Adhyaya 10

Couplet 1

ବିଷ୍ଣୁର ବରଲୋଭ ଶୁଣିମନେ ବିଚାରେ ଭକ୍ତମଣି

Couplet 2

ଭକ୍ତିଯୋଗକୁ ବିଘ୍ନ ପ୍ରାୟେମଣି ପ୍ରହ୍ଲାଦ କଲା ଭୟେ

Couplet 3

ହସି ନୃସିଂହ ମୁଖ ଚାହିଁବୋଲଇ ଶିରେ କର ଦେଇ

Couplet 4

ଭୋ ନାଥ ଶୁଣ ଚକ୍ରଧରବର-ପ୍ରସଙ୍ଗେ ମୋର ଡର

Couplet 5

କାମେ ଆସକ୍ତ ପ୍ରାୟେ ମଣିବର ଯାଚିଲୁ ଚକ୍ରପାଣି

Couplet 6

ସ୍ୱଭାବେ କାମେ ମୁଁ ଆସକ୍ତବର-ଲୋଭରେ ମୋହୁ ଚିତ୍ତ

Couplet 7

ମୋହର ମନ ତୋର ପାଦେତୁ ମୋତେ ନ କଳ୍ପ ପ୍ରମାଦେ

Couplet 8

ଭୃତ୍ୟ-ଲକ୍ଷଣ ଜାଣିବାରେସ୍ୱାମୀ ସ୍ୱଭାବ ଏ ସଂସାରେ

Couplet 9

କାମେ ଭ୍ରମାଇ ଭୃତ୍ୟ ଚିତ୍ତଜାଣଇଁ ଭକ୍ତ କି ଅଭକ୍ତ

Couplet 10

ସଂସାର-ବୀଜ ହୃଦଗ୍ରନ୍ଥିତେଣେ ଭ୍ରମାଉ ମୋର ମତି

Couplet 11

ସେ କଥା ଭଲେ ଜାଣେ ମୁହିଁଏଣୁ ଅନ୍ୟଥା ନ ଘଟଇ

Couplet 12

ତୋତେ ଆରାଧି ପ୍ରାଣୀ ଯେବେତୋର ଆଶିଷ ବିତ୍ତେ ଭାବେ

Couplet 13

ଭୃତ୍ୟ ଲକ୍ଷଣ ତା ନ ଜାଣିଯେ ଆତ୍ମାହିତ ନ ପ୍ରମାଣି

Couplet 14

ବଣିକ ସ୍ୱଭାବ ତାହାରସେ କାହିଁ ତରିବ ସଂସାର

Couplet 15

ଯେ ପ୍ରାଣୀ ଇଷ୍ଟ ଆଶା କରେଭୃତ୍ୟ ନ ବୋଲିବ ତାହାରେ

Couplet 16

ଯେ ସ୍ୱାମୀ ଭୃତ୍ୟେ କଷ୍ଟ ଦେଇତା ସ୍ୱାମୀପଣ ରହେ ନାହିଁ

Couplet 17

ନିଷ୍କାମ ଭକ୍ତ ମୁହିଁ ତୋରତୁ ନାଥ ଭକତ ସୋଦର

Couplet 18

ରାଜାର ସେବକ ଯେସନେବଞ୍ଚଇ ଆଜ୍ଞା ଅଲଂଘନେ

Couplet 19

ତଥାପି ତୋର ତୋଷ ଅର୍ଥେତୋ ବାକ୍ୟ ପାଳିବା ଉଚିତେ

Couplet 20

ମାଗଇ ବର ତୋର ପାଦେଯେମନ୍ତେ ନ ପଡ଼େ ପ୍ରମାଦେ

Couplet 21

ଏମନ୍ତ ବର ଦିଅ ମୋତେତୋ ମାୟା ତରିବି ଯେମନ୍ତେ

Couplet 22

ଯେ କାମ ମୋର ହୃଦେ ରହିବୃକ୍ଷ-ରୋପଣ ପ୍ରାୟେ ହୋଇ

Couplet 23

ପତ୍ର-କୁସୁମ-ଫଳ ଯେତେମୂଳ ସଙ୍କୁଳେ ଜଡ଼େ ଚିତ୍ତେ

Couplet 24

ସେ ବୃକ୍ଷ ହୃଦରେ ନ ରହୁଭୋ ନାଥ ଏହି ବର ହେଉ

Couplet 25

ଇନ୍ଦ୍ରିୟ ମନ ପ୍ରାଣ ସ୍ତୁତିଆତ୍ମା ସ୍ୱଧର୍ମ ଧୃତି ମତି

Couplet 26

ଲାଜ ସମ୍ପଦ ତେଜ ଜ୍ଞାନସତ୍ୟ ସନ୍ତୋଷ ବ୍ରତମାନ

Couplet 27

