Adhyaya 9

Couplet 1

ଶୁଣ ପରୀକ୍ଷ ନୃପବରକୃଷ୍ଣମହିମା ଅଗୋଚର

Couplet 2

ଶୁଣ ହେ ସେ ବିଶ୍ୱରୂପରତ୍ରିଶିର ଥିଲା ନୃପବର

Couplet 3

ଏକମୁଖରେ ସୋମପାନକରଇ ସେହୁ ପ୍ରତିଦିନ

Couplet 4

ଦ୍ୱିତୀୟେ ସୁରାପାନ କରେଅନ୍ନ ଭକ୍ଷଇ ତୃତୀୟରେ

Couplet 5

ସେ ବିଶ୍ୱରୂପ ବିନୟରେଦେବଗଣଙ୍କୁ ଉଚ୍ଚସ୍ୱରେ

Couplet 6

ଡାକି ଦିଅଇ ହବିର୍ଭାଗଯେଣୁ ସେମାନେ ପିତୃବର୍ଗ

Couplet 7

ଦେବମାନଙ୍କ ତହୁଁ ଆଣିଯଜ୍ଞର ଭାଗ ନୃପମଣି

Couplet 8

ଦେଲା ଅସୁରମାନଙ୍କରେଯଜ୍ଞଭାଗକୁ ପରୋକ୍ଷରେ

Couplet 9

ଯଦ୍ୟପି ଦେବେ ପିତା ତାରତାହାଙ୍କୁ କରି ଅନାଦର

Couplet 10

ପୁଣି ସେ ମାତୃସ୍ନେହବଶହୋଇଣ ଅର୍ଜିଲା ଅଯଶ

Couplet 11

ମାତୃପକ୍ଷରେ ସ୍ନେହକରିଏମନ୍ତ କର୍ମ ସେ ଆଚରି

Couplet 12

ଏମନ୍ତ ଦେବଙ୍କ ହେଳନଦେଖି ତାହାର ମଘବାନ

Couplet 13

ସଭୟେ ହୋଇ ଖରତରରୋଷେ ଛେଦିଲେ ତାର ଶିର

Couplet 14

ଯେ ମୁଣ୍ଡେ କରେ ସୋମପାନତାହାକୁ କରନ୍ତେ ଛେଦନ

Couplet 15

ଜନ୍ମିଲା ହୋଇ ପକ୍ଷୀ ଏକନାମ ତା ହୋଇଲା ଚାତକ

Couplet 16

ସୁରାପାୟୀ ଯେଉଁ ମସ୍ତକଛେଦନ୍ତେ ସେ ହେଲା ଚଟକା

Couplet 17

ଅନ୍ନଭୋଜୀ ମସ୍ତକ ତାରହୋଇଲା ତିତ୍ତିର ଆକାର

Couplet 18

ଏମନ୍ତେ ସେ ବିଶ୍ୱରୂପରଇନ୍ଦ୍ର ଛେଦିଲେ ଯହୁଁ ଶିର

Couplet 19

କର ଅଞ୍ଜଳି ପ୍ରସାରିଣବ୍ରହ୍ମହତ୍ୟା କଲେ ଗ୍ରହଣ

Couplet 20

ଏ ପାପୁ ଲୋକ କରେ ନିନ୍ଦାଇନ୍ଦ୍ର ପାଇଲେ ମନେ ବାଧା

Couplet 21

ଆତ୍ମାର ବିଶୁଦ୍ଧି ନିମନ୍ତେବିଭାଗ କରି ଏହି ମତେ

Couplet 22

ସ୍ତିରୀ ଭୂ ଜଳ ଦ୍ରୁମଠାରେଅର୍ପିଲେ ଏମନ୍ତ ପ୍ରକାରେ

Couplet 23

ଭୂମି ଘେନିଲେ ଭାଗ ଚାରିଖାତ ପୂରଣ ବର ବରି

Couplet 24

ବ୍ରହ୍ମହତ୍ୟା ତେଣୁ ଉଷରେଅଦ୍ୟାପି ଦିଶଇ ଭୂମିରେ

Couplet 25

ଦ୍ରୁମେ ଯେ ଚାରିଭାଗ ନେଲେଛେଦନେ ବଢ଼ିବାର ବରେ

Couplet 26

ନିର୍ଯ୍ୟାସରୂପେ ଏହାଙ୍କରପାପ ଦିଶଇ ନୃପବର

