Adhyaya 26

Couplet 1

ବିଚିତ୍ରଗତି ଲୋକଙ୍କରତୁମ୍ଭେ କହିଲ ମୁନିବର

Couplet 2

ଏ କଥା ସଂଶୟ ମୋ ମନେଏବେ କହିବା ବିଦ୍ୟମାନେ

Couplet 3

ଏବେ କହିବା ଫଳଭାବଯେମନ୍ତେ ତରଇ ଅର୍ଣ୍ଣବ

Couplet 4

ତ୍ରିଗୁଣେ ବିଚିତ୍ର ହୁଅଇଶୁଣ ପରୀକ୍ଷ ମନଦେଇ

Couplet 5

କର୍ତ୍ତାରମତେ ଫଳଯାଇଶ୍ରଦ୍ଧା-ଅଶ୍ରଦ୍ଧା ବେନି ହୋଇ

Couplet 6

ସାତ୍ତ୍ୱିକକର୍ମୀ ହୁଏ ସୁଖୀରାଜସକର୍ମୀ ସୁଖୀଦୁଃଖୀ

Couplet 7

ତାମସ ଦୁଃଖୀ ଯେ ବିମୂଢ଼ଏ ତ‌ତ୍ତ୍ୱ ବୁଝେ ନାହିଁ ମୂଢ଼

Couplet 8

ଯେତେ ଅଧର୍ମକାରୀଗଣସଦା ଯେ ତମର ଅଧୀନ

Couplet 9

ତମୋଗୁଣଙ୍କ ଏହି ବ୍ରତଲଭନ୍ତି ଫଳ ବିପରୀତ

Couplet 10

ସକଳ ଏକଭାବ ହୋଇକେବେହେଁ କେହି ନ ଭଜଇ

Couplet 11

ଏ ଅନନ୍ତରେ ଏବେ ଶୁଣନିଷିଦ୍ଧ ଅଧର୍ମ ଲକ୍ଷର

Couplet 12

ଧର୍ମ ଅଧର୍ମ ବେନି ମତଶ୍ରଦ୍ଧା ଅଶ୍ରଦ୍ଧା ଯେ ବିଦିତ

Couplet 13

ସମାନ କର୍ମଫଳମାନକାହାରି ନୁହଁଇ ରାଜନ

Couplet 14

ଯେତେ ଅବିଦ୍ୟା କାମ୍ୟକର୍ମଏହା ଲକ୍ଷଣ ପରିଣାମ

Couplet 15

ଗତି ଯେ ଶତ ଶତ ମତପ୍ରବୃତ୍ତ ହୁଏ ପରୀକ୍ଷିତ

Couplet 16

ଏହାର ଗତି ଅଗୋଚରବିସ୍ତାରି ବିର୍ଣ୍ଣବୁ ଅପର

Couplet 17

ଭୋ ମୁନି ତ୍ରିଲୋକ ବାହାରେନରକ କିବା ଅନ୍ତରାଳେ

Couplet 18

କିବା ତ୍ରିଭୁବନ ମଧ୍ୟରେକହିବା ସାବଧାନେ ମୋରେ

Couplet 19

ସେ ତ‌ତ୍ତ୍ୱ ଶୁଣ ତୁ ରାଜନକହନ୍ତି ଋଷି ହୃଷ୍ଟମନ

Couplet 20

ତ୍ରିଜଗତର ଅନ୍ତରାଳଦକ୍ଷିଣଦିଗେ ମହୀପାଳ

Couplet 21

ଭୂମିର ତଳେ ଜଳପରେଅଗ୍ନିଷ୍ୱାତ୍ତସଭା ତହିଁରେ

Couplet 22

ସକଳ ପିତୃଗଣ ଯେତେସ୍ୱଗୋତ୍ର କଲ୍ୟାଣ ନିମନ୍ତେ

Couplet 23

ଯହିଁ ବସନ୍ତି ହେ ରାଜନତହିଁ ଅନ୍ତକ ଭଗବାନ

Couplet 24

ଅନ୍ତେ ଜୀବକୁ ସେ ନିଅନ୍ତିଯମପୁରୁଷେ ଦଣ୍ତ ଦ୍ୟନ୍ତି