ଯେ କାମେ ଏସର୍ବ ନଶନ୍ତିସେ କାମୁଁ ରଖ ଦାଶରଥି

Couplet 28

କାମ-ସଙ୍କଳ୍ପ ଯେତେ ଥାଇଯେ ଜନ୍ମେ ପ୍ରାଣୀ ତା ମୁଞ୍ଚଇ

Couplet 29

ସେ ଜନ୍ମେ ମିଳେ ତୋ ସମୀପେତୋ ସମେ ଅଇଶ୍ୱର୍ଯ୍ୟ କଳ୍ପେ

Couplet 30

ନମୋ ପୁରୁଷ ମହାତ୍ମନନୃସିଂହ ରୂପୀ ଭଗବାନ

Couplet 31

ତୁ ବ୍ରହ୍ମ ପରାମାତ୍ମା ତୁହିତୁ ହରି ତୋତେ ମୁଁ ନମଇଁ

Couplet 32

ଏମନ୍ତେ ପ୍ରହଲ୍ଲାଦ ବାଣୀଶୁଣି କହନ୍ତି ଚକ୍ରପାଣି

Couplet 33

କହନ୍ତି ପ୍ରଭୁ ଭଗବାନଶୁଣ ହେ ଭକତ ପ୍ରଧାନ

Couplet 34

ଏକାନ୍ତ-ଭକ୍ତ ଯେ ମୋହରଏ ନିଶ୍ଚେ ତାହାର ବେଭାର

Couplet 35

କେବେ ମୋ ଆଶିଷ ନ କଳ୍ପେଯେ ଭୋଗ ଇହ ପରଲୋକେ

Couplet 36

ତୋର ସଦୃଶ ଭକ୍ତ ଯେତେନିଷ୍କାମେ ଛନ୍ତି ଏ ଜଗତେ

Couplet 37

ତୁ ଏବେ ମୋର ବୋଲ କରଏ ଯେତେ କାଳ ମନ୍ୱନ୍ତର

Couplet 38

ଦୈତ୍ୟମାନଙ୍କ ମଧ୍ୟେ ରହିଅତୁଲ୍ୟ ଭୋଗ ଭୁଞ୍ଜ ତୁହି

Couplet 39

ତୁ ମୋତେ ସର୍ବଭୂତେ ଭଜଯଜ୍ଞ-ଈଶ୍ୱର ରୂପେ ପୂଜ

Couplet 40

କର୍ମ ବିନାଶି ଯୋଗବଳେସାଧ ଏ ଅବନୀ ମଣ୍ଡଳେ

Couplet 41

ଶରୀର ଛାଡ଼ି କାଳବଳେପଶିବୁ ମୋ ପାଦ କମଳେ

Couplet 42

ତୁ ଯେତେ ସ୍ତୁତି କଲୁ ମୋତେସଂସାର ତାରଣ ନିମନ୍ତେ

Couplet 43

ରଜନୀଅନ୍ତେ ପ୍ରାତଃକାଳେଆନନ୍ଦେ ହୃଦୟ ନିଶ୍ଚଳେ

Couplet 44

ମୋତେ ସ୍ମରିବେ ତୋର ସଙ୍ଗେପାପ ନ ରହୁ ତାଙ୍କ ଅଙ୍ଗେ

Couplet 45

ଅଶେଷ କର୍ମ-ବନ୍ଧ-ପାଶତକ୍ଷଣେ ହୋଇବ ବିନାଶ

Couplet 46

ଏମନ୍ତେ ନରହରି ବାକ୍ୟେଅସୁରପୁତ୍ର ମନ ଶୋକେ

Couplet 47

ପ୍ରହ୍ଲାଦ କରଯୋଡ଼ି ପୁଣକହେ ନୃସିଂହ ଅଗ୍ରତେଣ

Couplet 48

ଶୁଣ ହେ ପ୍ରଭୁ ଭଗବାନସକଳ ଭୂତେ ତୋର ସ୍ଥାନ

Couplet 49

ତୁ ବରଦାତାଙ୍କ ଈଶ୍ୱରପିତାର ଅର୍ଥେ ମାଗେ ବର

Couplet 50

ତୁ ବ୍ରହ୍ମ ପ୍ରଭୁ ଚକ୍ରପାଣିତୋର ମହିମା ସେ ନ ଜାଣି

Couplet 51

ତୋତେ ନିନ୍ଦିଲା କୋପମନେବୋଲେ ଈଶ୍ୱର ମୁଁ ଭୁବନେ

Couplet 52

ଭ୍ରାତ-ମରଣେ କୋପ ବହିତୋହର ମହିମା ନିନ୍ଦଇ

Couplet 53

ତୋ ଭକ୍ତ ବୋଲିକରି ମୋତେକ୍ରୋଧେ ହିଂସଇ ଅବିରତେ

