Adhyaya 22

Couplet 1

ଭୋ ମୁନି ଏଥିର ତଦନ୍ତଶୁଣିଳେ ଯିବଇଁ ପ୍ରତୀତ

Couplet 2

ଆଦିତ୍ୟଦେବ ଯଥୋଚିତେମେରୁ ପ୍ରଦକ୍ଷିଣ କରନ୍ତେ

Couplet 3

ଦ୍ୱାଦଶରାଶିଙ୍କ ସମ୍ମୁଖେଭୋଗ ସେ କରନ୍ତି ପ୍ରତ୍ୟକ୍ଷେ

Couplet 4

ଆଦିତ୍ୟଗତି ବ୍ୟଗ୍ରତରତହିଁରେ କେମନ୍ତେ ସଞ୍ଚାର

Couplet 5

ଏଣେ ତ ମୋହର ସନ୍ଦେହଭୋ ମୁନି ତଦନ୍ତ ତୁ କହ

Couplet 6

ଯେ କାଳରୂପୀ ଭଗବାନଲୋକଙ୍କ ମଙ୍ଗଳ କାରଣ

Couplet 7

ବେଦମୟବପୁ ଆପଣଦ୍ୱାଦଶ ଭାବେ କରିଭିନ୍ନ

Couplet 8

ସୂର୍ଯ୍ୟଙ୍କ ରୂପକୁ ଯେ ଧରିଅଛନ୍ତି ଅନ୍ତରୀକ୍ଷ ପୂରୀ

Couplet 9

ତାଙ୍କ ପ୍ରଭାବେ ଋତୁମାନକରନ୍ତି ଶୀତାଦି ବିଧାନ

Couplet 10

ପ୍ରଭୁଙ୍କ ଏମନ୍ତ ବିଧାନଚିନ୍ତନ୍ତି ବେଦବିଦମାନ

Couplet 11

ବିର୍ଣ୍ଣାଶ୍ରମାଚାରୀ ଉକତହୁଅନ୍ତି ଇନ୍ଦ୍ରାଦି ଭକତ

Couplet 12

ତାହାଙ୍କ ମତେ ଭଗବାନଇନ୍ଦ୍ରାଦି ରୂପେ ଅବତୀର୍ଣ୍ଣ

Couplet 13

ଲୋକଙ୍କ ଆତ୍ମା ଏ ଆଦିତ୍ୟଆକାଶ ମଣ୍ତଳେ ବିଦିତ

Couplet 14

ସ୍ୱର୍ଗ ପୃଥିବୀ ମଧ୍ୟେ ରହିନିରତେ ଆକାଶେ ଭ୍ରମଇଁ

Couplet 15

କୁରାଳଚକ୍ର ପ୍ରାୟେ ହୋଇଆଦିତ୍ୟ ରଥ ଯେ ଭ୍ରମଇଁ

Couplet 16

ରାଶି ନକ୍ଷତ୍ର ଆଦି ଯେତେତହିଁରେ ଭ୍ରମନ୍ତି ସମସ୍ତେ

Couplet 17

କୁରାଳଚକ୍ରର ସହିତେପିପିଲିକାଦି ଜନ୍ତୁମତେ

Couplet 18

ସେ କାଳଚକ୍ର ଏକ ଦେଶେଭ୍ରମନ୍ତି ଯେ ଯାହା ପ୍ରକାଶେ

Couplet 19

ଧ୍ରୁବ ସୁମେରୁ ପ୍ରଦକ୍ଷିଣକରି ଭ୍ରମନ୍ତି ଅନୁକ୍ଷଣ

Couplet 20

ଆଦି ପୁରୁଷ ଭଗବାନଧରଣୀ କଲେ ଉଦ୍ଧାରଣ

Couplet 21

ତ୍ରୟୀମୟ ଯେ ତାଙ୍କ ମୂର୍ତ୍ତିକର୍ମ-ବିଶୁଦ୍ଧିରେ ତା ଚିନ୍ତି

Couplet 22

ସେ ମୂର୍ତ୍ତି ଦ୍ୱାଦଶ ପ୍ରକାରକରିଣ ବ୍ରହ୍ମାଣ୍ତଠାକୁର

Couplet 23

ଷଡ଼ଋତୁ ବସନ୍ତ ଆଦିଏ ଥିରେ ଯେତେକ ପ୍ରସିଦ୍ଧି

Couplet 24

ଯେ ଋତୁକାଳେ ଯେ ହୁଅନ୍ତିଆପଣେ ବିଧାନ କରନ୍ତି

Couplet 25

ଆଶ୍ରମମତେ ନାନାପଥେନାନାକର୍ମରେ ଯଥୋଚିତେ

Couplet 26

ମହାପୁରୁଷ ମହାଜନେନାନାଯୋଗରେ ଶ୍ରଦ୍ଧାମନେ

Couplet 27

ଯେ ତାଙ୍କ ଚରଣେ ସେବନ୍ତିସକଳ ପାପୁ ସେ ତରନ୍ତି

Couplet 28

