Adhyaya 25

Couplet 1

ପାତାଳ ତଳେ ହେ ରାଜନତିରିଶ-ସହସ୍ର-ଯୋଜନ

Couplet 2

ତାମସୀକଳା ଯେ ବିଶେଷଅନନ୍ତନାମ ପରକାଶ

Couplet 3

ଯେ ବିଷ୍ଣୁଅଂଶେ ଜନ୍ମ ହୋଇସଙ୍କରଷଣ ନାମ ବହି

Couplet 4

ଅନନ୍ତ ମୂରତି ଠାକୁରସହସ୍ରମସ୍ତକ ତାହାର

Couplet 5

ତାହାର ଏକଇ ଶିରରେମହୀମଣ୍ତଳ ଅଛି ସ୍ଥିରେ

Couplet 6

ଯେ ସୃଷ୍ଟି କରଇ ସଂହାରଭ୍ରୂକୁଟି କରିଣ କରାଳ

Couplet 7

ଏକାଦଶରୁଦ୍ର ଯେ ହୋଇସଙ୍କରଷଣ ସେ ବୋଲାଇ

Couplet 8

ତିନି ଲୋଚନ ତିନି ଶିରପ୍ରଚଣ୍ତ ଶୂଳଟି ଯାହାର

Couplet 9

ଭକ୍ତିରେ ଅହିପତିମାନଯାହାଙ୍କୁ କରନ୍ତି ବନ୍ଦନ

Couplet 10

ଯାହାର ଚରଣକମଳବିରାଜେ ନଖର ମଣ୍ତଳ

Couplet 11

ଶିରମଣିରେ ନଖପନ୍ତିଚନ୍ଦ୍ରକୁ ଜିଣି ବିରାଜନ୍ତି

Couplet 12

କୁଣ୍ତଳ-ପ୍ରଭାରେ ମଣ୍ତିତଗଣ୍ତ ମଣ୍ତଳ ହୃଷ୍ଟଚିତ୍ତ

Couplet 13

ତାହାଙ୍କ ଚରଣାରବିନ୍ଦେଚକ୍ଷୁ ନିବେଶନ୍ତେ ଆନନ୍ଦେ

Couplet 14

ପରମଭକ୍ତି ଯୋଗମତେଉଦିତ ହୋଏ ହୃଦଗତେ

Couplet 15

ଯାହାଙ୍କୁ ବିବିଧ-ବିଧାନେସେବନ୍ତି ନାଗପତ୍ନୀମାନେ

Couplet 16

ଯେ ଧରେ ରୂପ ମନୋହରବିଶୁଦ୍ଧ ଧବଳ ଶରୀର

Couplet 17

ବିପୁଳ ବକ୍ଷସ୍ଥଳ ତାରକୁଙ୍କୁମ ଚନ୍ଦନେ ରୁଚିର

Couplet 18

ହଳମୂଷଳ କରେ ଯାରକି ଅବା ଦେବା ପଟାନ୍ତର

Couplet 19

ରଜତ ସ୍ତମ୍ଭ ଭୂଜ ଦୁଇମନ୍ଦସ୍ମିତରେ ମୁଖ ଶୋହି

Couplet 20

ମଦ୍ୟେ ଘୂର୍ଣ୍ଣି‌ତ ସୁଲୋଚନବିସ୍ତାର ଅରୁଣ ବଦନ

Couplet 21

ସେ ଯେ ଅନନ୍ତ ଭଗବାନଅନନ୍ତ ଗୁଣର ନିଧାନ

Couplet 22

ସେ ଆଦିଦେବ ଯେ ଈଶ୍ୱରକ୍ରୋଧକୁ କରିଣ ସଂହାର

Couplet 23

ଲୋକପାଳନ ନିମନ୍ତରେତହିଁ ଅଛନ୍ତି ସେ ଠାକୁରେ

Couplet 24

ଉରଗ ସୁର ଯେ ଅସୁରସିଦ୍ଧ ଗନ୍ଧର୍ବ ବିଦ୍ୟାଧର

Couplet 25

ଅଶେଷ ମୁନିଗଣ ଯେତେଆନନ୍ଦେ ଯେ ଯାହାର ମତେ

Couplet 26

ଅପରେ ପାରିଷଦ ଗଣେସେବନ୍ତି ଯାହାର ଚରଣେ

Couplet 27

ନବତୁଳସୀ ଫୁଲ ଶିରେଗନ୍ଧ ଆମୋଦଇ ପ୍ରଖରେ

Couplet 28

ଗନ୍ଧେ ମଧୁକର ନିକରଧ୍ୱନି କରନ୍ତି ମନୋହର

Couplet 29

ବନମାଳାଏ କଣ୍ଠେ ଧରିକୁଣ୍ତଳ ଅତି ମନୋହାରୀ

Couplet 30

ସୁନ୍ଦର ଭୁଜ ଲମ୍ବମାନମହେନ୍ଦ୍ରବାରଣ ଯେସନ