Couplet 54

ସେ ପାପୁଁ ପିତାଙ୍କୁ ଉଦ୍ଧରଭୋ ନାଥ ମାଗେ ଏହି ବର

Couplet 55

ଅମୃତପୂର୍ଣ୍ଣ ଦୃଷ୍ଟି ତୋରପଡ଼ଇ ଯାହାର ଉପର

Couplet 56

ପବିତ୍ର ଦୃଷ୍ଟି ଯାରେ ହୋଇଅଙ୍ଗେ ଦୁରିତ ନ ରହଇ

Couplet 57

ଏମନ୍ତେ ଶୁଣି ତା ବଚନକହନ୍ତି ପ୍ରଭୁ ଭଗବାନ

Couplet 58

ପ୍ରହ୍ଲାଦ ଶୁଣ ମୋର ବାଣୀତୋ ପିତା ମୋହର କାରେଣୀ

Couplet 59

କଶ୍ୟପ ମରୀଚି ବିଧାତାସହିତେ ଉଦ୍ଧରିଲୁ ପିତା

Couplet 60

ଅପର କଳ୍ପେ ପିତୃ ଯେତେସର୍ବେ ପବିତ୍ର ତୋ ଚରିତେ

Couplet 61

ତାହାଙ୍କ କୁଳେ ତୋର ଜନ୍ମତୁ କଲୁ ସକଳ ପାବନ

Couplet 62

ମୋର ଭକତ ଯହିଁ ଥାଇସମଦରଶୀ ଶାନ୍ତ ହୋଇ

Couplet 63

ଜଗତେ ସାଧୁ ସେ ବୋଲାନ୍ତିପତିତେ ପବିତ୍ର କରନ୍ତି

Couplet 64

ପ୍ରାଣୀ-ହିଂସନ ତାଙ୍କ ନାହିଁଯେ ଉଚ୍ଚ-ନୀଚେ ଦେହ ବହି

Couplet 65

ମୋହର ଭାବେ ନିତ୍ୟେ ଥାନ୍ତିନିଷ୍କାମ ଭାବେ ମୋତେ ଚିନ୍ତି

Couplet 66

ଯେ ପୁଣି ଥାନ୍ତି ତାଙ୍କ ପଛେସେ ମୋର ଭକତ ପ୍ରତ୍ୟକ୍ଷେ

Couplet 67

ତୁ ମୋର ଭକ୍ତମଧ୍ୟେ ସାରମହିମା ବର୍ଣ୍ଣିଲୁ ମୋହର

Couplet 68

ଏଣୁ ତୁ ବଇଷ୍ଣବବରମୋର ବଚନ ଏବେ କର

Couplet 69

ମୋର ଭକତଜନ ଯେତେଯତ୍ନ କରନ୍ତି ପିତୃ ଅର୍ଥେ

Couplet 70

ପୁତ୍ର-ସ୍ୱଧର୍ମ ଏ ବେଭାରପିତାଙ୍କୁ ପ୍ରେତୁଁ କର ପାର

Couplet 71

ମୋ ଅଙ୍ଗ-ସ୍ପର୍ଶରୁ ତୋ ତାତସ୍ୱଭାବେ ହୋଇଛି ମୁକତ

Couplet 72

ବେଦବାଦୀଙ୍କ ବାକ୍ୟ ଅର୍ଥେପିତୃତର୍ପଣ କର ତୀର୍ଥେ

Couplet 73

ମୋ’ ପାଦେ ମନ କର ସ୍ଥିରପିଣ୍ଡେ ତୁ ପିତାଙ୍କୁ ଉଦ୍ଧର

Couplet 74

ନୃସିଂହ ଆଜ୍ଞା ଘେନି ଶିରେପିତାର କର୍ମ ଗଙ୍ଗାତୀରେ

Couplet 75

ଆନନ୍ଦେ ହିରଣ୍ୟର ବଳାପିତୃ-ତର୍ପଣ-ପିଣ୍ଡ ଦେଲା

Couplet 76

ବିପ୍ରେ ମିଳିଲେ ବିଷ୍ଣୁ ବାକ୍ୟେପ୍ରହଲ୍ଲାଦର ଅଭିଷେକେ

Couplet 77

କ୍ଷିତିମଣ୍ଡଳେ କଲେ ରାଜାନୃପେ କରନ୍ତି ପାଦପୂଜା

Couplet 78

ଅଦ୍ଭୁତ ଦେଖି ତାର କଥାଆନନ୍ଦମନେ ସେ ବିଧାତା

Couplet 79

ସର୍ବଦେବଙ୍କୁ ଘେନି ସେଙ୍ଗମିଳିଲେ ନରସିଂହ ଆଗେ

Couplet 80