ପରମ କଲ୍ୟାଣ ଲଭନ୍ତିଅନ୍ତେ ପରମଗତି ପାନ୍ତି

Couplet 29

ଏମନ୍ତେ ଶୁଣ ନୃପବରସେ ସୂର୍ଯ୍ୟଆତ୍ମା ପ୍ରାଣୀଙ୍କର

Couplet 30

ପୃଥିବୀ ଆକାଶ ମଧ୍ୟରେକାଳଚକ୍ରରେ ଏ ଶୂନ୍ୟରେ

Couplet 31

ଦ୍ୱାଦଶମାସକୁ ଭଜନ୍ତିସମ୍ବତ୍ସର ନାମ ବହନ୍ତି

Couplet 32

ମାସକେ ବେନିପକ୍ଷ କରିଭୁଞ୍ଜନ୍ତି ଅହୋରାତ୍ର କରି

Couplet 33

ସେ ବେନି ମାସେ ଏକ ଋତୁଛ ଋତୁ ସମ୍ବତ୍ସର ହେତୁ

Couplet 34

ଯେ କାଳ ନଭ ଅର୍ଦ୍ଧଭାଗେରହନ୍ତି କାଳଚକ୍ର ଲାଗେ

Couplet 35

ତାକୁ ଅୟନ ବୋଲି କହିଶୁଣ ରାଜନ ମନ ଦେଇ

Couplet 36

ଦ୍ୟାବାପୃଥିବୀର ସହିତେନଭୋମଣ୍ତଳକୁ ଯାବତେ

Couplet 37

ରବି ଭୁଞ୍ଜନ୍ତି ଯେତେକାଳେସମ୍ବତ୍ସରଟି ବୋଲି ତାରେ

Couplet 38

ଏ ଅନନ୍ତରେ ହେ ରାଜନଚନ୍ଦ୍ରର ଏ ରୂପେ ଗମନ

Couplet 39

ଲକ୍ଷେଯୋଜନର ଅନ୍ତରେସୂର୍ଯ୍ୟରଠାରୁ ସେ ବିହରେ

Couplet 40

ପ୍ରବଳଗତି ତାର ଖରେଚନ୍ଦ୍ର ଭୁଞ୍ଜନ୍ତି ଯେ ବେଭାରେ

Couplet 41

ସୂର୍ଯ୍ୟଙ୍କ ଭୋଗ ବେନିପକ୍ଷେବେନିନକ୍ଷତ୍ର ପାଦଋକ୍ଷେ

Couplet 42

ପକ୍ଷଭୋଗକୁ ଏକଦିନେଭୁଞ୍ଜନ୍ତି ଅହୋରାତ୍ରମାନେ

Couplet 43

ଏ ଅନନ୍ତରେ ନୃପବରବର୍ଦ୍ଧିତକଳା-ଶଶଧର

Couplet 44

ଅହୋରାତ୍ର ସେ ଦେବଙ୍କରସେ ଶୁକ୍ଳପକ୍ଷରେ ବିହାର

Couplet 45

କ୍ଷୀଣକଳାରେ ପିତୃଙ୍କରଅହୋରାତ୍ର ହେ ନୃପବର

Couplet 46

ସେ ଯେ ସକଳ ପ୍ରାଣୀଙ୍କରଜୀବନଭୂତ-ଶଶଧର

Couplet 47

ଭୁଞ୍ଜନ୍ତି ତ୍ରିଂଶତମୂହୂର୍ତ୍ତଏକନକ୍ଷତ୍ର ଯଥୋଚିତ

Couplet 48

ଏଣୁ ସେ ଅନାଦିପୁରୁଷଷୋଡ଼ଶକଳା ସେ ବିଶେଷ

Couplet 49

ଅମୃତଶରୀରକୁ ଧରିପ୍ରାଣୀଙ୍କୁ ଆପ୍ୟାୟନ କରି

Couplet 50

ମନୁଷ୍ୟ ପଶୁପକ୍ଷୀ ଆଦିସରୀସୃପ ବୃକ୍ଷ ପ୍ରସିଦ୍ଧି

Couplet 51

ଏହାଙ୍କ ହୃଦରେ ବସନ୍ତିଏଣୁ ସେ ସର୍ବସୁଖ ଦ୍ୟନ୍ତି

Couplet 52

ଏହାର ଉର୍ଦ୍ଧ୍ୱେ ହେ ରାଜନତୃତୀୟ ଲକ୍ଷ ଯେ ଯୋଜନ

Couplet 53

ଭ୍ରମନ୍ତି ନକ୍ଷତ୍ର ସକଳେଜଗତପିତାର କୌଶଳେ

Couplet 54

ଏ ସବୁ ନକ୍ଷତ୍ର ବିଖ୍ୟାତଅଭିଜିତ ତାରା ସହିତ

Couplet 55

ନକ୍ଷତ୍ର ଯେ ଅଷ୍ଟାବିଂଶତିମେରୁର ଦକ୍ଷିଣେ ବସନ୍ତି

