Skandha 7
Adhyaya 1
Couplet 1
ନମଇଁ ନୃସିଂହ ଚରଣଅନାଦି ପରମ କାରଣ
Couplet 2
ଲୀଳା-ବିହାରେ ତନୁ ଧରିମର୍ତ୍ତ୍ୟେ କେ ପାରେ ସାଧ୍ୟ କରି
Couplet 3
କୃଷ୍ଣ ଚରଣେ ଦେଇ ଚିତ୍ତବୋଲନ୍ତି ବ୍ୟାସଙ୍କର ସୁତ
Couplet 4
ଏବେ ହୋ ଶୁଣ କୁରୁମଣିହରିଚରିତ ସୁଧାବାଣୀ
Couplet 5
ଜନ୍ମବାସନା କର୍ମଫଳେପ୍ରାଣୀ ଭୁଞ୍ଜନ୍ତି ଏ ଶୟଳେ
Couplet 6
ସପ୍ତମସ୍କନ୍ଧେ ଭାଗବତେକହିବା ଶୁଣ ଏକଚିତ୍ତେ
Couplet 7
କହିବା ପଞ୍ଚତତ୍ତ୍ୱ ଗୁଣଶୁଣ ନୃପତି ସାବଧାନ
Couplet 8
କର୍ମବାସନା ରୂପ ଧରିବେନି ପ୍ରକାରେ ସେ ସଞ୍ଚରି
Couplet 9
ଶୁଭ ଅଶୁଭ ବେନି ପଦେପ୍ରକାଶ କରେ ହେତୁ ଭେଦେ
Couplet 10
ମହତ ଅପମାନ କୋପେଅସୁର ଜନ୍ମ ପୁତ୍ରରୂପେ
Couplet 11
ପୁଣ ମହତ ଅନୁଗ୍ରହେସେ କର୍ମ ଶୁଭଫଳ ବହେ
Couplet 12
ଶୁଣ କହିବା ପ୍ରିୟଭାବେଯେ ଯହିଁ ଯେମନ୍ତ ପ୍ରସ୍ତାବେ
Couplet 13
ବୈକୁଣ୍ଠେ ହରି ଦ୍ୱାରପାଳଜୟ ବିଜୟ ମହାବଳ
Couplet 14
ସେ ବେନିଭାଇ ହରିଦ୍ୱାରେଖଟନ୍ତି ସେବା ଅନୁସାରେ
Couplet 15
ଚତୁଃସନଙ୍କ କୋପ ଫଳେଜନ୍ମିଲେ ଅସୁରଙ୍କ କୁଳେ
Couplet 16
ବ୍ରାହ୍ମଣେ ଅପରାଧ କରିଜନ୍ମ ଲଭିଲେ ଦେହଧରି
Couplet 17
ଅସୁର ଅଂଶେ ଅବତାରହିରଣ୍ୟକଶିପୁ କୁମର
Couplet 18
ସେ ପଦ୍ମଚରଣରେ ମୁହିଁନିରତେ ଶରଣ ପଶଇ
Couplet 19
ସପ୍ତମ ସ୍କନ୍ଧେ ପ୍ରହଲ୍ଲାଦଚରିତ ଅମୃତ ସମ୍ବାଦ
Couplet 20
ନୃସିଂହ ଅମୃତ ଚରିତଆଜ୍ଞାରେ ରହୁ ମୋର ଚିତ୍ତ
Couplet 21
ସାଧୁ ସୁଜନେ କୃପାକରମୁଁ ତୁମ୍ଭ ଚରଣେ କିଙ୍କର
Couplet 22
ଏମନ୍ତେ ଶୁଣ ହେ ରାଜନହରି ଚରିତ ସୁଧାପାନ
Couplet 23
ସେ ପ୍ରହଲ୍ଲାଦ ଦୈତ୍ୟଦେହେନାରଦ ମୁନି ଅନୁଗ୍ରହେ
Couplet 24
ଶ୍ରୀକୃଷ୍ଣ-ଚରଣ-କମଳେନିଶ୍ଚଳ ଭକ୍ତି-ଯୋଗବଳେ
Couplet 25
ଜନ୍ମ-ବାସନା-ହେତୁ ସ୍ମରିକୃଷ୍ଣ-ଭକତି ଦୃଢେ଼ ଧରି
Couplet 26
ବିଷ୍ଣୁଭକତ ହୋଇ ଯେବେଭକତି କରେ ସେହୁ ଭାବେ
Couplet 27
ତାହାକୁ ରଖେ ଭଗବାନନ ସହେ ଭକ୍ତ ଅପମାନ
Couplet 28
ଜୟ ବିଜୟ ବେନିଭାଇଅସୁର ଅଂଶେ ଜନ୍ମ ହୋଇ
Couplet 29
ହରିଙ୍କି ଅପରାଧ କଲେତୃତୀୟ ଜନ୍ମେ ନିସ୍ତରିଲେ
Couplet 30
ଏଣୁ ପଣ୍ଡିତ ପ୍ରାଣୀମାନେମହତ ଅନୁଗ୍ରହ ଧ୍ୟାନେ
Couplet 31
