Adhyaya 1

Couplet 1

ନମଇଁ ନୃସିଂହ ଚରଣଅନାଦି ପରମ କାରଣ

Couplet 2

ଶୁକ ଚରଣେ ପ୍ରଣମିତହୋଇ ବୋଲନ୍ତି ପରୀକ୍ଷିତ

Couplet 3

ଏକ ସଂଶୟ ମୋର ମନତେଣୁ ମୁଁ କରି ନିବେଦନ

Couplet 4

ଭୋ ଭାଗବତ ତୁମ୍ଭେ ଆଦ୍ୟେକହିଲ ଯା ଦ୍ୱିତୀୟସ୍କନ୍ଧେ

Couplet 5

ଆଦ୍ୟରେ ଭଗବାନ ବ୍ରହ୍ମାଅଷ୍ଟ ଐଶ୍ୱର୍ଯ୍ୟ ସୁଖ ସୀମା

Couplet 6

ନିବୃତ୍ତିମାର୍ଗେ ଯା’ କହିଲେତା ଯୋଗେଶ୍ୱର ନ ଜାଣିଲେ

Couplet 7

ନିବୃତ୍ତି ମାର୍ଗେ ଚକ୍ରପାଣିକେବଳ ଯୋଗେ ତା’ ବଖାଣି

Couplet 8

ଯୋଗେ ଲଭନ୍ତି ପ୍ରଜାପତିକ୍ରମେ ତାଙ୍କର ସଙ୍ଗେ ମୁକ୍ତି

Couplet 9

ଆର ପ୍ରବୃତ୍ତିମାର୍ଗ ଯେହିସ୍ୱର୍ଗାଦିସୁଖ ଯହିଁ ପାଇ

Couplet 10

ପ୍ରକୃତି ବିଲୟ ଅଭାବେଜନ୍ମ ମରଣ ଜୀବ ଲଭେ

Couplet 11

କେମନ୍ତ ରୂପେ ତା ପ୍ରକାଶବିଷ୍ଣୁର ମାୟାରେ ପ୍ରବେଶ

Couplet 12

ସ୍ଥିର ସମୂହ ଦୁଷ୍ଟଗଣପ୍ରବୃତ୍ତି ସୃଷ୍ଟି ନୋହେ ଭିନ୍ନ

Couplet 13

ପୁଣି ହୁଏ ସେ ପୁଣି ଯାଏସେ ମାର୍ଗ କହିଲ ତୃତୀୟେ

Couplet 14

ଯେ ନାନା ଅଧର୍ମ ଲକ୍ଷଣନରକମାନଙ୍କ ବର୍ଣ୍ଣନ

Couplet 15

ଯେ ସ୍ୱାୟମ୍ଭୁବ ମନୁ ଆଦିକହିଲ ଚତୁର୍ଥେ ସମ୍ପାଦି

Couplet 16

ଉତ୍ତାନପାଦ ପ୍ରିୟବ୍ରତଏ ବେନି ବଂଶାନୁଚରିତ

Couplet 17

ଦ୍ୱୀପ ବରଷ ମହୀଧରନଦୀ ଉଦ୍ୟାନ ଯେ ସାଗର

Couplet 18

ପୃଥିବୀ ମଣ୍ଡଳର ସ୍ଥାନସୂର୍ଯ୍ୟମଣ୍ଡଳ ଜ୍ୟୋତିର୍ଗଣ

Couplet 19

ଚନ୍ଦ୍ର ତାରକା ଆଦି କରିଭାଗ ବିବର ଅନୁସରି

Couplet 20

ଯେମନ୍ତ ପ୍ରକାରେ ଈଶ୍ୱରରଚିଲେ ଅଖିଳ ସଂସାର

Couplet 21

ନାନା ପ୍ରକାରେ ଯେ ନରକପ୍ରାଣୀ ସଞ୍ଚରନ୍ତି ଅନେକ

Couplet 22

ଉଗ୍ର ଯାତନାକୁ ଭୁଞ୍ଜନ୍ତିକି କଲେ ତହିଁ ନ ପଡ଼ନ୍ତି

Couplet 23

ବିଶେଷ କରି ମହାଭାଗକହ ତୁ ଭାବେ ମୋର ଆଗ

