Adhyaya 3

Couplet 1

ଶୁକ ଚରଣେ ଦେଇ କରବୋଲେ ପରୀକ୍ଷ ନୃପବର

Couplet 2

ଆପଣା ଦୂତ ବାକ୍ୟ ଶୁଣିକି ବା ବୋଇଲେ ଦଣ୍ଡପାଣି

Couplet 3

ଯମରାଜାର ଆଜ୍ଞାହତଯେଣୁ ହୋଇଲା ବିପରୀତ

Couplet 4

ବିଷ୍ଣୁଦୂତରେ ଯମଦୂତଯେଣୁ ହୋଇଲେ ପରାଜିତ

Couplet 5

ଯାହାର ବଶ ସର୍ବଜନେଏ ତ ବିଚିତ୍ର ମୋର ମନେ

Couplet 6

ଯମଦଣ୍ଡର ଭଗ୍ନ କାହିଁପୂର୍ବେ ଶୁଣିଲା କେହି ନାହିଁ

Couplet 7

ଏବେ ମୁଁ ଶୁଣିଲି ଅଦ୍ଭୁତଭୋ ମୁନି କହିବା ତଦନ୍ତ

Couplet 8

ତୁମ୍ଭର ତହୁଁ ଅନ୍ୟ କେହୁସଂଶୟ ଛେଦିବ ମୋ ତହୁଁ

Couplet 9

ବିଷ୍ଣୁଦୂତରେ ଯମଦୂତଯେଣୁ ହୋଇଲେ ପରାଜିତ

Couplet 10

ଯମର ଛାମୁରେ ମିଳିଲେସକଳ ବାରତା କହିଲେ

Couplet 11

ସଂସାରେ ଜନ୍ତୁ ଛନ୍ତି ଯେତେଏହାଙ୍କ ଶାସ୍ତି ଅବା କେତେ

Couplet 12

ତ୍ରିବିଧକର୍ମ ଯେ କରନ୍ତିକା ତହୁଁ ସେ ଫଳ ଭୁଞ୍ଜନ୍ତି

Couplet 13

ଯେବେ ଏ ଅଖିଳଲୋକରଦଣ୍ଡର କରତା ଅପାର

Couplet 14

କାହାର ମୃତ୍ୟୁ ଅବା କାହିଁଅମୃତ ଅଛି ଅବା ନାହିଁ

Couplet 15

କର୍ମର ବଶ ହୋଇ ଜନ୍ତୁଶାସ୍ତି ଲଭନ୍ତି କର୍ମ-ହେତୁ

Couplet 16

ତେଣୁ ଏ ଶାସ୍ତା ଏକଜଣଯେହ୍ନେ ଦୁଷ୍ଟଶାସ୍ତା ରାଜନ

Couplet 17

ଏଣୁ ଅଶେଷ-ଜନ୍ତୁଙ୍କରତୁମ୍ଭେ ଯେ ଶାସ୍ତା ଦଣ୍ଡଧର

Couplet 18

ଈଶ୍ୱରମାନଙ୍କ ଈଶ୍ୱରଶୁଭ-ଅଶୁଭର ଠାକୁର

Couplet 19

ତୁମ୍ଭର ଦଣ୍ଡ ଏବେ ନାହିଁପାପିଷ୍ଠଜନଙ୍କର ତହିଁ

Couplet 20

ଅଦ୍ଭୁତ-ସିଦ୍ଧ ଚାରିଜଣତୁମ୍ଭଙ୍କୁ କଲେ ଅବଜ୍ଞାନ

Couplet 21

ତୁମ୍ଭ ଆଦେଶ ଘେନି ଶିରେଆମ୍ଭେ ଆଣୁଥିଲୁ ପାପୀରେ

Couplet 22

ଯାତନାଗୃହକୁ ଆଣନ୍ତେମୋଚନ କରିଣ ତୁରିତେ

Couplet 23

