Skandha 6
Adhyaya 4
Couplet 1
ଦେବ ଅସୁର ନର ନାଗତୁମ୍ଭେ କହିଲ ମହାଭାଗ
Couplet 2
ମୃଗ-ପକ୍ଷୀଙ୍କ ସୃଷ୍ଟି ଯେତେକହିଲ ମୋହର ଅଗ୍ରତେ
Couplet 3
ଯେତେ ସ୍ୱୟମ୍ଭୁ-ମନ୍ୱନ୍ତରେସଂକ୍ଷେପେ କହିଲ ମୋହରେ
Couplet 4
ସେ ମନ୍ୱନ୍ତରେ ଭଗବାନଯେ ଅନୁସର୍ଗର ବିଧାନ
Couplet 5
ଯେମନ୍ତ ଆତ୍ମାଶକ୍ତି ଘେନିସର୍ଜିଲେ ପ୍ରଭୁ ଅନ୍ତର୍ଯ୍ୟାମୀ
Couplet 6
ସେକଥା ଶୁଣିବାକୁ ମୋରଶ୍ରଦ୍ଧା ବଳିଲା ମୁନିବର
Couplet 7
ରାଜାର ପ୍ରଶ୍ନ ଶୁଣି କର୍ଣ୍ଣେଆନନ୍ଦେ ହରଷ ବଦନେ
Couplet 8
ଭୋ ମୁନିଗଣେ ଶୁଣ ତାହାନୃପେ କହିଲେ ଶୁକ ଯାହା
Couplet 9
ଚିତ୍ତେ ଶ୍ରୀକୃଷ୍ଣପଦ ଧ୍ୟାୟିକହନ୍ତି ରାଜା ମୁଖ ଚାହିଁ
Couplet 10
ବୋଲନ୍ତି ଶୁଣ ହୋ ରାଜନଈଶ୍ୱର ସୃଷ୍ଟିର ବିଧାନ
Couplet 11
ଯେବେ ପ୍ରଚେତା ଭାଇଦଶସମୁଦ୍ରୁ ଉଠି ଦଶଦିଶ
Couplet 12
ଚାହିଁଲେ ବହୁ ଦ୍ରୁମମାନପୃଥିବୀ କଲା ଆଚ୍ଛାଦନ
Couplet 13
ବୃକ୍ଷମାନଙ୍କୁ ଦେଖି ଡୋଳେତପେ ଦୀପିତ କୋପାନଳେ
Couplet 14
ମୁଖରୁ ଅଗ୍ନି-ବାୟୁ ଦୁଇସର୍ଜିଲେ ବୃକ୍ଷକ୍ଷୟ ପାଇଁ
Couplet 15
ପବନ-ଅଗ୍ନିରେ ଦହନବୃକ୍ଷେ ହୋଇଲେ ଯହୁଁ କ୍ଷୀଣ
Couplet 16
ତା ଦେଖି ଶୁଣ ପରୀକ୍ଷିତଚନ୍ଦ୍ର ହୋଇଲେ ଉପଗତ
Couplet 17
କ୍ରୋଧ-ସାନ୍ତ୍ୱନା କରିବାରେତାଙ୍କୁ ବୋଇଲେ ସୁଧାକରେ
Couplet 18
ଭୋ ସ୍ୱାମୀମାନେ ତୁମ୍ଭେ ଶୁଣବୃକ୍ଷେ ହୋଇଲେ ଅତି କ୍ଷୀଣ
Couplet 19
ଦହନ ନ କରଟି ଆରତୁମ୍ଭେ ଯେ ପତି ପ୍ରଜାଙ୍କର
Couplet 20
ପ୍ରଜାପତିଙ୍କ ପତି ହରିଅବ୍ୟୟ ପୁରୁଷ ମୁରାରି
Couplet 21
ଔଷଧି ବନସ୍ପତି ଯେତେତାର ସଞ୍ଚିଲା ଏ ଜଗତେ
Couplet 22
ସଂସାରେ ଭକ୍ଷ୍ୟ ଭୋଜ୍ୟ ଅନ୍ନସେ ବିଭୁ କରିଛି ସର୍ଜନ
Couplet 23
ଚର-ଅଚର ଆଦି ଯେତେପାଦ-ଅପାଦର ସହିତେ
Couplet 24
