Skandha 6
Adhyaya 8
Couplet 1
ଶୁଣ ହେ ମୁନି ତପୋଧନତୁମ୍ଭେ ଯେ କହିଲ ବିଧାନ
Couplet 2
କବଚ ନାରାୟଣ ରୂପଇନ୍ଦ୍ରଙ୍କୁ ଦେଲେ ବିଶ୍ୱରୂପ
Couplet 3
ଯେଣେ ଇନ୍ଦ୍ର ରକ୍ଷିତ ହୋଇସ୍ୱର୍ଗରେ ଭୋଗ ସେ ଭୁଞ୍ଜଇ
Couplet 4
ଗଜ ତୁରଙ୍ଗ ରିପୁବଳେଲୀଳାମାତ୍ରକେ ଜିଣି ହେଳେ
Couplet 5
ତ୍ରୈଲୋକ୍ୟ ଅଶେଷ ସମ୍ପଦେଭୁଞ୍ଜୁ ଅଛନ୍ତି ଅପ୍ରମାଦେ
Couplet 6
ଭୋ ସ୍ୱାମୀ ମୋତେ ଯେବେ ଦୟାବିସ୍ତାରି କହିବାକ ଏହା
Couplet 7
କେମନ୍ତ ବର୍ମ ନାରାୟଣଇନ୍ଦ୍ରର ରକ୍ଷାର କାରଣ
Couplet 8
ଯେ ବର୍ମବଳେ ଶତ୍ରୁଜିଣିସ୍ୱର୍ଗେ ନିର୍ଭୟ ବଜ୍ରପାଣି
Couplet 9
ରାଜା ବିନୟ ଦେଖି ମୁନିକହନ୍ତି ତାର ଭାବ ଘେନି
Couplet 10
ଇନ୍ଦ୍ର ନିମନ୍ତେ ହୋଇ ବୃତପ୍ରସନ୍ନ ହୋଇ ପୁରୋହିତ
Couplet 11
ଯେ ବର୍ମ ନାମ ନାରାୟଣକହିଲେ ଏକମନେ ଶୁଣ
Couplet 12
କର ଚରଣ ଜଳେ ଧୋଇଗଣ୍ଡୂଷ ଉଦଙ୍ମୁଖ ହୋଇ
Couplet 13
ମନ୍ତ୍ରରେ କରି ଅଙ୍ଗନ୍ୟାସମଉନ ଶୁଚି ହୋଇ ତୋଷ
Couplet 14
ଯେବଣ ବର୍ମେ ନାରାୟଣତୋଷ ହୋଇବେ ତତକ୍ଷଣ
Couplet 15
ନିକଟ ଭୟ ଯେତେବେଳେଜାନୁ ଚରଣ ବକ୍ଷସ୍ଥଳେ
Couplet 16
ଉଦର ହୃଦୟ ମୁଖରେଓଁକାର ଆଦି ଦେଇ ଶିରେ
Couplet 17
ଓଁକାର ଆଦି ନାରାୟଣଉଚ୍ଚାର କରିବ ତକ୍ଷଣ
Couplet 18
କରେ କରିବ କରନ୍ୟାସଯେ ବିଦ୍ୟା ଅକ୍ଷରଦ୍ୱାଦଶ
Couplet 19
ପ୍ରଣବ ଆଦି କରି ଯେତେକରିବ 'ୟ' କାର ପର୍ଯ୍ୟନ୍ତେ
Couplet 20
ଅଙ୍ଗୁଳି ଅଙ୍ଗୁଷ୍ଟି ପର୍ବରେଯଥାକ୍ରମେ ଦେଇ ଅକ୍ଷରେ
Couplet 21
ହୃଦରେ ଦେଇଣ ଓଁକାରମସ୍ତକେ ଦେବ ସେ 'ବି' କାର
Couplet 22
'ଷ' କାର ଭୁରୁଯୁଗେ ଦେଇ'ଣ' କାର ଶିଖାରେ ବସାଇ
Couplet 23
'ବେ' କାର ନୟନ ମଧ୍ୟରେ'ନ' କାର ସକଳ ସନ୍ଧିରେ