ପାଶକୁ ଛେଦିଲେ ପ୍ରତ୍ୟକ୍ଷେସେ ସିଦ୍ଧେ ଗଲେ ଅନ୍ତରୀକ୍ଷେ

Couplet 24

ଆଣନ୍ତେ ସେ ପାପୀ ବ୍ରାହ୍ମଣଆସି ମିଳିଲେ ସିଦ୍ଧଗଣ

Couplet 25

ତାହାର ପୁତ୍ର ନାରାୟଣଡାକିଲା ତା ନାମ ଧରିଣ

Couplet 26

ଆମ୍ଭର ରୂପକୁ ଡରିଲାତେଣୁ ତା ବାଳକେ ଡାକିଲା

Couplet 27

ବୋଇଲେ ସର୍ବପାପ ଗଲାଯେଣୁ ଏ ନାମ ଉଚ୍ଚାରିଲା

Couplet 28

ତାହାଙ୍କୁ ଭୟମାନ ପାଇଛାଡି ଯେ ଦେଲୁ ଦଣ୍ଡସାଇଁ

Couplet 29

ଶୁଣିବା କ୍ଷମ ହେଉଁ ଯେବେଏ କଥା କହ ପ୍ରଭୁ ତେବେ

Couplet 30

ଯେ କ୍ଷଣେ ସେ ପାପୀ ଦୁର୍ଜନଉଚ୍ଚାର କଲା ନାରାୟଣ

Couplet 31

ତକ୍ଷଣେ ଆସି ସେ ମିଳିଲେଭୟ ନ କର ହୋ ବୋଇଲେ

Couplet 32

ଦୂତଙ୍କ ବାକ୍ୟ ଶୁଣି ଯମଆନନ୍ଦେ ହରଷବଦନ

Couplet 33

ଶ୍ରୀକୃଷ୍ଣ-ଅଭୟଚରଣତକ୍ଷଣେ କରି ସୁମରଣ

Couplet 34

ଅତ୍ୟନ୍ତ ପ୍ରୀତ ହୋଇ ମନେବୋଲନ୍ତି ଶୁଣ ଭୃତ୍ୟଗଣେ

Couplet 35

ମୋ ତହୁଁ ଅନ୍ୟ ଶ୍ରେଷ୍ଠ ପୁଣଜଗତ ଯାହାର ଭିଆଣ

Couplet 36

କାର୍ପାସୁ ଯେହ୍ନେ ବସ୍ତ୍ର ହୋଇବିଶ୍ୱ ତେମନ୍ତ ତାର ତହିଁ

Couplet 37

ଯାହାଙ୍କ ଅଂଶରୁ ଜଗତଜନ୍ମ ପାଳନ ପୁଣି ହତ

Couplet 38

ଯାହାର ନାମ-ତତ୍ତ୍ବଗୁଣବନ୍ଧନ କରେ ପ୍ରାଣୀମନ

Couplet 39

ରଜ୍ଜୁରେ ଯେହ୍ନେ ଗୋରୁ ଥାଇକେଣିକି ନ ପାରଇ ଯାଇ

Couplet 40

ନିୟମ-ଡ଼ୋରେ ତାହାଙ୍କରବନ୍ଧା ହୋଇଛି ଚରାଚର

Couplet 41

ନାନା କର୍ମରେ ବନ୍ଧା ହୋଇଜଗତ ଯାହାକୁ ସେବଇ

Couplet 42

ମୁହିଁ ମହେନ୍ଦ୍ର ନଈଋତିବରୁଣ ଆଦି ଦିଗପତି

Couplet 43

ସୋମ ଅନଳ ମହେଶ୍ୱରପବନ ବ୍ରହ୍ମା ଦିବାକର

Couplet 44

ବିଶ୍ୱେଦେବା ଯେ ବସୁ ଯେତେରୁଦ୍ର ମରୁଦ୍‌ଗଣ ସହିତେ

Couplet 45

