Adhyaya 23

Couplet 1

ଏଥୁ ଅନ୍ତରେ ହେ ରାଜନତ୍ରୟୋଦଶଲକ୍ଷଯୋଜନ

Couplet 2

ସେ ସ୍ଥାନ ବିରାଜଇ ତହିଁବିଷ୍ଣୁର ସ୍ଥଳ ତାକୁ କହି

Couplet 3

ଯହିଁ ପରମ-ଭାଗବତଧ୍ରୁବ ଉତ୍ତାନପାଦସୁତ

Couplet 4

ଅଛନ୍ତି କଶ୍ୟପ ସଙ୍ଗତେକାଳଯଷ୍ଟିର ସେବାମତେ

Couplet 5

କଳ୍ପେ ପର୍ଯ୍ୟନ୍ତେ ସୁଖଭୋଳେପ୍ରଭୁଙ୍କୁ ଭଜନ୍ତି ନିଶ୍ଚଳେ

Couplet 6

ସେ ଭାଗବତ ଧୃବବାଣୀପୂର୍ବେ କହିଛୁଁ ନୃପମଣି

Couplet 7

ଗ୍ରହ ନକ୍ଷତ୍ର-ଜ୍ୟୋତିର୍ଗଣଧ୍ରୁବର ସହିତେ ରାଜନ

Couplet 8

ଈଶ୍ୱରସୃଷ୍ଟି ଅନୁସାରେଏବେ ଦିଶଇ ସେ ଲୋକରେ

Couplet 9

କାଳଚକ୍ରରେ ଭ୍ରମେ ଜାଣବେଗେ ଭ୍ରମନ୍ତି ଅନୁକ୍ଷଣ

Couplet 10

ମେରିରେ ପଶୁଗଣ ଯେହ୍ନେସକଳେ ଭ୍ରମନ୍ତି ତେସନେ

Couplet 11

ମଣ୍ତଳଆକାରରେ ତହିଁଯେ ଯାହା ସ୍ଥାନରେ ଭ୍ରମଇଁ

Couplet 12

ନକ୍ଷତ୍ର-ଗ୍ରହ ଆଦି ଯେତେଏହି ପ୍ରକାରେ ସେ ସମସ୍ତେ

Couplet 13

କାଳର ଚକ୍ରେ ଯେ ଭ୍ରମଣବାହାର-ଅନ୍ତରେ ଭ୍ରମିଣ

Couplet 14

କଳ୍ପାନ୍ତଯାଏଁ ସେ ପ୍ରକାରେଅଛନ୍ତି ବିବିଧ-ବେଭାରେ

Couplet 15

ଶୂନ୍ୟମଣ୍ତଳେ ମେଘମାଳେଯେସନେ ଥାନ୍ତି ବାୟୁବଳେ

Couplet 16

ଯେହ୍ନେ ଶ୍ୱେନାଦି ପକ୍ଷୀମାନେପବନବଳେ ଥାନ୍ତି ଶୂନ୍ୟେ

Couplet 17

କର୍ମଅଧୀନେ ଜ୍ୟୋତିର୍ଗଣେଶୂନ୍ୟରେ ଭ୍ରମନ୍ତି ତେସନେ

Couplet 18

ପ୍ରକୃତିପୁରୁଷଙ୍କ ଭୋଗତହିଁରେ ହୁଅନ୍ତି ସଂଯୋଗ

Couplet 19

କର୍ମବନ୍ଧନ ନିମିତ୍ତରେପତନ ନୁହଁନ୍ତି ଭୂମିରେ

Couplet 20

ଏ ଅନନ୍ତରେ ନୃପବରଏ ଜ୍ୟୋତିଶ୍ଚକ୍ର ଶିଶୁମାର

Couplet 21

ଏମନ୍ତ କରି କେ ବର୍ଣ୍ଣଇକହିବା ଶୁଣ ମନ ଦେଇ

Couplet 22

ଯେ ପ୍ରଭୁ ଅଖିଳ କାରଣଶ୍ରୀବାସୁଦେବ ନାରାୟଣ

Couplet 23

ତାହାଙ୍କ ଯୋଗର ମୂରତିଶରୀର କୁଣ୍ତଳ ଆକୃତି

Couplet 24

ଅଧୋବଦନ ତାହାଙ୍କରପୁଚ୍ଛରେ ନିବାସ ଧ୍ରୁବର

Couplet 25

ଲାଙ୍ଗୁଳେ ପ୍ରଜାପତି ବାସଅନଳ ଧର୍ମ ଯେ ସୁରେଶ

Couplet 26

ଧାତା ବିଧାତା ପୁଚ୍ଛମୂଳେସପତଋଷି କଟିସ୍ଥଳେ

Couplet 27

ଦକ୍ଷିଣାବର୍ତ୍ତ ପ୍ରାୟ ହୋଇକୁଣ୍ତଳ ଆକାର ସେ ଦେହୀ

Couplet 28

ତାର ଦକ୍ଷିଣଅଂଶଗତେନକ୍ଷତ୍ରମାନ ଯେ ସମସ୍ତେ

