Adhyaya 19

Couplet 1

ଭୋ ମୁନି ଶୁଣ ସାବଧାନଯେ ବ୍ରତ ନାମ ପୁଂସବନ

Couplet 2

ତୁମ୍ଭେ ଯେ କହିଲ ବିଧାନପୁଣି ଶ୍ରବଣେ ମୋର ମନ

Couplet 3

ଯେ ବ୍ରତ ପ୍ରସାଦରୁ କରିପ୍ରସନ୍ନ ହୁଅନ୍ତି ମୁରାରି

Couplet 4

ପ୍ରଥମେ ମାର୍ଗଶିର ମାସଶୁକ୍ଳ ପ୍ରତିପଦ ଦିବସ

Couplet 5

ଭର୍ତ୍ତାର ଆଜ୍ଞା ପରମାଣେବ୍ରତ କରିବେ ସ୍ତିରୀଗଣେ

Couplet 6

ଏ ବ୍ରତେ ହୋଇ ସର୍ବସିଦ୍ଧିଆଦରେ କଲେ ଯଥାବିଧି

Couplet 7

ବ୍ରାହ୍ମଣେ କରିଣ ବରଣଶୁଣିବ ମରୁତଙ୍କ ଜନ୍ମ

Couplet 8

ଶୁଚି ହୋଇବ କରି ସ୍ନାନଶୁକ୍ଳବସନ ପରିଧାନ

Couplet 9

ପୂର୍ବରୁ ଭୋଜନ ନ କରିଚଞ୍ଚଳମନ ସ୍ଥିରେ ଧରି

Couplet 10

ଲକ୍ଷ୍ମୀ ସହିତେ ଭଗବାନପୂଜିବ ହୋଇ ତୋଷମନ

Couplet 11

ପଦ୍ମଚରଣ ଚିନ୍ତି ଧ୍ୟାନେସ୍ତୁତି କରିବ ଏ ବିଧାନେ

Couplet 12

ହେ ନିରପେକ୍ଷ ପୂର୍ଣ୍ଣକାମନମସ୍ତେ ପ୍ରଭୁ ଆତ୍ମାରାମ

Couplet 13

ନମୋ ମହାବିଭୁ ଈଶ୍ୱରସକଳ ସିଦ୍ଧିର ଠାକୁର

Couplet 14

ଅନନ୍ତଗୁଣେ ଯୁକ୍ତ ତୁହିନମସ୍ତେ ପ୍ରଭୁ ଭାବଗ୍ରାହୀ

Couplet 15

ଭୋ ଦେବି ଗୋବିନ୍ଦ ଘରଣିଅଶେଷଗୁଣେ ସୁଲକ୍ଷଣୀ

Couplet 16

ଲୋକମାତ ସୃଷ୍ଟିକାରଣମୋହରେ ହୁଅ ତୁ ପ୍ରସନ୍ନ

Couplet 17

ନମଇଁ ତୋହର ଚରଣଜଗତ ଯାହାର ଭିଆଣ

Couplet 18

ନମଇଁ ପ୍ରଭୁ ଭଗବତମହାପୁରୁଷ ଆଦିଭୂତ

Couplet 19

ମହାବିଭୂତି-ପତି ତୁହିମହାବିଭୂତି-ଯୁକ୍ତ ହୋଇ

Couplet 20

ଅଖିଳ-ବ୍ରହ୍ମାଣ୍ତ-ଈଶ୍ୱରଗ୍ରହଣ କର ଉପହାର

Couplet 21

ଏମନ୍ତ କରି ଆରାଧନପୂଜିବ ଲକ୍ଷ୍ମୀ-ନାରାୟଣ

Couplet 22

ପାଦ୍ୟ ଅର୍ଘ୍ୟ ଯେ ଆବାହନବିଧିରେ କରାଇ ସ୍ନାହାନ

Couplet 23

ଦିବ୍ୟବସନ ସମର୍ପିବଶୁକ୍ଳଉତ୍ତରୀ ନିବେଦିବ