ସିଦ୍ଧ କିନ୍ନର ସାଧ୍ୟ କରିସଂସାରେ ଯେତେ ଅଧିକାରୀ

Couplet 46

ସଂସାରକର୍ତ୍ତା ଆଉ ଯେତେଭୃଗୁ ଆଦି ଋଷି ସହିତେ

Couplet 47

ଏ ଆଦି ଯେତେକ କହିଲୁଁତାହାର ମାୟା ନ ଜାଣିଲୁଁ

Couplet 48

କେ ବା ଜାଣିବ ତା ମହିମାପ୍ରଭୁର ନାମ ଗୁଣ ସୀମା

Couplet 49

ଇନ୍ଦ୍ରି ହୃଦୟ ବାକ୍ୟ ମନେଯାହାକୁ ନ ଜାଣନ୍ତି ଜନେ

Couplet 50

ସର୍ବ ଶରୀରେ ଆତ୍ମାରୂପଯେ ଇନ୍ଦ୍ରିୟଙ୍କର ଅଧିପ

Couplet 51

ସେ ପ୍ରଭୁ ଆତ୍ମାତନ୍ତ୍ରେ ଥାଇସଂସାର ଚେଷ୍ଟା ସେ କରଇ

Couplet 52

ତାହାର ଦୂତଗଣେ କରିତାହାର ରୂପ-ଗୁଣ ଧରି

Couplet 53

ସଂସାରେ ନିର୍ଭୟେ ବିହରେହେଳେ ଅଶେଷ ପ୍ରାଣୀ ତାରେ

Couplet 54

ଦେବେ ପୂଜିତ ତେଜଯୁକ୍ତଅଦି ଅଦ୍ଭୁତ ବିଷ୍ଣୁଦୂତ

Couplet 55

ଭକ୍ତିମନ୍ତ ପ୍ରାଣୀମାନଙ୍କୁଶତ୍ରୁ ସକାଶରୁ ତାହାଙ୍କୁ

Couplet 56

ଆମ୍ଭଭୟରୁ ସେ ରଖନ୍ତିସର୍ବତ୍ର ସ୍ଥାନେ ବିରାଜନ୍ତି

Couplet 57

ବିଷ୍ଣୁ ବିଷୟେ ଯେଉଁ ଧର୍ମଅଜ୍ଞାତ ଦେବ ଋଷିଗଣ

Couplet 58

ସିଦ୍ଧ ଅସୁର ଯେ ଚାରଣମନୁଷ୍ୟ ବିଦ୍ୟାଧରମାନ

Couplet 59

ଏ ସର୍ବେ ଜାଣିବେ କେମନ୍ତଯାହାର ମହିମା ଅନନ୍ତ

Couplet 60

ସ୍ୱୟମ୍ଭୁ ନାରଦ କୁମାରଶିବ କପିଳ ମନୁବର

Couplet 61

ପ୍ରହଲ୍ଲାଦ ଭୀଷ୍ମ ଜନକମୁହିଁ ଦ୍ୱାଦଶ ବଳି ଶୁକ

Couplet 62

ହେ ଦୂତେ ଶୁଣ ମୋର ବାଣୀବିଷ୍ଣୁ ଭକତି ଏତେ ଜାଣି

Couplet 63

ଗୁପତ ବିଶୁଦ୍ଧ ଦୁର୍ବୋଧ୍ୟଯେ ଧର୍ମ ଜାଣି ମୃତ୍ୟୁ ଛେଦ

Couplet 64

କୃଷ୍ଣଚରଣେ ଯାର ମନସଂସାରେ ଶ୍ରେଷ୍ଠ ସେହୁ ଜନ

Couplet 65

ନାମ ଉଚ୍ଚାରନ୍ତି ଯେ ବାରେଶ୍ରୀକୃଷ୍ଣଭକ୍ତ ବୋଲି ତାରେ

Couplet 66

ଭାଗବତ ଯେ ବିଷ୍ଣୁବାଣୀପରମଧର୍ମ ପରିମାଣି

Couplet 67

