Adhyaya 3

Couplet 1

ଶୁଣ ପାଣ୍ଡବ-ଚୂଡ଼ାମଣିହିରଣ୍ୟକଶିପୁ କାହାଣୀ

Couplet 2

ଅନୁଜ-ମରଣର ତାପେମନ ନିଶ୍ଚଳ କଲା ତପେ

Couplet 3

ଅଜୟ-ଅମର-ଶରୀରପାଇଁ ସାଧିବି ବେଦବର

Couplet 4

ଗୃହ ଉପେକ୍ଷି ତପ ଅର୍ଥେମିଳିଲା ମନ୍ଦର ପର୍ବତେ

Couplet 5

ବସି ପର୍ବତଗୁହା ମଧ୍ୟେତପସ୍ୟା କଲା ଯୋଗସାଧ୍ୟେ

Couplet 6

ହୋଇବି ତ୍ରିଭୁବନେ ରାଜାସର୍ବେ ହୋଇବେ ମୋର ପ୍ରଜା

Couplet 7

ଏମନ୍ତ କଳ୍ପେ ତାର ମନେରିପୁ ନଥିବେ ତ୍ରିଭୁବନେ

Couplet 8

ଊର୍ଦ୍ଧ୍ୱେ ସେ ବେନିକର ତୋଳିଗଗନେ ଚାହିଁଲା ନିରୋଳି

Couplet 9

ପାଦଅଙ୍ଗୁଷ୍ଟେ ମହୀ ଚାପିଦେହ ରହିଲା ଶୂନ୍ୟେ ବ୍ୟାପି

Couplet 10

ପିଙ୍ଗଳଜଟା ଶିରେ ସାଜେପ୍ରଳୟ-ରବି ପ୍ରାୟ ତେଜେ

Couplet 11

ତାହାର ଘୋରତପ ଚାହିଁଶୂନ୍ୟେ ମିଳିଲେ ଦେବେ ଯାଇ

Couplet 12

ଶତେବରଷ ଦେବମତେତପେ ରହିଲା ଦୃଢ଼ଚିତ୍ତେ

Couplet 13

କ୍ଷୁଧା ପିପାସା କଲା ଦୂରକେବଳ ପବନ ଆହାର

Couplet 14

ତାର ମୂର୍ଦ୍ଧନି ମଧ୍ୟଗତସଧୂମ-ଅନଳ ସମ୍ଭୂତ

Couplet 15

ତାପିଲା ଅଧଃ ଊର୍ଦ୍ଧ୍ୱେ ବ୍ୟାପିଦେଖି ଭୁବନଲୋକେ କମ୍ପି

Couplet 16

ନଦୀ ସମୁଦ୍ର ଦିଗ ଭୂଇଁକମ୍ପିଲେ ମହାଭୟ ପାଇ

Couplet 17

ଗଗନୁ ଗ୍ରହ ତାରା ତ୍ରାସେଭୟେ ଖସିଲେ ଦଶଦିଶେ

Couplet 18

ଦେବେ କମ୍ପିଲେ ତାହା ଦେଖିସଭୟେ ଭୁବନ ଉପେକ୍ଷି

Couplet 19

ବିଚାର କରି ଏକେ ଏକେସର୍ବେ ମିଳିଲେ ବ୍ରହ୍ମଲୋକେ

Couplet 20

ବ୍ରହ୍ମା-ଚରଣେ ପ୍ରଣମିଲେଅନେକ ମତେ ସ୍ତୁତି କଲେ

Couplet 21

ହେ ଧାତା ଜଗତ ଈଶ୍ୱରଆମ୍ଭେ ଯେ ଶରଣ ତୋହର

Couplet 22

ଦିତିସୁତର ତପ ଚାହିଁଭୁବନେ ନ ପାରିଲୁ ରହି

Couplet 23

ଭୟେ ଅଇଲୁ ତୁମ୍ଭ ପୁରଆମ୍ଭଙ୍କୁ ରଖ ବେଦବର

