Adhyaya 11

Couplet 1

ନାରଦ ଯୁଧିଷ୍ଠିର ପାଶେକହନ୍ତି ଅଧ୍ୟା ଏକାଦଶେ

Couplet 2

ମନୁଷ୍ୟ-ବର୍ଣ୍ଣ ଧର୍ମ ଯେତେଯେ ଚାରିବର୍ଣ୍ଣ ଏ ଜଗତେ

Couplet 3

ନ ଥାନ୍ତି ପାଷଣ୍ଡଙ୍କ ମତେଗୋବିନ୍ଦ ଭଜି ଶୁଦ୍ଧଚିତ୍ତେ

Couplet 4

ମୋକ୍ଷ ସାଧନ ଆଦି କରିଯେ କର୍ମେ ସିଦ୍ଧି ନରହରି

Couplet 5

ଦଶଅଧ୍ୟାରେ ମହାମୁନିକହିଲେ ଭକ୍ତିଜ୍ଞାନ ବେନି

Couplet 6

ପାଞ୍ଚଅଧ୍ୟାରେ ପୁଣି ଏବେକର୍ମଯୋଗକୁ ସେ କହିବେ

Couplet 7

ଶୁକ କହନ୍ତି ଭକ୍ତିମାର୍ଗେଆନନ୍ଦେ ପରୀକ୍ଷିତ ଆଗେ

Couplet 8

ଶୁଣି ନାରଦ ମୁଖୁଁ କଥାସେ ଧର୍ମସୁତ ଶୁଦ୍ଧଚେତା

Couplet 9

ସେ ପ୍ରହଲ୍ଲାଦର ଚରିତସୁସାଧୁ-ସଭାମଧ୍ୟେ ଗୀତ

Couplet 10

ଉତ୍ତମ ମଧ୍ୟେ ଯେ ଅଗ୍ରଣୀଯାହାର ଆତ୍ମା ଚକ୍ରପାଣି

Couplet 11

ତାର ଚରିତ ଧର୍ମସୁତଶୁଣି ଆନନ୍ଦେ ହରଷିତ

Couplet 12

ବ୍ରହ୍ମାନନ୍ଦନ ପରିମୁଖେପୁଣି ପୁଚ୍ଛିଲେ ଆତ୍ମସୁଖେ

Couplet 13

ମନୁଷ୍ୟ ଜନ୍ମର ସ୍ୱଧର୍ମଯେ ବର୍ଣ୍ଣେ ସାଧି ଯେବା କର୍ମ

Couplet 14

ଈଶ୍ୱରବାକ୍ୟେ ଧର୍ମ ସାଧିଯେବା ଆଶ୍ରମେ ଯେବା ବିଧି

Couplet 15

ଧର୍ମ ସମ୍ପାଦି କର୍ମମଧ୍ୟେଅନ୍ତେ ପଶନ୍ତି କୃଷ୍ଣପାଦେ

Couplet 16

ଏହା ଶୁଣିବି ଇଚ୍ଛା ମୋରହେ ମୁନି ମୋତେ ଦୟାକର

Couplet 17

ତୁମ୍ଭେ ଯେ ପଦ୍ମଯୋନି ସୁତଜାଣ ସକଳ ପରମାର୍ଥ

Couplet 18

ସମାଧି ତପ ଜ୍ଞାନ ତୋରସନ୍ତୋଷ ତୋତେ ବେଦବର

Couplet 19

ଯେ ବିପ୍ର ନାରାୟଣ ପରକି ଅବା ତାର ଅଗୋଚର

Couplet 20

କରୁଣାବନ୍ତ ଶାନ୍ତ ଦେହେଯେବା ଅଛନ୍ତି ତୁମ୍ଭ ପ୍ରାୟେ

Couplet 21

ସେ ଗୁପ୍ତ ଧର୍ମକୁ ଜାଣନ୍ତିଯେ ଧର୍ମ ଅନ୍ୟେ ନ ଜାଣନ୍ତି

Couplet 22

କେବଳ ଦୟାସିନ୍ଧୁ ଧୀରଅଶେଷ ଜ୍ଞାନର ଈଶ୍ୱର

Couplet 23

ଏମନ୍ତେ ରାଜା ଭାବ ଘେନିହସି କହନ୍ତି ବ୍ରହ୍ମମୁନି

Couplet 24

ନମଇଁ ପ୍ରଭୁ ନରହରିଅଜନ୍ମା ଜନ୍ମ-ରୂପ ଧରି

Couplet 25

ଅଶେଷ ପ୍ରାଣୀ ଧର୍ମସେତୁପ୍ରକାଶ କଲେ ପାର ହେତୁ

Couplet 26

