Adhyaya 7

Couplet 1

କେଉଁ ହେତୁରୁ ଆଙ୍ଗିରସଦେବଙ୍କୁ କଲେ ଅବିଶ୍ୱାସ

Couplet 2

ନିଜର ଶିଷ୍ୟ ଦେବଗଣେବର୍ଜିଲେ ତାଙ୍କୁ କି କାରଣେ

Couplet 3

ଏକଥା କହ ମୁନିବରଯେବେ କରୁଣା ମୋତେ କର

Couplet 4

ଶୁଣ କହିବା ଯା ପଚାରଯେହେତୁ ଛାଡିଲେ ଅମର

Couplet 5

ଏକ କାଳରେ ପୁରୁହୂତଐଶ୍ୱର୍ଯ୍ୟେ ହୋଇ ବିହ୍ୱଳିତ

Couplet 6

ନିରତେ ଅସତ-ମାର୍ଗରେପ୍ରବୃତ୍ତ ହେଲେ ସେ ଗର୍ବରେ

Couplet 7

ପବନ ବସୁ ରୁଦ୍ରଗଣଆଦିତ୍ୟ ଯେତେ ଋଭୁ ପୁଣ

Couplet 8

ବିଶ୍ୱଦେବା ସାଧ୍ୟ ସହିତେଅଶ୍ୱିନୀକୁମାର ସମେତେ

Couplet 9

ସିଦ୍ଧ ଗନ୍ଧର୍ବ ଯେ ଚାରଣବ୍ରହ୍ମା ଶଙ୍କର ମୁନିଗଣ

Couplet 10

କିନ୍ନର ବିଦ୍ୟାଧରଗଣସେବିତ ଅପସରାମାନ

Couplet 11

ପତଙ୍ଗ ଉରଗ ଯେ ଆଦିସେବନ୍ତି ଯେ ଯାହା ପ୍ରସିଦ୍ଧି

Couplet 12

ସ୍ତୁତି କରନ୍ତି ବନ୍ଦୀଗଣଆସ୍ଥାନେ ବସି ମଘବାନ

Couplet 13

ଲଳିତେ କେହୁ ଗୀତ ଗାଇଚାମର ଧରି କେ ବିଞ୍ଚଇ

Couplet 14

ଚନ୍ଦ୍ରମଣ୍ଡଳ ପ୍ରାୟ ହୋଇଯେ ଶ୍ୱେତଛତ୍ର ଶୋଭାପାଇ

Couplet 15

ଅନ୍ୟ ଯେ ପାରିଷଦଗଣବିଞ୍ଚନ୍ତି ଘେନିର ବ୍ୟଜନ

Couplet 16

ଶଚୀ ସଙ୍ଗତେ ଦେବରାୟେରତ୍ନଆସନରେ ବିଜୟେ

Couplet 17

ଏମନ୍ତ ସମୟେ ରାଜନକହିବା ଶୁଣ ଏକମନ

Couplet 18

ପରମଗୁରୁ ଦେବଙ୍କରପ୍ରବେଶ ହେଲେ ସେ ସଭାର

Couplet 19

ପୂଜିତ ମୁନିମାନଙ୍କରବନ୍ଦିତ ସୁରାସୁରଙ୍କର

Couplet 20

ତାହାଙ୍କ ପ୍ରତି ଆନ କରିଅଭିବାଦନକୁ ନ କରି

Couplet 21

ଏମନ୍ତେ ମୁନିଙ୍କି ଦେଖିଲେଇନ୍ଦ୍ର ଆସନୁ ନ ଉଠିଲେ

Couplet 22

ସେଠାରୁ ଶୀଘ୍ରେ ଆଙ୍ଗିରସମଉନେ ମନ୍ଦିରେ ପ୍ରବେଶ

Couplet 23

ଶ୍ରୀମଦେ ଇନ୍ଦ୍ରର ବିକ୍ରିୟାମନେ ଜାଣିଲେ ମୁନି ଏହା

Couplet 24

ତାହାଙ୍କ ବିନୁ କେ ପଣ୍ଡିତସ୍ୱର୍ଗ-ରକ୍ଷଣେ ସମରଥ

Couplet 25

ତକ୍ଷଣେ ଇନ୍ଦ୍ରଜାଣି କରିଗୁରୁ-ଅପରାଧ ବିଚାରି

Couplet 26