ଯତ୍ନ କରନ୍ତି ନିରନ୍ତରେଆତ୍ମାକୁ ଆପଣେ ଉଦ୍ଧରେ
Couplet 32
ଏ ଭାବ ମୁନିଗଣେ ଚିନ୍ତିଭବସାଗରୁ ତରିଯାନ୍ତି
Couplet 33
ଏ ଆଦି-ଅନ୍ତ ତୋତେ କହିଶୁଣ ପରୀକ୍ଷ ମନଦେଇ
Couplet 34
ଦିତି ଉଦରେ ଦେହ ବହିଜୟବିଜୟ ବେନିଭାଇ
Couplet 35
ବିଷ୍ଣୁ ବଇରୀ ନିରନ୍ତରେସ୍ୱଭାବେ ଅସୁର ବେଭାରେ
Couplet 36
ତାହାଙ୍କ କୁଳେ ପ୍ରହଲ୍ଲାଦଶ୍ରୀକୃଷ୍ଣ ଭକ୍ତ ମଧ୍ୟେ ବୁଧ
Couplet 37
ଏ ପିତାପୁତ୍ର ମଧ୍ୟଗତେପୂର୍ବବାସନା ଅନୁମତେ
Couplet 38
ମହାନ୍ତ-କୋପ-ଅନୁଗ୍ରହବାସନାଭେଦ ଏ ନିଶ୍ଚୟ
Couplet 39
ବାସନାବଳେ କର୍ମ ଜାତଦଶଅଧ୍ୟାୟ ଏ ଚରିତ
Couplet 40
ପଞ୍ଚପ୍ରସ୍ତାବ-ଶେଷେ ଜାଣଧର୍ମର ନିର୍ଣ୍ଣୟ ଲକ୍ଷଣ
Couplet 41
ପ୍ରଥମ ଅଧ୍ୟାରେ ପ୍ରସ୍ତାବକହିବା ପିତାପୁତ୍ର ଭାବ
Couplet 42
ହିରଣ୍ୟକଶିପୁ-କୁମରକୃଷ୍ଣ ଭକତ ମଧ୍ୟେ ବର
Couplet 43
ବ୍ରାହ୍ମଣ ଶାପେ ବେନିଭାଇଅସୁର ଅଂଶେ ଜାତ ହୋଇ
Couplet 44
ଇନ୍ଦ୍ରର ଅର୍ଥେ ଭଗବାନଅସୁର କଲେକ ନିଧନ
Couplet 45
ତେଣୁ କଶ୍ୟପ ଋଷି-ନାରୀସେ ଦିତି ମନେ କୋପ କରି
Couplet 46
ପୁତ୍ରଙ୍କ ମରଣ ବିଶ୍ୱାସେନିର୍ଘାତେ ରୋଦେ ଦଶଦିଶେ
Couplet 47
ଏମନ୍ତ ଶୁକ ବାକ୍ୟ ଶୁଣିବୋଲେ ପାଣ୍ଡବ-ଚୂଡ଼ାମଣି
Couplet 48
ଭୋ ମୁନି ଶୁଣ ମୋ ବଚନସେ ହରି ସର୍ବଘଟେ ପୂର୍ଣ୍ଣ
Couplet 49
ପ୍ରିୟ ଅପ୍ରିୟ ନାହିଁ ଯାରବିଶେଷେ ଶରଣସୋଦର
Couplet 50
ସେ କିମ୍ପା ଇନ୍ଦ୍ରଙ୍କ ବୋଲରେନିର୍ଦ୍ଦୟେ ଅସୁର ସଂହାରେ
Couplet 51
ବିଷମ ମତ ଏ ତାହାରଯେ ହରି ଜଗତ ସୋଦର
Couplet 52
ସୁରଗଣଙ୍କ ପକ୍ଷଧରେନିଷ୍ଠୁରେ ଅସୁର ସଂହାରେ
Couplet 53
ଯେ ହରି ସର୍ବ ଜୀବଗତିସେ ନିକି ଆଚାରେ ଅନୀତି
Couplet 54
ଅଶେଷ ଜନ୍ତୁ ହୃଦେ ଥାଇଅନ୍ତରେ ସର୍ବ ସେ ଦେଖଇ
Couplet 55
ଆତ୍ମାର ନିସ୍ତାରଣ କରେସେ କିମ୍ପା ଭେଦବୁଦ୍ଧି ଧରେ
Couplet 56
ଦେବ-ଅସୁର ତାର ଦେହୀସମ-ବିଷମ ତାର କାହିଁ
Couplet 57
ସ୍ୱଭାବେ ତ୍ରିଗୁଣ ଶରୀରଯେ ନିରଞ୍ଜନ ନିର୍ବିକାର
Couplet 58
ନିର୍ଗୁଣ ନିତ୍ୟ ଦେବପତିସକଳ ଭୂତେ ତାର ସ୍ଥିତି
Couplet 59
ଏଣୁ ଗୋବିନ୍ଦ ଗୁଣ କର୍ମେସଂଶୟେ ମୋର ଚିତ୍ତ ଭ୍ରମେ
Couplet 60
ପୁଚ୍ଛଇ ଚରଣେ ତୁମ୍ଭରମନୁ ସଂଶୟ ଦୂରକର