Couplet 25

ଦୋଷ ଯେ କର୍ମ ଅନୁସରିଯେ ପ୍ରାଣୀ ଯାହା ଥାଇ କରି

Couplet 26

ଭଗବତ-ଆଜ୍ଞା ଲଂଘିଣବିପଥେ ଯେ କରେ ଗମନ

Couplet 27

ତାହାଙ୍କୁ ନେଇ ଦଣ୍ତଧରଦଣ୍ତ ଯେ ଦିଅନ୍ତି ଅପାର

Couplet 28

ଏକବିଂଶତି ପରକାରେନରକେ ଅଛନ୍ତି ଯହିଁରେ

Couplet 29

ଯେ ରୂପ ଯେ ନାମ ଲକ୍ଷଣକହିବା ଶୁଣ ହେ ରାଜନ

Couplet 30

ଅନ୍ଧକୂପ ଯେ ଅସିପତ୍ରଶୂକରମୁଖ କାଳସୂତ୍ର

Couplet 31

ରୌରବ ମହା ଯେ ନରକଅନ୍ଧତାମିସ୍ର କୁମ୍ଭୀପାକ

Couplet 32

ତାମିସ୍ର ଯେ କୃମିଭୋଜନସନ୍ଦଂଶ ତପ୍ତସୂର୍ମି ନାମ

Couplet 33

ବଜ୍ରକଣ୍ଟକ ଶାଳମଳବଇତରଣୀ ମହୀପାଳ

Couplet 34

ପ୍ରାଣରୋଧ ଯେ ବିଶସନପୂୟୋଦ ସାରମେୟାଦନ

Couplet 35

ଅପରେ ଅବୀଚି ରାଜନଲାଳାଭକ୍ଷ ଯେ ଅୟଃପାନ

Couplet 36

ଶୂଳପ୍ରୋତ କ୍ଷାର କର୍ଦ୍ଦମଯେବା ରକ୍ଷୋଗଣ ଭୋଜନ

Couplet 37

ଅବଟନିରୋଧନ ଆରଦନ୍ଦଶୂକ ନାମେ ଅପର

Couplet 38

ସୂଚୀମୁଖ ପର୍ଯ୍ୟାବର୍ତ୍ତନଅଷ୍ଟବିଂଶତି ଏହୁ ନାମ

Couplet 39

ଏ ଯେ ନରକ ମହୀପାଳବିବିଧ ଯାତନାର ସ୍ଥଳ

Couplet 40

ପରସ୍ତିରୀ ଅପତ୍ୟ ଧନଯେ ପ୍ରାଣୀ କରଇ ହରଣ

Couplet 41

ସେ କାଳପାଶେ ବନ୍ଦୀ ହୋଇଯମର ପୁରେ ଦୁଃଖ ପାଇ

Couplet 42

ତାମିସ୍ରନରକେ ପଡ଼ଇନାନା ଯାତନା ସେ ଭୁଞ୍ଜଇ

Couplet 43

କ୍ଷୁଧା-ପିପାସାରେ ପୀଡ଼ିତହୋଇ ସେ ଦଣ୍ତରେ ତାଡ଼ିତ

Couplet 44

ନାନା ତର୍ଜନା ଯେ ପ୍ରହାରଯେତେ ଯାତନା ଭୟଙ୍କର

Couplet 45

ପରମକଷ୍ଟ ପାଇ ତହିଁକ୍ଷଣକ୍ଷଣକେ ମୋହ ଯାଇ

Couplet 46

ଅନ୍ଧତାମିସ୍ରେ ଏ ପ୍ରକାରେଯାତନା ପ୍ରାଣୀ ଭୋଗକରେ

Couplet 47

କପଟେ ପରଦାରା ହରିଯେବେ ତାମିସ୍ରୁ ନ ଉବୁରି

Couplet 48

ତେବେ ପଡ଼ଇ ସେ ଯେ ତହିଁଯାତନା-ସିନ୍ଧୁରେ ବୁଡ଼ଇ

