Adhyaya 12

Couplet 1

ଶୁଣ ହେ ଧର୍ମର ନନ୍ଦନବନସ୍ଥ-ବ୍ରହ୍ମଚାରୀ-ଧର୍ମ

Couplet 2

ଗୃହସ୍ଥ-ଭିକ୍ଷୁଧର୍ମ ଯେତେଏବେ କହିବା ତୋ ଅଗ୍ରତେ

Couplet 3

ଗୁରୁ-ଭୁବନେ ବ୍ରହ୍ମଚାରୀବସିବ ଦୃଢ଼ବ୍ରତ କରି

Couplet 4

ସ୍ୱଭାବେ-ତପକ୍ଳେଶ ଯୁତେନିରତେ ଥିବ ଗୁରୁହିତେ

Couplet 5

ସୁହୃଦ-ସୁଦୃଢ଼-ଲକ୍ଷଣେଆଜ୍ଞା ବହିବ ଦାସପଣେ

Couplet 6

ଗୁରୁ ଅନଳ ସୁରୋତ୍ତମତ୍ରିସନ୍ଧ୍ୟା କରିବ ପ୍ରଣାମ

Couplet 7

ଉଭୟ ସନ୍ଧ୍ୟାରେ ମଉନଜପିବ ବ୍ରହ୍ମ-ସନାତନ

Couplet 8

ବେଦ ପଢ଼ିବ ନିରନ୍ତରେଗୁରୁବଚନ ଧରି ଶିରେ

Couplet 9

ନିକଟେ ଥିବ ଶୁଦ୍ଧଚିତ୍ତେଚରଣେ ନମି ବେନିହସ୍ତେ

Couplet 10

ମେଖଳା ଚର୍ମ କଉପୀନଦଣ୍ଡ କମଣ୍ଡଳୁ ଧାରଣ

Couplet 11

ଯଜ୍ଞୋପବୀତ ଦର୍ଭପାଣିଯେବା କଳ୍ପିତ ଅନ୍ନ ଆଣି

Couplet 12

ବିପ୍ରଭୁବନୁ ମାଗି ଭିକ୍ଷାଦୃଢ଼େ ରଖିବ ଗୁରୁଦୀକ୍ଷା

Couplet 13

ପଞ୍ଚଭୁବନୁ ଯା ପାଇବଗୁରୁ-ସମୀପେ ସମର୍ପିବ

Couplet 14

ଯେ ଧର୍ମ ବ୍ରହ୍ମଚାରୀ ଦୀକ୍ଷାଗୁରୁ-ବଚନେ କରି ଭିକ୍ଷା

Couplet 15

ଗୁରୁ-ଆଜ୍ଞାରେ ତା ଭୁଞ୍ଜିବନୋହିଲେ ଉପବାସେ ଥିବ

Couplet 16

ସୁଶାନ୍ତ ମନେ ବଞ୍ଚି ଦିନକରିବ ଉଶ୍ୱାସ ଭୋଜନ

Couplet 17

ଗୁରୁଙ୍କ କାର୍ଯ୍ୟେ ଦକ୍ଷପଣେଶ୍ରଦ୍ଧା କରିବ ଅନୁକ୍ଷଣେ

Couplet 18

ଇନ୍ଦ୍ରିୟଗଣ କରି ବନ୍ଦୀଚଞ୍ଚଳମନ ହୃଦେ ରୁନ୍ଧି

Couplet 19

ସ୍ତିରୀ ସ୍ତ୍ରୀବଶ ଲୋକମେଳେସଙ୍ଗେ ନଥିବ ସର୍ବକାଳେ

Couplet 20

ନଶୁଣି ସ୍ତିରୀଙ୍କ ବଚନନକରି ମୁଖାବଲୋକନ

Couplet 21

କେଶ-ପ୍ରସାଧନ ମର୍ଦ୍ଦନସ୍ନାହାନ ବେଶ ଆଦିକର୍ମ

Couplet 22

ଗୁରୁକାମିନୀଙ୍କ ଗୋଚରେଦୃଢ଼େ ବର୍ଜିବ ଅତି ଦୂରେ

Couplet 23

ଯୁବତୀଜନ ଅଗ୍ନିସ୍ତମ୍ଭପୁରୁଷ-ଦେହ ଘୃତକୁମ୍ଭ

Couplet 24

ଏଣୁ ଯୁବତୀ ଦୂର କରିଧର୍ମ ସାଧିବ ବ୍ରହ୍ମଚାରୀ

Couplet 25

ଜୀବ ଈଶ୍ୱର ଭେଦଜ୍ଞାନଯାବତ ନ ଛାଡ଼ଇ ମନ

Couplet 26