ଆନନ୍ଦେ କର ଦେଇ ଶିରେପବିତ୍ରବାକ୍ୟେ ସ୍ତୁତି କରେ

Couplet 81

ଭୋ ଦେବ ଦେବଙ୍କର ବରଅଖିଳ ଲୋକ ସୃଷ୍ଟି କର

Couplet 82

ଭୂତଭାବନ ସର୍ବସିଦ୍ଧିତୁ ନାଥ କରୁଣାବାରିଧି

Couplet 83

ଲୋକ-ସନ୍ତାପୀ ଏ ଅସୁରଭୋ ନାଥ କଲୁ ତୁ ସଂହାର

Couplet 84

ମୋହର ତହୁଁ ବର ପାଇମୋ ସୃଷ୍ଟି ମଧ୍ୟେ ମୃତ୍ୟୁ ନାହିଁ

Couplet 85

ତପର ତେଜବଳେ ଦୁଷ୍ଟନିଗମମାର୍ଗ କଲା ନଷ୍ଟ

Couplet 86

ତୁ ନାଥ ତାହାକୁ ସଂହାରିରଖିଲୁ ବେଦମାର୍ଗ-ଶିରୀ

Couplet 87

ତାହାର ପୁତ୍ର ଭାଗ୍ୟବନ୍ତଦୁର୍ଲ୍ଲଭ ବିଷ୍ଣୁଙ୍କ ଭକତ

Couplet 88

ତାକୁ ରଖିଲୁ ପିତା ମାରିମରଣ-ସଙ୍କଟୁ ଉଦ୍ଧରି

Couplet 89

ଏ ନରସିଂହ ରୂପ ତୋରଧ୍ୟାନେ ଚିନ୍ତିବେ ଯେତେ ନର

Couplet 90

ସର୍ବ ସଙ୍କଟୁ ହେବେ ପାରସ୍ମରଣେ ଫିଟିବ ଦୁସ୍ତର

Couplet 91

ଏମନ୍ତେ ବ୍ରହ୍ମାର ସ୍ତବନଶୁଣି କହନ୍ତି ଭଗବାନ

Couplet 92

ଶୁଣି ବିଧାତା ମୋ ଉତ୍ତରତପ ସନ୍ତୋଷେ ଯେବା ବର

Couplet 93

ତପ ସମାଧି ଯୋଗ ସାଧ୍ୟେନ ଦେବୁ ଅସୁରଙ୍କ ମଧ୍ୟେ

Couplet 94

ଦୁଷ୍ଟପ୍ରାଣୀଙ୍କି ବରଦାନସର୍ପକୁ ଯେହ୍ନେ କ୍ଷୀରପାନ

Couplet 95

ବ୍ରହ୍ମାଙ୍କୁ ବୋଧି ଏ ବଚନଅଦୃଶ୍ୟ ହେଲେ ଭଗବାନ

Couplet 96

ତକ୍ଷଣେ ଶୂନ୍ୟେ ବିଜେକରିଲାବଣ୍ୟ ରୂପେ ଦେବହରି

Couplet 97

ଜୟ ଶବଦ ତ୍ରିଭୁବନେପ୍ରହ୍ଲାଦ ଦେଖି ତୋଷମନେ

Couplet 98

ଶିର-ନିବେଶି ବ୍ରହ୍ମାପାଦେନମିଲା ପରମ ଆନନ୍ଦେ

Couplet 99

ସକଳ ପ୍ରଜାପତିଗଣେବନ୍ଦିଲା ଦେବଙ୍କ ଚରଣେ

Couplet 100

ସନ୍ତୋଷ ହୋଇ ପଦ୍ମଯୋନିସଙ୍ଗେ ସପତଋଷି ଘେନି

Couplet 101

ପ୍ରହ୍ଲାଦେ ସ୍ଥାପି ରାଜପଦେଦୈତ୍ୟ-ଦାନବଙ୍କର ମଧ୍ୟେ

Couplet 102

ଆଶିଷ ଦେଲେ ଦେବଗଣେହସ୍ତ ପ୍ରସାରି ଜଣେ ଜଣେ

Couplet 103

ପୂଜିଲା ବ୍ରହ୍ମା ଆଦିମୂଳେଇନ୍ଦ୍ରାଦି ଦଶଦିଗପାଳେ

Couplet 104

ଅସୁର ପୁତ୍ର ସୁପୂଜିତେସର୍ବେ ପରମାନନ୍ଦ ଚିତ୍ତେ

Couplet 105

ସ୍ୱସ୍ଥାନେ ଗଲେ ଦେବଗଣଏବେ ହୋ ଧର୍ମସୁତ ଶୁଣ

Couplet 106

ଜୟ-ବିଜୟ ବେନି ଭାଇବିଷ୍ଣୁଭୁବନ-ଦ୍ୱାରେ ଥାଇ

