେ ହରିନାମ ଏ ସଂସାରେଅଶେଷ ଦୁରିତ ସଂହରେ

Couplet 99

ଯେ ରୂପେ ଗଜେନ୍ଦ୍ର-ମୋକ୍ଷଣକୁମ୍ଭୀର-ଦର୍ପ ନିବାରଣ

Couplet 100

ଜଳେ କୁମ୍ଭୀର ମୁଣ୍ଡ ହାଣିଗଜ ରଖିଲେ ଚକ୍ରପାଣି

Couplet 101

ଯା ନାମ ଭୁବନମଙ୍ଗଳଦୂରିତ ବନ-ଦାବାନଳ

Couplet 102

ଏକଥା ଶୁକ ମୁଖୁଁ ଶୁଣିପାଣ୍ଡବ ବଂଶ ଚୂଡ଼ାମଣି

Couplet 103

ଆନନ୍ଦେ ହୋଇ କୃତକୃତ୍ୟବୋଇଲେ ନୃପ ପରୀକ୍ଷିତ

Couplet 104

ଭୋ ମୁନି ଦୁର୍ଲ୍ଲଭ-ବଚନଶୁଣି ଆନନ୍ଦ ମୋର ମନ

Couplet 105

କେମନ୍ତେ ପ୍ରଭୁ ନରହରିଗଜ ରଖିଲେ ଗ୍ରାହ ମାରି

Couplet 106

କୁମ୍ଭୀର କେଉଁ ଜଳେ ଥିଲାଗଜକୁ କେମନ୍ତେ ଧଇଲା

Couplet 107

ସେ ଜଳଜୀବ ଜଳେ ଥାଇହସ୍ତୀ-ସଂଯୋଗ ତାର କାହିଁ

Couplet 108

ହସ୍ତୀ ସବଳ ମହାକାୟେକୁମ୍ଭୀର କେତେ ବଳ ବହେ

Couplet 109

ଏକଥା ସଂଶୟ ତ ମୋତେଭୋ ମୁନି କହ ଶୁଦ୍ଧଚିତ୍ତେ

Couplet 110

ଏ ପୁଣ୍ୟକଥା ମହାଧନ୍ୟମଙ୍ଗଳ ସର୍ବ ସ୍ୱସ୍ତ୍ୟୟନ

Couplet 111

ଏ ଯେ ପ୍ରସ୍ତାବ ହରିବାଣୀଶ୍ରବଣମାର୍ଗେ ଯେବା ଶୁଣି

Couplet 112

ହରି ପ୍ରସାଦୁ ଭବୁ ତରେନ ପଡ଼େ ମାୟା-ତମ-ଘୋରେ

Couplet 113

ଏମନ୍ତେ ପରୀକ୍ଷିତ ବାଣୀଆନନ୍ଦେ ଶୁକମୁନି ଶୁଣି

Couplet 114

ଗଙ୍ଗାର ତୀରେ ଅନ୍ତର୍ଜଳେଅସଂଖ୍ୟ ମୁନିଗଣ ମେଳେ

Couplet 115

ଗୋବିନ୍ଦ ପାଦେ ଦେଇ ଚିତ୍ତବୋଲଇ ଦାସ ଜଗନ୍ନାଥ