Couplet 24

ମନ ବଚନ ଶରୀରରେଯେ ପ୍ରାଣୀ ପାପକାର୍ଯ୍ୟ କରେ

Couplet 25

ଇହଲୋକରେ ଦେହ ଧରିଯେବେ ପ୍ରାୟଶ୍ଚିତ୍ତ ନ କରି

Couplet 26

କି ଅବା ପରମଈଶ୍ୱରେପୂଜା ନ କରେ ଭକ୍ତିଭରେ

Couplet 27

ଅଥବା ନାମସଂକୀର୍ତ୍ତନେଶ୍ରଦ୍ଧା ନ କରେ ଭଗବାନେ

Couplet 28

ବିଶେଷେ ଯାତନା ନରକସେ ପ୍ରାଣୀ ଲଭେ ଅତିରେକ

Couplet 29

ଯେବଣ ପ୍ରକାରେ ଭିଷକକରଇ ଚିକିତ୍ସା ଅନେକ

Couplet 30

ରୋଗରୁ ଗୁରୁ ଲଘୁ ଜାଣିନିଦାନ କଥା ପରିମାଣି

Couplet 31

ତେମନ୍ତ ମରଣର ଆଗେସଂଯତମନା ହୋଇ ବେଗେ

Couplet 32

ପାପର ନିବାରଣ ଅର୍ଥେକରିବ ସଦ୍ୟ ପ୍ରାୟଶ୍ଚିତ୍ତେ

Couplet 33

ପାପ ଅହିତ ପରିମାଣିତଥାପି ବିଷୟାରେ ପ୍ରାଣୀ

Couplet 34

ପାପରେ ପୁଣିହିଁ ପ୍ରବର୍ତ୍ତେକି କାର୍ଯ୍ୟ ତେବେ ପ୍ରାୟଶ୍ଚିତ୍ତେ

Couplet 35

କେବେ ବା ପାପୁ ନିବର୍ତ୍ତଇପୁଣି ହିଁ ପାପ ଆଚରଇ

Couplet 36

ଏଥୁ ଅନ୍ତରେ ପ୍ରାୟଶ୍ଚିତ୍ତେକୁଞ୍ଜରସ୍ନାନ କଲା ମତ

Couplet 37

ଏମନ୍ତ ରାଜନ ବଚନେଶୁକ କହନ୍ତି ତୋଷମନେ

Couplet 38

କର୍ମରେ କରି କର୍ମମାନନିଗ୍ରହ କରନ୍ତି ଯେ ଜନ

Couplet 39

କର୍ମ ସମୂଳେ ନାଶ ନୋହିଏହାର ସ୍ୱଭାବଟି ଏହି

Couplet 40

ଅଜ୍ଞାନୀ ଅଧିକାରୀ ଯେଣୁବିଫଳ ପ୍ରାୟଶ୍ଚିତ୍ତ ତେଣୁ

Couplet 41

ସୁପଥ୍ୟ ଗ୍ରାସ ଯେ ନକରେତାହାକୁ ବ୍ୟାଧି ପୀଡା କରେ

Couplet 42

ଏହି ନିୟମ ଯେ କରନ୍ତିକର୍ମେ କଲ୍ୟାଣ ସେ ଲଭନ୍ତି

Couplet 43

ଦେହ ବଚନ ବୁଦ୍ଧି ଘେନିଯେ ପାପ କରିଥାଏ ପ୍ରାଣୀ

Couplet 44

ତପସ୍ୟା ଯମ ନିୟମରେସମ ଦମ ତ୍ୟାଗ ଶୌଚରେ

Couplet 45

ସତ୍ୟ ବ୍ରହ୍ମଚର୍ଯ୍ୟ ଦୀକ୍ଷାରେଜ୍ଞାନୀ ନାଶନ୍ତି ପାପଘୋରେ

Couplet 46

ଯେସନେ ଦହଇ ସକଳବେଣୁର ଗୁଳ୍ମ ଦାବାନଳ

Couplet 47