Couplet 24

ତୋର ସଞ୍ଚିତ ସର୍ବଲୋକଆମ୍ଭଙ୍କୁ ମହାଭୟୁ ରଖ

Couplet 25

ଯେମନ୍ତେ ଲୋକନାଶ ନୋହେତେମନ୍ତ କର ତୁ ଉପାୟେ

Couplet 26

ଅସୁର ତପ ତୋର ଧ୍ୟାନେକିବା ସଂକଳ୍ପ ତାର ମନେ

Couplet 27

ସେ ନୋହେ ତୋତେ ଅଗୋଚରଆମ୍ଭେ ଯେ ତୋହର କିଙ୍କର

Couplet 28

ତଥାପି ତୋର ପାଦଗତେକହିଲୁ ଲୋକରକ୍ଷା ଅର୍ଥେ

Couplet 29

ତୁମ୍ଭେ ଯେ ଘୋରତପ କରିପୂର୍ବେ ତୋଷିଲ ନରହରି

Couplet 30

ତେଣୁ ଏ ବ୍ରହ୍ମଲୋକେ ସ୍ଥିତିପ୍ରଜା ଭିଆଣେ ପ୍ରଜାପତି

Couplet 31

ଏ ବଳବନ୍ତ ଯୋଗବଳେଯୋଗ-ସମ୍ପାଦି ସୁନିଶ୍ଚଳେ

Couplet 32

ତପ ସାଧି ଜନ୍ମେ ଅନେକସାଧ୍ୟ କରିବ ସର୍ବଲୋକ

Couplet 33

ଏତେ ବିଚାରେ ସତ୍ୟଲୋକେବସିବ ତପେ ଆତ୍ମସୁଖେ

Couplet 34

ବ୍ରହ୍ମାଣ୍ଡ ସର୍ଜିବାର ଅର୍ଥେଶ୍ରେୟ ବିଭୂତି କ୍ଷେମ ଯୁତେ

Couplet 35

ଏମନ୍ତ ତାହାର ବିଚାରକହିଲୁ ଯାହା ଇଚ୍ଛା କର

Couplet 36

ଏବେ ଜଗତ ରକ୍ଷାକରତୁମ୍ଭେ ଯେ ଜଗତ ପିଅର

Couplet 37

ଏମନ୍ତ ଦେବବାକ୍ୟ ଶୁଣିସଙ୍ଗତେ ଭୃଗୁ ଦକ୍ଷ ଘେନି

Couplet 38

ଅପରେ ଯେତେ ବ୍ରହ୍ମମୁନିଘେନି ଚଳିଲେ ପଦ୍ମଯୋନି

Couplet 39

ଜନକୁଶଳ ମନେ ଭାଳିଦୈତ୍ୟର ତପସ୍ଥାନେ ମିଳି

Couplet 40

ଦେଖିଲେ ଅସୁର ଶରୀରସ୍ୱଭାବେ ଅତି ଭୟଙ୍କର

Couplet 41

ବଲ୍ମୀକ-କୀଟ ଆଚ୍ଛାଦିତତୃଣ ପିପୀଲିକା ଭକ୍ଷିତ

Couplet 42

ମେଦ ଶୋଣିତ ମାଂସ ଚର୍ମଅସ୍ଥି-ପଞ୍ଜରେ କୀଟଗ୍ରାମ

Couplet 43

ତପ ସାଧନେ କ୍ଷୀଣକାୟମାଂସ ଶୋଣିତ ଶୁଷ୍କପ୍ରାୟ

Couplet 44

ତାହାର ତପ ଅତିରେକେହେଳେ ତାପିତ ତିନିଲୋକେ

Couplet 45

ଦେହ ନ ଦିଶେ ତୃଣାଚ୍ଛନ୍ନେମେଘେ ଆବୃତ ରବି ଯେହ୍ନେ

Couplet 46

ଏମନ୍ତ ଅସୁରର ଗତିଦେଖି ବିସ୍ମିତ ପ୍ରଜାପତି