Couplet 24
'ମ' କାର କରିବ ସ୍ମରଣମନ୍ତ୍ର-ସ୍ୱରୂପେ ହୋଇ ଜନ୍ମ
Couplet 25
ବିଷ୍ଣବେ ନମଃ ଉଚ୍ଚାରିବଓଁକାର ତହିଁ ଆଦ୍ୟେ ଦେବ
Couplet 26
ପରମ-ଆତ୍ମା ଏହି ମନ୍ତ୍ରେଧ୍ୟାନ କରିବ ଅବିରତେ
Couplet 27
ଷଟ ଶକତି ରୂପ ଯୁତଅନାଦି ଦିବ୍ୟ ଶୁଦ୍ଧସତ୍ତ୍ୱ
Couplet 28
ଯେ ହରି ଗରୁଡ଼ପୃଷ୍ଠରେପାଦପଦ୍ମ ଦେଇଛି ଶିରେ
Couplet 29
ଯେ ଅଷ୍ଟବାହୁରେଣ କରିଚର୍ମ ଆସି ଗଦାକୁ ଧରି
Couplet 30
ଶଙ୍ଖ ପାଶ ଇଷୁ ଚାପରେରଖନ୍ତୁ ମୋତେ ଚକ୍ରଧରେ
Couplet 31
ଯେ ଜଳେ ମର୍ତ୍ସ୍ୟରୂପ ହୋଇସେ ପ୍ରଭୁ ରକ୍ଷାକରୁ ଦେହୀ
Couplet 32
ଜଳଜନ୍ତୁଙ୍କ ସକାଶରୁରଖିବେ ବରୁଣ-ପାଶରୁ
Couplet 33
ମାୟାବାମନ ରୂପ ଛଳେସେ ରକ୍ଷାକରୁ ଅବହେଳେ
Couplet 34
ତ୍ରିବିକ୍ରମ ରଖୁ ଭୂମିରେବିଶ୍ୱରୂପ ଯେ ଆକାଶରେ
Couplet 35
ବନ ସଂଗ୍ରାମ ସଙ୍କଟରୁଦୁର୍ଗମୁ ସେ ମୋତେ ସେ ଉଦ୍ଧରୁ
Couplet 36
ଅସୁରଯୂଥର ଅଇରିନୃସିଂହ ମୋତେ ସେ ଉଦ୍ଧରି
Couplet 37
ଯାହାର ଅଟ୍ଟ ହାସ ଶୁଣିକମ୍ପନ୍ତି ଏ ଦିଗ ଧରଣୀ
Couplet 38
ଦୈତ୍ୟପତ୍ନୀଙ୍କ ଗର୍ଭମାନେପଡ଼ନ୍ତି ଯେ ହାସ-ନିଃସ୍ୱନେ
Couplet 39
ସେ ପ୍ରଭୁ ଯୁଦ୍ଧଆଦି ସ୍ଥଳେମୋତେ ରଖନ୍ତୁ ଅବହେଳେ
Couplet 40
ପଥେ ରଖନ୍ତୁ ଯଜ୍ଞକଳ୍ପଅଖିଳାଧାର ବିଶ୍ୱରୂପ
Couplet 41
ଦଶନେ ଅବନୀ ଯେ ଧରିମୋତେ ସେ ବରାହ ଉଦ୍ଧରି
Couplet 42
ଅଦ୍ରିକୂଟରେ ପର୍ଶୁରାମପ୍ରବାସେ ରାମ ଯେ ଲକ୍ଷ୍ମଣ
Couplet 43
ଭରତ-ଅଗ୍ରଜଟି ଯେହୁସେ ମୋ ରକ୍ଷକ ସଦା ହେଉ
Couplet 44
ଅଖିଳ-ଚିନ୍ତା-ପ୍ରମାଦରୁସେ ନାରାୟଣ ରକ୍ଷାକରୁ
Couplet 45
ନରକ-ଶରୀରରୁ ମୋତେରକ୍ଷା କରିବେ ଜଗନ୍ନାଥେ
Couplet 46
ଆବର ନରରୂପୀ ହରିରଖନ୍ତୁ ଗର୍ବରୁ ଉଦ୍ଧରି
Couplet 47