Couplet 61
ଭୋ ନୃପ ସାଧୁ ତୋର ବାଣୀତୁ ଯେ ପଚାରୁ ପରିମାଣି
Couplet 62
ଅଦ୍ଭୁତ କୃଷ୍ଣର ମହିମାକେ ଜାଣିପାରେ ଗୁଣ ସୀମା
Couplet 63
ଏ ଗ୍ରନ୍ଥ ଭାଗବତ ଶୁଣକୃଷ୍ଣର ଭକତି ଲକ୍ଷଣ
Couplet 64
ପରମ-ଜ୍ଞାନମୟ ବାଣୀଯେ ଶୁଣେ ଯେବା ମୁଖେ ଭଣି
Couplet 65
ନାରଦ ଆଦି ମୁନିଗଣେଯାହା ଗାବନ୍ତି ଅନୁକ୍ଷଣେ
Couplet 66
ବ୍ୟାସଚରଣେ ସେବି ମୁହିଁକହିବି ଯେ ଅବା ଜାଣଇ
Couplet 67
ସେ ହରି ସ୍ୱଭାବେ ନିର୍ଗୁଣଅଜନ୍ମା ଅବ୍ୟକ୍ତ କାରଣ
Couplet 68
ସ୍ୱଭାବେ ସର୍ବଗୁଣ ପରବ୍ରହ୍ମା ଶଙ୍କରେ ଅଗୋଚର
Couplet 69
ସେ ମାୟାଗୁଣ ଆଶ୍ରେ କରିବଧ୍ୟ ବଧିକ ରୂପ ଧରି
Couplet 70
ଯେ ସତ୍ତ୍ୱ ରଜ ତମ ଗୁଣପ୍ରକୃତି ଏହାଙ୍କ କାରଣ
Couplet 71
ଆତ୍ମାର ଗୁଣ ଏ ନୁହନ୍ତିପ୍ରକୃତି ରୂପେ ପ୍ରକାଶନ୍ତି
Couplet 72
ଉଦୟ ଅସ୍ତ ଏକାବେଳେନୁହଁନ୍ତି ଗୁଣ କାଳବଳେ
Couplet 73
ସୃଷ୍ଟି ପାଳନ କରେ ହରିସତ୍ତ୍ୱଗୁଣକୁ ଆଶ୍ରେ କରି
Couplet 74
ଦେବତା-ଋଷି-ରୂପ ହୋଇସ୍ୱଧର୍ମେ ସୃଷ୍ଟି ସେ ପାଳଇ
Couplet 75
ରଜଗୁଣକୁ ଆଶ୍ରେ କରିଅସୁରମାନଙ୍କୁ ବିସ୍ତାରି
Couplet 76
ଯକ୍ଷ ରାକ୍ଷସ ତମଗୁଣେସୃଜଇ କାଳର ପ୍ରମାଣେ
Couplet 77
ଜ୍ୟୋତି ସ୍ୱରୂପେ ପ୍ରକାଶଇବିଚାରେ କାହିଁ ନ ମିଶଇ
Couplet 78
କାଷ୍ଠ-ସଂଯୋଗେ ଅଗ୍ନି ଯେହ୍ନେଜଳେ ଯେସନେ ପାତ୍ର ସ୍ଥାନେ
Couplet 79
ଆକାଶ ଯେହ୍ନେ ଜଳଘଟେତେମନ୍ତ ରୂପେ ସେ ପ୍ରକଟେ
Couplet 80
ମାୟାରେ ନାନାରୂପ ହୋଇସେ ମାୟା ତାକୁ ନ ଲାଗଇ
Couplet 81
ଏହା ବିଚାରି ମୁନିଜନେଆତ୍ମାକୁ ଆତ୍ମା ଅନୁମାନେ
Couplet 82
ସଂଶୟ ନ କରନ୍ତି ମନେହରି-ବିଷୟ କ୍ରୀଡ଼ାସ୍ଥାନେ
Couplet 83
ସେ କାଳମାୟା-ଯୋଗ-ଯୁତେପୁର ସର୍ଜଇ ଏ ଜଗତେ
Couplet 84
ରଜ-ଗୁଣରେ ସୃଷ୍ଟି କରେକାରଣୁ ବ୍ରହ୍ମରୂପ ଧରେ
Couplet 85
ଦେବାଧିଦେବ ଦେହ ମଧ୍ୟେବସଇ ସତ୍ତ୍ୱ-ଅନୁବାଦେ
Couplet 86
ରମିବା ଅର୍ଥେ ଭାବଗ୍ରାହୀଅଶେଷ ଜନ୍ତୁ ହୃଦେ ଥାଇ
Couplet 87
କ୍ରୀଡ଼ାର ଅନ୍ତେ ସେ ଆପଣେସୃଷ୍ଟି-ସଂହରେ ତମୋଗୁଣେ
Couplet 88
ସେ ସୃଷ୍ଟି-ଆଦ୍ୟକାଳେ ହରିଜୀବ ପ୍ରକୃତି ରୂପ ଧରି
Couplet 89
ପ୍ରଧାନ ପୁରୁଷ ଏ ବେନିଜଗତ ପିଅର-ଜନନୀ
Couplet 90
