Adhyaya 13

Couplet 1

ଏବେ କହିବା ଯତିଧର୍ମସ୍ୱଭାବେ ଅବଧୂତ-କର୍ମ

Couplet 2

ମାୟାସଂସାର ଦୂର କରିବୁଲିବ ଦେହ ମାତ୍ର ଧରି

Couplet 3

ଗ୍ରାମେ ବଞ୍ଚିବ ଏକ ଦିନଦ୍ୱିଦିନ ନ ରହିବ ପୁଣ

Couplet 4

ନିର୍ଜନେ ଦିଗମ୍ବର-ବେଶେଯେବେ ପଶିବ ବନଦେଶେ

Couplet 5

କୌପୀନ କରିବ ବସନଏକା ଭ୍ରମିବ ରାତ୍ରଦିନ

Couplet 6

କେବେ ହେଁ ନ କରିବ ସଙ୍ଗସମୁଦ୍ରେ ଯେସନେ ତରଙ୍ଗ

Couplet 7

ସର୍ବଭୂତରେ ଶାନ୍ତପଣେଶ୍ରୀନାରାୟଣ ପ୍ରାୟ ମଣେ

Couplet 8

ସତ ଅସତ ବିଶ୍ୱ ବେନିତୁଲେ ଭାବିବ ଆତ୍ମା ଘେନି

Couplet 9

ପରମବ୍ରହ୍ମ ଆତ୍ମା ସାରସର୍ବବ୍ୟାପିତ ନିରନ୍ତର

Couplet 10

ଜାଗ୍ରତ-ସ୍ୱପ୍ନ ମଧ୍ୟେ ରହିଆତ୍ମାର ଗତି ଆତ୍ମେ ଧ୍ୟାୟି

Couplet 11

ଆତ୍ମାର ବନ୍ଧ-ମୋକ୍ଷ ବେନିଲକ୍ଷିବ ମାୟା ମାତ୍ର ଘେନି

Couplet 12

ବସ୍ତୁ ସ୍ୱଭାବ ନାହିଁ ତାରଏଣୁ ସର୍ବଦା ନିର୍ବିକାର

Couplet 13

ବସ୍ତୁର ନିତ୍ୟାନିତ୍ୟ-ଭାବଏଣୁ ଏ ଶରୀର ଅଧ୍ରୁବ

Couplet 14

ଜୀବର ଉତ୍ପତ୍ତି-ମରଣକାଳଟି ଏହାର କାରଣ

Couplet 15

ଏଣୁ ଶରୀର-ଧର୍ମ ଜାଣିଆତ୍ମାର-ଗତି ପରିମାଣି

Couplet 16

ଅଶାସ୍ତ୍ରେ ନ କରିବ ରତିଜୀବିକା ଜ୍ୟୋତିଷ ପ୍ରଭୃତି

Couplet 17

ଦୂରେ ତେଜିବ ତର୍କବାଦଯେ ଶାସ୍ତ୍ରେ ପକ୍ଷପାତ ଭେଦ

Couplet 18

ଅଭ୍ୟାସ ନ କରି ସେ ପଥେଶିଷ୍ୟ ନ କରିବ ସଙ୍ଗତେ

Couplet 19

ବ୍ୟାଖ୍ୟାନ ନିଜ ପ୍ରୟୋଜନେକେବେ ହେଁ ନ କରିବ ମନେ

Couplet 20

ମଠାଦି ଗୃହକୁ ନିର୍ମାଣକେବେ ହେଁ ନୋହେ ଯତିଧର୍ମ

Couplet 21

ସୁଶାନ୍ତ ବୁଦ୍ଧି ସମଚିତ୍ତହୋଇବ ଅର୍ଥରେ ବିରକ୍ତ

Couplet 22

ଦୃଶ୍ୟ-ଅଦୃଶ୍ୟ ଭାବେ ଥିବବାଇବାଳକ ଚେଷ୍ଟାଭାବ

Couplet 23

ମୂକ ବଧିର ପ୍ରାୟେ ବେଶେଭାବେ ବଞ୍ଚିବ ଆତ୍ମବଶେ

Couplet 24

ଶୁଣ ରାଜନ ସାବଧାନଯେ ଇତିହାସ ପୁରାତନ

Couplet 25

ପ୍ରହ୍ମାଦ ସଙ୍ଗେ ମୁନିବରନାମ ଯାହାର ଅଜଗର