ବିପତ୍ତିମାନ ହୋଇ ଯେତେରଖିବେ ଜଗନ୍ନାଥ ମୋତେ
Couplet 48
ଯୋଗଭ୍ରଷ୍ଟରୁ ଦତ୍ତାତ୍ରେୟରଖନ୍ତୁ ହୋଇ ସେ ସଦୟ
Couplet 49
କିପଳରୂପୀ ଦେବହରିରଖନ୍ତୁ କର୍ମବନ୍ଧ ହରି
Couplet 50
ଅନଙ୍ଗପୀଡ଼ାରୁ ଜଗତେସନତ୍କୁମାର ରଖୁ ମୋତେ
Couplet 51
ଦେବହେଳନାଦି ଦୋଷରୁହୟଗ୍ରୀବ-ମୂର୍ତ୍ତି ଉଦ୍ଧରୁ
Couplet 52
ଦେବତାଆରାଧନବିଘ୍ନୁନାରଦ ରଖନ୍ତୁ ମୋ ତନୁ
Couplet 53
କମଠରୂପୀ ଚକ୍ରଧରଅଶେଷପାପୁ ତ୍ରାହିକର
Couplet 54
ଅପଥ୍ୟଭୋଜନରୁ ମୋରଯେ ବ୍ୟାଧିଜନ୍ମେ ଅତିଘୋର
Couplet 55
ତାହା ନାଶିବେ ଧନ୍ୱନ୍ତରିଯେ ଦ୍ୱନ୍ଦ୍ୱଭୟଟି ମୋହରି
Couplet 56
ତହୁଁ ରଖିବେ ନାଭିସୁତଋଷଭ ନାମେ ଯେ ବିଦିତ
Couplet 57
ଦୁର୍ବାଦ-ଜନସମୂହରୁଯଜ୍ଞ ମୂରତି ରକ୍ଷା କରୁ
Couplet 58
ବଳବନ୍ତଙ୍କ ତହୁଁ ମୋତେରଖନ୍ତୁ ବଳଦେବ ନିତ୍ୟେ
Couplet 59
ସର୍ପଙ୍କ ପ୍ରତାପରୁ ମୋତେଶେଷରୂପୀ ରଖୁଯୁଗତେ
Couplet 60
ମୋହର ମନ ବୁଦ୍ଧି ବେନିରଖନ୍ତୁ ବ୍ୟାସ ମହାମୁନି
Couplet 61
ପାଷନିକର-ପ୍ରମାଦତହୁଁ ରଖିବେ ଦେବବୁଦ୍ଧ
Couplet 62
ଧର୍ମପାଳନେ ଅବତାରଯେ ପ୍ରଭୁ କଳ୍କିରୂପଧର
Couplet 63
କଳିର ପାପ ନାଶ କରିରଖନ୍ତୁ କଳ୍କିରୂପଧାରୀ
Couplet 64
ହେ ଦେବ ଇନ୍ଦ୍ର ଏ ବିଧିରେଧ୍ୟାୟିବ ଦିବା-ରଜନୀରେ
Couplet 65
ପ୍ରାତଃକାଳରେ କୃପା କରିମୋର ସକଳରିଷ୍ଟ ହରି
Couplet 66
କେଶବ ଗଦା ଧରି କରେମୋତେ ରଖନ୍ତୁ ପ୍ରଭାତରେ
Couplet 67
ଗୋବିନ୍ଦ ବେଣୁ ଧରି କରେରଖନ୍ତୁ ଦିବସଆଦ୍ୟରେ
Couplet 68
ପୂର୍ବାହ୍ନେ ଶକ୍ତି ଧରି ହସ୍ତେରଖନ୍ତୁ ନାରାୟଣ ମୋତେ
Couplet 69
ରଖନ୍ତୁ ବିଷ୍ଣୁ ଚକ୍ରଧରଦିବସ-ମଧ୍ୟମଭାଗର
Couplet 70
ଅପରାହ୍ନରେ ମଧୁହାରୀରଖନ୍ତୁ ଧନୁ କରେ ଧରି
Couplet 71
