Adhyaya 24

Couplet 1

ଆଦିତ୍ୟଠାରୁ ଅଧୋମେଳେଅୟୁତ ଯୋଜନର ତଳେ

Couplet 2

ଭ୍ରମ ଆକାରେ ରାହୁ ସ୍ଥିତିଏମନ୍ତ କେ ଅବା କହନ୍ତି

Couplet 3

ସ୍ୱଭାବେ ସିଂହିକାନନ୍ଦନଏଟି ଅସୁର ଭୋ ରାଜନ

Couplet 4

ଯେଣୁ ପ୍ରଭୁର କୃପା ହୋଇଅଜରାମର ଏହା ଦେହୀ

Couplet 5

ଏହାର ଜନ୍ମକର୍ମମାନପଛେ କହିବା ହେ ରାଜନ

Couplet 6

ଅଧୋଭାଗରେ ଯେ ପଡ଼ଇତରଣିମଣ୍ତଳ ହୁଅଇ

Couplet 7

ଅୟୁତଯୋଜନ ବିସ୍ତାରଲୋକରେ ଖ୍ୟାତ ନୃପବର

Couplet 8

ଦ୍ୱାଦଶ ସହସ୍ରଯୋଜନଚନ୍ଦ୍ରମଣ୍ତଳ ପରିମାଣ

Couplet 9

ତ୍ରୟୋଦଶସସ୍ରଯୋଜନରାହୁମଣ୍ତଳ ଯେ ବିସ୍ତୀର୍ଣ୍ଣ

Couplet 10

ଏ ରାହୁ ସୁଧାପାନ ବେଳେଚନ୍ଦ୍ର-ସୂର୍ଯ୍ୟଙ୍କ ମଧ୍ୟେ ମିଳେ

Couplet 11

ତା ଦୁହେଁ କଲେ ବ୍ୟବଧାନତାହା ଜାଣିଲେ ଭଗବାନ

Couplet 12

ବୈରାନୁବନ୍ଧଭାବେ ତହିଁଚନ୍ଦ୍ର-ସୂର୍ଯ୍ୟ ଗ୍ରାସିବାପାଇଁ

Couplet 13

ଧାମଇଁ ବେଗବନ୍ତ ହୋଇତା ଦେଖି ବ୍ରହ୍ମାଣ୍ତଗୋସାଇଁ

Couplet 14

ରକ୍ଷା ନିମନ୍ତେ ସୁଦର୍ଶନରଖି ଅଛନ୍ତି ଭଗବାନ

Couplet 15

ଚକ୍ରର ଅତିତେଜ ପାଇଁନିକଟୁ ନିବୃତ୍ତ ହୁଅଇ

Couplet 16

ଚକିତ ହୋଇଣ ତାହାରଉଦ୍‌ବେଗ ହୁଅଇ ଅନ୍ତର

Couplet 17

ତାହାକୁ ଉପରାଗ ନାମଏ ଲୋକେ କରନ୍ତି ଗାୟନ

Couplet 18

ତାହାର ତଳେ ନୃପବରସିଦ୍ଧ ଚାରଣ ବିଦ୍ୟାଧର

Couplet 19

ଏହାଙ୍କ ସଦନ ନିର୍ମିତଏହାର ତଳେ ପରୀକ୍ଷିତ

Couplet 20

ଯକ୍ଷ ପିଶାଚ ଭୂତ ପ୍ରେତଏହାଙ୍କ ଗୃହ ଯେ ନିର୍ମିତ

Couplet 21

ଯାବତ ବାୟୁର ସଞ୍ଚାରଯାବତ ଗତି ଜଳଧର

Couplet 22

ଭୂମିମଣ୍ତଳ ହେ ରାଜନତା ତଳେ ଶତେକଯୋଜନ

Couplet 23

ଗମନ କରନ୍ତି ଶୂନ୍ୟରେସୁପର୍ନାଦି ପକ୍ଷୀବରେ

Couplet 24

ଭୂମିମଣ୍ତଳର ବର୍ଣ୍ଣ‌ନକହିତ ଅଛୁ ହେ ରାଜନ

Couplet 25