ନିମିତ୍ତେ ଏହା ସଙ୍ଗେ ଘେନିହରି ବିହରେ ଏ ମେଦିନୀ
Couplet 91
ତାଙ୍କ ଆଶ୍ରୟ ସଙ୍ଗମେଳେଜଗତ ଭିଆଇଲା କାଳେ
Couplet 92
ସେ କାଳ ହରି ଆଜ୍ଞା ଘେନିପ୍ରଧାନ-ପୁରୁଷ ଏ ବେନି
Couplet 93
ଉଭୟମତେ ନାନାଗୁଣେହୋଇଲେ ସୃଷ୍ଟିର କାରଣେ
Couplet 94
ସେ ହରି କାଳ ରୂପ ଧରେସାତ୍ତ୍ୱିକେ ଦେବଙ୍କୁ ଉଦ୍ଧରେ
Couplet 95
ଦେବଙ୍କ ପ୍ରିୟକର୍ମ କରେଅସୁରବଳକୁ ସଂହାରେ
Couplet 96
ଏଣୁ ସେ ପ୍ରଭୁ ଭଗବାନବହଇ ସୁରପ୍ରିୟ ନାମ
Couplet 97
ରଜ ତାମସ ଗୁଣ ଯେତେତାଙ୍କୁ ସଂହାରେ ଅବିରତେ
Couplet 98
ଏବେ ହୋ ଶୁଣ ନରନାଥକୃଷ୍ଣ ଚରିତ ଭାଗବତ
Couplet 99
ତାହାଙ୍କ ମହିମା ବିଶେଷଶୁଣ କହିବା ଇତିହାସ
Couplet 100
ରାଜୁସି ଯଜ୍ଞ ସଭା ଅନ୍ତେଧର୍ମନନ୍ଦନର ଅଗ୍ରତେ
Couplet 101
ନାରଦ ମୁନି ଯାହା କହିସେ ସଭା ମଧ୍ୟେ ପାଞ୍ଚ ଭାଇ
Couplet 102
ଦେବକୀନନ୍ଦନର ତୁଲେଧର୍ମନନ୍ଦନ ପଚାରିଲେ
Couplet 103
ସେ ସଭାମଧ୍ୟେ ଧର୍ମବଳାନୟନେ ଅଦ୍ଭୁତ ଦେଖିଲା
Couplet 104
ଶିଶୁପାଳର ପଞ୍ଚପ୍ରାଣଗୋବିନ୍ଦେ ପଶିଲା ତକ୍ଷଣ
Couplet 105
ସଭାଲୋକଙ୍କ ଦୃଷ୍ଟିମାର୍ଗେବିଜୁଳି ଯେହ୍ନେ ନୀଳମେଘେ
Couplet 106
ଭୋ ମୁନି ଅଦ୍ଭୁତ ଏ କଥାଦେଖି ମୋ ମନେ ଗରୁଚିନ୍ତା
Couplet 107
ଅଷ୍ଟାଙ୍ଗଯୋଗେ ମୁନିଗଣଚିନ୍ତନ୍ତି ଯେ ହରିଚରଣ
Couplet 108
ଏକାନ୍ତ ଭକ୍ତିଯୋଗେ ଚିନ୍ତିଯା ରୂପ କେହି ନ ଦେଖନ୍ତି
Couplet 109
ଦେବ ମାନବେ ଅଗୋଚରଯେ ବ୍ରହ୍ମ ନିତ୍ୟ-ନିରାକାର
Couplet 110
ଏ ଦମଘୋଷର କୁମରସ୍ୱଭାବେ ଦୁଷ୍ଟ-ଦୁରାଚାର
Couplet 111
କୃଷ୍ଣେ ଅନେକ ନିନ୍ଦାକଲାସେ କିମ୍ପା କୃଷ୍ଣଙ୍କୁ ପାଇଲା
Couplet 112
ଏ ସଭା ମଧ୍ୟେ ଏକେ ମୁହିଁତୁମ୍ଭର ଛାମୁରେ ପୁଚ୍ଛଇ
Couplet 113
କହ ହେ କେବଣ କାରଣେଶୁଣନ୍ତୁ ସକଳେ ଶ୍ରବଣେ
Couplet 114
ବିଷ୍ଣୁଙ୍କୁ ବିଷ୍ଣୁଜନ-ମେଳେଯେବା ନିନ୍ଦନ୍ତି ଜ୍ଞାନଭୋଳେ
Couplet 115
ସେ ପ୍ରାଣୀ ନରକେ ପଡ଼ନ୍ତିମହାନ୍ତେ ଏମନ୍ତ କହନ୍ତି
Couplet 116
ସେ ଦମଘୋଷ-ସୁତ ବାଣୀସଭାରେ ଦନ୍ତବକ୍ର ଶୁଣି
Couplet 117
ସେହି ଅନେକ ନିନ୍ଦାକଲାମୋତେ ତ ସନ୍ଦେହ ଲାଗିଲା
Couplet 118
ଏ ବେନିଜନେ ନିନ୍ଦାକଲେସଭାର ମଧ୍ୟେ ଏକତୁଲେ
Couplet 119
