Adhyaya 2

Couplet 1

ଏମନ୍ତ ଯମଦୂତ ବାଣୀବିଷ୍ଣୁ-ସେବକମାନେ ଶୁଣି

Couplet 2

ଶୁଣ ରାଜନ ଏ ଅନ୍ତରେତାହାଙ୍କ ବାକ୍ୟ ଅନୁସାରେ

Couplet 3

ସକଳ ଧର୍ମ ସେ ଜାଣନ୍ତିଯମଦୂତଙ୍କୁ ବୋଲୁଛନ୍ତି

Couplet 4

ଏ ତ ଅତ୍ୟନ୍ତ ଅଦଭୂତଦେଖିଲୁ ତୁମ୍ଭର ଚରିତ

Couplet 5

ସମଦରଶୀ ସାଧୁଜନେଅଧର୍ମ ସ୍ପରଶେ କେସନେ

Couplet 6

ଅଦଣ୍ଡ୍ୟ ଅପାପୀ ଯେ ପ୍ରାଣୀତାହାଙ୍କୁ ବ୍ୟର୍ଥେ ଦଣ୍ଡ ପୁଣି

Couplet 7

ପ୍ରଜାମାନଙ୍କ ପିତା ହୋଇସେ ଯେବେ ପ୍ରଜା ଶାସ୍ତି ଦେଇ

Couplet 8

ତେବେ ସେ କାହାର ଶରଣହୋଇବ କହ ହେ କାରଣ

Couplet 9

ମହତେ ଯାହା ଆଚରିବେଇତରେ ତାହାହିଁ କରିବେ

Couplet 10

ସେ ଯାହା ପ୍ରମାଣ କରିବେଲୋକେ ସେ ପଥ ଆଚରିବେ

Couplet 11

ଯାହାର ଅଙ୍କେ ଶିର ଦେଇନିଶଙ୍କେ ଜନ ନିଦ୍ରା ଯାଇ

Couplet 12

ପଶୁ ଯେସନେ ସୁଖେ ଥାଇଧର୍ମ-ଅଧର୍ମ ନ ଜାଣଇ

Couplet 13

ମିତ୍ର ସ୍ୱଭାବେ ଯାର ତହିଁବିଶ୍ୱାସେ ଆତ୍ମା ସମର୍ପଇ

Couplet 14

ବିଶ୍ୱାସ ସର୍ବ ପ୍ରାଣୀଙ୍କରଦୟାପୂରିତ ଯା ଶରୀର

Couplet 15

ବିଶ୍ୱାସୀ ପ୍ରାଣୀଙ୍କି କେମନ୍ତେସେ ହିଂସା କରେ ହୃଦଗତେ

Couplet 16

କୋଟିଜନ୍ମର ଶୁଭଫଳକଲା ଏ ଦ୍ୱିଜ ଆଜାମିଳ

Couplet 17

ଯେଣୁ ଆକୁଳେ ନାରାୟଣମଙ୍ଗଳ କଲା ଉଚ୍ଚାରଣ

Couplet 18

ଏଣୁ ଏ ପାପୀ ମନ୍ଦକୃତ୍ୟସକଳ କଲା ପ୍ରାୟଶ୍ଚିତ୍ତ

Couplet 19

ଯେଣୁ ଚତୁରାକ୍ଷର ନାମମୁଖେ ବୋଇଲା ନାରାୟଣ

Couplet 20

ଯେ ବ୍ରହ୍ମହତ୍ୟା ମଦ୍ୟପାନଗୁରୁପତ୍ନୀ ଅଭିଗମନ

Couplet 21

ମିତ୍ର-ବିଷୟେ ଅପରାଧସ୍ତିରୀ ରାଜ ପିତୃ ଗୋ ବଧ

Couplet 22

ଏ ଆଦି ପାପ ଅପସରେସର୍ବଦୁରିତ ନିଶ୍ଚେ ହରେ

Couplet 23

ପ୍ରାଶ୍ଚିତ୍ତ ସର୍ବ ପ୍ରାଣୀଙ୍କରନାମ ଉଚ୍ଚାରଣ ବିଷ୍ଣୁର

Couplet 24

ତୁଣ୍ଡେ ବୋଲନ୍ତି ଯେବା ନରତରନ୍ତି ଏ ଭବସାଗର

Couplet 25

ଯାହାର ବିଷ୍ଣୁଭାବେ ମତିପାପରେ ଗ୍ରସ୍ତ ସେ ନୁହଁନ୍ତି