Couplet 27

କାମବଶରେ ସ୍ତିରୀଜନସମ୍ଭୋଗୀ ହେବେ ପ୍ରତିଦିନ

Couplet 28

ଏରୂପେ ବରକୁ ପାଇଣଚାରିଭାଗ କଲେ ଗ୍ରହଣ

Couplet 29

ରଜରୂପରେ ପ୍ରତିମାସଏବେହେଁ ପାପ ହୋଏ ଦୃଶ୍ୟ

Couplet 30

ପାପର ଶେଷ ଚାରିଅଂଶଜଳକୁ ଦେଇ ଦେବଈଶ

Couplet 31

ପୁଣି ସେ ଦେଲେ ତାକୁ ବରେମିଶ୍ରିତ କ୍ଷୀରାଦି ଦ୍ରବ୍ୟରେ

Couplet 32

ସେ ପାପ ବୁଦ୍‌ବୁଦ-ଫେନରେଅଦ୍ୟାପି ଦିଶଇ ସଂସାରେ

Couplet 33

ସେହି ଫେନକୁ ପକାଇଲେଜଳର ପାପ ନାଶେ ଭଲେ

Couplet 34

ଏମନ୍ତ ପ୍ରକାରେ ହେ ନୃପହରି-କଳ୍ପିତ ହେଲା ପାପ

Couplet 35

ଏ ଅନନ୍ତରେ ସେ ତ୍ୱଷ୍ଟାରଯେଣୁ ହତ ହେଲା କୁମର

Couplet 36

ପୁତ୍ରଶୋକରେ ଦୁଃଖୀ ହୋଇଇନ୍ଦ୍ରର ଶତ୍ରୁ ବୃଦ୍ଧି ପାଇଁ

Couplet 37

ହୋମ ଆରମ୍ଭକୁ ବିଚାରିବୋଇଲେ ଅତି କ୍ରୋଧ କରି

Couplet 38

ଇନ୍ଦ୍ରର ଶତ୍ରୁ ହେଉ ଜାତବେଗେ ଇନ୍ଦ୍ରକୁ କରୁ ହତ

Couplet 39

ଏମନ୍ତ ବୋଲି ସେ ବଚନକେତେ ଆହୁତି କଲା ଦାନ

Couplet 40

ପୁରୁଷେ ତହିଁରୁ ବାହାରରୂପ ତା ଅତି ଭୟଙ୍କର

Couplet 41

ଯୁଗ-ଅନ୍ତକାଳେ ଯେମନ୍ତପ୍ରାଣୀଙ୍କି ଯେସନେ କୃତାନ୍ତ

Couplet 42

ଦିନକୁଦିନ ଅତିଘୋରବଢଇ ବିଶ୍ୱରୂପ ତାର

Couplet 43

ଦଗଧ-ଗିରି ପ୍ରାୟେ ହୋଇତାହାର ଶରୀର ଦିଶଇ

Couplet 44

କାନ୍ତି ତାହାର ବିରାଜଇକଳ୍ପାନ୍ତମେଘ ପ୍ରାୟ ହୋଇ

Couplet 45

ତପତ-ତମ୍ବାଶିଖା ଯେହ୍ନେକେଶ ତା ବିରାଜେ ତେସନେ

Couplet 46

ମଧ୍ୟାହ୍ନ-ରବି ପ୍ରାୟ ହୋଇବେନିଲୋଚନ ବିରାଜଇ

Couplet 47

ଅନଳ-ତେଜ ପ୍ରାୟେ ତାରଏମନ୍ତ ଶୂଳ ଧରି କର

Couplet 48

ବୁଲାଇ ଅତି ଖରତରଶବଦ କରେ ମହାଘୋର

Couplet 49

ନୃତ୍ୟ କରଇ ମତ୍ତ ହୋଇପାଦେ କମ୍ପାଇ ମହାମହୀ

Couplet 50

ଗିରିଗୁହା ପ୍ରାୟେ ବଦନତେଣୁ କି ଗ୍ରାସିବ ଗଗନ

Couplet 51

ଜିହ୍ୱା ବୁଲାଉଛି ଏସନଗିଳିବ କିବା ତ୍ରିଭୁବନ

Couplet 52

ଦନ୍ତ ଅତି ରୌଦ୍ର ଦିଶଇପୁଣ ପୁଣ ହୋଇ ହସଇ

