Skandha 6
Adhyaya 5
Couplet 1
ବିଷ୍ଣୁ ମାୟାର ପ୍ରଭାବରୁପଞ୍ଚଜନକନ୍ୟା ଗର୍ଭରୁ
Couplet 2
ହର୍ଯ୍ୟଶ୍ୱନାମରେ ଅୟୁତସେ ଦକ୍ଷ ଜନ୍ମାଇଲେ ସୁତ
Couplet 3
ପୃଥକଭାବ ତାଙ୍କ ନାହିଁସକଳେ ଧର୍ମଶୀଳ ହୋଇ
Couplet 4
ପିତାର ଆଜ୍ଞା ଘେନି ଶିରେପ୍ରଜାସର୍ଜନ କରିବାରେ
Couplet 5
ପଶ୍ଚିମଦିଗକୁ ଗମିଲେସେଠାରେ ତୀର୍ଥେକ ଦେଖିଲେ
Couplet 6
ଯା ନାମ ନାରାୟଣସରସଙ୍ଗମେ ସେ ସିନ୍ଧୁସାଗର
Couplet 7
ସିଦ୍ଧମୁନିରେ ଯେ ସେବିତସ୍ପରଶେ ପାପ କରେ ହତ
Couplet 8
ସେ ସରୋବରକୁ ଯେ ଯାଇପରମହଂସଦୀକ୍ଷା ବହି
Couplet 9
ଯନ୍ତ୍ରିତ ସେ ପିତା-ଆଜ୍ଞାରେନାନା-ଉଗ୍ରତପ ସାଧିଲେ
Couplet 10
ପ୍ରଜାର ବୃଦ୍ଧିକାମକଲେତପସାଧନେ ମନ ଦେଲେ
Couplet 11
ନାରଦ ଆସି ତତକ୍ଷଣେକହିଲେ ମଧୁର-ବଚନେ
Couplet 12
ହର୍ଯ୍ୟଶ୍ୱେ ଶୁଣ ମୋ ଉତ୍ତରକେମନ୍ତେ ତୁମ୍ଭେ ପ୍ରଜାକର
Couplet 13
ପୃଥ୍ୱୀର ପରିମାଣ କାହିଁକେବେ କି ଦେଖିଅଛ କେହି
Couplet 14
ତୁମ୍ଭେ ବାଳକବୁଦ୍ଧି କରସୃଷ୍ଟି କରିବାକୁ ବିଚାର
Couplet 15
ଏକଗୋଟି ଯେ ରାଜ୍ୟ ଅଛିଏକ ପୁରୁଷ ତହିଁ ଅଛି
Couplet 16
ଗହ୍ୱର ଗୋଟିଏ ଅଛଇଯହିଁରୁ କେହି ନ ଫେରଇ
Couplet 17
ବହୁରୂପର ସ୍ତିରୀ ଏକଅଛି ପୁଂଶ୍ଚଳୀ ପତିଏକ
Couplet 18
ନଦୀଏ ବହେ ବେନିଆଡେଘର ପଚିଶ ପଦାର୍ଥରେ
Couplet 19
ବିଚିତ୍ରନାଦ ହଂସ ଆରପଦାର୍ଥ ଅଛଇ ଅପର
Couplet 20
କ୍ଷୁରବଜ୍ରରେ ଗଢା ହୋଇନିରତେ ଭ୍ରମଣ କରଇ
Couplet 21
ତୁମ୍ଭେ ହୋ ନ ଜାଣ ଏମାନନ ବୁଝି ପିତାର ବଚନ
Couplet 22
କିପରି ସୃଷ୍ଟି କରିବାରେମନ ବଳାଅ ଅବିଚାରେ
Couplet 23
ନାରଦତହିଁ କୂଟବାଣୀହର୍ଯ୍ୟଶ୍ୱେ ଶୁଣି ମନେ ଗୁଣି
Couplet 24
ନିର୍ମଳବୁଦ୍ଧି ତାହାଙ୍କରଏମନ୍ତେ କରନ୍ତି ବିଚାର
Couplet 25
ପୃଥିବୀ ଜୀବ ନାମ ହୋଇଅନାଦି ବାସନାକୁ ପାଇ
Couplet 26
ଯେଣୁ ଏ ବହଇ ଶରୀରକାରଣ ଯେ ଆତ୍ମବନ୍ଧର
Couplet 27
ଅଦୃଶ୍ୟ ଏହାର ନିର୍ବାଣତେଣୁ ନ ଜାଣି ପରିମାଣ
Couplet 28
ଅସତକର୍ମ ପ୍ରବର୍ତ୍ତନେକି ଅର୍ଥଲାଭ ଏ ସାଧନେ