Couplet 24

ନାନାଭୂଷଣ ଗନ୍ଧଧୂପପ୍ରସନ ଉପହାର ଦୀପ

Couplet 25

ଆବର ଯେତେ ଉପହାରସ୍ଥାପିବ ବିଷ୍ଣୁର ଛାମୁର

Couplet 26

ବିଷ୍ଣୁରେ ଦେଇ ଯେତେ ଦ୍ରବ୍ୟଆନନ୍ଦେ ତାହା ସମର୍ପିବ

Couplet 27

କୃଷ୍ଣର ଯେତେ ଭାବରସଆନନ୍ଦେ କରିବ ପ୍ରକାଶ

Couplet 28

ହବି ଆହୂତି ଯେ ଦ୍ୱାଦଶଅନଳେ ଦେବ ଅବଶେଷ

Couplet 29

ନମୋ ଭଗବାନ ଈଶ୍ୱରମହାପୁରୁଷ ଦେବବର

Couplet 30

ମହାବିଭୂତିପତି ତୁହିସ୍ୱାହା ବୋଲି ଅର୍ପିବ ତହିଁ

Couplet 31

ଲକ୍ଷ୍ମୀ ଅଚ୍ୟୁତ ବେନିଜନବରଦାୟକ ନରାୟଣ

Couplet 32

ଭକ୍ତିରେ ନିତ୍ୟେ ଯେ ପୂଜିବସର୍ବସମ୍ପଦ ସେ ଲଭିବ

Couplet 33

ଭାବରେ ହୋଇ ଭକ୍ତିଯୁକ୍ତସାଷ୍ଟାଙ୍ଗେ କରି ଦଣ୍ଡବତ

Couplet 34

ମନ୍ତ୍ର ଜପିବ ଦଶବାରଏ ସ୍ତୋତ୍ର କରିବ ଉଚ୍ଚାର

Couplet 35

ତୁମ୍ଭେ ଯେ ତ୍ରୈଲୋକ୍ୟ ଈଶ୍ୱରସକଳ-ବ୍ରହ୍ମାଣ୍ତ-ଠାକୁର

Couplet 36

ସଂସାର-ପରମକାରଣତୁମ୍ଭେ ଯେ ପ୍ରଭୁ ନାରାୟଣ

Couplet 37

ଏ ଯେ ସୂକ୍ଷ୍ମମାୟା-ପ୍ରକୃତିଦୁରନ୍ତ ଅଟଇ ଶକତି

Couplet 38

ଏହାର ତୁମ୍ଭେ ଅଧୀଶ୍ୱରସାକ୍ଷାତ ପୁରୁଷଙ୍କ ପର

Couplet 39

ତୁମ୍ଭେ ସକଳ-ଯଜ୍ଞମୟପତ୍ନୀରୂପରେ ଲକ୍ଷ୍ମୀ ହୁଅ

Couplet 40

ଅଶେଷ-କ୍ରିୟାର ଈଶ୍ୱରୀଫଳଭୋକତା ନରହରି

Couplet 41

ଗୁଣାଦି ଗୁଣର କାରଣତତ୍ତ୍ୱଭାବନ ଭଗବାନ

Couplet 42

ସର୍ବଶରୀରେ ଆତ୍ମା ତୁହିଲକ୍ଷ୍ମୀ ଇନ୍ଦ୍ରିୟ ପ୍ରାଣ ହୋଇ

Couplet 43

ନାମ ରୂପ ଏ ଭଗବତୀଆଶ୍ରୟରୂପେ ତୁମ୍ଭ ସ୍ଥିତି

Couplet 44

ଯେମନ୍ତେ ତୁମ୍ଭେ ବ୍ରହ୍ମାଣ୍ତରବର-ଦିଅନ୍ତା ହେ ଈଶ୍ୱର

Couplet 45

ତେମନ୍ତ ହୋଇ ଚକ୍ରଧରସର୍ବମଙ୍ଗଳ ହେଉ ମୋର

Couplet 46

ଲକ୍ଷ୍ମୀନିବାସ ଯେ ପୁରୁଷଏହି ସ୍ତୁତିରେ କରି ତୋଷ