Couplet 53

ଭୀତ ହୋଇଣ ସର୍ବଜନପଳାନ୍ତି ଘେନିଣ ଜୀବନ

Couplet 54

ତ୍ୱଷ୍ଟାର ପୁତ୍ର ଏ ଯେ ପାପଲୋକେ ପାଇଲେ ବହୁ ତାପ

Couplet 55

ପରମ-ଦାରୁଣ-ଅସୁରଏଣୁ ବୃତ୍ର ନାମଟି ତାର

Couplet 56

ଇନ୍ଦ୍ର ଦେବଗଣ ସହିତେମିଳିଲେ ତାହାର ଅଗ୍ରତେ

Couplet 57

ଯେ ଯାହା ଶସ୍ତ୍ର ଧରି କରେପିଟିଲେ ବୃତ୍ରର ଉପରେ

Couplet 58

ଶସ୍ତ୍ର ଯେତେକ ଦେବଙ୍କରସବୁ ଗିଳିଲା ସେ ଅସୁର

Couplet 59

ଏ ଅନନ୍ତରେ ଦେବଗଣବିସ୍ମୟେ ହୋଇ ହତଜ୍ଞାନ

Couplet 60

କୃଷ୍ଣରେ ମନ ସ୍ଥିର କଲେମହାପୁରୁଷ ଆରାଧିଲେ

Couplet 61

ପବନ ଆକାଶ ଯେ ଅଗ୍ନିଜଳର ସହିତେ ଅବନୀ

Couplet 62

ଏ ମହାଭୂତେ ହୋଇ ଏକନିର୍ମିତ ହୋଇଛି ତ୍ରିଲୋକ

Couplet 63

ବ୍ରହ୍ମା ସହିତେ ଆମ୍ଭେମାନେଉଦ୍‌ବେଗ ପାଉଅଛୁ ମନେ

Couplet 64

ଯାହାକୁ ବଳି ଆମ୍ଭେମାନେଦେଇଣ ସେବୁଁ ଅନୁକ୍ଷଣେ

Couplet 65

ଯେ କାଳ ଅନ୍ତକ ବୋଲାଇସେ ଯାହାଠାରୁ ଭୟ ପାଇ

Couplet 66

ସେ ପ୍ରଭୁ ଆମ୍ଭର ଶରଣହୁଅନ୍ତୁ ଅଖିଳକାରଣ

Couplet 67

ସେ ଅବିସ୍ମିତ ପୂର୍ଣ୍ଣକାମପ୍ରଶାନ୍ତ ସର୍ବଭୂତେ ସମ

Couplet 68

ଏମନ୍ତ ଯେ ପରମେଶ୍ୱରତାହାଙ୍କୁ ତେଜି ଯେଉଁ ନର

Couplet 69

ଅନ୍ୟରେ ପଶଇ ଶରଣତାହାଙ୍କୁ ମୂର୍ଖ ବୋଲି ଜାଣ

Couplet 70

ଶ୍ୱାନପୁଚ୍ଛକୁ ଧରି କରେଅଗମ୍ୟସିନ୍ଧୁ କେହୁ ତାରେ

Couplet 71

ନଉକାରରୂପେଣ ସଂସାରଶୃଙ୍ଗରେ ବାନ୍ଧିଣ ଯାହାର

Couplet 72

ମନୁ ଅଛନ୍ତି ଦୁଃଖୁ ତରିଯାହାର ପ୍ରସାଦରୁ କରି

Couplet 73

ଏମନ୍ତ ଯେଉଁ ମହାବାହୁତାରିବେ ବୃତ୍ରାସୁର ତହୁଁ

Couplet 74

ପୂର୍ବେ ସ୍ୱୟମ୍ଭୁ ପଡି ଜଳେବାତେ ଉଲ୍ଲୋଳ-ଉର୍ମିମାଳେ

Couplet 75

ତେଣେ ଶବଦ ମହାଘୋରେରଖିଲା ଯେ ନାଭିକମଳେ

Couplet 76

ସେ ଏକ ସଙ୍ଗେ ନାହିଁ କେହିସେ ଭୟୁ ରଖିଲାକ ଯେହି

Couplet 77

ଦୁରନ୍ତ-ପାପ ଯେ ଦାରୁଣତହୁଁ ରଖନ୍ତୁ ନାରାୟଣ

Couplet 78