ଅବନୀତଳର ବେଭାରକହିବା ଶୁଣ ନୃପବର

Couplet 26

ସପତଭୂବିବରେ କରିସପ୍ତଭୁବନ ଦଣ୍ତଧାରୀ

Couplet 27

ଅତଳ ବିତଳ ସୁତଳତଳାତଳ ଯେ ମହାତଳ

Couplet 28

ରସାତଳ ଯେ ମହୀପାଳସପ୍ତମେ ବିଦିତ ପାତାଳ

Couplet 29

କ୍ରମେ ଏ ଅୟୁତଯୋଜନଏକ ଏକର ଯେ ପ୍ରମାଣ

Couplet 30

ବିଳସ୍ୱର୍ଗ ନାମ ଏହାରସ୍ୱର୍ଗୁ ଅଧିକ ସୁଖକର

Couplet 31

କାମ ଐଶ୍ୱର୍ଯ୍ୟ ନାନାଭୋଗପରମାନନ୍ଦ ସୁଖଯୋଗ

Couplet 32

ନାନା ରତ୍ନରେ ଦିବ୍ୟପୁରସୌରଭେ ଭୁବନ ସୁନ୍ଦର

Couplet 33

ବିବିଧ-କ୍ରୀଡାର ମନ୍ଦିରସୁସଞ୍ଚସ୍ଥଳ ମନୋହର

Couplet 34

ଏ ସ୍ଥଳେ କ୍ରୀଡନ୍ତି ଆନନ୍ଦେସେ ସ୍ଥଳବାସୀ ଜୀବବୃନ୍ଦେ

Couplet 35

କାଦ୍ରବ ଦାନବ ଦଇତ୍ୟେଅପତ୍ୟ ପତ୍ନୀର ସହିତେ

Couplet 36

ଗନ୍ଧର୍ବ ବିଦ୍ୟାଧର ଯେତେଅପ୍‌ସରାଗଣଙ୍କ ସହିତେ

Couplet 37

ମାୟାବୀ ମୟଦୈତ୍ୟ ଯହିଁନିର୍ମାଣ କରି ଯେ ଅଛଇ

Couplet 38

ନାନାମଣିରେ ଦିବ୍ୟପୁରବିଚିତ୍ର ବୈଦୂର୍ଯ୍ୟର ଘର

Couplet 39

ସଭା ଚତ୍ୱର ଯେ ଗୋପୁରବିବିଧ ନାନାମଣି ସାର

Couplet 40

ମିଥୁନ ଶୁକ ପାରାବତକୃତ୍ରିମ-ମଣିରେ ନିର୍ମିତ

Couplet 41

ଶାରିକାଆଦି ପକ୍ଷୀମାନବିବିଧ ପ୍ରକାର ଭିଆଣ

Couplet 42

ମଣିସଦନ ଉଚ୍ଚ ସାରଶୋହଇ ଅତି ମନୋହର

Couplet 43

ବିଚିତ୍ର-ଚିତ୍ର ଉପବନସୌରଭ ହରେ ପ୍ରାଣୀମନ

Couplet 44

କୁସୁମ ଫଳ ଅତିଭରେବିଟପୀ ଲାଗନ୍ତି ଭୂମିରେ

Couplet 45

କୋମଳ ପଲ୍ଲବ ସୁରଙ୍ଗପକ୍ଷୀମିଥୁନ ଯହିଁ ସଙ୍ଗ

Couplet 46

ବିବିଧ ଜଳାଶୟମାନକ୍ରୀଡନ୍ତି ନାନା ବିହଙ୍ଗମ

Couplet 47

ଧ୍ୱନି କରନ୍ତି ମନୋହରଋଷିଙ୍କ ତପ କ୍ଷୋଭକର

Couplet 48

ନୀରଜ କୁମୁଦ କହ୍ଲାରଏହାଙ୍କ ବନେ ତାଙ୍କ ଘର

Couplet 49

ସେ ପକ୍ଷୀଗଣ ଦିବ୍ୟସ୍ୱନଶ୍ରବଣେ ହରେ ପ୍ରାଣୀମନ

Couplet 50