Couplet 47

ପୂଜିବ ଲକ୍ଷ୍ମୀନାରାୟଣଯେ ପ୍ରଭୁ ବ୍ରହ୍ମାଣ୍ତ-କାରଣ

Couplet 48

ପୂଜା-ଉପଚାର ଲେଛିବସନ୍ତୋଷେ ଆଚମନ ଦେବ

Couplet 49

ଏଥିଉତ୍ତାରୁ ପୁନର୍ବାରଅର୍ଚ୍ଚନା କରିବ ଈଶ୍ୱର

Couplet 50

ଯଜ୍ଞ-ଉଚ୍ଛିଷ୍ଟ ଯେବାଥିବମନ ସନ୍ତୋଷେ ତା ଭକ୍ଷିବ

Couplet 51

ଚିତ୍ତରେ ହୋଇ ଭାବଭକ୍ତିପୁଣି କରିବ ନାନା ସ୍ତୁତି

Couplet 52

ସ୍ୱାମୀଙ୍କି ଭକ୍ତିରେ ପୂଜିବଈଶ୍ୱରଭାବରେ ଚିନ୍ତିବ

Couplet 53

ନାନାପ୍ରୀତିରେ ବାକ୍ୟ ଭରିସ୍ୱାମୀ ତୋଷିବ ନିଜନାରୀ

Couplet 54

ପତ୍ନୀ ସହିତ ହୋଇ କରିସର୍ବକର୍ମ ସ୍ୱାମୀ ଆଚରି

Couplet 55

ଏ ବ୍ରତ ପତିପତ୍ନୀ ଧରିବଅଭାବେ ଏକା ବା କରଇ

Couplet 56

ଏ ବିଷ୍ଣୁବ୍ରତକୁ ଧରିବକେବେହେଁ ଭଗ୍ନ ନ କରିବ

Couplet 57

ଗନ୍ଧମାଲ୍ୟ ମଣିଭୂଷଣେବ୍ରତେ ତୋଷିବ ବିପ୍ରଗଣେ

Couplet 58

ଭକ୍ତିରେ ଯୁକ୍ତ କରି ମନନିୟମେ ଥିବ ପ୍ରତିଦିନ

Couplet 59

ସାଷ୍ଟାଙ୍ଗେ ଈଶ୍ୱର ନମିବସ୍ୱସ୍ଥାନେ ନେଇ ବସାଇବ

Couplet 60

ଭକ୍ତିଭାବରେ ବେନିଜନନିର୍ମାଲ୍ୟ କରିବ ଭୋଜନ

Couplet 61

ସର୍ବକାମନା ପୂର୍ଣ୍ଣ ପାଇଁକରିବ ଭକ୍ତିଯୁକ୍ତ ହୋଇ

Couplet 62

ଏ ପୂଜାବିଧି ବାରମାସକରିବ ଏକଇ ବରଷ

Couplet 63

ଏ ମଧ୍ୟେ ମଳମାସ ଯେବେଛାଡିବ-ଏକମାସ ତେବେ

Couplet 64

କାର୍ତ୍ତିକପୂର୍ଣ୍ଣିମା ଦିବସେରହିବ ପୁଣି ଉପବାସେ

Couplet 65

ତାହାର ଯେଉଁ ପରଦିନପ୍ରଭାତେ କରି ଆଚମନ

Couplet 66

ପୂର୍ବର ପ୍ରାୟେ କରି ପୁଣିବିଷ୍ଣୁ ଅର୍ଚ୍ଚିବ ତହୁଁ ଆଣି

Couplet 67

ଚରୁ ଘୃତ ସମିଧ କ୍ଷୀରେହୋମ କରିବ ଏ ବିଧିରେ

Couplet 68

ଯଜ୍ଞବିଧାନେ ପାକ ଶେଷଆହୁତି ଦେବ ଯେ ଦ୍ୱାଦଶ

Couplet 69