ଅହସ୍ତ-ହସ୍ତଯୁକ୍ତ ଯେହୁଦ୍ୱିପଦ-ଚତୁଷ୍ପଦ କେହୁ
Couplet 25
ତୁମ୍ଭେ ଏ ସକଳେ ସର୍ଜିବସଂସାରେ ଛନ୍ତି ଯେତେ ଜୀବ
Couplet 26
ପ୍ରଜାର ସୃଷ୍ଟି କରିବାରେଯେଣୁ ଅଇଲ ଏ ସଂସାରେ
Couplet 27
ମୋ ବାଣୀ ଶୁଣ ସାବଧାନଦହନ ନ କର ଏ ବନ
Couplet 28
ପିତା ପିତାମହ ତୁମ୍ଭରସେବିତ ପ୍ରପିତାମହର
Couplet 29
ନ କର ସତ୍ୟ ମାର୍ଗ ଦୂରକ୍ରୋଧ ଅନଳ ଦୂରକର
Couplet 30
ବାଳକ-ବନ୍ଧୁ ପିତାମାତାନୟନ-ବନ୍ଧୁ ଲୋମପତା
Couplet 31
ଭିକ୍ଷୁକ-ବନ୍ଧୁ ଗୃହୀଜନଅଜ୍ଞର ବନ୍ଧୁ ସୁଜ୍ଞଜନ
Couplet 32
ସ୍ତିରୀର ବନ୍ଧୁ ସ୍ୱାମୀ ନିଜପ୍ରଜାର ବନ୍ଧୁ ମହାରାଜ
Couplet 33
ଜୀବର ହୃଦଗତେ ହରିଅଛନ୍ତି ଆତ୍ମରୂପ ଧରି
Couplet 34
ସେ ସର୍ବ ସମାନ ଦେଖଇତାହାର ଶତ୍ରୁମିତ୍ର ନାହିଁ
Couplet 35
ଜୀବେ ସମାନ ଯେ ଦେଖଇତାହାକୁ ଜ୍ଞାନୀ ବୋଲି କହି
Couplet 36
କ୍ରୋଧକୁ ଜିଣେ ଯେଉଁ ନରସେ ଜାଣ ତ୍ରିଗୁଣୁଁ ବାହାର
Couplet 37
ଅନନ୍ତ ଗୁଣ ବୋଲି ତାରେନିର୍ଭୟେ ବୁଲଇ ସଂସାରେ
Couplet 38
କଲ୍ୟାଣ ହୋଇବ ତୁମ୍ଭରଶେଷ ଦ୍ରୁମଙ୍କୁ ରକ୍ଷା କର
Couplet 39
ବୃକ୍ଷ-ପାଳିତ ଯେଉଁ କନ୍ୟାସେ ହେଉ ତୁମ୍ଭ ମନୋରମା
Couplet 40
ଏତେକ କହି ରାଜା ସୋମଆନନ୍ଦେ ହରଷ ବଦନ
Couplet 41
କନ୍ୟାକୁ ଆଣି ତାଙ୍କୁ ଦେଲେହରଷେ ନିଜପୁରେ ଗଲେ
Couplet 42
ସେମାନେ କନ୍ୟା ପ୍ରାପ୍ତ ହୋଇବିବାହ ହେଲେ ଦୟାବହି
Couplet 43
ତାହାଙ୍କ ବୀର୍ଯ୍ୟେ ସେ କନ୍ୟାରଜନ୍ମିଲେ ଦକ୍ଷ ବେଦବର
Couplet 44
ଯାହାର ପ୍ରଜାର ସର୍ଜନେପ୍ରଜା ପୂରିଲେ ତ୍ରିଭୁବନେ
Couplet 45
ଏମନ୍ତେ ଦକ୍ଷପ୍ରଜାପତିସର୍ଜିଲେ ସର୍ବଭୂତସ୍ଥିତି
Couplet 46
ମାନସେ ବୀଜେ ଅବା ଯାହାସର୍ଜିଲେ ଶୁଣ କହୁଁ ତାହା
Couplet 47
ପ୍ରଥମେ ମନୁଁ କଲା ଜାତସେ ପ୍ରଜାପତି ଲୋକନାଥ