ତାବତ ଥାଏ ଦ୍ୱୈତ ଭ୍ରମଏ ସ୍ତିରୀ ଏ ପୁରୁଷ ଜ୍ଞାନ

Couplet 27

ଏଣୁ ତା ଭୋଗେ ହୋଏ ମତିତେଣୁ ଛାଡିବ ସ୍ତ୍ରୀ ସଙ୍ଗତି

Couplet 28

ଏ ସର୍ବ ବ୍ରହ୍ମଚାରୀ-ବ୍ରତପାଳିବ ଯଦି ଯେ ଗୃହସ୍ଥ

Couplet 29

ସ୍ତିରୀ-ଗମନ ଋତୁକାଳେଉଚିତ ଗୃହସ୍ଥାଶ୍ରମରେ

Couplet 30

ଅଞ୍ଜନ-ତଇଳ-ମର୍ଦ୍ଦନସ୍ତିରୀ ବା ସ୍ତ୍ରୀ ମୂର୍ତ୍ତି ଦର୍ଶନ

Couplet 31

ଭୂଷା-ଲେପନ ମାଲ୍ୟ ଗନ୍ଧତେଜିବ ବ୍ରହ୍ମଚାରୀ ମଦ୍ୟ

Couplet 32

ଏମନ୍ତେ ବଞ୍ଚି ଗୁରୁପୁରେବେଦ-ଅଭ୍ୟାସ ନିରନ୍ତରେ

Couplet 33

ଅଙ୍ଗ-ଉପାଙ୍ଗ ବେଦ ପଢ଼ିଗୁରୁ-ସମୀପେ କରଯୋଡ଼ି

Couplet 34

ଉଭା ହୋଇଣ ଗୁରୁଆଗେଆଜ୍ଞା ମାଗିବ ଅନୁରାଗେ

Couplet 35

ଗୁରୁ-ବଚନ ଶିରେ ଧରିତେବେ ବଞ୍ଚିବ ଗୃହକରି

Couplet 36

ଅଥବା ବନସ୍ତେ ପଶିବସନ୍ନ୍ୟାସମତେ ବା ବଞ୍ଚିବ

Couplet 37

ଗୁରୁ ଅନଳ ସର୍ବଦେହେତୁଲ୍ୟେ ଦେଖିବ ବିଷ୍ଣୁମୟେ

Couplet 38

ଏହି ପ୍ରକାରେ ସାଧି ଧର୍ମଯେବା ଆଶ୍ରମେ ଯେବା କର୍ମ

Couplet 39

ଯେବା ସାଧନ୍ତି ଅପ୍ରମାଦେଅନ୍ତେ ପଶନ୍ତି କୃଷ୍ଣପାଦେ

Couplet 40

ଏବେ ହୋ ଶୁଣ ମହୀପତିଆଶ୍ରମ ବାନପ୍ରସ୍ଥ ଗତି

Couplet 41

ବନସ୍ତେ ଧର୍ମ ସାଧି ସୁଖେଅନ୍ତେ ମିଳନ୍ତି ମୁନିଲୋକେ

Couplet 42

ଭକ୍ଷଣ ଫଳ-ମୂଳ-ଶାକଅଗ୍ନିରେ ନ କରିବ ପାକ

Couplet 43

ନବୀନ ଫଳମୂଳ ଲାଭେପୁରୁଣା ତେଜିବ ସ୍ୱଭାବେ

Couplet 44

ବନ-ସମ୍ଭବ ବସ୍ତୁ ଘେନିକାଳେ ପୂଜିବ ଈଷ୍ଟ ଅଗ୍ନି

Couplet 45

ଅଗ୍ନି-ରକ୍ଷଣ ଅର୍ଥେ ଘରଅଥବା ପର୍ବତ-କନ୍ଦର

Couplet 46

କେଶ-ଲୋମାଦି ନଖ ଶ୍ମଶ୍ରୁଜଟିଳ କଷାବସ୍ତ୍ର ପାଂଶୁ

Couplet 47

ଦଣ୍ଡ କମଣ୍ଡଳୁ ଅଜିନବୃକ୍ଷ-ବକଳ ପରିଧାନ

Couplet 48

ତ୍ରିସନ୍ଧ୍ୟା କରିବ ସ୍ନାହାନବାଲୁକା-ମଣ୍ଡଳେ ଶୟନ

Couplet 49

ଏମନ୍ତେ ଦ୍ୱାଦଶ-ବତ୍ସରବନେ ବଞ୍ଚିବ ବ୍ରତଧର

Couplet 50

ଅଷ୍ଟ-ବରଷ କିବା ଅର୍ଦ୍ଧେଧର୍ମ ସାଧିବ ଅପ୍ରମାଦେ

Couplet 51

ବେନିବରଷ କିବା ଏକବଞ୍ଚିବ ଏ ବିଧି ବିବେକ