ହେ ଦୂତେ ଗୋବିନ୍ଦର ନାମମହିମା ଦେଖ ଉଚ୍ଚାରିଣ

Couplet 68

ଅଜାମିଳହିଁ ଯେ ନାମରୁମୁକ୍ତ ହେଲା ମୃତ୍ୟୁ ପାଶରୁ

Couplet 69

ଏ ତ ଅକର୍ମ କରୁଥାଇକୃଷ୍ଣ ତା ଗତି ନ ଜାଣଇ

Couplet 70

ତେଣୁ ପେଷିଲି ଦୂତ ତାରେଏବେ ପଶିଲା ଶ୍ରୀପୟରେ

Couplet 71

ତୁମ୍ଭଙ୍କୁ ଦେଖି ଭୟ କଲାନାରାୟଣ ବୋଲି ବୋଇଲା

Couplet 72

ତକ୍ଷଣେ ସର୍ବପାପ ଗଲାମୋ ପାଶୁ ମୁକତ ହୋଇଲା

Couplet 73

ଯଜ୍ଞାଦି କରି ମୂଢମତିନାନା କର୍ମରେ ପ୍ରବର୍ତ୍ତନ୍ତି

Couplet 74

ନାମ ମହିମା ନ ଜାଣନ୍ତିବିଷ୍ଣୁମାୟାରେ ମୋହି ହୋନ୍ତି

Couplet 75

ଶ୍ରୀକୃଷ୍ଣ ନାମ ସଂକୀର୍ତ୍ତନପ୍ରାଣୀଙ୍କ ପାପ ବିମୋଚନ

Couplet 76

ଏମନ୍ତେ ଯେ ପ୍ରାଣୀ ପଣ୍ଡିତକୃଷ୍ଣ ସୁମରେ ଅବିରତ

Couplet 77

ତାହାଙ୍କୁ ମୋର ଦଣ୍ଡ ନାହିଁପାତକ ଯେତେ ତାଙ୍କ ଥାଇ

Couplet 78

ସକଳ ପାପ ହୋଏ ଭଙ୍ଗଯେଣୁ ଈଶ୍ୱର ପରସଙ୍ଗ

Couplet 79

ସମଦରଶୀ ସାଧୁଜନଯେମାନେ ବିଷ୍ଣୁପରାୟଣ

Couplet 80

ଦେବତା ସିଦ୍ଧ ତାହାଙ୍କରଯଶ କରନ୍ତି ସୁବିସ୍ତାର

Couplet 81

ପରମଈଶ୍ୱର ଗଦାରେରକ୍ଷିତ ହୁଅନ୍ତି ସେନରେ

Couplet 82

ତାହାଙ୍କ ଦଣ୍ଡରେ ମୋହରକେବେହେଁ ନାହିଁ ଅଧିକାର

Couplet 83

ମୁକୁନ୍ଦପାଦ-ଅରବିନ୍ଦନିତ୍ୟେ ସ୍ରବଇ ମକରନ୍ଦ

Couplet 84

ତହିଁ ବିମୁଖ ଯେଉଁଜନତାହାଙ୍କୁ କରିଣ ବନ୍ଧନ

Couplet 85

ଆଣି ତାହାଙ୍କୁ ମୋ ଅଗ୍ରତେଯାତନା ଦେବ ଅବିରତେ

Couplet 86

ନିର୍ଲୋଭ ଯେ ପରମହଂସତାହାଙ୍କୁ ନ କରି ଜିଂଘାସ

Couplet 87

ଗୃହବନ୍ଧନେ ମନ ଦେଇନିତ୍ୟେ ଅସାଧୁ ସଙ୍ଗେ ଥାଇ

Couplet 88

ଜିହ୍ୱାରେ ନ ବୋଲଇ ନାମନ ଚିନ୍ତେ ହରିପାଦପଦ୍ମ

Couplet 89