ତେସନେ ଭକ୍ତିଯୋଗୁ କରିଗୋବିନ୍ଦ ଚରଣ ସୁମରି

Couplet 48

ମଳୟ ଚନ୍ଦନ ଯେସନଅଗ୍ନିପାରୁଶେ ଯେହ୍ନେ ହେମ

Couplet 49

ଗୋବିନ୍ଦ ପାଦେ ଆଶ୍ରେ କରେତେଣୁ ଅଘତିମିର ହରେ

Couplet 50

ଅଶେଷ ପାପମାନ ନାଶେତମ ଯେସନେ ରବିତ୍ରାସେ

Couplet 51

ହେ ରାଜା ଅଘବନ୍ତ ଯେହିତପେ ପବିତ୍ର ତେଡେ ନୋହି

Couplet 52

ଯେମନ୍ତ କୃଷ୍ଣର ବିଷୟେପ୍ରାଣ ଅର୍ପିଲେ ଶୁଦ୍ଧ ହୋଏ

Couplet 53

ସୁଶୀଳ ସାଧୁ ଯେଉଁ ଜନନାରାୟଣରେ ପରାୟଣ

Couplet 54

ତାହାଙ୍କ ଭକ୍ତିପଥମାନଲୋକର କଲ୍ୟାଣ କାରଣ

Couplet 55

ସେ ନିତ୍ୟେ ଥାନ୍ତି ପରହିତେଜଗତ ଦେଖେ ଆତ୍ମାଗତେ

Couplet 56

ଶୁଣ ରାଜନ ପରିମାଣିକୃଷ୍ଣ-ବିମୁଖ ଯେତେ ପ୍ରାଣୀ

Couplet 57

ତାହାଙ୍କ ତପେ ଯେତେ ଫଳସକଳ ହୁଅଇ ନିଷ୍ଫଳ

Couplet 58

ଶ୍ରୀକୃଷ୍ଣ-ପାଦପଦ୍ମ ଦୁଇତା ଗୁଣେ ଅନୁରାଗୀ ହୋଇ

Couplet 59

ତାହାର ଯେଉଁ ଲୟ ଧ୍ୟାନନିବେଦନରେ ତନୁ ମନ

Couplet 60

ଯେ ଏକାବେଳେ ବୋଲେ ନାମସ୍ୱପ୍ନେ ସେ ନ ଦେଖଇ ଯମ

Couplet 61

ଯା ଦୂତ ଦଣ୍ଡ-ପାଶଧରନ ଦେଖେ ଚିହ୍ନ ତାହାଙ୍କର

Couplet 62

ଯେ ଇତିହାସ ପୁରାତନକହିବା ଶୁଣ ସାବଧାନ

Couplet 63

ବିଷ୍ଣୁଙ୍କ ଦୂତ ଯମଦୂତସମ୍ବାଦ ଅତି ଅଦଭୂତ

Couplet 64

କାନ୍ୟକୁବୁଜ ନାମେ ଦେଶଅଜାମିଳର ତହିଁ ବାସ

Couplet 65

ଆଶ୍ରମେ ଦ୍ୱିଜ ସେ ବୋଲାଇସ୍ୱଭାବେ ଦାସୀପତି ହୋଇ

Couplet 66

ସଦାଚାରକୁ ନଷ୍ଟ କରିଦାସୀର ସଂସର୍ଗ ଆଚରି

Couplet 67

କୈତବ ଚୌର୍ଯ୍ୟପଣେ ଥାଇକୁତ୍ସିତକର୍ମ ଆଚରଇ

Couplet 68

ଏମନ୍ତେ କେତେଦିନ ଗଲାତାହାର ପୁତ୍ର ଉପୁଜିଲା

Couplet 69

ସେ ନଗ୍ରେ ଥାଇ ଦାସୀପତିପୁତ୍ରପାଳନେ ସଦା ମତି

Couplet 70

ଅଠାଶୀ ବରଷେ ତାହାରକାଳ ହୋଇଲା ନୃପବର

Couplet 71