ସେ ସନାତନ-ଧର୍ମ-ବାଣୀମୁଁ ନାରାୟଣ ମୁଖୁଁ ଶୁଣି

Couplet 27

ସକଳ ଲୋକ ଧର୍ମ ଅର୍ଥେକହିବି ନରନାଥ ତୋତେ

Couplet 28

ସେ ଅବତାର ଆତ୍ମାଅଂଶେଜନ୍ମ ଲଭିଲେ ଧର୍ମବଂଶେ

Couplet 29

ଦକ୍ଷକନ୍ୟାର ଗର୍ଭେ ହରିଜନ୍ମିଲେ ଋଷି ରୂପ ଧରି

Couplet 30

ସଂସାର ଲୋକ ସିଦ୍ଧି କାମେସେ ବସି ବଦରିକାଶ୍ରମେ

Couplet 31

ତପ ସାଧନ୍ତି ଦୃଢ଼କରିନୃ-ନାରାୟଣ ରୂପ ଧରି

Couplet 32

ଯେ ହରି ସର୍ବଦେହେ ଆତ୍ମାଧର୍ମର ମୂଳ ଶୁଦ୍ଧକର୍ମା

Couplet 33

ତାର ବଚନ ଶ୍ରୁତିପଥେଯେ ପ୍ରାଣୀ ଶୁଣେ ଅବିରତେ

Couplet 34

ଭକ୍ତି ସମ୍ପାଦି ତା ଚରଣଆନନ୍ଦେ ପଶନ୍ତି ଶରଣ

Couplet 35

ସତ୍ୟ ଶଉଚ ଦୟା ତପତିତିକ୍ଷା ଶମ ଦମ କଳ୍ପ

Couplet 36

ଅହିଂସା ବ୍ରହ୍ମଚର୍ଯ୍ୟ ତ୍ୟାଗସାଧୁ ଶରୀର ରିପୁଭୋଗ

Couplet 37

ସନ୍ତୋଷ ସମଦୃଷ୍ଟି ସେବାଯେଣେ ସନ୍ତୋଷ ଋଷିଦେବା

Couplet 38

କର୍ମେ ନିବୃତ୍ତି ଗ୍ରାମ୍ୟଧର୍ମମଉନ ଆତ୍ମବିଚାରଣ

Couplet 39

ହୃଦେ ନିରୋଧ ଦୁଷ୍ଟମନଏ ପ୍ରାଣୀ ସାଧାରଣ-ଧର୍ମ

Couplet 40

ତତ୍ତ୍ୱ-ଧାରଣା ତତ୍ତ୍ୱଜ୍ଞାନଯା ଦେଖି ରହିବ ଚେତନ

Couplet 41

ବିଷୟ କର୍ମ ଜାଣି ବ୍ୟର୍ଥକେବେ ନ ଦେବ ତହିଁ ଚିତ୍ତ

Couplet 42

ନ କରି ଅନ୍ୟ ଭୋଗାଭୋଗଭୂତ ଅତିଥି ପୂଜ ଆଗ

Couplet 43

ଆତ୍ମା ଦେବତାବୁଦ୍ଧି କରିଏ ଭାବେ ଗୃହେ ଥିଲେ ତରି

Couplet 44

ଶ୍ରୀକୃଷ୍ଣ ନାମ ଅନୁକ୍ଷଣସ୍ମରଣ ଶ୍ରବଣ କୀର୍ତ୍ତନ

Couplet 45

ସେବା ପୂଜନ ଦାସପଣସୁସଖ୍ୟ ଆତ୍ମନିବେଦନ

Couplet 46

ପରମଧର୍ମ ଏ ପ୍ରସିଦ୍ଧିମନୁଷ୍ୟ-ଜନ୍ମର ଏ ବିଧି

Couplet 47

କୁଳ ଲକ୍ଷଣ ଧର୍ମ ଏହିଯେଣେ ସନ୍ତୋଷ ଭାବଗ୍ରାହୀ

Couplet 48

ଅଖିଳ-ସଂସ୍କାର-କାରଣେବେଦ ଅଭ୍ୟାସିବେ ବ୍ରାହ୍ମଣେ

Couplet 49

ବ୍ରାହ୍ଣଣ ଆଦି ତିନିବର୍ଣ୍ଣଯଜନ ଦାନ ଅଧ୍ୟୟନ

Couplet 50

ଜନ୍ମାଦି -କ୍ରିୟାକର୍ମ ଯେତେଚତୁର-ଆଶ୍ରମ ସହିତେ

Couplet 51

ପଠନଆଦି ଷଟକର୍ମବ୍ରାହ୍ମଣ-ଜନର ଏ ଧର୍ମ

Couplet 52