Couplet 29
ଏକ ପୁରୁଷ ସେ ଈଶ୍ୱରସମସ୍ତ ସାକ୍ଷୀ ସେ ରାଜ୍ୟର
Couplet 30
ନିତ୍ୟ ମୁକତ ଭଗବାନତେଣେ ତ ନାହିଁ ଆମ୍ଭଜ୍ଞାନ
Couplet 31
ପୁରୁଷ ଯହିଁ ପ୍ରବେଶିଲେବାହୁଡି ନ ଆସଇ ଭଲେ
Couplet 32
ପାତାଳଗତି ପ୍ରାୟ ହୋଏଜ୍ୟୋତିସ୍ୱରୂପ ବ୍ରହ୍ମମୟେ
Couplet 33
ତହିଁରେ ଆମ୍ଭ ନାହିଁ ଜ୍ଞାନଏ ସୃଷ୍ଟିକର୍ମେ କି କାରଣ
Couplet 34
ଏ ବୁଦ୍ଧି ନାନାମାର୍ଗେ ଯାଇଆତ୍ମାକାରଣ ନ ଜାଣଇ
Couplet 35
ରଜତମରେ ବିମୋହିତପୁଂଶ୍ଚଳୀ ପରାୟେ ଚରିତ
Couplet 36
ପୁଂଶ୍ଚଳୀ ସଙ୍ଗେ କରି ଭାବକେବଳ ଶ୍ରମମାତ୍ର ଲାଭ
Couplet 37
କୁତ୍ସିତଭାର୍ଯ୍ୟା-ଗୃହୀ ଯେହ୍ନେନିରତେ ବଞ୍ଚଇ କଷଣେ
Couplet 38
ଏଣୁ ଅସତ ଅବିବେକକର୍ମେ ବା କି ଲାଭ ଅଧିକ
Couplet 39
ଜନ୍ମ ମରଣ ବେନିଦିଗେମାୟାନଦୀ ଯେ ବହେ ବେଗେ
Couplet 40
ତହିଁ ପଡ଼ିଣ ଜୀବ ଭ୍ରମେକି କାର୍ଯ୍ୟ ଅସତ କରମେ
Couplet 41
ପଚିଶ ତତ୍ତ୍ୱେ ଗଢ଼ା ଦେହଶ୍ରୀହରି ତହିଁର ଆଶ୍ରୟ
Couplet 42
ତାହାଙ୍କୁ ନ ଜାଣିଣ ଭଲେକି ଲାଭ ତୁଚ୍ଛା କର୍ମ କଲେ
Couplet 43
ବିଚିତ୍ରନାଦ-ହଂସ ସେହିଅଧ୍ୟାତ୍ମଶାସ୍ତ୍ର ଯେ ବୋଲାଇ
Couplet 44
ତହିଁର ତତ୍ତ୍ୱ ନ ଜାଣିଲୁଅସତ-କର୍ମରେ ଫୁଟିଲୁ
Couplet 45
ଯା ଚକ୍ର ତୀକ୍ଷ୍ଣ କ୍ଷୁରଧାରବଜ୍ରୁ କଠିନ ଯେହୁଁ କାଳ
Couplet 46
ସ୍ୱତନ୍ତ୍ରେ କରଇ ଭ୍ରମଣଜଗତ କରେ କରଷଣ
Couplet 47
ତାହାର ଗତିକି ନ ବୁଝିଅସତକର୍ମେ କିମ୍ପା ମଜ୍ଜି
Couplet 48
ଅଧ୍ୟାତ୍ମଶାସ୍ତ୍ର ପିତା ସମନ ବୁଝି ତାହାର ମରମ
Couplet 49
ପ୍ରବୃତ୍ତିମାର୍ଗେ କରି କର୍ମକିମ୍ପା ହୋଇବା ତୁଚ୍ଛା ଭ୍ରମ
Couplet 50
ଏମନ୍ତ ମନେ ବିଚାରିଲେହର୍ଯ୍ୟଶ୍ୱେ ଏକଚିତ୍ତ ହେଲେ
Couplet 51
ନାରଦେ କରି ପ୍ରଦକ୍ଷିଣଗଲେ ଅନିବର୍ତ୍ତ ପଥେଣ
Couplet 52
ଅଚ୍ୟୁତ ବ୍ରହ୍ମ ହୃଷୀକେଶଅଖିଳ-ପ୍ରଭୁ-ପୀତବାସ
Couplet 53
ଅଭୟ-ପାଦପଙ୍କଜରେଅଖଣ୍ତଚିତ୍ତ ହୋଇ ସ୍ଥିରେ
Couplet 54
ଆନନ୍ଦ ହୋଇ ମୁନିବରଗମନ କଲେ ନିଜପୁର
Couplet 55
ସୁତମାନଙ୍କ ନାଶ ଶୁଣିନାରଦକୃତ ବୋଲି ଜାଣି