Couplet 47

ଆରୋହୀ ନିଜ ହଂସ ଯାନକହନ୍ତି କୋମଳ ବଚନ

Couplet 48

ଉଠ ହେ କଶ୍ୟପ କୁମରହୋଇଛି ତପସିଦ୍ଧି ତୋର

Couplet 49

ତପେ ତୋହର ତେଜ ଦେଖିଅଇଲୁ ଭୁବନ ଉପେକ୍ଷି

Couplet 50

ତୋହର ବରଦାତା ମୁହିଁବାଞ୍ଛିତ ବର ମାଗ ତୁହି

Couplet 51

ତପେ ତୋ ପରି ସ୍ଥିରମତିକେ ଅବା ଭୁବନେ ଅଛନ୍ତି

Couplet 52

ଅଦ୍ଭୁତ ଦେଖିଲି ମୁଁ ତୋତେତୋ ସମ ନାହାନ୍ତି ଜଗତେ

Couplet 53

ପ୍ରାଣ ଅଛଇ ଅସ୍ଥିଗତେଧ୍ୟାନ ତୋହର ଅନ୍ତର୍ଗତେ

Couplet 54

ପୂର୍ବେ ଯେ ଥିଲେ ମୁନିଜନେତପ ଆଚରି ଘୋର ବନେ

Couplet 55

ତୋହର ପ୍ରାୟେ କେ ଅଛନ୍ତିନିରମ୍ବୁ-ଭକ୍ଷଣେ ରହନ୍ତି

Couplet 56

ଶତେ ବରଷ ଦେବମତେତପ ସାଧିଲୁ ଏ ଜଗତେ

Couplet 57

ଭୂତ-ଭବିଷ୍ୟ-ଭର୍ତ୍ତମାନେଦେଖିଲା ନାହିଁ ତ୍ରିଭୁବନେ

Couplet 58

ଦୁଃସହ-ତପ ଏ ତୋହରମନ ବଚନେ ଅଗୋଚର

Couplet 59

ତୋ ତପନିଷ୍ଠା ଦୃଢ଼ଚିତ୍ତେସ୍ୱଭାବେ ଜିଣିଲୁ ତୁ ମୋତେ

Couplet 60

ଏଣୁ ତୋ ତପ ଦୃଢ଼ ଦେଖିଅଇଲି ଆସନ ଉପେକ୍ଷି

Couplet 61

ସିଦ୍ଧ ତୋହର ତପଦୀକ୍ଷାମାଗ ତୋ ମନେ ଯେବା ଇଚ୍ଛା

Couplet 62

ଦେବଲୋକଙ୍କ ଦରଶନନିଷ୍ଫଳ ନୋହେ କଦାଚନ

Couplet 63

ଏମନ୍ତ କହି ତାକୁ ବାଣୀଦୟାସାଗର କୁଶପାଣି

Couplet 64

ତକ୍ଷଣେ କମଣ୍ଡଳୁ କରେଜଳ ସିଞ୍ଚିଲେ ତା ଉପରେ

Couplet 65

କୀଟ-ବଲ୍ମୀକ-ଭକ୍ଷ୍ୟ ଦେହୀତକ୍ଷଣେ ଦିବ୍ୟରୂପ ହୋଇ

Couplet 66

ସର୍ବ ସଂପୂର୍ଣ୍ଣ କଳେବରବଜ୍ରହୁଁ କଠିନ ଶରୀର

Couplet 67

ଯୁବା-ବୟସ ସୁଗଠନଯୁବତୀ ମନ ବିମୋହନ

Couplet 68

ତପ୍ତକାଞ୍ଚନ ପ୍ରାୟ ଦେହୀତେଜେ ଅନଳ ରୂପ ଦହି

Couplet 69

ଲୋଚନ ଘଷି ଚାହେଁ ବେଗେଧାତାକୁ ଦେଖେ ଶୂନ୍ୟମାର୍ଗେ