Couplet 48
ଦେବ ଅସୁର ନର ଆଦିଆକାଶ ଜଳ ସ୍ଥଳ ସିଦ୍ଧି
Couplet 49
ପ୍ରଜା ଅବୃଦ୍ଧି ଦେଖି ଦକ୍ଷମନରେ କଲେ ଅତି ଦୁଃଖ
Couplet 50
ବିନ୍ଧ୍ୟପର୍ବତକୁ ସେ ଯାଇତପ ଆରମ୍ଭକଲେ ତହିଁ
Couplet 51
ତକ୍ଷଣେ କରି ଆଚମନଯେ ତୀର୍ଥ ଅଘମରଷଣ
Couplet 52
ଯାହାର ଜଳ ସ୍ପରଶରେସକଳ ପାପ ଯାଇ ଦୂରେ
Couplet 53
ତହିଁ ବସିଲେ ତପ କରିତୋଷିଲେ ପ୍ରଭୁ ନରହରି
Couplet 54
ଏହି ସ୍ତବରେ କଲେ ସ୍ତୁତିଯେଣେ ପ୍ରସନ୍ନ ଶିରୀପତି
Couplet 55
ନମସ୍ତେ ପ୍ରଭୁ ଆଦି ଧାତାଜୀବ-ମାୟା ଯେ ନିୟନ୍ତା
Couplet 56
ଅଦୃଷ୍ଟ ଯାହାର ମହିମାଗୁଣ-ବୁଦ୍ଧିରେ ନୋହେ ସୀମା
Couplet 57
ଯାହାର ଆଜ୍ଞାରେ ଜଗତନମସ୍ତେ ପ୍ରଭୁ ଆଦିଭୂତ
Couplet 58
ଯାହାର ସଖା ଅଟେ ଜୀବନ ଜାଣେ ତାହାର ପ୍ରଭାବ
Couplet 59
ଏ ଦେହେ ସମାନ ବସଇତଥାପି ଜୀବ ନ ଜାଣଇ
Couplet 60
ସଂସାରେ ଅଛି ପୂର୍ଣ୍ଣ ହୋଇଯାହାର ଶତ୍ରୁ-ମିତ୍ର ନାହିଁ
Couplet 61
ଯାର ଚରିତ ଅସମ୍ଭବନମସ୍ତେ ପ୍ରଭୁ ସ୍ୱୟମ୍ଭୁବ
Couplet 62
ପ୍ରକାଶ ଇନ୍ଦ୍ରିୟ ଗଣରଯେହ୍ନେ ବିଷୟ ଅଗୋଚର
Couplet 63
ଗୁଣର ଗୁଣ ପ୍ରାୟେ ହୋଇସେ ମହେଶ୍ୱରଙ୍କୁ ନମଇଁ
Couplet 64
ଦେହ ଇନ୍ଦ୍ରିୟ ପ୍ରାଣ ମନଯେ ଭୂତ ମାତ୍ରାଦି ପଞ୍ଚମ
Couplet 65
ଏମାନେ ନିଜ ସ୍ୱରୂପକୁନ ଜାଣେ କେହି ଯେ କାହାକୁ
Couplet 66
ଜୀବ ଯେ ଏ ସର୍ବ ଜାଣଇସେ ଜୀବ ଯାକୁ ନ ଜାଣଇ
Couplet 67
ସର୍ବଜ୍ଞ ଅନନ୍ତ ଅଟଇତାହାଙ୍କୁ ଦଣ୍ଡବତ ମୁହିଁ
Couplet 68
ଯାହାର ଗୁଣ ଏ ସଂସାରେଶ୍ରୁତି ସ୍ମୃତିରେ ଅଗୋଚରେ
Couplet 69
ସକଳ ଭୂତରେ ଯେ ଥାଇତାହାକୁ କେହି ନ ଜାଣଇ
Couplet 70
ସମାଧିଯୋଗେ ଦୃଷ୍ଟି ସ୍ମୃତିବିନାଶେ ଯେ ହୋଏ ପ୍ରତୀତି
Couplet 71
କେବଳ ସ୍ୱରୂପ-ଜ୍ଞାନରେଅଶେଷ ଘଟେ ଯେହୁ ପୂରେ