Couplet 26

ଏ ବେନିଜନଙ୍କ ସମ୍ବାଦଶୁଣନ୍ତେ ନ ଲାଗେ ପ୍ରମାଦ

Couplet 27

ସେ ପ୍ରହଲ୍ଲାଦ ଏକଦିନେମୃଗୟା ଅର୍ଥେ ଗଲେ ବନେ

Couplet 28

ଭୃତ୍ୟନିକର ଘେନି ସଙ୍ଗେବନେ ବିହରେ କ୍ରୀଡ଼ାରଙ୍ଗେ

Couplet 29

ଏମନ୍ତେ ସହ୍ୟଗିରି ତଟେକାବେରୀ ତଟେ ଭୂମିପୃଷ୍ଠେ

Couplet 30

ଶୟନେ ଦେଖେ ମୁନିବରଶରୀର ଧୂଳିରେ ଧୂସର

Couplet 31

ସ୍ୱେଦ-କର୍ଦ୍ଦମେ ସେ ଭୂଷିତସମ୍ମୁଖେ ଦେଖେ ବିପରୀତ

Couplet 32

କର୍ମ-ବଚନ-ଲିଙ୍ଗ-ବର୍ଣ୍ଣେଲକ୍ଷି ନ ପାରେ ଅନୁମାନେ

Couplet 33

କିବା ଆଶ୍ରମ ଲକ୍ଷି ନୋହେଶୟନ ବିପରୀତ-ଦେହେ

Couplet 34

ତାହାଙ୍କୁ ଦେଖି ପ୍ରହଲ୍ଲାଦଭାବେ ନମିଲା ବେନିପାଦ

Couplet 35

ଲକ୍ଷଣେ ମଣି ତାର ଗତିବୋଲନ୍ତି ଅସୁରଙ୍କ ପତି

Couplet 36

ଏ ସ୍ଥୂଳ-ଶରୀର ତୋହରସ୍ୱଭାବେ ଦିଶଇ ସୁନ୍ଦର

Couplet 37

ଭୋଗୀପୁରୁଷ ପ୍ରାୟେ ହୋଇତୋ ଦେହ ଦେଖି ପଚାରଇ

Couplet 38

ବିତ୍ତ-ଅର୍ଜନେ ଭୋଗୀଜନେଭ୍ରମନ୍ତି ନଗର ବିପିନେ

Couplet 39

ଭୋଗର ବଳେ ପୁଷ୍ଟଦେହୀଏ ଅନୁମାନେ ମୁଁ ମଣଇ

Couplet 40

ଉଦ୍ୟମ ନ କରି ତୁ ଧନେକିମ୍ପା ଶୋଇଛୁ ଘୋରବନେ

Couplet 41

କେମନ୍ତେ ପୁଷ୍ଟ ତୋ ଶରୀରକହ ସଂଶୟ ଯାଉ ଦୂର

Couplet 42

କହ ତୁ ନ ଭଜି ମଉନମୁଁ ଯେବେ ଶୁଣିବା ଭାଜନ

Couplet 43

ଯେ ଦକ୍ଷ ପଣ୍ଡିତ ଚତୁରବିଚିତ୍ରବାକ୍ୟ ପ୍ରିୟକର

Couplet 44

ତାଙ୍କୁ ପୁଚ୍ଛିଲେ ସର୍ବ କହେମନେ ଅହଙ୍କାର ନ ବହେ

Couplet 45

ଏମନ୍ତେ ପ୍ରହଲ୍ଲାଦ ବାଣୀସେ ଅବଧୂତ କର୍ଣ୍ଣେ ଶୁଣି

Couplet 46

ତାହାର ଅମୃତ-ବଚନେକହଇ ହୃଷିତବଦନେ

Couplet 47

ତୁ ପ୍ରହଲ୍ଲାଦ ଦୈତ୍ୟବରଜାଣଇଁ ମହିମା ତୋହର

Couplet 48

ସଂଶୟ ନାହିଁ ତୋର ମନେତୁ ଦେଖୁ ନିର୍ମଳ ନୟନେ

Couplet 49

ଯାର ହୃଦୟେ ନାରାୟଣବସଇ ପୁରୁଷ ପୁରାଣ

Couplet 50

ସେ ଭକ୍ତିବଳେ ତମଘୋରନାଶଇ ଯେହ୍ନେ ଦିବାକର