ଆତ୍ମାକୁ ଇନ୍ଦ୍ର ନିନ୍ଦା କଲେଅନେକ ସନ୍ତାପ ପାଇଲେ

Couplet 27

ବଡ଼ ଅସାଧୁପଣ କଲିମୁଁ ଅଳ୍ପବୁଦ୍ଧିକି ପାଇଲି

Couplet 28

ଗୁରୁ-ଆଚାର୍ଯ୍ୟଙ୍କୁ ସଭାରେନିନ୍ଦିଲି ଐଶ୍ୱର୍ଯ୍ୟ-ମଦରେ

Couplet 29

ମୁଁ ଦେବମାନଙ୍କ ଈଶ୍ୱରକଲି ଅସୁରଙ୍କ ବେଭାର

Couplet 30

ଯେ ମହାରାଜ-ଚିହ୍ନ ବହିମନରେ ମତ୍ତଗର୍ବ ବହି

Couplet 31

ଧର୍ମଧରତା ଯେଉଁମାନେସାଧୁ ପଣ୍ଡିତ ଯେତେ ଜନେ

Couplet 32

ତାହାଙ୍କୁ ଦେଖି ନ ଉଠନ୍ତିସେମାନେ ଧର୍ମ ନ ଜାଣନ୍ତି

Couplet 33

କୁପଥ ଦେଖାନ୍ତି ଯେ ଜନନରକେ ପଡ଼ନ୍ତି ବହନ

Couplet 34

ତାହାଙ୍କ ବୋଲ ଯେ କରନ୍ତିପାଷାଣଭେଳା ଆବୋରନ୍ତି

Couplet 35

ସ୍ୱଭାବେ ଗରୁ ଯେ ପାଷାଣତାହାର ଆଶ୍ରୟେ ମରଣ

Couplet 36

ଏବେ ଅମରଗଣଙ୍କରଆଚାର୍ଯ୍ୟ ଅଗାଧବୁଦ୍ଧିର

Couplet 37

ମୁଁ ମୂଢ ସେହି ବ୍ରାହ୍ମଣରପୟରେ ମଣ୍ଡିବି ମୋ ଶିର

Couplet 38

ତାଙ୍କୁ କରାଇଲେ ପ୍ରସନ୍ନଦୁଃଖ ମୋ ହୋଇବ ଦହନ

Couplet 39

ଏମନ୍ତ ଚିନ୍ତା ମନେ କରିଗୁରୁ-ଭୁବନେ ଆଗୁ ସରି

Couplet 40

ଗୁରୁ ତା ଆଗମନ ଦେଖିଗୃହକୁ ଗଲେ ସେ ଉପେକ୍ଷି

Couplet 41

ଗୁରୁଦରଶନ ନ ପାଇଭୟ-ଶୋକରେ ଯୁକ୍ତ ହୋଇ

Couplet 42

ଆତ୍ମାର ଅକୁଶଳ ଜାଣିଚିନ୍ତିତ ହେଲେ ବଜ୍ରପାଣି

Couplet 43

ଅସୁରମାନେ ତାହା ଜାଣିଶୁକ୍ର-ମନ୍ତ୍ରଣା ପରିମାଣି

Couplet 44

ଦେବଙ୍କ ନାଶ ବିଚାରନ୍ତିସ୍ୱଭାବେ ଦୁର୍ମଦ ହୁଅନ୍ତି

Couplet 45

ତାହାଙ୍କ ବାଣେ ମଘବାନଦେବଙ୍କ ଦେହ ହେଲା କ୍ଷୀଣ

Couplet 46

ବ୍ରହ୍ମା-ଛାମୁକୁ ଦେବେ ଗଲେଏ ସର୍ବକଥା ନିବେଦିଲେ

Couplet 47

ଛନ୍ନଚିତ୍ତରେ ଦେବଗଣନମିଲେ ବ୍ରହ୍ମାଙ୍କ ଚରଣ

Couplet 48

ଦୁଃଖିତ ଦେଖି ଦେବଗଣସ୍ୱୟମ୍ଭୁ ଅଜ ଭଗବାନ

Couplet 49

ପରମକୃପାଯୁକ୍ତ ହୋଇକିଛି ବୋଇଲେ ସ୍ନେହବହି

Couplet 50

ହେ ଦେବ ଶୁଣ କହୁଁ ଆମ୍ଭେଅତ୍ୟନ୍ତ-ମନ୍ଦ କଲ ତୁମ୍ଭେ