Couplet 56

ଦ୍ୱିଲକ୍ଷ ତାହାର ଉପରେଉଶନା ବାସ ଯେଉଁଠାରେ

Couplet 57

ଆଦିତ୍ୟ ପ୍ରାୟ ନାନାଗତିପାରୁଶେ ତାଙ୍କର ବସତି

Couplet 58

ଲୋକର ଯେ ଶୁଭ କଲ୍ୟାଣଏଥେଁ ସେ ନିତ୍ୟ ପରାୟଣ

Couplet 59

ଏ ଗ୍ରହ ସାଞ୍ଚାର ଯେ ହେଲେବୃଷ୍ଟି ହୁଅନ୍ତି ମହୀତଳେ

Couplet 60

ଶୁକ୍ରଙ୍କ କାର୍ଯ୍ୟର ସମାନବୁଧର କାର୍ଯ୍ୟର ପ୍ରମାଣ

Couplet 61

ଶୁକ୍ରଙ୍କ ଉପର-ଭାଗରେଦ୍ୱିଲକ୍ଷଯୋଜନ ଅନ୍ତରେ

Couplet 62

ସର୍ବଦା ବୁଧ ତହିଁ ରହିଜୀବଙ୍କ କଲ୍ୟାଣ ସାଧଇ

Couplet 63

ବୁଧ ନାମେ ଯେ ଚନ୍ଦ୍ରସୁତତହିଁରେ ତାହାଙ୍କରସ୍ଥିତ

Couplet 64

ପ୍ରାଣୀର ସୁଖେ ସେହୁ ଥାଇଯେବେ ସେ ସୂର୍ଯ୍ୟ ବେଗ ହୋଇ

Couplet 65

ଅତିଗମନ ଖରତରେଅନାବୃଷ୍ଟିକି ସେ ଆଚରେ

Couplet 66

ଦ୍ୱିଲକ୍ଷଯୋଜନ ଅନ୍ତରେମଙ୍ଗଳ ବୁଧଙ୍କ ଉପରେ

Couplet 67

ଏଥି ଅନ୍ତରେ ଏହା ରହିପ୍ରାଣୀଙ୍କ ମନ୍ଦ ଯେ କରଇ

Couplet 68

ଏକରାଶିରେ ତିନିପକ୍ଷମଙ୍ଗଳ ଭୁଞ୍ଜଇ ପ୍ରତ୍ୟକ୍ଷ

Couplet 69

ବକ୍ରଭାବରେ ଭୋଗକରେଏ କ୍ରମେ ଦ୍ୱାଦଶରାଶିରେ

Couplet 70

ମଙ୍ଗଳ ଉପର ଭାଗରେଦ୍ୱିଲକ୍ଷଯୋଜନ ଅନ୍ତରେ

Couplet 71

ତହିଁ ଅଛନ୍ତି ବୃହସ୍ପତିଯେ ଦେବପୁରୋହିତ ହୋନ୍ତି

Couplet 72

ଏକରାଶିରେ ସେ ବରଷେଭୋଗ ଯେ କରନ୍ତି ସନ୍ତୋଷେ

Couplet 73

ସେ ବୃହସ୍ପତି ଭଗବାନବ୍ରାହ୍ମଣକୁଳର କଲ୍ୟାଣ

Couplet 74

ଯେବେ ସେ ବକ୍ରଗତି ହୋଇକଦର୍ଯ୍ୟଫଳକୁ ଦିଅଇ

Couplet 75

ତହୁଁ ଦ୍ୱିଲକ୍ଷଯୋଜନରେରହି ଅଛନ୍ତି ଶନିଶ୍ଚରେ

Couplet 76

ଏକରାଶିରେ ଭୋଗ ତାରତିରିଶମାସ ନୃପବର

Couplet 77

ଅଶାନ୍ତି ସକଳେ କରଇଅଧିକ କେ ଅବା ଭୁଞ୍ଜଇ

Couplet 78

ତହିଁ ଉପରେ ହେ ରାଜନଏକାଦଶଲକ୍ଷ ଯୋଜନ

Couplet 79

ଋଷିଙ୍କ ବାସ ଯେ ସେଠାରେସେ କୃପା କରନ୍ତି ପ୍ରାଣୀରେ

Couplet 80

ଲୋକଙ୍କ ଭାବନ୍ତି କୁଶଳଅଶେଷ-କରୁଣାର ମୂଳ

Couplet 81

ବିଷ୍ଣୁ ପଦକୁ ନିତ୍ୟେ ଚିନ୍ତିପ୍ରଦକ୍ଷିଣରେ ଭ୍ରମୁଛନ୍ତି

Couplet 82

ସେ ମୁନିଗଣଙ୍କ ପୟରେମୋ ଚିତ୍ତ ରହୁ ନିରନ୍ତରେ

Couplet 83

କହଇ ବିପ୍ର ଜଗନ୍ନାଥପଞ୍ଚମସ୍କନ୍ଧେ ଭାଗବତ