ରଖନ୍ତୁ ସାୟଂକାଳେ ମୋତେତ୍ରିଧାମା-ମାଧବ ତୁରିତେ
Couplet 72
ପ୍ରଦୋଷେ ରଖୁ ହୃଷୀକେଶଅଶେଷ ବ୍ରହ୍ମାର ଈଶ
Couplet 73
ଅର୍ଦ୍ଧରଜନୀ ବା ନିଶୀଥେରଖନ୍ତୁ ପଦ୍ମନାଭ ମୋତେ
Couplet 74
ଶ୍ରୀବଧାମା ପରରାତ୍ରେଖଡ୍ଗଆୟୁଧ ଧରି ହସ୍ତେ
Couplet 75
ଅନୁସନ୍ଧ୍ୟାରେ ଦାମୋଦରରାତ୍ରିର ପ୍ରଭାତେ ବିଶ୍ୱେଶ୍ୱର
Couplet 76
କାଳମୂରତି-ଭଗବାନରଖନ୍ତୁ ମୋହର ଜୀବନ
Couplet 77
ଯେ ଚକ୍ର ତେଜ ଏ ସଂସାରେପ୍ରଳୟାନଳ ତୁଚ୍ଛ କରେ
Couplet 78
କୃଷ୍ଣରେ ପ୍ରଯୋଜିତ ହୋଇନିର୍ଭୟେ ଜଗତେ ଭ୍ରମଇ
Couplet 79
ତା ପାଦପଦ୍ମେ ମୋର ଶିରନିତ୍ୟେ କରଇ ନମସ୍କାର
Couplet 80
ସେ ଚକ୍ର ମୋର ଅରି-ସୈନ୍ୟଦହନ କରିବ ବହନ
Couplet 81
ପବନ ସହ ହୁତାଶନଦହଇ ଯେହ୍ନେ ଶୁଷ୍କତୃଣ
Couplet 82
ଗଦା ଅଶନି ପ୍ରାୟ ହୋଇମୋର ବିପକ୍ଷ ଦେହେ ଯାଇ
Couplet 83
ସ୍ଫୁଲିଙ୍ଗେ ଚୂର୍ଣ୍ଣକର ହିଆତୁମ୍ଭେ ଅଖିଳନାଥ-ପ୍ରିୟା
Couplet 84
ମୁହିଁ ଅଟଇ ତାର ଦାସମୋ ଶତ୍ରୁପକ୍ଷ କର ନାଶ
Couplet 85
କୁଷ୍ମା ବିନାୟକ ଯକ୍ଷଗୁହ୍ୟକ ଭୂତଗଣ ରକ୍ଷ
Couplet 86
ପିଶାଚ ପ୍ରେତ ମାତୃଗଣଶୀଘ୍ରେ କର ତୁ ପ୍ରମଥନ
Couplet 87
ହେ ପାଞ୍ଚଜନ୍ୟ ଶଙ୍ଖସାରକୃଷ୍ଣେ ପୂରିତ ହୋଇ ମୋର
Couplet 88
ଶତ୍ରୁର ହୃଦୟ କମ୍ପାଅନିଃସ୍ୱନେ ମହାଭୟ ଦିଅ
Couplet 89
ତୁ ହେ ଖଡଗ ତୀକ୍ଷ୍ଣ ଧାରଅଶେଷ ରିପୁ ନାଶ କର
Couplet 90
କୃଷ୍ଣରେ ହୋଇ ପ୍ରଯୋଜିତସକଳ ରିପୁ କର ଗ୍ରସ୍ତ
Couplet 91
ହେ ଶତଚନ୍ଦ୍ର ଧର୍ମ ଶୁଣଯେତେ ଅଛନ୍ତି ରିପୁଗଣ
Couplet 92
ତାହାଙ୍କ ଲୋଚନ ଆଚ୍ଛାଦଯେଣେ ହୋଇବ ଦୃଷ୍ଟିଭେଦ
Couplet 93
ଯହୁଁ ମୋ ଭୟଜାତ ହୋଇଗ୍ରହ ମନୁଷ୍ୟ କେତୁ ଯେହି
Couplet 94
ଯେ ସରୀସୃପ ଭୂତ ଆଦିହିଂସକ ପାପ ମନ୍ଦବାଦୀ