Couplet 51

ଯେ ବ୍ରହ୍ମବାଦୀ ସୁବ୍ରାହ୍ମଣତାହାଙ୍କୁ କଲ ଅବମାନ

Couplet 52

ତୁମ୍ଭଙ୍କୁ ସେ ପାପ-କାରଣେଜିଣିଲେ ତେଣୁ ଶତ୍ରୁଗଣେ

Couplet 53

ତୁମ୍ଭଙ୍କୁ ନ ଜିଣନ୍ତି ବାଦେଏବେ ଜିଣିଲେ ଅପ୍ରମାଦେ

Couplet 54

ହେ ଇନ୍ଦ୍ର ଶୁଣ ସାବଧାନେଗୁରୁଙ୍କୁ ଲଙ୍ଘିଲ ଅଜ୍ଞାନେ

Couplet 55

ଶୁକ୍ରଙ୍କୁ ଆରାଧି ଅସୁରସୁଖେ ଲଭିଲେ ତୁମ୍ଭ ପୁର

Couplet 56

ଗୋ ବିପ୍ର ଗୋବିନ୍ଦ ଯାହାରଠାକୁର ବିଘ୍ନ କାହିଁ ତାର

Couplet 57

ଅଶେଷପ୍ରାଣୀଙ୍କ ଈଶ୍ୱରଶୁଭ କରିବେ ଚକ୍ରଧର

Couplet 58

ବିଶ୍ୱରୂପକୁ ବେଗେ ଭଜତୁମ୍ଭର କରିବେ ଯେ କାର୍ଯ୍ୟ

Couplet 59

ସେ ବିପ୍ର ପ୍ରସନ୍ନ ହୋଇଲେତୁମ୍ଭର ଦୁଃଖ ଯିବ ଭଲେ

Couplet 60

ଶୁକ କହିଲେ ଶୁଣ ରାୟେବ୍ରହ୍ମା ଯେ କହିଲେ ଉପାୟେ

Couplet 61

ଶୁଣି ଦେବତାଏ ହରଷବ୍ରହ୍ମା ଏହି ଉପଦେଶ

Couplet 62

ଋଷିଙ୍କ ଠାବକୁ ସେ ଗଲେହରଷେ ଆଲିଙ୍ଗନ କଲେ

Couplet 63

ଏ ଅନନ୍ତରେ ହୃଷ୍ଟ ହୋଇଦେବେ କହିଲେ କଥା ଏହି

Couplet 64

ଆମ୍ଭେ ଅତିଥି ହେଲୁ ଯହୁଁତୁମ୍ଭ ଆଶ୍ରମେ ଶୁଭ ହେଉ

Couplet 65

ପିତୃମାନଙ୍କ କାର୍ଯ୍ୟ ପୂର୍ଣ୍ଣକର ଏ ଯଥୋଚିତ ଧର୍ମ

Couplet 66

ଉତ୍ତମପୁତ୍ରଙ୍କର ଧର୍ମଯେ ପିତୃଗଣ ଶୁଶ୍ରୂଷଣ

Couplet 67

ଗୃହସ୍ଥଜନଙ୍କ ଏ ଧର୍ମଅଧିକେ ବ୍ରହ୍ମଚାରୀ କର୍ମ

Couplet 68

ଆଚାର୍ଯ୍ୟ ବ୍ରହ୍ମାର ମୂରତିପିତା ପ୍ରତ୍ୟକ୍ଷେ ପ୍ରଜାପତି

Couplet 69

ଭ୍ରାତା ଯେ ମୂରତି ଇନ୍ଦ୍ରରମାତା ସାକ୍ଷାତ ପୃଥିବୀର

Couplet 70

ଭଗିନୀ ଦୟାର ମୂରତିଧର୍ମର ମୂରତି ଅତିଥି

Couplet 71

ଅଗ୍ନି-ମୂରତି ଅଭ୍ୟାଗତଆତ୍ମାର ମୂର୍ତ୍ତି ସର୍ବଭୂତ

Couplet 72

ଶତ୍ରୁ ସକାଶୁ ପରାଭବଯେଣେ ପିତାଙ୍କ ଆର୍ତ୍ତିଭାବ

Couplet 73

ଏହି କାରଣୁ ମୁନିବରତପସ୍ୟା ସାଧି ଦୂର କର

Couplet 74

ଗୁରୁ ଉପାଧ୍ୟାୟ ବ୍ରାହ୍ମଣବ୍ରହ୍ମିଷ୍ଠ ଯେତେ ତୁମ୍ଭ ଗୁଣ