Couplet 26

ବ୍ରତ ପ୍ରାୟଶ୍ଚିତ୍ତ ଏମାନଅଧିକ ତହୁଁ ହରିନାମ

Couplet 27

ଶୁଦ୍ଧସତ୍ତ୍ବକୁ ପରକାଶେପାପର ମୂଳବୀଜ ନାଶେ

Couplet 28

ଏଣୁ ଏହାକୁ ତୁମ୍ଭେମାନେତେଜିଣ ଯାଅ ନିଜସ୍ଥାନେ

Couplet 29

ଏହାର ଯେତେ ପାପମାନନିଶ୍ଚୟେ କଲା ଏ ଖଣ୍ଡନ

Couplet 30

ଯେଣୁ ଏ ଦ୍ୱିଜ ଅଜାମିଳନିକଟେ ମରଣର କାଳ

Couplet 31

ତୁଣ୍ଡେ ଉଚ୍ଚାରି ନାରାୟଣପ୍ରାଣ ଛାଡ଼ିଲା ତତକ୍ଷଣ

Couplet 32

ସଙ୍କେତ-ପରିହାସବେଳେଗୀତାଳାପରେ ଯେବେ ହେଳେ

Couplet 33

ବୈକୁଣ୍ଠନାମ ଉଚ୍ଚାରଇତାର କଳୁଷ ନ ରହଇ

Couplet 34

ପତନ ସ୍ଖଳନ ଭଗ୍ନରେନାନାପ୍ରକାରେ ଯେ ସୁମରେ

Couplet 35

ତୁଣ୍ଡେ ଉଚ୍ଚାରେ ରାମନାମତାହାକୁ ନ ଦଣ୍ଡଇ ଯମ

Couplet 36

ଅଳ୍ପ ବହୁତ ପାପମାନପ୍ରାୟଶ୍ଚିତ୍ତ ହିଁ ଯଥାକ୍ରମ

Couplet 37

ପାପର ଗୁରୁ ଲଘୁ ଜାଣିମୁନି କହନ୍ତି ପରିମାଣି

Couplet 38

ତପ ସମାଧି ଜପ ଦାନେପାପ ନାଶନ୍ତି ମୁନିଜନେ

Couplet 39

ପାପର ବୀଜ ନାଶ ନୋହିଚିତ୍ତ ନିର୍ମଳ ନୋହେ ତହିଁ

Couplet 40

ଯେମନ୍ତେ ଶ୍ରୀହରି କୀର୍ତ୍ତନେପାଦପଙ୍କଜ ସେବାଧ୍ୟାନେ

Couplet 41

ଜ୍ଞାନେ ଅଜ୍ଞାନେ ଯେଉଁପ୍ରାଣୀସ୍ମରଣ କରେ ଚକ୍ରପାଣି

Couplet 42

ନାମ କରନ୍ତି ସଙ୍କୀର୍ତ୍ତନପାପକୁ ନାଶନ୍ତି ବହନ

Couplet 43

ଯେସନେ ବହୁ କାଷ୍ଠ ରାଶିଅନଳ ପ୍ରବେଶେ ବିନାଶି

Couplet 44

ରୋ ଶରୀରେ ଉପଗତହେଲେ ଔଷଧ ବଳବନ୍ତ

Couplet 45

ଅଜ୍ଞାନେ ପ୍ରୟୋଗ ହୋଇଲେତେମନ୍ତ ନାମ ଉଚ୍ଚାରିଲେ

Couplet 46

ତେବେ ସେ ଆତ୍ମାଗୁଣୁ ତାରସେ କି ନ କରେ ଉପକାର

Couplet 47

ଶୁକ କହନ୍ତି ଅନୁରାଗେବିଷ୍ଣୁଚରିତ ସୁଧାଭାଗେ

Couplet 48

ବିଷ୍ଣୁଦୂତଙ୍କ ଧର୍ମବାଣୀକୃତାନ୍ତଦୂତମାନେ ଶୁଣି

Couplet 49

ଅଜାମିଳକୁ ପାଶୁ ଫେଇମୃତ୍ୟୁରୁ ଦେଲେ ବାହୁଡାଇ

Couplet 50

ଯମର ଦୂତମାନେ ଗଲେସ୍ୱାମୀଙ୍କି ସମସ୍ତ କହିଲେ

Couplet 51