Couplet 95
ଶ୍ରୀକୃଷ୍ଣ-ରୂପ-ଅସ୍ତ୍ର ନାମଯେଣୁ ମୁଁ କଲି ସଂକୀର୍ତ୍ତନ
Couplet 96
ତାର ପ୍ରସାଦୁ ଯାଉ କ୍ଷୟଏ ଯେତେ ସର୍ବଦୁଷ୍ଟଭୟ
Couplet 97
ଯେ ମୋର ଶ୍ରେୟ ଆଚରଣେହିଂସା କରନ୍ତି ଦୁଷ୍ଟଗଣେ
Couplet 98
ଗରୁଡ ଭଗବାନ ମୋତେରକ୍ଷା କରିବେ ଅବିରତେ
Couplet 99
ରଖିବେ ବିଶ୍ୱକ୍ସେନ-ହରିଅଶେଷ କଷ୍ଟୁ ମୋତେ ତାରି
Couplet 100
ବିଷ୍ଣୁର ନାମ ରୂପ ଯାନଆବର ଆୟୁଧ ବାହନ
Couplet 101
ଏମାନେ ହୋଇ ପରସନ୍ନଆପଦୁ କରିବେ ମୋଚନ
Couplet 102
ପ୍ରଭୁ ନିକଟେ ଯେତେ ଗଣଅପରେ ବାହନ ଭୂଷଣ
Couplet 103
ବୁଦ୍ଧି ଇନ୍ଦ୍ରିୟ ମୋର ମନସର୍ବେ ରଖନ୍ତୁ ମୋର ପ୍ରାଣ
Couplet 104
ଯେମନ୍ତେ ପ୍ରଭୁ ଭଗବାନସତ-ଅସତର କାରଣ
Couplet 105
ଏହି କବଚୁ ମୋର ସର୍ବନଷ୍ଟ ହୁଅନ୍ତୁ ଉପଦ୍ରବ
Couplet 106
ଆତ୍ମା ଅଶେଷ-ପ୍ରାଣୀଙ୍କରସକଳ-କାର୍ଯ୍ୟରୁ ବାହାର
Couplet 107
ଭୂଷଣ ଆୟୁଧ ସ୍ୱନାମଧରନ୍ତି ସ୍ୱମାୟାରେ ଭିନ୍ନ
Couplet 108
ଏମନ୍ତ ପରମଈଶ୍ୱରରକ୍ଷାକରନ୍ତୁ ମୋ ଶରୀର
Couplet 109
ସର୍ବଜ୍ଞ ଭଗବାନ ହରିସର୍ବ-ସ୍ୱରୂପେ ରୂପ ଧରି
Couplet 110
ସଦା ସର୍ବତ୍ର ସର୍ବଠାରୁସତ୍ୟ-ପ୍ରମାଣେ ରକ୍ଷାକରୁ
Couplet 111
ଦିଗ ବିଦିଗ ଅଧ ଉର୍ଦ୍ଧ୍ବରଖନ୍ତୁ ନରସିଂହ ଦେବ
Couplet 112
ସ୍ୱନରେ ଲୋକଭୟ ଧ୍ୱଂସେସ୍ୱତେଜେ ସର୍ବତେଜ ନାଶେ
Couplet 113
ଭୋ ଇନ୍ଦ୍ର ଶୁଣ ମୋ ବଚନକହିଲି ବର୍ମ-ନାରାୟଣ
Couplet 114
ତୁମ୍ଭେ ଏ ବର୍ମକୁ ଧାରଣଶରୀରେ କର ଦେବଗଣ
Couplet 115
ଅସୁରଯୂଥପଙ୍କୁ ଯୁଦ୍ଧେଜୟ କରିବ ଅପ୍ରମାଦେ
Couplet 116
ହତ ହୋଇବେ ଯାତୁଧାନେସ୍ୱର୍ଗ ଲଭିବେ ଦେବଗଣେ
Couplet 117
ତେଜ ଗୁଣ ଯେତେ ଆୟୁଧପୁଣି ହିଁ ଲଭିବ ସମ୍ପଦ
Couplet 118