ଯେ ଏକ ଈଶ୍ୱର ଅଟଇମାୟାାରେ ଆମ୍ଭଙ୍କୁ ସର୍ଜଇ

Couplet 79

କରୁଛୁ ଜଗତ-ପାଳନେଯାର ପ୍ରସାଦୁ ଆମ୍ଭେମାନେ

Couplet 80

ଯାହାର ମହିମା ପ୍ରସିଦ୍ଧିଆମ୍ଭେ ନ ଜାଣୁ ମନ୍ଦବୁଦ୍ଧି

Couplet 81

ଆମ୍ଭେ ଈଶ୍ୱର ବୋଲି ମାନିମୋହରେ ଯେସନେ ଅଜ୍ଞାନୀ

Couplet 82

ଶତ୍ରୁରଠାରୁ ଆମ୍ଭେମାନେଦୁଃଖ ପାଇଲୁ ଅନୁକ୍ଷଣେ

Couplet 83

ଋଷି ମନୁଷ୍ୟ ପଶୁ ଆଦିସଂସାରେ ଯେତେକ ପ୍ରସିଦ୍ଧି

Couplet 84

ଯେ ପ୍ରଭୁ ଧରି ଅବତାରଖଣ୍ଡନ୍ତି ଦୁଃଖକୁ ଆମ୍ଭର

Couplet 85

ଆମ୍ଭେଟି ସର୍ବେ ଅରକ୍ଷିତରଖନ୍ତୁ ପ୍ରଭୁ ଜଗନ୍ନାଥ

Couplet 86

ସେ ଯୁଗେ-ଯୁଗେ ରକ୍ଷାକରୁଯାର ମହିମା ମହାମେରୁ

Couplet 87

ପରମ-ପ୍ରଧାନ ପୁରୁଷଅଖିଳ ସଂସାରର ଈଶ

Couplet 88

ଅଖିଳଜନ୍ତୁଙ୍କ ଶରଣଏମନ୍ତ ଯେଉଁ ନାରାୟଣ

Couplet 89

ଆମ୍ଭେ ତାହାଙ୍କର ଶରଣଆମ୍ଭଙ୍କୁ କରନ୍ତୁ କଲ୍ୟାଣ

Couplet 90

ଦେବଙ୍କ ସ୍ତୁତି ଏ ବଚନଶୁଣି ସନ୍ତୋଷ ଭଗବାନ

Couplet 91

ପଶ୍ଚିମଦିଗେ ହେ ରାଜନହୋଇଲେ ଆସି ସେ ପ୍ରସନ୍ନ

Couplet 92

ଶଙ୍ଖ ଚକ୍ର ଗଦା କମଳଧରିଣ ପ୍ରଭୁ ଆଦିମୂଳ

Couplet 93

ଆତ୍ମାର ତୁଲ୍ୟ ଷୋଳଜଣସେବୁ ଅଛନ୍ତି ଅନୁକ୍ଷଣ

Couplet 94

ଶ୍ରୀବତ୍ସ›-କଉସ୍ତୁଭ ବିନେପୂର୍ଣ୍ଣ ହୋଇଣ ସର୍ବଗୁଣେ

Couplet 95

ଶରଦ-କମଳ-ଲୋଚନଦେବେ ଦେଖିଣ ହୃଷ୍ଟମନ

Couplet 96

ଇନ୍ଦ୍ରାଦି ଦଶଦିଗପାଳେପ୍ରଭୁଙ୍କୁ ନମିଲେ ସକଳେ

Couplet 97

ଦଣ୍ତବତ ପଡି ରାଜନସ୍ତୁତି କଲେ ଧୀରେ ଉଠିଣ

Couplet 98

ତୁମ୍ଭେ ଯେ ସର୍ବଯଜ୍ଞବରତୁମ୍ଭଙ୍କୁ କରୁଁ ନମସ୍କାର

Couplet 99

ସକଳ ବୟୋଧିକ ତୁମ୍ଭେତୁମ୍ଭ ଚରଣେ ନମୁଁ ଆମ୍ଭେ

Couplet 100

ଅଖିଳ-ଈଶ୍ୱର ଗୋସାଇଁନମସ୍ତେ ପ୍ରଭୁ ଭାବଗ୍ରାହୀ

Couplet 101

ତୁ ପୁରୁହୂତି ଶ୍ରେଷ୍ଠପରନମସ୍ତେ ପ୍ରଭୁ ଚକ୍ରଧର

Couplet 102

ନିୟନ୍ତା ତୁହି ତ୍ରିଗୁଣରତୋହ ଗତି କ୍ରୀଡା ବିହାର

Couplet 103

ଏହା ସଂଖ୍ୟା କରିବା ପାଇଁବିଧାତା ସମର୍ଥ ନୁହଇ