ବୃଦ୍ଧବୟସେ ତାର ସୁତହୋଇଲା ଦଶ ପରିମିତ

Couplet 72

କନିଷ୍ଠ ନାମ ନାରାୟଣପିତାର ଆନନ୍ଦ କାରଣ

Couplet 73

ତାହାର ତହିଁ ଚିତ୍ତ ଥାଇଅନ୍ୟତ୍ର କେବେହେଁ ନ ଦେଇ

Couplet 74

ବାଳକ ସ୍ୱଭାବେ ଅଲ୍ୟଳବଚନ କହଇ ମୃଦୁଳ

Couplet 75

ତାହାର ଲୀଳାମାନ ଦେଖିହରଷ କେ ପାରିବ ଲେଖି

Couplet 76

ଭୋଜନ-ଜଳପାନ ବେଳେନାନାପ୍ରକାରେ ସୁଖ ଭୋଳେ

Couplet 77

ବାଳକ-ସ୍ନେହେ ବଶ ହୋଇଅଗ୍ରଭୋଜନ ତାକୁ ଦେଇ

Couplet 78

ମରଣ ନ ଜାଣଇ ମୂଢ଼ବାଳକ-ସ୍ନେହେ ଚିତ୍ତ ଦୃଢ଼

Couplet 79

ମରଣକାଳ ଉପଗତତକ୍ଷଣେ କରି ଦୃଢ଼ଚିତ୍ତ

Couplet 80

ବାଳକ ନାମ ନାରାୟଣମତି ନିବେଶିଲା ତକ୍ଷଣ

Couplet 81

ଯମର ଦୂତ ପାଶ କରେମିଳିଲେ ତାର ସମୀପରେ

Couplet 82

ଉଚ୍ଚପୁରୁଷ ଭୟଙ୍କରବକ୍ର ବଦନ ମହାଘୋର

Couplet 83

ଲମ୍ବଲୋମ ସର୍ବଶରୀରଦେଖି ଅଜାମିଳ କାତର

Couplet 84

ଦୂରେ ବାଳକସଙ୍ଗେ ମିଳିତାହାର ପୁତ୍ର କରେ କେଳି

Couplet 85

ଗଭୀରସ୍ୱରେ ଉଚ୍ଚ କରିଡାକିଲା ପୁତ୍ରନାମ ଧରି

Couplet 86

ଇନ୍ଦ୍ରିୟ-ଆକୁଳେ ତକ୍ଷଣଡାକିଲା ପୁତ୍ର ନାରାୟଣ

Couplet 87

ମଲା ଅଜାମିଳ ବ୍ରାହ୍ମଣସେ ନାମ କରି ସଂକୀର୍ତ୍ତନ

Couplet 88

ଯମର ଦୂତେ ଥିଲେ ବେଢିହସ୍ତରେ ପାଶରଜ୍ଜୁ ଧରି

Couplet 89

ଶୁଣି ତା ମୁଖୁ ନାରାୟଣଆସି ମିଳିଲେ ବିଷ୍ଣୁଗଣ

Couplet 90

ଏମନ୍ତେ ବିଷ୍ଣୁଦୂତେ ମିଳିଗନ୍ଧ-ଆମୋଦେ ଦିଗ ପୂରି

Couplet 91

ରୂପେ କି ଦେବା ପଟାନ୍ତରସୁବର୍ଣବେତ ଧରି କର

Couplet 92

ପୀତବସନ ପହରଣଦିଶନ୍ତି ଦଗ୍‌ଧସ୍ୱର୍ଣ୍ଣବର୍ଣ୍ଣ

Couplet 93

ସେ ଅଜାମିଳହୃଦୟରୁଜୀବକୁ ଆକର୍ଷଣ କରୁ

Couplet 94

ଯମଦୂତଙ୍କୁ ବିଷ୍ଣୁଦୂତେବଳେ ନିବାରିଲେ ତୁରିତେ

Couplet 95

ବଇବସ୍ୱତ ପ୍ରଭୁ ଯାରସେ ଦୂତମାନଙ୍କ ଉପର