ମୋର ଭକତ ଲୋକଙ୍କରହିଂସା ନୋହିବ ପୁନର୍ବାର
Couplet 119
ପୁଣି କହନ୍ତି ବିଶ୍ୱରୂପକହିବା ଶୁଣ ସାଧୁ ନୃପ
Couplet 120
ଏ ବିଦ୍ୟା ଯାରତହିଁ ଥାଇଯେ ଯାକୁ ଦୃଷ୍ଟିରେ ଦେଖଇ
Couplet 121
ପାଦେ ବା ସ୍ପରଶ କରଇତା ଗାତ୍ରେ ଭୟ ନ ରହଇ
Couplet 122
ଏ ବିଦ୍ୟା ଯେହୁ ଧରିଥାଇଭୀତି ତାହାର କାହିଁ ନାହିଁ
Couplet 123
ରାଜା ତସ୍କର ଗ୍ରହ ଆଦିଯେ ଦୁଷ୍ଟଗଣ ନାନାବ୍ୟାଧି
Couplet 124
ଏ ବିଦ୍ୟା ପୂର୍ବେ ଦ୍ୱିଜ ଏକଧରିଣ ଥିଲା କଉଶିକ
Couplet 125
ମରୁଭୂମିରେ ବସି ସେହିଯୋଗ ଧାରଣେ ନିଜ ଦେହୀ
Couplet 126
ତେଜିଲା ତହିଁ ଦ୍ୱିଜବରଶୁଣ କହିବା ସୁନାସୀର
Couplet 127
ଗନ୍ଧର୍ବପତି ଏକଦିନେତାହାର ଉପରେ ବିମାନେ
Couplet 128
ଯାଉଣ ଥିଲା ଚିତ୍ରରଥଅମରକନ୍ୟାରେ ବେଷ୍ଟିତ
Couplet 129
ଯହିଁ ବ୍ରାହ୍ମଣ ମରିଥିଲାତାହାର ଉର୍ଦ୍ଧ୍ବେ ଯହୁଁ ଗଲା
Couplet 130
ଗଗନୁ ପଡିଲା ତକ୍ଷଣେବିମାନ ଗଲା ତାର କେଣେ
Couplet 131
ପଡିଲା ଅଧୋମୁଖସଭୟେ ଚକିତେ ଚାହଁଇ
Couplet 132
ବାଳଖିଲ୍ୟାର ବାକ୍ୟ ଶୁଣିତକ୍ଷଣେ ବିପ୍ର-ଅସ୍ଥି ଆଣି
Couplet 133
ନଦୀରେ ନେଇ ପକାଇଲାମନରେ ବିସ୍ମୟ ହୋଇଲା
Couplet 134
ସରସ୍ୱତୀରେ କରି ସ୍ନାନଶୀଘ୍ରେ ସେ କଲାକ ଭୋଜନ
Couplet 135
ପୁଣି ବିମାନ ଆରୋହିଲାସୁଖେ ସେ ନିଜପୁରେ ଗଲା
Couplet 136
ଯେ ଏହା ଶ୍ରବଣରେ ଶୁଣିଆଦର କରି ଧରେ ପ୍ରାଣୀ
Couplet 137
ସେ ସର୍ବପାପୁଁ ହୋଏ ପାରସର୍ବେ କରନ୍ତି ନମସ୍କାର
Couplet 138
ଇନ୍ଦ୍ର ବିଶ୍ୱରୂପର ତହିଁଏ ମହାବିଦ୍ୟା ଶିକ୍ଷାପାଇ
Couplet 139
ସଂଗ୍ରାମେ ଅସୁର ଜିଣିଲେତ୍ରୈଲୋକ୍ୟେ ଲକ୍ଷ୍ମୀ ଭୋଗକଲେ
Couplet 140
ବୋଲଇ ଜଗନ୍ନାଥ ଦ୍ୱିଜଗୋବିନ୍ଦନାମ ନିତ୍ୟେ ଭଜ