Couplet 56
ପୁତ୍ରଙ୍କ ଗୁଣ ସୁମରିଲେଦକ୍ଷ ଅନେକ ଶୋକ କଲେ
Couplet 57
ଅଜଙ୍କ ବାକ୍ୟେ ଶାନ୍ତ ହୋଇପୁଣିହିଁ ଅସିକ୍ନୀର ତହିଁ
Couplet 58
ବୀର୍ଯ୍ୟଆଧାନ କଲେ ଦକ୍ଷପୁତ୍ର ଜନ୍ମିଲେ ସବଳାଶ୍ୱ
Couplet 59
ସହସ୍ରପରିମିତ ହୋଇସର୍ବେ ଜନ୍ମିଲେ ଦେହବହି
Couplet 60
ପିତାର ଆଜ୍ଞାକୁ ଧଇଲେପ୍ରଜା-ସର୍ଜନେ ମନଦେଲେ
Couplet 61
ଯେ ନାରାୟଣ-ସରୋବରତହିଁ କି ଗଲେ ଖରତର
Couplet 62
ସେ ତୀର୍ଥ ସ୍ପରଶ ମାତ୍ରକେଦହନ ହୋଇଲେ ପାତକେ
Couplet 63
ପରମବ୍ରହ୍ମ ଧ୍ୟାନ କରିମହତ ତପକୁ ଆଚରି
Couplet 64
କେତେହେଁ ଦିନ ନିରାହାରେବଞ୍ଚିଲେ ପବନ ଆହାରେ
Couplet 65
ଏମନ୍ତ କରି ଆରାଧନସ୍ମରଣ କଲେ ନାରାୟଣ
Couplet 66
ଓଁ ନମଃ ପ୍ରଭୁ ନାରାୟଣଓଁ ନମଃ ପ୍ରଭୁ ଭଗବାନ
Couplet 67
ଅଶେଷ ପୁରୁଷ ପୁରାଣଅନାଦି ପ୍ରଭୁ ନିରଞ୍ଜନ
Couplet 68
ବିଶୁଦ୍ଧ ସତ୍ତ୍ୱ ମହାହଂସନମସ୍ତେ ପ୍ରଭୁ ହୃଷୀକେଶ
Couplet 69
ଏମନ୍ତ ପ୍ରକାରେ ରାଜନପ୍ରଜା ନିମିତ୍ତେ ଦେଇ ମନ
Couplet 70
ତପ ସେ କରୁଥିଲେ ତହିଁନାରଦମୁନି ତାଙ୍କୁ ଚାହିଁ
Couplet 71
କପଟ କରିଣ ବଚନବୋଇଲେ ଶୁଣ ଋଷିଗଣ
Couplet 72
ଉଦ୍ଦେଶ୍ୟ ଭାଇମାନଙ୍କରକିମ୍ପାଇଁ ତୁମ୍ଭେ ହୋ ନ କର
Couplet 73
ଭ୍ରାତୃବତ୍ସଳ ତୁମ୍ଭେମାନେଏ କର୍ମ କରୁଛ କେସନେ
Couplet 74
ଭାଇର ଦୁଖେ ଯେହୁ ଦୁଃଖୀସେ ପ୍ରାଣୀ ସର୍ବକାଳେ ସୁଖୀ
Couplet 75
ତାହାଙ୍କୁ ପୁଣ୍ୟବନ୍ତ କହିଦେବଙ୍କ ସଙ୍ଗେ ସ୍ୱର୍ଗେ ଥାଇ
Couplet 76
ଏମନ୍ତ କହି ତାଙ୍କ ଆଗେନାରଦ ଗଲେ ଶୂନ୍ୟମାର୍ଗେ
Couplet 77
ସେ ପୁଣି ଭାଇମାନଙ୍କରଉଦ୍ଦେଶ୍ୟେ ଗଲେ ନୃପବର
Couplet 78
ଭାଇର କ୍ଷୋଭେ ଯେତେ ଗଲେଅଦ୍ୟାପୀ ନିବୃତ୍ତ ନୋହିଲେ
Couplet 79
ପଶ୍ଚିମରାତ୍ରି ପ୍ରାୟ ହୋଇନିବୃତ୍ତି ତାଙ୍କ ଆର କାହିଁ
Couplet 80
ଅନେକ କାଳ ଗଲା ଯହୁଁଦକ୍ଷ ଜାଣିଲେ ପୁଣି ତହୁଁ
Couplet 81
ପୁତ୍ରମାନଙ୍କ ନାଶ ଶୁଣିନାରଦକୃତ ବୋଲି ଜାଣି
Couplet 82
ପୁତ୍ରଶୋକରେ ମୋହି ହୋଇନାରଦେ ଅତି କ୍ରୋଧ ବହି