Couplet 104

ହେ ଭଗବାନ ବାସୁଦେବନାରାୟଣ ମହାନୁଭାବ

Couplet 105

ଆଦି ପୁରୁଷ ସର୍ବେଶ୍ୱରକେବଳ ଜଗତ ଆଧାର

Couplet 106

ପରମହଂସ ଲକ୍ଷ୍ମୀକାନ୍ତଜଗୁଜୀବନ ଜଗନ୍ନାଥ

Couplet 107

ଭୋ ନାଥ ପରମମଙ୍ଗଳପରମକଲ୍ୟାଣର ମୂଳ

Couplet 108

ଭୋନାଥ ତୁମ୍ଭେ ଆତ୍ମାରାମସକଳକାର୍ଯ୍ୟେ ଭାବନ

Couplet 109

ତୁ ସର୍ବ ପରମକାରଣଅଖିଳଭୂତଙ୍କ ଭାବନ

Couplet 110

ପରମ-ଯୋଗ-ସମାଧିରେଭଜନ ବିବିଧ ପ୍ରକାରେ

Couplet 111

ପରମ ହଂସ-ମୁନିଗଣେସେବନ୍ତି ଯାହାର ବିହରେ

Couplet 112

ପରମହଂସ-ଦୀକ୍ଷା କରିଅଜ୍ଞାନ ଦୂରେ ପରିହରି

Couplet 113

ଏକାନ୍ତ-ଲୋକଙ୍କ ଆତ୍ମାରେପ୍ରଭାବ ଯାହାର ବିହରେ

Couplet 114

ଏମନ୍ତ ପ୍ରଭୁ ତୁ ଈଶ୍ୱରନମସ୍ତେ ବ୍ରହ୍ମାଣ୍ତ ଠାକୁର

Couplet 115

ତୋହର ମହିମା ବିହାରବ୍ରହ୍ମାରେ ନୁହଁଇ ଗୋଚର

Couplet 116

ଏ ମାୟା ଅଖିଳ-ସଂସାରଭୋ ଦେବ ଭିଆଣ ତୋହର

Couplet 117

ତ୍ରିଗୁଣ ଘେନି ପ୍ରଭୁ ତୁହିସର୍ଜୁ ପାଳୁ ସଂହାରୁ ମହୀ

Couplet 118

ଭୋଦେବ ଏ ମାୟାସଂସାରେତ୍ରିଗୁଣେ ଜଡି ଯେଉଁ ନରେ

Couplet 119

ପରତନ୍ତ୍ରରେ ବଶ ହୋଇଶୁଭାଶୁଭ-କର୍ମ କରଇ

Couplet 120

ତାହାର ଶୁଭାଶୁଭ -ଫଳତୁମ୍ଭର ତହିଁ ଆଦିମୂଳ

Couplet 121

ଭୋ ସ୍ୱାମୀ ତୁମ୍ଭେ ଆତ୍ମାରାମସକଳ-କଳ୍ପେ ଉପଶମ

Couplet 122

ତୁ ସର୍ବବସ୍ତୁରୁ ବାହାରଏମନ୍ତ ମଣୁଁ ଚକ୍ରଧର

Couplet 123

ତୋର ବିରୋଧ ନାହିଁ ପୁଣଅପରୀକ୍ଷିତ ତୋର ଗୁଣ

Couplet 124

ସଂଖ୍ୟା ନୁହଁଇ ତୋ ମହିମାତୋତେ ବା କେ କରିବ ସୀମା

Couplet 125

ବିତର୍କ ବିକଳ୍ପ ବିଚାରପ୍ରମାଣ ନ କରେ ଯାହାର

Couplet 126

ନାନା ବିଚାର ଶାସ୍ତ୍ର ଆଦିସଂସାରେ ଯେତେକ ପ୍ରସିଦ୍ଧି

Couplet 127

ଏହା ବିଚାରି ସାଧୁଜନେତୋତେ ଚିନ୍ତନ୍ତି ଦିବ୍ୟଜ୍ଞାନେ

Couplet 128

କ୍ଷଣକେ ମତି ତାହାଙ୍କରଭ୍ରମ କରାଉ ଚକ୍ରଧର

Couplet 129