Couplet 72
ଯେ ହଂସ ଶୁଦ୍ଧଚିତ୍ତ ଘରତାହାଙ୍କୁ ମୋର ନମସ୍କାର
Couplet 73
ହୃଦପଦ୍ମରେ ଯାକୁ ଧରିପଣ୍ଡିତେ ତପକୁ ଆଚରି
Couplet 74
ସର୍ବବିଷୟା ମାୟା ଯାରନିଃଶେଷମୋକ୍ଷ ସୁଖଘର
Couplet 75
ସର୍ବସ୍ୱରୂପ ସର୍ବନାମସକଳ ଯାହାର ଭିଆଣ
Couplet 76
ସେ ପ୍ରଭୁ ହୁଅନ୍ତୁ ପ୍ରସନ୍ନସର୍ବ କାରଣ ଭଗବାନ
Couplet 77
ଭଜନ କରନ୍ତି ଯେ ଜନେବୁଦ୍ଧି ଇନ୍ଦ୍ରିୟର ବଚନେ
Couplet 78
ଯେ ପ୍ରଭୁ ଏଥୁଁ ଅଗୋଚରତାହାଙ୍କୁ ମୋର ନମସ୍କାର
Couplet 79
ଯାହା ଠାବରେ ଯାହା ତହୁଁଯେ ସର୍ବରୂପ ଏକ ଦେହୁ
Couplet 80
ସେ କାର୍ଯ୍ୟ କରାଇ କରଇତାହାର ତହୁଁ ଆନ ନାହିଁ
Couplet 81
ପରମ ପରେ ଯେହୁ ପରଆଦ୍ୟହୁଁ ସିଦ୍ଧ ଯେ ଈଶ୍ୱର
Couplet 82
ଏମନ୍ତ ଯେହୁ ପରଂବ୍ରହ୍ମତାହାଙ୍କୁ ନମସ୍କାର ମମ
Couplet 83
ନିଜ ଶକ୍ତିମାନେ ଯାହାରବକତାବାଦୀମାନଙ୍କର
Couplet 84
ବିବାଦ-ବିସମ୍ବାଦେ କରିପ୍ରାଣୀମାନଙ୍କ ଚିତ୍ତହରି
Couplet 85
ଏମନ୍ତ ଅନନ୍ତ ଯା ଗୁଣନମଇଁ ତାହାର ଚରଣ
Couplet 86
ସଂସାରେ ଅସ୍ତି ନାସ୍ତି ଯେତେବସ୍ତୁର ନିଷ୍ଠା ଏହିମତେ
Couplet 87
ସାଂଖ୍ୟଯୋଗରେ ପ୍ରବର୍ତ୍ତିତସେ ସମ ଅଳପ ବହୁତ
Couplet 88
ଭିନ୍ନ ବିରୁଦ୍ଧ-ଧର୍ମ ସେହିତା ବିନୁ ଆନ କେହି ନାହିଁ
Couplet 89
ପଦ୍ମପାଦରେ ଯେ ଭଜଇତାହାର ଅନୁଗ୍ରହ ପାଇ
Couplet 90
ଜନ୍ମଇ ନାମ-ରୂପ ଧରିଶରୀର ବହଇ ଯେ ହରି
Couplet 91
ସେ ପ୍ରଭୁ ହୁଅନ୍ତୁ ପ୍ରସନ୍ନସର୍ବକାରଣ ଭଗବାନ
Couplet 92
ସ୍ୱକୃତଜ୍ଞାନ ପଥେ କରିସେ ପ୍ରଭୁ ସର୍ବଘଟେ ପୂରି
Couplet 93
ଶୋଭା ପାଉଛି ଅନୁକ୍ଷଣଅଖିଳ-ପ୍ରାଣ-ନାରାୟଣ
Couplet 94
ପୃଥିବୀଗୁଣକୁ ବସାଇଅନିଳ ଯେସନେ ବହଇ
Couplet 95
ସେ ପ୍ରଭୁ ମହିମା ଏମନ୍ତପୂର୍ଣ୍ଣ-ମୋ କରୁ ମନୋରଥ
Couplet 96