Couplet 107

ବ୍ରହ୍ମାକୁମର ଶାପ ଫଳେଜନ୍ମ ଲଭିଲେ ଦିତି-କୋଳେ

Couplet 108

ବଇରୀଭାବ ହୃଦେ ଭରିବିଷ୍ଣୁ-ଦ୍ରୋହରେ କାଳ ହରି

Couplet 109

ହରିର ହସ୍ତେ ପ୍ରାଣ ଦେଇପୁଣି ଜନ୍ମିଲେ ବେନିଭାଇ

Couplet 110

ରାକ୍ଷସୀ ଗର୍ଭେ ଅବତାରରାବଣ-କୁମ୍ଭକର୍ଣ୍ଣ ବୀର

Couplet 111

ସୀତା-ହରଣେ ରାମବାଣେପ୍ରାଣ ଛାଡ଼ିଲେ ଘୋରରଣେ

Couplet 112

ବଇରୀ ଭାବେ ଚିତ୍ତ ଦେଇସଂଗ୍ରାମେ ମଲେ ବେନିଭାଇ

Couplet 113

ପୁଣି ଏ ଧରଣୀମଣ୍ଡଳେଜନ୍ମ ଲଭିଲେ ରାଜକୁଳେ

Couplet 114

ଯେ ଦନ୍ତବକ୍ର ଶିଶୁପାଳତେଜ ସ୍ୱଭାବେ ଅନର୍ଗଳ

Couplet 115

ବୈରାନୁବନ୍ଧେ ହରିଦେହେସାଯୁଜ୍ୟ ଲଭିଲେ ସମୂହେ

Couplet 116

ଏମନ୍ତେ ଦୁଷ୍ଟ ରାଜାଗଣେବିଷ୍ଣୁ ନିନ୍ଦିଲେ ରିପୁପଣେ

Couplet 117

ଅନ୍ତେ ପାଇଲେ ବିଷ୍ଣୁଗତିଯେସନେ କୀଟ ପେଶସ୍କୃତି

Couplet 118

ଯେ ପ୍ରାଣୀ ଯେମନ୍ତେ ଭଜଇହୃଦେ ଭକତି ଭାବ ବହି

Couplet 119

ସେହି ପ୍ରକାରେ ଲଭେ ଗତିଯେହ୍ନେ ଗରିଷ୍ଠ ଚେଦିପତି

Couplet 120

ଏବେ ହୋ ଶୁଣ ନୃପବରହରି ମହିମା ଅଗୋଚର

Couplet 121

ଯେବେ ପୁଚ୍ଛିଲୁ ମୋତେ ଭାବେସେ ହରି ଚରିତ ପ୍ରସ୍ତାବେ

Couplet 122

ସେ ସର୍ବ ପ୍ରଶ୍ନ ତୋ ଅଗ୍ରତେକହିଲୁ ଯଥାଶକ୍ତିମତେ

Couplet 123

ଏ କୃଷ୍ଣକଥା ସୁଧାରସଆଦି ଅସୁରଙ୍କ ବିନାଶ

Couplet 124

ପ୍ରହଲ୍ଲାଦର ଏ ଚରିତସ୍ୱଭାବେ ମହାଭାଗ୍ୟବନ୍ତ

Couplet 125

ଜ୍ଞାନ-ବିରକ୍ତି-ଭକ୍ତିବଳେରହିଲା କୃଷ୍ଣ-ପାଦତଳେ

Couplet 126

ବିଷ୍ଣୁର ସର୍ଗ-ସ୍ଥିତି-ଅନ୍ତଯେ ଗୁଣ-କର୍ମାନୁବର୍ଣ୍ଣିତ

Couplet 127

ଦେବ-ଦାନବଙ୍କର ସ୍ଥାନକେବେହେଁ ନୁହଁଇନା ଆନ

Couplet 128

ହରି ଭଜନ ଅବିରତଏ ବିଷ୍ଣୁ ଜନଙ୍କର ମତ

Couplet 129

ଅଶେଷ ବଇଷ୍ଣବ ଧର୍ମଏ ଜ୍ଞାନ-ଅଧ୍ୟାତ୍ମ-ବର୍ଣ୍ଣନ

Couplet 130

କୃଷ୍ଣ ମହିମା ପୁଣ୍ୟବାଣୀଯେ ନର ଶ୍ରୁତିମାର୍ଗେ ଶୁଣି

Couplet 131

ଲୋକେ କହନ୍ତି ଶ୍ରଦ୍ଧାରସେସର୍ବ ଦୁରିତ ଏ ବିନାଶେ

Couplet 132

ଏ ଆଦିପୁରୁଷଙ୍କ କଳାଶ୍ରୀ ନରସିଂହ ରୂପ ଲୀଳା

Couplet 133