Couplet 70

ହଂସବାହନ-ରୂପ ଚାହିଁନମିଲା ଦଣ୍ଡପ୍ରାୟ ହୋଇ

Couplet 71

ବ୍ରହ୍ମା-ଦରଶନ ଉତ୍ସବେନିଷ୍ଠୁର ତପର ପ୍ରଭାବେ

Couplet 72

କରଅଞ୍ଜଳି ଶିରେ ଦେଇହରଷେ ରୋମ ପୁଲକଇ

Couplet 73

ଆନନ୍ଦେ ଅଶ୍ରୁ ଗଦଗଦେସ୍ତୁତି କରଇ ପଦ୍ମପାଦେ

Couplet 74

ନମସ୍ତେ ପ୍ରଭୁ ବେଦପତିତ୍ରିଲୋକ ତୋହର କୀରତି

Couplet 75

କଳ୍ପ ଅନ୍ତରେ କାଳବଳେଘୋର ଅନ୍ଧାର ଏ ଶୟଳେ

Couplet 76

ନିଜ ଶରୀର ତେଜପୁଞ୍ଜେଜଗତେ ଯେ ପ୍ରଭୁ ବିରାଜେ

Couplet 77

ଆତ୍ମାତ୍ରିଗୁଣ ମାୟାଘୋରେସର୍ଜଇ ପାଳଇ ସଂହରେ

Couplet 78

ଏଣୁ ତ୍ରିଗୁଣ-ଧାମ-ଯୁତେପରମତତ୍ତ୍ୱ ନମୋସ୍ତୁତେ

Couplet 79

ଜ୍ଞାନ-ବିଜ୍ଞାନ ଆଦି କରିନମସ୍ତେ ବୀଜ-ଶକ୍ତିଧାରୀ

Couplet 80

ପ୍ରାଣ ଇନ୍ଦ୍ରିୟ ମନ ବୃଦ୍ଧିବିକାରେ ବ୍ୟକ୍ତ ଯେ ପ୍ରସିଦ୍ଧି

Couplet 81

ଜଗତ କଲ୍ୟାଣ ସ୍ୱରୂପୀଜୀବକୁ ପ୍ରାଣବଳେ ବ୍ୟାପି

Couplet 82

ପ୍ରଜାପତିଙ୍କ ପତି ହୋଇଇନ୍ଦ୍ରିୟ ଇନ୍ଦ୍ରିଅର୍ଥେ ବହି

Couplet 83

ତୁ ମହାଭୂତ ଗୁଣାଶ୍ରୟସକଳ ଶ୍ରୁତି-ସ୍ମୃତିମୟ

Couplet 84

ତୁ ଦେବ ସପ୍ତତନୁ ହେତୁଚତୁରହୋତ୍ର ମୂଳତତ୍ତ୍ୱୁ

Couplet 85

ଆତ୍ମାର ଆତ୍ମା ତୁ ଅନାଦିଅନନ୍ତ ଅପ୍ରମେୟବାଦୀ

Couplet 86

ତୁ ନାଥ ଅନିମିଷ-କାଳହରୁ ପ୍ରାଣୀଙ୍କ ଆୟୁର୍ବଳ

Couplet 87

ନିମିଷ ଆଦି ରୂପ ତୋରତେଣୁ ପ୍ରାଣୀଙ୍କ ଆୟୁହର

Couplet 88

ତୋର ସର୍ଜିତ ଏ ଜଗତତୁ କୂଟ ଆତ୍ମାରୂପେସ୍ଥିତ

Couplet 89

ତୁ ପରମେଷ୍ଠୀ ମହାଶ୍ରୟଜୀବଲୋକର ଜୀବ ଦେହ

Couplet 90

ତୋ ତହୁଁ ଅନ୍ୟ କେ ଜଗତେପର ଅପର ଛନ୍ତି ଯେତେ

Couplet 91

ସଂସାରେ ବିଦ୍ୟା କଳା ଯେତେତୋର ଶରୀର ଏ ନିୟତେ

Couplet 92

ବ୍ରହ୍ମାଣ୍ଡ ତୋର ତହୁଁ ଜାତତୁ ଦେବ ତିନିପୁରନାଥ