Couplet 52

ଧର୍ମ-ସାଧନେ ଅସମର୍ଥଯେବେ ହୋଇବ ବ୍ୟାଧିଗ୍ରସ୍ତ

Couplet 53

ଆଗମ ନିଗମ ପ୍ରମାଣେସନ୍ନ୍ୟାସ କରିବ ତକ୍ଷଣେ

Couplet 54

ସଙ୍କଳ୍ପି ଅନଶନ-ବ୍ରତହରିଚରଣେ ଦେଇ ଚିତ୍ତ

Couplet 55

ଯେ ସୃଷ୍ଟି ଶରୀର ଧାରଣେନ୍ୟାସିବ ପରମ କାରଣେ

Couplet 56

ଗଗନେ ନ୍ୟାସି ଇନ୍ଦ୍ରିଗଣେନିଃଶ୍ୱାସ ନ୍ୟାସି ସମୀରଣେ

Couplet 57

ତେଜେ ତେଜକୁ ନ୍ୟାସ କରିଧାତୁ ସମୂହ ଜଳେ ଭରି

Couplet 58

ଅନଳେ ବଚନ ବିନାଶିକ୍ଷିତି କାରଣେ ଶେଷ ନ୍ୟାସି

Couplet 59

କରଯୁଗଳ ଇନ୍ଦ୍ରେନ୍ୟାସିସୁଦୃଢ଼େ ସ୍ଥାପିବ ସନ୍ନ୍ୟାସୀ

Couplet 60

ପାଦର ଗତି ନାରାୟଣେଉପସ୍ଥ ପ୍ରଜାପତିଗଣେ

Couplet 61

ଗୁହ୍ୟ ବିସର୍ଗ ମୃତ୍ୟୁ ଅଙ୍ଗେଦିଗେ ସମର୍ପି ଶ୍ରୁତିଯୁଗେ

Couplet 62

ସ୍ପରଶ ଗୁଣ ତ୍ୱଚେ ନ୍ୟାସିରୂପକୁ ଚକ୍ଷୁବଳେ ଗ୍ରାସି

Couplet 63

ରୂପେ ନିବେଶି ଦୃଷ୍ଟି ଗୁଣଜିହ୍ୱାକୁ ରସେ ଗନ୍ଧେ ଘ୍ରାଣ

Couplet 64

ମନକୁ ଚନ୍ଦ୍ରରେ ସଂହରିବୋଧକୁ ବୁଦ୍ଧି ମଧ୍ୟେ ଭରି

Couplet 65

ଅଶେଷକର୍ମ ରୁଦ୍ର ଦେହେକ୍ରିୟାକୁ କର୍ତ୍ତବ୍ୟ ସମୂହେ

Couplet 66

ଚିତ୍ତକୁ ସତ୍ତ୍ୱଗୁଣେ ଭରିଗୁଣେ ବିକାରକୁ ସଂହରି

Couplet 67

କ୍ଷିତିକି ନ୍ୟାସକରି ଜଳେଜଳକୁ ବିନାଶି ଅନଳେ

Couplet 68

ଅନଳ ବିନାଶି ଅନିଳେପବନ ଗଗନମଣ୍ଡଳେ

Couplet 69

ଗଗନ ଅହଙ୍କାରେ ଭରିଅବ୍ୟକ୍ତେ ସମୂହ ସଂହାରି

Couplet 70

ମହତତତ୍ତ୍ୱେ ଅହଙ୍କାରମହତ ପ୍ରକୃତି ଗୋଚର

Couplet 71

ସେ ଗୁଣମୟ ସର୍ବବ୍ୟାପୀକ୍ଷର ଅକ୍ଷର ବେନିରୂପୀ

Couplet 72

ଚିନ୍ମାତ୍ର ଅକ୍ଷର ବିଶେଷଜୀବ ପରମ ପରଂହଂସ

Couplet 73

ତହିଁ ପ୍ରବେଶ ଧ୍ୟାନମୟେକାଷ୍ଠ-ଦହନେ ଅଗ୍ନିପ୍ରାୟେ

Couplet 74

ଏମନ୍ତ ସୃଷ୍ଟିକି ସଂହରିବିଷ୍ଣୁମାୟାରୁ ଯାନ୍ତି ତରି

Couplet 75

ସୁଜନେ ବୋଲ ହରି ହରିଭବସାଗରୁ ହେବ ପାରି

Couplet 76

ଏମନ୍ତେ ତରେ ବାନପ୍ରସ୍ଥକହଇ ଦାସ ଜଗନ୍ନାଥ