କୃଷ୍ଣର ପାଦେ ଚିତ୍ତ ଦେଇକେବେହେଁ ସ୍ତୁତି ନ କରଇ

Couplet 90

ବିଷ୍ଣୁର କର୍ମରେ ବର୍ଜିତନିରତେ କୁସଙ୍ଗେ ଆଶ୍ରିତ

Couplet 91

ଏମନ୍ତ ଭାବେ ଯେତେ ପ୍ରାଣୀଯାତନା ଦିଅ ତାଙ୍କୁ ଆଣି

Couplet 92

ଏମନ୍ତ ଦୂତ ଆଗେ କହିଯମ କହନ୍ତି କୃଷ୍ଣଧ୍ୟାୟି

Couplet 93

ମୋର ଦୂତଙ୍କ ଅପରାଧକ୍ଷମା କରିବା ପଦ୍ମପାଦ

Couplet 94

ଶ୍ରୀହରି ପୁରୁଷ ପୁରାଣକ୍ଷମା କରନ୍ତୁ ନାରାୟଣ

Couplet 95

ପଣ୍ଡିତେ ଯାର ପଦ୍ମପାଦେସେବନ୍ତି ନିତ୍ୟେ ଅପ୍ରମାଦେ

Couplet 96

ତାହାଙ୍କୁ ମୋର ନମସ୍କାରଏ ଅପରାଧ କ୍ଷମା କର

Couplet 97

ଏଣୁଟି ହରି ସଙ୍କୀର୍ତ୍ତନଜଗତ ମଙ୍ଗଳ କାରଣ

Couplet 98

ମହତ ଲୋକମାନଙ୍କରଏକାନ୍ତଭକ୍ତି ନୃପବର

Couplet 99

ଈଶ୍ୱର ଉଦ୍ଦାମ ଚରିତଶୁଣି ଗାବନ୍ତି ଅବିରତ

Couplet 100

ଶ୍ରୀକୃଷ୍ଣ ପାଦପଙ୍କଜରେଯେ ନିତ୍ୟେ ମଧୁପାନ କରେ

Couplet 101

ସେ ପ୍ରାଣୀ ମାୟାବନ୍ଧ ମୋହେନ ପଡେ ଯାତନା ସମୂହେ

Couplet 102

ଯେ ଜନ ଲୋଭମୋହେ ପଡିରଜତମରେ ଥାଇ ଜଡ଼ି

Couplet 103

ତାହାର ପୁନଃପୁନଃ ହୋଇରଜତାମସ ଉପୁଜଇ

Couplet 104

ଏମନ୍ତ ଯମବାକ୍ୟ ଶୁଣିବିଷ୍ଣୁମହିମା ପରିମାଣି

Couplet 105

ଯମକିଙ୍କର ଭୟଚିତ୍ତବୋଲନ୍ତି ଏ କି ବିପରୀତ

Couplet 106

ଗୋବିନ୍ଦ ଆଶ୍ରେ ଯେତେ ଜନେତାହାଙ୍କୁ ଭୟକଲେ ମନେ

Couplet 107

ସେ ଦିନଠାରୁ ହେ ରାଜନଦେଖିଲେ ଭୟେ ହୋନ୍ତି ଛନ୍ନ

Couplet 108

ମଳୟଗିରିତଟେ ବସିକୃଷ୍ଣ-ମହିମା ପରଶଂସି

Couplet 109

କହିଲେ କୁମ୍ଭଜନ୍ମମୁନିଗୁପତ ଇତିହାସ ବାଣୀ

Couplet 110

ସୁଜନେ ଶୁଣି ଚିତ୍ତେ ଧରଶ୍ରୀକୃଷ୍ଣନାମ ଆଶ୍ରେ କର

Couplet 111

ଦାସ ଜଗନ୍ନାଥ ବୋଲଇକୃଷ୍ଣମହିମା ଯମ କହି