Couplet 29

ଅଭିଜିତ ଆଦି ଏ ଗଣବାମପାରୁଶେ ତାଙ୍କ ସ୍ଥାନ

Couplet 30

ପୁନର୍ବସୁ ଯେ ପୁଷ୍ୟା ଦୁଇବାମ-ଦକ୍ଷିଣ-ଶ୍ରେଣୀ ତହିଁ

Couplet 31

ଆକାଶଗଙ୍ଗା ଯେ ପୃଷ୍ଠରେବିରାଜେ ଅତି ଶୁଭ୍ରତରେ

Couplet 32

ବାମ ଦକ୍ଷିଣ ପାଦଦେଶେଆରାଦ୍ରା ଅଶ୍ଳେଷା ପ୍ରକାଶେ

Couplet 33

ଉତ୍ତରାଷାଢ଼ା ଅଭିଜିତସବ୍ୟ-ଦକ୍ଷିଣ-ଘ୍ରାଣେସ୍ଥିତ

Couplet 34

ଶ୍ରବଣା ପୂର୍ବାଷାଢ଼ା ଦୁଇବାମ-ଦକ୍ଷିଣ-ନେତ୍ରେ ରହି

Couplet 35

ଧନିଷ୍ଠା ମୂଳା ବେନିଜନେଦକ୍ଷିଣ ବାମ ବେନିକର୍ଣ୍ଣେ

Couplet 36

ମଘାଦି ଆଠ ଯେ ବିଦିତବାମ ଅସ୍ଥିରେ କ୍ରମେସ୍ଥିତ

Couplet 37

ମୃଗଶିରାଦି ଦକ୍ଷିଣରେଜ୍ୟେଷ୍ଠା ଶତଭିଷା ସ୍କନ୍ଧରେ

Couplet 38

ଉତ୍ତର ଅଧର ହନୁରେଅଗସ୍ତି ଶମନ କ୍ରମରେ

Couplet 39

ମୁଖରେ ଅଙ୍ଗାରକ ଶୋହେଉପସ୍ଥେ ଶନିଶ୍ଚର ରହେ

Couplet 40

ଆଦିତ୍ୟ ବକ୍ଷସ୍ଥଳେ ବସେବୃହସ୍ପତି କକୁଦଦେଶେ

Couplet 41

ହୃଦୟେ ନାରାୟଣ ସ୍ଥିତିଚନ୍ଦ୍ରମା ମନରେ ବସନ୍ତି

Couplet 42

ନାଭିରେ ଉଶନା ପ୍ରକାଶସ୍ତନରେ ଅଶ୍ୱିନୀର ବାସ

Couplet 43

ପ୍ରାଣ-ଅପାନେ ବୁଧ ବସେଗଳାରେ ରାହୁ ଯେ ପ୍ରକାଶେ

Couplet 44

ସର୍ବ ଅଙ୍ଗରେ କେତୁସ୍ଥାନଏ ଅନୁକ୍ରମେ ହେ ରାଜନ

Couplet 45

ରୋମମୂଳରେ ତାରାଗଣବିଚିତ୍ରରୂପ ନାରାୟଣ

Couplet 46

ଏ ରୂପେ ସର୍ବଦେବ ସେହିଯେ ଜନ ଶୁଚିମନ୍ତ ହୋଇ

Couplet 47

ସନ୍ଧ୍ୟାରେ ଦେଖି ସ୍ତବ କରେଅଶେଷ ପାପୁଁ ସେ ନିସ୍ତରେ

Couplet 48

ଏ ସ୍ତବ ତୁଣ୍ତେ ଉଚ୍ଚାରିଣସ୍ତୁତି କରିବ ସାବଧାନ

Couplet 49

ନମଇଁ ଜ୍ୟୋତିର୍ଲୋକମୟକାଳ ଅଦ୍‌ଭୁତ ଯାର ଦେହ

Couplet 50

ସକଳଦେବ-ସ୍ୱାମୀ ତୁହିତୋ ପାଦେ ଆନନ୍ଦେ ନମଇଁ

Couplet 51

ଗ୍ରହ ନକ୍ଷତ୍ର ରାଶିଗଣସର୍ବାଧି-ଦେବ ନାରାୟଣ

Couplet 52

ତ୍ରିକାଳସନ୍ଧ୍ୟାରେ ଯେ ନରସ୍ମରଣେ କରେ ନମସ୍କାର

Couplet 53

ଅହୋରାତ୍ରର ପାପ ତାରଦହନ ହୋଏ ନୃପବର

Couplet 54

ସେ ପ୍ରଭୁ ସ୍ୱୟଂ ଯୋଗେଶ୍ୱରଅନାଦି ବ୍ରହ୍ମାଣ୍ତ ଠାକୁର

Couplet 55

ତାହାଙ୍କ ଚରଣ କମଳେମୋ ଚିତ୍ତ ରହୁ ନିରନ୍ତରେ

Couplet 56

କହଇ ଦାସ ଜଗନ୍ନାଥଭାଷା ପ୍ରବନ୍ଧେ ଭାଗବତ