Couplet 49

ନଷ୍ଟ ହୁଅଇ ମତି ତାରଦୃଷ୍ଟି ନାଶଇ ନୃପବର

Couplet 50

ମୁହିଁ ମୋହର ଭାବ ବହିପ୍ରାଣୀଦ୍ରୋହକୁ ଯେ ଚିନ୍ତଇ

Couplet 51

କୁଟୁମ୍ବ ପାଇଁ ହିଂସା ବହିସେ ପ୍ରାଣୀ ରୌରବେ ପଡଇ

Couplet 52

ସେ ଜୀବ ହିଂସନ୍ତି ସଂସାରେତାହାଙ୍କୁ ପର ଯେ ଲୋକରେ

Couplet 53

ରୌରବ ମୂର୍ତ୍ତି ଜୀବ ହୋଇସେଠାରେ ତାହାଙ୍କୁ ହିଂସଇ

Couplet 54

ମହାରୌରବ ଏହି ମତଯହିଁ କ୍ରୂରଜୀବ ବିଦିତ

Couplet 55

ତହିଁରେ ଯେ ପ୍ରାଣୀ ପଡ଼ଇରୌରବ-କ୍ରବ୍ୟାଦ ତା ଖାଇ

Couplet 56

ଯେ ନର ପଶୁପକ୍ଷୀମାନପ୍ରାଣ ଥାଉଁ କରେ ରନ୍ଧନ

Couplet 57

ରାକ୍ଷସୁଁ ବଳି ସେହି ହୋଇକୁମ୍ଭୀପାକରେ ସେ ପଡଇ

Couplet 58

ତପତ-ତଇଳେ ତାହାରରନ୍ଧନ ହୁଅଇ ଶରୀର

Couplet 59

କାଳସୂତ୍ର ନରକ ନାମବିସ୍ତାର ଅୟୁତ ଯୋଜନ

Couplet 60

ତାମ୍ରମୟ ଯେ ଭୂମିତାରଉପରେ ଥାଇ ଯେ ଭାସ୍କର

Couplet 61

ଅଧୋଭାଗରେ ଅଗ୍ନିଥାଇଏମନ୍ତ ନରକ ଅଟଇ

Couplet 62

ଯେ ନର ବ୍ରହ୍ମହତ୍ୟା କରେସେ ତହିଁ ପଡଇ ନିର୍ଭରେ

Couplet 63

ତପତ-ସୁବର୍ଣ୍ଣ ଫୁଟଇତହିଁ ସେ ଦଗଧ ହୁଅଇ

Couplet 64

କ୍ଷଣକେ ଉଠଇ ଲୋଟଇବସଇ ବ୍ୟାକୁଳେ ଧାମଇଁ

Couplet 65

କ୍ଷୁଧା ପିପାସା ପୀଡାମାନକ୍ଷଣକେ ହୁଏ ଅଚେତନ

Couplet 66

ପଶୁର ଦେହେ ରୋମଯେତେବର୍ଷ ତାବତ ସେହିମତେ

Couplet 67

ଅତ୍ୟନ୍ତ ଯାତନା ଭୁଞ୍ଜଇସେ ପ୍ରାଣୀ ତହିଁ କଡିଥାଇ

Couplet 68

ଯେ ନିଜ ଧର୍ମପଥ ଛାଡିବେଦବଚନ ନିନ୍ଦେ ହୁଡି

Couplet 69

ପାଷଣ୍ତ ବୋଲି ତାକୁ କହିଅସିପତ୍ରରେ ସେ ପଡଇ

Couplet 70

ଲୌହମୁନ୍ଦ୍‌ଗର ତା ଉପରେପ୍ରହାର କରନ୍ତି ନିର୍ଭରେ

Couplet 71

ଅଦୋଷେ ଦଣ୍ତନ୍ତି ଯେ ନରେପାପା ଭୁଞ୍ଜନ୍ତି ତମଘୋରେ

Couplet 72

ଅତ୍ୟନ୍ତ ପାପାରାଶି ବହିଶୂକରମୁଖେ ସେ ପଡ଼ଇ