କୃଷ୍ଣଙ୍କୁ ନିନ୍ଦାକରି ତୁଣ୍ଡେକିମ୍ପା ନଗଲେ ଯମଦଣ୍ଡେ
Couplet 120
କେବଣ ହେତୁ ବେନିବୀରେପଶିଲେ କୃଷ୍ଣର ଶରୀରେ
Couplet 121
ଏଣେ ଭ୍ରମଇ ମୋର ମନବନେ ଯେସନେ ହୁତାଶନ
Couplet 122
କାରଣ କହ ମୁନି ମୋତେଶୁଣିଲେ ଯିବଇଁ ପରତେ
Couplet 123
ଏମନ୍ତେ ଧର୍ମସୁତ-ବାଣୀଆନନ୍ଦେ ଶୁଣି ବ୍ରହ୍ମମୁନି
Couplet 124
କହନ୍ତି ରାଜାର ଅଗ୍ରତେସକଳେ ଶୁଣନ୍ତି ଯେମନ୍ତେ
Couplet 125
ଏ ଯେତେ ନିନ୍ଦା-ସ୍ତୁତି ଅର୍ଥେମନୁଷ୍ୟ ଶରୀର ଜଗତେ
Couplet 126
ପ୍ରକୃତି- ପୁରୁଷ-ସଂଯୋଗେଜନ୍ମଇଁ ଅବିବେକ ଭାବେ
Couplet 127
ବହଇ ହିଂସା ଅଭିମାନଦଣ୍ଡ ପୌରୁଷ ସାବଧାନ
Couplet 128
ମୁହିଁ ମୋହର ବୋଲି ଜାଣେଯାବତ ବଶ ତିନିଗୁଣେ
Couplet 129
ଶରୀର ସ୍ୱଭାବ ଏମନ୍ତେସଂସାର ମଧ୍ୟେ ଛନ୍ତି ଯେତେ
Couplet 130
ଆତ୍ମାଭିମାନେ ଦେହ ବହିଲୁବୁଧେ ପ୍ରାଣୀ ବଧ ହୋଇ
Couplet 131
ସେ ପୁଣି କୈବଲ୍ୟ ଆସ୍ଥାନେନ ଘଟେ ଆତ୍ମା-ଅନୁମାନେ
Couplet 132
ହରି ବିଷୟେ କର୍ମ ଯେତେକୈବଲ୍ୟ ଭୁଞ୍ଜେ ପ୍ରାଣୀ ଅନ୍ତେ
Couplet 133
କେ ଭଜେ ରିପୁ-ଅନୁବନ୍ଧେକେ ଅବା ମିତ୍ରଭାବେ ସଧେ
Couplet 134
କେ ଅବା ଭଜେ ତାକୁ ଡରେକେ ଅବା ପ୍ରିୟଭାବ କରେ
Couplet 135
କେ କାମଭାବେ ଅନୁସରେକେ ଅବା ସ୍ନେହେ ଚିନ୍ତା କରେ
Couplet 136
ଏ ସର୍ବଜନେ ଅନ୍ତଃକାଳେପଶନ୍ତି ଚରଣକମଳେ
Couplet 137
ନିତ୍ୟେ ବଇରୀ ଭାବେ ଚିନ୍ତିହରିଙ୍କି ଯେମନ୍ତେ ଲଭନ୍ତି
Couplet 138
ନିଶ୍ଚଳଚିତ୍ତେ ନିତ୍ୟେ ଧ୍ୟାୟୀଯୋଗୀଏ ଲଭିବେ ତା’ କାହିଁ
Couplet 139
ଏ ଭାବ ନିଶ୍ଚେ ମୋର ମନେଏବେ ହୋ ଶୁଣ ସାବଧାନେ
Couplet 140
ଭ୍ରମର ଯେତେ କୀଟ ମାରେନେଇ ସ୍ଥାପଇ ନିଜ ଘରେ
Couplet 141
ସେ କୀଟ ପ୍ରାଣଯିବା କାଳେସଭୟେ ଦେଖିଥାଇ ଡୋଳେ
Couplet 142
ସ୍ୱଭାବେ ଭୟଯୋଗେ ମରେତାର ସ୍ୱରୂପ ଅନ୍ତେ ଧରେ
Couplet 143
ଏମନ୍ତେ କୃଷ୍ଣର ବିଷୟେସେ ମାୟା ମନୁଷ୍ୟର ଦେହେ
Couplet 144
ବଇରୀ ପଣେ ତାକୁ ଚିନ୍ତିନିର୍ମଳ-ହୃଦୟେ ପଶନ୍ତି
Couplet 145
ଏ ଘେନି କାମ-କ୍ରୋଧ-ଭୟେଯେବା ଭଜନ୍ତି ମିତ୍ରସ୍ନେହେ
Couplet 146
କୃଷ୍ଣବିଷୟେ ଚିତ୍ତ ଦେଇଅନେକ ଗଲେ ମୋକ୍ଷ ହୋଇ
Couplet 147
ଗୋପନଗରେ ଗୋପୀ ଯେତେକୃଷ୍ଣ ଭଜିଲେ କାମଚିତ୍ତେ