Couplet 75

ତୁମ୍ଭଙ୍କୁ କଲୁ ପୁରୋହିତଶତ୍ରୁଙ୍କୁ ଜିଣିବୁ ତୁରିତ

Couplet 76

କାର୍ଯ୍ୟର ପ୍ରୟୋଜନ ପାଇଁକନିଷ୍ଠ-ପୂଜା ନିନ୍ଦା ନୋହି

Couplet 77

ବେଦରେ ଯାର ଜ୍ଞାନ ନାହିଁଜ୍ୟେଷ୍ଠରେ ଯୋଗ୍ୟ ସେହୁ ନୋହି

Couplet 78

ବୟସେ ହେଲେ ହେଁ କନିଷ୍ଠଜ୍ଞାନରେ ଅଟ ତୁମ୍ଭେ ଜ୍ୟେଷ୍ଠ

Couplet 79

ତାହାଙ୍କୁ ପୁରୋହିତ ପଣେବରଣ କଲେ ଦେବଗଣେ

Couplet 80

ମୁନି ବିଶ୍ୱରୂପ ହସିଲେଦେବତାମାନଙ୍କୁ ବୋଇଲେ

Couplet 81

ଭୋ ଦେବଗଣେ କହୁଁ ଶୁଣତୁମ୍ଭେ ଯେ ଅଖିଳକାରଣ

Couplet 82

ନିନ୍ଦିତ-କାର୍ଯ୍ୟ ପୌରୋହିତ୍ୟେକିମ୍ପା ଆରାଧ ତୁମ୍ଭେ ମୋତେ

Couplet 83

ହେ ଅଧୀଶ୍ୱର ତୁମ୍ଭେ ଶୁଣଅର୍ଥେ ମୋ ନାହିଁ ପ୍ରୟୋଜନ

Couplet 84

କ୍ଷେତ୍ରରୁ ଧାନ୍ୟାଦି ଗ୍ରହଣକରି ବଞ୍ଚଇ ମୁହିଁ ଦିନ

Couplet 85

କିମ୍ପାଇ ତୁଚ୍ଛବୁଦ୍ଧି କରିପୁରୋହିଁତପଣ ଆଚରି

Couplet 86

ଅଜ୍ଞାନୀଲୋକ ଏହି କର୍ମପାଇ ହୁଅନ୍ତି ମହାପ୍ରେମ

Couplet 87

ତଥାପି ତୁମ୍ଭର କଥାରେଏହା କେ ଅସ୍ୱୀକାର କରେ

Couplet 88

କିନ୍ତୁ ତୁମ୍ଭେ ଯେ ମୋର ଗୁରୁଆମ୍ଭେ ଯେ ଅବଜ୍ଞା ନ କରୁ

Couplet 89

ତୁମ୍ଭର ଯେତେ କଥାମାନସାଧିବୁ ଶୁଣ ଦେବଗଣ

Couplet 90

ଏ ଅନନ୍ତରେ ବିଶ୍ୱରୂପବରଣ ହୋଇ ଶୁଣ ନୃପ

Couplet 91

ଶ୍ରୀକୃଷ୍ଣ ବୋଲିଣ ସୁମରିପରମ ସମାଧିରେ କରି

Couplet 92

ଶୁକ୍ରର ବିଦ୍ୟାବଳୁ କରିଅସୁରଙ୍କର ଯଶ ଶିରୀ

Couplet 93

ନିଶ୍ଚୟେ କରିଥିଲେ ନାଶଶୁଣ ରାଜନ ଇତିହାସ

Couplet 94

ବୈଷ୍ଣବୀବିଦ୍ୟା ବୋଲି ଯାହାଇନ୍ଦ୍ରର ଅର୍ଥେ ଆଣି ତାହା

Couplet 95

ଇନ୍ଦ୍ରଙ୍କୁ ଆଣି ତାହା ଦେଲେଯାହାକୁ ଅସୁରେ ଶଙ୍କିଲେ

Couplet 96

ସେ ବିଦ୍ୟାପ୍ରଭାବରୁ ଇନ୍ଦ୍ରଜିଣିଲା ଯେ ଦାନବବୃନ୍ଦ

Couplet 97

ମହତ ବିଶ୍ୱରୂପ ଧୀରଦେଲେ ଇନ୍ଦ୍ରଙ୍କୁ ବିଦ୍ୟାସାର

Couplet 98

ଇନ୍ଦ୍ରର ଗୁରୁଦ୍ରୋହ-ଦୋଷକହିଲେ ଜଗନ୍ନାଥ ଦାସ