ପାଶରୁ ମୁକ୍ତ ଅଜାମିଳଦେହ ଲଭିଲା ତତକାଳ

Couplet 52

ବିନାଶି ସର୍ବଭୟ ତାରଶିରରେ ଦେଇ ବେନିକର

Couplet 53

ବିଷ୍ଣୁଦୂତଙ୍କୁ ନମସ୍କାରଉଚ୍ଛୁକ ହୋଇଛି ମନର

Couplet 54

ପ୍ରସନ୍ନମୁଖ ଦେଖି ତାରଜାଣିଲେ ବିଷ୍ଣୁର କିଙ୍କର

Couplet 55

ତକ୍ଷଣେ ଅନ୍ତର୍ଦ୍ଧାନ ହୋଇତାର ନିକଟୁ ଗଲେ ସେହି

Couplet 56

ଗୁଣଆଶ୍ରିତ ବେଦସିଦ୍ଧଯେ ଭାଗବତ-ଧର୍ମଶୁଦ୍ଧ

Couplet 57

ଯମ-ବିଷ୍ଣୁଦୂତଙ୍କ ବାଣୀଗୋବିନ୍ଦ-ଗୁଣ ବିପ୍ରମଣି

Couplet 58

ତକ୍ଷଣେ ଚରଣାରବିନ୍ଦେଭକ୍ତି ଲଭିଲା ଅପ୍ରମାଦେ

Couplet 59

ଶ୍ରୀକୃଷ୍ଣ ଚରିତ ଶ୍ରବଣେପୂର୍ବର ଅଶୁଭ ସ୍ମରଣେ

Couplet 60

ମହାସନ୍ତାପ ମନେ କଲାତକ୍ଷଣେ ବିଷ୍ଣୁ ସୁମରିଲା

Couplet 61

ଅହୋ ମୋହର ବଡ କଷ୍ଟଅଜିତ ଇନ୍ଦ୍ରିୟ ମୁଁ ନଷ୍ଟ

Couplet 62

ସୁକର୍ମ କଲି ମୋର କ୍ଷୀଣକଲି ମୁଁ ବୃଷଳୀ-ଗମନ

Couplet 63

ଅଧର୍ମ ଆଚରଣ କରିକାଟିଲି ଦିବସ-ଶର୍ବରୀ

Couplet 64

ଧିକ ମୋହର ମନ୍ଦକୃତ୍ୟକୁଳରେ କଳଙ୍କ ବିଦିତ

Couplet 65

ତେଜିଣ ନିଜ ପତ୍ନୀ ସତୀରମିଲି ମୁଁ ନୀଚ ଅସତୀ

Couplet 66

ବୃଦ୍ଧମୋହର ତାତମାତମୋର ବିହୁନେ ଅରକ୍ଷିତ

Couplet 67

ତପସ୍ୱୀରୂପେ ଥାନ୍ତି ବନେତାଙ୍କୁ ତେଜିଲି ଅକାରଣେ

Couplet 68

କି ଏ ଅର୍ଜିତକର୍ମ ମୋରନରକେ କଲି ନିଜଘର

Couplet 69

ବିଧି ହୋଇଲା ବିଡମ୍ବନଲଭିବି ନରକ ଦାରୁଣ

Couplet 70

ଧର୍ମ-ହିଂସକ ପାପୀ ଯହିଁନାନା-ଯାତନା ଭୁଞ୍ଜୁ ଥାଇ

Couplet 71

କି ଏ ସ୍ୱପନ ଅଦଭୁତେନୟନେ ଦେଖିଲି ସାକ୍ଷାତେ

Couplet 72

ପାଶଦଉଡି ହସ୍ତେ କରିଯେ ମୋତେ ନେଉଥିଲେ ଧରି

Couplet 73

ଏ ତ ଆଶ୍ଚର୍ଯ୍ୟ ବଡ ଏଣେକ୍ଷଣକେ ଚାଲିଗଲେ କେଣେ

Couplet 74

ଏ ଅନ୍ତେ ସିଦ୍ଧ ଚାରିଜଣତାଙ୍କର ରୂପ ମନୋରମ

Couplet 75

ପାଶେ ବନ୍ଧନ ମୋତେ କରିଅଧୋଭୂମିକୁ ନେଉଁ ଧରି

Couplet 76

ଛଡାଇ ଦେଲେ ଏହିକ୍ଷଣିକ୍ଷଣକେ ଗଲେ କାହିଁ ପୁଣି