ସକଳ ମାୟାମୟ ହେଉନଟର ପ୍ରାୟେ ତୁ ଦେଖାଉ

Couplet 130

ଯଦ୍ୟପି ଏକରୂପ ହୁଅନାନାରୂପକୁ ତୁମ୍ଭେ ବହ

Couplet 131

ସମ-ବିଷମ-ବୁଧଙ୍କରପ୍ରବେଶ ହେଉ ତୁ ମନର

Couplet 132

ରଜ୍ଜୁରେ ସର୍ପ ବୁଦ୍ଧି ଯେହ୍ନେଏକ ତୁ ଦିଶୁ ଭିନ୍ନେ ଭିନ୍ନେ

Couplet 133

ବିଚାରେ ଏକବସ୍ତୁ ତୁହିସର୍ବ-ଈଶ୍ୱର ତୁ ଗୋସାଇଁ

Couplet 134

ସକଳ ଜଗତ-କାରଣଶୋଭାପାଉଛି ସର୍ବ ଗୁଣ

Couplet 135

ପ୍ରତ୍ୟେକ ନାମ ରୂପ ଧରିଲକ୍ଷିତ ହେଉ ନରହରି

Couplet 136

ଏକତୁ ପରମପୁରୁଷସକଳଠାରୁ ଅବଶେଷ

Couplet 137

ଭୋ ନାଥ ମହିମା ତୁମ୍ଭରଅମୃତ-ରସର ସାଗର

Couplet 138

ତାହା ଆସ୍ୱାଦ କରି ମନେଏକାନ୍ତ ଭକ୍ତ ଯେଉଁଜନେ

Couplet 139

ବିଷୟ ସୁଖ ଲେଶ ଛାଡିନିତ୍ୟେ ତୋ ରସେ ଥାନ୍ତି ବୁଡି

Couplet 140

ସର୍ବାତ୍ମା ସର୍ବଭୂତ ପ୍ରିୟଭଗବାନ ସ୍ୱରୂପ ହୁଅ

Couplet 141

ଏ ସର୍ବଗୁଣେ ପୂର୍ଣ୍ଣ ହୋଇକେ ତୋତେ ଜାଣେ ଭାବଗ୍ରାହୀ

Couplet 142

ଅନବରତେ ସ୍ଥିରମନତୋ ପାଦେ କରି ନିବେଦନ

Couplet 143

ହେ ମଧୁମଥନ ଈଶ୍ୱରଆତ୍ମାକୁ ଚିହ୍ନେ ସାଧୁନର

Couplet 144

କମଳଚରଣେ ତୁମ୍ଭରସେବୁ ଅଛନ୍ତି ନିରନ୍ତର

Couplet 145

ଯେ ପାଦପଙ୍କଜରେ ଧ୍ୟାନସଂସାରେ ଗତାଗତ ଜନ

Couplet 146

ନୁହଁଇ ଯାହାର ପ୍ରସାଦେଗତି ଲଭଇ ଅପ୍ରମାଦେ

Couplet 147

ତ୍ରୈଲୋକ୍ୟପ୍ରଭୁ ଭଗବାନହେ ତ୍ରିବିକ୍ରମ ତ୍ରିନୟନ

Couplet 148

ତିନିଲୋକର ମନୋହରଅନୁଭାବ-ରୂପ ଯାହାର

Couplet 149

ତୁମ୍ଭ ପ୍ରକୃତିରୁ ଉଦିତଏମନ୍ତ ଯେତେକ ଦଇତ୍ୟ

Couplet 150

ଏହାଙ୍କ କର୍ମ-ଭାଗ୍ୟଫଳଶାନ୍ତିକି କର ଆଦିମୂଳ

Couplet 151

ଆତ୍ମମାୟାରେ ସୁରନରମୃଗ ସହିତେ ଜଳଚର

Couplet 152

ଏ ଆଦି ଯେତେକ ଅପରଯଥା ଅପ୍ରାଧେ ଦଣ୍ଡ କର

Couplet 153

ଏମନ୍ତ ତୁମ୍ଭେ ଯେ ଈଶ୍ୱରବୃତ୍ରକୁ ଭୋନାଥ ସଂହର

Couplet 154

କହିଲୁ ପ୍ରଭୁ ଭବଗ୍ରାହୀଯେବା ତୁମ୍ଭର ଇଚ୍ଛା ହୋଇ

Couplet 155