Couplet 96

ପ୍ରହାର କଲେ ବିଷ୍ଣୁଦୂତେତାଙ୍କୁ କହନ୍ତି ଯମଦୂତେ

Couplet 97

ବିଷ୍ଣୁଦୂତମାନଙ୍କୁ କହିତୁମ୍ଭେ ନିବାର କାହିଁ ପାଇଁ

Couplet 98

ଧର୍ମରାଜର ଆଜ୍ଞାମାନକିମ୍ପାଇଁ କରୁଛ ଲଂଘନ

Couplet 99

କାହାର ତୁମ୍ଭେମାନେ ଦୂତକାହୁଁ ବା ଅଇଳ ତୁରିତ

Couplet 100

କିମ୍ପାଇଁ ଆମ୍ଭଙ୍କୁ ନିରୋଧକିବା ଉତ୍ତମ ତୁମ୍ଭେ ସିଦ୍ଧ

Couplet 101

କିବା ଦେବତା ତୁମ୍ଭେମାନେଥାଅ ଦେବଙ୍କ ସନ୍ନିଧାନେ

Couplet 102

ତୁମ୍ଭର ଚକ୍ଷୁ ପଦ୍ମତୁଲ୍ୟବିରାଜେ କିରୀଟ କୁଣ୍ଡଳ

Couplet 103

ଉରେ ଲମ୍ବଇ ବନମାଳଶୋଭିତ ଯେ ପୀତ ଦୁକୂଳ

Couplet 104

ସର୍ବ ଲକ୍ଷଣ ତୁମ୍ଭ ଦେହଚାରୁ ଚତ୍ୱାର ଭୁଜ ବହ

Couplet 105

ଶଙ୍ଖ ଚକ୍ର ଗଦା କମଳଏଣେ ଶୋଭିତ ଯେ ତୁମ୍ଭର

Couplet 106

ଧନୁ ଖଡ଼ଗ ତୂଣ ଶରଏ ସର୍ବ ଆୟୁଧ ତୁମ୍ଭର

Couplet 107

ଦିଗମାନଙ୍କର ତିମିରଆତ୍ମକାନ୍ତିରେ କଲ ଦୂର

Couplet 108

ଆମ୍ଭେ ଧର୍ମରାଜ-କିଙ୍କରକିମ୍ପା ନିରୋଧ ତୁମ୍ଭେ କର

Couplet 109

କି ହେତୁ ଏମନ୍ତ ଆଚରକହିବା ଆମ୍ଭର ଆଗର

Couplet 110

ଆମ୍ଭମାନଙ୍କୁ ଦୟା ବହକିହେତୁ କିବା ପରିଚୟ

Couplet 111

ଯମଦୂତଙ୍କ କଥା ଅନ୍ତେହସି କହନ୍ତି ବିଷ୍ଣୁଦୂତେ

Couplet 112

ମେଘ-ଗମ୍ଭୀର ପ୍ରାୟେ ବାଣୀଯମଦୂତଙ୍କ ଆଗେ ଭଣି

Couplet 113

ତୁମ୍ଭେ ଦୂତ ଧର୍ମରାଜାରତାହାଙ୍କ ଆଜ୍ଞା ଯେବେ କର

Couplet 114

ଧର୍ମ ଅଧର୍ମର ଲକ୍ଷଣକହିବା ଆମ୍ଭର ଆଗେଣ

Couplet 115

ପ୍ରାଣୀ କି କଲେ ଦଣ୍ଡପାଇଦଣ୍ଡର ସ୍ଥାନ କେବା ହୋଇ

Couplet 116

ଦଣ୍ଡକୁ ସହଇ କେମନ୍ତେମନୁଷ୍ୟ-ଜନ୍ତୁ ଏ ଜଗତେ

Couplet 117

ବେଦବିହିତ ଯେତେ କର୍ମସେହି ସଂସାରେ ନିତ୍ୟଧର୍ମ

Couplet 118

ତା ବିନୁ ଅନ୍ୟକର୍ମ ଯେତେଅଧର୍ମ ବୋଲି ଶାସ୍ତ୍ରମତେ