Couplet 51

ତୁ ମୋତେ ପଚାରିଲୁ ଯେବେଶୁଣ କହିବା ତୋତେ ଭାବେ

Couplet 52

ଆତ୍ମାର ଶୁଦ୍ଧି ଯେ ଇଚ୍ଛନ୍ତିମହାନ୍ତ ପୁଚ୍ଛିଲେ କହନ୍ତି

Couplet 53

ଭବ-ବାହିନୀ ତୃଷ୍ଣା ନାମତାର ପୂରଣେ କେହୁ କ୍ଷମ

Couplet 54

ସେ ତୃଷ୍ଣାବଳେ ମୁଁ ଜଗତେଭ୍ରମିଲି କୋଟି ଜନ୍ମ ଶତେ

Couplet 55

ଅଶେଷ-ଯୋନି ଗର୍ଭବାସତେବେ ହେଁ ନ ପୂରିଲା ଆଶ

Couplet 56

ଅର୍ଜିଲା କର୍ମଦୋଷେ ଭ୍ରମିଫୁଟି ହୋଇଲି ପଥଶ୍ରମୀ

Couplet 57

ଯେ ଶୁଭକର୍ମ ମୋର ଥିଲାସେ ଫଳ ଏ ଜନ୍ମେ ଫଳିଲା

Couplet 58

ସ୍ୱଭାବେ ସ୍ୱର୍ଗ-ମୋକ୍ଷ ଦ୍ୱାରଦୁର୍ଲ୍ଲଭ ମନୁଷ୍ୟ ଶରୀର

Couplet 59

ସ୍ୱଧର୍ମ କଲେ ସ୍ୱର୍ଗବାସଅଧର୍ମେ ନରକେ ପ୍ରବେଶ

Couplet 60

ଏ ବେନିଦ୍ୱାର ଯେ ତେଜନ୍ତିନିଶ୍ଚଳଯୋଗେ ଆତ୍ମା ଚିନ୍ତି

Couplet 61

ଭଜନ୍ତି ଗୋବିନ୍ଦ ଚରଣେତରନ୍ତି ଏ ଜନ୍ମ ମରଣେ

Couplet 62

ମୁଁ ଏ ସଂସାର ସୁଖ ଦେଖିବିଚାରି ମନେ ହେଲି ଦୁଃଖୀ

Couplet 63

ଦ୍ୱନ୍ଦ୍ୱ ମୈଥୁନ ଗୃହବାସେଇନ୍ଦ୍ରିୟ ସୁଖଭୋଗ ଆଶେ

Couplet 64

ଅନ୍ତେ ନରକେ ବିଶ୍ରାମନ୍ତିଏ ଘେନି ମନେ କଲି ଭ୍ରାନ୍ତି

Couplet 65

ଏଣୁ ମୁଁ ଗୃହଦ୍ୱନ୍ଦ୍ୱ ଏଡ଼ିତପ ସାଧଇ ଦୁଃଖେ ପଡ଼ି

Couplet 66

ପ୍ରବୃତ୍ତିମାର୍ଗେ ନର ଦୁଃଖୀନିବୃତ୍ତିମାର୍ଗେ ହୋନ୍ତି ସୁଖୀ

Couplet 67

ଏବେ ମୁଁ କୃଷ୍ଣର ପ୍ରସାଦେନିବୃତ୍ତି-କର୍ମଯୋଗ ସାଧେ

Couplet 68

ନିତ୍ୟେ ଭ୍ରମଇ ଆତ୍ମାଭାବେମନ ଆନନ୍ଦେ ସୁଖପ୍ଲବେ

Couplet 69

ମନ-ସଙ୍କଳ୍ପ-ଭୋଗ ତେଜିପ୍ରାରବ୍ଧ-ଭୋଗ ବନେ ଭୁଞ୍ଜି

Couplet 70

ଏଣୁ ଆତ୍ମାର ଅର୍ଥେ ମୁହିଁସଙ୍କଳ୍ପି ଏକାନ୍ତେ ଭ୍ରମଇ

Couplet 71

ଏବେ ହୋ ପ୍ରହଲ୍ଲାଦ ଶୁଣବିଷୟ ବଶେ ଯେତେ ଗୁଣ

Couplet 72

ତାମସ ରଜଗୁଣ ତେଜେବିବିଧ କାମ୍ୟକର୍ମ ଭଜେ

Couplet 73

ଆତ୍ମାର ହିତ ନ ସୁମରେଅସାଧୁମାର୍ଗେ କର୍ମ କରେ

Couplet 74