ରାଜାର ଧର୍ମ ପ୍ରଜା ରକ୍ଷାଆଦାନ ବିନେ ପଞ୍ଚଦୀକ୍ଷା

Couplet 53

ବାଣିଜ୍ୟ କୃଷି ଗୋରକ୍ଷଣବୈଶ୍ୟଜନର ଏ ଲକ୍ଷଣ

Couplet 54

ଶୂଦ୍ରଜନର ଦ୍ୱିଜସେବାଯେଣେ ସନ୍ତୋଷ ସର୍ବଦେବା

Couplet 55

ଯେ ଧର୍ମ ଶ୍ରୁତି-ସ୍ତୁତି-ଭେଦେତାହା ସାଧିବ ନିରାପଦେ

Couplet 56

ଆପଦେ ଅନ୍ୟ ବର୍ଣ୍ଣକର୍ମେସାଧି ବଞ୍ଚିବ ତିନିବର୍ଣ୍ଣେ

Couplet 57

ବିପ୍ର-ଜୀବନ-ବୃତ୍ତି ଅର୍ଥେକୃଷି ଅଥବା ଅଯାଚିତେ

Couplet 58

ଧାନ୍ୟ-ଯାଚଜ୍ଞା ପ୍ରତିଦିନଯେ ଅବା ବୃତ୍ତି ଶିଳୋଞ୍ଛନ

Couplet 59

ବାଣିଜ୍ୟ କରି ବା ବଞ୍ଚିବନୀଚକୁ ସେବା ନ କରିବ

Couplet 60

ବିପ୍ର କ୍ଷତ୍ରିୟ ବେନିବର୍ଣ୍ଣବର୍ଜିବ ନିନ୍ଦାବୃତ୍ତି ମାନ

Couplet 61

ଏତେ ଲକ୍ଷଣ ତୋତେ କହିରାଜନ ଶୁଣ ମନଦେଇ

Couplet 62

ତପ ଶଉଚ ଶମ ଦମସନ୍ତୋଷ ଋଜୁ କ୍ଷମା ଜ୍ଞାନ

Couplet 63

ସଦା ଅଚ୍ୟୁତ ଆତ୍ମା ସତ୍ୟବିପ୍ରଲକ୍ଷଣ ଏ ବିହିତ

Couplet 64

ତେଜ ଶଉର୍ଯ୍ୟ ବୀର୍ଯ୍ୟ ଧୃତିତ୍ୟାଗ ସଂଯମ ସତ୍ୟ ଶାନ୍ତି

Couplet 65

ନିତ୍ୟେ ପ୍ରସନ୍ନ ବିପ୍ରରକ୍ଷାକ୍ଷତ୍ରିୟ ଲକ୍ଷଣ ଏ ଦୀକ୍ଷା

Couplet 66

ଗୁରୁ ଅଚ୍ୟୁତ ଦେବେ ଭକ୍ତିତ୍ରିବର୍ଗ ସାଧନ ଯେ ନିତି

Couplet 67

ଆସ୍ତିକ୍ୟ ଉଦ୍ୟମ ନୈପୁଣ୍ୟବୈଶ୍ୟଜନର ଏ ଲକ୍ଷଣ

Couplet 68

ଅକପଟରେ ସ୍ୱାମୀ ସେବାକେବେ ହେଁ ଚୋରି ନ କରିବା

Couplet 69

ସତ୍ୟ ଯେ ଗୋ-ବିପ୍ର ରକ୍ଷଣମନ୍ତ୍ରବିହୀନେ ଯଜ୍ଞକର୍ମ

Couplet 70

ସାଧୁ ବିନତି ଶୌଚକର୍ମଶୂଦ୍ରଜନର ଏ ସ୍ୱକର୍ମ

Couplet 71

ଏବେ ହୋ ଯୁଧିଷ୍ଠିର ଶୁଣସ୍ତିରୀଜନର ଯେ ଲକ୍ଷଣ

Couplet 72

ସ୍ୱାମୀର ଚରଣ-କମଳେସେବିବ ମନର ନିଶ୍ଚଳେ

Couplet 73

ସ୍ୱାମୀର ବନ୍ଧୁ ଥିବେ ଯେତେତାଙ୍କ ତୋଷଣେ ଥିବ ନିତ୍ୟେ

Couplet 74

ପତିବ୍ରତାଙ୍କ ଏ ଲକ୍ଷଣନିଗମ-ବଚନ ପ୍ରମାଣ

Couplet 75

ଗୃହମାର୍ଜନ ଉପଲେପମଣ୍ଡନ ସାୟଂକାଳେ ଦୀପ

Couplet 76

ଶୌଚ ମାର୍ଜନ ତନୁ କେଶହରିଦ୍ରା ସୁଗନ୍ଧ ଉତ୍କର୍ଷ

Couplet 77

ଶୁଦ୍ଧ ସୁନିତ୍ୟକର୍ମ ସ୍ନାନପବିତ୍ର ସାତ୍ତ୍ୱିକ ଭୋଜନ