Couplet 148
ବ୍ରାହ୍ମଣପତ୍ନୀ ଦେବନାରୀମଥୁରାପୁର-ମନୋହାରୀ
Couplet 149
ରାଜକୁମାରୀ-ଆଦି ଯେତେତରିଲେ ଭାବି କାମଚିତ୍ତେ
Couplet 150
କଂସାଦି ଦୈତ୍ୟେ ଭୟକଲେଅନ୍ତେ ସେ ଗୋବିନ୍ଦେ ପଶିଲେ
Couplet 151
କ୍ଷତ୍ରିୟ-ଶିଶୁପାଳ ଆଦିତରିଲେ ହୋଇଣ ବିବାଦୀ
Couplet 152
ଯାଦବ-ବୃଷ୍ଣିବଂଶ ଯେତେତୁ ଭଜୁ ଭ୍ରାତୃ ସ୍ନେହମତେ
Couplet 153
ମୁହିଁ ତା’ ଚରଣକମଳେଭକତି କରଇ ନିଶ୍ଚଳେ
Couplet 154
ପୂର୍ବେ ଯେ ବେଣ ସତ୍ୟଯୁଗେନିତ୍ୟେ ଭଜିଲେ ଶତ୍ରୁଭାବେ
Couplet 155
ବ୍ରାହ୍ମଣ-ଶାପୁଁ ନାଶ ଗଲାଅନ୍ତେ ସେ ନରକେ ପଡ଼ିଲା
Couplet 156
ଏଣୁ ହରିଙ୍କି ନାନାମତେଯେ ଭଜିପାରେ ଦୃଢ଼ଚିତ୍ତେ
Couplet 157
ନିର୍ଭୟେ ଗୋବିନ୍ଦେ ପଶନ୍ତିଜନ୍ମ-ମରଣୁଁ ନିସ୍ତରନ୍ତି
Couplet 158
ଯେ ଦମଘୋଷର କାମିନୀତୋହର ମାତାର ଭଗିନୀ
Couplet 159
ତାର ଉଦରୁ ବେନିବାଳଯେ ଦନ୍ତବକ୍ର ଶିଶୁପାଳ
Couplet 160
ପୂର୍ବେ ଏ ହରିଦ୍ୱାରେ ଥିଲେବ୍ରାହ୍ମଣେ ଅପରାଧ କଲେ
Couplet 161
ଏ ବେନିଭାଇ ସହୋଦରକୃଷ୍ଣସେବକ ମଧ୍ୟେ ବର
Couplet 162
ମହାନ୍ତ-ଅପରାଧ ଫଳେଜନ୍ମିଲେ ଅସୁରର କୁଳେ
Couplet 163
ଏ ଜନ୍ମେ ମନୁଷ୍ୟ ଶରୀରେଏବେ ମିଳିଲେ ହରିଦ୍ୱାରେ
Couplet 164
ନାରଦ ମୁଖୁଁ ଏ ଚରିତଶୁଣି ବୋଲନ୍ତି ଧର୍ମସୁତ
Couplet 165
ଯେ ହରିନାମ ଉଚ୍ଚାରନ୍ତିସେ ସର୍ବସଂକଟୁ ତରନ୍ତି
Couplet 166
ଯେ ହରି-ଦ୍ୱାରପାଳ ପଣେପାଣେ ଖଟନ୍ତି ଅନୁକ୍ଷଣେ
Couplet 167
ତାହାଙ୍କୁ କେବା ଶାପ ଦେଲାମୋତେ ତ ସନ୍ଦେହ ଲାଗିଲା
Couplet 168
ଯେ ବଇକୁଣ୍ଠପୁରେ ଥାନ୍ତିସେ ତ ସଂସାରେ ନ ପଡ଼ନ୍ତି
Couplet 169
ଦେହ ସମ୍ଭବ ଯହିଁ ନାହିଁସେ କିମ୍ପା ବହେ ନରଦେହୀ
Couplet 170
କିକେ ହୋଇଲେ ଦୁରାଚାରଏଣୁ ସଂଶୟ ଚିତ୍ତେ ମୋର
Couplet 171
ଭୋ ମୁନି ନମୁଁ ତୋ ଚରଣକହ ଏ କେବଣ କାରଣ
Couplet 172
ଏମନ୍ତ ଯୁଧିଷ୍ଠି ବଚନଶୁଣିଣ ବ୍ରହ୍ମାଙ୍କ ନନ୍ଦନ
Couplet 173
ଶୁଣ ରାଜନ ସାବଧାନେଯେ କଥା ବିଷ୍ଣୁର ଭୁବନେ
Couplet 174
ବ୍ରହ୍ମାଙ୍କ ପୁତ୍ରେ ବେଦବାଦୀସନକ ସନାତନ ଆଦି
Couplet 175
ସେ ଚାରିଭାଇ ଏକଦିନେଭ୍ରମନ୍ତି ଏ ତିନିଭୁବନେ
Couplet 176