ଏମନ୍ତେ ଦକ୍ଷ-ସ୍ତୁତି ଶୁଣିପ୍ରସନ୍ନ ହେଲେ ଚକ୍ରପାଣି
Couplet 97
ତକ୍ଷଣେ ଅଘମରଷଣଆସି ମିଳିଲେ ନାରାୟଣ
Couplet 98
ଶୁଣ ହେ କୁରୁ ନୃପବରଭକ୍ତବତ୍ସଳ ଚକ୍ରଧର
Couplet 99
ଆରୋହି ଯାନ ଖଗରାଜଲମ୍ବ ସୁନ୍ଦର ଅଷ୍ଟଭୁଜ
Couplet 100
ଶଙ୍ଖ ଚକ୍ର ଚର୍ମ ଖଡଗଗଦା ଅସି ପାଶ ଶାରଙ୍ଗ
Couplet 101
ଧରିଣଛନ୍ତି ଅଷ୍ଟକରଅଦ୍ଭୂତ ରୂପ ମନୋହର
Couplet 102
ପୀତବସନ ଘନଶ୍ୟାମବଦନ ଇକ୍ଷଣ ପ୍ରସନ୍ନ
Couplet 103
ନିବିଡଅଙ୍ଗେ ବନମାଳଶୋଭିତ ମକରକୁଣ୍ଡଳ
Couplet 104
ଶ୍ରୀବତ୍ସ କଉସ୍ତୁଭ ସାଜେକିରୀଟ କଙ୍କଣ ବିରାଜେ
Couplet 105
କାଞ୍ଚି ଅଙ୍ଗଦ ରତ୍ନମୁଦିବଳୟ ନୂପୁର ପ୍ରସିଦ୍ଧି
Couplet 106
ରୂପ ତ୍ରୈଲୋକ୍ୟ ମନୋହରଧରିଣ ବ୍ରହ୍ମାଣ୍ଡଠାକୁର
Couplet 107
ନନ୍ଦ-ସୁନନ୍ଦ ଆଦି ଯେତେବେଷ୍ଟିତ ହୋଇଣ ସମସ୍ତେ
Couplet 108
ବିଷ୍ଣୁଙ୍କୁ କରନ୍ତି ଭଜନସିଦ୍ଧ ଗନ୍ଧର୍ବ ଯେ ଚାରଣ
Couplet 109
ଅତି ଅଦ୍ଭୁତ ରୂପ ହରିଦକ୍ଷ ଦେଖିଣ ଭୟ କରି
Couplet 110
ନମିଲେ ଦଣ୍ଡବତ ହୋଇଆନନ୍ଦ କେ ପାରିବ କହି
Couplet 111
ହରଷେ ବିହ୍ୱଳିତ ମନମୁଖରୁ ନ ସ୍ଫୁରେ ବଚନ
Couplet 112
ଇନ୍ଦ୍ରିୟଙ୍କରେ ପୂର୍ଣ୍ଣମନନିର୍ଝର ହ୍ରାଦିନୀ ଯେସନ
Couplet 113
ମୋର ଭକତ ପ୍ରଜାକାମଏମନ୍ତ ଜାଣି ଭଗବାନ
Couplet 114
ସକଳପ୍ରାଣୀଙ୍କର ମନଜାଣନ୍ତି ପ୍ରଭୁ ନାରାୟଣ
Couplet 115
ପ୍ରଜାପତିଙ୍କି ଚାହିଁ ହରିକିଛି ବୋଇଲେ ଦୟାକରି
Couplet 116
ହେ ପ୍ରଜାପତି ମହାଭାଗତୁମ୍ଭରେ ମୋର ଅନୁରାଗ
Couplet 117
ଯେଣୁ ଭକତି ଦୃଢ଼ମନେଭଜିଲ ମୋହର ଚରଣେ
Couplet 118
ତୋହର ତପେ ପ୍ରଜାନାଥପ୍ରସନ୍ନେ ହେଲୁ ଉପଗତ
Couplet 119
ଯେଣୁ ତୋ ତପ ଜନହିତପ୍ରସନ୍ନ ହେଲୁ ପ୍ରଜାନାଥ
Couplet 120