Couplet 73

ତହିଁରେ ପୁରୋଇ ନିର୍ଭରେନାନାଆୟୁଧର ପ୍ରହାରେ

Couplet 74

ଇକ୍ଷୁଦଣ୍ତର ପ୍ରାୟ କରିତାକୁ ପେଷନ୍ତି ଦଣ୍ତଧାରୀ

Couplet 75

ଅତ୍ୟନ୍ତ କଷ୍ଟକୁ ସେ ପାଇକ୍ଷଣ କ୍ଷଣକେ ମୋହ ଯାଇ

Couplet 76

ଏ ଯେ ସଂସାରେ ନରଦେହୀକ୍ଷୁଦ୍ରପ୍ରାଣୀଙ୍କୁ ପୀଡା ଦେଇ

Couplet 77

ହିଂସଇ ଜ୍ଞାନହୀନ ମତେସନ୍ତାପ ଲଭଇ ତେମନ୍ତେ

Couplet 78

ସେ ପ୍ରାଣୀ ପରଲୋକେ ଯାଇଅନ୍ଧକୂପରେ ପଡିଥାଇ

Couplet 79

ଯେ ଗ୍ରାସ ନ ବାଣ୍ଟି ଭୁଞ୍ଜଇବାୟସ ତୁଲ୍ୟ ତାକୁ କହି

Couplet 80

ନରକ ଯେ କୃମି ଭୋଜନନରକମାନଙ୍କେ ଅଧମ

Couplet 81

ଶତ ସହସ୍ର ଯେ ଯୋଜନଯେ କୃମିକୁଣ୍ତ ପରିମାଣ

Couplet 82

ତହୁଁ ପଡ଼ଇ ସେହୁ ନରଉଗ୍ର-ଯାତନାର ଯେ ଘର

Couplet 83

କୃମିକୁ ଭକ୍ଷଇ ସେ ଜନତାକୁ ଭକ୍ଷନ୍ତି କୃମିମାନ

Couplet 84

ଯାବତ କର୍ମ କ୍ଷୟ ନୋହେତାବତ ତହିଁ ସେହୁ ରହେ

Couplet 85

ବିପ୍ରର ଦ୍ରବ୍ୟ ଯେ ହରଇସନ୍ଦଂଶେ ପୀଡା ସେ ଲଭଇ

Couplet 86

ଅଗମ୍ୟା ସ୍ତିରୀ ଯେ ରମଇତପ୍ତସୂର୍ମିରେ ସେ ପଡ଼ଇ

Couplet 87

ନାରୀ ବା ଅଗମ୍ୟ ପୁରୁଷେଚିତ୍ତ ବଳାଇ ରତି ଆଶେ

Couplet 88

ତପତ ଲୌହମୂର୍ତ୍ତିମାନତାକୁ କରାନ୍ତି ଆଲିଙ୍ଗନ

Couplet 89

ପୁରୁଷ ରୂପ ସ୍ତିରୀଠାରେସ୍ତିରୀଏ ପୁରୁଷ ବେଭାରେ

Couplet 90

ଅଗମ୍ୟ ପଶ୍ୱାଦି ଗମନକରଇ ପାଷଣ୍ତ ଜନ

Couplet 91

ବଜ୍ରକଣ୍ଟକଶାଳଳୀରେଆରୋହ କରାନ୍ତି ତାହାରେ

Couplet 92

ଯେ ରାଜପୁରୁଷ ଅପରକରନ୍ତି ଧର୍ମସେତୁ ଦୂର

Couplet 93

ଧର୍ମ ଆଚରେ ଯେହୁ ନରତାଙ୍କୁ ହିଂସନ୍ତି ଯେ ପାମର

Couplet 94

ସେ ଅନ୍ତେ ବଇତରଣୀରେପାପିଷ୍ଠେ ପଡ଼ନ୍ତି ନିର୍ଭରେ

Couplet 95

ନିରୟ ପରିଖା ଯାହାରଏମନ୍ତ ଯେଉଁ ନଦୀବର

Couplet 96