ସ୍ୱର୍ଗହୁଁ ଅତି ମନୋହରସେ ସ୍ଥାନମାନ ନୃପବର

Couplet 51

ଅହିଙ୍କ ଶିରେ ମଣିମାନଯହିଁ ହରଇ ଅନ୍ଧତମ

Couplet 52

ସେ ଭୂମି ଅତି ଅନୁପମତହିଁ ତ ନାହିଁ ରାତ୍ରଦିନ

Couplet 53

ଆଧିର ପରାଭବ ନାହିଁଦେହରେ ରୋଗ ନ ଲାଗଇ

Couplet 54

ପୁରୁଷ-ଯୁବତୀମାନରଏଣୁ ଯେ ସୁନ୍ଦର ଶରୀର

Couplet 55

ତେଣୁ ସେ ଶରୀର-ଭେଦରେଶରୀରକାନ୍ତି ନାହିଁ ସରେ

Couplet 56

ଯଶ-ସମ୍ପଦ ତାଙ୍କ ତହିଁନିତ୍ୟ ପ୍ରକାଶ ଅଛି ଯହିଁ

Couplet 57

ତହିଁର ନରନାରୀମାନପରମମଙ୍ଗଳ ଭାଜନ

Couplet 58

ଶ୍ରୀହରି ଚକ୍ର ବିନୁ ତହିଁଅବସ୍ଥା ମୃତ୍ୟୁ ଭୟ ନାହିଁ

Couplet 59

ଅତଳେ ଅଛି ମହୀପାଳମୟର ପୁତ୍ର ନାମ ବଳ

Couplet 60

ତାହାର ମାୟା ଦୃଢ଼ତରେଅଦ୍ୟାପି ସଂସାରେ ପ୍ରଚରେ

Couplet 61

ବଳାସୁର ଜୃମ୍ଭଣେ ଜନ୍ମିସ୍ୱୈରିଣୀ ପୁଂଶ୍ଚଳୀ କାମିନୀ

Couplet 62

ହାଟକ ନାମେ ମାୟାରସତାହାକୁ ପିଅନ୍ତେ ପୁରୁଷ

Couplet 63

ବିଳାସ-ଅବଲୋକନରେନାନା ପ୍ରକାରେ କ୍ରୀଡା କରେ

Couplet 64

ଅୟୁତ-ମହାଗଜବଳହୁଅଇ ତହୁଁ ପୁରୁଷର

Couplet 65

ବିତଳେ ଶମ୍ଭୁଭଗବାନହାଟକେଶ୍ୱର ଯାର ନାମ

Couplet 66

ପ୍ରଜାପତି-ସୃଷ୍ଟି ନିମନ୍ତେଅଛନ୍ତି ଭବାନୀ ସହିତେ

Couplet 67

ଏହାଙ୍କ ବୀର୍ଯ୍ୟୁ ଜାତ ହୋଇହାଟକୀ ନାମେ ନଦୀ ବହି

Couplet 68

ତାର ସଂସର୍ଗୁ ଜାତ ହୋଇସୁବର୍ଣ୍ଣ ହାଟକ ବୋଲାଇ

Couplet 69

ଅସୁରଙ୍କର ବଧୂଗଣତାହାକୁ କରନ୍ତି ଭୂଷଣ

Couplet 70

ବିରୋଚନଙ୍କ ପୁତ୍ର ବଳିଅଛନ୍ତି ସୁତଳରେ ମିଳି

Couplet 71

ଉଦାରଶ୍ରବା ପୁଣ୍ୟଶ୍ଳୋକଯାହାକୁ ବୋଲନ୍ତି ତ୍ରିଲୋକ

Couplet 72

ଇନ୍ଦ୍ରର ପ୍ରିୟଭାବ ବହିଅଖିଳ-ବ୍ରହ୍ମାଣ୍ତ-ଗୋସାଇଁ

Couplet 73

ଅଦିତି ତହୁଁ ଜାତ ହୋଇବଟୁବାମନ ରୂପ ବହି

Couplet 74