Couplet 77

ମୁଁ ତ ଅଟଇ ପାପୀହୀନମୋହର ଦେବ-ଦରଶନ

Couplet 78

ଏଣୁ ହୋଇଲା ଏ ମଙ୍ଗଳଆତ୍ମା ମୋ ହୋଇଲା ସୁଫଳ

Couplet 79

ଅଶୁଚି ଦାସୀପତି ମୁହିଁମୋ ତହୁଁ ପାପୀ ଅଛି କାହିଁ

Couplet 80

ମୋହର ମରଣର କାଳେନାମକୀର୍ତ୍ତନ ଅବହେଳେ

Couplet 81

ଜିହ୍ୱା ମୋ କେମନ୍ତେ ବୋଇଲାଶ୍ରୀକୃଷ୍ଣ ମୋତେ ଦୟାକଲା

Couplet 82

ମୁଁ କାହିଁ ଧୂର୍ତ୍ତ ପାପୀବରବିପ୍ରକୁଳର ଲଜ୍ଜାକର

Couplet 83

ସର୍ବ ମଙ୍ଗଳର କାରଣବୈକୁଣ୍ଠନାମ ଉଚ୍ଚାରଣ

Couplet 84

କେମନ୍ତେ ବୋଇଲଇଁ ମୁହିଁଦୟା ଯେ କଲେ ଭାବଗ୍ରାହୀ

Couplet 85

ଇନ୍ଦ୍ରି-ଅଜିତ ମୁଁ ଅଟଇଏମନ୍ତ କରିବଇଁ ମୁହିଁ

Couplet 86

ଯେମନ୍ତେ ଆତ୍ମାଭୋଗ ଛାଡିବ୍ରହ୍ମଭାବରେ ରହେ ବୁଡି

Couplet 87

ଅବିଦ୍ୟା-କାମକର୍ମୁ ଜନ୍ମମୋଚନ କରି ଏ ବନ୍ଧନ

Couplet 88

ସର୍ବଭୂତରେ ଶାନ୍ତ ହୋଇଦୟା ବହିବି ଚିତ୍ତେ ମୁହିଁ

Couplet 89

ଏ ମାୟାଗ୍ରସ୍ତ ମୋରମନନିଶ୍ଚୟ କରିବି ମୋଚନ

Couplet 90

ଯେଉଁ ମାୟାରେ ମୋହ ମୁହିଁକ୍ରୀଡା-କୁରଙ୍ଗ ପ୍ରାୟ ହୋଇ

Couplet 91

ଦେହ ସମ୍ପଦ ମୋର ଯେତେଅକ୍ଷୟ-ଦମ୍ଭ ଅବିରତେ

Couplet 92

ଏହାଙ୍କୁ ତେଜି ଶୁଦ୍ଧମନକୃଷ୍ଣ ଚରଣେ ହେଉ ଲୀନ

Couplet 93

ଏମନ୍ତେ ଜାତ ଦିବ୍ୟଜ୍ଞାନଯେଣୁ ତା ସାଧୁ ଦରଶନ

Couplet 94

ତେଜିଣ ସକଳ-ବନ୍ଧନଗଙ୍ଗାଦ୍ୱାରକୁ ଆଗମନ

Couplet 95

ଦେବସଦନେ ବିପ୍ର ଯାଇନିଶ୍ଚଳ ମନେ ଯୋଗ ଧ୍ୟାୟି

Couplet 96

ଇନ୍ଦ୍ରିୟ ନିଗ୍ରହ କରିଣବ୍ରହ୍ମେ ନିବେଶି ସ୍ଥିରମନ

Couplet 97

ସକଳ-ଗୁଣ ପରିହରିଆତ୍ମାକୁ ସମାଧିରେ ଧରି

Couplet 98

ପରମବ୍ରହ୍ମେ ମନ ଦେଲାମନକୁ ତହିଁ ନିବେଶିଲା

Couplet 99

ବ୍ରହ୍ମଭାବନେ ସ୍ଥିରମନଦେଖିଲା ବିଷ୍ଣୁଦୂତମାନ

Couplet 100

ପୂର୍ବେ ଯେ ରୂପ ଦେଖିଥିଲାପୁଣି ଦେଖନ୍ତେ ପ୍ରଣମିଲା

Couplet 101

ଗଙ୍ଗାଜଳରେ ଦ୍ୱିଜବରତେଜିଲା ନିଜ କଳେବର