ତୋର ତନୟ ହେଉ ଆମ୍ଭେଭୋ ନାଥ ଆମ୍ଭ ପିତା ତୁମ୍ଭେ

Couplet 156

ତୋହର ଚରଣନଳିନବନ୍ଦିକରିଛି ଆମ୍ଭମନ

Couplet 157

ଆପଣାକରି ଆମ୍ଭମାନରଖିଣଅଛୁ ଭଗବାନ

Couplet 158

ଆମ୍ଭଙ୍କୁ ଅନୁକମ୍ପା କରିଏହା ଦେଖାଅ ନରହରି

Couplet 159

ବିଶଦହାସ ମନୋହରବଦନ ଈକ୍ଷଣ ତୁମ୍ଭର

Couplet 160

ସ୍ରବୁଛି ଯହୁଁ ମଧୁରସଅମୃତସମ ପୀତବାସ

Couplet 161

ଆମ୍ଭର ତ୍ରାସ ଦୂରକରଭୋନାଥ ଶରଣ ତୋହର

Couplet 162

ଉତ୍ପତ୍ତି ସ୍ଥିତି ଯେ ପ୍ରଳୟଏହା କାରଣ ତୁମ୍ଭେ ହୁଅ

Couplet 163

ସକଳ ଜୀବେ ପୂର୍ଣ୍ଣ ହୋଇଅକ୍ଷୟ-ବ୍ରହ୍ମ-ରୂପ ବହି

Couplet 164

ତୁ ସର୍ବ-ମାୟାମୟ-ରୂପଅଶେଷ-ପ୍ରଧାନ-ସ୍ୱରୂପ

Couplet 165

ତୁ ଦେଶକାଳପାତ୍ର ହୋଇସକଳଠାରେ ଅଛୁ ରହି

Couplet 166

ସକଳବ୍ୟାପୀ ଚକ୍ରଧରଆାକାଶ ଶରୀର ତୋହର

Couplet 167

ପରମବ୍ରହ୍ମରୂପ ତୁହିଥାଉ ତୁ ଆତ୍ମାରୂପ ବହି

Couplet 168

ଆମ୍ଭେ ଅଗ୍ନିର କଣା ପ୍ରାୟେକିସ କହିବୁଁ ଦେବରାୟେ

Couplet 169

ଆମ୍ଭ ପରମଗୁରୁ ତୁହିତୋ ପାଦ-ଶତଦଳ ଦୁଇ

Couplet 170

ବିବିଧ ପାପକର୍ମ ମୋହେସଂସାରେ ଯେବା ଶ୍ରମ ହୋଏ

Couplet 171

ଛେଦଇ ଯେ ଦଳକମଳଛାୟାରେ ଆମ୍ଭେ ତାର ମୂଳ

Couplet 172

ଆଶ୍ରୟକରି ଆମ୍ଭମନଅଛି ହେ ପ୍ରଭୁ ଭଗବାନ

Couplet 173

ଆମ୍ଭର କାର୍ଯ୍ୟ ଆଦିମୂଳଭୋ ନାଥ କର ତୁ ସଫଳ

Couplet 174

ହେ ପ୍ରଭୁ ଏ ତିିନିଭୁବନଗ୍ରାସୁଛି ତ୍ୱଷ୍ଟାର ନନ୍ଦନ

Couplet 175

ବଳ ଆୟୁଧ ଯେ ଆମ୍ଭରନାଶୁଛି ପାପୀ ବୃତ୍ରାସୁର

Couplet 176

ଏବେ ବିନାଶ କର ତାକୁହେ କୃଷ୍ଣ ଆମ୍ଭର ତେଜକୁ

Couplet 177

ନମସ୍ତେ ପ୍ରଭୁ ଶୁଦ୍ଧ-ହଂସବିହାର ହୃଦୟ-ଆକାଶ

Couplet 178

ନମସ୍ତେ ପ୍ରଭୁ କୃଷ୍ଣ ତୁହିବ୍ରହ୍ମାଣ୍ଡେ ଯାର ଯଶ ଶୋହି

Couplet 179

ଭବସାଗର ପଥଶ୍ରମତୁ ତାହା ନାଶୁ ଭଗବାନ

Couplet 180

ପରମଗତି ଶ୍ରେଷ୍ଠଗତିନମସ୍ତେ ପ୍ରଭୁ ଦାଶରଥି

Couplet 181