Couplet 93

ଜଗତ ହିତେ ତୋର ଦେହୀମନଇନ୍ଦ୍ରିୟ ଗୁଣଗ୍ରାହୀ

Couplet 94

ଏହାଙ୍କ ଭୋଗ କରୁ ଗୁଣପରମପଦେ ତୋର ସ୍ଥାନ

Couplet 95

ଅବ୍ୟକ୍ତ-ଆତ୍ମା ତୁ ନିର୍ଗୁଣତୁ ନାଥ ପୁରୁଷ ପୁରାଣ

Couplet 96

ଅନନ୍ତ-ଅବ୍ୟକ୍ତ-ଶରୀରତୁ ନାଥ ବ୍ରହ୍ମାଣ୍ଡ ଭିତର

Couplet 97

ଚିତ-ଅଚିତ ଶକ୍ତିଯୁତନମସ୍ତେ ପ୍ରଭୁ ଭଗବତ

Couplet 98

ଯେବେ ତୁ ବର ଦେବୁ ମୋତେଶୁଣ କହିବି ତୋ ଅଗ୍ରତେ

Couplet 99

ତୋର ସଞ୍ଚିତ ସୃଷ୍ଟି ଯେତେରୂପେ ଅଛନ୍ତି ଏ ଜଗତେ

Couplet 100

ତାହାଙ୍କ ହସ୍ତେ ନ ମରିବିଅଜରାମର ହୋଇଥିବି

Couplet 101

ବ୍ରହ୍ମାଣ୍ଡ ଅନ୍ତର ବାହାରେରଜନୀ କିବା ଦିବସରେ

Couplet 102

ନାନା ଆୟୂଧ ଛନ୍ତି ଯେତେକେବେ ହେଁ ନ କାଟିବେ ମୋତେ

Couplet 103

ମୃତ୍ୟୁ ମୋ ନରପଶୁ ହସ୍ତେନୋହିବ ଭୂମିଶୂନ୍ୟ ପଥେ

Couplet 104

ଜୀବେ ଅଜୀବେ ନ ମରିବିନିତ୍ୟେ ନିର୍ଭୟେ ମୁଁ ବଞ୍ଚିବି

Couplet 105

ସୁର ଅସୁର ସର୍ପାଘାତେବିଯୋଗ ନ କରିବେ ମୋତେ

Couplet 106

ସମରେ ମୋର ତୁଲେ ବଳେକେହି ନ ଥିବେ ଏ ଶୟଳେ

Couplet 107

ହୋଇବି ତ୍ରିଭୁବନେ ରାଜାସର୍ବେ କରିବେ ମୋତେ ପୂଜା

Couplet 108

ଦିଗପାଳଙ୍କ ମଧ୍ୟଗତେତୋହର ମହିମା ଯେମନ୍ତେ

Couplet 109

ମୋ ତପ-ମହିମା-ପ୍ରଭାବକେବେହେଁ ବିନାଶ ନୋହିବ

Couplet 110

ଏମନ୍ତେ ବ୍ରହ୍ମାର ସମ୍ମୁଖେବର ମାଗିଲା ଆତ୍ମ ସୁଖେ

Couplet 111

କର ଅଞ୍ଜଳି ଶିରେ ଦେଇବ୍ରହ୍ମାର ଶ୍ରୀମୁଖକୁ ଚାହିଁ

Couplet 112

ନାରଦ ଯୁଧିଷ୍ଠିର ବାଣୀଯଜ୍ଞସଭାର ମଧ୍ୟେ ଭଣି

Couplet 113

ଅସୁର-ତପଫଳ ଶୁଣିଘୋର-ସଂସାରୁ ତର ପ୍ରାଣୀ

Couplet 114

ଭଣଇ ଦାସ ଜଗନ୍ନାଥସପ୍ତମ ସ୍କନ୍ଧେ ଭାଗବତ