ନାନା-ସମ୍ପଦ ତାର ହରିପୁଣି ଦୟାକଲେ ମୁରାରି

Couplet 75

ଇନ୍ଦ୍ରାଦିସୁର ତହୁଁ ବଳିସମ୍ପତ୍ତି ଦେଲେ ବନମାଳୀ

Couplet 76

ପୂଜ୍ୟ ଅଖିଳ ଦେବଙ୍କରଅନାଦି-ପ୍ରଭୁ ଯେ ଈଶ୍ୱର

Couplet 77

ସ୍ୱକର୍ମେ ତାଙ୍କୁ ଆରାଧିଣସୁଖେ ସେ ଅଛନ୍ତି ରାଜନ

Couplet 78

ସେ ସର୍ବବୀଜ ଭଗବାନପରମଆତ୍ମା ସୂକ୍ଷ୍ମ ବ୍ରହ୍ମ

Couplet 79

ଯେ ତୀର୍ଥପଦ ଜଗନ୍ନାଥସକଳ-ଦେଶକାଳ-ପାତ୍ର

Couplet 80

ତାହାଙ୍କୁ ଶ୍ରଦ୍ଧାଯୁକ୍ତ ହୋଇସ୍ଥିରମନରେ ଭୂମି ଦେଇ

Couplet 81

ବିଳସ୍ୱର୍ଗକୁ ଭୋଗ କରେନାନା-ଐଶ୍ୱର୍ଯ୍ୟର ବେଭାରେ

Couplet 82

ଯାଚଞ୍ଜା ଛଳେ ଯେ ଉପାୟେତହିଁରେ କରି ଦେବରାୟେ

Couplet 83

ତ୍ରିଲୋକ ବ୍ୟାପିଲେ ଶରୀରେଶେଷ ନରହିଲା ସଂସାରେ

Couplet 84

ଯେ ଇନ୍ଦ୍ରେ ଅନୁଗ୍ରହ କରିଇନ୍ଦ୍ରର ଭ୍ରାତୃଭାବ ଧରି

Couplet 85

ଜନ୍ମିଲେ ବ୍ରହ୍ମାଣ୍ତଠାକୁରଯାହା ନିମନ୍ତେ ନୃପବର

Couplet 86

ସେ ସର୍ବଭାବ ଭଗବାନଅଖିଳ-ଗୁରୁ ନାରାୟଣ

Couplet 87

ଯାହାର ଦ୍ୱାରେ ଗଦା ଧରିଅଛନ୍ତି ପ୍ରଭୁ ଯେ ଉଭାରି

Couplet 88

ତାହାର ଅଧୋଦେଶେ ଯେହିତଳାତଳ ନାମ ବୋଲାଇ

Couplet 89

ମୟଦାନବ ଯେ ପୂର୍ବରେଦ୍ରୋହ ଚିନ୍ତିଲା ଚକ୍ରଧରେ

Couplet 90

ସ୍ୱପୁର ତ୍ରୟ ଦଗ୍‌ଧ କଲାତେଣୁ ସେ ବରକୁ ଲଭିଲା

Couplet 91

ମାୟାବୀମାନଙ୍କର ବରଐଶ୍ୱର୍ଯ୍ୟ ଲଭି ସେ ଅସୁର

Couplet 92

ଅଭୟ ବରକୁ ସେ ପାଇତଳାତଳରେ ଯେ ଅଛଇ

Couplet 93

ସୁଦରଶନ ଚକ୍ର ଡରେଶରଣ ପଶିଲା ଶମ୍ଭୁରେ

Couplet 94

ସେ ଭୟ ତାର ଦୂର କରିରଖିଲେ ଶିବ ଶୂଳଧାରୀ

Couplet 95

ନିର୍ଭୟ ହୋଇ ସେ ଦାନବସେ ସ୍ଥଳେ ଭୁଞ୍ଜଇ ବିଭବ

Couplet 96

ତାହାର ଅଧୋଭାଗ ଦେଶେମହାତଳପୁର ପ୍ରକାଶେ

Couplet 97

ତହିଁରେ ନାନା ନାଗ ଆଦିକ୍ରୋଧବଶ ନାମ ପ୍ରସିଦ୍ଧି