ତହିଁର ଜଳଜନ୍ତୁମାନପାପୀଙ୍କୁ କରନ୍ତି ଭକ୍ଷଣ

Couplet 97

ମୂତ୍ର ପୁରୀଷ ଯେ ଶୋଣିତନଖ ମେଦ ଅସ୍ଥି ବହୁତ

Couplet 98

ଏଥି ପଡ଼ିଣ ତାପ ପାଇବାସନା କର୍ମ ସୁମରଇ

Couplet 99

ବୃଷଳୀଗମନ ଯେ କରେଶୌଚ ଆଚାର ପରିହରେ

Couplet 100

ନିର୍ଲ୍ଲଜ୍ଜଭାବକୁ ବହଇନିତ୍ୟେ ନିୟମକୁ ଛାଡଇ

Couplet 101

ଅନ୍ତେ ସେ ପୂୟୋଦେ ପଡ଼ଇଶ୍ଲେଷ୍ମା ଯେ ମଳମୂତ୍ର ଯହିଁ

Couplet 102

ଅତି ବୀଭତ୍ସ ଯେ ଭୋଜନତାହାକୁ ଭୁଞ୍ଜଇ ସେ ଜନ

Couplet 103

ମୃଗୟାବିହାରେ ଯେ ନରପ୍ରବୃତ୍ତ ହୋଇ ବାରମ୍ବାର

Couplet 104

ମୃଗାଦି ବାଳପଶୁମାନବହୁତ ମାରନ୍ତି ରାଜନ

Couplet 105

ବିବିଧବାଣେ ଯମଦୂତତାକୁ ପ୍ରହାରନ୍ତି ବହୁତ

Couplet 106

କପଟଯଜ୍ଞେ ଯେହୁ ନରେଦମ୍ଭ ଆଚରି ପଶୁ ମାରେ

Couplet 107

ସେ ଲୋକ ବିଶସନ ନାମେନରକେ ପଡ଼ନ୍ତି ସମାନେ

Couplet 108

ପତ୍ନୀକି ରେତକୁ ପିଆଇଯେ ଜନ କାମବଶ ହୋଇ

Couplet 109

ଅମୂତ୍ର ରେତ ଯେ କୁଲ୍ୟାରେରେତକୁ ପିଆନ୍ତି ତାହାରେ

Couplet 110

ଯେ ନର ଗୃହେ ଅଗ୍ନି ଦେଇକପଟେ ଗରଳ ଭୁଞ୍ଜାଇ

Couplet 111

ସେ ପରଲୋକ ଯେବେ ଯାଇବିବିଧଯାତନା ଭୁଞ୍ଜଇ

Couplet 112

ଉଗ୍ରଦଶନ ଶ୍ୱାନ ଶତତାକୁ ଭୂଞ୍ଜନ୍ତି ଅବିରତ

Couplet 113

ସାକ୍ଷ୍ୟରେ ମିଥ୍ୟା ଯେ କହଇଅବୀଚି-ନରକେ ପଡ଼ଇ

Couplet 114

ଅଧକୁ ହୁଅଇ ତା ଶିରନରକ ଭୁଞ୍ଜଇ ପାମର

Couplet 115

ଯାହାର ଶ୍ରେଷ୍ଠ ଯେଉଁ ଜନସେ ତାଙ୍କୁ ନ କରେ ବନ୍ଦନ

Couplet 116

କ୍ଷାରକର୍ଦ୍ଦମେ ସେ ପଡ଼ଇବହୁତ ଯାତନା ଭୁଞ୍ଜଇ

Couplet 117

ଯେ ପ୍ରାଣୀ ନରମେଧ କରେଦେବତା-ସନ୍ତୋଷ-ପ୍ରକାରେ

Couplet 118

ସ୍ତିରୀ ବାଳକ ପଶୁ ମାରେଡ଼ାକିନୀରୂପେ ସେ ସଞ୍ଚରେ

Couplet 119

ସେହି ବାଳକ-ପଶୁମାନେପ୍ରବେଶି ଯମର ସଦନେ