ଅସୁର-ବଧ-ଗତି-ବାଣୀଯେ ମୁଖେ କହେ କର୍ଣ୍ଣେ ଶୁଣି

Couplet 134

ସନ୍ଥଜନଙ୍କ ପୁଣ୍ୟକଥାଅଶେଷ ମୁନିମଧ୍ୟେ ଗାଥା

Couplet 135

ପ୍ରସ୍ତାବେ ଶୁଣି ଜନମଧ୍ୟେନିର୍ଭୟେ ଯାନ୍ତି କୃଷ୍ଣପାଦେ

Couplet 136

ତୁ ଯେ ପାଣ୍ଡବକୁଳେ ଜାତତ୍ରୈଲୋକ୍ୟେ ମହଭାଗ୍ୟବନ୍ତ

Couplet 137

ଲୋକ-ନିସ୍ତାରେ ମୁନିଗଣେତୋର ଭୁବନେ ଅନୁକ୍ଷଣେ

Couplet 138

ମିଳନ୍ତି ଘେନି ତୋର ଭାବତୋ ଗୃହେ ବସେ ପଦ୍ମନାଭ

Couplet 139

ଯାର ମହିମା ଦେବଗଣେଲୋଡ଼ି ନ ପାନ୍ତି ବେଦ-ବଣେ

Couplet 140

ଯେ ବ୍ରହ୍ମ-ନିର୍ବାଣ-ଦୁର୍ଲ୍ଲଭକୈବଲ୍ୟ ମୋକ୍ଷ ଅନୁଭବ

Couplet 141

ସେ ପ୍ରିୟ ସୁହୃଦ ତୋହରସୋଦର ମାତୁଳ କୁମର

Couplet 142

ସକଳଆତ୍ମା ସେ ପୂଜିତଅଖିଳଗୁରୁ ଦଇବତ

Couplet 143

ତାହାର ମହିମା ବର୍ଣ୍ଣନେଭବ ବିରଞ୍ଚି ଆଦି ଜନେ

Couplet 144

ବସ୍ତୁ ବୁଦ୍ଧିରେ ଭାବ ଚିନ୍ତିକେବେ ହେଁ ବର୍ଣ୍ଣି ନ ପାରନ୍ତି

Couplet 145

ମଉନେ ଭକ୍ତିଯୋଗେ ଭଜିକେବେହେଁ ନ ପାରନ୍ତି ଖୋଜି

Couplet 146

ସେ ବଇଷ୍ଣବ ଜନ ଗତିତା ପାଦେ ରହୁ ତୋର ମତି

Couplet 147

ସେ ହରି ତୋତେ ଦୟା କରୁତୋ ଯଶ ଜଗତେ ବିସ୍ତାରୁ

Couplet 148

ପୂର୍ବେ ଯେ ଦେବାସୁର ଯୁଦ୍ଧେରୁଦ୍ରଙ୍କୁ ରଖିଲେ ପ୍ରମାଦେ

Couplet 149

ସେ ତୋର କରୁ ସର୍ବଶୁଭସର୍ବଦା ଲଭ ତାର ଭାବ

Couplet 150

ଏ ବାଣୀ ମୁନିମୁଖୁଁ ଶୁଣିକପୋଳେ ଦେଇ ବେନିପାଣି

Couplet 151

ବୋଲେ ନାରଦ ମୁଖ ଚାର୍ହିଭୋ ମୁନି କର ମୋତେ ତ୍ରାହି

Couplet 152

କହ କେବଣ କାଳେ ହରିଈଶ୍ୱର-ତ୍ରାସ ଦୂର କରି

Couplet 153

ଅସୁର ବଳ କଲେ ନାଶଯେ ହରି ଜଗତ-ବିଶ୍ୱାସ

Couplet 154

ଏମନ୍ତ ଧର୍ମସୁତ ବାଣୀଶୁଣି କହନ୍ତି ବ୍ରହ୍ମମୁନି

Couplet 155

ପୂର୍ବେ ଯେ ଦେବାସୁରଗଣେଯୁଦ୍ଧେ ଜିଣିଲେ ଦେବଗଣେ

Couplet 156

ଅସୁରେ ପଳାଇ ବିଷାଦେମୟ ଦଇତ୍ୟ ବେନିପାଦେ

Couplet 157

କାତରେ ପଶିଲେ ଶରଣଭଗ୍ନସଙ୍କଳ୍ପେ ବୀରଗଣ

Couplet 158

ମୟ ଦଇତ୍ୟ ତାହା ଚାହିଁଅସୁରଗଣେ ଦୟାବହି

Couplet 159

ବିମାନ କଲା ତିନିପୁରଭିତରେ ଘୋର ଅନ୍ଧକାର