Couplet 98

କୁହକ କାଳୀୟ ସୁଷେଣତକ୍ଷକ ପ୍ରଧାନ ଏମାନ

Couplet 99

ସୁଦୀର୍ଘକାୟ ବଳବନ୍ତତହିଁ ଅଛନ୍ତି ପରୀକ୍ଷିତ

Couplet 100

ନିତ୍ୟ ସେ ଗରୁଡ଼ଙ୍କ ଭୟେଉଦ୍‌ବେଗ ହୋଏ ତାଙ୍କ କାୟେ

Couplet 101

ଦାରା ତନୟ ବନ୍ଧୁ ସଙ୍ଗେବିହାର କରନ୍ତି ସେ ରଙ୍ଗେ

Couplet 102

ତାହାର ତଳେ ମହୀପାଳଯେ ପୁର ନାମ ରସାତଳ

Couplet 103

ଦୈତ୍ୟ-ଦାନବ ପତିମାନକବଚ କାଳେୟ ହିରଣ୍ୟ

Couplet 104

ଅତ୍ୟନ୍ତ-ବଳବନ୍ତ ହୋନ୍ତିଦେବଙ୍କ ଦ୍ରୋହ ସେ ଚିନ୍ତନ୍ତି

Couplet 105

ସକଳ ଲୋକର କାରଣମହାପୁରୁଷ ନାରାୟଣ

Couplet 106

ମହାନୁଭାବ ସେ ଯେ ହରିତାହାଙ୍କ ଅତିତେଜେ କରି

Couplet 107

ଗୃହୀତବଳ ସେ ଦାନବେସେ ସ୍ଥଳେ ଥାନ୍ତି ଉଦବେଗେ

Couplet 108

ଇନ୍ଦ୍ରଦୂତୀର ବାକ୍ୟ ଶୁଣିନିତ୍ୟେ ଡରନ୍ତି ନୃପମଣି

Couplet 109

ତାହାର ତଳେଟି ପାତାଳତହିଁ ଅଛନ୍ତି ନାଗବଳ

Couplet 110

ବାସୁକି ଆଦି ନାଗବଳଶଙ୍ଖ କୁଳିକ ଯେ କମ୍ବଳ

Couplet 111

ମହାଶଙ୍ଖ ଯେ ଆରାଶ୍ୱେତଧନଞ୍ଜୟ ଯେ ଦେବଦତ୍ତ

Couplet 112

ଧୃତରାଷ୍ଟ୍ର ଯେ ଶଙ୍ଖଚୂଡ଼ଯେ ମହାଭୋଗୀ ଅଶ୍ୱତର

Couplet 113

ଏ ଯେତେ ମହାଭୋଗୀମାନେବସନ୍ତି ପାତାଳଭୁବନେ

Couplet 114

ପଞ୍ଚ-ସପତ-ଦଶଶିରଅନେକ-ଫଣା ତାହାଙ୍କର

Couplet 115

ଏହାଙ୍କ ମହାମଣିମାନପ୍ରକାଶେ ଆଦିତ୍ୟ ଯେସନ

Couplet 116

ପାତାଳ ବିବର ତିମିରସ୍ୱତେଜେ କରନ୍ତି ଯେ ଦୂର

Couplet 117

ରାଜନ ସପତପାତାଳକହିଲୁ ଯେଝା ବାସସ୍ଥଳ

Couplet 118

ପଞ୍ଚମସ୍କନ୍ଧେ ଏ ବର୍ଣ୍ଣ‌ନସୂଜନେ ସାବଧାନେ ଶୁଣ

Couplet 119

କୃଷ୍ଣଚରଣେ ମନ ଦିଅସୁଜନେ ନିତ୍ୟେ ଏହା ଗାଅ

Couplet 120

କୃଷ୍ଣପଦାରବିନ୍ଦ ରସସ୍ନେହରେ କର ଏହା ଗ୍ରାସ

Couplet 121

କହଇ ଜଗନ୍ନାଥ ଦାସଶ୍ରୀଭାଗବତ ସୁଧାରସ