Couplet 119

ସାକ୍ଷାତେ ବେଦ ନାରାୟଣଏ ନିଶ୍ଚେ ବ୍ରହ୍ମାର ବଚନ

Couplet 120

ଏ ଦେବ ଆପଣା ଶକ୍ତିରେସତ୍ତ୍ବ ରଜ ତମଗୁଣରେ

Couplet 121

ଗୁଣ ନାମ କ୍ରିୟା ରୂପରେଯଥାତଥାରେ ଭିନ୍ନ କରେ

Couplet 122

ସୂର୍ଯ୍ୟ ଚନ୍ଦ୍ର ଦିଗ ଆକାଶପବନ ସଂଧ୍ୟା ଅହର୍ନିଶ

Couplet 123

ଦେବ ଭୂ ଜଳ ଅଗ୍ନି ଧର୍ମଦେହୀ ଧର୍ମର ସାକ୍ଷୀ ଜାଣ

Couplet 124

ପାପକୁ ଏଣେ କରି ଜାଣିଦଣ୍ଡର ସ୍ଥାନ ପରିମାଣି

Couplet 125

କର୍ମଆୟତ୍ତ ହୋଇ ଜନଦଣ୍ଡରେ ହୁଅଇ ଭାଜନ

Couplet 126

ଆହେ ନିଷ୍ପାପ ପ୍ରାଣୀମାନେକର୍ମ କରନ୍ତି ଯେତେ ଜନେ

Couplet 127

ସତକର୍ମ ଯେମାନେ କରନ୍ତିସ୍ୱକର୍ମ ଫଳ ସେ ଲଭନ୍ତି

Couplet 128

ମନ୍ଦକରମଯୁକ୍ତ ଯେହୁସଫଳ ଲଭିବ ସେ କାହୁଁ

Couplet 129

ବିଧି ନିଷେଧ ବେନିକର୍ମଏ ନିତ୍ୟେ କହନ୍ତି ଆଗମ

Couplet 130

ବିହିତକର୍ମ ଯେ କରଇତାର ପାପକୁ ଭୟ ନାହିଁ

Couplet 131

ନିଷେଧକର୍ମ କରେ ଯେହୁସକଳ ଦଣ୍ତ ସହେ ସେହୁ

Couplet 132

ଏ ଘେନି ବେଦ ବ୍ରହ୍ମମୟେସୁଜନ ବେଦମାର୍ଗେ ରହେ

Couplet 133

ଧର୍ମ ଅଧର୍ମ ଆଚରଣକରନ୍ତି ଯେହୁ ପ୍ରାଣୀମାନ

Couplet 134

ସେ ପ୍ରାଣୀମାନେ ଅବନୀରେଫଳାଫଳକୁ ଭୋଗକରେ

Couplet 135

ହେ ଦେବଶ୍ରେଷ୍ଠ ତୁମ୍ଭେମାନେସଂସାରେ ପ୍ରାଣୀମାନେ ଯେହ୍ନେ

Couplet 136

ତ୍ରିବିଧ-ଲକ୍ଷଣ ଲଭନ୍ତିଯେ ଯଥାକର୍ମ ଆଚରନ୍ତି

Couplet 137

ଗୁଣ ବିଚିତ୍ରଭାବୁଁ କରିପ୍ରାଣୀଙ୍କ ବିଷୟ ଆଚରି

Couplet 138

କାଳର ବର୍ତ୍ତମାନ ଗୁଣଭୂତ ଭବିଷ୍ୟତ ପ୍ରମାଣ

Couplet 139

ତେସନେ ପ୍ରାଣୀ ଇହଜନ୍ମପ୍ରକାଶ କରେ ଧର୍ମାଧର୍ମ

Couplet 140

ଯେ ଧର୍ମରାଜ ଜନ୍ତୁସାଇଁସେ ସଞ୍ଜମନୀପୁରେ ଥାଇ

Couplet 141