ଆଶିଷ ଘେନିବ ମସ୍ତକେବ୍ରାହ୍ମଣମାନଙ୍କର ବାକ୍ୟେ

Couplet 70

ସାଷ୍ଟାଙ୍ଗେ କରି ନମସ୍କାରଆଜ୍ଞା ଘେନିବ ବିପ୍ରଙ୍କର

Couplet 71

ଆଚାର୍ଯ୍ୟ କରିଣ ଅଗ୍ରତେଶୁଚି ହୋଇ ବନ୍ଧୁ ସହିତେ

Couplet 72

ପତ୍ନୀକି ଚରୁ ଦେବ ନେଇସୁପୁତ୍ର ସୌଭାଗ୍ୟର ପାଇଁ

Couplet 73

ଏ ବିଷ୍ଣୁବ୍ରତ ଯେ କରଇବାଞ୍ଛିତଫଳ ସେ ଲଭଇ

Couplet 74

ଯେ ସ୍ତିରୀ ଏ ବ୍ରତ ଆଚରିସୌଭାଗ୍ୟ ଲଭେ ସେ ସୁନ୍ଦରୀ

Couplet 75

ଉତ୍ତମପୁତ୍ର ସ୍ୱାମୀ ଯଶଏ ସର୍ବ ଲଭଇ ଅକ୍ଳେଶ

Couplet 76

ଏ ବ୍ରତେ କନ୍ୟା ଲଭେ ବରଉତ୍ତମଲକ୍ଷଣ ଯାହାର

Couplet 77

ବିଧବା ଅପୁତ୍ରିକ ନୋହିସେ ନାରୀ ନିଷ୍ପାପ ହୁଅଇ

Couplet 78

ଦୁର୍ଭଗା ସୌଭାଗ୍ୟ ଲଭଇବିରୂପ ସୁରୂପ ହୁଅଇ

Couplet 79

ମୃତବ›ତ୍ସିକା ଯେବା ନାରୀଚିରଞ୍ଜିବୀ ପୁତ୍ର ତାହାରି

Couplet 80

ସର୍ବରୋଗରୁ ମୁକ୍ତ ହୋଇନିର୍ମଳ ହୋଏ ତାର ଦେହୀ

Couplet 81

ସୌଭାଗ୍ୟବତୀ ଧନେଶ୍ୱରୀଅନ୍ତେ ଲଭନ୍ତି ବିଷ୍ଣୁପୁରୀ

Couplet 82

ସକଳ କର୍ମର ଅନ୍ତରେଯେ ଏହା ପଢ଼େ ନିରନ୍ତରେ

Couplet 83

ପିତୃଦେବତା ତୋଷ ହୋଇବାଞ୍ଛିତଫଳ ତାରେ ଦେଇ

Couplet 84

ହୋମର ଅବସାନେ ତାରସନ୍ତୋଷ ଅଗ୍ନି ଚକ୍ରଧର

Couplet 85

ମରୁତଜନ୍ମ ହେ ରାଜନତୁମ୍ଭେ ଯେ ମୋତେ କଲ ପ୍ରଶ୍ନ

Couplet 86

ଦିତିର ବ୍ରତ ଆଦି କରିତୋ ଆଗେ କହିଲୁ ବିସ୍ତାରି

Couplet 87

ଏଣେ ଯେ ହୋନ୍ତି ସାବଧାନଲଭନ୍ତି ଧର୍ମ ଅର୍ଥ କାମ

Couplet 88

ଅନ୍ତେ ପଶନ୍ତି ହରିଦେହେଶ୍ରୀମୁଖେ କହେ ଦେବରାୟେ

Couplet 89

ଏଣୁ ଯେ ସୁବୋଧ ପଣ୍ଡିତନିତ୍ୟେ ଶୁଣିବ ଏ ଚରିତ

Couplet 90

ତାହାର ପାପବନ୍ଧ ନାହିଁଅବଶ୍ୟ ବୈକୁଣ୍ଠ ଲଭଇ

Couplet 91

ବୋଲଇ ଦାସ ଜଗନ୍ନାଥପବନ ଜନ୍ମର ଚରିତ