Couplet 160

କାଞ୍ଚନ ରୌପ୍ୟ ଲୌହମୟଦେଖି ତ୍ରିଦଶେ କଲେ ଭୟ

Couplet 161

ଲକ୍ଷି ନ ପାରି ତାକୁ ଭଲେତା ଗତି ଯିବା ଆସିବାରେ

Couplet 162

ବିତର୍କି ନୋହେ ପରିଚ୍ଛଦପୂରିତ ଅଶେଷ ଆୟୁଧ

Couplet 163

ସେ ରଥେ ବସି ଦୈତ୍ୟଗଣେଦେବଙ୍କୁ ଆବୋରିଲେ ରଣେ

Couplet 164

ତିନିଭୁବନ-ଲୋକଶିରୀନାଶନ୍ତି ବଇର ସୁମରି

Couplet 165

ଆକୁଳେ ତ୍ରିଭୁବନ-ଲୋକେଶିବ ଭଜିଲେ ଅତିରେକେ

Couplet 166

ଡାକନ୍ତି ରଖ ତ୍ରିଲୋଚନତୋ ପାଦେ ପଶିଲୁ ଶରଣ

Couplet 167

ଭୁବନେ ରହି ନ ପାରିଲୁଅସୁରଭୟେ ପଳାଇଲୁ

Couplet 168

ତ୍ରିପୁରେ ରହି ଅଲକ୍ଷିତେପ୍ରଜା ନାଶିଲେ ଶସ୍ତ୍ରାଘାତେ

Couplet 169

ଶୁଣି ଈଶ୍ୱର ତୋଷମନବୋଲନ୍ତି ମଧୁର-ବଚନ

Couplet 170

ଭୟ ନ କର ତୁମ୍ଭେ କେହିଅସୁର ସଂହାରିବି ମୁହିଁ

Couplet 171

ଏମନ୍ତ କହି ତ୍ରିଲୋଚନହସ୍ତେ ଘେନିଲେ ଶରାସନ

Couplet 172

ଶର-ସନ୍ଧାନେ ସେ ବିମାନେଧରି ବିନ୍ଧିଲେ କୋପମନେ

Couplet 173

ରୁଦ୍ର ନାରଦ ତେଜୋମୟପ୍ରକାଶେ ସୂର୍ଯ୍ୟରଶ୍ମି ପ୍ରାୟ

Couplet 174

ଅଦୃଶ୍ୟପୁର ଦୃଶ୍ୟ ହୋଏଭେଦିଲା ଅସୁରଙ୍କ ଦେହେ

Couplet 175

ଶିର ହୃଦୟ କର ଛିଡ଼ିପଡ଼ିଲେ ମହୀତଳେ ମାଡ଼ି

Couplet 176

ଜୀବନ୍ତେ ଭାଜିଲେ ଥୋକାଏଘୋର-ପ୍ରଚଣ୍ଡ ଶରଘାଏ

Couplet 177

ମୟ ଦଇତ୍ୟ ଦେଖି ତାହାଅସୁର ବଳେ କରି ଦୟା

Couplet 178

ମିଳିଲା ଅସୁର ସମୀପେପ୍ରବେଶ କଲା ସୁଧାକୂପେ

Couplet 179

ଅମୃତ ରସ ଜଳ ସଙ୍ଗେଲାଗିଲା ଅସୁରଙ୍କ ଅଙ୍ଗେ

Couplet 180

ବଜ୍ରର ପ୍ରାୟେ ଦେହ ଧରିଉଠିଲେ ଘୋରନାଦ କରି

Couplet 181

ପୁରେ ପ୍ରବେଶ ତତକ୍ଷଣଦେଖି ଡରିଲେ ଦେବଗଣ

Couplet 182

ଯୁଝନ୍ତି ନାନାଶସ୍ତ୍ର ଘେନିଶବଦେ କମ୍ପଇ ମେଦିନୀ

Couplet 183

ଭୟେ ପଳାଇ ଦେବଗଣଡାକନ୍ତି ରଖ ନାରାୟଣ

Couplet 184

ଦେଖି ଶଙ୍କର ମନଦୁଃଖଭଗ୍ନ ସଙ୍କଳ୍ପ ଅତିରେକ

Couplet 185

ବିମୁଖ ଦେଖିଣ ଶଙ୍କରଉପାୟ କଲେ ଚକ୍ରଧର

Couplet 186

ବ୍ରହ୍ମାଙ୍କୁ ବତ୍ସାରୂପ କରିକୃଷ୍ଣ ସୁରଭୀ ରୂପ ଧରି

