Adhyaya 21

Couplet 1

ଭୁବନକୋଷ ପରିମାଣକହିଲୁ ଯେତେକ ଲକ୍ଷଣ

Couplet 2

ଏମନ୍ତ ଦିବିମଣ୍ତଳରଲକ୍ଷଣ ଶୁଣ ନୃପବର

Couplet 3

ଚଣକ ବେନିଫାଳ ଯେହ୍ନେଏକକୁ ଆରେକ ସମାନେ

Couplet 4

ତେସନ ଧରା ପରିମାଣଦିବିମଣ୍ତଳ ଯେ ସମାନ

Couplet 5

ଏ ବେନି ମଧ୍ୟେ ଯେ ଆକାଶସଂଲଗ୍ନ ତା ଉଭୟ ପାର୍ଶ୍ୱ

Couplet 6

ଏ ମଧ୍ୟଅନ୍ତରୀକ୍ଷେ ରହିସୂର୍ଯ୍ୟ ତ୍ରିଲୋକକୁ ତାପଇ

Couplet 7

ଅୟନ ବେନିଭାଗ ହୋଇଉତ୍ତର-ଦକ୍ଷିଣେ ଭ୍ରମଇଁ

Couplet 8

ମନ୍ଦ କ୍ଷିପ୍ର ବା ବେଗସମଦିନ ରାତି ବେନି ରାଜନ

Couplet 9

ମକରଠାରୁ ରାଶି ଯେତେଦୀର୍ଘ-ହ୍ରସ୍ୱ ଜାଣ ଯୁଗତେ

Couplet 10

ବିଷୁବେ ସମାନକୁ ପାଇପୁଣି ଦୀର୍ଘ-ହ୍ରସ୍ୱେ ବଢଇ

Couplet 11

ତୁଳା ମେଷ ବିଷୁବ ପାଇଅହୋରାତ୍ର ସମାନ ହୋଇ

Couplet 12

ଏସବୁ ଯେ ପରିବର୍ତ୍ତନସୁଧୀ କରନ୍ତି ପରିମାଣ

Couplet 13

ନ'କୋଟି ଏକାବନଲକ୍ଷଯୋଜନ ପ୍ରମା ପ୍ରତ୍ୟକ୍ଷ

Couplet 14

ମାନସୋତ୍ତରଗିରି ତହିଁଇନ୍ଦ୍ରର ପୁର ବିରାଜଇ

Couplet 15

ପୂର୍ବଭାଗରେ ସେ ମେରୁରଦେବଧାନୀ ନାମ ତାହାର

Couplet 16

ଯମର ପୁର ତା ଦକ୍ଷିଣେବିରାଜେ ସଂଯମନୀ ନାମେ

Couplet 17

ପଶ୍ଚିମେ ପୁର ବରୁଣରନିମ୍ନୋଚନୀ ନାମ ତାହାର

Couplet 18

ଉତ୍ତରଭାଗେ ଚନ୍ଦ୍ରପୁରୀନାମ ତାହାର ବିଭାବରୀ

Couplet 19

ତହିଁ ଉଦୟ ମଧ୍ୟ ଅସ୍ତନିଶୀଥକାଳ ଯେ ବିଦିତ

Couplet 20

ସୁମେରୁ ଚତ୍ୱାରଦିଗରେପ୍ରାଣୀ ପ୍ରବୃତ୍ତି-ନିବୃତ୍ତିରେ

Couplet 21

ଅହର୍ନିଶି ଭାବରେ ରହିପ୍ରାଣୀଙ୍କ ସମୟ ହୁଅଇ

Couplet 22

ବାମାବର୍ତ୍ତନ କରି ତହିଁନିତ୍ୟେ ଆଦିତ୍ୟ ସେ ଭ୍ରମଇଁ

Couplet 23

ଉଦୟ କାଳେ ଯେ ଲକ୍ଷଣଅସ୍ତକାଳରେ ସେହି ପୁଣ

Couplet 24

ଦ୍ୱିକୋଟିଦ୍ୱାଦଶଯୋଜନଲକ୍ଷରେ କରି ପରିମାଣ

Couplet 25

ପଞ୍ଚଦଶଘଟିକା ବେଳେଇନ୍ଦ୍ରର ପୁରୁ ଅବହେଳେ

Couplet 26

ଯମର ପୁରରେ ପ୍ରବେଶସେଠାରେ କରନ୍ତି ପ୍ରକାଶ

Couplet 27

ଏଥୁଁ ବରୁଣଆଦି ଯେତେଆଦିତ୍ୟ ଭ୍ରମନ୍ତି ସେ ନିତ୍ୟେ

Couplet 28

ଚନ୍ଦ୍ରାଦି ଯେତେ ଗ୍ରହମାନଏହି କ୍ରମରେ ସେ ଭ୍ରମଣ

Couplet 29

ଜ୍ୟୋତିଷଚକ୍ର ଏ ପ୍ରକାରେଭ୍ରମଇଁ ଚତ୍ୱାର-ଦିଗରେ