Couplet 78

ଆତ୍ମ-ମଣ୍ଡନ ନିରନ୍ତରେଭୂଷଣ କଜ୍ଜ୍ୱଳ ସିନ୍ଦୂରେ

Couplet 79

ବିନୟେ ଦମେ ସାଧ୍ୱୀ ନାରୀଯେ ଉଚ୍ଚନୀଚ କର୍ମ କରି

Couplet 80

ସର୍ବଦା ସ୍ନେହ ସତ୍ୟଶୀଳେଭଜିବ ପତି କାଳେ-କାଳେ

Couplet 81

ସତ୍ୟବଚନେ ପ୍ରେମେ ସଦାପତିଙ୍କି ଭଜିବ ସର୍ବଦା

Couplet 82

ସନ୍ତୋଷ ଅଲୋଭ ସୁଦକ୍ଷଧର୍ମଜ୍ଞ ପ୍ରିୟ ସତ୍ୟବାକ୍ୟ

Couplet 83

ଶୁଚି ସୁସିଗ୍ଧେ ସେ ଆନନ୍ଦେନିରତେ ସେବେ ସ୍ୱାମୀପାଦେ

Couplet 84

ସେବା କରିବ ଜନ୍ତୁଜନେପରପୁରୁଷ ପିତୃଜ୍ଞାନେ

Couplet 85

ଯେ ନାରୀ ହରି ଭାବେ ନିତିସେବା କରନ୍ତି ନିଜ ପତି

Couplet 86

ସେ ନାରୀ ଲକ୍ଷ୍ମୀପ୍ରାୟ ହୋଇପତିର ହସ୍ତେ ହସ୍ତ ଦେଇ

Couplet 87

ପତି ସଙ୍ଗତେ ବିଷ୍ଣୁଲୋକେବସଇ ଆନନ୍ଦେ ଅଶୋକେ

Couplet 88

ଅନ୍ୟଜାତିର ଯେବା ଧର୍ମନିୟତ କୁଳର ସେ କର୍ମ

Couplet 89

ଏମନ୍ତ ଧର୍ମ ଯୁଗେ ଯୁଗେଜାଣି ସେବନ୍ତି ଅନୁରାଗେ

Couplet 90

ବେଦଦୃଷ୍ଟିରେ ବିପ୍ରଜନେଧର୍ମ କହନ୍ତି ଅବଧାନେ

Couplet 91

ଯେ ଧର୍ମେ ଇହ ପରଲୋକେପ୍ରାଣୀ ତରନ୍ତି ଆତ୍ମସୁଖେ

Couplet 92

ବୃତ୍ତି-ସ୍ୱଭାବେ କ୍ରିୟା ଘେନିଯେ ଧର୍ମ ଇହପରେ ମାନି

Couplet 93

ବର୍ତ୍ତନ୍ତି ସ୍ୱକର୍ମ-କରଣେସେ ନରେ ପଶନ୍ତି ନିର୍ଗୁଣେ

Couplet 94

ନିରତେ ତପ-ବ୍ରତ କରିବିଷ୍ଣୁମାୟାରୁ ଯାନ୍ତି ତରି

Couplet 95

ନିଷ୍କାମମାର୍ଗେ ଯେବେ ଭଜେଅଙ୍କୁର ଯେହ୍ନେ ଦଗ୍ଧବୀଜେ

Couplet 96

କେବେହେଁ ବୃକ୍ଷ ସେ ନୁହଇଯତ୍ନ କଲେହେଁ ନାଶ ଯାଇ

Couplet 97

କି ଅବା କାମ ଜଡ଼ଚିତ୍ତେଯେବେ ସେବଇ ଅବିରତେ

Couplet 98

ତେବେ ବିରକ୍ତ ଚିତ୍ତ ହୋଏବହୁତ ଘୃତେ ଅଗ୍ନି ପ୍ରାୟେ

Couplet 99

ସେ ବର୍ଣ୍ଣେ ଯେମନ୍ତ ଲକ୍ଷଣବେଦେ ବର୍ଣ୍ଣନ୍ତି ମୁନିଗଣ

Couplet 100

ତା ଅଧୋଊର୍ଦ୍ଧ୍ୱେ ଯେବେ ଦେଖିସେ ବର୍ଣ୍ଣଧର୍ମେ ତାକୁ ଲେଖି

Couplet 101

ଏମନ୍ତ ଧର୍ମ ଅନୁବାଦେମୁନି କହନ୍ତି ସଭାମଧ୍ୟେ

Couplet 102

ଶୁଣି ସାନନ୍ଦ ଧର୍ମସୁତକହଇ ଦାସ ଜଗନ୍ନାଥ