Couplet 187

ବଦନ ରସକୂପେ ଭରିନିମିଷେ ପାନ କଲେ ହରି

Couplet 188

ଯେତେ ଅସୁର ଜଗିଥିଲେନିଷେଧି କେହି ନ ପାରିଲେ

Couplet 189

ଚାହିଁ ଅସୁରଙ୍କ ବଦନବୋଲଇ ମୟ ଯାତୁଧାନ

Couplet 190

ଦେବ ଅସୁର କିବା ନରକର୍ମକୁ ନୁହଁନ୍ତି ଈଶ୍ୱର

Couplet 191

ଯେ କର୍ମ ଅତି ବଳୀୟାରସେ ନ ଜାଣଇ ଆତ୍ମାପର

Couplet 192

ସେ ନିଶ୍ଚେ ହାନିଲାଭ କରେକେବା ନିବାରି ତାକୁ ପାରେ

Couplet 193

ତକ୍ଷଣେ ପ୍ରଭୁ ନରହରିରୁଦ୍ର-ଶରୀରେ ତେଜ ଭରି

Couplet 194

ସେ ବିଷ୍ଣୁଶକ୍ତି ବଳେ ବଳତେଜେ ବିରାଜେ ଅନର୍ଗଳ

Couplet 195

ବିରକ୍ତି ଜ୍ଞାନ ଧର୍ମ ଋଦ୍ଧିଯେ ତପବିଦ୍ୟା କ୍ରିୟା ଆଦି

Couplet 196

ଏ ସପ୍ତଗୁଣ ସପ୍ତତେଜରଥ ସାରଥି ମହାଧ୍ୱଜ

Couplet 197

ସାରଙ୍ଗ ଧନୁ ତ୍ରୋଣ ଶରରୁଦ୍ରଙ୍କୁ ଦେଲେ ଦାମୋଦର

Couplet 198

ଏ ଆଦି ନାନାଶସ୍ତ୍ର ଯେତେରୁଦ୍ରଙ୍କୁ ଦେଲେ ଜଗନ୍ନାଥେ

Couplet 199

ବର୍ମେ ଆଚ୍ଛାଦି ଦେହ ହରକରେ ଧଇଲେ ଧନୁଶର

Couplet 200

ମଧ୍ୟାହ୍ନ-ସମୟେ ଶଙ୍କରବିମାନେ ବିଜେ ରୋଷଭର

Couplet 201

ଅନଳଗର୍ଭ-ବାଣ ବିନ୍ଧିସର୍ବ ଅସୁର ବଳ ଛେଦି

Couplet 202

ତ୍ରିପୁର କଲେ ସେ ଦହନହରଷ ଦେବଙ୍କର ମନ

Couplet 203

ବିମାନେ ଶତଶଙ୍ଖ ଶୂନ୍ୟେଦୁନ୍ଦୁଭି-ବାଦ୍ୟ-ନାଦ ଘନେ

Couplet 204

ପିତୃ ଦେବତା ସିଦ୍ଧଗଣେପୁଷ୍ପ ବରଷି ତତକ୍ଷଣେ

Couplet 205

କୁସୁମ-ବୃଷ୍ଟି ରୁଦ୍ର ଶିରେଜୟ-ଶବଦ ନିରନ୍ତରେ

Couplet 206

ଆନନ୍ଦ ମନେ ଶୁଭଗାନେନାଚନ୍ତି ଅପସରାଗଣେ

Couplet 207

ଏହି ପ୍ରକାରେ ତିନିପୁରଦହନ କଲେ ଦେବହର

Couplet 208

ବ୍ରହ୍ମାଦି ଦେବେ କଲେ ସ୍ତୁତିସ୍ୱଗୃହେ ଗଲେ ଉମାପତି

Couplet 209

ଏହି ପ୍ରକାରେ ନରହରିମାୟା-ମନୁଷ୍ୟ ରୂପ ଧରି

Couplet 210

ଯେ କର୍ମ କଲେ ଏ ଜଗତେମୁନି ବର୍ଣ୍ଣନ୍ତି ତାହା ଗୀତେ

Couplet 211

ଲୋକ-ପାବନ ଯା ମହିମାଏଣୁ କେ କହୁ ଗୁଣସୀମା

Couplet 212

ସପ୍ତମ ସ୍କନ୍ଧେ ହରିବାଣୀଶୁଣି ସଂସାରୁ ତର ପ୍ରାଣୀ

Couplet 213

ଭଣଇ ବିପ୍ର ଜଗନ୍ନାଥଗୀତପ୍ରବନ୍ଧେ ଭାଗବତ