Couplet 102

ତକ୍ଷଣେ ବିଷ୍ଣୁ ଦୂତପ୍ରାୟେହୋଇଲା ତାର ଦିବ୍ୟକାୟେ

Couplet 103

ବିଷୟ-ଦୁର୍ଗତି ଖଣ୍ଡନବେଷ୍ଟିତ ହୋଇ ବିଷ୍ଣୁଗଣ

Couplet 104

ହେମବିମାନ ଆରୋହିଲାତକ୍ଷଣେ ବିଷ୍ଣୁଲୋକେ ଗଲା

Couplet 105

ଦାସୀପତି ପତିତକର୍ମନଷ୍ଟ ତାହାର ସର୍ବଧର୍ମ

Couplet 106

ବ୍ରତ-ବିହୀନ ନିନ୍ଦାଚାରନରକେ ପଡନ୍ତା ଶରୀର

Couplet 107

ଈଶ୍ୱର-ନାମ-ଗ୍ରହଣରୁତତ୍କାଳ ମୁକ୍ତି ନରକରୁ

Couplet 108

ମୋକ୍ଷବାଞ୍ଛିତ ନରଙ୍କରକୃଷ୍ଣକୀର୍ତ୍ତନୁ ନାହିଁ ପର

Couplet 109

କର୍ମବନ୍ଧନର ଛେଦନଏହାର ସମ ନାହିଁ ଆନ

Couplet 110

ଯେ ମନରଜ-ତମେ ଥାଇକର୍ମେ ମଳିନ ସେ ହୁଅଇ

Couplet 111

ପରମ ଗୁହ୍ୟ ଅଘ ନାଶନାମ-ମାହାତ୍ମ୍ୟ ଇତିହାସ

Couplet 112

ସେ ଯେବେ କୃଷ୍ଣନାମ ଧରେଅଶେଷ-ପାତକ ନିବାରେ

Couplet 113

ଶୁଣଇ ଶ୍ରଦ୍ଧାଯୁକ୍ତ ହୋଇବଦନେ କୀର୍ତ୍ତନ କରଇ

Couplet 114

ସେ ପ୍ରାଣୀ ନରକେ ନ ଯାଇଯମଯାତନା ତାକୁ ନାହିଁ

Couplet 115

ତେବେ ନିର୍ମଳ ପ୍ରାଣୀ ହୋଏନିଶଙ୍କେ ବିଷ୍ଣୁଲୋକେ ରହେ

Couplet 116

ଦେଖ ବ୍ରାହ୍ମଣ ପାପୀ ଥିଲାଅନ୍ତେ କୃଷ୍ଣଙ୍କୁ ସୁମରିଲା

Couplet 117

ଦେଖି ନିକଟେ ତା ମରଣପୁତ୍ରର ନାମ ନାରାୟଣ

Couplet 118

ନାମକୁ ଆକୁଳେ ଉଚ୍ଚାରିଭବସାଗରୁ ହେଲା ପାରି

Couplet 119

ସକଳ ପାପେ ଅଧିକାରୀସେହି ଲଭିଲା ନରହରି

Couplet 120

ସର୍ବ-ଦୁଷ୍କୃତ ତାର ଗଲାପରମପଦ ସେ ଲଭିଲା

Couplet 121

ଶ୍ରଦ୍ଧାରେ ନାମ ଯେ ଉଚ୍ଚାରେତାର ମହିମା କେ ବିସ୍ତାରେ

Couplet 122

ଶୁଣ ରାଜନ ପୁଣ୍ୟଆତ୍ମାଗୋବିନ୍ଦ-ନାମର ମହିମା

Couplet 123

ନିଶ୍ଚଳଚିତ୍ତେ କୃଷ୍ଣଭଜଏ ଭବବନ୍ଧମାୟା ତେଜ

Couplet 124

ଶ୍ରୀକୃଷ୍ଣନାମର ମହିମାଶୁକ କହିଲେ ଗୁଣସୀମା

Couplet 125

ସୁଜନେ ଏଣେ ଚିତ୍ତକରଏ ମାୟାବନ୍ଧନୁ ନିସ୍ତର

Couplet 126

ବୋଲଇ ଦାସ ଜଗନ୍ନାଥଷଷ୍ଠସ୍କନ୍ଧରେ ଭାଗବତ