ପବନ ଆକାଶ ଯେ ଅଗ୍ନିଜଳସହିତେ ଯେ ଅବନୀ

Couplet 182

ବ୍ରହ୍ମାଦି କରି ଆମ୍ଭେମାନେଉଦ୍‌ବେଗ କରିଅଛୁ ମନେ

Couplet 183

ଏ ଅନନ୍ତରେ ହେ ରାଜନସ୍ତୁତି କରନ୍ତେ ଦେବଗଣ

Couplet 184

ସାଦରେ ସ୍ତୁତି ଶୁଣି ହରିସନ୍ତୋଷ ହେଲେ ଦଇତ୍ୟାରି

Couplet 185

ଶୁଣି ସାନନ୍ଦ ଭଗବାନଦେବଙ୍କୁ ବୋଲନ୍ତି ବଚନ

Couplet 186

ଏ ତୁମ୍ଭ ସୁବିଦ୍ୟା-ସ୍ତୁତିରେସନ୍ତୋଷ ହେଲୁ ଦେବବରେ

Couplet 187

ଯେଉଁ ସ୍ତୁତିର ପରସାଦେସ୍ତୁତି-ଭକତି ମୋର ପାଦେ

Couplet 188

ତତ୍ତ୍ୱଜ୍ଞ ଏକାନ୍ତ ଯେ ମତିମୋ ତହୁଁ ଅନ୍ୟ ନ ବାଞ୍ଛନ୍ତି

Couplet 189

ମୁହିଁ ପ୍ରସନ୍ନ ହୋଏ ଯାରେକି ଅବା ଦୁର୍ଲ୍ଲଭ ତାହାରେ

Couplet 190

ଗୁଣରେ ବସ୍ତୁ ଯେ ଦେଖନ୍ତିଏମନ୍ତ କୃପଣ ଯେ ଛନ୍ତି

Couplet 191

ସେ ଆତ୍ମା-ଶ୍ରେୟ ନ ଜାଣନ୍ତିସଂସାର ମୋହେ ସେ ପଡ଼ନ୍ତି

Couplet 192

ଯେ ବିଦ୍ୟାବନ୍ତ ଏ ଜଗତେସେ ଶ୍ରେୟ ଚିନ୍ତେ ମୋକ୍ଷପଥେ

Couplet 193

ଇଚ୍ଛା ନ ରହଇ ତାହାରସର୍ବକାମ ଦେଇ ହସ୍ତର

Couplet 194

ହେ ଇନ୍ଦ୍ର ଯାଅ ହରଷେଣତୁମ୍ଭର ହୋଇବ କଲ୍ୟାଣ

Couplet 195

ଅଥର୍ବଣ ଯେ ଋଷିବରମାଗ ତାହାଙ୍କର ଶରୀର

Couplet 196

ବିଦ୍ୟା ତପ ବ୍ରତେ ଯାହାରପବିତ୍ର ହୋଇଛି ଶରୀର

Couplet 197

ପ୍ରାର୍ଥନା ତୁମ୍ଭେମାନେ କଲେଧର୍ମଜ୍ଞ ଅଙ୍ଗ ଦେବ ଭଲେ

Couplet 198

ଅସ୍ଥି ତାହାଙ୍କର ଆଣିବଆୟୁଧ ବଜ୍ର ଗଢାଇବ

Couplet 199

ବିଶ୍ୱକର୍ମାନିର୍ମିତ କରିବଜ୍ରକୁ ଧରି ବଜ୍ରଧାରୀ

Couplet 200

ସେ ବଜ୍ରେ କରି ବୃତ୍ରାସୁରଛେଦିବ ଶୁଣ ପୁରନ୍ଦର

Couplet 201

ମୋହର ତେଜେ ଯୁକ୍ତ ହୋଇଶତ୍ରୁ ନାଶିବ ଦେବସାଇଁ

Couplet 202

ବୃତ୍ରକୁ କରି ପ୍ରାଣେ ହତସ୍ୱର୍ଗ ଲଭିବ ଦେବଯୂଥ

Couplet 203

ଯେ ତେଜ ଯଶ ସେ ଆୟୁଧପୁଣି ହିଁ ଲଭିବ ସମ୍ପଦ

Couplet 204

ମୋର ଭକତଲୋକଙ୍କରହିଂସା ନୋହିବ ପୁରନ୍ଦର

Couplet 205

ବୋଲଇ ଦାସ ଜଗନ୍ନାଥଇନ୍ଦ୍ରକୁ କୃଷ୍ଣ କୃପାଚିତ୍ତ