ପୁଣି ସେ ଅନ୍ତରୀକ୍ଷେ ଗଲେବିଷ୍ଣୁର ଭୁବନେ ମିଳିଲେ
Couplet 177
ପ୍ରବେଶ ହେଲେ ଦ୍ୱାରଦେଶେବିଷ୍ଣୁର ଦର୍ଶନ ଲାଳସେ
Couplet 178
ପଞ୍ଚ ଷଟ ବରଷ ପ୍ରାୟେସର୍ବେ ଦିଶନ୍ତି ଏକଦେହେ
Couplet 179
ବାଳସ୍ୱଭାବେ ଦିଗମ୍ବରସ୍ୱଭାବେ ବ୍ରହ୍ମାଙ୍କ କୁମର
Couplet 180
ମରୀଚି ଆଦି ମୁନିଗଣେସେବନ୍ତି ତାହାଙ୍କ ଚରଣେ
Couplet 181
ତାଙ୍କୁ ବାଳକ ପ୍ରାୟେ ଚାହିଁଜୟ ବିଜୟ ବେନିଭାଇ
Couplet 182
ଉଲଗ୍ନ ଦେଖି ଦ୍ୱାରପାଳେଦ୍ୱାର ନିରୋଧ କଲେ ବଳେ
Couplet 183
ତାହାଙ୍କ ମନ ହରିପାଦେପଶି ନପାରିଲେ ପ୍ରମାଦେ
Couplet 184
ଦ୍ୱାରପାଳଙ୍କ ମୁଖ ଚାହିଁକୋପେ ବୋଇଲେ ଚାରିଭାଇ
Couplet 185
ତୁମ୍ଭେ ଯେ ଦୁଷ୍ଟ ବେନିଭାଇଏ ପୁରେ ଥିବା ନ ଯୋଗାଇ
Couplet 186
ଏ ପୁର ବଇକୁଣ୍ଠ ଧାମଏଥେ ନପଶେ ରଜ ତମ
Couplet 187
ଏଥେ ନ ଥାଅ ଭାଇ ବେନିମର୍ତ୍ତ୍ୟେ ଜନ୍ମିବ ଦେହ ଘେନି
Couplet 188
ଅତି ପାପିଷ୍ଠ ତୁମ୍ଭ ଦେହଅସୁରକୁଳେ ଜନ୍ମହୁଅ
Couplet 189
ତକ୍ଷଣେ ବିପ୍ରଶାପ ପାଇଦ୍ୱାରୁ ଖସିଲେ ବେନି ଭାଇ
Couplet 190
ଊର୍ଦ୍ଧ୍ୱ-ଚରଣ ଅଧୋମୁଖତକ୍ଷଣେ ଦେଖି ତାଙ୍କ ଦୁଃଖ
Couplet 191
ଦୟା ବସିଲା ତାଙ୍କ ଦେହିସ୍ନେହେ ବୋଇଲେ ଚାରିଭାଇ
Couplet 192
ଅସୁର ହୋଇ ବେନିଜନ୍ମନିତ୍ୟେ କରିବ ଦୁଷ୍ଟକର୍ମ
Couplet 193
ତୃତୀୟ ଜନ୍ମେ ନର ହୋଇଶାପୁ ତରିବ ବେନିଭାଇ
Couplet 194
ବିଷ୍ଣୁଙ୍କୁ ଚିନ୍ତି ଅପରାଧପୁଣି ଲଭିବ ବିଷ୍ଣୁପାଦ
Couplet 195
ପ୍ରଥମେ କଶ୍ୟପଙ୍କ ଘରେଜନ୍ମିବ ଦିତିର ଉଦରେ
Couplet 196
ଜନ୍ମିଲେ ହିରଣ୍ୟକଶିପୁହିରଣ୍ୟାକ୍ଷ ଯେ ମହାବପୁ
Couplet 197
ଦେବ-ଦାନବ ତାଙ୍କ ପାଦେଖଟନ୍ତି ନିତ୍ୟେ ଅପ୍ରମାଦେ
Couplet 198
ହିରଣ୍ୟାକ୍ଷର ଗର୍ବ ଭରେମହୀ କମ୍ପଇ ଥରହରେ
Couplet 199
ସେ କଷ୍ଟ ହରି ନ ସହିଲେଶୂକର ରୂପକୁ ଧଇଲେ
Couplet 200
ଧରଣୀ ଉଦ୍ଧାରଣ ପାଇଁବରୁଣପୁରେ ହେଲେ ଯାଇ
Couplet 201
ସେ ଦୁଷ୍ଟ ହିରଣ୍ୟାକ୍ଷ ବୀରଅସୀମ ବଳ ଅଟେ ଯାର
Couplet 202
ବରାହ ରୂପ ଦେଖି କୋପେମିଳିଲା ଗୋବିନ୍ଦ ସମୀପେ
Couplet 203
ଅନେକ ଗଦାଯୁଦ୍ଧ କଲାଶବଦେ ବ୍ରହ୍ମାଣ୍ଡ କମ୍ପିଲା
Couplet 204
ବିଷ୍ଣୁର ଗଦାଘାତ ବଳେପ୍ରାଣ ଛାଡ଼ିଲା ରସାତଳେ
Couplet 205