ଭକ୍ତମାନଙ୍କର ସନ୍ତତିନିରତେ ମନେ ମୁହିଁ ଚିନ୍ତି
Couplet 121
ବ୍ରହ୍ମା ଶଙ୍କର ମନୁବରତୁମ୍ଭେ ଇନ୍ଦ୍ରାଦି ଦେବବର
Couplet 122
ଉଦ୍ଭବ ପ୍ରାଣୀମାନଙ୍କରତୁମ୍ଭେ ଯେ ବିଭୂତି ମୋହର
Couplet 123
ତପସ୍ୟା ମୋହର ହୃଦୟବେଦ-ବେଦାଙ୍ଗ ମୋର ଦେହ
Couplet 124
କ୍ରିୟା ଆକୃତି ମୋର ଜାଣଯଜ୍ଞ ମୋହର ଅଙ୍ଗମାନ
Couplet 125
ମୋହର ଆତ୍ମା ଧର୍ମ ଜାଣଦେବତାମାନେ ମୋର ପ୍ରାଣ
Couplet 126
ବାହ୍ୟଅନ୍ତରେ ମୁହିଁ ଥାଇସକଳ ଆଦିଭୂତ ମୁହିଁ
Couplet 127
ସଂସାରେ ସର୍ବରୂପ ହୋଇଅବ୍ୟକ୍ତ ରୂପେ ମୁହିଁ ଥାଇ
Couplet 128
ନାମରେ ଅବଶେଷ ହୋଇମୋ ତହୁୁଁ ଅନ୍ୟ କେହିନାହିଁ
Couplet 129
ଅନନ୍ତଗୁଣେ ମୁଁ ଅନନ୍ତମୋର ଗୁଣରୁ ସର୍ବେ ଜାତ
Couplet 130
ଗୁଣ-ଶରୀରକୁ ଧଇଲେସ୍ୱୟମ୍ଭୁ ଦେହକୁ ପାଇଲେ
Couplet 131
ସ୍ୱୟମ୍ଭୁ ସୃଜନେ ସଂସାରନ ଦେଖି ସମର୍ଥ ଆତ୍ମାର
Couplet 132
ସୃଷ୍ଟି କରିବା ଚିତ୍ତେ ଧରିଉଦ୍ୟମ କଲେ ସେ ବିଚାରି
Couplet 133
ବୋଇଲୁ ଆମ୍ଭ ବାକ୍ୟ କରଘୋର-ତପସ୍ୟାକୁ ଆଚର
Couplet 134
ସୃଷ୍ଟିକରତା ତୁମ୍ଭେ କାହିଁତପର ବଳେ ସୃଷ୍ଟି ହୋଇ
Couplet 135
ପଞ୍ଚଜନର ଏ କୁମାରୀଅସିକ୍ନୀ ନାମେ ଯେ ସୁନ୍ଦରୀ
Couplet 136
ଏହାକୁ ପତ୍ନୀଭାବେ ତୋରଗ୍ରହଣ କରି ସୃଷ୍ଟିକର
Couplet 137
ମୈଥୁନେ ହେବ ବଡ଼ ଶୋଭାଆନନ୍ଦେ ହୁଅ ଶୁଭେ ବିଭା
Couplet 138
ତୁମ୍ଭରଠାରୁ ପ୍ରଜାଯେତେମୈଥୁନେ ହୋଇବେ ଜଗତେ
Couplet 139
ମୋର ମାୟାରେ ମୋହିହେବେହରଷେ ସଂସାର କରିବେ
Couplet 140
ଏତେକ କହି ଭଗବାନଅଖିଳ-ସଂସାର-କାରଣ
Couplet 141
ସ୍ୱପ୍ନେ କହିଲା ପ୍ରାୟ କରିଅନ୍ତର ହୋଇଲେ ମୁରାରି
Couplet 142
ଏ ଦକ୍ଷପ୍ରଜାପତି କଥାକଳ୍ପଭେଦର ଯେ ବ୍ୟବସ୍ଥା
Couplet 143
ବୋଲଇ ଦାସ ଜଗନ୍ନାଥଶ୍ରୀକୃଷ୍ଣଚରିତ ଅମୃତ