Couplet 83
ତକ୍ଷଣେ ନିକଟେ ମିଳିଲେଦେଖି ନାରଦ ଭୟ କଲେ
Couplet 84
କୁପିତେ କମ୍ପାଇ ଅଧରନାରଦେ ବୋଲନ୍ତି ଉତ୍ତର
Couplet 85
ଅହୋ ଅସାଧୁ ସାଧୁଙ୍କରଚିହ୍ନକୁ ବହୁ ଅଙ୍ଗେ ତୋର
Couplet 86
ଯେଣୁ ମୋ ବାଳକଙ୍କୁ ତୁହିଭିକ୍ଷୁକ-ମାର୍ଗକୁ ଦେଖାଇ
Couplet 87
ତିନିଋଣରୁ ଯେ ଅମୁକ୍ତନୋହିଛି କର୍ମ ସମାପତ
Couplet 88
ଶ୍ରେୟ-କାରଣ ତାଙ୍କ ତପକିମ୍ପା ତୁ ନଷ୍ଟକଲୁ ପାପ
Couplet 89
କେମନ୍ତେ ଭକ୍ତବୋଲି ତୋତେସକଳେ ବୋଲନ୍ତି ଜଗତେ
Couplet 90
ଈଶ୍ୱର ପାରିଷଦ ହେଉମନ୍ଦକର୍ମରେ ନିତ୍ୟେ ଥାଉ
Couplet 91
ଯେ ଜନ କୃଷ୍ଣଭକ୍ତ ହୋଏପ୍ରାଣୀଙ୍କୁ କରଇ ସଦୟେ
Couplet 92
ତୁ ମିତ୍ରଦ୍ରୋହୀ ପାପୀ ହେଉଏ କର୍ମ କରେ ଅବା କେହୁ
Couplet 93
ନିର୍ଦ୍ଦୋଷଠାରେ ଶତ୍ରୁପଣକିମ୍ପାଇଁ କଲୁ ଅକାରଣ
Couplet 94
ସୁହୃଦଲୋକେ କ୍ରୋଧଭରତୋ ତହୁଁ ନାହିଁ ନା ଅପର
Couplet 95
ମୋହର ଯେଉଁ ସ୍ନେହପାଶଛେଦିଣ କଲୁ ତୁ ନିରାଶ
Couplet 96
ପ୍ରାଣୀମାନଙ୍କ ସ୍ନେହପାଶଏ ରୂପେ ନୁହଁଇ ବିନାଶ
Couplet 97
କଠୋର-ବୈରାଗ୍ୟ ସାଧନଯହିଁ ସ୍ନେହପାଶ ଛେଦନ
Couplet 98
ବିଷୟକର୍ମ ଯେହୁ ଜନନ ଜାଣି କରେ ଅନୁମାନ
Couplet 99
ତୋ ମତ ଅଳ୍ପବୁଦ୍ଧି-ଜ୍ଞାନେହିତ-ଅହିତ ସେ ନ ଜାଣେ
Couplet 100
ତୁ ଯେଉଁ କାରଣରୁ କରିସାଧୁଙ୍କ ଅପ୍ରିୟ ଆଚରି
Couplet 101
ସ୍ୱକର୍ମବଦ୍ଧ ଗୃହମେଧିପରର ହିତେ ଯାର ବୁଦ୍ଧି
Couplet 102
ତାଙ୍କୁ ଅମାର୍ଗ ଦେଖାଇଲୁବାରେକ ଆମ୍ଭେ ତା ସହିଲୁ
Couplet 103
ମୂଢ଼ ତୁ ଆମ୍ଭ ଶାପୁଁ କରିଲୋକବିଷୟେ ଅନାଚାରୀ
Couplet 104
ଭ୍ରମଣ କରୁଥିବୁ ତୁହିସ୍ଥିତି ନୋହିବ ତୋର କାହିଁ
Couplet 105
ଅସ୍ତୁ ବୋଲିଣ ଶାପଘେନିସାଧୁଜନ ନାରଦ ମୁନି
Couplet 106
ଏଣୁ କରି ସେ ସାଧୁବାଦସକଳ ବୋଲନ୍ତି ନାରଦ
Couplet 107
ସେ ସେହି ରୂପେ ତା ଘେନିଲେଦକ୍ଷ ଯେବଣ ଶାପ ଦେଲେ
Couplet 108
ନାରଦ ଶାପ କର୍ମବାଣୀଶୁଣି ସଂସାରୁ ତର ପ୍ରାଣୀ
Couplet 109
ବୋଲଇ ଦାସ ଜଗନ୍ନାଥସଂସାର ହିତେ ଭାଗବତ