ବିଷ୍ଣୁ ନୃସିଂହ ରୂପ ଧରିହିରଣ୍ୟକଶିପୁ ବିଦାରି
Couplet 206
ହିରଣ୍ୟକଶିପୁର ସୁତପ୍ରହ୍ଲାଦ ଗୋବିନ୍ଦ ଭକତ
Couplet 207
ତାକୁ ଅନେକ ଦୁଃଖ ଦେଇକୃଷ୍ଣ ଭଜନ ନସହଇ
Couplet 208
ସେ ପୁଣି ବିଷ୍ଣୁଭକ୍ତି ବଳେଅଜେୟ ଏ ମହୀମଣ୍ଡଳେ
Couplet 209
ତାକୁ ଅନେକ ଦୁଃଖ ଦେଲାକେବେହେଁ ମାରି ନ ପାରିଲା
Couplet 210
ଲୀଳାଏ ହରି ତାକୁ ମାରିପୁଣି ଜନ୍ମିଲେ ଦେହ ଧରି
Couplet 211
ପୁଣି ରାକ୍ଷସୀକୋଳେ ଯାଇବିଶ୍ରବା ଗୃହେ ବେନି ଭାଇ
Couplet 212
କେଶିନୀଗର୍ଭେ ହୋଇ ଜନ୍ମଅନେକ କଲେ ମନ୍ଦ କର୍ମ
Couplet 213
ରାବଣ କୁମ୍ଭକର୍ଣ୍ଣ ରୂପେତ୍ରୈଲୋକ୍ୟ ବଶ କଲେ ଦର୍ପେ
Couplet 214
ତାହାଙ୍କୁ ରାମରୂପେ ମାରିରାକ୍ଷସ ଜନ୍ମରୁ ଉଦ୍ଧରି
Couplet 215
ସେ ରାମଚରିତ ତୁ ସୁଖେଶୁଣିବୁ ମାରକଣ୍ଡ ମୁଖେ
Couplet 216
ପୁଣି ସେ ମହୀତଳେ ଜାତତୋ ମାତା ଭଗିନୀର ସୁତ
Couplet 217
ଏବେ ତୋ ଯଜ୍ଞସଭା ମଧ୍ୟେକୃଷ୍ଣଙ୍କୁ ନିନ୍ଦି ଅପରାଧେ
Couplet 218
ଗୋବିନ୍ଦ ଚକ୍ରେ ଛେଦହୋଇମୋକ୍ଷ ଲଭିଲେ ବେନିଭାଇ
Couplet 219
ବୈରାନୁବନ୍ଧେ କରି ଧ୍ୟାନତେଣେ ପାଇଲେ ଦିବ୍ୟଜ୍ଞାନ
Couplet 220
ତୃତୀୟ ଜନ୍ମେ ମୋକ୍ଷ ହୋଇଜୟ ବିଜୟ ବେନିଭାଇ
Couplet 221
ପୁଣି ମିଳିଲେ ନିଜପୁରେବିଷ୍ଣୁର ବୈକୁଣ୍ଠ ଦୁଆରେ
Couplet 222
ଏମନ୍ତେ ଶୁଣି ଧର୍ମସୁତମୁନି ଚରଣେ ଦେଇ ହସ୍ତ
Couplet 223
ଭାବେ ପୁଲକ ତାର ଦେହିବୋଲେ ନାରଦ ମୁଖ ଚାହିଁ
Couplet 224
ହିରଣ୍ୟକଶିପୁର ସୁତସେ ଯେବେ ଗୋବିନ୍ଦ ଭକତ
Couplet 225
ତାହାକୁ ପୁତ୍ରସ୍ନେହ ଛାଡ଼ିନିଷ୍ଠୁରପଥେ କିମ୍ପା ବଢ଼ି
Couplet 226
ହିରଣ୍ୟକଶିପୁ କିମ୍ପାଇପୁତ୍ରକୁ ଦ୍ରୋହ ଆଚରଇ
Couplet 227
ଅସୁରେ ଜାତ ପ୍ରହଲ୍ଲାଦକିମ୍ପା ଭଜିଲା କୃଷ୍ଣପାଦ
Couplet 228
ବୋଇଲ ଦାସ ଜଗନ୍ନାଥନାରଦ ଆଗେ କୁନ୍ତୀସୁତ
Couplet 229
ଯେ ପ୍ରଶ୍ନ ସଭାମଧ୍ୟେ କଲାଶ୍ରୀଭାଗବତ କୃଷ୍ଣଲୀଳା
Couplet 230
ସପ୍ତମ ସ୍କନ୍ଧେ ହରିବାଣୀଶୁଣି ସଂସାରୁ ତର ପ୍ରାଣୀ
Couplet 231
ଶ୍ରୀଶୁକ କହେ ତୋଷଚିତ୍ତେପରୀକ୍ଷ ରାଜାର ଅଗ୍ରତେ
Couplet 232
ଶୁଣି ରାଜନ କୃତକୃତ୍ୟବିଷ୍ଣୁଚରଣେ ଦେଲା ଚିତ୍ତ
Couplet 233
ଯେ ଭାବେ ପାର ଦୃଢେ଼ ଧରପାରି କରିବେ ଚକ୍ରଧର