Couplet 30

ଆଦିତ୍ୟ ରଥର ଗମନମୁହୂର୍ତ୍ତକରେ ହେ ରାଜନ

Couplet 31

ଚଉତ୍ରିଂଶଲକ୍ଷ ଯୋଜନଅଷ୍ଟଶତଅଧିକ ପୁଣ

Couplet 32

ଇନ୍ଦ୍ରାଦି ସର୍ବଦେବ ପୁରେଏ କ୍ରମେ ଭ୍ରମନ୍ତି ନିଶ୍ଚଳେ

Couplet 33

ଶତେକ ପାଖୁଡା ପଦ୍ମରସୂଚି ମାରନ୍ତେ ନୃପବର

Couplet 34

ସେ ଯେହ୍ନେ ତ‌ତ୍କାଳେ ଗଳଇତେସନେ ଶୀଘ୍ର ସେ ଚଳଇ

Couplet 35

ଦ୍ୱାଦଶ ଅର ନାମ ତାରସେ ରଥେ ଏକ ଚକ୍ରବର

Couplet 36

ସୁମେରୁ-ମସ୍ତକ ଉପରେକ୍ରମେ ସେ ମାନସଉତ୍ତରେ

Couplet 37

ତୈଳଯନ୍ତ୍ରର ପ୍ରାୟ ହୋଇରବିର ରଥ ସେ ଭ୍ରମଇଁ

Couplet 38

ରଥର ଗର୍ଭ ପରିମାଣଷଡ଼ତ୍ରିଂଶ ଲକ୍ଷ ଯୋଜନ

Couplet 39

ଚତୁର୍ଥଭାଗ ଉଚ୍ଚ ହୋଇଯୁଗ ସେ ବିସ୍ତାରେ ଅଟଇ

Couplet 40

ସପତଛନ୍ଦ ଅଶ୍ୱ ହୋନ୍ତିଆଦିତ୍ୟଦେବଙ୍କୁ ବହନ୍ତି

Couplet 41

ଅରୁଣ ସାରଥି ତହିଁରେତପତଅଶ୍ୱ ଯେଝାଠାରେ

Couplet 42

ଅଙ୍ଗୁଷ୍ଠ-ପବମାତ୍ର ହୋଇଷାଠିସହସ୍ର ମୁନି ତହିଁ

Couplet 43

ବିବିତ ସେ ବାଳଖିଲ୍ୟାରେରବିରଥ ଅଗ୍ରଭାଗରେ

Couplet 44

ମୁନିଏ ସର୍ବେ ନାନାମତେସ୍ତୁତି କରନ୍ତି ଯଥୋଚିତେ

Couplet 45

ଅନ୍ୟ ଯେ ନାନା ଋଷିଗଣଗନ୍ଧର୍ବ ସିଦ୍ଧ ଯେ ଚାରଣ

Couplet 46

ସକଳ ଯକ୍ଷଙ୍କର ବରଅପ୍‌ସରାଗଣେ ଯେଝାଠାର

Couplet 47

ଯେ ଯାତୁଧାନ ନାଗମାନସଙ୍ଗତେ ଘେନି ଯେଝାଗଣ

Couplet 48

ଅପ୍‌ସରାଗଣ ନୃତ୍ୟଗୀତେଏମନ୍ତେ ଯେ ଯାହାର ମତେ

Couplet 49

ସେ ସୂର୍ଯ୍ୟରୂପୀ ଭଗବାନଅଖିଳ-ଆତ୍ମାର କାରଣ

Couplet 50

ତାହାଙ୍କ ଚରଣାରବିନ୍ଦେନମନ୍ତି ପରମ ଆନନ୍ଦେ

Couplet 51

ଯେ ଯାହା କର୍ମ ଅନୁମତେସେବନ୍ତି ତାଙ୍କ ପାଦଗତେ

Couplet 52

ନବକୋଟିଲକ୍ଷ ଯୋଜନଅଧିକ ଲକ୍ଷ ଏକାବନ

Couplet 53

କ୍ଷଣମାତ୍ରକେ ଭଗବାନବେନିସହସ୍ର ଯେ ଯୋଜନ

Couplet 54

ଏମନ୍ତ କୋଷ ଯେ ଭୁବନସେ ସୂର୍ଯ୍ୟ କରନ୍ତି ଭ୍ରମଣ

Couplet 55

ଅଖିଳ ଅନାଦି କାରଣସେ ସୂର୍ଯ୍ୟରୂପକୁ ଧରିଣ

Couplet 56

ଭ୍ରମନ୍ତି ପ୍ରାଣୀଙ୍କର ହିତେତାହାଙ୍କ ପାଦପଦ୍ମଗତେ

Couplet 57

ମୁଁ ଯେ ପାମର ମୂଢଚିତ୍ତତହିଁରେ ରହୁ ଅବିରତ

Couplet 58

ଅଚିନ୍ତ୍ୟ ତାହାଙ୍କ ଚରିତକହଇ ଦାସ ଜଗନ୍ନାଥ