ପ୍ରାଣୀ ଭ୍ରମନ୍ତି ଘୋରପଥେନାନା-ଯାତନା କର୍ମତନ୍ତ୍ରେ

Couplet 75

ଘୋର ସଂସାରେ ସଞ୍ଚରନ୍ତିଏ ଘେନି ମୋର ମନେ ଭ୍ରାନ୍ତି

Couplet 76

ଦେଖ ଅଜ୍ଞାନେ ମୋହଚ୍ଛନ୍ନେସଂସାରେ ସଞ୍ଚରନ୍ତି ଜନେ

Couplet 77

ଯେ ଜଳ ତୃଣେ ଆଚ୍ଛାଦିତତାହା ନ ଇଚ୍ଛଇ ତୃଷିତ

Couplet 78

ମୃଗତୃଷ୍ଣାକୁ ଜଳ ମଣେଭ୍ରମେ ଭ୍ରମଇ ଅକାରଣେ

Couplet 79

ତାହାର ଶ୍ରମ ମାତ୍ର ସାରଯେ ଆତ୍ମା ନ କରେ ବିଚାର

Couplet 80

କର୍ମ-ଆୟତ୍ତେ ଦେହ ବହିଆତ୍ମାର ସୁଖ ଯେ ଇଚ୍ଛଇ

Couplet 81

ସଙ୍କଳ୍ପି କ୍ରିୟା କରେ ଯେତେନିଷ୍ଫଳ ହୋଏ କାର୍ଯ୍ୟ ଅନ୍ତେ

Couplet 82

ଅଧ୍ୟାତ୍ମ ଆଦି ଦୁଃଖ ଯେତେଆତ୍ମା ନିପାତ ଯାର ଅନ୍ତେ

Couplet 83

ବିମୁକ୍ତ ନୋହେ ପ୍ରାଣୀ ଏଣେକି ପ୍ରୟୋଜନ ଅର୍ଥ କାମେ

Couplet 84

ଲୋଭୀ ପ୍ରାଣୀଙ୍କ ଦୁଷ୍ଟ-ମନବଳେ ବନ୍ଧନ କରେ ଧନ

Couplet 85

ଧନୀଜନଙ୍କ ଦୁଃଖ ଦେଖିମୁଁ ଧନତୃଷ୍ଣାକୁ ଉପେକ୍ଷି

Couplet 86

ଦେଖଇ ଧନୀଙ୍କର ଦୁଃଖନିଦ୍ରା-ଭୋଜନେ ନାହିଁ ସୁଖ

Couplet 87

ରାଜାର ଭୟ ନିତ୍ୟେ ଧନେଚୌର ସ୍ୱଜନ ଶତ୍ରୁଜନେ

Couplet 88

ଯେ ଅବା ଆସେ ଧନ ମାଗିତା ଦେଖି ଚିତ୍ତେ ଦୁଃଖଭାଗୀ

Couplet 89

ଅଶେଷ ଆପଦର ସ୍ଥାନଏ ଧନମୂଳୁଁ ହୋଏ ଜନ୍ମ

Couplet 90

ଯେ ଶୋକ ମୋହ ଲୋଭ କ୍ରୋଧନିତ୍ୟେ ଉଦ୍‌ବେଗ ଯେ ପ୍ରମାଦ

Couplet 91

ଯାହାର ମୂଳୁଁ ଏ ସ୍ରବନ୍ତିଧନର ମୂଳେ ପ୍ରାଣଭୀତି

Couplet 92

ଏ ଘେନି ଯେ ପଣ୍ଡିତ ଜନେଲୋଭ ତେଜନ୍ତି ଜାଣି ଧନେ

Couplet 93

ମଧୁମକ୍ଷିକା ଅଜଗରଏ ଜନ୍ମେ ଗୁରୁ ଏ ମୋହର

Couplet 94

ଯେ ବଇରାଗ ପରିତୋଷଏହାଙ୍କ ତହୁଁ ଉପଦେଶ

Couplet 95

ବୈରାଗ୍ୟ ସର୍ବକାମେ ମୋରଏ ଶିକ୍ଷା ଦେଲା ମଧୁକର

Couplet 96

ଅନେକ ଦୁଃଖେ ଯେ ଅର୍ଜନତାକୁ ବିନାଶି ହରେ ଆନ

Couplet 97

ଧନ ନ ଇଚ୍ଛି ତୋଷ ମନେଭ୍ରମଇ ଯଥା ଲାଭ ଧନେ

Couplet 98