Couplet 120

ରାକ୍ଷସରୂପକୁ ଆଚରିଶୋଣିତ ପିବନ୍ତି ତାହାରି

Couplet 121

ସେ ସ୍ତିରୀ ପୁରୁଷ ରକତଖାଇ ହୁଅନ୍ତି ମଦେ ମତ୍ତ

Couplet 122

ନାଚନ୍ତି ଗାୟନ୍ତି ହରଷେଯେମନ୍ତ ରାକ୍ଷସ-ପୁରୁଷେ

Couplet 123

ବିବିଧ ରଜ୍ଜୁର ପ୍ରକାରେଯେ ନର ଗ୍ରାମ୍ୟଅରଣ୍ୟରେ

Couplet 124

ବିଶ୍ୱାସୀ-ପଶୁଙ୍କୁ ମାରଇସେ ନର ନରକେ ପଡ଼ଇ

Couplet 125

ପାଶେ ବନ୍ଧନ ହୋଇ ସେହିକ୍ଷୁଧା-ତୃଷାରେ ପୀଡା ପାଇ

Couplet 126

ବୃକ କୁକୁର ଗୃଧ୍ରଗଣତୁଣ୍ତରେ କରନ୍ତି ତାଡନ

Couplet 127

ବିବିଧ-କ୍ଳେଶକୁ ଲଭଇଆପଣା କର୍ମ ସୁମରଇ

Couplet 128

ଉଗ୍ରସ୍ୱଭାବ ଯେଉଁ ନରେପ୍ରାଣୀଙ୍କୁ ଉଦବେଗ କରେ

Couplet 129

ନନ୍ଦଶୂକ ଘୋର ନରକେପଡ଼ନ୍ତି ଯାଇ ପରଲୋକେ

Couplet 130

ପଞ୍ଚ ବା ସପ୍ତମୁଖ ଯାରଏମନ୍ତ ଦନ୍ଦଶୂକବର

Couplet 131

ଅନେକ ଅଛନ୍ତି ତହିଁରେଭକ୍ଷନ୍ତି ସେ ପାପୀ ଶରୀରେ

Couplet 132

ଯେ ଗର୍ତ୍ତଆଦି କଷ୍ଟସ୍ଥଳେପ୍ରାଣୀଙ୍କି ଥୋଇ ଅବହେଳେ

Couplet 133

ଦ୍ୱାର ରୁନ୍ଧଇ ମୁଦ ଦେଇସେ ନର ନରକେ ପଡ଼ଇ

Couplet 134

ଗର୍ତ୍ତେ ପାମରକୁ ଥୁଅନ୍ତିସଧୂମଅଗ୍ନି ଦ୍ୱାରେ ଦ୍ୟନ୍ତି

Couplet 135

ପୂର୍ବେ ଯେ ଆସି ଯାଇ ନାହିଁଅତିଥି ଭାବରେ ଆସଇ

Couplet 136

ଗୃହେ ନ ରଖି ତାକୁ ଯେବେଅବଲୋକଇ କ୍ରୋଧଭାବେ

Couplet 137

କର୍କଶବାକ୍ୟ ତାକୁ କହିଅନ୍ତେ ସେ ନରକେ ପଡଇ

Couplet 138

ବକ୍ରତୁଣ୍ତ ଯେ ଗୃଧ୍ର କଙ୍କକାକ ସହିତେ ଯେବା ବକ

Couplet 139

ଦୀର୍ଘଚଞ୍ଚୁରେ ଚିରି ତାରଚକ୍ଷୁ ଖୋଳନ୍ତି ନୃପବର

Couplet 140

ଯେ ଅହଙ୍କାରେ ଛନ୍ନ ହୋଇପ୍ରାଣୀଙ୍କି କଟାକ୍ଷେ ଚାହଁଇ

Couplet 141

କୁଟିଳହୃଦୟ ଭାବରେଜୀବର ମନ୍ଦକୁ ଆଚରେ

Couplet 142

ଅନ୍ତେ ସେ ଯାଇ ପରଲୋକେପଡେ ନରକ ସୂଚୀମୁଖେ