ପ୍ରାଣୀର ଅନ୍ତର୍ଯ୍ୟାମୀ ହୋଇଧର୍ମ ଅଧର୍ମକୁ ଜାଣଇ

Couplet 142

ତମୋଗୁଣରେ ଯୁକ୍ତ ହୋଇସତ୍ତ୍ବଗୁଣକୁ ନ ଭାବଇ

Couplet 143

ଏ ଦେହେ ଅହମିକା ବହିଜନ୍ମ ଅକାରଣେ ନାଶଇ

Couplet 144

ଜ୍ଞାନ କରମ ଦଶେନ୍ଦ୍ରିୟମନ ଆର ପଞ୍ଚବିଷୟ

Couplet 145

ଏ ଷଟଦଶ ଲିଙ୍ଗ ଦେହେଏ ଜୀବ ଭୁଞ୍ଜଇ ବିଷୟେ

Couplet 146

ଯେ ଅବା ପଞ୍ଚଭୂତ ଗୁଣସୃଷ୍ଟିକି କରଇ ଭିଆଣ

Couplet 147

ମହତତତ୍ତ୍ବ ଅହଙ୍କାରଏ ଆଦି ଯେତେକ ଅପର

Couplet 148

ତ୍ରିଗୁଣଶକ୍ତି ଆଦି ଯେତେଏହାକୁ ଧରି ହୃଦଗତେ

Couplet 149

ଏମନ୍ତ ପ୍ରକାରଣେ ଦେହୀହରଷ-ଶୋକକୁ ଲଭଇ

Couplet 150

ତେଣୁ ଷଡବର୍ଗ ଅଜିତକରଇ କର୍ମ ବିପରୀତ

Couplet 151

କୋଶକାରର ପ୍ରାୟ ହୋଇକର୍ମରେ ଆତ୍ମାକୁ ରୋଧଇ

Couplet 152

ଏଥୁ ଅନ୍ତରେ ପୁଣି ସେହିତହିଁ ରହଇ ମୋହ ହୋଇ

Couplet 153

ସ୍ୱଭାବେ କର୍ମବଶ ହୋଇନିରତେ କର୍ମକୁ କରଇ

Couplet 154

ଏଥୁ ଅନ୍ତରେ ପୂଣ ସେହିଅଦୃଷ୍ଟବଶେ ଦେହ ବହି

Couplet 155

ମାତାପିତାର ଅନୁରୂପଲଭଇ ସ୍ଥୂଳ-ସୂକ୍ଷ୍ମରୂପ

Couplet 156

ପ୍ରକୃତି ସଙ୍ଗରୁ ପୁରୁଷସର୍ବକର୍ମକୁ କରେ ନାଶ

Couplet 157

ପୂର୍ବବୃତ୍ତାନ୍ତ ଏବେ ଶୁଣବେଦସମ୍ପୂର୍ଣ୍ଣ ଏ ବ୍ରାହ୍ମଣ

Couplet 158

ଧର୍ମଜ୍ଞ ଶୀଳବନ୍ତ ପୁଣସୁଶାନ୍ତ ସୁଜ୍ଞାନୀ ନିପୁଣ

Couplet 159

ମୃଦୁ ମନ୍ତ୍ରଜ୍ଞ ଶୁଚିଦାତାସତ୍ୟବଚନ ଧୃତବ୍ରତା

Couplet 160

ଅତିଥି ବୃଦ୍ଧ ଗୁରୁ ଅଗ୍ନିଏହାଙ୍କ ସେବା ଶିରେ ଘେନି

Couplet 161

ସର୍ବଭୂତରେ ମିତ୍ରପଣକୋପବର୍ଜିତ ସାଧୁଗୁଣ

Couplet 162

ଅଶେଷ-ଗୁଣ-ସ୍ଥାନ ଏହିସୁଶୀଳବୃତ୍ତିରେ ଜୀଅଇଁ

Couplet 163

ପିତୃ ଆଜ୍ଞାକାରୀ ବ୍ରାହ୍ମଣଏକକାଳେ ବନେ ଗମିଣ

Couplet 164

ପୁଷ୍ପ ସମିଧ ଫଳ କୁଶେଘେନି ଆସଇ ମନତୋଷେ

Couplet 165