ମହାସର୍ପର ପ୍ରାୟେ ହୋଇବଞ୍ଚଇ ଉପଦେଶ ଧ୍ୟାୟି

Couplet 99

ତଥାପି ଗୋବିନ୍ଦ ପ୍ରସନ୍ନେନିତ୍ୟେ ଆନନ୍ଦ ମୋର ମନେ

Couplet 100

ମୋ ଦେହେ ବଳ କାନ୍ତି ତୁଷ୍ଟିସୁଖ-ବର୍ଦ୍ଧନେ ଦେହ ପୁଷ୍ଟି

Couplet 101

ଏ ଭାବେ ବଞ୍ଚେ ମୋର ଦେହୀମୁଁ ସୁଖ ଦୁଃଖ ନ ଜାଣଇ

Couplet 102

ଅଳ୍ପ-ଆହାର କାହିଁ ପାଇକାହିଁବା ସମ୍ପୂର୍ଣ୍ଣ ଭୁଞ୍ଜଇ

Couplet 103

ସ୍ୱାଦୁ-ଅସ୍ୱାଦୁ ନ ମଣଇଯେ ଦିନେ ଯେ ଅବା ମିଳଇ

Couplet 104

ଗ୍ରାସକୁ ଅମୃତ ମଣଇସୁମିଷ୍ଟ ମିଳେ ଅବା କାହିଁ

Couplet 105

କାହିଁବା କଟୁ ତିକ୍ତ ପାଇମନ-ସନ୍ତୋଷେ ତା ଭୁଞ୍ଜଇ

Couplet 106

କାହିଁବା ଶ୍ରଦ୍ଧା-ଉପହୃତକାହିଁବା ମାନ୍ୟ ବିବର୍ଜିତ

Couplet 107

କାହିଁବା ଦଧିଅନ୍ନ ଘୃତକାହିଁବା ଲବଣ ବର୍ଜିତ

Couplet 108

ଅଳ୍ପ ବହୁତ ନ ବାରଇଯହିଁ ଯା ମିଳେ ତୁଷ୍ଟ ତହିଁ

Couplet 109

ଏମନ୍ତେ ପୋଷଇ ଜୀବନନିଶ୍ଚିନ୍ତ ମନେ ମୋ ଶୟନ

Couplet 110

ରାତ୍ର ଦିବସ ନ ଜାଣଇଉଭୟ ଏକ ପ୍ରମାଣଇ

Couplet 111

ପାଟବସନ କାହିଁ ପିନ୍ଧିକାହିଁ ବୁଲଇ ଚର୍ମ ବାନ୍ଧ

Couplet 112

ଚୀରାଣି ବସ୍ତ୍ର କାହିଁ ମିଳେକାହିଁବା ବଞ୍ଚଇ ବକଳେ

Couplet 113

କର୍ମ ଆଦରି ତୋଷମନେବସଇ ଇଚ୍ଛା ସୁଖ ସ୍ଥାନେ

Couplet 114

କାହିଁ ବା ଧରଣୀ ଶୟନକାହିଁ ପାଷାଣ କାହିଁ ତୃଣ

Couplet 115

କାହିଁ ପ୍ରାସାଦ ମଧ୍ୟେ ଥାଇକାହିଁ ପଲେଙ୍କ ନିଦ୍ରା ଯାଇ

Couplet 116

କାହିଁ ହଂସୁଲୀତୂଳୀ ପରେକାହିଁ ଶ୍ମଶାନେ ବନ ଘୋରେ

Couplet 117

କାହିଁ ବା ସ୍ନାନ କରେ ଶୁଦ୍ଧେସୁବାସ ତଇଳ ସୁଗନ୍ଧେ

Couplet 118

କାହିଁ ଚନ୍ଦନ ଗନ୍ଧସାରକାହିଁ ବା ନାନା ଅଳଙ୍କାର

Couplet 119

ସୁବାସ ପୁଷ୍ପମାଳ ଗନ୍ଧେକାହିଁ ବା ଗଜ ଅଶ୍ୱ କନ୍ଧେ

Couplet 120

କାହିଁ ବେଷ୍ଟିତ ପୀତାମ୍ବରକାହିଁ ବା ଭସ୍ମ ଦିଗମ୍ବର

Couplet 121

କାହିଁ ବା ଜ୍ଞାନ ଥାଇ ଦେହେକାହିଁ ଭ୍ରମଇ ଗୃହୀ ପ୍ରାୟେ