Couplet 143

ତହିଁରେ ପାପୀର ଶରୀରପୀଡନ୍ତି ଯମର କିଙ୍କର

Couplet 144

ଏମନ୍ତ ପ୍ରକାରେ ରାଜନଶତଶତ-ନରକମାନ

Couplet 145

ଅଛନ୍ତି ଯମର ସଦନତହିଁ ପାପୀଙ୍କ ନିଜସ୍ଥାନ

Couplet 146

ଯେ ଯେତେ କର୍ମ ଆଚରଇସେ ରୂପେ ଫଳ ସେ ଭୁଞ୍ଜଇ

Couplet 147

ନିବୃତ୍ତି ମାର୍ଗର ଲକ୍ଷଣଆଗେ ତ କହିଛୁଁ ରାଜନ

Couplet 148

ଏ ଚତୁର୍ଦ୍ଦଶଭାଗ ହୋଇବ୍ରହ୍ମାଣ୍ତକୋଷ ଏ ବୋଲାଇ

Couplet 149

ପୁରାଣ ଅନୁମାନ କରିତୁମ୍ଭରେ କହିଲୁଁ ବିସ୍ତାରି

Couplet 150

ଯେ ଭାଗବତ ନାରାୟଣମହାପୁରୁଷ ଭଗବାନ

Couplet 151

ଗରିଷ୍ଠରୂପ ତାହାଙ୍କରମାୟାଗୁଣରେ ନୃପବର

Couplet 152

ଯେତେକ ବର୍ଣ୍ଣିଲଇଁ ମୁହିଁସକଳରୂପ ସେ ଅଟଇ

Couplet 153

ଯେ ନର ଶ୍ରଦ୍ଧାବନ୍ତ ହୋଇପଢଇ ଶୁଣଇ ଶୁଣାଇ

Couplet 154

ସେ ସାଧୁଭକ୍ତ ଶୁଦ୍ଧନରପରମଆତ୍ମା ଯେ ଈଶ୍ୱର

Couplet 155

ଅଚିନ୍ତ୍ୟରୂପଟି ଯାହାରପରମସୂକ୍ଷ୍ମରୁ ଯେ ପର

Couplet 156

ଅତିସୂକ୍ଷ୍ମରୁ ସୂକ୍ଷ୍ମତରଦେବଙ୍କୁ ଯାହା ଅଗୋଚର

Couplet 157

ସୁଗତି ଲଭଇ ସେ ଜନପରମଶ୍ରେଷ୍ଠ ତା ଜୀବନ

Couplet 158

ଦ୍ୱୀପ ବରଷ ନଦୀ ଗିରିସର୍ବ ସମୁଦ୍ର ଦଣ୍ତଧାରୀ

Couplet 159

ପାତାଳ ଦିଗ ଯେ ନରକଭାଗ ଲକ୍ଷଣ ଯେତେ ଲୋକ

Couplet 160

ଈଶ୍ୱର ସ୍ଥୂଳ ଯେ ଶରୀରଆଶ୍ରୟ ସକଳଜୀବର

Couplet 161

ଏ ସର୍ବ ବିଭାଗ ପ୍ରକାରେଭୋ ନୃପ କହିଲୁ ତୁମ୍ଭରେ

Couplet 162

କହଇ ଜଗନ୍ନାଥ ଦାସପଞ୍ଚମସ୍କନ୍ଧେ ସୁଧାରସ

Couplet 163

ସାଦରେ ପିଅ ସାଧୁପ୍ରାଣୀତରିବ ଭବତରଙ୍ଗିଣୀ

Couplet 164

ଏ ଯେ ସଂସାର-ସିନ୍ଧୁ-ଘୋରଦୁଷ୍ଟଜନରେ ଭୟଙ୍କର

Couplet 165

ପାଦପଲ୍ଲବଯୁଗ ଧରିସୁଖେ ତରିବ ଭବବାରି

Couplet 166

ତା ବିନୁ ଅନ୍ୟଗତି ନାହିଁତ୍ରାହି କରିବେ ଭାବଗ୍ରାହୀ