Couplet 31

ଧ୍ୟାନ ଶ୍ରବଣ ଯୋଗସାରେମୁନି ଚିନ୍ତନ୍ତି ଯା ମନରେ

Couplet 32

କଳିକଳୁଷ କର୍ମଗ୍ରନ୍ଥିଅବିଦ୍ୟା ନାଶ ଯେ କରନ୍ତି

Couplet 33

ଶ୍ରଦ୍ଧା-ଆରତେ ଯେବା ଜନଯେବେ କରଇ ସୁମରଣ

Couplet 34

ଯେ ଏହା କରନ୍ତି ସକଳକରୁଣା ବହେ ଆଦିମୂଳ

Couplet 35

ଯାହାର ଅନୁଭବମାନନାରଦମୁନି ହେ ରାଜନ

Couplet 36

ବ୍ରହ୍ମା-ସଭାରେ ବିସ୍ତାରିଲେସକଳେ ଶୁଣି ନିସ୍ତରିଲେ

Couplet 37

ଯାହାର କଟାକ୍ଷକୁ ପାଇଉତ୍ପତ୍ତି ସ୍ଥିତି ଲୟ ହୋଇ

Couplet 38

ଯାର ମୂରତି କୃପାମୟୀସତ ଅସତ ଯାର ଦେହୀ

Couplet 39

ସୁଜନ-ମନ ହରିବାରେମୃଗେନ୍ଦ୍ର ପ୍ରାୟ ଲୀଳା କରେ

Couplet 40

ଯାହାର ନାମ ସୁମରଣଶ୍ରବଣ କୀର୍ତ୍ତନ ରାଜନ

Couplet 41

ଘୋର-ଦୁର୍ଗମେ ନର ଥାଇଯେବେ ଆରତେ ସୁମରଇ

Couplet 42

ଆପଦ ଯାଇ ତାର ଦୂରସକଳ-ପାପୁ ହୋଏ ପାର

Couplet 43

ଆଶ୍ରୟ ହୋଇଲେ ତାହାରମୋକ୍ଷକୁ ଲଭେ ସେ ନିର୍ଭର

Couplet 44

ଭୂଗୋଳ ନାନା ନଦୀ ଗିରିଦ୍ୱୀପ ସମୁଦ୍ର ଆଦି କରି

Couplet 45

ଯାହାର ମସ୍ତକେ ଜଗତସ୍ଥିରେ ଅଛଇ ପରୀକ୍ଷିତ

Couplet 46

ଅତି ବିକ୍ରମ ସେ ପୁରୁଷକେ କହୁଁ ତା ରୂପ ବିଶେଷ

Couplet 47

ଯେ ଆତ୍ମତନ୍ତ୍ର ଭଗବାନତାର ଅଶେଷ ଗୁଣଗ୍ରାମ

Couplet 48

ଲୀଳାମାତ୍ରକେ ଏ ସଂସାରଯେ ଧରିଅଛି ବିଶ୍ୱଭାର

Couplet 49

ଏମନ୍ତ ପ୍ରଭାବ ଯାହାରଦୁରିତହାରୀ ସେ ଠାକୁର

Couplet 50

ଏବେ କହିଲୁ ଜୀବଗତିକର୍ମରୁ ଯେ ଯାହା ଭୁଞ୍ଜନ୍ତି

Couplet 51

ଯାହାର ସ୍ଥାନଟି ଯେମନ୍ତସକଳ କରିଲୁଁ ବିଦିତ

Couplet 52

ଯାହାର ଯେମନ୍ତ ଲକ୍ଷଣଯେ ଧର୍ମ ଯାର ଆଚରଣ

Couplet 53

ଯେ ଉଚ୍ଚ-ନୀଚ ଜୀବଜନ୍ତୁଯାହାର ଯେ କର୍ମ ଯେହେତୁ

Couplet 54

ତୁମ୍ଭ ପ୍ରଶନ ଅନୁସାରେସକଳ କହିଲୁ ତୁମ୍ଭରେ

Couplet 55

ଏବେ କି ତୁମ୍ଭ ଅଭିଳାଷଅପରେ କହିବୁଁ ବିଶେଷ

Couplet 56

ଅଖିଳ-ବ୍ରହ୍ମାଣ୍ତ-କାରଣଅନାଦି ପ୍ରଭୁ ନାରାୟଣ

Couplet 57

ସେ ପ୍ରଭୁ ଚରଣେ ମୋ ମତିଅନବରତେ ହେଉ ସ୍ଥିତି

Couplet 58

କହଇ ଜଗନ୍ନାଥ ଦାସହରିଚରିତ ସୁଧାରସ

Couplet 59

ସୁଜନେ ଶୁଣ ଦେଇମନଫିଟିବ ଭବର ବନ୍ଧନ