Couplet 122

କାହିଁ ପ୍ରମାଦ ଦେହେ ଥାଇକାହିଁ ବା ବୃକ୍ଷମୂଳେ ଶୋଇ

Couplet 123

ହେ ପ୍ରହଲ୍ଲାଦ ଶୁଣ ଧୀରେଆର କହିବା ତୋ ଛାମୁରେ

Couplet 124

ବିଷୟ-ଜଡ଼େ ପ୍ରାଣୀ ଥାନ୍ତିନିଜ ସ୍ୱଭାବ ପ୍ରକାଶନ୍ତି

Couplet 125

କାହାକୁ ନିନ୍ଦା ସ୍ତୁତି ମୋରକେବେ ହେଁ ନ କରେ ବିଚାର

Couplet 126

ସର୍ବପ୍ରାଣୀଙ୍କ ଶ୍ରେୟ ଚିନ୍ତିଏଣୁ ମୋ ମନେ ନାହିଁ ଭ୍ରାନ୍ତି

Couplet 127

ଆନନ୍ଦେ ଗୋବିନ୍ଦ-ଚରଣେଚିତ୍ତ ନିବେଶି ଅନୁକ୍ଷଣେ

Couplet 128

ଚିତ୍ତ-ବିକଳ୍ପ ହୋମ କରିତାହାକୁ ମନ ମଧ୍ୟେ ଭରି

Couplet 129

ମନ-ବିକାର ତତ୍ତ୍ୱେ ଥୋଇଯେଣେ ମାୟାକୁ ଭୟ ନାହିଁ

Couplet 130

ସେ ମାୟା ଆତ୍ମା ଅନୁଭୂତେସତ୍ୟ ସଙ୍କଳ୍ପ ମୁନିମତେ

Couplet 131

ତେଣୁ ନିର୍ବିକାର ମୋ ମନନିର୍ଗୁଣ-ବ୍ରହ୍ମେ କରି ଧ୍ୟାନ

Couplet 132

ଏମନ୍ତେ ଆତ୍ମା-ଅନୁଭୂତେକହିଲି ତୋହର ଅଗ୍ରତେ

Couplet 133

ଯେ ଲୋକ-ଶାସ୍ତ୍ର ମତ ଦୁଇଏଣେ ବର୍ଜିତ ମୋର ଦେହୀ

Couplet 134

ତୁ ଯେଣୁ ବିଷ୍ଣୁର ଭକତତେଣୁ କହିଲି ତୋ ଅଗ୍ରତ

Couplet 135

ତୁ ପ୍ରହଲ୍ଲାଦ କୃଷ୍ଣଦାସଏଣୁ ମୁଁ ତୋହରେ ବିଶ୍ୱାସ

Couplet 136

ଏମନ୍ତେ ମୁନି ମୁଖୁଁ ଶୁଣିପରମହଂସ ଧର୍ମବାଣୀ

Couplet 137

ସେ ପ୍ରହଲ୍ଲାଦ ଜ୍ଞାନୀ ଧୀରସ୍ୱଭାବେ ବିଷ୍ଣୁର କିଙ୍କର

Couplet 138

ସେ ଅବଧୂତ ତତ୍ତ୍ୱବାଣୀପ୍ରବାହ-ସୁଧା ତରଙ୍ଗିଣୀ

Couplet 139

ସେ ପ୍ରହଲ୍ଲାଦ ଶୁଣି କର୍ଣ୍ଣେବନ୍ଦିଲା ବିବିଧ-ସ୍ତବନେ

Couplet 140

ଆନନ୍ଦେ ନମି ତା ଚରଣେସଦନେ ଗଲା ତତକ୍ଷଣେ

Couplet 141

ଶୁଣ ସୁଜନେ ଦୃଢ଼ଚିତ୍ତେହରି-ଚରିତ ଭାଗବତେ

Couplet 142

ସପ୍ତମ ସ୍କନ୍ଧେ ଯେତେ ଧର୍ମଯେ ଧର୍ମ ଅବଧୂତ-କର୍ମ

Couplet 143

ପ୍ରହ୍ଳାଦ-ଅବଧୂତ କଥାଶୁଣନ୍ତେ ଖଣ୍ଡେ ଭବବ୍ୟଥା

Couplet 144

ଏଣେ ନିର୍ମଳ କର ଚିତ୍ତକହଇ ଦାସ ଜଗନ୍ନାଥ