ସ୍ତିରୀ ସହିତେ ବନେ ଥିଲାକାମୀ ଶୂଦ୍ରକୁ ଏ ଦେଖିଲା

Couplet 166

ମଧୁପାନରେ ରକ୍ତନେତ୍ରବିହ୍ୱଳ ହୋଇଅଛି ଚିତ୍ତ

Couplet 167

ନୀବି ଖସିଛି ମତ୍ତଭରେମୂଢ ଲଜ୍ଜାକୁ କରି ଦୂରେ

Couplet 168

ହାସ୍ୟ ଗାୟନ କ୍ରୀଡାରସେଲୀଳା କରଇ ତାର ପାଶେ

Couplet 169

କନ୍ଦର୍ପେ ଲିପ୍ତମନ ହୋଇଭୂଜେ ଆଲିଙ୍ଗନ କରଇ

Couplet 170

ବିପ୍ର ସ୍ତିରୀକୁ ଦେଖି କରିଇନ୍ଦ୍ରିୟବଶେ ଅନୁସରି

Couplet 171

ଏମନ୍ତେ ତାହାକୁ ଦେଖିଲାମନରେ ମୋହିତ ହୋଇଲା

Couplet 172

ଆପଣା ଆତ୍ମା ସ୍ଥିର କରିମନରେ ବହୁତ ବିଚାରି

Couplet 173

ହେଲେ ହେଁ ସତ୍ତ୍ବଗୁଣେସ୍ଥିତକନ୍ଦର୍ପେ ହୋଇଲା ପୀଡିତ

Couplet 174

ସ୍ତିରୀ-ବିଷୟେ ଅଭିରାମକପଟ ଗ୍ରହ ହୋଇ କାମ

Couplet 175

ତେଣେ ପ୍ରମତ୍ତମନ ତାରନିଜଧର୍ମକୁ କଲା ଦୂର

Couplet 176

ପୀନ-ଉରଜ ମନ ହରେସ୍ନେହରେ ସ୍ତିରୀ ବିଷୟରେ

Couplet 177

ପରିତୋଷଣ ତାକୁ କରିସେବକମତେ ଆଜ୍ଞାକାରୀ

Couplet 178

କୋମଳବାକ୍ୟେ ମନ ହରିପ୍ରସନ୍ନ ଯେମନ୍ତେ ସୁନ୍ଦରୀ

Couplet 179

ନିଜ ଯୁବତୀ କୁଳସ୍ତିରୀତେଜିଲା ବିପ୍ର ମନ୍ଦାଚାରୀ

Couplet 180

ସ୍ୱୈରିଣୀ ଅପାଙ୍ଗ ଇଙ୍ଗିତେବନ୍ଦୀ ହୋଇଲା ତାର ଚିତ୍ତେ

Couplet 181

ତା ବିନୁ ନ ଜାଣଇ ଆନତିଳେ ବିଚ୍ଛେଦ ନୋହେ ମନ

Couplet 182

ଅଧର୍ମବୁଦ୍ଧି ସେ ବ୍ରାହ୍ମଣନିରତେ ବେଶ୍ୟା ପରାୟଣ

Couplet 183

ଧର୍ମେ ଅଧର୍ମେ ଧନ ଆଣିସନ୍ତୋଷ କରଇ ସ୍ୱୈରିଣୀ

Couplet 184

ଯେଉଁ କାରଣୁ ଲଙ୍ଘି ଶାସ୍ତ୍ରସ୍ୱୈରିଣୀରତ ଅବିରତ

Couplet 185

ଗର୍ହିତକର୍ମେ ପ୍ରବର୍ତ୍ତିଲାପୂର୍ବର ଧର୍ମ ନାଶ କଲା

Couplet 186

ଏଣୁ ଏ ପାପୀ ଦ୍ୱିଜେ ନେଇଯମର ଛାମୁରେ ଦେବଇଁ

Couplet 187

ବୋଲଇ ଜଗନ୍ନାଥ ଦାସଯମଦୂତେ ବେଦ ପ୍ରକାଶ